Month: June 2024
-
Kerala
നടൻ സിദ്ദീഖ് ‘അമ്മ’ ജനറൽ സെക്രട്ടറി, ജഗദീഷും ജയൻ ചേർത്തലയും വൈസ് പ്രസിഡന്റുമാർ
താരസംഘടനയായ ‘അമ്മ’യുടെ ജനറൽ സെക്രട്ടറിയായി നടൻ സിദ്ദീഖിനെ തെരഞ്ഞെടുത്തു. കൊച്ചി ഗോകുലം കൺവെൻഷൻ സെന്ററിൽ നടന്ന വാർഷിക പൊതുയോഗത്തിലാണ് ഇടവേള ബാബുവിന്റെ പിൻഗാമിയായി സിദ്ദിഖ് തെരഞ്ഞെടുക്കപ്പെട്ടത്. 25 വർഷത്തിനു ശേഷമാണ് ഇടവേള ബാബു സ്ഥാനമൊഴിഞ്ഞത്. കഴിഞ്ഞ തവണയും സ്ഥാനമൊഴിയാൻ താൽപര്യം പ്രകടിപ്പിച്ചിരുന്നുവെങ്കിലും മമ്മൂട്ടിയുടെ നിർബന്ധത്തിനു മുന്നിൽ തുടരാൻ തീരുമാനിക്കുകയായിരുന്നു ബാബു. പ്രസിഡന്റ് സ്ഥാനത്തേക്ക് മോഹൻ ലാൽ എതിരില്ലാതെ തെരഞ്ഞെടുക്കപ്പെട്ടിരുന്നു. ട്രഷറർ സ്ഥാനത്തേക്ക് നടൻ ഉണ്ണി മുകുന്ദനും എതിരില്ലാതെ തിരഞ്ഞെടുക്കപ്പെട്ടു. ജഗദീഷും ജയൻ ചേർത്തലയുമാണ് വൈസ് പ്രസിഡന്റുമാർ. മഞ്ജു പിള്ളയും മത്സര രംഗത്തുണ്ടായിരുന്നു. എന്നാൽ മൂന്നാംസ്ഥാനത്തായി. ജോയിന്റ് സെക്രട്ടറി സ്ഥാനത്തേക്ക് അനൂപ് ചന്ദ്രനെതിരെ ബാബുരാജ് വിജയിച്ചു. 337 പേരാണ് ആകെ വോട്ട് ചെയ്തത്. കുക്കു പരമേശ്വരൻ, ഉണ്ണി ശിവപാൽ എന്നിവരായിരുന്നു ജനറൽ സെക്രട്ടറി സ്ഥാനത്തേക്ക് സിദ്ദീഖിനെതിരെ മത്സരിച്ചത്. ഔദ്യോഗിക പക്ഷത്തിന്റെ പിന്തുണ സിദ്ദീഖിനായിരുന്നു. മൂന്ന് വർഷത്തിലൊരിക്കലാണ് അമ്മ തെരഞ്ഞെടുപ്പ് നടക്കുന്നത്. കേന്ദ്രമന്ത്രിയും നടനുമായ സുരേഷ് ഗോപി യോഗത്തിൽ പങ്കെടുത്തു. മമ്മൂട്ടി യു.കെയിൽ…
Read More » -
Crime
ചാവക്കാട്ട് നടുറോഡില്‍ നാടന്‍ ബോംബ് പൊട്ടിത്തെറിച്ചു; കാപ്പാ കേസ് പ്രതി കസ്റ്റഡിയില്‍
