Food
-
അരയ്ക്കുമ്പോള്‍ കുറച്ച് ഐസ് ക്യൂബുകള്‍ ചേര്‍ത്തുനോക്കൂ! അത്ഭുതം കാണാം
ദോശയും ഇഡ്ഡലിയുമൊക്കെ ഇഷ്ടമില്ലാത്ത മലയാളികള്‍ കുറവായിരിക്കും. എന്നാല്‍, മാവ് അരച്ച് ഉണ്ടാക്കിക്കഴിയുമ്പോള്‍ പലര്‍ക്കും ഉദ്ദേശിച്ച രീതിയില്‍ ഇവ തയ്യാറാക്കാന്‍ സാധിക്കാറില്ല. കട്ടിയായി പോകുന്നുവെന്നും സ്വാഭാവിക സ്വാദ് ലഭിക്കുന്നില്ലെന്നും പരാതി പറയുന്നവര്‍ നിരവധിയാണ്. എന്നാല്‍ സിമ്പിള്‍ ഒരു സൂത്രവിദ്യ ഉപയോഗിച്ച് ഇതിന് പരിഹാരം കാണാം. ഇഡ്ഡലി. ദോശ എന്നിവയ്ക്കായി അരയ്ക്കുമ്പോള്‍ കൂടുതല്‍ സോഫ്ട് ആകാന്‍ അരിക്കും ഉഴുന്നിനുമൊപ്പം വെള്ളത്തിന് പകരം കുറച്ച് ഐസ് ക്യൂബുകള്‍ ചേര്‍ത്തരയ്ക്കാം. ഇങ്ങനെ ചെയ്യുന്നതിലൂടെ അരിയും ഉഴുന്നും അരയ്ക്കുമ്പോള്‍ ചൂട് ആകുന്നത് ഒഴിവാക്കാം. മാവ് അരയ്ക്കുമ്പോള്‍ ചൂടാവുന്നത് മാവ് പെട്ടെന്ന് പുളിക്കുന്നതിന് കാരണമാവും. ഫ്രിഡ്ജില്‍ സൂക്ഷിച്ചാലും മാവ് പെട്ടെന്നുതന്നെ പുളിച്ചുപോവുകയും ഉപയോഗശൂന്യമാവുകയും ചെയ്യും. മാവ് പുളിച്ചുപോകാതെ ദിവസങ്ങളോളം സൂക്ഷിക്കാന്‍ വെറ്റില സഹായിക്കും. വെറ്റില നന്നായി കഴുകിയെടുത്തതിന് ശേഷം അരച്ചുവച്ചിരിക്കുന്ന മാവിന് മുകളിലായി വയ്ക്കാം. ഇനിയിത് അടച്ചുവച്ചതിനുശേഷം ഫ്രിഡ്ജില്‍ വച്ചാല്‍ എത്രദിവസം വേണമെങ്കിലും മാവ് പുളിക്കാതെ സൂക്ഷിക്കാം.
Read More » -
പഞ്ചസാര ഒഴിവാക്കി ചായയിൽ ശർക്കര ചേർക്കൂ, ഗുണങ്ങൾ ഏറെയാണ്
അന്നമാണ് ഔഷധം ശർക്കര ചിരണ്ടിയും തിളപ്പിച്ചും പലതരം പലഹാരങ്ങൾ ഉണ്ടാക്കാറുണ്ട്. എന്നാൽ നിത്യവും ഉപയോഗിക്കുന്ന പലർക്കും അറിയില്ല ശർക്കരയുടെ ഗുണങ്ങൾ. ഇരുമ്പ്, മഗ്നീഷ്യം, പൊട്ടാസ്യം തുടങ്ങിയ വിറ്റാമിനുകളും ധാതുക്കളും ശർക്കരയിൽ അടങ്ങിയിട്ടുണ്ട്. ശരീരത്തിന് ഏറ്റവും അപകടകാരിയായ പഞ്ചസാരയെ മാറ്റി ചായയിൽ ശർക്കര പരീക്ഷിച്ചാലോ? കലോറി കുറച്ച് ശരീര ഭാരം നിയന്ത്രിക്കുന്നതിന് ശർക്കര ഉത്തമമാണ്. കൂടാതെ ശർക്കര, ദഹനം വളരെ എളുപ്പത്തിലാക്കും. വിളർച്ചയുള്ളവർ ദിവസവും ഒരു ഗ്ലാസ് ശർക്കര ചായ പതിവാക്കുന്നത് ഗുണം ചെയ്യും. ഭക്ഷണത്തിന് ശേഷം അൽപം ശർക്കര കഴിക്കുന്നത് ദഹനം എളുപ്പമാക്കും. സമ്പന്നമായ പോഷകഗുണങ്ങൾ അടങ്ങിയിട്ടുള്ളതിനാൽ പ്രതിരോധശേഷി വർദ്ധിപ്പിച്ച് അണുബാധകളെ ചെറുക്കാൻ ശർക്കര കഴിക്കുന്നത് സഹായിക്കും. ശർക്കരയിൽ ധാരാളം സെലിനിയവും സിങ്കും ഓക്സിഡേറ്റീവ് അടങ്ങിയിട്ടുള്ളതിനാൽ സമ്മർദ്ദം കുറയ്‌ക്കും. കൂടാതെ ശർക്കര ചായ കുടിക്കുന്നത് ആർത്തവ ക്രമക്കേടുകൾ പരിഹരിക്കുന്നതിന് സഹായിക്കുന്നു. ശരീരത്തിൽ നിന്ന് വിഷവസ്തുക്കളെ നീക്കം ചെയ്യാനും മലബന്ധം ഒഴിവാക്കാനും, ചർമ്മത്തിന് തിളക്കം, ജലാംശം, ആരോഗ്യം എന്നിവ നൽകാനും ഇത് സഹായിക്കുന്നു.…
Read More » -
ബ്രോക്കോളിയോ കോളിഫ്‌ളവറോ? ഗുണങ്ങള്‍ അറിഞ്ഞു കഴിക്കാം
ഒരേ കുടുംബത്തില്‍ പെട്ട ബ്രോക്കോളിയുടെയും കോളിഫ്ലവറിന്റെയും ആരോഗ്യഗുണങ്ങളെ കുറിച്ചുള്ള ചര്‍ച്ചകള്‍ പതിവാണ്. ഇവ രണ്ടും ക്രൂസിഫറസ് വിഭാഗത്തില്‍ പെട്ട പച്ചക്കറികളാണ്. പോഷകമൂല്യങ്ങളില്‍ ചെറിയ വ്യത്യാസങ്ങള്‍ ഉണ്ടെങ്കിലും ഇവ ആരോഗ്യത്തിന് ഏറെ ഗുണകരമാണ്. കോളിഫ്ലവറിലും ബ്രോക്കോളിയിലും ഏതാണ്ട് സമാനമായ അളവിലാണ് കാര്‍ബോഹൈഡ്രേറ്റ് അടങ്ങിയിരിക്കുന്നത്. ഉയര്‍ന്ന അളവില്‍ നാരുകള്‍ ഉള്ളതിനാല്‍ ഇവ രണ്ടും ഡയറ്റില്‍ ചേര്‍ക്കുന്നത് ദഹനത്തെ സഹായിക്കും. ഇവ രണ്ടും അമിനോ ആസിഡുകള്‍ അടങ്ങിയിട്ടുള്ളതിനാല്‍ കാന്‍സറിനെ ചെറുക്കാനും കൊളസ്ട്രോള്‍ അളവു കുറയ്ക്കുന്നതിനും കുടലിന്റെ ആരോഗ്യം മെച്ചപ്പെടുത്തുന്നതിനും ഇവ നല്ലതാണ്. എന്നാല്‍, 100 ഗ്രാം ബ്രോക്കോളിയില്‍ ഏകദേശം മൂന്ന് ഗ്രാം ഫൈബറും രണ്ട് ഗ്രാം പ്രോട്ടീനും ഉണ്ട്. കൂടാതെ, ബ്രോക്കോളി ആന്റിഓക്‌സിഡന്റുകളാലും വൈറ്റമിന്‍ എ, സി, ഇരുമ്പ് തുടങ്ങിയ മൈക്രോ ന്യൂട്രിയന്റുകളാലും സമ്പുഷ്ടമാണ്. ബ്രോക്കോളിയെക്കാള്‍ കോളിഫ്ലവറില്‍ കലോറി കുറവാണ്. 100 ഗ്രാമില്‍ ഏകദേശം 27 കലോറി മാത്രമേയുള്ളൂ. കോളിഫ്ലവറില്‍ ഉയര്‍ന്ന ജലാംശം അടങ്ങിയിട്ടുണ്ട്. ഫൈബറിന്റെയും പ്രോട്ടീനിന്റെയും കാര്യത്തില്‍ ബ്രൊക്കോളിയാണ് മുന്നില്‍. കൂടാതെ കോളിഫ്ലവറില്‍ ഉള്ളതിനെക്കാള്‍…
