Pravasi
-
ആര് ജയിക്കും ? പ്രവാസികള്‍ക്കായി ഗ്യാലപ് പോള്‍ ; ഫലം ഏപ്രിൽ 27-ന്
ലോക്സഭാ ഇലക്ഷൻ പ്രമാണിച്ച്‌ റേഡിയോ കേരളം 1476 എ.എം പ്രവാസികള്‍ക്കായി സംഘടിപ്പിക്കുന്ന ഗ്യാലപ് പോള്‍ ആരംഭിച്ചു. വാട്സാപ്പിലൂടെ ഏപ്രില്‍ 26ന് നാട്ടില്‍ വോട്ടെടുപ്പ് കഴിയുന്ന സമയം വരെ ഗ്യാലപ് പോളില്‍ പങ്കെടുക്കാം. ഏപ്രില്‍ 27 രാവിലെ 10ന് റേഡിയോ കേരളത്തിലൂടെ തത്സമയം ഫലം പ്രഖ്യാപിക്കും. പ്രവാസികള്‍ക്ക് ഓണ്‍ലൈൻ വോട്ടിംഗ് ഏർപ്പെടുത്തുന്നതിൻ്റെ സാധ്യതകളെക്കുറിച്ച്‌ കേന്ദ്ര സർക്കാരും ഇലക്ഷൻ കമ്മീഷനും പഠിച്ചുകൊണ്ടിരിക്കുകയാണ്. ഈ പശ്ചാത്തലത്തില്‍ ഓണ്‍ലൈൻ വോട്ടിംഗിൻ്റെ പ്രായോഗികത തെളിയിക്കുകയാണ് റേഡിയോ കേരളത്തിൻ്റെ ഈ ഗ്യാലപ് പോള്‍. പ്രവാസിയായ ഏതൊരാള്‍ക്കും സ്വന്തം മണ്ഡലത്തില്‍ ആര് ജയിക്കണമെന്ന് ഇതിലൂടെ നിർദ്ദേശിക്കാം. അതിനായി ‘VOTE’ എന്ന് +971508281476 എന്ന നമ്ബറിലേക്ക് വാട്സാപ്പ് മെസേജ് ചെയ്യുക. തുടർന്ന് സ്വന്തം മണ്ഡലം തിരഞ്ഞെടുത്ത് ഇഷ്ടപ്പെട്ട സ്ഥാനാർഥിയ്ക്ക് വോട്ട് രേഖപ്പെടുത്തുക. തികച്ചും ലളിതമായ ഈ ഗ്യാലപ് പോള്‍ പൂർണ്ണമായും മലയാളത്തിലാണ്. എ.ഐ, ചാറ്റ് ജി.പി.ടി തുടങ്ങിയ സാങ്കേതികവിദ്യകളുടെ സഹായത്തോടെ തയ്യാറാക്കിയ ഈ ഗ്യാലപ് പോളില്‍ വ്യക്തിവിവരങ്ങള്‍ സുരക്ഷിതവുമാണ്.
Read More » -
ദുബായിൽ പത്തുനില കെട്ടിടം ചരിഞ്ഞു; ആളുകളെ ഒഴിപ്പിക്കുന്നു
ദുബായില്‍ കെട്ടിടം ഒരു വശത്തേക്ക് ചരിഞ്ഞ പശ്ചാത്തലത്തില്‍ മലയാളികളുള്‍പ്പെടെയുള്ള താമസക്കാരെ ഒഴിപ്പിച്ചു.കഴിഞ്ഞ ദിവസം രാത്രി 10 മണിയോടെയായിരുന്നു സംഭവം. ഖിസൈസ് മുഹൈസ്ന നാലില്‍ മദീന മാളിന് സമീപമുള്ള പത്തുനില കെട്ടിടമാണ് ഒരുവശം മണ്ണിനടിയിലേക്കു താണത്. ഇവിടെ 108 അപാര്‍ട്‌മെന്റുകളാണ് ഉളളത്.സ്ഥലത്തെത്തിയ ദുബായ് പൊലീസും രക്ഷാസംഘവും താമസക്കാരെ കെട്ടിടത്തില്‍ നിന്ന് ഒഴിപ്പിച്ചു സുരക്ഷിത കേന്ദ്രത്തിലേക്ക് മാറ്റി. കഴിഞ്ഞ ദിവസങ്ങളിലുണ്ടായ കനത്തമഴയെ തുടർന്നാണ് കെട്ടിടം ചരിഞ്ഞതെന്നാണ് വിലയിരുത്തൽ.
Read More » -
തൃശൂര്‍ സ്വദേശിയായ യുവാവിനെ കുവൈത്തില്‍ തൂങ്ങി മരിച്ച നിലയില്‍ കണ്ടെത്തി
കുവൈത്ത് സിറ്റി: തൃശൂര്‍ സ്വദേശിയായ യുവാവിനെ കുവൈത്തില്‍ തൂങ്ങി മരിച്ച നിലയില്‍ കണ്ടെത്തി.തൃശൂര്‍ മുല്ലശേരി സ്വദേശിയായ സനോജ് സത്യനെ (44)-ആണ് ഇന്നലെ തൂങ്ങി മരിച്ച നിലയില്‍ കണ്ടെത്തിയത്.അബ്ബാസിയായിലെ ആയുര്‍വേദ ബില്‍ഡിംഗിലാണ് സംഭവം. 8-ാം നിലയില്‍ നിന്നും താഴേയ്ക്ക് തൂങ്ങി നിലക്കുന്ന നിലയില്‍ രാവിലെ ആളുകള്‍ കണ്ടെത്തുകയായിരുന്നു.ഒരു സ്വകാര്യ അലൂമിനിയേം ഫേബ്രിക്കേഷന്‍ കമ്ബിനിയില്‍ സൂപ്പര്‍വൈസറായി ജോലി ചെയ്തുവരുകയായിരുന്നു. താമസിച്ചിരുന്നത്.പോലീസ് മേല്‍നടപടികള്‍ സ്വീകരിച്ചിട്ടുണ്ട്.കലാ കുവൈത്ത് അംഗമാണ് സനോജ്.
Read More » -
വോട്ടുചെയ്യാന്‍ വരുന്ന പ്രവാസികള്‍ക്ക് സന്തോഷ വാര്‍ത്ത; വന്‍ കിഴിവുമായി എയര്‍ ഇന്ത്യ
കൊച്ചി: ലോക്സഭാ തിരഞ്ഞെടുപ്പില്‍ വോട്ട് ചെയ്യാന്‍ നാട്ടിലെത്തുന്ന കന്നി വോട്ടര്‍മാര്‍ക്ക് 19 ശതമാനം കിഴിവില്‍ ടിക്കറ്റൊരുക്കി എയര്‍ ഇന്ത്യ എക്സ്പ്രസ്. 18നും 22നും ഇടയില്‍ പ്രായമുള്ള വോട്ടര്‍മാര്‍ക്ക് അവരുടെ നിയോജകമണ്ഡലത്തിന് ഏറ്റവും അടുത്തുള്ള എയര്‍പോര്‍ട്ടിലേക്ക് എയര്‍ ഇന്ത്യ എക്സ്പ്രസിന്റെ വെബ്സൈറ്റിലൂടെയോ മൊബൈല്‍ ആപ്പിലൂടെയോ ജൂണ്‍ ഒന്ന് വരെ ഇളവോടെ ടിക്കറ്റ് ബുക്ക് ചെയ്യാം. എയര്‍ ഇന്ത്യ എക്സ്പ്രസിന്റെ19ാം വാര്‍ഷികാഘോഷങ്ങളുടെ ഭാഗമായാണ് ഈ ഓഫര്‍. ജനാധിപത്യ ബോധത്തെ വളര്‍ത്താനും രാജ്യത്തിന്റെ ഭാവി രൂപപ്പെടുത്തുന്നതില്‍ അവരെ പങ്കാളികളാക്കാനുമാണ്’വോട്ട് അസ് യൂ ആര്’ പ്രചാരണമെന്ന് എയര്‍ ഇന്ത്യ എക്സ്പ്രസിന്റെ ചീഫ് കൊമേഴ്സ്യല്‍ ഓഫീസര്‍ ഡോ.അങ്കുര്‍ ഗാര്‍ഗ് പറഞ്ഞു. കാത്തിരുന്ന പ്രഖ്യാപനം അവധിക്കാലത്ത് കേരളത്തില്‍ നിന്ന് അധിക വിമാന സര്‍വീസുകള്‍ അടുത്തിടെ എയര്‍ ഇന്ത്യ എക്സ്പ്രസ് പ്രഖ്യാപിച്ചിരുന്നു. സംസ്ഥാനത്തെ നാല് വിമാനത്താവളങ്ങളില്‍ നിന്നും കൂടുതലായും ആഭ്യന്തര – വിദേശ സര്‍വീസുകള്‍ നടത്താനാണ് പുതിയ തീരുമാനം. എയര്‍ ഇന്ത്യയുടെ സര്‍വീസുകളുടെ എണ്ണം വര്‍ദ്ധിപ്പിക്കുന്നതിന്റെ ഭാഗമായി വരുന്ന ഓരോ മാസവും…