തൃശൂര്‍: ചാവക്കാട് റോഡില്‍ നാടന്‍ ബോംബ് പൊട്ടിത്തെറിച്ചു. ഒരുമനയൂരില്‍ ആറാം വാര്‍ഡില്‍ ശാഖ റോഡിലാണ് സ്‌േഫാടനം. ഫൊറന്‍സിക് സംഘവും ചാവക്കാട് പൊലീസും സ്ഥലത്തെത്തി പരിശോധന നടത്തി. സംഭവത്തില്‍ ഒരുമനയൂര്‍ സ്വദേശി ഷെഫീക്കിനെ പോലീസ് കസ്റ്റഡിയിലെടുത്തു. ഒട്ടേറെ ക്രിമിനല്‍ കേസുകളില്‍ പ്രതിയായ ഇയാളെ പൊലീസ് ചോദ്യം ചെയ്തു വരികയാണ്. ഞായറാഴ്ച ഉച്ചയ്ക്ക് 2.15-ഓടെയാണ് ഉഗ്രശബ്ദത്തോടെയുള്ള പൊട്ടിത്തെറിയുണ്ടായത്. പരിസരവാസികള്‍ എത്തിയപ്പോള്‍ സ്ഥലത്ത് പുക ഉയരുന്നനിലയിലായിരുന്നു. തുടര്‍ന്ന് പോലീസിനെ വിവരമറിയിച്ചു. പോലീസ് നടത്തിയ പരിശോധനയില്‍ സ്ഥലത്ത് വെളുത്തനിറത്തിലുള്ള വസ്തുക്കളും കുപ്പിച്ചില്ലുകളും കണ്ടെത്തി. ഗുണ്ടില്‍ കുപ്പിച്ചില്ല് നിറച്ചാണ് ഇയാള്‍ നാടന്‍ ബോംബ് നിര്‍മിച്ചതെന്ന് പൊലീസ് പറഞ്ഞു. അതേസമയം, കസ്റ്റഡിയിലുള്ള ഇരുപതോളം ക്രിമിനല്‍കേസുകളില്‍ ഷെഫീക്ക് പ്രതിയാണെന്നാണ് വിവരം. ഷെഫീക്കിനെതിരേ നേരത്തെ കാപ്പാ നിയമപ്രകാരം നടപടി സ്വീകരിച്ചിരുന്നു. ഇയാളുടെ വീട്ടിലും പരിശോധന നടത്തുന്നുണ്ട്. സംഭവത്തിന് പിന്നില്‍ രാഷ്ട്രീയമില്ലെന്നും പോലീസ് പറയുന്നു.
Read More » -
NEWS
333 രൂപയ്ക്ക് വാങ്ങിയ പാത്രം 2000 വര്‍ഷം പഴക്കമുള്ള കലാസൃഷ്ടിയെന്നറിഞ്ഞ യുവതി!
മറ്റുള്ളവര്‍ ഉപയോഗിച്ച സാധനങ്ങള്‍ വാങ്ങി വില്‍ക്കുന്ന ഒരു സ്റ്റോറാണ് ത്രിഫ്റ്റ് സ്റ്റോര്‍ (ഠവൃശള േടീേൃല). മികച്ച സാധനങ്ങള്‍ വളരെ കുറഞ്ഞ ചെലവില്‍ ലഭിക്കാനായി ആളുകള്‍ ഇത്തരം സ്റ്റോറുകളെ ആശ്രയിക്കാറുണ്ട്. അത്തരത്തില്‍ ഒരു യുവതി ഒരു ത്രിഫ്റ്റ് സ്റ്റോറില്‍ നിന്നും 333 രൂപ കൊടുത്ത് ഒരു പാത്രം വാങ്ങി. എന്നാല്‍ അതിന്റെ യഥാര്‍ത്ഥ മൂല്യം അറിഞ്ഞപ്പോഴാണ് അമേരിക്കകാരിയായ ആനി ലീ ഡോസിയര്‍ എന്ന യുവതി ഞെട്ടിപ്പോയത്. ഏകദേശം 1,200 വര്‍ഷത്തോളം