Life Style
-
കുഞ്ഞാറ്റാ… അമ്മയ്ക്കു നിന്നെ ചന്ദ്രനോളവും അതിനപ്പുറവും ഇഷ്ടം; അച്ഛനാകാന് യോഗ്യതയില്ലാത്ത ഒരാളെ തെരഞ്ഞെടുത്തതിന് ക്ഷമിക്കണം; ദൈവത്തിനു നന്ദി: വൈകാരിക കുറിപ്പുമായി അതിജീവിത
തിരുവനന്തപുരം: രാഹുല് മാങ്കൂട്ടത്തില് എംഎല്എ അറസ്റ്റിലായതിനു പിന്നാലെ അതിവൈകാരികമായ രീതിയില് ഫെയ്സ്ബുക്ക് പോസ്റ്റിട്ട് അതിജീവിത. രാഹുലിനെതിരെ പീഡനാരോപണം ഉന്നയിച്ച് മുഖ്യമന്ത്രിക്ക് പരാതി നല്കിയ യുവതിയാണ് ദൈവത്തിന് നന്ദി പറഞ്ഞ് പോസ്റ്റിട്ടത്. ഒപ്പം നഷ്ടപ്പെട്ടുപോയ കുഞ്ഞുങ്ങളോട് മാപ്പ് ചോദിച്ചും അവരുടെ ആത്മാക്കള്ക്ക് ശാന്തി ലഭിക്കട്ടേയെന്ന പ്രാര്ത്ഥനയോടെയുമാണ് കുറിപ്പ്. ‘പ്രിയപ്പെട്ട ദൈവമേ, ഞങ്ങൾ സഹിച്ച എല്ലാ വേദനകൾക്കും, വിധിയെഴുത്തുകൾക്കും, വഞ്ചനകൾക്കും നടുവിലും, സ്വയം വിലമതിക്കാനുള്ള ധൈര്യം തന്നതിന് നന്ദി. ഇരുട്ടില് ചെയ്ത തെറ്റുകളും ലോകം കേള്ക്കാതെ പോയ നിലവിളികളും അലറിക്കരച്ചിലും അങ്ങ് കേട്ടു, ഞങ്ങളുടെ ശരീരം മുറിവേറ്റ് വേദനിച്ചപ്പോള് ഞങ്ങളെ ചേര്ത്തുപിടിച്ചു, ചോരക്കുഞ്ഞുങ്ങളെ ഞങ്ങളില് നിന്നും ബലമായി പറിച്ചെടുത്തു, സ്വര്ഗത്തിലിരുന്ന് ഞങ്ങളുടെ മാലാഖക്കുഞ്ഞുങ്ങള് ഞങ്ങളോട് ക്ഷമിക്കുമായിരിക്കും, തെറ്റായ ഒരാളെ വിശ്വസിച്ചതിനും ഞങ്ങളുടെ കുഞ്ഞിന്റെ അച്ഛനാകാന് യോഗ്യതയില്ലാത്ത ഒരാളെ തിരഞ്ഞെടുത്തതിനും കുഞ്ഞുമക്കള് ഞങ്ങളോട് ക്ഷമിക്കട്ടേ…’–യുവതി എഴുതുന്നു. ‘ഞങ്ങളുടെ കുഞ്ഞുങ്ങള്ക്ക് നിത്യശാന്തി ലഭിക്കട്ടേ, ക്രൂരതകളില് നിന്നും ഭീതിയില് നിന്നും മോചിതരായി, ഞങ്ങളെ സംരക്ഷിക്കാന് പറ്റാത്ത ഈ ലോകത്തില്…
Read More » -
പൂര്ണനഗ്നനായി മരത്തില് കയറി നടന് വിദ്യുത് ജംവാള്; കണ്ണുതള്ളി സോഷ്യല് മീഡിയ; കളരിപ്പയറ്റിന്റെ ഭാഗമെന്ന് വിശദീകരണം
