Month: September 2023
-
Kerala
കോഴിക്കോട് തൊട്ടിൽപ്പാലത്ത് എംഡിഎംഎ യുമായി ദമ്പതികൾ അറസ്റ്റിൽ
കോഴിക്കോട്: തൊട്ടിൽപ്പാലത്ത് എംഡിഎംഎ യുമായി ദമ്പതികൾ അറസ്റ്റിൽ.വടകര സ്വദേശി ജിതിൻ ബാബു, ഭാര്യ സ്റ്റെഫി എന്നിവരാണ് പിടിയിലായത്. 96.44 ഗ്രാം എംഡിഎംഎ ഇവരിൽ നിന്ന് പോലീസ് കണ്ടെടുത്തു. ബാംഗ്ലൂരിൽ നിന്ന് വടകരയിലേക്ക് കാറിൽ എംഡിഎംഎ കടത്തുന്നതിനിടയിലാണ് ഇരുവരും പോലീസ് പിടിയിലായത്.ഇന്നലെ രാത്രിയാണ് സംഭവം .ബാംഗ്ലൂരിൽ നിന്ന് എംഡിഎംഎ കൊണ്ടുവന്ന് വടകര ഭാഗത്ത് വിൽപ്പന നടത്തുന്നുണ്ടെന്ന രഹസ്യ വിവരത്തെ തുടർന്നാണ് നടപടി. സംശയം തോന്നാതിരിക്കാൻ മകനെയും കാറിൽ ഇരുത്തിയാണ് ഇവർ എംഡിഎംഎ കടത്തിയത് .ഇവർ സഞ്ചരിച്ച കാറും തൊട്ടിൽപ്പാലം പോലീസ് പിടികൂടി . അതേസമയം കൊച്ചിയിൽ എംഡിഎംഎ കൈവശം വെച്ച കേസിൽ 51 കാരനേയും യുവതിയേയും പോലീസ് പിടികൂടി. 51 കാരനായ ഷാജി പി സി ,തിരുവനന്തപുരം വെങ്ങാനൂർ മുട്ടയ്ക്കാട് നങ്ങുളത്ത് വീട്ടിൽ 31 കാരിയായ രേഷ്മ കെ എന്നിവരെയാണ് ഇടപ്പള്ളിയിലെ അപ്പാർട്ട്മെന്റിൽ വെച്ച് പോലീസ് പിടികൂടിയത്.
Read More » -
India
രാജ്യത്ത് ഏറ്റവും കൂടുതല്‍ സൗജന്യ ചികിത്സ: കേരളത്തിന് പുരസ്കാരം
ന്യൂഡൽഹി: കേന്ദ്ര സർക്കാരിന്റെ ആരോഗ്യ മന്ഥന്‍ 2023 പുരസ്കാരം കേരളത്തിന് ലഭിച്ചു.രാജ്യത്ത് ഏറ്റവും കൂടുതല്‍ സൗജന്യ ചികിത്സ നല്‍കിയ സംസ്ഥാനം എന്ന നിലയിലാണ് പുരസ്കാരം. പിണറായി സര്‍ക്കാരിന്റെ കാലത്ത് തുടര്‍ച്ചയായി ഇത് മൂന്നാം തവണയാണ് പുരസ്കാരം കേരളത്തിന് ലഭിക്കുന്നത്.എ ബി പി എം ജെ എ വൈ പദ്ധതി മുഖാന്തിരം രാജ്യത്ത് ‘ഏറ്റവും കൂടുതല്‍ ചികിത്സ നല്‍കിയ സംസ്ഥാനം’, പദ്ധതി ഗുണഭോക്താക്കളായുള്ള കാഴ്ച പരിമിതര്‍ക്കായി പ്രത്യേകം ലഭ്യമാക്കിയ സേവനങ്ങള്‍ക്ക് ‘മികവുറ്റ പ്രവര്‍ത്തനങ്ങള്‍’ എന്നീ രണ്ട് വിഭാഗങ്ങളിലാണ് പുരസ്‌കാരങ്ങള്‍ ലഭിച്ചത്. എ ബി പി എം ജെ എ വൈയുടെ വാര്‍ഷിക ആഘോഷങ്ങളുമായി ബന്ധപ്പെട്ടാണ് കേന്ദ്ര സര്‍ക്കാരിന്റെ നാഷണല്‍ ഹെല്‍ത്ത് അതോറിറ്റി ആരോഗ്യമന്ഥന്‍ 2023 പുരസ്‌കാരങ്ങള്‍ പ്രഖ്യാപിച്ചത്.
