Business
-
പാശ്ചാത്യ രാജ്യങ്ങളുടെ ഉപരോധം മറികടക്കാന് റഷ്യയ്ക്ക് സഹായവുമായി ഇന്ത്യ ?
ന്യൂഡല്ഹി: യുക്രെയ്ന് റഷ്യന് സംഘര്ഷത്തെത്തുടര്ന്ന് റഷ്യക്ക് മേല് പാശ്ചാത്യ രാജ്യങ്ങള് ഏര്പ്പെടുത്തിയിരിക്കുന്ന ഉപരോധത്തെ മറകടക്കാന് ഇന്ത്യ സഹായിച്ചേക്കുമെന്ന് റിപ്പോര്ട്ടുകള്. പരസ്പരമുള്ള ഇടപാടുകള്ക്കായി ഡോളറിന് പകരം ആഭ്യന്തര കറന്സികള് ഉപയോഗിച്ചേക്കുമെന്നാണ് സൂചന. ഇന്ത്യയുടെ വിശ്വസ്ത പങ്കാളിയെന്നാണ് റഷ്യ അറിയപ്പെടുന്നത്. അതുകൊണ്ട് തന്നെ പാശ്ചാത്യ രാജ്യങ്ങള് റഷ്യക്കെതിരേ ഏര്പ്പെടുത്തിയ സാമ്പത്തിക ഉപരോധങ്ങള് മറികടക്കാനുള്ള ശ്രമത്തിലാണ് ഇരുരാജ്യങ്ങളും. ഇന്ത്യന് രൂപയും റഷ്യന് കറന്സി റൂബിളും വ്യാപാരത്തിന് ഉപയോഗിക്കാനുള്ള നിര്ദ്ദേശം കേന്ദ്ര വാണിജ്യ വകുപ്പ് കൈമാറിയെന്ന് ഒരു ദേശീയ മാധ്യമം റിപ്പോര്ട്ട് ചെയ്തിരുന്നു. ഇതു സംബന്ധിച്ച കൂടുതല് വിവരങ്ങള് ചര്ച്ചകള്ക്ക് ശേഷം കേന്ദ്ര ധനകാര്യ മന്ത്രി വ്യക്തമാക്കിയേക്കും. നിലവില് ഇരു കറന്സികളും പരസ്പരം എങ്ങനെ പെഗ് ചെയ്യും എന്നതുള്പ്പടെ ഉള്ള കാര്യങ്ങള് ധനമന്ത്രാലയവും ആര്ബിഐയും പരിശോധിച്ച് വരുകയാണ്. 1991ല് യുഎസ്എസ്ആര് തകരുന്നത് വരെ ഇരു രാജ്യങ്ങളും സ്വന്തം കറന്സികളിലാണ് വ്യാപാരം നടത്തിയിരുന്നത്. രൂപ-റൂബ്ള് വ്യാപാരം പുനസ്ഥാപിക്കുന്നതിന്റെ സാധ്യതകള് 2009ലും റഷ്യ പരിശോധിച്ചിരുന്നു. 2021ല് 6.9 ബില്യണ് ഡോളറിന്റെ…
Read More » -
ആവശ്യക്കാര് കുറഞ്ഞു; മുന്നിര ഇരുചക്ര വാഹന നിര്മാതാക്കളുടെ വില്പ്പനയില് 25% ഇടിവ്
മുംബൈ: ഇന്ത്യന് ഇരുചക്ര വാഹന വിപണിയില് വില്പ്പന ഇടിവ് തുടരുന്നു. ഫെബ്രുവരി മാസം അഞ്ച് മുന്നിര വാഹന നിര്മാതാക്കളുടെ വില്പ്പനയില് 25 ശതമാനം ഇടിവാണ് രേഖപ്പെടുത്തിയത്. ആവശ്യക്കാര് കുറഞ്ഞതാണ് വിപണി നേരിടുന്ന പ്രധാന വെല്ലുവിളി. ഡിമാന്ഡ് ഇടിഞ്ഞതിനോടൊപ്പം