india
-
സ്ഥാനാർത്ഥികളെ ആരാധനാലയങ്ങളിൽ എത്തിച്ച് കോൺഗ്രസിന്റെ ആണയിടീക്കൽ
പനാജി: തെരഞ്ഞെടുപ്പില്‍ ജയിച്ചാൽ പിന്നീട് കൂറ്‌ മാറാതിരിക്കാന്‍ സ്ഥാനാര്‍ഥികളെ പള്ളികളിലും ക്ഷേത്രത്തിലുമെത്തിച്ച് പ്രതിജ്ഞയെടുപ്പിച്ച്‌ കോണ്‍ഗ്രസ്‌.ഗോവ നിയമസഭാ തെരഞ്ഞെടുപ്പിന്‌ മുന്നോടിയായാണ്‌ കോണ്‍ഗ്രസിന്റെ ഈ വിചിത്ര നടപടി. ഫെബ്രുവരി 14ന് നടക്കുന്ന തെരഞ്ഞെടുപ്പിന്‌ മുന്നോടിയായി ഇതുവരെ പ്രഖ്യാപിച്ച 36 സ്ഥാനാര്‍ഥികളേയും കൊണ്ട്‌ ജയിച്ചാലും പാർട്ടിക്കൊപ്പം തന്നെ ഉറച്ച്‌ നില്‍ക്കുമെന്നാണ്‌ പ്രതിജ്ഞ എടുപ്പിച്ചത്‌. പനജിയിലെ മഹാലക്ഷ്‌മി ക്ഷേത്രത്തിലും കൊങ്കണിയിലെ ബാംബോലിം ക്രോസിലെ പള്ളിയിലും ബെറ്റിമിലെ മുസ്ലിം പള്ളിയിലുമെത്തിയാണ്‌ ശനിയാഴ്‌ച സ്ഥാനാര്‍ഥികള്‍ പ്രതിജ്ഞയെടുത്തത്‌. ജയിച്ചു കഴിഞ്ഞ്‌ നേതാക്കള്‍ ബിജെപിയിലേക്ക് പോകുന്ന പശ്ചാത്തലത്തിലാണ്‌ മുതിര്‍ന്ന നേതാക്കള്‍ ഉള്‍പ്പെടുന്ന സ്ഥാനാര്‍ഥികളെ കൊണ്ട്‌ കൂറ്‌ മാറില്ലെന്ന്‌ പ്രതിജ്ഞയെടുപ്പിക്കേണ്ട ഗതികേടിൽ കോണ്‍ഗ്രസ്‌ എത്തിയത്‌. കര്‍ണാടക അടക്കമുള്ള സംസ്ഥാനങ്ങളില്‍ കൂറുമാറി ബി.ജെ.പിയില്‍ ചേരാതിരിക്കാന്‍ റിസോര്‍ട്ടില്‍ കൊണ്ടുപോയി എം.എല്‍.എമാരെ പൂട്ടിയിടേണ്ട അവസ്ഥ വരെ ഇതിനുമുൻപ് കോൺഗ്രസിന് ഉണ്ടായിട്ടുണ്ട്. .
Read More » -
ഫ്ലാറ്റിലെ തീപിടുത്തം; മുംബൈയിൽ മരണം ഏഴായി
മുംബൈയിലെ ബഹുനില കെട്ടിടത്തില്‍ ഇന്ന് രാവിലെയുണ്ടായ തീപിടിത്തത്തില്‍ മരണം ഏഴായി.നിരവധി പേര്‍ക്ക് പരിക്കുണ്ട്.ഗാന്ധി ആശുപത്രിക്ക് എതിര്‍വശമുള്ള കമലാ ബില്‍ഡിങ്ങിലാണ് ഇന്ന് പുലർച്ചെ തീപിടിത്തമുണ്ടായത്. അതേസമയം ഫ്ലാറ്റില്‍ കുടുങ്ങിയ എല്ലാവരെയും പുറത്തെത്തിച്ചതായി മുംബൈ മേയര്‍ കിഷോരി പെഡ്നേക്കര്‍ അറിയിച്ചു.