Read More » -
Kerala
പത്താമത് ഗണേശസേവാ പുരസ്കാരം ശ്രീജിത്ത് പണിക്കർക്ക്
തിരുവനന്തപുരം:പത്താമത് ഗണേശസേവാ പുരസ്കാരം ശ്രീജിത്ത് പണിക്കർക്ക്.കരേറ്റ സാർവ്വജനിക ഗണേശോത്സവത്തിന്റെ ഭാഗമായാണ് പുരസ്കാരം നൽകുന്നത്. ഇന്ന് നടക്കുന്ന സാംസ്‌കാരിക സദസ്സിൽ പുരസ്കാരം സമർപ്പിക്കും. കേളപ്പജിയുടെ കൊച്ചുമകനും പ്രശസ്ത ഫോട്ടോഗ്രഫറുമായ നന്ദകുമാർ മൂടാടിയാണ് പുരസ്കാരം നൽകുക പ്രശസ്തിപത്രവും ശിൽപവും 11,000 രൂപയും അടങ്ങുന്നതാണ് പുരസ്കാരം. കെപി ശശികല ടീച്ചർ, എസ് രമേശൻ നായർ, വാവ സുരേഷ് തുടങ്ങി ഒൻപത് പ്രമുഖരെ മുൻ വർഷങ്ങളിൽ ഗണേശസേവാ പുരസ്കാരം നൽകി ആദരിച്ചിട്ടുണ്ട്.
Read More » -
India
ബിജെപി രാജ്യത്തുയര്‍ത്തുന്നത് വര്‍ഗീയതയുടെയും വിഭാഗീയതയും മുദ്രാവാക്യങ്ങൾ: ധനമന്ത്രിയുടെ ഭർത്താവ് പരകാല പ്രഭാകര്‍
ന്യൂഡൽഹി:ബിജെപി രാജ്യത്തുയര്‍ത്തുന്നത് വര്‍ഗീയതയുടെയും വിഭാഗീയതയും മുദ്രാവാക്യങ്ങളാണെന്ന് പ്രശസ്ത സാമ്ബത്തിക ശാസ്ത്രജ്ഞനും ധനമന്ത്രി നിര്‍മലാ സീതാരാമന്‍റെ ജീവിത പങ്കാളിയുമായ പരകാല പ്രഭാകര്‍. 2014 നരേന്ദ്രമോദിയുടെ ചെങ്കോട്ട പ്രസംഗത്തില്‍ ഇന്ത്യ കൈവരിച്ച നേട്ടങ്ങള്‍ ഭരണപക്ഷത്തിന്‍റെ മാത്രമല്ല, പ്രതിപക്ഷത്തിന്‍റേത് കൂടിയാണെന്ന് മോദി പ്രസംഗിച്ചിരുന്നു. ഇന്ത്യയിലെ മിക്കവാറും എല്ലാ പ്രധാനമന്ത്രിമാരെയും മോദി പേരെടുത്ത് പരാമര്‍ശിച്ചിരുന്നെന്നും ഇപ്പോള്‍ അദ്ദേഹത്തിന്‍റെ പാര്‍ട്ടിയിലെ തന്നെ സമുന്നത നേതാവായിരുന്നു അടല്‍ ബിഹാരി വാജ്പയുടെ പേര് പോലും ഉച്ചരിക്കപ്പെടുന്നില്ലെന്നും പരകാല