India
-
ആയിരങ്ങളെ കൊന്നൊടുക്കി വീണ്ടുമൊരു പ്രക്ഷോഭം കൂടി അടിച്ചമര്ത്തലിലേക്ക്; നോവിക്കുന്ന ഓര്മയായി നവീദ് അഫ്കാരി; ഒളിമ്പിക്സ് സ്വപ്നത്തില്നിന്ന് തൂക്കുകയറിലേക്ക്; കല്ലറപോലും തകര്ത്ത പ്രതികാരം; ഇറാനിലെ തെരുവു പ്രതിഷേധങ്ങള്ക്ക് ഖമേനിയുടെ പുസ്തകത്തില് ശിക്ഷ മരണം
ടെഹ്റാന്: ക്രൂരമായ അടിച്ചമര്ത്തലുകള്ക്കു പിന്നാലെ ഇറാനിലെ പ്രതിഷേധങ്ങള്ക്ക് കുറവുവന്നെന്നും അമേരിക്കയുടെ ആവര്ത്തിച്ചുള്ള ഭീഷണിക്കു ശേഷവും അറസ്റ്റുകള് തുടരുന്നെന്നും രാജ്യാന്തര വാര്ത്താ ഏജന്സികള്. അമേരിക്കന് സഖ്യരാജ്യങ്ങളായ സൗദി, ഖത്തര് എന്നിവ കഴിഞ്ഞ ദിവസങ്ങളില് നടത്തിയ തീവ്രമായ ചര്ച്ചകളാണ് കടുത്ത നടപടികളില്നിന്ന് അമേരിക്കയുടെ പിന്വാങ്ങലിനു പിന്നില്. ‘അമേരിക്കന് പ്രസിഡന്റ് ഇടപെടൂ’ എന്ന പ്രക്ഷോഭകരുടെ ആവര്ത്തിച്ചുള്ള ആവശ്യവും ട്രംപ് ആദ്യത്തെ ആവേശത്തിനപ്പുറം പരിഗണിച്ചില്ല. നിരവധിപ്പേരെ വെടിവച്ചു കൊന്നു. നിരവധിപ്പേരെ തൂക്കിലേറ്റി. ഇസ്ലാമിക് റിപ്പബ്ലിക്കിന്റെ പരമാധികാരി ഖമേനിയുടെ അടിച്ചമര്ത്തല് തുടരുമ്പോള് അഞ്ചുവര്ഷം മുമ്പ് തൂക്കിലേറ്റപ്പെട്ട, ഇറാന്റെ ഒളിമ്പിക്സ് പ്രതീക്ഷയായിരുന്ന യുവാവിന്റെ ഓര്മകളും ചര്ച്ചയാകുകയാണ്. ഒളിമ്പിക്സില് ഇറഹാന്റെ ജഴ്സി അണിയുമെന്നു പ്രതീക്ഷിച്ച 27 കാരന് നവീദ് അഫ്കാരിയെയാണ് പ്രതിഷേധങ്ങളില് പങ്കെടുത്തതിന്റെ പേരില് ഖമേനിയുടെ നേതൃത്വത്തില് തൂക്കിലേറ്റിയത്. നടപടിയൊഴിവാക്കണമെന്ന് അന്ന് യുഎസ് പ്രസിഡന്റായിരുന്ന ട്രംപ് ആവശ്യപ്പെട്ടിട്ടും ഇറാന് പരിഗണിച്ചില്ല. ഇപ്പോഴത്തെ ട്രംപിന്റെ ഭീഷണിപോലെതന്നെ ഇറാന് ക്രൂരമായി തള്ളിക്കളഞ്ഞു. അദ്ദേഹത്തിന്റെ വധശിക്ഷ കായിക രംഗത്തെ ഞെട്ടിക്കുകയും മുറിവേറ്റ ജനതയെ ഭീതിയിലേക്കു തള്ളിവിടുകയും…
Read More » -
ഇറാന് പ്രക്ഷോഭം ഇലോണ് മസ്കിന്റെ സ്റ്റാര്ലിങ്കിനും പരീക്ഷണകാലം; ഖമേനി ജനങ്ങള്ക്ക് ഇന്റര്നെറ്റ് നിഷേധിച്ചപ്പോള് മസ്ക് സൗജന്യമാക്കി; സാറ്റലൈറ്റ് ജാമറും സ്പൂഫിംഗും കൊണ്ട് തിരിച്ചടി; സൂക്ഷ്മമായി നിരീക്ഷിച്ച് അമേരിക്കയും ചൈനയും; ആകാശ ഇന്റര്നെറ്റ് ഏകാധിപതികളുടെ ഉറക്കം കെടുത്തുന്നു