Read More » -
പതിവായി ബിസ്കറ്റ് കഴിക്കാറുണ്ടോ…? കാത്തിരിക്കുന്നത് ഗുരുതര ആരോഗ്യപ്രശ്നങ്ങൾ
ഏവർക്കും പ്രിയപ്പെട്ട ഭക്ഷണമാണ് ബിസ്കറ്റ്. അവയെ ആരോഗ്യകരമായ ഭക്ഷണമായി പലരും കണക്കാക്കുന്നു. എന്നാൽ, അമിതമായി ബിസ്കറ്റുകൾ കഴിക്കുന്നത് നിരവധി ആരോഗ്യ പ്രശ്നങ്ങൾക്ക് കാരണമാകും. വിവിധ രൂപങ്ങളിലും വലുപ്പങ്ങളിലും രുചികളിലും ബിസ്കറ്റുകൾ ലഭ്യമാണ്. ചില ബിസ്കറ്റുകൾ ചോക്കലേറ്റ്, വാനില, ഓറഞ്ച്, എന്നീ രുചികളുള്ളവയാണ്. മറ്റുചിലത് പരിപ്പ്, ധാന്യങ്ങൾ, പഴങ്ങൾ എന്നിവ ഉപയോഗിച്ച് നിർമ്മിക്കുന്നു. ചില ബിസ്കറ്റുകൾ ഉപ്പ് കൊണ്ട് ഉണ്ടാക്കുന്നു, അതേസമയം മറ്റുള്ളവ മധുരമാണ്. ബിസ്കറ്റുകളിലെ അപകടകരമായ ഘടകങ്ങൾ ബിസ്കറ്റുകൾ അമിതമായി കഴിക്കുന്നത് നിരവധി ആരോഗ്യ പ്രശ്നങ്ങൾക്ക് കാരണമാകും. ബിസ്കറ്റുകളിലെ അപകടകരമായ ഘടകങ്ങളിൽ ഉപ്പ്, ശുദ്ധീകരിച്ച കാർബോഹൈഡ്രേറ്റുകൾ, ട്രാൻസ്ഫാറ്റുകൾ, അധിക പഞ്ചസാര എന്നിവ ഉൾപ്പെടുന്നു. 1. ബിസ്കറ്റുകളിൽ അധികമായി ഉപ്പ് അടങ്ങിയിരിക്കുന്നു, ഇത് രക്തസമ്മർദ്ദം ഉയർത്തുകയും ഹൃദ്രോഗം, സ്‌ട്രോക്ക് എന്നിവയ്ക്ക് കാരണമാകുകയും ചെയ്യും. 2. ഉപയോഗിക്കുന്ന ശുദ്ധീകരിച്ച കാർബോഹൈഡ്രേറ്റുകൾ വേഗത്തിൽ ദഹിക്കുകയും രക്തത്തിലെ പഞ്ചസാരയുടെ അളവ് വർധിപ്പിക്കുകയും ചെയ്യും. ഇത് ടൈപ്പ്-2 പ്രമേഹത്തിന് കാരണമാകും. 3. ബിസ്കറ്റുകളിൽ ഹൃദയത്തിന് ദോഷകരമായ…
Read More » -
ഓണത്തിനിടയ്ക്ക് ലേശം ചപ്പാത്തിക്കച്ചവടം! മാവ് കുഴയ്ക്കേണ്ട, പരത്തേണ്ട; മിനിട്ടുകള്‍കൊണ്ട് നല്ല സോഫ്റ്റ് ചപ്പാത്തി ഉണ്ടാക്കാം