പ്രഭാകര്‍ പറഞ്ഞു. അഴിമതിക്കും ദാരിദ്ര്യത്തിനുമെതിരെ പോരാടണമെന്ന് ആയിരുന്നു പ്രസംഗത്തില്‍ മോദി പറഞ്ഞത്. എന്നാല്‍ 9 വര്‍ഷങ്ങള്‍ക്കിപ്പുറത്ത് 2023 ലേക്ക് എത്തുമ്ബോള്‍ അഴിമതിക്കും ദാരിദ്ര്യത്തിനും എതിരെയുള്ള സംഘടിത പോരാട്ടങ്ങള്‍ അപ്രസക്തമായിരിക്കുന്നു. ടീം ഇന്ത്യ എന്ന് പറഞ്ഞാല്‍ നേരത്തെ പ്രധാനമന്ത്രിയും സംസ്ഥാന മുഖ്യമന്ത്രിമാരും ജനങ്ങളും അടങ്ങിയതായിരുന്നു. ഇപ്പോള്‍ പ്രധാനമന്ത്രി മാത്രമേയുള്ളുവെന്നും അദ്ദേഹം പറഞ്ഞു.
Read More » -
India
എപ്പോഴും മുസ്‌ലിംകള്‍ക്കൊപ്പം നിന്നിട്ടും അവര്‍ തിരിച്ചു തങ്ങളെ സഹായിച്ചിട്ടില്ല: ജെ.ഡി-എസ് തലവൻ എച്ച്‌.ഡി കുമാരസ്വാമി
ബംഗളൂരു:എപ്പോഴും മുസ്‌ലിംകള്‍ക്കൊപ്പം നിന്നിട്ടും അവര്‍ തിരിച്ചു തങ്ങളെ സഹായിച്ചിട്ടില്ലെന്ന് ജെ.ഡി-എസ് തലവൻ എച്ച്‌.ഡി കുമാരസ്വാമി. അഴിമതി നിറഞ്ഞ കോണ്‍ഗ്രസ് ഭരണകൂടമാണ് ബി.ജെ.പിയുമായി സഖ്യംചേരാൻ തങ്ങളെ നിര്‍ബന്ധിച്ചത്. ലോക്‌സഭാ തെരഞ്ഞെടുപ്പില്‍ 28 സീറ്റ് നേടുകയാണ് ഇപ്പോഴത്തെ ലക്ഷ്യം. ലോക്‌സഭാ തെരഞ്ഞെടുപ്പിനുശേഷം കര്‍ണാടക രാഷ്ട്രീയത്തില്‍ എന്തു സംഭവിക്കുമെന്നു പറയാനാകില്ലെന്നും അദ്ദേഹം പറഞ്ഞു. എച്ച്‌.ഡി ദേവഗൗഡയാണ് മുസ്ലിം സമുദായത്തിനു നാലു ശതമാനം സംവരണം നല്‍കിയത്. അവര്‍ക്ക് എന്തെങ്കിലും സംഭവിച്ചപ്പോഴെല്ലാം ഞാനാണു കൂടെ നിന്നിട്ടുള്ളത്. അപ്പോളെല്ലാം കോണ്‍ഗ്രസ് മൗനത്തിലായിരുന്നു. തിരിച്ച്‌ എന്താണ് അവര്‍ ഞങ്ങള്‍ക്കു തന്നത്? എനിക്കു നല്ല വളര്‍ച്ചയുണ്ടാകുന്നില്ലെങ്കില്‍ അവരെ എങ്ങനെയാണു സംരക്ഷിക്കുക? അവരുടെ സമുദായത്തിനു സംരക്ഷണം നല്‍കിയിട്ടും തിരിച്ച്‌ ഒരു പിന്തുണയുമുണ്ടായിട്ടില്ല.”