പൂര്ണനഗ്നനായി മരത്തില് വലിഞ്ഞുകയറി നടന് വിദ്യുത് ജംവാള്. കളരിപയറ്റ് അഭ്യാസത്തിന്റെ ഭാഗമായാണ് ഇങ്ങനെ ചെയ്തതെന്നാണ് താരത്തിന്റെ വിശദീകരണം. വര്ഷത്തിലൊരിക്കല് താന് ഇത് അനുഷ്ഠിക്കുന്നതാണെന്നും ഇത് പ്രകൃതിയുമായുള്ള ആഴത്തിലുള്ള ബന്ധവും ആന്തരിക അവബോധവും വളർത്തുന്നുവെന്നും വിദ്യുത് ജംവാള് പറഞ്ഞു. ‘കളരിപ്പയറ്റ് പരിശീലിക്കുന്നതിന്റെ ഭാഗമായി, വർഷത്തിലൊരിക്കൽ ഞാൻ ‘സഹജ’ എന്ന യോഗാഭ്യാസത്തിൽ മുഴുകാറുണ്ട്. സ്വാഭാവികമായ അനായാസതയിലേക്കും സഹജവാസനകളിലേക്കും മടങ്ങുക എന്നാണ് ‘സഹജ’ എന്നതുകൊണ്ട് അർഥമാക്കുന്നത്. ഇത് പ്രകൃതിയുമായുള്ള ആഴത്തിലുള്ള ബന്ധവും ആന്തരിക അവബോധവും വളർത്തുന്നു,’ വിദ്യുത് പറഞ്ഞു. ശാസ്ത്രീയമായി പറഞ്ഞാൽ, ഇത് നിരവധി ന്യൂറോറിസെപ്റ്ററുകളെയും പ്രൊപ്രിയോസെപ്റ്ററുകളെയും ഉത്തേജിപ്പിക്കുകയും, അതുവഴി ഇന്ദ്രിയാനുഭാവങ്ങൾ വർധിപ്പിക്കുകയും ശരീരത്തിന്റെ സന്തുലിതാവസ്ഥയും ഏകോപനവും മെച്ചപ്പെടുത്തുകയും ചെയ്യുന്നു. ഇത് ശരീരത്തെക്കുറിച്ചുള്ള കൂടുതൽ അറിവിലേക്കും, മികച്ച മാനസിക ഏകാഗ്രതയിലേക്കും, അഗാധമായ അടിത്തറയുള്ള അനുഭവത്തിലേക്കും നയിക്കുന്നുവെന്നും താരം കൂട്ടിച്ചേര്ത്തു. മുന്പും വിചിത്രമായ അഭ്യാസങ്ങളിലൂടെ വിദ്യുത് ജംവാള് വാര്ത്തകളില് ഇടംപിടിച്ചിട്ടുണ്ട്. ഇപ്പോള് പങ്കുവച്ച വിഡിയോക്കിടയില് തന്നെ മഞ്ഞിലും കൂര്ത്ത കമ്പിക്ക് മുകളില് കിടക്കുന്ന വിഡിയോയും അദ്ദേഹം പങ്കുവച്ചിട്ടുണ്ട്.…
Read More » -
തൊഴില് കിട്ടാന് പങ്കപ്പാട്; പറ്റിയ ആളെക്കിട്ടന് അതിലും പാട്! അപേക്ഷിക്കുന്നവരുടെ എണ്ണം ഇരട്ടി; കൊള്ളാവുന്നവര് ഇല്ലെന്ന് കമ്പനികളും; ടാലന്റ് വിലയിരുത്തുന്നത് എഐ; ലിങ്ക്ഡ് ഇന് സര്വേയില് ആശങ്കയുമായി യുവാക്കള്
ന്യൂഡല്ഹി: 2026ലെ തൊഴില് വിപണി ലക്ഷ്യമാക്കി വലിയ തോതില് ജോലിമാറ്റത്തിന് താല്പര്യപ്പെട്ട് നില്ക്കുകയാണ് ഇന്ത്യന് പ്രൊഫഷണലുകള്. എന്നാല് ഈ തീരുമാനത്തോടൊപ്പം തന്നെ ഒരു വലിയ ആശങ്കയും അവരെ പിന്തുടരുന്നുണ്ടെന്നാണ് റിപ്പോര്ട്ട്. ലിങ്ക്ഡ്ഇന് നടത്തിയ സര്വേ പ്രകാരം, ഇന്ത്യന് പ്രൊഫഷണലുകളുടെ ഭൂരിഭാഗവും പുതിയ ജോലി തേടാന് സ്വയം തയാറെടുപ്പ് നടത്തിയിട്ടില്ലെന്ന് കരുതുന്നു. സര്വേയില് പങ്കെടുത്തവരില് 84 ശതമാനം പേരും ജോബ് സെര്ച്ചിന് തങ്ങള് പൂര്ണമായി തയ്യാറായിട്ടില്ലെന്ന അഭിപ്രായമാണ് പങ്കുവെച്ചത്. തൊഴില് രംഗത്തെ വേഗത്തിലുള്ള മാറ്റങ്ങള്, ആവശ്യമായ പുതിയ വൈദഗ്ധ്യത്തിന്റെ പോരായ്മ, റിക്രൂട്ട്മെന്റില് എഐയുടെ വ്യാപകമായ ഉപയോഗം എന്നിവയാണ് ഈ ആശങ്കക്ക് പ്രധാന കാരണം. തൊഴില് വിപണിയില് മത്സരം മുന്പെന്നത്തേക്കാള് കഠിനമായിട്ടുണ്ട്. 2022ന്റെ തുടക്കവുമായി താരതമ്യം ചെയ്യുമ്പോള് ഓരോ ജോലിയൊഴിവിലേക്കും അപേക്ഷിക്കുന്നവരുടെ എണ്ണം ഇരട്ടിയിലധികമായി. ഇത് തൊഴില് തേടുന്നവരുടെ സമ്മര്ദം വര്ധിപ്പിക്കുന്നു. തൊഴില് ദാതാക്കളും സമാനമായ പ്രശ്നത്തില്. ഇന്ത്യയിലെ 74 ശതമാനം തൊഴില്ദാതാക്കളും യോഗ്യതയുള്ള ഉദ്യോഗാര്ഥികളെ കണ്ടെത്തുന്നത് കഴിഞ്ഞ വര്ഷത്തേക്കാള് കൂടുതല് ബുദ്ധിമുട്ടായതായി വ്യക്തമാക്കുന്നു.…
Read More » -
‘പണം കൊണ്ട് തീര്ക്കാവുന്ന പ്രശ്നങ്ങളാണ് ഉള്ളതെങ്കില് പണം തന്നെയാണ് ഏറ്റവും പ്രധാനം’; മണി ഈസ് നോട്ട് ഹാപ്പിനെസ് എന്നു പറയുന്നത് പരിഹാസ്യം; നൂറു രൂപ ഇല്ലാത്തതിന്റെ പേരില് 10-ാം ക്ലാസിലെ ഫോട്ടോ എടുക്കാന് കഴിയാത്തവരുണ്ട്; അവര്ക്ക് എന്താണു പിന്നെ സന്തോഷമെന്നും വര്ഷ രമേശ്
കൊച്ചി: പണമുണ്ടായിട്ടു മാത്രം കാര്യമില്ല, സമാധാനം കൂടി വേണമെന്ന് ഉപദേശം നല്കുന്നവരാണ് എല്ലാവരും. എന്നാല്, പണമല്ല ജീവിതത്തിലെ ഏറ്റവും വലിയ കാര്യം എന്ന് ഉപദേശിക്കുന്നവര്ക്ക് മറുപടിയുമായി നടിയും അവതാരകയും ഇന്ഫ്ലുവന്സറുമായ വര്ഷ രമേശ്. പണം കൊണ്ട് തീര്ക്കാവുന്ന പ്രശ്നങ്ങളാണ് ജീവിതത്തിലുള്ളതെങ്കില് അവിടെ പണം തന്നെയാണ് ഏറ്റവും പ്രധാനമെന്ന് ഇന്സ്റ്റഗ്രാമില് പങ്കുവെച്ച വിഡിയോയിലൂടെ വര്ഷ ഓര്മിപ്പിക്കുന്നു. പൈസയ്ക്ക് പൈസ തന്നെ വേണമെന്നും കടവും ലോണും കൊണ്ട് വീര്പ്പുമുട്ടുന്നവന്റെ മുന്നില് ചെന്ന് ‘പണമല്ല സന്തോഷം’ എന്ന് പറയുന്നത് പരിഹാസ്യമാണെന്ന് അവര് പറയുന്നു. ഒരു പ്രായം കഴിഞ്ഞാല് സ്ത്രീയായാലും പുരുഷനായാലും കുടുംബത്തിലും സമൂഹത്തിലും അന്തസ്സുണ്ടാകണമെങ്കില് സ്വന്തമായി ഒരു ജോലിയും വരുമാനവും വേണമെന്ന് വര്ഷ വിഡിയോയില് പറയുന്നു. പണമുണ്ടാകുന്നത് കൊണ്ട് ഒരു മനുഷ്യന്റെ ജീവിതത്തിലുണ്ടാകുന്ന സന്തോഷങ്ങള് എന്തൊക്കെയെന്നും വര്ഷ കൃത്യമായി പറഞ്ഞുവെക്കുന്നുണ്ട്. സ്വന്തം അമ്മയ്ക്ക് സഹായമായി പണം നല്കുന്നതിലും, പണ്ട് വിലക്കൂടുതല് കാരണം അച്ഛന് വേണ്ടെന്നുവെച്ച സാധനങ്ങള് വാങ്ങി നല്കാന് സാധിക്കുന്നതിലൂടെയും അനുഭവിക്കുന്ന സന്തോഷം വലുതാണ്. അനിയനും…
Read More » -
സംസ്ഥാന സ്കൂള് കലോത്സവം: സ്വര്ണക്കപ്പ് ഘോഷയാത്ര ഏഴുമുതല് 13വരെ; എല്ലാ ജില്ലകളിലും പര്യടനം; കാസര്ഗോഡ് നിന്ന് തുടക്കം
തൃശൂര്: സംസ്ഥാന സ്കൂള് കലോത്സവത്തിലെ വിജയികള്ക്കു സമ്മാനിക്കുന്ന സ്വര്ണക്കപ്പ് വഹിച്ചുള്ള ഘോഷയാത്ര ഏഴിനു രാവിലെ എട്ടിനു കാസര്ഗോഡ് മോഗ്രാല് ഗവ. വൊക്കേഷണല് ഹയര്സെക്കന്ഡറി സ്കൂളില്നിന്ന് ആരംഭിക്കും. 13ന് വൈകീട്ട് ആറിനു കലോത്സവ വേദിയായ തൃശൂര് തേക്കിന്കാട് മൈതാനിയില് എത്തും. ആദ്യദിനം കാസര്ഗോഡ് ജില്ലയില് ചെമ്മാട് സിജെഎച്ച്എസ്എസ്, ഹോസ്ദുര്ഗ് ജിഎച്ച്എസ്എസ്, കണ്ണൂര് ജില്ലയിലെ പയ്യന്നൂര് എവിഎസ് ജിവിഎച്ച്എസ്എസ് കരിവെള്ളൂര്, കണ്ണൂര് ജിഎച്ച്എസ്എസ് പള്ളിക്കുന്ന്, ചിറ്റാരിപ്പറമ്പ് ജിഎച്ച്എസ്എസ്, വയനാട് ജില്ലയിലെ എസ്എച്ച്എസ്എസ് ദ്വാരക, മീനങ്ങാടി ജിഎച്ച്എസ്എസ്, മുട്ടില് ഡബ്ല്യുഒവിഎച്ച്എസ്എസ് എന്നിവിടങ്ങളിലാണു സ്വീകരണം. രണ്ടാം ദിനമായ എട്ടിന് രാവിലെ 8.30ന് കോഴിക്കോട് ജില്ലയിലെ മാനാഞ്ചിറ ബിഇഎംജിഎച്ച്എസ്എസില്നിന്ന് ഘോഷയാത്ര ആരംഭിക്കും. രാമനാട്ടുകര എസ് പിബിഎച്ച്എസ്എസ്, മലപ്പുറം രാജ ജിഎച്ച്എസ്എസ്, കുറ്റിപ്പുറം ജിഎച്ച്എസ്എസ്, പാലക്കാട് ജില്ലയിലെ വട്ടേനാട് ജിവിഎച്ച്എസ്എസ്, ഷൊര്ണൂര് കെവിആര്എച്ച്എസ് എന്നിവിടങ്ങളില് സ്വീകരണം നല്കും. ഒമ്പതിനു രാവിലെ എട്ടിനു ഇടുക്കി ജില്ലയിലെ കുമാരമംഗലം എംകെഎന്എംഎച്ച്എസ്എസ്, തൊടുപുഴ ഡോ. എപിജെ എച്ച്എസ്എസ്, മുട്ടം ജിഎച്ച്എസ്, കാരികുന്നം ഗവ. എച്ച്എസ്എസ്,…
