Business
-
കേരളത്തിൽ നിക്ഷേപത്തിനു തയ്യാറെടുത്ത് നോർവേ മലയാളികൾ
കേരളത്തിൽ സംരംഭം ആരംഭിക്കാൻ താൽപര്യമുണ്ടെന്ന് നോർവേ മലയാളികൾ. നോർവ്വേയിലെ മലയാളി കൂട്ടായ്മയായ ‘നന്മ’യുടെ സ്വീകരണ സമ്മേളനത്തിൽ പങ്കെടുക്കാൻ എത്തിയ മുഖ്യമന്ത്രിയുടെ മുന്നിലാണ് നിക്ഷേപത്തിന് തയ്യാറാണെന്ന് ചിലർ സൂചിപ്പിച്ചത്. അതിനുള്ള എല്ലാ സഹായവും നൽകാമെന്ന് മുഖ്യമന്ത്രി പറഞ്ഞു. സർക്കാർ കേരളത്തിൽ നടപ്പിലാക്കാൻ ഉദ്ദേശിക്കുന്ന കാര്യങ്ങളും നോർവ്വ സന്ദർശനത്തിൻ്റെ നേട്ടങ്ങളും മുഖ്യമന്ത്രി മലയാളി അസോസിയേഷന് മുന്നിൽ വിശദീകരിച്ചു. ഇവിടെ കാണുന്ന പല സൗകര്യങ്ങളും നമ്മുടെ നാട്ടിലും ഉണ്ടാകണമെന്ന് നിങ്ങൾ ആഗ്രഹിക്കുന്നുണ്ടാകുമെന്നും അതിനായി നമുക്ക് ഒന്നിച്ച് ശ്രമിക്കാമെന്നും മുഖ്യമന്ത്രി വ്യക്തമാക്കി. നവകേരള കാഴ്ചപാടിൻ്റെ പ്രധാന ഉള്ളടക്കവും കഴിഞ്ഞ ആറു വർഷം നടപ്പിലാക്കിയ പ്രധാന കാര്യങ്ങളും മുഖ്യമന്ത്രി വിശദീകരിച്ചു. 1970 മുതൽ നോർവ്വേയിൽ മലയാളി സാന്നിധ്യമുണ്ടെങ്കിലും 2000 മുതലാണ് മലയാളികൾ കുടുതലായി കുടിയേറാൻ തുടങ്ങിയത്. പ്രൊഫഷണലുകളാണ് ഇവരിൽ ഭൂരിഭാഗവും.. നോർവ്വേയിലെ പെൻഷൻ സംവിധാനത്തെ കുറിച്ച് വിശദമായ പഠനം നടത്താൻ ഉദ്ദേശിക്കുന്നതായി പിണറായി വിജയൻ സൂചന നൽകി. ആദ്യമായാണ് കേരളത്തിൻ്റെ മുഖ്യമന്ത്രി നോർവ്വേയിലെത്തുന്നതെന്നും അതിൽ തങ്ങൾക്ക് അഭിമാനമുണ്ടെന്നും…
Read More » -
മാര്ക്കറ്റിംഗിനുള്ള ‘പാറ്റ’ അന്താരാഷ്ട്ര സുവര്ണ പുരസ്ക്കാരം കേരള ടൂറിസത്തിന്
തിരുവനന്തപുരം: അച്ചടി മാര്ക്കറ്റിംഗ് പ്രചാരണത്തിനായുള്ള പസഫിക് ഏഷ്യ ട്രാവല് അസോസിയേഷന്റെ (പാറ്റ) സുവര്ണ പുരസ്ക്കാരം കേരള ടൂറിസത്തിന്. വെര്ച്വലായി നടന്ന ചടങ്ങില് പാറ്റ സിഇഒ ലിസ് ഒര്ട്ടിഗുവേര, മക്കാവു ഗവണ്മന്റ് ടൂറിസം ഓഫീസിന്റെ ഡയറക്ടര് മരിയ ഹെലേന ഡി സെന്ന