പഴക്കമുള്ള മായന്‍ സംസ്‌കാരത്തിന്റെ കലാ സൃഷ്ടിയായിരുന്നു 333 രൂപ കൊടുത്ത് ഡോസിയര്‍ വാങ്ങിയത്. ഈ വര്‍ഷം ജനുവരിയില്‍ മെക്‌സിക്കോ സിറ്റിയിലെ നാഷണല്‍ മ്യൂസിയം ഓഫ് ആന്ത്രോപോളജി സന്ദര്‍ശിച്ചപ്പോഴാണ് അവര്‍ ഈ വാസ്തവം മനസ്സിലാക്കിയത്. ക്രിസ്റ്റ്യന്‍ സോളിഡാരിറ്റി വേള്‍ഡ് വൈഡ് എന്ന മനുഷ്യാവകാശ സംഘടനയില്‍ പ്രവര്‍ത്തിക്കുന്ന ഡോസിയര്‍ തന്റെ ജോലിയുടെ ഭാഗമായാണ് മ്യൂസിയത്തിലേക്ക് പോയത്. എന്നാല്‍, അവിടെവെച്ച് കണ്ട സാധനങ്ങള്‍ താന്‍ വാങ്ങിയ പത്രത്തിനോട് സാമ്യം ഉള്ളതായി അവര്‍ക്ക് തോന്നി. തുടര്‍ന്ന് ഇക്കാര്യം…
Read More » -
Social Media
രജനികാന്തിന്റെ മകളെ കെട്ടാന്‍ ആഗ്രഹിച്ചു! ജയം രവിയുടെ വിവാഹമോചന വാര്‍ത്തകള്‍ക്കിടയില്‍ മറ്റൊരു വെളിപ്പെടുത്തല്‍
തെന്നിന്ത്യന്‍ താരങ്ങളുടെ സ്വകാര്യ ജീവിതം സംബന്ധിച്ച് ഞെട്ടിക്കുന്ന വെളിപ്പെടുത്തലുകളാണ് ഓരോ ദിവസവും പുറത്ത് വന്ന് കൊണ്ടിരിക്കുന്നത്. ഏറ്റവുമൊടുവില്‍ തമിഴിലെ സൂപ്പര്‍താരം ജയം രവിയുടെ ദാമ്പത്യത്തെ കുറിച്ചുള്ള ഊഹാപോഹങ്ങളാണ് പ്രചരിച്ച് കൊണ്ടിരിക്കുന്നത്. നടനും ഭാര്യ ആരതിയും തമ്മിലുള്ള ബന്ധത്തില്‍ വിള്ളല്‍ വീണുവെന്നും ഇരുവരും ഡിവോഴ്സിലേക്ക് എത്തിയെന്നുമാണ് കഥകള്‍. കുറച്ച് ദിവസങ്ങളായി നിരന്തരം വാര്‍ത്ത പ്രചരിച്ചിട്ടും ജയം രവിയോ ഭാര്യയോ ഈ വിഷയത്തില്‍ പ്രതികരിക്കുകയേ സത്യമെന്താണെന്ന് ബോധ്യപ്പെടുത്തുകയോ ചെയ്തിട്ടില്ല. ഇതോടെ അഭ്യൂഹങ്ങള്‍ കൂടുതല്‍ ശക്തിയായി പ്രചരിക്കാന്‍ തുടങ്ങി. ഇതിനിടയിലൂടെ താരദമ്പതിമാരെ കുറിച്ച് ഞെട്ടിക്കുന്ന ചില വെളിപ്പെടുത്തലുകളാണ് മറ്റിടങ്ങളില്‍ നിന്നും വരുന്നത്. ജയം രവിയും ഭാര്യയും വേര്‍പിരിയുന്നതില്‍ നടന്റെ കൂടെ നില്‍ക്കുമെന്ന് പറഞ്ഞാണ് ഗായിക സുചിത്ര എത്തിയത്. ആരതിയെ പോലൊരു പെണ്ണിന്റെ കൂടെ ജീവിക്കാനേ സാധിക്കില്ലെന്നും ജയം രവി കഷ്ടപ്പെടുകയും അവര്‍ സുഖിച്ച് ജീവിക്കുകയാണെന്നുമാണ് സുചിത്ര ആരോപിച്ചത്. ഇതിന് പിന്നാലെ നടന്‍ മറ്റൊരു വിവാഹം കഴിക്കാന്‍ ആഗ്രഹിച്ചിരുന്നതിനെ പറ്റിയും ആരോപണം വരികയാണ്. സൂപ്പര്‍സ്റ്റാര്‍ രജനികാന്തിന്റെ മകളെ…
Read More » -
Crime
ബലാത്സംഗം ആംഗ്യഭാഷയില്‍ വിവരിച്ച് ഇരയായ ഭിന്നശേഷി പെണ്‍കുട്ടി; പ്രതിക്ക് ജീവപര്യന്തം
മുംബൈ: ബൗദ്ധിക വെല്ലുവിളി നേരിടുന്ന സംസാരശേഷിയില്ലാത്ത പെണ്‍കുട്ടിയെ പീഡിപ്പിച്ച പ്രതിക്ക് ജീവപര്യന്തം. ഇരയായ പെണ്‍കുട്ടി താന്‍ നേരിട്ട ക്രൂരത ആംഗ്യഭാഷയില്‍ വിവരിച്ചതിനു പിന്നാലെയാണ് കോടതി പ്രതിയെ ശിക്ഷിച്ചത്. മഹാരാഷ്ട്രയിലെ പല്‍ഘാര്‍ ജില്ലയിലെ വാസൈ പ്രത്യേക കോടതിയാണ് 48കാരനായ സനേഹി ശ്രീകിഷന്‍ ഗൗഡിന് ജീവപര്യന്തം തടവും 10,000 രൂപ പിഴയും ശിക്ഷ വിധിച്ചത്. സ്‌പെഷ്യല്‍ പോക്‌സോ കോടതി ജഡ്ജി എസ്.വി കോന്‍ഗല്‍ ആണ് പോക്‌സോ നിയമപ്രകാരം പ്രതിയെ ശിക്ഷിച്ചത്. 16കാരിയായ പെണ്‍കുട്ടിയെയാണ് അയല്‍വാസിയായ പ്രതി വീട്ടില്‍ ആരുമില്ലാത്ത സമയം പീഡിപ്പിച്ചത്. 2017 ജനുവരിയിലായിരുന്നു സംഭവം. സനേഹി പ്രായപൂര്‍ത്തിയാവാത്ത ഭിന്നശേഷി പെണ്‍കുട്ടിയെ വീട്ടില്‍ക്കയറി ബലാത്സംഗം ചെയ്തതായി വിചാരണയ്ക്കിടെ പ്രോസിക്യൂട്ടര്‍ ജയപ്രകാശ് പാട്ടീല്‍ കോടതിയെ അറിയിച്ചു. തുടര്‍ന്ന്, താന്‍ നേരിട്ട ക്രൂരതകള്‍ പെണ്‍കുട്ടി ആംഗ്യഭാഷയില്‍ മാതാവിനോട് വിവരിക്കുകയായിരുന്നു. ഇതോടെയാണ് പ്രതിക്കെതിരെ കുടുംബം പൊലീസില്‍ പരാതി നല്‍കിയത്. ആംഗ്യഭാഷയിലൂടെ കാര്യങ്ങള്‍ വിവരിച്ച ഇരയായ പെണ്‍കുട്ടിയടക്കം ഒമ്പത് സാക്ഷികള്‍ കോടതിയില്‍ മൊഴി നല്‍കിയതായി പ്രോസിക്യൂട്ടര്‍ പറഞ്ഞു. പെണ്‍കുട്ടിക്ക് മിതമായ…