ന്യൂയോര്ക്ക്: ഇറാനില് വിമതര്ക്കുനേരെ നടക്കുന്ന അടിച്ചമര്ത്തലുകള്ക്കൊപ്പം പരസ്പരം ആശയവിനിയമം അസാധ്യമാക്കാന് ഇന്റര്നെറ്റ് ബ്ലാക്കൗട്ടുകളും രൂക്ഷമാണ്. പ്രധാനപ്പെട്ട ഇടങ്ങളിലൊന്നും ഇന്റര്നെറ്റ് ലഭ്യമല്ല. ഫോണ് നെറ്റ്വര്ക്കിനൊപ്പം ഇന്റര്നെറ്റുകൂടി നിരോധിച്ചതോടെ ലോകമെമ്പാടും ഉപഗ്രഹങ്ങളിലൂടെ ഇന്റര്നെറ്റ് എത്തിക്കുന്ന ഇലോണ് മസ്കിന്റെ പദ്ധതിയുടെ ഏറ്റവും വലിയ പരീക്ഷണശാലയായും ഇറാന് മാറി. ഇറാനില് മസ്കിന്റെ ‘സ്റ്റാര്ലിങ്കി’ന് നിരോധനമുണ്ടെങ്കിലും വിവിധ മേഖലകളില് കടന്നു കയറിയിട്ടുണ്ട്. സാറ്റലൈറ്റ് ജാമറുകളും ഇന്റര്നെറ്റ് സ്പൂഫിംഗും അടക്കം ഉപയോഗിച്ച് ഇറാന് ചെറുക്കാനുള്ള ശ്രമങ്ങളും നടത്തുന്നു. ടവറുകളില്നിന്നുള്ള സിഗ്നലുകള്ക്കു പകരം മണിക്കൂറില് നൂറുകണക്കിനു കിലോമീറ്റര് വേഗത്തില് സഞ്ചരിക്കുന്ന ഉപഗ്രഹങ്ങളില്നിന്ന് ആയതിനാല് സ്റ്റാര്ലിങ്കിനെ ഫലപ്രദമായി പ്രതിരോധിക്കാനും ഇറാനു കഴിഞ്ഞിട്ടില്ല. മുമ്പ് യുക്രൈന് യുദ്ധത്തിന്റെ ആദ്യഘട്ടത്തിലാണ് സ്റ്റാര്ലിങ്ക് വ്യാപകമായി ചര്ച്ചയായത്. നിലവില് ഭരണകൂടങ്ങളുടെ ‘ഇന്റര്നെറ്റ്’ വിലക്കിനെതിരായ പ്രധാന അതിജീവനമാര്ഗമായി സ്റ്റാര്ലിങ്ക് മാറി. സ്റ്റാര്ലിങ്കിന്റെ ഉടമസ്ഥരായ സ്പേസ് എക്സ്, ഈ ആഴ്ച ആദ്യം ഇറാനികള്ക്കായി ഉപഗ്രഹ സേവനം സൗജന്യമാക്കിയിരുന്നു. ഇതോടെ മസ്കിന്റെ കമ്പനി മറ്റൊരു ആഗോള സംഘര്ഷത്തിന്റെ കേന്ദ്രബിന്ദുവായി മാറി. അമേരിക്ക ആസ്ഥാനമായുള്ള…
Read More » -
ഇന്ത്യയ്ക്കുള്ള ട്രംപിന്റെ അടുത്ത പണിയെത്തി, ഇത്തവണ ആപ്പുവെക്കുന്നത് ഇറാനിൽ വൻ നിക്ഷേപത്തോടെ സജ്ജമാക്കിയ തന്ത്രപ്രധാന തുറമുഖം ചബഹാറിന്, ഉപരോധ ഇളവ് ഏപ്രിൽ 26 വരെ മാത്രം, കത്ത് കിട്ടി ബോധിച്ചതായി കേന്ദ്രം, വാഷിങ്ടണുമായി ചർച്ച തുടരുന്നു