Read More » -
മുംബൈയില്‍ 20നില കെട്ടിടത്തിന് തീപിടിച്ചു
മുംബൈ: മുംബൈയില്‍ 20നില കെട്ടിടത്തിന് തീപിടിച്ചു.സംഭവത്തിൽ രണ്ട് പേര്‍ മരിച്ചതായി റിപ്പോർട്ടുണ്ട്.പരിക്കേറ്റ നിരവധി പേരെ ആശുപത്രിയിലേക്ക് മാറ്റിയതായാണ് വിവരം. രാവിലെ 7 മണിയോടെയാണ് ഗൗളിയ താങ്ക് ഗാന്ധി ഹോസ്പിറ്റലിന് എതിര്‍വശമുള്ള കമല ബില്‍ഡിംഗിന്റെ 18ാം നിലയിൽ തീപിടിച്ചത്. അഗ്നിശമന സേനയുടെ 13 യൂണിറ്റുകളും ഏഴ് ജലപീരങ്കികളും ചേർന്ന് രക്ഷാപ്രവര്‍ത്തനം തുടരുകയാണ്.
Read More » -
കോവിഡ് വ്യാപനം അതിതീവ്രമാകുന്പോഴും പാർലമെന്‍റ് സമ്മേളനം മാറ്റിവയ്ക്കാതെ കേന്ദ്രം
കോവിഡ് വ്യാപനം അതിതീവ്രമാകുന്പോഴും പാർലമെന്‍റ് സമ്മേളനം മാറ്റിവയ്ക്കാതെ കേന്ദ്രം. പാർലമെന്‍റിന്‍റെ ഈ വർഷത്തെ ആദ്യ സമ്മേളനം രാഷ്‌ട്രപതിയുടെ പ്രസംഗത്തോടെ 31ന് തുടങ്ങും. കേന്ദ്രമന്ത്രിമാരും പ്രതിപക്ഷ നേതാവും അടക്കം നിരവധി എംപിമാരും നാനൂറിലേറെ പാർലമെന്‍റ് ജീവനക്കാരും കോവിഡ് ബാധിതരായതിനു പിന്നാലെയാണു ബജറ്റ് സമ്മേളനം മാറ്റേണ്ടതില്ലെന്ന തീരുമാനം. എൻഡിഎ സർക്കാരിന്‍റെ 2022-23 വർഷത്തെ പുതിയ കോവിഡ് കാല ബജറ്റ് ഫെബ്രുവരി ഒന്നിന് രാവിലെ കേന്ദ്ര ധനമന്ത്രി നിർമലാ സീതാരാമൻ അവതരിപ്പിക്കും. കോവിഡ് പ്രതിസന്ധിയിലായ സാധാരണക്കാർ, കർഷകർ, ചെറുകിട- പരന്പരാഗത വ്യവസായികൾ, ബിസിനസുകാർ, തൊഴിലാളികൾ തുടങ്ങിയവർക്ക് ആശ്വാസ പദ്ധതികളും സാമ്പത്തിക വളർച്ചയും വികസനവും ലക്ഷ്യമിട്ടുള്ള പദ്ധതികളും ബജറ്റിലുണ്ടാകുമെന്നാണു പ്രതീക്ഷ. സമ്മേളനത്തിന്‍റെ ആദ്യദിനം തന്നെ സാന്പത്തിക അവലോകന റിപ്പോർട്ട് ലോക്സഭയിൽ സമർപ്പിക്കും. ധനബില്ലുകൾക്കു പുറമേ പുതിയ നിരവധി നിയമനിർമാണങ്ങളും ബജറ്റ് സമ്മേളനത്തിലുണ്ടാകും. ലോക്സഭയുടെയും രാജ്യസഭയുടെയും സംയുക്ത സമ്മേളനത്തിൽ രാഷ്ട്രപതി രാംനാഥ് കോവിന്ദ് ആദ്യദിനം തന്നെ നരേന്ദ്ര മോദി സർക്കാരിന്‍റെ നയപ്രഖ്യാപന പ്രസംഗം നടത്തും. 31നു തുടങ്ങുന്ന…
