Month: January 2026
-
Breaking News
വിനോദയാത്രക്കിടെ മന്തി കഴിച്ചതോടെ വയറുവേദനയും ചർദ്ദിയും, വന്ദേ ഭാരതിൽ യുവാവ് കുഴഞ്ഞുവീണു, തൃശൂരിൽ ട്രെയിനെത്തുമ്പോൾ വേണ്ട സജ്ജീകരണങ്ങളൊരുക്കാൻ നിർദേശിച്ചിട്ടും ചെയ്തില്ല, കനിയാതെ റെയിൽവേ പോലീസും!! അഭിരാമിനെ ആശുപത്രിയിലെത്തിച്ചത് ഭക്ഷണവിതരണക്കാർ… ആശുപത്രിയെത്തും മുൻപ് 23 കാരന് ദാരുണാന്ത്യം, കുടുംബത്തിന് നഷ്ടമായത് ഏക മകനെ
തൃശ്ശൂർ: യാത്രയ്ക്കിടെ ദേഹാസ്വാസ്ഥ്യം അനുഭവപ്പെട്ട് വന്ദേ ഭാരത് ട്രെയിനിൽ കുഴഞ്ഞുവീണ യുവാവിനെ ആശുപത്രിയിലെത്തിക്കാൻ വേണ്ട സൗകര്യങ്ങളൊരുക്കാതെ തൃശ്ശൂർ റെയിൽവേ സ്റ്റേഷൻ. പിന്നാലെ യുവാവിനെ ആശുപത്രിയിലെത്തിക്കാൻ സഹായിച്ചത് സ്വകാര്യ ഭക്ഷണവിതരണ ശൃംഖലയിലെ യുവാക്കൾ. ആശുപത്രിയിലെത്തിച്ചെങ്കിലും യുവാവിന്റെ ജീവൻ രക്ഷിക്കാനായില്ല. തിരുവനന്തപുരം ആനയിടവഴി പാരപ്പെറ്റെ ലെയിൻ ശ്രീരാഘവത്തിൽ അഭിരാം(23) ആണ് മരിച്ചത്. ഞായറാഴ്ച വൈകീട്ട് ഷൊർണൂരിൽനിന്നാണ് അഭിരാമും കുടുംബവും തിരുവനന്തപുരത്തേക്ക് യാത്ര തിരിച്ചത്. യാത്രക്കിടെ തൃശ്ശൂരെത്തുന്നതിന് പത്തു മിനിറ്റു മുമ്പാണ് അഭിരാമിനു ദേഹാസ്വാസ്ഥ്യം അനുഭവപ്പെടുന്നതും കുഴഞ്ഞുവീഴുന്നതും. ഉടൻ ടിടിയെ വിവരമറിയിക്കുകയും സംഘം തൃശ്ശൂരിൽ ഇറങ്ങുകയും ചെയ്തു. എന്നാൽ, കേണപേക്ഷിച്ചിട്ടും റെയിൽവേ പോലീസുകാർ ആശുപത്രിയിലെത്തിക്കാൻ ഒരു സഹായവും ചെയ്തില്ലെന്ന് അഭിരാമിന്റെ അമ്മാവൻ അഭിലാഷ് പറഞ്ഞു. തിരുവനന്തപുരം ടെക്നോപാർക്കിലെ ഉദ്യോഗസ്ഥനാണ് മരിച്ച അഭിരാം. അതേസമയം മുൻപേ അറിയിച്ചിട്ടും മെഡിക്കൽ സംവിധാനങ്ങളൊരുക്കാനും റെയിൽവേക്ക് ആയില്ല. സംഭവം കണ്ട് ഭക്ഷണവിതരണക്കാരായ ചെറുപ്പക്കാരാണ് കാറുവിളിച്ച് ആശുപത്രിയിലെത്തിക്കാൻ സഹായിച്ചത്- അദ്ദേഹം പറഞ്ഞു. എന്നാൽ, സംഭവം അറിഞ്ഞയുടനെ 108 ആംബുലൻസിനെ ബന്ധപ്പെട്ടിരുന്നെന്നും ആംബുലൻസ് വൈകുമെന്നതിനാൽ…
Read More » -
Breaking News