Read More » -
മാസമുറയെ പഴിക്കുന്നവര്ക്കും ഭര്ത്താവിനെ സംശയരോഗി ആക്കുന്നവര്ക്കും അപവാദമാണ് മഞ്ജു; കൂട്ടിക്കല് ജയചന്ദ്രന്റെ കുറിപ്പില് വ്യാപക വിമര്ശനം
കൊച്ചി: പുതുവര്ഷത്തില് സൂപ്പര്താരം മഞ്ജു വാരിയര് പങ്കുവച്ച ചിത്രങ്ങളും വിഡിയോകളും പങ്കിട്ട് സ്ത്രീകളെ അപമാനിക്കുകയാണു നടനും മിമിക്രി താരവുമായ കൂട്ടിക്കല് ജയചന്ദ്രന് ചെയ്തതെന്നു വിമര്ശനം. സ്ത്രീകളിലെ ആര്ത്തവത്തെയും ആര്ത്തവ സംബന്ധമായ ശാരീരിക മാനസിക ബുദ്ധിമുട്ടുകളെയും നിസാരവല്ക്കരിച്ചാണ് കൂട്ടിക്കല് ജയചന്ദ്രന്റെ ഫേസ്ബുക്ക് പോസ്റ്റ് എന്നു വിവിധ രംഗങ്ങളിലെ സ്ത്രീകള് വിമര്ശിച്ചു. ഇതിന് പുറമെ സ്ത്രീകളുടെ ‘സ്വഭാവ ദൂഷ്യത്തെയും’ ജയചന്ദന് വിമര്ശിക്കുകയും എല്ലാവരെയുമല്ല ഈ പറഞ്ഞതെന്ന മട്ടില് മുന്കൂര് ജാമ്യമെടുക്കുകയും ചെയ്യുന്നുണ്ട്. മാസത്തിലെ പതിനഞ്ച് ദിവസം മാസമുറ ആകാത്തതിന്റെ കുറ്റവും ബാക്കി 15 ദിവസം അത് കഴിഞ്ഞതിന്റെ കുറ്റവും ഇടയ്ക്ക് ഒരു ദിവസം കിട്ടിയാല് പിസിഒഡിയെയും കൂട്ടുപിടിച്ച് മടി പിടിച്ചിരിക്കുന്ന സ്ത്രീകള് ഉണ്ടെങ്കില് അവര്ക്ക് അപവാദമാണ് മഞ്ജുവാരിയര് എന്നാണ് കുറിപ്പ്. ജീവിക്കാന് സാഹസം വേണ്ടി വരുന്നതിനാല് യോജിക്കാന് പറ്റാത്ത ബന്ധത്തില് കടിച്ചു തൂങ്ങി ഭര്ത്താവ് കൊണ്ടുവരുന്ന ഭക്ഷണവും കഴിച്ച് അയാളെ സംശയരോഗിയാക്കി തീര്ക്കുന്നവരും ഉണ്ടെന്നും ജയചന്ദ്രന് ആരോപിക്കുന്നു. മാത്രവുമല്ല, മറ്റുള്ളവരുടെ ഭാര്യമാര്ക്ക് ആശ്വാസത്തിന്റെ മൊത്തവ്യാപാരവുമായി…
Read More » -
പൂമ്പാറ്റയെപ്പോലെ സുന്ദരി; ന്യൂഡ് മേക്കപ്പും ഇളംനീല ഫ്രോക്കും; സോഷ്യല് മീഡിയ കീഴടക്കി പാര്വതി