Read More » -
രോഗബാധയെ തുടർന്ന് നാട്ടില്‍ ചികിത്സയ്‌ക്കെത്തിയ പ്രവാസി യുവാവ് മരണത്തിന് കീഴടങ്ങി
കാസർകോട് ബേക്കൽ സ്വദേശിയായ പ്രവാസി യുവാവ് അസുഖത്തെ തുടര്‍ന്ന് നാട്ടിലെത്തി ചികിത്സയ്‌ക്കിടെ മരിച്ചു. ബേക്കല്‍ മൗവ്വലിലെ പരേതരായ മുഹമ്മദ് കുഞ്ഞി- സുഹ്റ ദമ്പതികളുടെ മകൻ പാറപ്പള്ളിയിലെ പി.എച്ച് ഷാഹിദ് (28) ആണ് മരിച്ചത്. ദുബൈയില്‍ അമ്മാവന്‍ പി.എച്ച് ബഷീറിന്റെ കടയില്‍ ജോലി ചെയ്തിരുന്ന ഷാഹിദ് അസുഖ ബാധിതനായി മാസങ്ങളായി നാട്ടില്‍ ചികിത്സയിലായിരുന്നു. കഴിഞ്ഞ ദിവസം രാത്രിയോടെ കാഞ്ഞങ്ങാട് ആശുപത്രിയിലാണ് മരണത്തിന് കീഴടങ്ങിയത്. ലക്ഷത്തില്‍ ഒരാള്‍ക്ക് മാത്രം ബാധിക്കുന്ന രോഗമെന്ന് ഡോക്ടർമാർ അറിയിച്ചതിനെ തുടർന്ന് ചികിത്സിച്ച് ഭേദമാക്കാന്‍ ബെംഗ്ളുറു ഉള്‍പ്പെടെയുള്ള ആശുപത്രികളില്‍ കൊണ്ട് പോയങ്കിലും ഫലം കണ്ടില്ല. ദുബൈയില്‍ ജോലി ചെയ്യവേ യു.എ.ഇ പ്രധാനമന്ത്രി ശൈഖ് മുഹമ്മദ് റാശിദ് അല്‍ മക്തൂമിനെയടക്കം സന്ദര്‍ശിച്ച് ഈദ് ആശംസകള്‍ നേരാന്‍ അപൂര്‍വ അവസരം ഷാഹിദിന് ലഭിച്ചിരുന്നു. കെ.എം.സി.സി സജീവ പ്രവര്‍ത്തകന്‍ കൂടിയായ ഷാഹിദ് സാമൂഹ്യ- സാംസ്‌കാരിക രംഗത്തും സജീവ സാന്നിധ്യമായിരുന്നു. ഭാര്യ: മുസവ്വിറ ചിത്താരി. ഏക മകള്‍ രണ്ടരവയസ്സുകാരി സുഹ്റ മെഹ്‌വിശ്.…
Read More » -
പ്രിയപ്പെട്ടവരെ ദുഃഖത്തിലാഴ്ത്തി കമറു യാത്രയായി, റിയാദിൽ ഹൃദയാഘാതം മൂലം മരിച്ച പ്രവാസിയുടെ സംസ്കാരം ഇന്ന്