വിയര്പ്പ് തുന്നിയിട്ട കുപ്പായമല്ല പാട്ടിനിടയില് വലിച്ചൂരിയ കുപ്പായമാണ് പ്രശ്നം; ഗൗരി ലക്ഷ്മിയുടെ സംഗീത പരിപാടിക്ക് തല്ലും തലോടലും; ഒടുവില് ഹരിവരാസനം പാടി തിരിച്ചുവരവ്
കൊച്ചി : സംഗീതം സാഗരമാണെന്ന് കേട്ടിട്ടുണ്ട്. എന്നുവെച്ചാല് കടല്. ആ കടലിലേക്ക് കുളിക്കാന് ഇറങ്ങുമ്പോള് വസ്ത്രം അഴിച്ചു വെച്ചിട്ട് വേണ്ടേ ഇറങ്ങാന് . സോഷ്യല് മീഡിയ ഇപ്പോള് ആഘോഷിക്കുന്നത് ഗായിക ഗൗരി ലക്ഷ്മിയുടെ കുപ്പായം വലിച്ചൂരി എറിഞ്ഞ പാട്ടാണ്. വേടന് എഴുതിയ പോലെ വിയര്പ്പ് തുന്നിയിട്ട കുപ്പായം അല്ല, പാട്ടിനിടയില് വലിചൂരിയ കുപ്പായമാണ് തല്ലും തലോടലും നേടിക്കൊണ്ടിരിക്കുന്നത്. എന്നും വിവാദങ്ങളുടെ തോഴിയായി നില്ക്കാറുള്ള ഗൗരി കഴിഞ്ഞവര്ഷം അവസാനം സ്റ്റേജില് അവതരിപ്പിച്ച പാട്ടിന്റെ ഒടുവില് അണിഞ്ഞിരുന്ന വസ്ത്രങ്ങളില് മേല് വസ്ത്രം ഊരിയെറിയുന്നുണ്ട്. കൂടെ കോറസ് കളിച്ചവരും ഇതുതന്നെ ചെയ്യുന്നു. ഇതിനെ അനുകൂലിച്ചും ശക്തമായി എതിര്ത്തും നിരവധി പേരാണ് കഴിഞ്ഞവര്ഷം മുതല് ഈ വര്ഷത്തിലും രംഗത്തുള്ളത്. തലോടലിനേക്കാള് കൂടുതല് തല്ലാണ് ഗൗരിയുടെ പെര്ഫോമന്സിന് കിട്ടിയിരിക്കുന്നത്. കഞ്ചാവ് അടിച്ചാണ് ഗൗരി പാടിയത് എന്ന് നിരവധി പേര് കമന്റ് ചെയ്യുന്നുണ്ട്. ഗൗരി മേല് വസ്ത്രം ഊരിയെങ്കിലും നഗ്നതാ പ്രദര്ശനം ഇല്ലല്ലോ എന്ന് ചിലര് ന്യായീകരിക്കുന്നു .…
Read More » -
Breaking News
ആടുജീവിതം അല്ല സ്ഥാനാര്ത്ഥി ജീവിതം; സ്ഥാനാര്ത്ഥിയാകാന് ഇല്ലെന്ന് വ്യക്തമാക്കി ബെന്യാമിന്: സാഹിത്യ രചനകളിലാണ് തന്റെ ആഹ്ലാദമെന്നും അതില് ജീവിക്കാനാണ് ആഗ്രഹിക്കുന്നതെന്നും തുറന്നുപറച്ചില്
തിരുവനന്തപുരം : ആടുജീവിതം എഴുതിയ ബെന്യാമിന് രാഷ്ട്രീയ ജീവിതം എങ്ങനെയുണ്ടാകും എന്ന് സംശയിച്ചവര്ക്കും ബെന്യാമിന് സ്ഥാനാര്ത്ഥിയാകാന് സാധ്യത എന്ന പ്രവചിച്ചവര്ക്കും വ്യക്തമായ മറുപടിയുമായി ബെന്യാമിന്. ഫെയ്സ്ബുക്ക് പോസ്റ്റിലൂടെയാണ് ബെന്യാമിന് തന്റെ സാഹിത്യ രാഷ്ട്രീയ നിലപാട് വ്യക്തമാക്കിയിരിക്കുന്നത്. തനിക്ക് രാഷ്ട്രീയവും രാഷ്ട്രീയ നിലപാടുകളും ഉണ്ടെങ്കിലും