ഫെര്ണാണ്ടസ് എന്നിവരില് നിന്ന് കേരള ടൂറിസം ഡയറക്ടര് പി ബി നൂഹ് പുരസ്ക്കാരം ഏറ്റുവാങ്ങി. മാര്ക്കറ്റിംഗ്, സുസ്ഥിരതയും സാമൂഹ്യ പ്രതിബദ്ധതയുമെന്ന വിഭാഗത്തില് 25 വ്യക്തിഗത പുരസ്ക്കാരങ്ങളാണ് നല്കിയത്. ഇതില് മാര്ക്കറ്റിംഗ് വിഭാഗത്തിലെ സുവര്ണ പുരസ്ക്കാരമാണ് കേരള ടൂറിസം കരസ്ഥമാക്കിയത്. ‘എ ചേഞ്ച് ഓഫ് എയര്’ എന്ന പ്രചാരണപരിപാടിയാണ് കേരള ടൂറിസത്തിന് പുരസ്ക്കാരത്തിനര്ഹമാക്കിയത്. അന്താരാഷ്ട്ര ടൂറിസം രംഗത്തെ സുപ്രധാന ഇടമാക്കി കേരളത്തെ മാറ്റാനുള്ള ശ്രമങ്ങള്ക്കുള്ള അംഗീകാരമാണ് പാറ്റ സുവര്ണ പുരസ്ക്കാരമെന്ന് സംസ്ഥാന ടൂറിസം മന്ത്രി ശ്രീ പി എ മുഹമ്മദ് റിയാസ് പറഞ്ഞു. ലോകത്തെ 50 ടൂറിസം കേന്ദ്രങ്ങളില് ഒന്നായി കേരളത്തെ ടൈം മാസിക തെരഞ്ഞെടുത്തതിന് പുറമെയാണ് പാറ്റ പുരസ്ക്കാരലബ്ധിയെന്നതും…
Read More » -
ഇന്ത്യയിലെ ഏറ്റവും വലിയ ബിസ്ക്കറ്റ് നിർമ്മാതാക്കളായ ബ്രിട്ടാനിയ ആഫ്രിക്കയിലെ വ്യാപാരം വിപുലീകരിക്കുന്നു
ഇന്ത്യയിലെ ഏറ്റവും വലിയ ബിസ്ക്കറ്റ് നിർമ്മാതാക്കളായ ബ്രിട്ടാനിയ ഇൻഡസ്ട്രീസ് ആഫ്രിക്കയിലെ വ്യാപാരം വിപുലീകരിക്കുന്നു. ഇതിന്റെ ഭാഗമായി കെനിയയിലെ പ്രവർത്തനങ്ങൾക്കായി നെയ്റോബി ആസ്ഥാനമായുള്ള കെനാഫ്രിക് ഇൻഡസ്ട്രീസുമായി കരാറിലെത്തി. 20 മില്യൺ ഡോളറിന്റെ ഇടപാടിലാണ് ബ്രിട്ടാനിയ കരാർ ഒപ്പുവെച്ചത്. വിപുലീകരണത്തിന്റെ ഭാഗമായി നെയ്റോബിയിലെ നവീകരിച്ച ഫാക്ടറി ഈ ആഴ്ച ആരംഭിക്കുമെന്ന് കെനാഫ്രിക് ഇൻഡസ്ട്രീസ് വ്യക്തമാക്കിയിട്ടുണ്ട്. ഇന്ത്യയിലെ ഗുഡ് ഡേ, മേരി ഗോൾഡ്,ടൈഗർ എന്നിങ്ങനെയുള്ള വളരെയധികം സ്വീകാര്യത നേടിയ ബിസ്ക്കറ്റുകളുടെ നിർമ്മാതാക്കളാണ് ബ്രിട്ടാനിയ. 130 വർഷം പഴക്കമുള്ള ബ്രിട്ടാനിയ കമ്പനി വടക്കേ അമേരിക്ക, യൂറോപ്പ്, ആഫ്രിക്ക, തെക്കുകിഴക്കൻ ഏഷ്യ, മിഡിൽ ഈസ്റ്റ് എന്നിവിടങ്ങളിലായി 80- ലധികം