-അദ്ദേഹം പറഞ്ഞു. അതേസമയം പാര്‍ട്ടിയുടെ ഏക ലോക്സഭാംഗം ഹാസനില്‍നിന്നുള്ള പ്രജ്വല്‍ രേവണ്ണയെ വ്യാജ സത്യവാങ്മൂലത്തിന്‍റെ പേരില്‍ കര്‍ണാടക ഹൈക്കോടതി അയോഗ്യനാക്കിയതും നിയമസഭയിലെ അംഗബലം 19ലേക്ക് താഴ്ന്നതും പ്രതിപക്ഷ പാര്‍ട്ടികളില്‍നിന്നുള്ള നേതാക്കളെ ലക്ഷ്യമിട്ട് ‘ഓപ്പറേഷൻ ഹസ്ത’യുമായി കോണ്‍ഗ്രസ് ചുറ്റിത്തിരിയുന്നതും ജെഡി-എസിനെ പുതിയ കൂട്ടുകെട്ടിന് പ്രേരിപ്പിച്ചു എന്നതാണ്…
Read More » -
Kerala
തിരൂരില്‍ വന്ദേഭാരതിന് ഗംഭീര വരവേല്‍പ്പ്; ലോക്കോ പൈലറ്റിന് പൊന്നാടയണിയിച്ച്‌ സ്വീകരണം
മലപ്പുറം: കേരളത്തിലെ രണ്ടാമത്തെ വന്ദേഭാരതിന് ഗംഭീര സ്വീകരണമൊരുക്കി തിരൂര്‍ നിവാസികൾ.ആയിരത്തിലധികം ആളുകളാണ് വന്ദേഭാരതിനെ വരവേൽക്കാൻ ഇവിടെ തടിച്ചുകൂടിയത്. മുസ്ലിം ലീഗ്, ബിജെപി ഉള്‍പ്പെടെയുള്ള രാഷ്ട്രീയ പാര്‍ട്ടികളിലെ നേതാക്കളും സമയത്ത് ഇവിടെ സന്നിഹിതരായിരുന്നു. വന്ദേഭാരതിന് നേരെ പൂക്കള്‍ വിതറിയും ലോക്കോ പൈലറ്റിന് പൊന്നാടയണിയിച്ചുമായിരുന്നു സ്വീകരണം. കേന്ദ്ര മന്ത്രി വി മുരളീധരൻ, ഇ ടി മുഹമ്മദ് ബഷീര്‍ എം പി, ബിജെപി നേതാവ് പി കെ കൃഷ്ണദാസ് എന്നിവരുള്‍പ്പടെയുള്ളവര്‍ എത്തിയാണ് വന്ദേഭാരതിനെ സ്വാഗതം ചെയ്തത്. ഒന്നാം വന്ദേഭാരതിന് തിരൂരില്‍ സ്റ്റോപ്പ് അനുവദിക്കാത്തതില്‍ വലിയ പ്രതിഷേധം റെയില്‍വെയ്ക്ക് നേരിടേണ്ടി വന്നിരുന്നു. പിന്നാലെയാണ് രണ്ടാം വന്ദേഭാരതിന് തിരൂരില്‍ സ്റ്റോപ് അനുവദിച്ചത്.