Read More » -
Kerala
”ഞാന്‍ രണ്ടുലക്ഷം ശമ്പളം മേടിക്കുന്നവനാടാ, നിനക്ക് ശമ്പളം കിട്ടിയോ?” ടിക്കറ്റ് ചോദിച്ച കെഎസ്ആര്‍ടിസി കണ്ടക്ടര്‍ക്ക് പരിഹാസം
പത്തനംതിട്ട: യാത്രക്കാരനോട് ടിക്കറ്റ് കാണിക്കാന്‍ ആവശ്യപ്പെട്ടതിന് കെഎസ്ആര്‍ടിസി കണ്ടക്ടര്‍ക്ക് നേരേ അസഭ്യവര്‍ഷവും കൈയ്യേറ്റശ്രമവും. അടൂര്‍ ഡിപ്പോയിലെ കണ്ടക്ടര്‍ മനീഷിനെയാണ് യാത്രക്കാരന്‍ കയ്യേറ്റംചെയ്യാന്‍ ശ്രമിച്ചത്. കായംകുളത്തുനിന്ന് അടൂരിലേക്ക് വരികയായിരുന്ന കെഎസ്ആര്‍ടിസി ബസില്‍ ഇന്നലെ രാത്രിയായിരുന്നു സംഭവം. രാത്രി 8.40-ഓടെയാണ് കായംകുളത്തുനിന്ന് ബസ് അടൂരിലേക്ക് യാത്രതിരിച്ചത്. ബസിന്റെ അവസാനട്രിപ്പായിരുന്നു ഇത്. അടൂരിനടുത്ത് ആദിക്കാട്ടുക്കുളങ്ങര എത്തിയപ്പോള്‍ കണ്ടക്ടര്‍ മനീഷ് യാത്രക്കാരുടെ എണ്ണമെടുത്തു. ബസിലെ യാത്രക്കാരില്‍ ഒരാള്‍ ടിക്കറ്റെടുത്തട്ടില്ലെന്ന് മനസിലായതോടെ യാത്രക്കാരോട് ടിക്കറ്റ് കാണിക്കാന്‍ കണ്ടക്ടര്‍ ആവശ്യപ്പെട്ടു. ഇതിനിടെയാണ് യാത്രക്കാരന്‍ കണ്ടക്ടറുമായി തര്‍ക്കിച്ചത്. ഇയാള്‍ അസഭ്യം പറഞ്ഞെന്നും ബഹളംവെച്ചെന്നും കയ്യേറ്റംചെയ്യാന്‍ ശ്രമിച്ചെന്നുമാണ് പരാതി. കെഎസ്ആര്‍ടിസി ജീവനക്കാര്‍ക്ക് ശമ്പളം ലഭിക്കാത്തതിന് യാത്രക്കാരന്‍ പരിഹസിക്കുന്നതിന്റെ അടക്കം വീഡിയോദൃശ്യങ്ങളും പുറത്തുവന്നിട്ടുണ്ട്. ”രണ്ടുലക്ഷം രൂപ ശമ്പളം മേടിക്കുന്നവനാടാ ഞാന്‍, നിനക്ക് കഴിഞ്ഞമാസം ശമ്പളം കിട്ടിയോ, നിന്റെ വീട്ടില്‍ കഞ്ഞികുടിച്ചോ” എന്നായിരുന്നു ഇയാള്‍ പറഞ്ഞത്. സംഭവത്തില്‍ അടൂര്‍ പോലീസ് അന്വേഷണം ആരംഭിച്ചു.