സെമികണ്ടക്ടര് ചിപ്പുകളുടെ ക്ഷാമവും വാഹന വില്പ്പനയെ ബാധിച്ചു. റഷ്യ-യുക്രൈന് യുദ്ധത്തെ തുടര്ന്ന് രാജ്യത്തെ ഇന്ധന വില ഉയര്ന്നാല് ഇരുചക്ര വാഹന വില്പ്പനയെ ഇപ്പോഴൊന്നും ഉയരില്ലെന്നാണ് വിലയിരുത്തല്. അതേ സമയം വര്ക്ക് ഫ്രം ഹോം രീതി ഏറെക്കുറെ അവസാനിച്ചതും സ്കൂള്/കോളേജുകള് പൂര്ണതോതില് തുറന്നതും വരുംമാസങ്ങളില് വില്പ്പന ഉയരാന് സാഹായിച്ചേക്കും. മുന്വര്ഷത്തെ അപേക്ഷിച്ച് 2022 ഫെബ്രുവരിയില് വില്പ്പന ഏറ്റവും കൂടുതല് ഇടിഞ്ഞത് ബജാജിന്റേതാണ്. 35 ശതമാനം ഇടിവോടെ 96,523 യൂണീറ്റുകളാണ് ഫെബ്രുവരിയില് ബജാജ് വിറ്റത്. ഇന്ത്യന് വിപണിയില് ആധിപത്യം തുടരുന്ന ഹീറോ മോട്ടോകോര്പ്പിന്റെ വില്പ്പന 29 ശതമാനം ആണ് ഇടിഞ്ഞത്. 2021 ഫെബ്രുവരിയില് അഞ്ച് ലക്ഷത്തിന് മുകളില് വില്പ്പന ഉണ്ടായിരുന്ന ഹീറോ 2022 ഫെബ്രുവരി മാസം…
Read More » -
വില്പ്പനയില് വന് മുന്നേറ്റവുമായി മഹീന്ദ്ര; പുതിയ തലമുറ മഹീന്ദ്ര സ്കോര്പിയോ ഓഗസ്റ്റ് 15ന്
മുംബൈ: മുംബൈ ആസ്ഥാനമായി പ്രവര്ത്തിക്കുന്ന വാഹന നിര്മാതാക്കളായ മഹീന്ദ്ര ആന്റ് മഹീന്ദ്ര ലിമിറ്റഡിന് വാഹന വില്പ്പനയില് വന് മുന്നേറ്റം. മുന്വര്ഷത്തെ കാലയളവുമായി താരതമ്യം ചെയ്യുമ്പോള് ഫെബ്രുവരിയിലെ പാസഞ്ചര് വാഹന വില്പ്പനയില് 80 ശതമാനത്തിന്റെ വളര്ച്ചയാണ് കമ്പനി രേഖപ്പെടുത്തിയത്. കഴിഞ്ഞമാസം മൊത്തം 54,455 യൂണിറ്റുകളാണ് വിറ്റഴിച്ചത്. 27,551 യൂണിറ്റുകള് യൂട്ടിലിറ്റി വിഭാഗത്തില് വിറ്റഴിച്ചപ്പോള് കഴിഞ്ഞ വര്ഷത്തെ ഇതേകാലയളവിനേക്കാള് 79 ശതമാനം വില്പ്പനയാണ് നേടിയത്. സമാനമായി പാസഞ്ചര് വാഹന വില്പ്പന 80 ശതമാനം വര്ധിച്ച് 27,664 യൂണിറ്റായും ഉയര്ന്നു. കഴിഞ്ഞ വര്ഷം ഇതേ മാസം 15,391 യൂണിറ്റ് പാസഞ്ചര് വാഹനങ്ങളാണ് മഹീന്ദ്ര വിറ്റഴിച്ചത്. കൊമേഷ്യല് വാഹനങ്ങളുടെ വില്പ്പനയിലും മഹീന്ദ്രയ്ക്ക് വന് മുന്നേറ്റമാണുണ്ടായിരിക്കുന്നത്. കൊമേഷ്യല് വാഹനങ്ങളുടെ വില്പ്പന കഴിഞ്ഞവര്ഷത്തെ കാലയളവിനേക്കാള് കുത്തനെ ഉയര്ന്നു. 