Read More » -
Kerala
നബി ദിന അവധി സെപ്റ്റംബര്‍ 27ൽനിന്ന് 28 ലേക്ക് മാറ്റിയേക്കും; ഫയൽ മുഖ്യമന്ത്രിയുടെ ഓഫീസിൽ
തിരുവനന്തപുരം: സംസ്ഥാനത്ത് നബി ദിനത്തിനുള്ള പൊതുഅവധി സെപ്റ്റംബർ 27 ൽ നിന്ന് 28 ലേക്ക് മാറ്റിയേക്കും. പൊതു ഭരണ വകുപ്പിന്റെ നിർദേശത്തെ തുടർന്നാണിത്. അവധി മാറ്റണമെന്ന ശുപാർശയടങ്ങിയ പൊതുഭരണ വകുപ്പിന്റെ ഫയൽ മുഖ്യമന്ത്രിയുടെ ഓഫീസിലുണ്ട്. ഇന്നലെ കാസർകോട് വിവിധ പരിപാടികളിൽ ആയിരുന്നതിനാൽ മുഖ്യമന്ത്രി ഫയലിൽ ഒപ്പുവച്ചിട്ടില്ല. ഇന്നോ നാളെയോ മുഖ്യമന്ത്രി ഒപ്പിടുമെന്നാണ് സൂചന. നബി ദിനം പ്രമാണിച്ച് സെപ്റ്റംബർ 28ന് പൊതുഅവധി നൽകണമെന്ന് ആവശ്യപ്പെട്ട് കൊണ്ടോട്ടി എംഎൽഎയും മുസ്ലിം ലീഗ് നേതാവുമായ ടി വി ഇബ്രാഹിം മുഖ്യമന്ത്രി പിണറായി വിജയന് കത്ത് നൽകിയിരുന്നു. മാസപ്പിറവി കാണാത്തതിനാൽ നബി ദിനം സെപ്റ്റംബർ 28 ന് തീരുമാനിച്ച സാഹചര്യത്തിൽ പൊതു അവധി ഈ ദിവസത്തിലേക്ക് മാറ്റണമെന്നാണ് എംഎൽഎ ആവശ്യപ്പെട്ടത്. അതേസമയം, നബി ദിനം ആഘോഷിക്കാനുള്ള ഒരുക്കത്തിലാണ് മഹല്ലു കമ്മിറ്റികൾ. കുട്ടികളുടെ വിവിധ കലാപരിപാടികൾ ആഘോഷത്തിന് മാറ്റ് കൂട്ടുമെങ്കിലും ദഫ് മുട്ടാണ് പ്രധാന ആകർഷണം. ആഴ്ചകളായി തുടരുന്ന പരിശീലനം ഇപ്പോൾ അവസാന ഘട്ടത്തിലാണ്. ആഘോഷത്തിനുള്ള തയാറെടുപ്പുകൾ…
Read More » -
Crime
ന്യൂജെൻ സിന്തറ്റിക് മയക്കുമരുന്നായ എംഡിഎംഎയുമായി ദമ്പതികള്‍ പിടിയിൽ; മാസങ്ങളമായി ഇവരുടെ നീക്കം പൊലീസ് നിരീക്ഷണത്തിൽ, അവസാനം കയ്യോടെ കുടുങ്ങി
കോഴിക്കോട്: ന്യൂജെൻ സിന്തറ്റിക് മയക്കുമരുന്നായ എംഡിഎംഎയുമായി ദമ്പതികൾ പിടിയിൽ. വടകര പതിയാരക്കരയിലെ ദമ്പതികളാണ് തൊട്ടിൽപാലത്ത് പൊലീസിൻറെ പിടിയിലായത്. പതിയാരക്കര മുതലോളി ജിതിൻ ബാബു (32), ഭാര്യ സ്റ്റെഫി (32) എന്നിവരെയാണ് തൊട്ടിൽപാലം പൊലീസും ഡാൻസാഫ് (ഡിസ്ട്രിക്ട് ആന്റി