രാജ്യങ്ങളിൽ പടർന്നു കിടക്കുന്ന വ്യവസായ സ്ഥാപനമാണ്. ബിസ്ക്കറ്റുകൾക്ക് പുറമെ കേക്ക്, ബ്രെഡ്, പാലുൽപ്പന്നങ്ങൾ എന്നിവയും ബ്രിട്ടാനിയയുടേതായി വിപണിയിൽ എത്തുന്നുണ്ട്. കമ്പനി അടുത്തിടെ ഈജിപ്തിലും ഉഗാണ്ടയിലും പുതിയ വ്യവസായ യൂണിറ്റുകൾ ആരംഭിച്ചിട്ടുണ്ട്. കെനിയയിലും നൈജീരിയയിലും കൂടുതൽ വ്യവസായ സാദ്ധ്യതകൾ തേടുകയാണ് ബ്രിട്ടാനിയ കമ്പനി. അതേസമയം കെനിയ കരാറിനെ കുറിച്ച് ബ്രിട്ടാനിയ…
Read More » -
റിലയന്സ് ജിയോ തങ്ങളുടെ ആദ്യത്തെ ലാപ്ടോപ്പ് പുറത്തിറക്കി; വില കണ്ടാല് നിങ്ങള് ഞെട്ടും !
ദില്ലി: റിലയൻസ് ജിയോ തങ്ങളുടെ ആദ്യത്തെ ലാപ്ടോപ്പ് രാജ്യത്ത് അവതരിപ്പിച്ചു. സർക്കാർ ഇ-മാർക്കറ്റ്പ്ലേസ് (ജിഇഎം) പോർട്ടലിൽ ഈ ലാപ്ടോപ്പ് ഇപ്പോള് ലിസ്റ്റ് ചെയ്തിട്ടുണ്ട്. ജിയോ ക്വാൽകോം സ്നാപ്ഡ്രാഗൺ 665 11.6 ഇഞ്ച് നെറ്റ്ബുക്ക് എന്നാണ് ലാപ്ടോപ്പിന്റെ പേര്. ലാപ്ടോപ്പിന്റെ വില 19,500 രൂപയാണ്. ഇത് ഇതിനകം വിൽപ്പനയിലാണെങ്കിലും, എല്ലാവർക്കും ഇത് വാങ്ങാൻ കഴിയില്ല. ജിഇഎം പോർട്ടൽ വഴി സർക്കാർ വകുപ്പുകൾക്ക് മാത്രമേ ഷോപ്പിംഗ് നടത്താൻ കഴിയൂ. ദീപാവലിക്ക് പൊതുജനങ്ങൾക്ക് ലാപ്ടോപ്പ് ലഭ്യമാക്കുമെന്നാണ് പ്രതീക്ഷിക്കുന്നത്. ഇന്ത്യ മൊബൈൽ കോൺഗ്രസിന്റെ (IMC) 2022 ആറാം പതിപ്പിൽ ജിയോബുക്ക് ഇതിനകം തന്നെ പ്രദർശിപ്പിച്ചിട്ടുണ്ട്. ഗവൺമെന്റ് ഇ-മാർക്കറ്റ്പ്ലെയ്സ് വെബ്സൈറ്റിൽ ലിസ്റ്റ് ചെയ്തിരിക്കുന്നതുപോലെ, ലാപ്ടോപ്പ് ക്വാൽകോം സ്നാപ്ഡ്രാഗൺ 665 ഒക്ടാ-കോർ പ്രോസസറിലാണ് പ്രവര്ത്തിക്കുന്നത്. കമ്പനിയുടെ സ്വന്തം ജിയോ ഒഎസ് ഓപ്പറേറ്റിംഗ് സിസ്റ്റത്തിലാണ് ലാപ്ടോപ്പ് പ്രവർത്തിക്കുന്നത്. ജിയോ ലാപ്ടോപ്പ് 2GB LPDDR4X റാമിലാണ് എത്തുന്നത് എന്നാണ് സ്പെസിഫിക്കേഷൻ ഷീറ്റ് വെളിപ്പെടുത്തുന്നത്. ഈ ലാപ്പില് റാം വിപുലീകരണം നടത്താന് സാധിക്കില്ല. റാം…