119 ശതമാനത്തിന്റെ വളര്ച്ചയാണ് കമ്പനി ഫെബ്രവരിയില് നേടിയത്. ഈ വര്ഷം ഫെബ്രുവരിയില് മൊത്തം 20,166 കൊമേഷ്യല് വാഹനങ്ങള് വിറ്റഴിച്ചു. കഴിഞ്ഞ വര്ഷം ഇതേ കാലയളവിലെ വില്പ്പന 11,559 യൂണിറ്റ് മാത്രമായിരുന്നു. 2022…
Read More » -
റഷ്യയുടെ സാമ്പത്തിക വിപണിയെ പ്രക്ഷുബ്ധമാക്കി ഉപരോധങ്ങൾ; ക്രെഡിറ്റ് റേറ്റിംഗ് ഏജന്സികള് റഷ്യയുടെ റേറ്റിംഗ് താഴ്ത്തി
മോസ്കോ: യുക്രൈന് അധിനിവേശത്തിന്റെ പേരില് ഏര്പ്പെടുത്തിയ ഉപരോധം റഷ്യയുടെ സാമ്പത്തിക വിപണിയെ പ്രക്ഷുബ്ധമാക്കി. പ്രധാന ക്രെഡിറ്റ് റേറ്റിംഗ് ഏജന്സികള് റഷ്യയുടെ റേറ്റിംഗ് താഴ്ത്തി. എസ് ആന്റ് പി കഴിഞ്ഞയാഴ്ച റഷ്യയുടെ റേറ്റിംഗ് ജങ്ക് പദവിയിലേക്ക് (അപകടകരം എന്ന നില) താഴ്ത്തി. ഈ ആഴ്ച ആദ്യം ഒരു ഉന്നത എംഎസ്സിഐ എക്സിക്യൂട്ടീവ് റഷ്യയുടെ സ്റ്റോക്ക് മാര്ക്കറ്റിനെ നിക്ഷേപിക്കാനാകാത്തത് എന്ന് വിളിച്ചതിന് ശേഷം, അവരുടെ എല്ലാ സൂചികകളില് നിന്നും റഷ്യന് ഓഹരികള് നീക്കം ചെയ്യുമെന്ന് ബുധനാഴ്ച സൂചികകളായ എഫ്ടിഎസ്ഇ റസ്സലും എംഎസ്സിഐയും പ്രഖ്യാപിച്ചു. മാര്ച്ച് 7 മുതല് തീരുമാനം പ്രാബല്യത്തില് വരുമെന്ന് എഫ്ടിഎസ്ഇ റസ്സല് പറഞ്ഞു. എംഎസ്സിഐ റഷ്യന് സൂചികകളെ വളര്ന്നുവരുന്ന വിപണികളില് നിന്ന് ഒറ്റപ്പെട്ട വിപണികളിലേക്ക് പുനഃക്രമീകരിക്കുകയാണെന്നും അറിയിച്ചു. എംഎസ്സിഐയുടെ വളര്ന്നുവരുന്ന മാര്ക്കറ്റ് ബെഞ്ച്മാര്ക്കില് റഷ്യക്ക് 3.24 ശതമാനം വെയ്റ്റിംഗ് ഉണ്ട്. ഇന്ഡെക്സ് ദാതാവിന്റെ ആഗോള ബെഞ്ച്മാര്ക്കില് ഏകദേശം 30 ബേസിസ് പോയിന്റ് വെയ്റ്റിംഗ് ഉണ്ട്. ഇന്സ്റ്റിറ്റ്യൂട്ട് ഓഫ് ഇന്റര്നാഷണല് ഫിനാന്സ് ഈ…
Read More » -
യുക്രൈനെ സഹായിക്കാന് ചെല്സി എഫ്സിയെ വില്ക്കുന്നു….