ന്യൂയര് ദിനത്തില് നടി പാര്വതി തിരുവോത്ത് സമൂഹമാധ്യമങ്ങളില് പങ്കുവച്ച ചിത്രങ്ങള് ശ്രദ്ധ നേടുകയാണ്. ഇളംനീല നിറത്തിലുള്ള സ്ട്രാപ്പ്ലെസ് ഫ്രോക്കാണ് പാര്വതി ധരിച്ചിരിക്കുന്നത്. കണ്ണ് നീട്ടിയെഴുതി ന്യൂഡ് ഷെയ്ഡ് ലിപ്സ്റ്റിക്കില് ന്യൂഡ് മേക്കപ്പാണ് ചെയ്തിരിക്കുന്നത്. ചിത്രം കണ്ട് ‘ഒരു പൂമ്പാറ്റയെ പോലെ ഉണ്ടല്ലോ’ എന്നാണ് ആരാധകര് കമന്റ് ചെയ്യുന്നത്. ഡോണ് പാലത്തറ രചനയും സംവിധാനവും ഒരുക്കുന്ന ചിത്രത്തിലാണ് ഇനി പാര്വതി നായികയാവുന്നത്. ദിലീഷ് പോത്തനും സുപ്രധാന വേഷത്തില് എത്തുന്നുണ്ട്. ഇതാദ്യമായാണ് ഡോണ് പാലത്തറയ്ക്കും ദിലീഷ് പോത്തനുമൊപ്പം എത്തുന്നത്. ഇവരെ കൂടാതെ രാജേഷ് മാധവന്, അര്ജുന് രാധാകൃഷ്ണന് എന്നിവരും ചിത്രത്തിലുണ്ട്. ബോളിവുഡിന്റെ സൂപ്പര് താരം ഹൃത്വിക് റോഷന്റെ നിര്മാണത്തിലൊരുങ്ങുന്ന വെബ് സീരിസിലും പാര്വതിയാണ് പ്രധാനതാരം. എച്ച്ആര്എക്സ് ഫിലിംസ് എന്ന ബാനറിന്റെ കീഴിലാണ് ഹൃത്വിക് റോഷന് നിര്മാണം ആരംഭിക്കുന്നത്. ആമസോണ് പ്രൈം വിഡിയോയ്ക്ക് വേണ്ടി നിര്മിക്കുന്ന ‘സ്റ്റോം’ എന്ന വെബ് സീരീസിലാണ് പാര്വതി നായികയാവുന്നത്.
Read More » -
താരവിവാഹത്തിനു തെന്നിന്ത്യ; കൊട്ടാരമൊരുങ്ങി; ഫെബ്രുവരി 26 മിന്നുകെട്ട്; ആഘോഷ മൂഡില് രശ്മികയും വിജയ് ദേവരക്കൊണ്ടയും; നിശ്ചയംപോലെ വിവാഹത്തിലും അടുത്ത ബന്ധുക്കളും സുഹൃത്തുക്കളും മാത്രം
ബംഗളുരു: തെന്നിത്യന് സിനിമാ പ്രേമികള് ആകാംക്ഷയോടെ കാത്തിരിക്കുന്ന താരവിവാഹത്തിനു വേദിയൊരുങ്ങി. രശ്മിക മന്ദാന വിജയ് ദേവരകൊണ്ട വിവാഹത്തിനു തീയതിയും വിവാഹ വേദിയും തീരുമാനിച്ചതായാണ് റിപ്പോര്ട്ടുകള്. കഴിഞ്ഞകുറേ മാസങ്ങളായി ഇരുവരും തമ്മിലുള്ള ബന്ധത്തെ കുറിച്ച് ശക്തമായ അഭ്യൂഹങ്ങള് ഉണ്ടായിരുന്നു. ഇരുവരുടെയും വിവാഹ നിശ്ചയം 2025 ഒക്ടോബറില് അടുത്ത ബന്ധുക്കളുടെ സാന്നിധ്യത്തില് കഴിഞ്ഞതോടെയാണ് അഭ്യൂഹങ്ങള് സ്ഥിരീകരിക്കപ്പെട്ടത്. പിന്നാലെ ഇരുവരും 2026ല് വിവാഹിതരാകാന് തീരുമാനിച്ചതായും റിപ്പോര്ട്ടുകളെത്തി. 