Read More » -
ടാറ്റ മോട്ടോഴ്സ് കഴിഞ്ഞ മാസം വിറ്റത് 47,864 പാസഞ്ചർ വാഹനങ്ങൾ
ടാറ്റ മോട്ടോഴ്സ് 2022 സെപ്റ്റംബറിലെ വിൽപ്പന കണക്കുകൾ പുറത്തുവിട്ടു. കമ്പനി കഴിഞ്ഞ മാസം മൊത്തം 47,864 പാസഞ്ചർ വാഹനങ്ങൾ ചില്ലറ വിൽപ്പന നടത്തിയെന്നും അതുവഴി 85 ശതമാനം വാർഷിക വളർച്ച രേഖപ്പെടുത്തി എന്നുമാണ് കണക്കുകള്. ടാറ്റ 3,655 ഇലക്ട്രിക് വാഹനങ്ങളും ( ടാറ്റ നെക്സോൺ ഇവി , ടാറ്റ ടിഗോർ ഇവി ) 43,999 ഐസിഇ ഇന്ധന വാഹനങ്ങളും വിറ്റു. കഴിഞ്ഞ മാസം മൊത്തം 47,654 വാഹനങ്ങൾ വിറ്റു. കഴിഞ്ഞ വർഷം ഇതേ കാലയളവിലെ വിൽപ്പനയുമായി താരതമ്യം ചെയ്യുമ്പോൾ ബ്രാൻഡ് 85 ശതമാനം വളർച്ച രേഖപ്പെടുത്തി. കമ്പനിയില് നിന്നുള്ള മറ്റൊരു വാർത്തയിൽ, ടാറ്റ മോട്ടോഴ്സ് കഴിഞ്ഞ മാസം രണ്ട് പുതിയ കാറുകൾ പുറത്തിറക്കി. ആദ്യത്തേത് പഞ്ച് മൈക്രോ-എസ്യുവിയുടെ കാമോ പതിപ്പാണ് , ഇത് 6.85 ലക്ഷം രൂപ പ്രാരംഭ വിലയിൽ ലഭ്യമാണ് (എക്സ്-ഷോറൂം). 8.49 ലക്ഷം രൂപ പ്രാരംഭ വിലയിൽ (എക്സ്-ഷോറൂം) ഇന്ത്യൻ വാഹന നിർമ്മാതാവ് ടാറ്റ ടിയാഗോ ഇവിയും രാജ്യത്ത്…
Read More » -
ബിഎസ്എൻഎൽ 4ജി നവംബറിൽ, 5ജിയും ഉടന്
ദില്ലി: ബിഎസ്എൻഎൽ 4ജി സേവനങ്ങൾ നവംബർ മാസത്തോടെ ലഭ്യമായി തുടങ്ങുമെന്ന് വിവരം. ഈ 4ജി നെറ്റ്വർക്ക് സംവിധാനം അടുത്തവർഷം ഓഗസ്റ്റ് മാസത്തോടെ 5ജി ആക്കി പരിഷ്കരിക്കും. അടുത്ത 18 മാസം കൊണ്ട് 1.25 ലക്ഷം 4ജി മൊബൈൽ സൈറ്റുകൾ അവതരിപ്പിക്കുമെന്നും ബിഎസ്എൻഎൽ ചെയർമാനും മാനേജിങ് ഡയറക്ടറുമായ പികെ പുർവർ പറഞ്ഞു. തദ്ദേശീയമായി വികസിപ്പിച്ചെടുത്ത 4ജി നെറ്റ്വർക്ക് സംവിധാനമാണ് ബിഎസ്എൻഎൽ അവതരിപ്പിക്കുന്നത്. ഇതിനായി ടിസിഎസിന്റെയും, സി-ഡോട് നേതൃത്വം നൽകുന്ന കൺസോർഷ്യത്തിന്റെയും സഹായം ബിഎസ്എൻഎൽ തേടുന്നുണ്ട്. അടുത്തവർഷം സ്വാതന്ത്ര്യദിനത്തിന് മുൻപ് ബിഎസ്എൻഎൽ 5ജി