കിവ്: ഇംഗ്ലീഷ് പ്രീമിയര് ലീഗ് ക്ലബ്ബ് ചെല്സി എഫ്സിയെ വില്ക്കുമെന്ന് അറിയിച്ച് റഷ്യന് ശതകോടീശ്വരന് റോമന് അബ്രോമോവിച്ച്. വില്പ്പനയിലൂടെ ലഭിക്കുന്ന തുക യുക്രൈനിലെ യുദ്ധത്തിന്റെ ഇരകള്ക്കായി നീക്കിവെക്കുമെന്നും അദ്ദേഹം അറിയിച്ചു. ഇതിനായി ഒരു ചാരിറ്റി ഫണ്ടും രൂപീകരിക്കും. നിലവിലെ സാഹചര്യം കണക്കിലെടുത്താണ് തീരുമാനമെന്നും ക്ലബ്ബിന്റെയും ആരാധകരുടെയും സ്പോണ്സര്മാരുടെയും താല്പ്പര്യവും ഇതുതന്നെ ആകുമെന്നും അബ്രോമോവിച്ച് പറഞ്ഞു. റഷ്യയുടെ യുക്രെയ്ന് അധിനിവേശത്തെ തുടര്ന്നുണ്ടായ പ്രതിഷേധങ്ങളുടെ പശ്ചാത്തലത്തില് ഫെബ്രുവരി അവസാനം തന്നെ അബ്രോമോവിച്ച് ചെല്സിയുടെ ഉടമസ്ഥാവകാശം ഒഴിഞ്ഞിരുന്നു. നിലവില് ക്ലബ്ബിന്റെ ചാരിറ്റബിള് ഫൗണ്ടേഷനാണ് നടത്തിപ്പ് അവകാശം. 2003ല് ആണ് ഏകദേശം 1500 കോടിക്ക് അബ്രോമോവിച്ച് ചെല്സിയെ സ്വന്തമാക്കിയത്. അദ്ദേഹത്തിന്റെ ഉടമസ്ഥതയില് ആദ്യ രണ്ട് ചാമ്പ്യന്സ് ലീഗ് കിരീടങ്ങളും അഞ്ച് പ്രീമിയര് ലീഗ് കിരീടങ്ങളും ഉള്പ്പെടെ 19 പ്രധാന ട്രോഫികള് ചെല്സി നേടിയിട്ടുണ്ട്. കഴിഞ്ഞ മാസമാണ് അബുദാബിയില് വെച്ച് ആദ്യമായി ചെല്സി ആദ്യ ക്ലബ്ബ് ലോകകപ്പ് നേടിയത്. റഷ്യന് പ്രസിഡന്റ് വ്ളാഡിമിര് പുട്ടിന്റെ അടുത്തയാളാണ് അബ്രമോവിച്ച് എന്നാണ്…
Read More » -
വിസ, മാസ്റ്റര് കാര്ഡ് റഷ്യയുമായുള്ള ഇടപാടുകളില് നിന്നും പിന്മാറി
കിവ്: യുക്രൈന് പ്രതിസന്ധി നിലനില്ക്കെ റഷ്യയിലെ ബാങ്കുകളുമായുള്ള സാമ്പത്തിക ഇടപാടുകളില് നിന്നും പിന്മാറി അന്താരാഷ്ട്ര കാര്ഡ് കമ്പനികളായ വിസ, മാസ്റ്റര് കാര്ഡ്, അമേരിക്കന് എക്സ്പ്രസ്. റഷ്യയ്ക്കു മേല് സാമ്പത്തിക ഉപരോധം ഏര്പ്പെടുത്തിയ സാഹചര്യത്തിലാണ് ഈ തീരുമാനമെടുത്തത്. അതേസമയം 2 മില്യണ് ഡോളറിന്റെ സാമ്പത്തിക സഹായം യുദ്ധക്കെടുതിയനുഭവിക്കുന്നവര്ക്കു വേണ്ടി നല്കുമെന്ന് വിസ കാര്ഡ്, മാസ്റ്റര് കാര്ഡ് കമ്പനികള് അറിയിച്ചു. മാസ്റ്റര് കാര്ഡ് നല്കിയ റിപ്പോര്ട്ട് അനുസരിച്ച് 2021 ല് നടത്തിയ ആകെ ഇടപാടുകളില് നിന്നുള്ള