നർകോട്ടിക് സ്പെഷ്യൽ ആക്ഷൻ ഫോഴ്സ്) അംഗങ്ങളും ചേർന്ന് പിടികൂടിയത്. കാറിൽ കടത്തിക്കൊണ്ടുവരികയായിരുന്ന 92 ഗ്രാം എംഡിഎംഎ ആണ് പിടിച്ചെടുത്തത്. കെഎൽ 18 എസി 2547 നമ്പർ കാറും കസ്റ്റഡിയിലെടുത്തു. തൊട്ടിൽപാലം പൊലീസ് സ്റ്റേഷൻ പരിധിയിൽ ചാത്തൻകോട്ട്നടയിൽ നിന്ന് ശനിയാഴ്ച രാത്രിയാണ് ഇവരെ പിടികൂടിയത്. ഇവർ ബംഗളൂരുവിൽ നിന്ന് വടകരയിലേക്ക് എംഡിഎംഎ കടത്തുന്നതായി രഹസ്യ വിവരത്തെ തുടർന്ന് റൂറൽ എസ്പി കറുപ്പസാമി, ഡാൻസാഫ് അംഗങ്ങളെ ഉൾപ്പെടുത്തി പ്രത്യേക സംഘത്തെ ചുമതലപ്പെടുത്തിയിരുന്നു. മാസങ്ങളമായി ഇവരുടെ നീക്കം നിരീക്ഷിച്ചുവരികയായിരുന്നു പൊലീസ്. ഒടുവിൽ ഇന്നലെ രാത്രി ബംഗളൂരുവിൽ നിന്ന് കാറിൽ കടത്തി കൊണ്ട് വരുന്ന വഴി ചത്തങ്കോട്ട് നടയിൽ പിടിയിലാവുകയായിരുന്നു. പിടികൂടിയ മയക്കുമരുന്നിന് മൂന്നു ലക്ഷത്തോളം രൂപ വില…
Read More » -
Crime
വിലകൂടിയ മൊബൈല്‍ ഫോണുകള്‍ മോഷ്ടിച്ച് ബംഗ്ലാദേശിലേക്ക് കടത്തുന്ന രാജ്യാന്തര ശൃംഖലയില്‍ ഉള്‍പ്പെട്ട പ്രതികൾ ദില്ലി പോലീസിന്റെ പിടിയിൽ; മൊബൈല്‍ ഫോണ്‍ സര്‍വീസ് സെന്‍ററിന്റെ മറവിലായിരുന്നു മോഷണം
ദില്ലി: രാജ്യതലസ്ഥാനത്തെ വിവിധയിടങ്ങളിൽനിന്ന് വിലകൂടിയ മൊബൈൽ ഫോണുകൾ മോഷ്ടിച്ച് ബംഗ്ലാദേശിലേക്ക് കടത്തുന്ന രാജ്യാന്തര ശൃംഖലയിൽ ഉൾപ്പെട്ട പ്രതികളെ ദില്ലി പോലീസ് പിടികൂടി. അകിൽ അഹമ്മദ്, നവാബ് ഷെരീഫ്, പശ്ചിമ ബംഗാൾ സ്വദേശി സാബിർ സർദാർ എന്നിവരെയാണ് ദില്ലി പോലീസിലെ ലഹരിവിരുദ്ധ സ്ക്വാഡ് അറസ്റ്റ് ചെയ്തത്. ബാഗുനിറച്ചും വിലകൂടിയ സ്മാർട്ട് ഫോണുകളുമായി ആദ്യം മോഷ്ടാക്കളായ അകിൽ അഹമ്മദ്, നവാബ് ഷെരീഫ് എന്നിവരാണ് ദില്ലിയിൽ വെച്ച് അറസ്റ്റിലായതെന്ന് പോലീസ് പറഞ്ഞു. ദില്ലിയിൽ മൊബൈൽ ഫോൺ സർവീസ് സെൻറർ നടത്തികൊണ്ടാണ് പ്രതികളിലൊരാളായ അകിൽ അഹമ്മദ് മോഷണം നടത്തിയിരുന്നത്. അറസ്റ്റിലായവരിൽനിന്ന് 112 പ്രീമിയം സ്മാർട്ട് ഫോണുകളും പോലീസ് പിടിച്ചെടുത്തു. ദില്ലി എൻ.