അതൊന്നും ഒരു സ്ഥാനമാനത്തിനും വേണ്ടിയുള്ളതല്ല എന്ന് വ്യക്തമാക്കുന്ന ബെന്യാമിന് സാഹിത്യ രചനകളിലാണ് എന്റെ ആഹ്ലാദമെന്നും. അതില് ജീവിക്കാനാണ് ഞാന് ആഗ്രഹിക്കുന്നതെന്നും തറപ്പിച്ചു പറയുന്നു. ആഅതുകൊണ്ട് ഇത്തരം വാര്ത്തകളും കൊണ്ട് ഇനിയും ഈ വഴി വരല്ലേ മാധ്യമങ്ങളേ.. എന്ന് അപേക്ഷിച്ചുകൊണ്ടാണ് ബെന്യാമിന് ആ ബെന്യാമിന് ഞാനല്ല എന്ന തലക്കെട്ടിലുള്ള എഫ്ബി കുറിപ്പ് അവസാനിപ്പിച്ചിരിക്കുന്നത്. ബെന്യാമിന് ഫെയ്സ്ബുക്കില് എഴുതിയതിന്റെ പൂര്ണ്ണരൂപം. ആ ബെന്യാമിന് ഞാനല്ല മലയാള മനോരമ ദിനപ്പത്രത്തില് അടുത്ത നിയമസഭാ തിരഞ്ഞെടുപ്പിലേക്ക് മത്സരിക്കാന് സാധ്യതയുള്ളവരുടെ പട്ടികയില് ബെന്യാമിന് എന്ന പേരും കണ്ടു. എന്നാല് അങ്ങനെയൊരു സാധ്യതയില്ലെന്ന് വിനയപൂര്വ്വം അറിയിക്കട്ടെ. ഓണ്ലൈന് – യൂടൂബ് ചാനലുകള് ഇതിനുമുന്പും ഇത്തരം…
Read More » -
Movie
സ്റ്റൈലിഷ് ആൻഡ് എനർജറ്റിക്, ‘ഔവ്വ ഔവ്വ നാച്ചെ നാച്ചെ’ ഗാനത്തിന് ചടുലമായ ചുവടുകളുമായി പ്രഭാസും താരറാണിമാരും! ‘രാജാസാബ്’ ജനുവരി 9ന് തിയേറ്ററുകളിൽ
ഗാനമേളകളിലൂടേയും പാർട്ടികളിലൂടേയും ഒരു തലമുറയുടെ ഹരമായി മാറിയ ബപ്പി ലാഹിരി – ഉഷ ഉതുപ്പ് ഒന്നിച്ചൊരുക്കിയ ‘ഡിസ്കോ ഡാൻസറി’ലെ ‘ഔവ്വ ഔവ്വ നാച്ചെ നാച്ചെ’ എന്ന ഹിറ്റ് ഗാനം പ്രഭാസ് ചിത്രം ‘രാജാ സാബി’ലൂടെ വീണ്ടും. പുതിയ രൂപത്തിൽ പുതിയ ഭാവത്തിൽ ഈ ഗാനം ഒരുക്കിയിരിക്കുന്നത് തമൻ എസ് ആണ്. ഫറൂഖ് ഖൈസർ, റക്യൂബ് ആലം എന്നിവർ ചേർന്നാണ് വരികൾ ഒരുക്കിയിരിക്കുന്നത്. തമൻ എസ്, നകാഷ് എസ് എസ്, ബൃന്ദ എന്നിവർ ചേർന്നാണ് ഗാനം ആലപിച്ചിരിക്കുന്നത്. ജനുവരി 9നാണ് രാജാസാബ് വേൾഡ് വൈഡ് റിലീസ്. ഹൊറർ – ഫാന്റസി ചിത്രം ‘രാജാസാബ്’ റിലീസിന് മുന്നോടിയായി കോരിത്തരിപ്പിക്കുന്ന ബ്രഹ്മാണ്ഡ ദൃശ്യ വിരുന്നായി ട്രെയിലർ 2.0 കഴിഞ്ഞ ദിവസം പുറത്തിറങ്ങിയിരുന്നു. കൗതുകം ജനിപ്പിക്കുന്നതും വിസ്മയിപ്പിക്കുന്നതുമായ ഒട്ടനേകം ദൃശ്യങ്ങളും അഭിനയ മുഹൂർത്തങ്ങളുമായാണ് ട്രെയിലർ എത്തിയിരുന്നത്. ഇപ്പോഴിതാ ചടുലമായ ഈ ഗാനം സോഷ്യൽ മീഡിയയിൽ തരംഗമായിരിക്കുകയാണ്. സിനിമയുടെ കേരള വിതരണാവകാശം ഗോകുലം മൂവീസ് സ്വന്തമാക്കിയിട്ടുണ്ട്. ഐതിഹ്യങ്ങളും മിത്തുകളും…