വരുമാനത്തിന്റെ 4 ശതമാനം റഷ്യയില് നിന്നാണെങ്കില് യുക്രെയ്ന്റെ സംഭാവന 2 ശതമാനമാണ്. ഗവണ്മെന്റ് ഏര്പ്പെടുത്തിയ ഉപരോധമനുസരിച്ച് ആ രാജ്യത്തു നിന്നും ലിസ്റ്റുചെയ്തിട്ടുള്ള സ്ഥാപനങ്ങളില് വിസ കാര്ഡ് അതിന്റെ നെറ്റ്വര്ക്കിലേക്കുള്ള ആക്സസ് താല്ക്കാലികമായി നിര്ത്തേണ്ടതുണ്ട്. രാജ്യത്തെ സെന്ട്രല് ബാങ്കും രണ്ടാമത്തെ വലിയ വായ്പാ സ്ഥാപനവുമായ വിടിബിയും (വിടിബിആര്എംഎം) ഉള്പ്പെടെ വിവിധ റഷ്യന് ധനകാര്യ സ്ഥാപനങ്ങളെ യുണൈറ്റഡ് സ്റ്റേറ്റ്സ് ഈ പട്ടികയില് ചേര്ത്തിട്ടുണ്ട്. ശനിയാഴ്ച യു എസ്, ബ്രിട്ടന്, യൂറോപ്പ്,…
Read More » -
ഫെബ്രുവരിയിലെ കിയ മോട്ടോഴ്സിന്റെ വില്പ്പന 8.5 % വര്ധിച്ചു
അനന്തപൂര്: ഫെബ്രുവരിയില് വില്പ്പനയില് നേട്ടം കൊയ്ത് ദക്ഷിണ കൊറിയന് വാഹന നിര്മാതാക്കളായ കിയ മോട്ടോഴ്സ്. കഴിഞ്ഞമാസത്തെ വില്പ്പന 8.5 ശതമാനം വര്ധിച്ച് 18,121 യൂണിറ്റായി ഉയര്ന്നതായി കിയ ഇന്ത്യ അറിയിച്ചു. 2021 ഫെബ്രുവരിയില് 16,702 യൂണിറ്റുകളായിരുന്നു കിയ വിറ്റഴിച്ചത്. ഇന്ത്യന് വിപണിയിലെ തങ്ങളുടെ ഉല്പ്പന്നങ്ങളുടെ സ്ഥിരതയാര്ന്ന പ്രകടനത്തിലൂടെ രാജ്യത്ത് ഏറ്റവും കൂടുതല് വിറ്റഴിക്കപ്പെടുന്ന അഞ്ച് കാര് നിര്മാതാക്കളില് ഒന്നായി തുടരുന്നതായി കമ്പനി പറയുന്നു. കിയയുടെ മൊത്തത്തിലുള്ള വില്പ്പനയില് 6,575 യൂണിറ്റുകളുമായി സെല്റ്റോസാണ് ഒന്നാമതുള്ളത്. സോനെറ്റ്, കാര്ണിവല് എന്നീ മോഡലുകള് യഥാക്രമം 6154, 283 യൂണിറ്റുകളാണ് ഫെബ്രുവരിയില് വിറ്റഴിഞ്ഞത്. ഫെബ്രുവരി പകുതിയോടെ വില്പ്പന ആരംഭിച്ച കാരന്സിന്റെ 5,109 യൂണിറ്റുകള് വിറ്റഴിച്ചതായും കമ്പനി വ്യക്തമാക്കി. ”കാരന്സിന്റെ വിതരണം കൂടി ആരംഭിച്ചതിലൂടെ ഇന്ത്യയില് സ്ഥാനം ശക്തിപ്പെടുത്താന് ഞങ്ങള് കാത്തിരിക്കുകയാണ്. അനന്തപൂര് പ്ലാന്റില് മൂന്നാമത്തെ ഷിഫ്റ്റ് പ്രവര്ത്തനം ആരംഭിച്ചിലൂടെ കാത്തിരിപ്പ് കാലാവധി കുറയ്ക്കാനും ലക്ഷ്യമിടുന്നു” – കിയ ഇന്ത്യയുടെ ചീഫ് സെയില്സ് ഓഫീസര് മ്യുങ്-സിക് സോണ് പറഞ്ഞതായി…
Read More » -