അവതരിപ്പിക്കണം എന്നാണ് ടെലികോം മന്ത്രാലയത്തിന്റെ നിർദ്ദേശം. ഈ സമയപരിധി മുൻനിർത്തി തന്നെയാണ് തങ്ങളുടെ പ്രവർത്തനമെന്ന് ബിഎസ്എൻഎൽ ചെയർമാൻ പറഞ്ഞു. ലോകത്ത് ടെലികോം കമ്പനികൾക്ക് ഏറ്റവും കുറഞ്ഞ എ ആർ പി യു ( ഒരു ഉപഭോക്താവിൽ നിന്നുള്ള ശരാശരി വരുമാനം) ഉള്ളത് ഇന്ത്യയിൽ ആണെന്നും, ഇത് കമ്പനികളുടെ നിലനിൽപ്പിന് സഹായകരമാണോ എന്നത് പരിശോധിക്കണമെന്നും അദ്ദേഹം പറഞ്ഞു. സംസ്ഥാനവ്യാപകമായി അവതരിപ്പിക്കുന്നതിന് മുന്നോടിയായി…
Read More » -
വില്പ്പന സമ്മര്ദ്ദത്തില് കുത്തനെ ഇടിഞ്ഞു; വിപണികള് നഷ്ടത്തില് വ്യാപാരം അവസാനിപ്പിച്ചു
മുംബൈ: തുടർച്ചയായ ഇടിവിന് ശേഷം വെള്ളിയാഴ്ച തിരിച്ചു വരവ് നടത്തിയ ഓഹരി വിപണി ഇന്ന് വീണ്ടും വില്പന സമ്മർദ്ദത്തിലേക്ക് വീണു. ദുർബലമായ ആഗോള സൂചനകൾക്കൊടുവിൽ ആഭ്യന്തര സൂചികകൾ നഷ്ടത്തിലായി. സെൻസെക്സ് 638.11 പോയിന്റ് അഥവാ 1.11 ശതമാനം താഴ്ന്ന് 56,788.81ലും നിഫ്റ്റി 207 പോയിന്റ് അഥവാ 1.21 ശതമാനം താഴ്ന്ന് 16,887.30ലുമാണ് ഇന്ന് വ്യാപാരം അവസാനിപ്പിച്ചത്. വ്യക്തിഗത ഓഹരികളിൽ ഒൻപത് ശതമാനം ഇടിഞ്ഞ അദാനി എന്റർപ്രൈസസാണ് നിഫ്റ്റിയിൽ ഏറ്റവും താഴേക്ക് പോയത്. ഐഷർ മോട്ടോഴ്സ്, മാരുതി സുസുക്കി, അദാനി പോർട്ട്സ്, ഹിൻഡാൽകോ, ടാറ്റ കൺസ്യൂമർ പ്രോഡക്ട്സ്, എച്ച്യുഎൽ, കൊട്ടക് ബാങ്ക്, ഐടിസി, എച്ച്ഡിഎഫ്സി ലൈഫ്, ബ്രിട്ടാനിയ, എസ്ബിഐ, ടാറ്റ മോട്ടോഴ്സ് എന്നെ ഓഹരികളും നഷ്ടത്തിലാണ്. രണ്ട് ശതമാനം മുതൽ ആറ് ശതമാനം വരെയാണ് ഇവ ഇടിഞ്ഞത്. അതേസമയം ഒഎൻജിസി, സിപ്ല, കോൾ ഇന്ത്യ, ഡോ.റെഡ്ഡീസ് ലാബ്സ്, ബിപിസിഎൽ, ദിവിസ് ലാബ്സ്, ഭാരതി എയർടെൽ എനിക സൂചികകളുടെ നഷ്ടം നികത്തി നേട്ടത്തിലേക്ക് കുതിച്ചു.…
Read More » -
ഇന്ത്യയില് നിന്ന് യുഎഇയിലേക്ക് പ്രതിദിന സര്വീസുമായി വിസ്താര