മിക്കവാറും വീടുകളിലും അത്താഴത്തിന് കഴിക്കുന്നത് ചപ്പാത്തിയാകും. പ്രത്യേകിച്ച് തടി കുറയ്ക്കാന്‍ നോക്കുന്നവര്‍ ആണെങ്കില്‍. രുചിയും ആരോഗ്യ ഗുണങ്ങളും ഏറിയ ചപ്പാത്തി ഉണ്ടാക്കുക എന്നത് കുറച്ച് സമയം വേണ്ടി വരുന്ന കാര്യമാണ്. മാവ് ശരിയായി കുഴച്ചില്ലെങ്കില്‍ ചപ്പാത്തിയുടെ രുചിയില്‍ വ്യത്യാസമുണ്ടാകും. ശരിയായി പരത്തിയില്ലെങ്കില്‍ കാണാനും ഭംഗിയുണ്ടാവില്ല. ഈ പ്രശ്നങ്ങള്‍ക്കെല്ലാം പരിഹാരമുണ്ട്. മാവ് കുഴയ്ക്കാതെ, പരത്താതെ എങ്ങനെ എളുപ്പത്തില്‍ ചപ്പാത്തി ഉണ്ടാക്കാം എന്ന് നോക്കാം. വ്യത്യസ്തവും എളുപ്പവുമായി ഈ രീതി കൊച്ച് കുട്ടികള്‍ക്ക് പോലും ചെയ്ത് നോക്കാവുന്നതാണ്. സാധാരണ ചപ്പാത്തി കഴിക്കുന്ന അതേ രുചിയില്‍ തന്നെ ഇത് ലഭിക്കുന്നതാണ്. ആവശ്യമായ സാധനങ്ങള്‍ ആട്ട /ഗോതമ്പ് മാവ് – ഒരു കപ്പ് ഉപ്പ് – ആവശ്യത്തിന് വെള്ളം – ഒന്നര കപ്പ് എണ്ണ – 1 ടീസ്പൂണ്‍ തയ്യാറാക്കുന്ന വിധം മാവിലേക്ക് വെള്ളവും ഉപ്പും എണ്ണയും ചേര്‍ത്ത് കട്ടയില്ലാതെ നന്നായി യോജിപ്പിച്ചെടുക്കുക. കാണുമ്പോള്‍ ദോശമാവിന്റെ രൂപത്തിലാകും ഇത് ഉണ്ടാവുക. ശേഷം, ദോശക്കല്ല് അല്ലെങ്കില്‍ പാന്‍ ചൂടാക്കി…
Read More » -
ബിസ്‌ക്റ്റ് ഊര്‍ജം നല്‍കുമെങ്കിലും പോഷകങ്ങള്‍ കുറവ്; ബേക്കറി പലഹാരങ്ങള്‍ അമിതമാകരുത്
അഞ്ചു മുതല്‍ 12 വയസ്സു വരെയുള്ള പ്രായമാണ് കുട്ടികളുടെ ദ്രുതഗതിയിലുള്ള വളര്‍ച്ചാഘട്ടം. ശരീരം പുഷ്ടിപ്പെടുന്നതും ഉയരം വയ്ക്കുന്നതും പ്രായപൂര്‍ത്തിയെത്തുന്നതുമൊക്കെ ഈ പ്രായത്തിലാണ്. സ്‌കൂള്‍ കുട്ടിക്ക് പ്രാതല്‍ ഒഴിവാക്കാമോ ? കുട്ടികള്‍ക്കും മുതിര്‍ന്നവര്‍ക്കും അതീവ പ്രാധാന്യം നല്‍കേണ്ട ഒന്നാണ് പ്രഭാത ഭക്ഷണം. പ്രാതല്‍ നന്നായി കഴിച്ചാലേ കുട്ടികള്‍ക്ക് ക്ലാസില്‍ നന്നായി ശ്രദ്ധിക്കാന്‍ പറ്റൂ. തലച്ചോര്‍ ശരിയായി പ്രവര്‍ത്തിക്കണമെങ്കില്‍ പ്രാതല്‍ കഴിച്ചേ മതിയാകൂ. സ്‌കൂള്‍ ബസ് വരുന്നതിനു മുന്‍പുള്ള തിരക്കിനിടെ കുഞ്ഞിനെ പാല്‍ മാത്രം കുടിപ്പിച്ച് വിടുന്നത് ശരിയല്ല. വെറുംവയറ്റില്‍ പാല്‍ മാത്രം കുടിക്കുന്നത് വയറെരിച്ചിലിനും അസിഡിറ്റിക്കുമൊക്കെ കാരണമാകും. കഴിക്കാന്‍ സമയമില്ല എന്ന പതിവു