Read More » -
പശു കിസാൻ ക്രെഡിറ്റ് കാർഡ്
മൃഗ സംരക്ഷണം പ്രോത്സാഹിപ്പിക്കുന്നതിനും, കര്‍ഷകരുടെ വരുമാനം കൂട്ടുന്നതിനുമായി കേന്ദ്ര സർക്കാർ ഇറക്കിയിരിക്കുന്നതാണ് പശു കിസാന്‍ ക്രെഡിറ്റ് കാര്‍ഡുകൾ.3 ലക്ഷം വരെയാണ് ഇതിലൂടെ വായ്പ ലഭിക്കുന്നത്.വെറും 4 ശതമാനം മാത്രമേ ഇതിനു പലിശ ഈടാക്കുന്നുള്ളൂ. പശു, കോഴി, ആട്,പന്നി, മുയല്‍, അലങ്കാര പക്ഷികള്‍ എന്നിവയുടെ വളര്‍ത്തലിനു പശു കിസാന്‍ ക്രെഡിറ്റ് കാര്‍ഡ് വായ്പ ഉപയോഗിക്കാം.മല്‍സ്യ വളര്‍ത്തലിനുവേണ്ടിയും ഈ വായ്പ ലഭ്യമാണ്.ആധാര്‍ കാര്‍ഡ്, പാന്‍ കാര്‍ഡ്, തിരിച്ചറിയല്‍ രേഖകള്‍, ബാങ്ക് അക്കൗണ്ട് എന്നിവ ഉണ്ടെങ്കില്‍ പശു കിസാന്‍ ക്രെഡിറ്റ് കാര്‍ഡിന് അപേക്ഷിക്കാം.
Read More » -
ആഭ്യന്തര യാത്രകളിൽ വിമാനങ്ങളിൽ കൊണ്ടു പോകാവുന്ന ബാഗുകളുടെ എണ്ണം ഒന്നായി ചുരുക്കി.
ആഭ്യന്തര യാത്രകളിൽ വിമാനങ്ങളിൽ കൊണ്ടു പോകാവുന്ന ബാഗുകളുടെ എണ്ണം ഒന്നായി ചുരുക്കി. ഒറ്റ ഹാൻഡ് ബാഗ് മാത്രമേ ഇനി മുതൽ വിമാനത്തിനുള്ളിൽ അനുവദിക്കൂ. വിമാനത്താവളങ്ങളിലെ തിരക്കു കുറയ്ക്കാനും സുരക്ഷാഭീഷണി കണക്കിലെടുത്തുമാണ് പുതിയ തീരുമാനം എന്നാണ് സിവിൽ ഏവിയേഷൻ സെക്യൂരിറ്റി ബ്യൂറോ വ്യക്തമാക്കിയിരിക്കുന്നത്. ഒറ്റ ഹാൻഡ് ബാഗ് മാത്രമേ അനുവദിക്കൂ എന്ന കാര്യം ടിക്കറ്റുകളിലും ബോർഡിംഗ് പാസുകളിലും ഉൾപ്പെടുത്താനും നിർദേശിച്ചിട്ടുണ്ട്. ഇക്കാര്യം നിർദേശിച്ച് ചെക്ക് ഇൻ കൗണ്ടറുകളുടെ അരികിലും ബോർഡുകൾ സ്ഥാപിക്കണം.