റഷ്യ-ഉക്രൈന് സംഘര്ഷം: സൂര്യകാന്തി എണ്ണ വിതരണത്തിന്റെ നഷ്ടം നികത്താന് പാം ഓയില് വിതരണം വര്ദ്ധിപ്പിക്കാന് ഇന്തോനേഷ്യയോട് ഇന്ത്യ
മുംബൈ: ഉക്രൈന് പ്രതിസന്ധിയെത്തുടര്ന്ന് കരിങ്കടല് മേഖലയില് നിന്നുള്ള സൂര്യകാന്തി എണ്ണ വിതരണത്തിന്റെ നഷ്ടം നികത്താന് രാജ്യത്തേക്കുള്ള പാം ഓയില് കയറ്റുമതി വര്ദ്ധിപ്പിക്കാന് ഇന്തോനേഷ്യയോട് ആവശ്യപ്പെട്ട് ഇന്ത്യ. ഇന്ത്യയിലെ സര്ക്കാര്, വ്യവസായ വൃത്തങ്ങളെ ഉദ്ധരിച്ച് റോയിട്ടേഴ്സാണ് ഇക്കാര്യം റിപ്പോര്ട്ട് ചെയ്തത്. ലോകത്തിലെ ഏറ്റവും വലിയ ഭക്ഷ്യ എണ്ണ ഉപഭോക്താക്കളായ ഇന്ത്യ, പാമോയില് ഇറക്കുമതിയുടെ പകുതിയിലധികവും വാങ്ങാന് മുന്നിര ഉല്പ്പാദകരായ ഇന്തോനേഷ്യയെയാണ് ആശ്രയിക്കുന്നത്. എന്നാല് പ്രാദേശിക വില കുറയ്ക്കാന് ജനുവരിയില് ജക്കാര്ത്ത കയറ്റുമതിയില് ഏര്പ്പെടുത്തിയ നിയന്ത്രണങ്ങളില് ആശങ്കാകുലരാണ്. ലോകത്തിലെ സൂര്യകാന്തി എണ്ണയുടെ 60 ശതമാനവും കയറ്റുമതിയുടെ 76 ശതമാനവും വരുന്ന കരിങ്കടല് മേഖലയില് നിന്നുള്ള സൂര്യകാന്തി എണ്ണയുടെ കയറ്റുമതി നിര്ത്തിയതിനെ തുടര്ന്ന് ഈന്തപ്പന വിതരണം പരിമിതമാകുകയും ആഗോള സസ്യ എണ്ണയുടെ വില റെക്കോര്ഡ് ഉയരത്തിലെത്തുകയും ചെയ്തു. ജനുവരി 27-ന് ഇന്തോനേഷ്യ കയറ്റുമതി നിയന്ത്രണങ്ങള് പ്രഖ്യാപിച്ചതിന് ശേഷം ഇന്ത്യയില് ഇറക്കുമതി ചെയ്ത ക്രൂഡ് പാം ഓയിലിന്റെ വില 38 ശതമാനം ഉയര്ന്നു. ഈന്തപ്പന കഴിഞ്ഞാല് ഇന്ത്യയില്…
Read More » -
ഇന്ത്യയുടെ വ്യാപാരക്കമ്മി വര്ദ്ധിച്ചു; ഫെബ്രുവരിയില് കയറ്റുമതി 22 % ഉയര്ന്ന് 33.81 ബില്യണ് ഡോളറായി
ന്യൂഡല്ഹി: വ്യാപാരക്കമ്മി 21.19 ബില്യണ് ഡോളറായി വര്ദ്ധിച്ചപ്പോഴും, എഞ്ചിനീയറിംഗ്, പെട്രോളിയം, രാസവസ്തുക്കള് എന്നീ മേഖലകളിലെ ആരോഗ്യകരമായ വളര്ച്ച കാരണം ഫെബ്രുവരിയില് ഇന്ത്യയുടെ കയറ്റുമതി 22.36 ശതമാനം ഉയര്ന്ന് 33.81 ബില്യണ് ഡോളറായി. ഇതേ കാലയളവില് ഇറക്കുമതിയും ഏകദേശം 35 ശതമാനം ഉയര്ന്ന് 55 ബില്യണ് ഡോളറിലെത്തി. പെട്രോളിയം ക്രൂഡ് ഓയില് എന്നിവയുടെ ഇറക്കുമതി 66.56 ശതമാനം ഉയര്ന്ന് 15 