ന്യൂഡൽഹി: ഇറാനിലെ ചാബഹാർ തുറമുഖവുമായി ബന്ധപ്പെട്ട ഇന്ത്യയുടെ പങ്കാളിത്തത്തിന് യുഎസ് സർക്കാർ നിബന്ധനാപരമായ ഉപരോധ ഇളവ് ഏതാനും മാസങ്ങൾ വരെ മാത്രമെന്ന് വിദേശകാര്യ മന്ത്രാലയം (MEA). 2025 ഒക്ടോബറിൽ യുഎസ് ട്രഷറി വകുപ്പ് അയച്ച കത്തിന്റെ അടിസ്ഥാനത്തിൽ ഈ ഇളവ് 2026 ഏപ്രിൽ 26 വരെ മാത്രമെന്ന് വിദേശകാര്യ മന്ത്രാലയം വക്താവ് രൺധീർ ജയ്സ്വാൾ പറഞ്ഞു. “2025 ഒക്ടോബർ 28ന് യുഎസ് ട്രഷറി വകുപ്പ് നിബന്ധനാപരമായ ഉപരോധ ഇളവിനെക്കുറിച്ചുള്ള മാർഗനിർദേശങ്ങൾ അടങ്ങിയ കത്ത് പുറപ്പെടുവിച്ചിരുന്നു. ഇത് 2026 ഏപ്രിൽ 26 വരെ പ്രാബല്യത്തിലുണ്ട്. ഈ ക്രമീകരണം പ്രവർത്തനക്ഷമമാക്കുന്നതിന് യുഎസ് അധികൃതരുമായി ഞങ്ങൾ തുടർച്ചയായി ആശയവിനിമയം നടത്തിവരികയാണ്,” ജയ്സ്വാൾ വാർത്താ സമ്മേളനത്തിൽ അറിയിച്ചു. ഇറാനുമായി വ്യാപാരം നടത്തുന്ന ഏതൊരു രാജ്യത്തിനും അമേരിക്കയുമായുള്ള മുഴുവൻ വ്യാപാരത്തിലും 25 ശതമാനം ടാരിഫ് ചുമത്തുമെന്ന് യുഎസ് പ്രസിഡന്റ് ഡൊണാൾഡ് ട്രംപ് ജനുവരി 12ന് മുന്നറിയിപ്പ് നൽകിയതിന് പിന്നാലെ, ചാബഹാർ തുറമുഖത്തിലെ ഇന്ത്യയുടെ പങ്കാളിത്തം തകർന്നുവെന്ന റിപ്പോർട്ടുകൾ പുറത്തുവന്നിരുന്നു.…
Read More » -
ഇറാൻ സംഘർഷം: ഗൾഫ് മലയാളികളും ആശങ്കയിൽ : ഇറാൻ വ്യോമ പാത അടച്ചു : എയർ ഇന്ത്യ സർവീസുകളിൽ മാറ്റം
ഖത്തർ : ഇറാനിൽ സംഘർഷാവസ്ഥ തുടരുന്ന പശ്ചാത്തലത്തിൽ ഗൾഫ് മലയാളികളും ആശങ്കയിൽ. ആക്രമണ പ്രത്യാക്രമണങ്ങൾ ഗൾഫ് മേഖലയെ ബാധിക്കുമോ എന്ന ആശങ്കയാണ് ഗൾഫ് മലയാളികൾക്കുള്ളത്. ഗൾഫ് രാഷ്ട്രങ്ങൾ സ്ഥിതിഗതികൾ ഗൗരവത്തോടെ വീക്ഷിക്കുന്നുണ്ട്. അതേസമയം ഇറാനിൽ നിലനിൽക്കുന്ന സംഘർഷാവസ്ഥ രൂക്ഷമായി തുടരുന്ന പശ്ചാത്തലത്തിൽ ഇറാൻ വ്യോമപാത അടച്ചതോടെ എയർ ഇന്ത്യ തങ്ങളുടെ വിമാന സർവീസുകളിൽ മാറ്റം വരുത്തി. അമേരിക്കയിലേക്കുള്ള മൂന്ന് പ്രധാന സർവീസുകൾ എയർ ഇന്ത്യ റദ്ദാക്കിയിട്ടുണ്ട്. ഇറാൻ വ്യോമപാത ഒഴിവാക്കി വിമാനങ്ങൾ തിരിച്ചുവിടേണ്ടി വരുന്നത് യാത്രാസമയത്തെയടക്കം ബാധിക്കുമെന്നതിനാലാണ് ഈ തീരുമാനം. യു എസ് സർവീസുകൾ റദ്ദാക്കിയതിന് പുറമെ, യൂറോപ്പിലേക്കുള്ള വിമാന സർവീസുകൾ വൈകാൻ സാധ്യതയുണ്ടെന്നും എയർ ഇന്ത്യ യാത്രക്കാർക്ക് മുന്നറിയിപ്പ് നൽകി. നിലവിലെ സാഹചര്യം സൂക്ഷ്മമായി നിരീക്ഷിക്കുകയാണെന്നും യാത്രക്കാരുടെ സുരക്ഷയ്ക്കാണ് മുൻഗണനയെന്നും അധികൃതർ വ്യക്തമാക്കി. പ്രക്ഷോഭം ശക്തമാകുന്ന ഇറാനിൽ നിന്ന് ഇന്ത്യക്കാരെ ഒഴിപ്പിക്കേണ്ടി വന്നാൽ പരിഗണിക്കുമെന്ന് വിദേശകാര്യമന്ത്രാലയ വ്യത്തങ്ങൾ അറിയിച്ചു. അടിയന്തര സാഹചര്യം വന്നാൽ നേരിടാൻ എല്ലാ വഴിയും നോക്കുമെന്നും…
Read More » -
ഖമേനിയുടെ പ്രത്യയശാസ്ത്രം വേണ്ട; പ്രക്ഷോഭത്തിനു പിന്നില് കറന്സി തകര്ച്ചയെക്കാള് ആഴത്തിലുള്ള കാരണങ്ങള്; കൃഷി മുതല് ‘റസിസ്റ്റന്സ് ഇക്കോണമി’ വരെ പൊളിഞ്ഞു; ദാരിദ്ര്യം എന്ന രാഷ്ട്രീയ തീരുമാനവും തിരിച്ചറിഞ്ഞു; അനുസരണയെന്ന ‘യുക്തി’യല്ല, വേണ്ടത് അന്തസുള്ള ജീവിതമെന്നും ജനം
ടെഹ്റാന്: ഇറാനില് നടക്കുന്നത് ഇസ്ലാമിക് റിപ്പബ്ലിക്കിന്റെ പ്രത്യശാസ്ത്രപരമായ മോഹങ്ങള്ക്കുവേണ്ടി തങ്ങളുടെ സാമ്പത്തികവും മാനുഷികവുമായി ജീവിതം ബലികഴിക്കാന് തയാറല്ലാത്ത ജനത്തിന്റെ മുന്നേറ്റം. കഴിഞ്ഞ ആഴ്ചകളില് ദശലക്ഷക്കണക്കിന് ആളുകളാണ് ഇസ്ലാമിക് റിപ്പബ്ലിക്കിനെതിരേ പ്രതിഷേധവുമായി രംഗത്തെത്തിയത്. രാജ്യവ്യാപകമായി വാര്ത്താവിനിമയ സംവിധാനങ്ങള് വിച്ഛേദിക്കപ്പെട്ട സാഹചര്യത്തില് നടന്ന അടിച്ചമര്ത്തലുകളില് കുറഞ്ഞത് 12,000 പേരെങ്കിലും വെടിയേറ്റു മരിച്ചു എന്നാണ് കണക്കാക്കുന്നത്. ഇറാന്റെ ആധുനിക ചരിത്രത്തിലെ ഏറ്റവും വലിയ കൂട്ടക്കൊലയാണിത്. റിയാലിന്റെ (ഇറാനിയന് കറന്സി) മൂല്യത്തകര്ച്ചയാണ് പ്രതിഷേധങ്ങള്ക്ക് തീകൊളുത്തിയതെങ്കിലും, സമരത്തിന് വിനിമയ നിരക്കിലെ വ്യതിയാനത്തേക്കാള് ആഴത്തിലുള്ള കാരണങ്ങളുണ്ട്. പതിറ്റാണ്ടുകളായി തുടരുന്ന ദാരിദ്ര്യത്തില് മടുത്ത സമൂഹത്തിന്റെ പ്രതിഫലനമാണിതെന്നു വിലയിരുത്തുന്നവരുണ്ട്. ദശലക്ഷക്കണക്കിന് ആളുകളെ ദുരിതത്തിലാക്കുന്ന ഈ ദാരിദ്ര്യം വെറുമൊരു ഭരണപരമായ പിഴവോ കെടുകാര്യസ്ഥതയോ മാത്രമല്ല. അത് ബോധപൂര്വമായ ഒരു രാഷ്ട്രീയ തീരുമാനത്തിന്റെ ഫലമാണ്: കൃത്യമായി കണക്കുകൂട്ടിയ നീക്കമാണിത്. സാമ്പത്തിക തകര്ച്ചയ്ക്ക് ഖമേനിയും അനുകൂലികളും ഉപരോധങ്ങളെയാണ് കുറ്റപ്പെടുത്തുന്നത്. പാശ്ചാത്യ വിദഗ്ധര് അഴിമതിയും പ്രാപ്തിയില്ലായ്മയുമാണു ചൂണ്ടിക്കാട്ടുന്നത്. എന്നാല്, ഭരണകൂടത്തിന്റെ യഥാര്ഥ യുക്തിയെ ഈ രണ്ടു വാദങ്ങളും കാണാതെ…