Read More » -
Crime
ക്രൂരബലാത്സംഗത്തിനുശേഷം കൊന്നു തള്ളിയത് അഞ്ചു സ്ത്രീകളെ; തെലങ്കാനയെ വിറപ്പിച്ച പരമ്പര കൊലയാളി പിടിയില്‍
ഹൈദരാബാദ്: തെലങ്കാനയില്‍ അഞ്ച് സ്ത്രീകളടക്കം ആറ് പേരെ കൊലപ്പെടുത്തിയ പരമ്പര കൊലയാളി പിടിയിലായി. കൂലിപ്പണിക്കാരനായ ബി. കാസമയ്യ എന്ന കാസിമിനെയാണ് മെഹബൂബ്നഗറില്‍നിന്ന് പോലീസ് അറസ്റ്റ് ചെയ്തത്. മേയില്‍ ഒരുസ്ത്രീയെ ബലാത്സംഗം ചെയ്ത് കൊലപ്പെടുത്തിയ കേസിലാണ് കാസിമിനെ പോലീസ് കസ്റ്റഡിയിലെടുത്തത്. തുടര്‍ന്ന് വിശദമായി ചോദ്യംചെയ്തതോടെയാണ് ബാക്കി അഞ്ച് കൊലപാതകങ്ങളുടെ ചുരുളഴിഞ്ഞത്. രണ്ടുവര്‍ഷത്തിനിടെയാണ് പ്രതി അഞ്ച് സ്ത്രീകളടക്കം ആറ് പേരെ കൊലപ്പെടുത്തിയതെന്ന് പോലീസ് പറഞ്ഞു. കൂലിപ്പണിക്കാരനായ കാസിം തെരുവുകളിലാണ് അന്തിയുറങ്ങാറുള്ളത്. അഞ്ച് സ്ത്രീകളെയും ഇയാള്‍ ക്രൂരമായി ബലാത്സംഗംചെയ്തശേഷമാണ് കൊലപ്പെടുത്തിയത്. കൊല്ലപ്പെട്ട സ്ത്രീകളില്‍ രണ്ടുപേരെ പോലീസ് തിരിച്ചറിഞ്ഞിട്ടുണ്ട്. പ്രതിയുടെ ക്രൂരതയ്ക്കിരയായ മറ്റൊരാള്‍ മല്ലേഷ് എന്ന കൂലിപ്പണിക്കാരനാണ്. പണത്തെച്ചൊല്ലിയുള്ള തര്‍ക്കമാണ് ഈ കൊലപാതകത്തിന് കാരണമായതെന്നും പോലീസ് പറഞ്ഞു. 2022 ലാണ് കാസിമിന്റെ കൊലപാതകപരമ്പര ആരംഭിക്കുന്നത്. തെലങ്കാനയിലെ ഭൂത്പുര്‍, ഹന്‍വാഡ, വാണപര്‍ഥി, ബിജിനാപള്ളി, മെഹബൂബ് നഗര്‍ റൂറല്‍ എന്നീ പോലീസ് സ്റ്റേഷന്‍ പരിധികളിലാണ് കേസുകള്‍ രജിസ്റ്റര്‍ ചെയ്തിരുന്നത്. ഒടുവില്‍ കഴിഞ്ഞ മെയ് 22-ന് മെഹ്ബൂബ് നഗറില്‍ സ്ത്രീയെ കൊല്ലപ്പെട്ടനിലയില്‍…
Read More » -
Kerala
സ്വര്‍ണക്കടത്ത് സംഘവുമായി ബന്ധം: കണ്ണൂരില്‍ ബ്രാഞ്ച് അംഗത്തെ സിപിഎം പുറത്താക്കി
കണ്ണൂര്‍: സ്വര്‍ണക്കടത്ത് സംഘവുമായി ബന്ധമുണ്ടെന്നു കണ്ടെത്തിയതിനെ തുടര്‍ന്നു എരമം സെന്‍ട്രല്‍ ബ്രാഞ്ച് അംഗം സജേഷിനെ സിപിഎം പുറത്താക്കി. ഡിവൈഎഫ്‌ഐ മേഖല കമ്മിറ്റി അംഗമായിരുന്നു. ഒന്നര മാസം മുന്‍പു നടന്ന സംഭവത്തിലാണു പുറത്താക്കല്‍. പയ്യന്നൂര്‍ കാനായില്‍ സ്വര്‍ണക്കടത്തു സംഘം വീട് വളഞ്ഞിരുന്നു. ഈ സംഘത്തില്‍ സജേഷിനൊപ്പം സ്വര്‍ണക്കടത്തു നേതാവ് അര്‍ജുന്‍ ആയങ്കി അടക്കമുള്ളവര്‍ ഉണ്ടായിരുന്നു. പയ്യന്നൂരില്‍ വീടു വളഞ്ഞ സംഘം ഭീകരാന്തരീക്ഷം സൃഷ്ടിച്ചു. നാട്ടുകാരാണ് പാര്‍ട്ടിയില്‍ വിവരമറിയിച്ചത്. സംഘത്തില്‍ ഉള്‍പ്പെട്ടതിനെ തുടര്‍ന്നാണു സജേഷിനെതിരെ പാര്‍ട്ടി നടപടി സ്വീകരിച്ചത്. സിപിഎം പ്രവര്‍ത്തകര്‍ ഉള്‍പ്പെടെയുള്ളവര്‍ ചേര്‍ന്നാണു സ്വര്‍ണക്കടത്തു സംഘത്തെ തടഞ്ഞത്. ഇതേ തുടര്‍ന്നാണ് പാര്‍ട്ടിക്ക് നടപടിയെടുക്കേണ്ടിവന്നത്. സിപിഎമ്മിലെ പ്രധാന നേതാവിന്റെ ഡ്രൈവറായി പ്രവര്‍ത്തിച്ചയാളാണു സജേഷ്. സിപിഎം പ്രവര്‍ത്തകര്‍ക്കു സ്വര്‍ണക്കടത്ത് സംഘവുമായി ബന്ധമുണ്ടെന്ന് ആരോപണം ഉയര്‍ന്നിരുന്നു. ജില്ലാ കമ്മിറ്റി അംഗം മനു തോമസ് ഉള്‍പ്പെടെയുള്ളവര്‍ ഇക്കാര്യം ചൂണ്ടാക്കാട്ടിയാണ് പാര്‍ട്ടി വിട്ടത്.
Read More » -
Health
ഈ ലക്ഷണങ്ങള്‍ കുട്ടിയില്‍ കാണുന്നുണ്ടോ? എന്താണ് എഡിഎച്ച്ഡി?
ADHD അഥവാ അറ്റെന്‍ഷന്‍ ഡെഫിസിറ്റ് ഹൈപ്പര്‍ ആക്ടിവിറ്റി ഡിസോര്‍ഡര്‍ (Attention Deficit Hyperactivity Disorder) എന്നതിന് പ്രധാനമായും മൂന്ന് ലക്ഷണങ്ങളാണ് ഉള്ളത്. ശ്രദ്ധയില്ലായ്മ (inattention), അടങ്ങിയിരിക്കാന്‍ വളരെ ബുദ്ധിമുട്ട് (hyperactivity), ആലോചിക്കാതെ എടുത്തുചാടി പ്രവര്‍ത്തിക്കുക (impulsivity). എഡിഎച്ച്ഡി എന്ന അവസ്ഥ ചെറിയ പ്രായത്തില്‍ കുട്ടികളില്‍ ആരംഭിക്കുകയും അതു രോഗനിര്‍ണ്ണയം നടത്തി മെച്ചപ്പെടുത്താനുള്ള ട്രെയിനിങ് കൊടുക്കാന്‍ കഴിയാതെപോയാല്‍ പ്രായം മുന്നോട്ടു പോകുമ്പോഴും ഈ ലക്ഷണങ്ങള്‍ അവരില്‍ ഉണ്ടാകും. ഇതിനെ Adult ADHD എന്ന് പറയുന്നു. എഡിഎച്ച്ഡി ലക്ഷണങ്ങള്‍ ? ADHD ഉള്ള കുട്ടികളില്‍ പഠനത്തില്‍ ശ്രദ്ധ കേന്ദ്രീകരിക്കാന്‍ കഴിയാത്ത അവസ്ഥ ഉണ്ടാകും ? ശ്രദ്ധക്കുറവുകാരണം പഠനത്തിലും മറ്റുകാര്യങ്ങളിലും വളരെ നിസ്സാരമായ തെറ്റുകള്‍ വരുത്തുക ? മറ്റൊരാള്‍ സംസാരിക്കുന്നത് ശ്രദ്ധയോടെ കേള്‍ക്കേണ്ട സാഹചര്യങ്ങളില്‍ അതു കഴിയാതെ വരിക ? നിര്‍ദ്ദേശങ്ങള്‍ ശ്രദ്ധിക്കാന്‍ കഴിയാതെ വരികയും ഹോംവര്‍ക്, അതുപോലെയുള്ള കാര്യങ്ങള്‍ ചെയ്തുതീര്‍ക്കാന്‍ കഴിയാതെ വരിക ? സാധങ്ങള്‍ അടുക്കി വെക്കാന്‍ പറ്റാതെ വരിക ? വളരെ…
Read More » -
India
പരസ്യ പ്രസ്താവന വിലക്കി ഡി.കെ; കര്‍ണാടകയിലെ മുഖ്യമന്ത്രി തര്‍ക്കത്തില്‍ താല്‍ക്കാലിക വിരാമം
ബംഗളൂരു: കര്‍ണാടകയിലെ മുഖ്യമന്ത്രി തര്‍ക്കം തല്‍ക്കാലം ഒത്തുതീര്‍പ്പിലേക്കെന്ന സൂചന നല്‍കി ഡികെ ശിവുമാറിന്റെ ഇടപെടല്‍. മന്ത്രിമാര്‍ക്കും എംഎല്‍എമാര്‍ക്കും കര്‍ശന നിര്‍ദേശവുമായി ഡികെ ശിവകുമാര്‍ തന്നെ രം ഗത്തെത്തിയതോടെയാണ് വിവാദങ്ങള്‍ക്ക് താല്‍ക്കാലിക വിരാമമുണ്ടായത്. വായടക്കി മിണ്ടാതിരിക്കണമെന്നും പരസ്യ പ്രസ്താവന വിലക്കുന്നുവെന്നും ഡികെ ശിവകുമാര്‍ താക്കീത് നല്‍കി. ഇത് ലംഘിച്ചാല്‍ കര്‍ശന നടപടിയുണ്ടാവുമെന്നും പിന്തുണച്ചവര്‍ക്ക് ഡികെ മുന്നറിയിപ്പ് നല്‍കിയിട്ടുണ്ട്. പാര്‍ട്ടിയുടെ ആഭ്യന്തര കാര്യങ്ങളില്‍ സ്വാമിമാരുടെ നിര്‍ദേശം ആവശ്യമില്ല, ആശീര്‍വാദം മതിയെന്നും ഡികെ പറഞ്ഞു. നേരത്തെ വൊക്കലിഗ ആത്മീയ നേതാവ് ഡികെയെ മുഖ്യമന്ത്രിയാക്കണമെന്ന് പരസ്യമായി സിദ്ധരാമയ്യയെ വേദിയിലിരുത്തി ആവശ്യപ്പെട്ടിരുന്നു. ഇതോടെയാണ് വിഷയം വഷളായത്. ഹൈക്കമാന്‍ഡിനെ കാര്യങ്ങള്‍ ധരിപ്പിച്ച സിദ്ധരാമയ്യക്കും താക്കീത് ലഭിച്ചു. സ്വന്തം ക്യാമ്പിലെ മന്ത്രിമാരെയും എംഎല്‍എമാരെയും നിയന്ത്രിക്കണമെന്ന് മല്ലികാര്‍ജുന്‍ ഖര്‍ഗെയെയും രാഹുല്‍ ഗാന്ധിയും സിദ്ധരാമയ്യക്ക് മുന്നറിയിപ്പ് നല്‍കി. സിദ്ധരാമയ്യക്കും നിര്‍ദേശമുണ്ട്. ഇതിന്റെ അടിസ്ഥാനത്തില്‍ കൂടുതല്‍ ഉപമുഖ്യമന്ത്രി പദവികള്‍ ആവശ്യപ്പെട്ട സ്വന്തം ക്യാമ്പിലെ മന്ത്രിമാരായ കെഎന്‍ രാജണ്ണ, സതീഷ് ജര്‍ക്കിഹോളി എന്നിവരോട് ഇനി പരസ്യപ്രസ്താവന നടത്തരുതെന്നും…
Read More »