Read More » -
NEWS
ആഗോള വിദ്യാഭ്യാസ മേഖലയിലെ വെല്ലുവിളികള് മനസിലാക്കി പുതിയ കര്മ്മപദ്ധതികള് പ്രഖ്യാപിച്ച് സാല്വെ മരിയ ഇന്റര്നാഷണല്
കൊച്ചി: വിദേശവിദ്യാഭ്യാസ രംഗത്തെ സേവനദാതാക്കളില് മുന് നിരക്കാരും ദീര്ഘകാല പരിചയസമ്പത്തുമുള്ള സാല്വെ മരിയ ഇന്റര്നാഷണല് 2026-ലേക്ക് അനുയോജ്യമായ വിദേശപഠന അവസരങ്ങള് കണ്ടെത്തുന്നതിനുള്ള പുതിയ കര്മ്മപദ്ധതികള് പ്രഖ്യാപിച്ചു. കൃത്രിമ ബുദ്ധി (എഐ), പുതുതലമുറയുടെ മാറുന്ന താല്പര്യങ്ങള് എന്നിവയെ അടിസ്ഥാനമാക്കി 2026-ലേക്ക് അനുയോജ്യമായ വിദേശപഠന അവസരങ്ങള് കണ്ടെത്തുന്നതിനുള്ള പുതിയ കര്മ്മപദ്ധതികളാണ് കൊച്ചിയില് നടത്തിയ വാര്ത്താസമ്മേളനത്തില് പ്രഖ്യാപിച്ചത്. വിദ്യാര്ഥികളുടെയും രക്ഷകര്ത്താക്കളുടെയും പ്രതീക്ഷകള്ക്ക് അതീതമായി കൗണ്സലിംഗ് സംവിധാനങ്ങളിലും പ്രവര്ത്തനക്രമങ്ങളിലും കാര്യക്ഷമമായ നവീകരണങ്ങള് നടപ്പാക്കിയതായി സാല്വെ മരിയ ഇന്റര്നാഷണല് ഭാരവാഹികള് അറിയിച്ചു. ‘വിദേശ വിദ്യാഭ്യാസ സേവനം എന്നത് അഡ്മിഷന് നേടിക്കൊടുക്കുന്ന ഒരു കച്ചവടപ്രക്രിയയല്ല. ഓരോ വിദ്യാര്ത്ഥിയുടെയും കഴിവിനും ലക്ഷ്യത്തിനും അനുയോജ്യമായ അക്കാദമിക് വഴികള് കണ്ടെത്തുകയാണ് ഞങ്ങളുടെ സമീപനം,’ എന്ന് സാല്വെ മരിയ ഇന്റര്നാഷണല് സ്ഥാപകനും സി.ഇ.ഒയുമായ ബോബി സെബാസ്റ്റ്യന് പറഞ്ഞു. ‘ഞങ്ങളുടെ ഉത്തരവാദിത്വം അഡ്മിഷനില് അവസാനിക്കുന്നതല്ല; വിദ്യാര്ത്ഥികളെ അവരുടെ യഥാര്ത്ഥ ലക്ഷ്യത്തിലേക്ക് സത്യസന്ധമായി നയിക്കുകയെന്നതാണ്.’ എന്നും അദ്ദേഹം കൂട്ടിച്ചേര്ത്തു. വിദ്യാര്ത്ഥികളുടെ സുസ്ഥിരമായ ഭാവി മുന്നിര്ത്തിയുള്ള സുതാര്യവും ഉത്തരവാദിത്വപരവുമായ മാര്ഗനിര്ദേശമാണ്…
Read More » -
Breaking News
എഐ ജീവിതത്തിന്റെ പുതിയ കൂട്ടാളിയുമായി സാംസങ്; കണ്സ്യൂമര് ഇലക്ട്രോണിക്സ് ഷോയില് നയരേഖ പ്രഖ്യാപിച്ചു