Read More » -
അവസരം മുതലാക്കാന് ഇറാഖിലെ കുര്ദ് സൈന്യവും ശ്രമിച്ചു; ഇറാനിലെ കലാപത്തില് അമേരിക്ക 24 മണിക്കൂറിനുള്ളില് ഇടപെടുമെന്ന് യൂറോപ്യന് സോഴ്സുകള്; പശ്ചിമേഷ്യയിലെ സൈനിക താവളങ്ങളില് ദുരൂഹ നീക്കങ്ങള്; ഇറാന് കണ്ട ഏറ്റവും അക്രമാസക്ത സാഹചര്യം
ടെഹ്റാന്: ഇറാനിലെ പ്രതിഷേധങ്ങള്ക്കും അടിച്ചമര്ത്തലുകള്ക്കുമിടയില് അസ്ഥിരത മുതലാക്കാന് വിദേശ ശക്തികളും. ഇറാഖില്നിന്ന് ഇറാന് അതിര്ത്തി കടക്കാന് സായുധ കുര്ദിഷ് വഘടനവാദികള് ശ്രമിച്ചെന്ന റിപ്പോര്ട്ടുമായി റോയിട്ടേഴ്സ്. പേരു വെളിപ്പെടുത്താത്ത മുതിര്ന്ന ഇറാനിയന് ഉദ്യോഗസ്ഥനടക്കം മൂന്നുപേരില്നിന്നുള്ള വിവരങ്ങളാണ് വാര്ത്താ ഏജന്സി പുറത്തുവിട്ടത്. കുര്ദിഷ് പോരാളികള് അതിര്ത്തി കടക്കുന്നതിനെക്കുറിച്ച് അയല്രാജ്യമായ തുര്ക്കിയുടെ രഹസ്യാന്വേഷണ ഏജന്സി ഇറാന്റെ റെവല്യൂഷണറി ഗാര്ഡ്സിന് (ഐആര്ജിസി) മുന്നറിയിപ്പ് നല്കിയിരുന്നു. രാജ്യത്ത് അസ്ഥിരത സൃഷ്ടിക്കാനും പ്രതിഷേധങ്ങള് മുതലെടുക്കാനുമാണ് ഇവര് ശ്രമിച്ചതെന്നും, പോരാളികളുമായി ഐആര്ജിസി ഏറ്റുമുട്ടിയതായും ഇറാനിയന് ഉദ്യോഗസ്ഥന് വ്യക്തമാക്കി. ഇറാനിലെ മുന്കാല പ്രക്ഷോഭങ്ങളെ അടിച്ചമര്ത്തിയത് റവല്യൂഷനറി ഗാര്ഡുകളാണ്. തുര്ക്കിയുടെ രഹസ്യാന്വേഷണ ഏജന്സിയായ എംഐടിയോ (എംഐടി) അങ്കാറയിലെ പ്രസിഡന്സി ഓഫീസോ ഈ വിഷയത്തില് ഇതുവരെ പ്രതികരിച്ചിട്ടില്ല. വടക്കന് ഇറാഖിലെ കുര്ദിഷ് പോരാളികളെ തീവ്രവാദികളായി കണക്കാക്കുന്ന തുര്ക്കി, ഇറാനിലെ ഏത് വിദേശ ഇടപെടലും പ്രാദേശിക പ്രതിസന്ധികള് വര്ദ്ധിപ്പിക്കുമെന്ന് കഴിഞ്ഞ ദിവസങ്ങളില് മുന്നറിയിപ്പ് നല്കിയിരുന്നു. ഇറാഖില് നിന്നും തുര്ക്കിയില് നിന്നുമാണ് പോരാളികളെ അയച്ചതെന്ന് ഇറാനിയന് ഉദ്യോഗസ്ഥന് പറഞ്ഞു.…
Read More » -