അബുദാബി: വിസ്താര എയര്ലൈന്സിന്റെ മുംബൈ-അബുദാബി പ്രതിദിന സര്വീസ് ആരംഭിച്ചു. ആദ്യ വിമാനം മുംബൈയില് നിന്ന് വൈകിട്ട് 7.10ന് പുറപ്പെട്ട് യുഎഇ സമയം രാത്രി 8.40ന് അബുദാബി രാജ്യാന്തര വിമാനത്താവളത്തില് എത്തി. തിരികെ അബുദാബിയില് നിന്ന് രാത്രി 9.40ന് പുറപ്പെടുന്ന വിമാനം മുംബൈയില് വെളുപ്പിനെ 2.45ന് എത്തിച്ചേരുന്ന രീതിയിലാണ് സമയക്രമം. ബിസിനസ്, പ്രീമിയം, ഇക്കോണമി ക്ലാസ് സേവനങ്ങളാണ് യാത്രക്കാര്ക്ക് ലഭിക്കുക. മുംബൈയില് നിന്ന് റാസല്ഖൈമയിലേക്കുള്ള ഇന്ഡിഗോ എയര്ലൈന്സിന്റെ ആദ്യ സര്വീസും കഴിഞ്ഞ ആഴ്ച ആരംഭിച്ചിരുന്നു. നിലവില് പ്രതിദിന സര്വീസുകള്ക്ക് 625 ദിര്ഹം മുതലാണ് ടിക്കറ്റ് നിരക്കുകള്. റാസല്ഖൈമ കിരീടാവകാശി ശൈഖ് മുഹമ്മദ് ബിന് സൗദ് ബിന് സഖര് അല് ഖാസിമി, റാക് അന്താരാഷ്ട്ര വിമാനത്താവള മേധാവി ശൈഖ് സലേം ബിന് സുല്ത്താന് അല് ഖാസിമി എന്നിവര് ആദ്യ വിമാനത്തെ സ്വീകരിക്കാനെത്തി. 180 യാത്രക്കാരാണ് ആദ്യ വിമാനത്തിലുണ്ടായിരുന്നത്. ഇതില് യുഎഇയിലെ ഇന്ത്യന് സ്ഥാനപതി സഞ്ജയ് സുധീറും ഇന്ഡിഗോ എയര്ലൈന്സ് സിഇഒ പീറ്റര് എല്ബേര്സും ഉണ്ടായിരുന്നു.…
Read More » -
വമ്പന് വളര്ച്ചയില് മഹീന്ദ്ര; സെപ്റ്റംബറില് വിറ്റത് 34,500-ല് അധികം എസ്യുവികള്
രാജ്യത്തെ പ്രമുഖ എസ്യുവി നിര്മ്മാതാക്കളായ മഹീന്ദ്ര ആൻഡ് മഹീന്ദ്രയ്ക്ക് 2022 സെപ്റ്റംബർ മികച്ച മാസമായിരുന്നു എന്ന് റിപ്പോര്ട്ട്. കഴിഞ്ഞ മാസത്തെ വില്പ്പന കണക്കുകള് പുറത്തുവരുമ്പോള് കമ്പനിക്ക് കഴിഞ്ഞ വർഷം ഇതേ മാസത്തിലെ വില്പ്പനയുമായി താരതമ്യപ്പെടുത്തുമ്പോള് വമ്പൻ വളര്ച്ചയാണ്. 2021 സെപ്റ്റംബര് മാസത്തിലെ 12,863 യൂണിറ്റുകളിൽ നിന്ന് ഈ സെപ്റ്റംബറില് 34,508 യൂണിറ്റുകളാണ് മഹീന്ദ്ര വിറ്റത് എന്നാണ് കണക്കുകള്. ഇതനുസരിച്ച് 2കമ്പനി 168 ശതമാനം എന്ന വൻതോതിലുള്ള വാര്ഷിക വിൽപ്പന രേഖപ്പെടുത്തി. അതേസമയം അടുത്തിടെ, പുതിയ മഹീന്ദ്ര സ്കോർപിയോ എൻ എസ്യുവിയുടെ ഡെലിവറി രാജ്യത്തുടനീളം ആരംഭിച്ചു. 