സി.ആർ മേഖലയിൽനിന്ന് ജനങ്ങളിൽനിന്ന് തട്ടിപറിക്കുകയോ മോഷ്ടിക്കുകയോ ചെയ്ത ഫോണുകളാണിവയെന്നും പോലീസ് പറഞ്ഞു. പിടിയിലായ രണ്ടുപേരെ ചോദ്യം ചെയ്തതിൽനിന്നാണ് പശ്ചിമബംഗാളിൽനിന്ന് സാബിർ സർദാർ എന്നയാളെകൂടി പോലീസ് പിടികൂടിയത്. മൊബൈൽ ഫോൺ മോഷണത്തിലും അവയുടെ വിൽപനയിലും സംഘത്തിൽ ഉൾപ്പെട്ട മറ്റുള്ളവർക്കായുള്ള തിരച്ചിലും പോലീസ് ആരംഭിച്ചിട്ടുണ്ട്. മോഷ്ടിച്ച മൊബൈൽ ഫോണുകൾ…
Read More » -
Business
ഇന്ത്യയിലെ ആദ്യ ഹൈഡ്രജൻ ബസ് നാളെ മുതല്‍ ഓടിത്തുടങ്ങും
സുസ്ഥിര ഗതാഗതത്തിലേക്കുള്ള ഒരു സുപ്രധാന മുന്നേറ്റത്തിൽ, ഇന്ത്യയിലെ ആദ്യത്തെ ഹൈഡ്രജൻ ഇന്ധന സെൽ ബസ് സെപ്റ്റംബർ 25മുതൽ ഓടും. കേന്ദ്ര പെട്രോളിയം, പ്രകൃതി വാതക മന്ത്രി ഹർദീപ് സിംഗ് പുരി പരിപാടി ഉദ്ഘാടനം ചെയ്യും. പുനരുപയോഗ ഊർജ സ്രോതസ്സുകളിൽ നിന്ന് ഉൽപ്പാദിപ്പിക്കുന്ന ഗ്രീൻ ഹൈഡ്രജൻ ഉപയോഗിച്ച് പ്രവർത്തിക്കുന്ന ഈ ബസ് കുറഞ്ഞ കാർബൺ, സ്വാശ്രയ സാമ്പത്തിക പാതകളിൽ വാഗ്ദാനമായ വികസനം പ്രതിനിധീകരിക്കുന്നു. വർഷം മുഴുവനും വിവിധ മേഖലകളിലുടനീളം ഇന്ത്യയുടെ സമൃദ്ധമായ പുനരുപയോഗ ഊർജ വിഭവങ്ങൾ ഉപയോഗപ്പെടുത്താനുള്ള കഴിവ് ഗ്രീൻ ഹൈഡ്രജനുണ്ട്. പെട്രോളിയം ശുദ്ധീകരണം, വളം ഉൽപ്പാദനം, ഉരുക്ക് നിർമ്മാണം തുടങ്ങിയ വ്യവസായങ്ങളിൽ ഫോസിൽ ഇന്ധനത്തിൽ നിന്നുള്ള ഇൻപുട്ടുകൾക്ക് പകരമായി ശുദ്ധമായ ഇന്ധനമോ വ്യാവസായിക ഫീഡ്സ്റ്റോക്ക് ആയി പ്രവർത്തിക്കാൻ കഴിയും. ഹൈഡ്രജൻ ഇന്ധന സെല്ലുകൾക്ക് ഇന്ധനമായി ഉപയോഗിക്കാവുന്ന ഇലക്ട്രിക് മൊബിലിറ്റി ലാൻഡ്‌സ്‌കേപ്പിന്റെ നിർണായക ഘടകമായി ഫ്യൂവൽ സെൽ സാങ്കേതികവിദ്യ ഉയർന്നുവരുന്നു. ഒരു ഇലക്ട്രോകെമിക്കൽ പ്രതിപ്രവർത്തനത്തിലൂടെ, ആനോഡിലെ ഹൈഡ്രജൻ കാഥോഡിലെ വായുവിൽ നിന്നുള്ള ഓക്സിജനുമായി…
Read More »