Read More » -
ട്രെയിനിലിരുന്ന് ഉച്ചത്തിൽ സംസാരിച്ചാലോ പാട്ട് വച്ചാലോ ഇനി പിടിവീഴും;പുകവലിക്കാരും ജാഗ്രതൈ
ന്യൂഡൽഹി: ഉച്ചത്തിലുള്ള സംഗീതവും ഉറക്കെ ഫോണുകളില്‍ സംസാരിക്കുന്നതും ട്രെയിനുകളിൽ നിരോധിച്ചുകൊണ്ട് റെയില്‍ വേയുടെ പുതിയ ഉത്തരവ്.യാത്രക്കാര്‍ക്ക് കൂടുതല്‍ സൗകര്യ പ്രദമായ യാത്ര ഒരുക്കുക ലക്ഷ്യമിട്ടാണ് പുതിയ നടപടി. ഏതെങ്കിലും യാത്രക്കാര്‍ക്ക് ഇത്തരത്തില്‍ അസൗകര്യം നേരിട്ടാല്‍, ട്രെയിന്‍ ജീവനക്കാര്‍ ഉത്തരവാദികളായിരിക്കും. ഇതുമായി ബന്ധപ്പെട്ട് നിരവധി പരാതികള്‍ റെയില്‍വേ മന്ത്രാലയത്തിന് ലഭിച്ച സാഹചര്യത്തിലാണ് പുതിയ ചട്ടം. യാത്രക്കാര്‍ക്ക് യാതൊരു അസൗകര്യവും ഉണ്ടാകില്ലെന്ന് ഉറപ്പാക്കാനുള്ള ഉത്തരവാദിത്തം ആര്‍പിഎഫ്, ടിക്കറ്റ് ചെക്കര്‍മാര്‍, കോച്ച്‌ അറ്റന്‍ഡന്റുകൾ എന്നിവരുള്‍പ്പെടെയുള്ള ട്രെയിന്‍ ജീവനക്കാര്‍ക്കായിരിക്കും.നൈറ്റ് ലൈറ്റുകളൊഴികെ ബാക്കി ലൈറ്റുകളെല്ലാം രാത്രി 10 മണിക്ക് ശേഷം കോച്ചിനുള്ളിൽ അണയ്ക്കുമെന്നും പുതിയ നിയമത്തില്‍ പറയുന്നു. അതേപോലെ ട്രെയിനുകളിലെ മദ്യ, ലഹരിമരുന്ന് ഉപയോഗം, ടോയ്‌ലറ്റുകളിലെ പുകവലി, ഹാൻസ് എന്നിവയ്ക്കെല്ലാം ഇനി മുതൽ പിടിവീഴും.ഇതിനെല്ലാം കനത്ത പിഴ ഉൾപ്പടെ ജയിൽവാസവും അനുഭവിക്കേണ്ടി വരുമെന്ന് റയിൽവെ അറിയിക്കുന്നു. പുകയും തീയും തിരിച്ചറിയുന്ന സംവിധാനം നിലവിൽ എൽ.എച്ച്.ബി. റേക്കുകളുള്ള എല്ലാ കോച്ചുകളിലും റയിൽവെ ഘടിപ്പിച്ചിട്ടുണ്ട്.ഈ സംവിധാനം പുകവലിക്കുന്നവരുടെ ‘ആരോഗ്യത്തിന്…
Read More » -
ആശുപത്രിയിലെ തൂപ്പുകാരി ഇഞ്ചക്ഷൻ എടുത്തു; രണ്ടു വയസ്സുകാരൻ മരിച്ചു
മുംബൈ: തൂപ്പുകാരി കുത്തിവയ്പ്പ് നല്‍കിയതിനെ തുടര്‍ന്ന് രണ്ടു വയസ്സുകാരന്‍ മരിച്ച സംഭവത്തില്‍ മുംബൈയില്‍ നാല് ആശുപ്രതി ജീവനക്കാര്‍ അറസ്റ്റില്‍.മുംബൈയിലെ ഗോവണ്ടിയിലെ നൂര്‍ നഴ്സിങ് ഹോമിലാണ് സംഭവം നടന്നത്. പനിയെ തുടര്‍ന്ന് നൂര്‍ ന്ഴസിങ് ഹോമിലെത്തിയ രണ്ടു വയസ്സുകാരന്‍ താഹ ഖാന് നഴ്സിന് പകരം തൂപ്പുകാരിയാണ് കുത്തിവെച്ചത്.കുത്തിവയ്പ്പിനു ശേഷം കുട്ടി മണിക്കൂറുകള്‍ക്കുള്ളില്‍ മരിക്കുകയും ചെയ്തു. സംഭവത്തിൽ പതിനേഴുകാരിയായ തൂപ്പുകാരിയോടൊപ്പം ഉടമയേയും റെസിഡന്റ് മെഡിക്കല്‍ ഓഫീസറേയും നഴ്സിനേയുമാണ് പോലീസ് അറസ്റ്റ് ചെയ്തത്. തൂപ്പുകാരിക്ക് പ്രായപൂര്‍ത്തി ആകാത്തതിനാല്‍ ജുവൈനന്‍ ജസ്റ്റിസ് നിയമപ്രകാരമാണ് കേസെടുത്തിരിക്കുന്നത്.
Read More » -
വായ്പ വാങ്ങിയ 25 ലക്ഷം രൂപ തിരികെ ചോദിച്ചു; യുവതിയെ ബിജെപി കൗൺസിലർ വെടിവെച്ചുകൊന്നു
ബംഗളൂരു: വായ്പ വാങ്ങിയ 25 ലക്ഷം രൂപ തിരികെ ചോദിച്ച യുവതിയെ വെടിവെച്ചുകൊന്ന സംഭവത്തിൽ ബി.ജെ.പി കൗണ്‍സിലറെ പോലീസ് അറസ്റ്റ് ചെയ്തു.ബെല്‍ഗാവി ജില്ലയിലെ ഹുക്കേരി സ്വദേശിനി ഗൗരവ സുബേദാര്‍ (56)ആണ് കൊല്ലപ്പെട്ടത്.ബിജെപി കൗണ്‍സിലര്‍ ഉമേഷ് കാംബ്ലെയാണ് യുവതിയെ വെടിവെച്ചുകൊന്നത്.ഇയാളെ പിന്നീട് പൊലീസ് അറസ്റ്റ് ചെയ്തു. ഉമേഷിന് പുറമെ മറ്റ് രണ്ടുപേര്‍ കൂടി കേസില്‍ പ്രതികളാണ്. ഇവര്‍ ഒളിവില്‍ കഴിയുകയാണെന്ന് പൊലീസ് പറഞ്ഞു.
Read More » -
മരയ്ക്കാർ ഓസ്കാർ നോമിനേഷൻ പട്ടികയിൽ
മോഹന്‍ലാലിനെ നായകനാക്കി പ്രിയദര്‍ശന്‍ സംവിധാനം ചെയ്ത മരക്കാര്‍ അറബിക്കടലിന്റെ സിംഹം ഓസ്‌കാര്‍ നോമിനേഷന്‍ പട്ടികയില്‍.ഓസ്‌കര്‍ അവാര്‍ഡ്സ്-2021ന് ഇന്ത്യയില്‍ നിന്നുള്ള മികച്ച ഫീച്ചര്‍ ഫിലിം വിഭാഗത്തിനുള്ള നോമിനേഷന്‍ പട്ടികയിലാണ് മരക്കാര്‍ ഇടംപിടിച്ചിരിക്കുന്നത്. സൂര്യ നായകനായ തമിഴ് ചിത്രം ജയ് ഭീമും ഓസ്‌കാര്‍ പട്ടികയില്‍ ഉള്‍പ്പെടുത്തിയിട്ടുണ്ട്.ഓസ്‌കാര്‍ നോമിനേഷനുകള്‍ക്കുള്ള വോട്ടെടുപ്പ് ജനുവരി 27 വ്യാഴാഴ്ച തുടങ്ങി ഫെബ്രുവരി 1 ചൊവ്വാഴ്ച വരെ തുടരും.
Read More »