പരാതിയുണ്ടെങ്കില്‍ പ്രാതല്‍ കൂടി പൊതിഞ്ഞുകൊടുത്തു വിടുക. കുട്ടി കഴിക്കുന്നുണ്ടെന്നു ഉറപ്പാക്കണമെന്നു മാത്രം. പ്രാതല്‍ ഒഴിവാക്കുന്ന കുട്ടികള്‍ക്ക് ആരോഗ്യപ്രശ്‌നങ്ങള്‍ക്കു പുറമേ ദിവസം മുഴുവന്‍ ക്ഷീണം, പഠിക്കാന്‍ താല്‍പര്യക്കുറവ്, അലസത, ക്ലാസില്‍ ശ്രദ്ധയില്ലായ്മ തുടങ്ങിയവ വരാം. ദിവസം മുഴുവന്‍ ഊര്‍ജസ്വലരായിരിക്കാന്‍ ഭക്ഷണത്തോടൊപ്പം ആവശ്യത്തിന് വെള്ളവും കുട്ടിയെ കുടിപ്പിക്കുക. ഇടനേരത്ത് കഴിക്കാന്‍ ബിസ്‌കറ്റും…
Read More » -
ഓണം കളറാക്കാന്‍ ദാ പിടിച്ചോ കിടിലനൊരു ബീറ്റ്‌റൂട്ട് പച്ചടി…
ഓണം എന്ന് കേള്‍ക്കുമ്പോള്‍ തന്നെ എല്ലാവര്‍ക്കും മനസിലേക്ക് ഓടി എത്തുന്നത് ഓണ സദ്യം തന്നെയായിരിക്കും. ഓണത്തിന് നല്ല ഇലയിട്ട് സദ്യ ഒരുക്കാന്‍ മലയാളികള്‍ക്ക് ഏറെ ഇഷ്ടമാണ്. പ്രിയപ്പെട്ട വിഭവങ്ങളെല്ലാം ഒരുക്കി വയര്‍ നിറയെ സദ്യയും പായസവുമൊക്കെ കുടിക്കാന്‍ ഇനി കുറച്ച് ദിവസങ്ങള്‍ കൂടി കാത്തിരുന്നതാല്‍ മതി. എന്നാല്‍ ഓണത്തിന് പല തരത്തിലുള്ള നിറങ്ങളുള്ള വിഭവങ്ങള്‍ ഇല്ലെങ്കിലും പലപ്പോഴും മനസിന് പലര്‍ക്കും സന്തോഷം കാണില്ല. ഓണ സദ്യയിലെ പ്രധാനിയാണ് ബീറ്റ്‌റൂട്ട് പച്ചടി അഥവ ബീറ്റ്‌റൂട്ട് കിച്ചടി. കാണാന്‍ നല്ല ഭംഗിയുള്ള പിങ്ക് നിറത്തിലാണ് ഈ ബീറ്റ്‌റൂട്ട് പച്ചടിയുള്ളത്. ഇത് എങ്ങനെയാണ് തയാറാക്കുന്നത് എന്ന് അറിയുന്നതിന് മുന്‍പ് ബീറ്റ്‌റൂട്ടിന്റെ കുറച്ച് ഗുണങ്ങളെക്കുറിച്ചും അറിഞ്ഞിരിക്കണം. ബീറ്റ്‌റൂട്ട് ഓണസദ്യയാണെങ്കിലും ഇതിലെ വിഭവങ്ങളെല്ലാം ആരോഗ്യകരമായ തയാറാക്കാന്‍ ശ്രമിക്കേണ്ടതും വളരെ പ്രധാനമാണ്. ബീറ്റ്‌റൂട്ടില്‍ അടങ്ങിയിരിക്കുന്ന പല ഘടകങ്ങളും ആരോഗ്യത്തിന് പല തരത്തിലുള്ള ഗുണങ്ങള്‍ നല്‍കാറുണ്ട്. ആന്റി ഇന്‍ഫ്‌ലമേറ്ററി ഗുണങ്ങള്‍ അടങ്ങിയിരിക്കുന്നതിനാല്‍ വീക്കം പോലെയുള്ള പ്രശ്‌നങ്ങള്‍ മാറ്റാന്‍ ഏറെ നല്ലതാണ്. ഇതില്‍…
Read More » -