കൊച്ചി: നിത്യോപയോഗ ഇലക്ട്രോണിക്സ് ഉപകരങ്ങളിലെ ആര്ടിഫിഷ്യല് സാങ്കേതിക വിദ്യാ സാധ്യതകളെ തുറന്നിടുകയാണ് സാംസങ് കണ്സ്യൂമര് ഇലക്ട്രോണിക്സ് ഷോ 2026. സാംസങ് ഇലക്ട്രോണിക്സ് എഐ ജീവിതത്തില് നിങ്ങളുടെ കൂട്ടായി എന്ന ക്യാമ്പയിന് കണ്സ്യൂമര് ഇലക്ട്രോണിക്സ് ഷോയില് അവതരിപ്പിച്ചു. ആര്ട്ടിഫിഷ്യല് ഇന്റലിജന്സിനെ ഉല്പന്ന വികസനം, സേവനങ്ങള്, ഉപഭോക്തൃ അനുഭവം എന്നിവയെ ഏകീകരിക്കുന്ന അടിസ്ഥാന തത്വമായി മാറ്റുകയാണ് ലക്ഷ്യമെന്ന് സാംസങ് അറിയിച്ചു. എഐ സജ്ജമായ, പരസ്പരം ബന്ധിപ്പിച്ചിരിക്കുന്ന ഇക്കോസിസ്റ്റത്തിന്റെ കരുത്ത് ഉപയോഗിച്ച് ദൈനംദിന ജീവിതത്തില് കൂടുതല് വ്യക്തിപരവും അര്ത്ഥവത്തവുമായ അനുഭവങ്ങള് നല്കാനാകുമെന്ന് സാംസങ് ഡിവൈസ് എക്സ്പീരിയന്സ് ഡിവിഷന് സിഇഒ ടിം റോ പറഞ്ഞു. മൊബൈല്, ഡിസ്പ്ലേ, ഗൃഹോപകരണങ്ങള്, സേവനങ്ങള് എന്നിവയെ ഒരൊറ്റ അനുഭവമായി മാറ്റുന്നതാണ് പുതിയ സമീപനമെന്നും അദ്ദേഹം കൂട്ടിച്ചേര്ത്തു. ടെലിവിഷന് മേഖലയിലെ പുതിയ മുന്നേറ്റങ്ങളുടെ ഭാഗമായി 130-ഇഞ്ച് മൈക്രോ ആര്ജിബി ടിവി അവതരിപ്പിച്ചു. മൈക്രോ സൈസ്ഡ് ആര്ജിബി ലൈറ്റ് സോഴ്സിലൂടെ മികച്ച കളര് ക്വാളിറ്റിയും, കൃത്യതയും വാഗ്ദാനം ചെയ്യുന്ന ഈ മോഡല്, സാംസങിന്റെ അടുത്ത…
Read More » -
Movie
പാടുന്നവർക്ക് പാടി തിമിർക്കാനും, ആടുന്നവർക്ക് ആടി തിമിർക്കാനും ഇതാ ഒരു ഗാനം; കെ എസ് ചിത്രയും റിമി ടോമിയും ഒന്നിച്ച് പാടിയ ‘മാജിക് മഷ്റൂംസ്’ സിനിമയിലെ ‘ആരാണേ ആരാണേ ഈ അമ്പിളി പൂങ്കടവിൽ…’ ഗാനം വൈറൽ
പ്രേക്ഷകർ ഏറ്റെടുത്ത ‘കട്ടപ്പനയിലെ ഋത്വിക് റോഷന് ‘ ശേഷം വിഷ്ണു ഉണ്ണികൃഷ്ണനെ നായകനാക്കി നാദിർഷ സംവിധാനം ചെയ്യുന്ന ‘മാജിക് മഷ്റൂംസി’ൽ മലയാളത്തിന്റെ വാനമ്പാടി കെ.