മലപ്പുറം ജില്ലയിലെ എരമംഗലം കിളിയിൽ പരേതനായ മാമുവിൻ്റെ മകൻ കമറുവിൻ്റെ (48) ആകസ്മിക മരണം എരമംഗലത്തുകാരെ മാത്രമല്ല പ്രവാസികളെയും കണ്ണീരിലാഴ്ത്തി. നീണ്ട 36 വർഷത്തെ പ്രവാസ ജീവിതത്തിനിടയിൽ സൗദി അറേബ്യയിലെ റിയാദിൽ വച്ചായിരുന്നു മരണം. ചൊവ്വാഴ്ച രാത്രി പതിനൊന്നോടെ താമസസ്ഥലമായ റിയാദിലെ താമസ സ്ഥലത്തു വച്ച് ഹൃദയാഘാതം സംഭവിച്ചതാണ് മരണകാരണം. ഉടൻ സമീപത്തെ ഷുമൈസി സർക്കാർ ആശുപത്രിയിൽ എത്തിച്ചെങ്കിലും രക്ഷിക്കാൻ കഴിഞ്ഞില്ല സൗദ്യയിൽ ബിസിനനുകാരനായ കമറു മക്ക റസ്റ്റോറൻ്റ് , മിനി സൂപ്പർ മാർക്കറ്റ് , പെർഫെക്റ്റ് ഫാമിലി ട്രേഡിംഗ് കമ്പനി മാനേജിംഗ് ഡയറക്റ്റർ, കൂൾലൈൻ റേഡിയേറ്റേഴ്സ് ഡയറക്ടർ, എരമംഗലം കിളി പ്ലാസ ഡയറക്റ്റർ, കുന്ദംകുളം യു ബ്രദേഴ്സ് ബിൽഡിംഗ് പാർട്ട്ണർ എന്നീ സ്ഥാനങ്ങൾ വഹിച്ചിരുന്നു. അവസാനമായി 8 മാസം മുൻപാണ് നാട്ടിൽ വന്നു പോയത് ഈ മാസം അവസാനത്തോടെ നാട്ടിൽ വരാനിരിക്കവെയാണ് അന്ത്യമുണ്ടായത് മാതാവ്- സൈനബ ഭാര്യ- നസീബ മക്കൾ – നിത ഫാത്തിമ്മ , മുഹമ്മദ്…
Read More » -
ഗൾഫ് നാടുകളിലെ ചൂട് കേരളത്തിലും ഇവിടുത്തെ മഴ അവിടെയും !
അബുദാബി: കാലാവസ്ഥാ വ്യതിയാനങ്ങൾ കേരളത്തെ പ്രതികൂലമായി ബാധിക്കുന്നതിന്റെ കാഴ്ചകളാണ് സമീപകാല സംഭവവികാസങ്ങൾ ചൂണ്ടിക്കാട്ടുന്നത്. ഗൾഫ് നാടുകളിലെ ചൂട് കേരളത്തിലും ഇവിടുത്തെ മഴ അവിടെയും എന്നതാണ് ഇന്നത്തെ സ്ഥിതി.മധ്യ-പൂർവദേശത്തെ പല മണലാരണ്യങ്ങളും ഇന്ന് പച്ചപ്പരവതാനി വിരിച്ച സ്ഥലങ്ങളായി മാറിയിട്ടുമുണ്ട്. ഇപ്പോഴത്തെ സ്ഥിതിയും വിത്യസ്തമല്ല.കേരളം പതിവില്ലാത്ത വിധം കൊടുംചൂടിൽ ഉരുകിയൊലിക്കുമ്പോൾ അറേബ്യയിലെ പല സ്ഥലങ്ങളിലും കനത്ത മഴയാണ് പെയ്യുന്നത്. യുഎഇയിൽ ദിവസങ്ങളായി തുടരുന്ന കനത്ത മഴയുടെ പശ്ചാത്തലത്തില്‍ നിരവധി വിമാനങ്ങൾ റദ്ദാക്കിയിട്ടുണ്ട്.രാജ്യത്തിനകത്തേക്കും പുറത്തേക്കുള്ള 500 വിമാനങ്ങള്‍ വഴിതിരിച്ചുവിടുകയോ റദ്ദാക്കുകയോ ചെയ്തിട്ടുണ്ട്.