2026 ഫെബ്രുവരിയില് രശ്മിക മന്ദാന വിജയ് ദേവരകൊണ്ട വിവാഹം ഉണ്ടാകുമെന്നാണ് സൂചന. പുറത്തുവരുന്ന റിപ്പോര്ട്ടുകള് ശരിയാണെങ്കില് ഫെബ്രുവരി 26 ന് ഇരുവരും വിവാഹിതരാകും. ഉദയ്പൂരിലെ ഒരു കൊട്ടാരമായിരിക്കും വേദിയെന്നാണ് ഹിന്ദുസ്ഥാന് ടൈംസ് റിപ്പോര്ട്ട് ചെയ്യുന്നത്. വിവാഹനിശ്ചയം പോലെ തന്നെ വിവാഹവും വളരെ ലളിതവും അടുത്ത സുഹൃത്തുക്കളും ബന്ധുക്കളും മാത്രം പങ്കെടുക്കുന്ന ചടങ്ങുമായിരിക്കും. വിവാഹ ശേഷം സിനിമ രംഗത്തെ സുഹൃത്തുക്കള്ക്കായി വിവാഹ സല്ക്കാരമോ മറ്റ് പരിപാടികളോ സംഘടിപ്പിക്കുന്നുണ്ടോ എന്നതില് വ്യക്തയില്ല. 2018 ല് പുറത്തിറങ്ങിയ ‘ഗീത ഗോവിന്ദം’ എന്ന ഹിറ്റ്…
Read More » -
‘ഇവരൊക്കെ എന്തു മനുഷ്യരാണ്? ഇവനും നവോത്ഥാന നായകനാണത്രേ? വേട്ടക്കാരനൊപ്പം നില്ക്കുന്നവരെ നിങ്ങള്ക്കു വെളുപ്പിക്കാന് ഒരാള്കൂടെ രംഗത്തുവരുന്നു’; ഒറ്റയ്ക്കു താമസിക്കുന്ന സ്ത്രീയുടെ അനുഭവം വെളിപ്പെടുത്തി രാഹുല് മാങ്കൂട്ടത്തിലിനെതിരേ പോസ്റ്റിട്ട ഷഹനാസ്
കോഴിക്കോട്: രാഹുല് മാങ്കൂട്ടത്തിലിനെതിരേ ഗുരുതര ആരോപണങ്ങളുമായി രംഗത്തുവന്ന കോണ്ഗ്രസ് പ്രവര്ത്തക എം.എ. ഷഹനാസിന്റെ ഫേസ്ബുക്ക് പോസ്റ്റ് വീണ്ടും ചര്ച്ചയാകുന്നു. വേട്ടക്കാരനൊപ്പം നില്ക്കുന്നവരെ നിങ്ങള്ക്കു വെളുപ്പിക്കാന് ഒരാള്കൂടെ രംഗത്തുവരുന്നു എന്ന തലക്കെട്ടോടെയാണു പോസ്റ്റ്. ഭാര്യയും മക്കളുമുണ്ടായിട്ടും പ്രണയാഭ്യര്ഥനയുമായി വന്ന വിദേശത്തു താമസിക്കുന്ന കവിയെക്കുറിച്ചാണു പോസ്റ്റ്. ആരാണെന്നു വെളിപ്പെടുത്തുന്നില്ലെന്നും ഷഹനാസ് പറഞ്ഞുവയ്ക്കുന്നു. പോസ്റ്റിന്റെ പൂര്ണരൂപം വേട്ടക്കാരനൊപ്പം നില്ക്കുന്നവരെ നിങ്ങള്ക്ക് വെളുപ്പിക്കാന് ഒരാള് കൂടെ രംഗത്ത് വരുന്നു. സംഭവം ഇങ്ങനെയാണ്. നിന്നോട് എനിക്ക് പ്രണയം ഉണ്ടെന്ന് പറയുമ്പോള് നിങ്ങള്ക്ക് ഭാര്യ ഇല്ലെ? എന്ന് തിരിച്ചു ചോദിക്കുന്നു. ഓഹോ നീ അത്തരം കുലസ്ത്രീ ആണോയെന്നും ഞാന് ഒരു കുല പുരുഷനല്ല എന്ന് നവോത്ഥാന നായകന് അഭിമാനത്തോടെ പറയുന്നു…അയ്യേ നീയൊക്കെ പ്രണയത്തെ ഇങ്ങനെ ഇടുങ്ങിയ അവസ്ഥയില് ആണോ കാണുന്നത് എന്നും ചോദിക്കുന്നു. നമുക്ക് പ്രണയിച്ചൂടെ…? എന്ന് വീണ്ടും വീണ്ടും ചോദിക്കുന്നു. വിദേശത്തുനിന്ന് സാംസ്കാരിക ഇടപെടലുകള് നിരന്തരം നടത്തുന്ന എഴുത്തുകാരന് ഇന്ത്യ സന്ദര്ശിക്കുന്നു. നിരവധി സമ്മാനങ്ങളുമായി ഈ സ്ത്രീയെ…
Read More » -
ജെന്-സി സൂപ്പറാണ്, പക്ഷേ ബുദ്ധിയില് അത്ര സൂപ്പറല്ല; ഐക്യു ലെവല് താഴേക്കെന്നു പഠനം; വന്നുവന്നു മനുഷ്യന് ബുദ്ധിയില്ലാത്ത മണ്ടന്മാരാകുമോ? എണ്പതുകളിലും തൊണ്ണൂറുകളിലും ജനിച്ചവര് ഐക്യു ലെവലില് പുലികള്
ന്യൂഡല്ഹി: അടുത്തകാലത്ത് ഏറ്റവും കൂടുതല് ആഘോഷിക്കപ്പെട്ട പേരുകളിലൊന്നാണു ജെന് സി എന്നത്. ജെന് സി സൂപ്പറാണ്, എന്തും പറയാന് മടിക്കാത്തവരാണ്, അടിപൊളിയാണെന്നൊക്കെ പറയുമ്പോഴും ചില ശാസ്ത്രീയ പഠനങ്ങളില് അത്ര പോര എന്നാണു കണ്ടെത്തല്. അതു മറ്റൊന്നിലുമല്ല, ഐക്യു (ഇന്റലിജന്റ് കോഷ്യന്റ്) നിലവാരത്തില് അവര് മില്ലേനിയല്സ് അല്ലെങ്കില് എണ്പതിനും 96നും ഇടയില് ജനിച്ചവരേക്കാള് പിന്നിലാണെന്നാണു കണ്ടെത്തല്. അതായത് ബുദ്ധി അത്ര പോരെന്ന്. ഇതോടൊപ്പം കോഗ്നിറ്റീവ് ലോഡ് അഥവാ അറിവിന്റെ ഭാരം ജന് സിക്കു കൂടുതലാണെന്നും കണ്ടെത്തല് പറയുന്നു. സാങ്കേതിക വിദ്യയുടെ സാന്നിധ്യത്തില് പ്രകൃത്യാ ഉള്ളതിനേക്കാള് അറിവ് ഇവര്ക്കു കൂടുന്നു എന്നാണു പറയുന്നത്. ഇന്റര്നെറ്റില്നിന്നു ലഭിക്കുന്ന റീലുകളും കണ്ടന്റുകളും ആഴത്തില് ചിന്തിക്കാനുള്ള കഴിവു നഷ്ടമാക്കുന്നു. ഒപ്പം, പ്രൊസസ്ഡ് ഭക്ഷണങ്ങളും ജെന്-സിയുടെ മാനസിക വളര്ച്ചയെ ബാധിച്ചിട്ടുണ്ട്. ചുറ്റുപാടുകളെക്കുറിച്ചുള്ള ബോധവും ആവിഷ്കാരബോധ്യങ്ങളും (ക്രിയേറ്റിവിറ്റി) കുറഞ്ഞുവരുന്നെന്നും കണ്ടെത്തി. ഇഡിയോക്രസി എന്ന സിനിമയില് പറയുമ്പോലെ, ഭാവി തലമുറ ബുദ്ധിയില്ലാത്തവരായി മാറുമോ എന്നതാണു ചര്ച്ച. അപ്പോഴും തൊട്ടു മുമ്പത്തെ തലമുറകളെക്കാള് ജന്-സി…
Read More »