എസ് ചിത്രയും റിമി ടോമിയും ഒന്നിച്ച് ആദ്യമായി പാടിയ ഗാനം പുറത്ത്. ‘ആരാണേ ആരാണേ…’ എന്ന് തുടങ്ങുന്ന ഗാനം വേറിട്ട രീതിയിലാണ് അണിയിച്ചൊരുക്കിയിരിക്കുന്നത്. മെല്ലെ തുടങ്ങുന്ന പല്ലവിയും കുറച്ചുകൂടി വേഗമേറുന്ന അനുപല്ലവിയും ഏറ്റവും ദ്രുതഗതിയിലാകുന്ന ചരണവുമാണ് ഈ ഗാനത്തെ വ്യത്യസ്തമാക്കിയിരിക്കുന്നത്. പാടുന്നവർക്ക് പാടി തിമിർക്കാനും, ആടുന്നവർക്ക് ആടി തിമിർക്കാനും പറ്റിയ ഈണവുമായാണ് ഗാനം എത്തിയിരിക്കുന്നത്. രസകരമായൊരു ഫൺ ഫാമിലി ഫീൽ ഗുഡ് എൻ്റർടെയ്നറായി എത്തുന്ന ‘മാജിക് മഷ്റൂംസ്’ ജനുവരി 23-ന് തിയേറ്ററുകളിൽ എത്തും. നാദിർഷ സംഗീത സംവിധാനം നിർവ്വഹിച്ചിരിക്കുന്ന ഗാനത്തിന് വരികൾ എഴുതിയിരിക്കുന്നത് രാജീവ് ഗോവിന്ദനാണ്. അക്ഷയ ഉദയകുമാറാണ് ചിത്രത്തിൽ നായികയായെത്തുന്നത്. ഗാനരംഗത്തിൽ അക്ഷയയുടെ അസാധ്യമായ നൃത്തപ്രകടനം എടുത്തുപറയേണ്ടതാണ്. പുരാണ കഥാപാത്രമായുള്ള വേഷത്തിൽ വിഷ്ണു ഉണ്ണികൃഷ്ണനും ഗാനരംഗത്തിലുണ്ട്. മഞ്ചാടി ക്രിയേഷൻസിന്റെ ബാനറിൽ അഷ്റഫ് പിലാക്കൽ നിർമ്മിക്കുന്ന സിനിമയുടെ…
Read More » -
Breaking News
വെട്ടി നിരത്തിയാലും വിട്ടുകൊടുക്കില്ല: സംസ്ഥാനത്തെ അർഹരായ മുഴുവന് ആളുകളെയും വോട്ടര്പട്ടികയില് ഉള്പ്പെടുത്താന് നടപടിയുമായി സര്ക്കാര്: രേഖകള്ക്ക് ഫീസ് ഈടാക്കില്ല
തിരുവനന്തപുരം: ആരൊക്കെ വെട്ടി നിരത്തിയാലും വിട്ടുകൊടുക്കില്ലെന്ന് ഉറപ്പിച്ച സംസ്ഥാന സർക്കാർ വോട്ടർ പട്ടികയുമായി മുന്നോട്ട്.അര്ഹരായ മുഴുവന് ആളുകളെയും വോട്ടേഴ്സ് ലിസ്റ്റില് ഉള്പ്പെടുത്താന് അടിയന്തര നടപടികള്ക്ക് സര്ക്കാര് തീരുമാനമെടുത്തതായി മുഖ്യമന്ത്രി പിണറായി വിജയന് അറിയിച്ചപ്പോൾ അത് . സംസ്ഥാന സർക്കാരിന്റെ ഏറ്റവും ധീരമായ പ്രഖ്യാപനമായി. അര്ഹരായ മുഴുവന് ആളുകള്ക്കും വോട്ടവകാശം ഉറപ്പാക്കുക എന്നതാണ് സര്ക്കാരിന്റെ നയം. എസ്ഐആര് പ്രക്രിയ അര്ഹതയുള്ള എല്ലാവരെയും ഉള്ക്കൊള്ളുന്നതാകണം എന്ന് സംസ്ഥാന സര്ക്കാര് നിരന്തരം ആവശ്യപ്പെട്ടത് അതുകൊണ്ടാണ്. എന്നാല് അതിന് അനുകൂലമായ തീരുമാനങ്ങളല്ല ഉണ്ടായത്. അര്ഹരായ എല്ലാവര്ക്കും സമ്മതിദാന അവകാശം ലഭ്യമാക്കുക എന്ന ലക്ഷ്യത്തോടെ സര്ക്കാര് വില്ലേജ് തലത്തില് ഹെല്പ്പ് ഡെസ്കുകള് ആരംഭിച്ചത് ഈ പശ്ചാത്തലത്തിലാണ്. വോട്ടര് പട്ടികയില് നിന്ന് വിട്ടുപോയ മുഴുവന് ആളുകളും ഈ സൗകര്യം ഉപയോഗിക്കണമെന്ന് മുഖ്യമന്ത്രി വാര്ത്താ കുറിപ്പില് അറിയിച്ചു. മതിയായ രേഖകള് കൈവശമില്ലാത്തവര്ക്ക് യുദ്ധകാലാടിസ്ഥാനത്തില് രേഖകള് ലഭ്യമാക്കുന്നതിനുള്ള നടപടികള് സ്വീകരിക്കാന് ജില്ലാ കളക്ടര്മാര്ക്ക് നിര്ദ്ദേശം നല്കി. രേഖകള് കിട്ടാന്…
Read More » -
Breaking News
നല്ല അടി നാട്ടില് കിട്ടില്ലേ ചേട്ടാ; വിലപേശി ഒടുവില് അടിവാങ്ങി പട്ടായയില് ഒരു ഇന്ത്യക്കാരന്; നടുറോഡിലിട്ട് ഇന്ത്യക്കാരനെ തല്ലി ലൈംഗിക തൊഴിലാളികള്: പറഞ്ഞുറപ്പിച്ച പണം കൊടുത്തില്ലെന്ന് പരാതി
തായ്ലാന്റ് : നല്ല അടി വേണമെങ്കില് നാട്ടില് കിട്ടുമല്ലോ എന്തിനാണ് തായ്ലാന്റിലെ പട്ടായയില് പോയി അടി വാങ്ങുന്നത് എന്നാണ് പേരു വെളിപ്പെടുത്താത്ത ആ ഇന്ത്യക്കാരനോട് ആളുകള് ചോദിക്കുന്നത്. വിലപേശിയുറപ്പിച്ച് പട്ടായയിലെ ലൈംഗിക തൊഴിലാൡക്കൊപ്പം ആഘോഷിച്ച ശേഷം പറഞ്ഞുറപ്പിച്ച പണം നല്കാന് വിസമ്മതിച്ചെന്നാരോപിച്ച് പട്ടായയിലെ ലൈംഗിക തൊഴിലാളികള് ഒരു ഇന്ത്യക്കാരനെ അടിച്ചവശനാക്കി പഞ്ഞിക്കിട്ട കഥ വൈറലായിക്കഴിഞ്ഞു. ഇതിനൊക്കെയെങ്കിലും കടം പറയാതെയും ചോദിച്ച പൈസ കൊടുത്തും വന്നൂടെടാ എന്നാണ് ഇന്ത്യക്കാരനോടുള്ള ആളുകളുടെ ചോദ്യം. തായ്ലന്ഡിലെ പ്രശസ്തമായ വിനോദസഞ്ചാര കേന്ദ്രമായ പട്ടായയില് ലൈംഗിക സേവനങ്ങള്ക്കുള്ള പണം നല്കുന്നതിനെച്ചൊല്ലിയുള്ള തര്ക്കത്തിനിടെ ഇന്ത്യന് പൗരന് അടിയേറ്റ് അത്യാവശ്യം നല്ല പരിക്ക് പറ്റി. പട്ടായയിലെ വാക്കിങ് സ്ട്രീറ്റില് വെച്ച് ട്രാന്സ് വുമണ് ലൈംഗികത്തൊഴിലാളികള് ഇന്ത്യക്കാരനെ സംഘം ചേര്ന്ന് മര്ദ്ദിക്കുകയായിരുന്നു. ഇതിന്റെ വീഡിയോ സമൂഹമാധ്യമങ്ങളില് പ്രചരിക്കുകയാണ്. ആക്രമണത്തിന് ഇരയായ 52കാരനെ ആശുപത്രിയില് പ്രവേശിപ്പിച്ചു. പുതുവര്ഷം പട്ടായയില് ആഘോഷിക്കാനെത്തിയതാണ് അമ്പത്തിരണ്ടുകാരന് ഇന്ത്യക്കാരന്. പുതുവര്ഷത്തിന് മൂന്നുനാള് മുമ്പാണ് കക്ഷി കിലുക്കം സിനിമയില് നന്ദിനിത്തമ്പുരാട്ടി…
Read More »