ഇന്ന് മാത്രം ദുബായില്‍ നിന്ന് ഇന്ത്യയിലേക്കുള്ള 15 വിമാന സർവീസുകളും ഇന്ത്യയില്‍ നിന്ന് ദുബായിലേക്കുള്ള 13 വിമാനങ്ങളും റദ്ദാക്കി. തിരുവനന്തപുരത്ത് നിന്ന് യു.എ.ഇയിലേക്കുള്ള നാല് വിമാനങ്ങളടക്കമാണ് റദ്ദാക്കിയത്. എമിററ്റ്സ്, എയര്‍ ഇന്ത്യ എക്സ്പ്രസ് വിമാനങ്ങളും ഷാര്‍ജയിലേക്കുള്ള ഇന്‍ഡിഗോ,എയര്‍ അറേബ്യ വിമാനങ്ങളുമാണ് റദ്ദാക്കിയത്. ഇന്നും ശക്തമായ മഴയും കൊടുങ്കാറ്റും വീശുമെന്നാണ് കാലാവസ്ഥ നിരീക്ഷണ കേന്ദ്രം അറിയിച്ചിരിക്കുന്നത്. അതേസമയം ഒമാനിലെ മഴക്കെടുതിയിൽ മരിച്ചവരുടെ എണ്ണം 20 കടന്നു.സമീപ…
Read More » -
‘കൊല്ലം ജില്ലാ പ്രവാസി സമാജം കുവൈറ്റ്’ വാര്‍ഷിക ആഘോഷം
കുവൈത്ത് സിറ്റി: കൊല്ലം ജില്ലാ പ്രവാസി സമാജം കുവൈറ്റിന്റെ പതിനേഴാമത് വാര്‍ഷിക ആഘോഷം, കൊല്ലം ഫെസ്റ്റ് 2023 ‘സ്‌നേഹ നിലാവ് – ഈദ് സംഗമം ‘ എന്ന പേരില്‍ നടത്തപ്പെട്ടു. പ്രസിഡന്റ് അലക്‌സ് പുത്തൂരിന്റെ അദ്ധ്യക്ഷതയില്‍ കൂടിയ യോഗത്തില്‍ എംബസി ഓഫ് ഇന്ത്യയുടെ സെക്കന്റ് സെക്രട്ടറി ഹരിത് കേലത് ശാലറ്റ് ഉദ്ഘാടനം ചെയ്തു. ജനറല്‍ സെക്രട്ടറി ബിനില്‍ റ്റി ടി, ട്രെഷര്‍ തമ്പി ലൂക്കോസ്, വനിതാ വേദി ചെയര്‍പേഴ്‌സണ്‍ രഞ്ജന ബിനില്‍ രക്ഷാധികാരി ലാജി ജേക്കബ്, അഡൈ്വസറി ജെയിംസ് പൂയപ്പള്ളി, എന്നിവര്‍ സംസാരിച്ചു. പത്താം തരത്തില്‍ ഉന്നത വിജയം നേടിയ സമാജം അംഗങ്ങളുടെ കുട്ടികള്‍കളെ അനുമോദിച്ചു. വിശിഷ്ടാതിഥിയായ കുവൈറ്റി ലോയര്‍ തലാല്‍ താഖിയെ അലക്‌സ് പുത്തൂര്‍ മോമെന്റോ നല്‍കി ആദരിച്ചു. കൊല്ലം ഫെസ്റ്റ് 2023ന്റെ ഭാഗമായി തയ്യാറാക്കിയ സ്മരണിക കണ്‍വീനറായ പ്രമീള്‍ പ്രഭാകര്‍ വിശ്ഷ്ട അതിഥിക്കു നല്‍കി, അദ്ദേഹം സെക്രട്ടറി ലിവിന്‍ വര്ഗീസ്, സജികുമാര്‍ പിള്ള എന്നിവര്‍ക്കു ചേര്‍ന്നു നല്‍കികൊണ്ട് പ്രകാശനം…
Read More » -
മരണം 18 ; ഒമാനില്‍ ദുരിത പെയ്ത്ത് തുടരുന്നു