ബില്യണ് ഡോളറായി. കേന്ദ്ര വാണിജ്യ മന്ത്രാലയം കഴിഞ്ഞ ദിവസം പുറത്തുവിട്ട റിപ്പോര്ട്ടിലാണ് ഇക്കാര്യങ്ങള് വ്യക്തമാക്കിയിരിക്കുന്നത്. കഴിഞ്ഞ വര്ഷം ഏപ്രില് മുതല് ഇക്കഴിഞ്ഞ ഫെബ്രുവരി വരെയുള്ള മാസങ്ങളില് ഇന്ത്യയുടെ ചരക്ക് കയറ്റുമതി 374.05 ബില്യണ് ഡോളറായിരുന്നു. 2020 ഏപ്രില് മുതല് 2021 ഫെബ്രുവരി വരെയുള്ള കാലയളവിലെ 256.55 ബില്യണ് ഡോളറിനെ അപേക്ഷിച്ച് 45.80 ശതമാനം വര്ധനവാണ് രേഖപ്പെടുത്തിയത്. ഇതേ 11 മാസക്കാലയളവിലെ ഇറക്കുമതി 59.21 ശതമാനം ഉയര്ന്ന് 550.12 ബില്യണ് ഡോളറിലെത്തി. 2020 ഏപ്രില് മുതല് 21ഫെബ്രുവരി വരെയുള്ള കാലയളവില് 88.99 ബില്യണ്…
Read More » -
റഷ്യക്ക് ആപ്പിളിൻ്റെ ആപ്പ്; റഷ്യയിലെ ഓണ്ലൈന് വില്പ്പന ആപ്പിള് നിര്ത്തി
മോസ്കോ: റഷ്യയിലെ ഐഫോണുകള്, ഐപാഡുകള്, മാക്സ്, മറ്റ് ഹാര്ഡ്വെയര് ഉല്പ്പന്നങ്ങള് എന്നിവയുടെ വില്പ്പന ആപ്പിള് താല്ക്കാലികമായി നിര്ത്തിവച്ചു. കഴിഞ്ഞ മാസം അവസാനം ഉക്രെയ്ന് അധിനിവേശം ആരംഭിച്ചതിന് ശേഷം റഷ്യക്ക് തിരിച്ചടിയാണ് ആപ്പിളിന്റെ ഈ പുതിയ നീക്കം. ആപ്പിള് മുമ്പ് റഷ്യയില് ആപ്പിള് പേ നിയന്ത്രിക്കുകയും റഷ്യയ്ക്ക് പുറത്തുള്ള ആപ്പ് സ്റ്റോറില് നിന്ന് സ്പുട്നിക്ക്, ആര്ടി ന്യൂസ് പോലുള്ള റഷ്യന് ആപ്പുകള് ക്ലോസ് ചെയ്യുകയും ഉക്രെയ്നിന് പിന്തുണ കാണിച്ച് ആപ്പിൾ മാപ്സില് ഉക്രെയ്നിലെ ലൈവ് ട്രാഫിക് പ്രവര്ത്തനരഹിതമാക്കുകയും ചെയ്തു. ‘റഷ്യയിലെ എല്ലാ ഉല്പ്പന്ന വില്പ്പനയും താല്ക്കാലികമായി നിര്ത്തി’ എന്ന് ആപ്പിള് ഒരു പ്രസ്താവനയില് പറഞ്ഞു. ആപ്പിളിന്റെ റഷ്യന് വെബ്സൈറ്റ് ആക്സസ് ചെയ്യാന് കഴിയുമെങ്കിലും അതിന്റെ ഓണ്ലൈന് സ്റ്റോര് പറയുന്നത് ഈ മേഖല അടച്ചിട്ടിരിക്കുന്നു എന്നാണ്. കഴിഞ്ഞ ആഴ്ച, ആപ്പിള് റഷ്യയിലേക്കുള്ള എല്ലാ കയറ്റുമതികളും നിര്ത്തി, അതേസമയം ചില സോഫ്റ്റ്വെയര് നിയന്ത്രണങ്ങള്, ആപ്പിളിന്റെ അഭിപ്രായത്തില്, ഉക്രെയ്നെ പിന്തുണയ്ക്കുന്നതിനും ‘അക്രമത്തിന്റെ ഫലമായി കഷ്ടപ്പെടുന്ന എല്ലാ ആളുകള്ക്കൊപ്പം…
Read More »