പൊണ്ണത്തടിയനെ എന്തിനു കൊള്ളാം…? പരിഹാസം കേൾക്കണ്ട, സ്ലിം ആകാൻ മാത്രമല്ല, കടുത്ത മാനസിക രോഗങ്ങളിൽ നിന്ന് മോചനം നേടാനും കീറ്റോ ഡയറ്റ് ഉത്തമം
ലോകത്തിൽ അമിതവണ്ണം മൂലം ദുരിതമനുഭവിക്കുന്നവരുടെ എണ്ണം 100 കോടി കവിഞ്ഞതായി ലോകാരോഗ്യ സംഘടന പറയുന്നു. അമിതവണ്ണം കുറയ്ക്കാൻ പല വഴികൾ തേടി നെട്ടോട്ടമോടുകയാണ് പലരും. പക്ഷേ ആർക്കെങ്കിലും പൂർണഫലം ലഭിച്ചതായി അറിവില്ല. എന്നാൽ പുതിയ കാലത്ത് വണ്ണം കുറയ്ക്കാനും സ്ലിം ആകാനും പലരും പിന്തുടരുന്ന ഭക്ഷണ രീതിയാണ് കീറ്റോ ഡയറ്റ്. എന്നാല്‍ വണ്ണം കുറയ്ക്കാൻ മാത്രമല്ല കടുത്ത മാനസിക രോഗത്തില്‍ നിന്ന് ആശ്വാസം ലഭിക്കാനും കീറ്റോ ഡയറ്റ് സഹായിക്കും. സ്റ്റാന്‍ഫോഡ് സര്‍വകലാശാലയിലെ ഗവേഷകര്‍ നടത്തിയ പഠനത്തിലാണ് ഈ കണ്ടെത്തൽ. ചിത്തഭ്രമവും ബൈപോളാര്‍ ഡിസോഡറും ബാധിച്ച 21 മുതിര്‍ന്നവരിലാണ് നാലു മാസം നീണ്ട പഠനം നടത്തിയത്. ഇക്കാലയളവില്‍ ഇവര്‍ 10 ശതമാനം കാര്‍ബോഹൈഡ്രേറ്റും 30 ശതമാനം പ്രോട്ടീനും 60 ശതമാനം കൊഴുപ്പും അടങ്ങിയ ഭക്ഷണം കഴിച്ചു. ഇവരുടെ ശരീരത്തിൻ്റെ തുലനാവസ്ഥയിലും മനോനിലയിലും ഗണ്യമായ പുരോഗതി ഉണ്ടായതായി ഗവേഷകര്‍ കണ്ടെത്തി. ചിത്തഭ്രമം, ബൈപോളാര്‍ ഡിസോഡര്‍ തുടങ്ങിയ പല മാനസിക രോഗങ്ങളുടെയും നിയന്ത്രണത്തിനായി…
Read More » -
പൂരി നല്ല സോഫ്റ്റാകും, എണ്ണ അധികം പിടിക്കുകയുമില്ല ; ഇതാ എളുപ്പവഴികള്‍
നമ്മുടെ പ്രഭാതഭക്ഷണത്തില്‍ പ്രധാനപ്പെട്ട ഒന്നാണ് പൂരി. എന്നാല്‍ എണ്ണ അധികം പിടിക്കുന്നത് കൊണ്ട് തന്നെ അധികം പേരും പൂരി ഒഴിവാക്കാറുണ്ട്. എങ്കില്‍ ഇനി മുതല്‍ പേടിക്കേണ്ട. പൂരിയില്‍ എണ്ണയധികം പിടിക്കാതെയിരിക്കാന്‍ പരീക്ഷിക്കാം ഈ ടിപ്‌സുകള്‍… ഇവ പരീക്ഷിച്ച് നോക്കൂ… 1. ഒരു കപ്പ് ഗോതമ്പ് പൊടിയ്ക്ക് കാല്‍ കപ്പ് റവ ഉപയോഗിക്കുക. ഒരു ടീ സ്പൂണ്‍ എണ്ണ, ആവശ്യത്തിന് വെള്ളം, ഉപ്പ് എന്നിവ ചേര്‍ത്ത് അര മണിക്കൂര്‍ കുഴച്ചു വയ്ക്കുക. അതിന് ശേഷം ചെറിയ ഉരുളകളാക്കി പരത്തി എണ്ണയില്‍ വറുത്തെടുക്കുക. ഇങ്ങനെ ചെയ്യുന്നത് പൂരിയില്‍ എണ്ണ പിടിക്കാതിരിക്കുക മാത്രമല്ല പൂരി കൂടുതല്‍ സോഫ്റ്റാവുക കൂടി ചെയ്യും. 2. വെള്ളം കുറച്ച് മാവ് കുറയ്ക്കുന്നതും പൂരിയില്‍ എണ്ണയില്‍ അധികം പിടിക്കാതിരിക്കാന്‍ സഹായിക്കും. 3. പൂരി ഉണ്ടാക്കുമ്പോള്‍ വെള്ളം അധികം ചേര്‍ക്കാതിരിക്കാന്‍ ശ്രദ്ധിക്കുക. ചപ്പാത്തി മാവുമായി താരതമ്യം ചെയ്യുമ്പോള്‍ കുറച്ചുകൂടി കട്ടികൂടിയ മാവാണ് പൂരിക്ക് വേണ്ടത്. പൂരി വേഗത്തില്‍ നന്നായി പൊങ്ങി വരാന്‍ ഇത്…
Read More » -
ഒരു സ്പൂണ്‍ എണ്ണ ഫ്രിഡ്ജില്‍ വച്ച് നോക്കൂ, എത്രത്തോളം മായം നിങ്ങളുടെ ശരീരത്തിലെത്തുന്നുവെന്ന് കണ്ടറിയാം
മനുഷ്യന്റെ ആരോഗ്യത്തില്‍ നിര്‍ണായക പങ്ക് വഹിക്കുന്നതാണ് ഭക്ഷണം. നല്ല ഭക്ഷണവും കൃത്യമായ വ്യായാമവും ഉണ്ടെങ്കില്‍ ശരീരം ആരോഗ്യത്തോടെയിരിക്കും. എന്നാല്‍, അമിതമായ എണ്ണയും കൊഴുപ്പും അടങ്ങിയ ഭക്ഷണങ്ങള്‍ കഴിച്ചാല്‍ അത് ആരോഗ്യത്തിന് ഹാനികരവുമാണ്. കേരളത്തിലെ ഭക്ഷണരീതിയനുസരിച്ച്, എണ്ണ ഒഴിവാക്കി നമുക്ക് ഭക്ഷണങ്ങള്‍ കഴിക്കാന്‍ സാധിക്കില്ല. ഏതൊരു വിഭവമെടുത്താലും അതില്‍ എണ്ണ ഉപയോഗിക്കേണ്ടതായി വരും. അതിനാല്‍, നിങ്ങളുടെ വീട്ടില്‍ പാചകത്തിനായി ഉപയോഗിക്കുന്ന എണ്ണയില്‍ മായം കലര്‍ന്നിട്ടുണ്ടോ എന്ന് പരിശോധിക്കേണ്ടത് അത്യാവശ്യമാണ്. എടടഅക റിപ്പോര്‍ട്ട് പ്രകാരം വിപണിയില്‍ ലഭ്യമായ എണ്ണകളില്‍ 24 ശതമാനവും മായം കലര്‍ന്നതാണ്. വ്യാജ എണ്ണകള്‍ തിരിച്ചറിയാനുള്ള വഴികള്‍ : കവറിന്റെ പിന്‍ഭാഗത്ത് സൂചിപ്പിച്ചിരിക്കുന്ന എണ്ണയിലെ ഘടകങ്ങള്‍ പരിശോധിക്കുക. ഓര്‍ഗാനിക്, നോണ്‍ – ജിഎംഒ അല്ലെങ്കില്‍ മറ്റെന്തെങ്കിലും സര്‍ട്ടിഫിക്കേഷനുകള്‍ ഉണ്ടോയെന്ന് പരിശോധിക്കുക. എക്സ്പയറി ഡേറ്റ് നോക്കാന്‍ ഒരിക്കലും മറക്കരുത്. കാലഹരണപ്പെട്ടതാണെങ്കില്‍ വാങ്ങരുത്. സാധാരണ വാങ്ങുന്ന എണ്ണയെക്കാള്‍ വിലക്കുറവില്‍ ലഭിക്കുമ്പോള്‍ വാങ്ങരുത്. ഇത് മായം ചേര്‍ത്തതിന് തെളിവാണ്. മായം കലരാത്ത എണ്ണകള്‍ക്ക് ചെറിയ രീതിയിലുള്ള…
Read More »