മസ്കറ്റ്: ഒമാനില്‍ മഴക്കെടുതിയില്‍ മരിച്ചവരുടെ എണ്ണം 18 ആയി. ഇന്ന് ഒരാള്‍ കൊല്ലപ്പെടുകയും ഇന്നലെ കാണാതായ ഒരു സ്കൂള്‍ വിദ്യാർത്ഥിയുള്‍പ്പെടെ 4 പേരുടെ മൃതദേഹങ്ങള്‍ കണ്ടെത്തുകയും ചെയ്തു. ശക്തമായ മഴയെ തുടർന്ന് കരകവിഞ്ഞൊഴുകിയ സമദ് അല്‍ഷാൻ വാദിയില്‍ വാഹനം അപകടത്തില്‍പ്പെട്ടതിനെ തുടർന്ന് കുട്ടികളുൾപ്പടെ 12 പേർ നേരത്തെ മരണപ്പെട്ടിരുന്നു. കഴിഞ്ഞ ദിവസം മലയാളിയും മഴക്കെടുതിയില്‍ കൊല്ലപ്പെട്ടിരുന്നു. പത്തനംതിട്ട അടുർ കടമ്ബനാട് സ്വദേശി സുനില്‍ കുമാറാണ് (55) സൗത്ത് ഷർക്കിയയില്‍ മതില്‍ ഇടിഞ്ഞു വീണുണ്ടായ അപകടത്തില്‍ കൊല്ലപ്പെട്ടത്. മഴ അതിശക്തമായി തുടരുന്ന സാഹചര്യത്തില്‍ ഒമാനില്‍ സ്‌കൂളുകള്‍ക്ക് നാളെ അവധിയായിരിക്കുമെന്ന് അധികൃതർ അറിയിച്ചു. നോർത്ത് അല്‍ ശർഖിയ, സൗത്ത് അല്‍ ശർഖിയ, അല്‍ ദാഖിലിയ, മസ്‍കത്ത്, സൗത്ത് അല്‍ ബാത്തിന, അല്‍ ദാഹിറ എന്നീ ഗവ‍ർണറേറ്റുകളില്‍ പൂർണമായും നോർത്ത് അല്‍ ബാത്തിന, അല്‍ ബുറൈമി, മുസന്ദം, അല്‍ വുസ്ത ഗവർണറേറ്റുകളിലെ ചില ഭാഗങ്ങളിലുമാണ് മഴയും കാറ്റും ശക്തമായത്.
Read More » -
കനത്ത മഴ; ഒമാനില്‍ മലയാളിയടക്കം 12 പേര്‍ മരിച്ചു
മസ്കറ്റ് :കനത്ത മഴയിലും വെള്ളപ്പൊക്കത്തിലും ഒമാനില്‍ മലയാളിയടക്കം 12 പേര്‍ മരിച്ചു. പത്തനംതിട്ട അടുർ കടമ്ബനാട് സ്വദേശി സുനില്‍കുമാർ (55) ആണ് മരിച്ച മലയാളി. സൗത്ത് ഷര്‍ക്കിയയില്‍ മതില്‍ ഇടിഞ്ഞു വീണാണ് സുനില്‍കുമാര്‍ മരിച്ചത്. മെക്കാനിക്കൽ ജോലി ചെയ്യുകയായിരുന്നു സുനില്‍ കുമാര്‍. കഴിഞ്ഞ ദിവസം ഉച്ചയ്ക്ക് മൂന്നു മണിയോടെ ആയിരുന്നു അപകടം. മരിച്ചവരില്‍ ഒമ്ബത് വിദ്യാര്‍ത്ഥികളും രണ്ട് ഒമാനികളും ഒരു പ്രവാസിയും ഉള്‍പ്പെടുന്നുവെന്ന് നാഷണല്‍ കമ്മിറ്റി ഫോര്‍ എമര്‍ജന്‍സി മാനേജ്മെന്റ് അറിയിച്ചു. കാണാതായ അഞ്ച് പേര്‍ക്കു വേണ്ടിയുള്ള തിരച്ചില്‍ തുടരുകയാണെന്ന് ഒമാന്‍ ന്യൂസ് ഏജന്‍സി റിപ്പോര്‍ട്ട് ചെയ്യുന്നു.
Read More »