2022 നവംബർ അവസാനത്തോടെ ഏകദേശം 25,000 സ്കോർപ്പിയോ എൻ കൈമാറാനാണ് വാഹന നിർമാതാക്കൾ ലക്ഷ്യമിടുന്നത്. മഹീന്ദ്രയുടെ ഭാവി പദ്ധതിയെക്കുറിച്ച് പറയുകയാണെങ്കില്, 2023 ജനുവരിയിൽ XUV400 ഇലക്ട്രിക് എസ്യുവി ലോഞ്ച് കമ്പനി സ്ഥിരീകരിച്ചു. ആദ്യ ഘട്ടത്തിൽ 16 നഗരങ്ങളിൽ മോഡൽ ലഭ്യമാക്കും. പുതിയ മഹീന്ദ്ര XUV400-ന്റെ പവർട്രെയിൻ സജ്ജീകരണത്തിൽ 39.5kWH ബാറ്ററി പാക്ക് 148bhp മൂല്യവും 310Nm…
Read More » -
മുതിർന്ന പൗരമാരുടെ ഇളവുകൾ വെട്ടിക്കുറച്ച് എയർ ഇന്ത്യ
മുംബൈ: വിദ്യാർത്ഥികൾക്കും മുതിർന്ന പൗരന്മാർക്കുമുള്ള ഇളവുകൾ വെട്ടിക്കുറച്ച് എയർ ഇന്ത്യ. ടാറ്റ ഗ്രൂപ്പിന് കീഴിലുള്ള എയർ ഇന്ത്യ ഇളവുകൾ 50 ശതമാനത്തിൽ നിന്ന് 25 ശതമാനമായാണ് വെട്ടിക്കുറച്ചത്. അടിസ്ഥാന നിരക്കുകളിലെ പുതുക്കിയ ഇളവ് സെപ്റ്റംബർ 29 മുതൽ പ്രാബല്യത്തിൽ വന്നു. നിരക്കുകൾ വെട്ടികുറച്ചാലും എയർ ഇന്ത്യയിൽ മറ്റ് സ്വകാര്യ എയർലൈനുകളെ അപേക്ഷിച്ച് ഇരട്ടി ഇളവ് ലഭിക്കും. നിലവിൽ, സായുധ സേനാംഗങ്ങൾ, ഗാലൻട്രി അവാർഡ് ലഭിച്ചവർ, അർജുന അവാർഡ് ജേതാക്കൾ, രാഷ്ട്രപതിയുടെ പോലീസ് മെഡൽ നേടിയവർ, അന്ധരായ ആളുകൾ, കാൻസർ രോഗികൾ, ലോക്കോമോട്ടർ വൈകല്യമുള്ളവർ എന്നിവർക്ക് എയർ ഇന്ത്യ ഇളവുകൾ നൽകുന്നുണ്ട്. മൊത്തത്തിലുള്ള വിപണി സാഹചര്യം കണക്കിലെടുത്താണ് ഇളവുകൾ വെട്ടിക്കുറച്ചത് എന്ന് എയർ ഇന്ത്യ അറിയിച്ചിട്ടുണ്ട്. എയർലൈനിന്റെ ടിക്കറ്റിംഗ് ഓഫീസുകളിൽ നിന്നോ കോൾ സെന്ററിൽ നിന്നോ വെബ്സൈറ്റിൽ നിന്നോ ടിക്കെറ്റുകൾ ബുക്ക് ചെയ്യുമ്പോൾ അടിസ്ഥാന നിരക്കിൽ മാത്രമാണ് ഇളവ് നൽകുന്നുണ്ട്. ടിക്കറ്റ് ബുക്കിംഗിന്റെ ആദ്യ ഘട്ടത്തിൽ തന്നെ എയർലൈനിന്റെ വെബ്സൈറ്റിൽ ഇളവുകൾ തെരഞ്ഞെടുക്കാനുള്ള…
Read More »