ഫിഫ ലോകകപ്പ് ട്രോഫിയുടെ ഇന്ത്യന് പര്യടനം ചൊവ്വാഴ്ച പൂര്ത്തിയാകും
കൊച്ചി: ഫിഫ ലോകകപ്പ് ട്രോഫിയുടെ ഇന്ത്യയിലെ പര്യടനം ചൊവ്വാഴ്ച പൂര്ത്തിയാകും. ഫിഫ ലോകകപ്പ് 2026ന് മുന്നോടിയായി നടക്കുന്ന ‘ഫിഫ ലോകകപ്പ് ട്രോഫി ടൂര് ബൈ കൊക്കാകോള’യുടെ ഭാഗമായാണ് യഥാര്ത്ഥ ട്രോഫി ഇന്ത്യയിലെത്തിയത്. ഫിഫ ചാര്ട്ടര് വിമാനത്തിലെ പ്രത്യേക ലാന്ഡിംഗോടെയാണ് ട്രോഫി ടൂറിന് തുടക്കമായത്. തുടര്ന്ന് ഡല്ഹിയിലെ മാന് സിംഗ് റോഡിലെ താജ് മഹല് ഹോട്ടലില് നടന്ന ചടങ്ങില് ഔദ്യോഗികമായി ട്രോഫി അനാവരണം ചെയ്തു. കേന്ദ്ര യുവജനകാര്യകായിക മന്ത്രി ഡോ. മന്സുഖ് മാണ്ഡവ്യ, ബ്രസീലിന്റെ മുന് ലോകകപ്പ് ജേതാവും ഫിഫ ഇതിഹാസവുമായ ഗില്ബര്ട്ടോ ഡി’സില്വ, കായിക ചരിത്രകാരന് ബോറിയ മജുംദാര് എന്നിവര് ചടങ്ങില് പങ്കെടുത്തു. കൊക്കാകോള ഇന്ത്യ–സൗത്ത് വെസ്റ്റ് ഏഷ്യ പ്രസിഡന്റ് സങ്കേത് റേ ഉള്പ്പെടെയുള്ള ഉന്നത നേതൃത്വവും സന്നിഹിതരായിരുന്നു. മൂന്നു ദിവസം നീളുന്ന ഇന്ത്യയിലെ പര്യടനം രണ്ടു ദിവസത്തെ ഡല്ഹിയിലെ പ്രദര്ശനത്തിനു ശേഷം ചൊവ്വാഴ്ച ആസാമിലെ ഗുവാഹത്തിയില് പൂര്ത്തിയാകും. 2047ഓടെ ഇന്ത്യയെ ലോകത്തിലെ മുന്നിര അഞ്ചു കായിക രാഷ്ട്രങ്ങളില് ഒന്നാക്കി മാറ്റാനുള്ള…
Read More » -
ആരൊക്കെ റൺസ് അടിച്ചു കൂട്ടിയാലും സച്ചിനിരിക്കുന്ന തട്ട് താണു തന്നെ ഇരിക്കും: സച്ചിന്റെ ആരാധകർ ആത്മവിശ്വാസത്തിലാണ്: കോലിക്കു കഴിയുമോ സച്ചിൻ റെക്കോർഡ് മറികടക്കാൻ : 6000 റൺസ് അടിച്ചു കൂട്ടുക എളുപ്പമാണോ
മുംബൈ : 6000 റൺസിലേക്കുള്ള ദൂരം ആണ് വിരാട് കോലിക്കും ഒരു വലിയ റെക്കോർഡിനും ഇടയിലുള്ളത്. ലോക ക്രിക്കറ്റിലെ റൺ സമ്പന്നരിൽ ഒന്നാമത് ആകണമെങ്കിൽ വിരാട് കോലിക്ക് ഇനി ഒരാളെ കൂടി മറികടന്നാൽ മതി – ഇന്ത്യയുടെ സച്ചിൻ ടെണ്ടുൽക്കർ എന്ന ക്രിക്കറ്റ് ഇതിഹാസത്തെ. 6000 റൺസ് കൂടി അടിച്ചുകൂട്ടിയാൽ കോലി ലോക ക്രിക്കറ്റിലെ റൺ സമ്പന്നരിൽ ഒന്നാമൻ ആകും.വിരാട് കോലിക്ക് ഇത് സാധിക്കുമോ എന്നാണ് ക്രിക്കറ്റ് ആരാധകരുടെ ഇപ്പോഴത്തെ ചോദ്യം. കോലി ഇത് നിഷ്പ്രയാസം നേടിയെടുക്കുമെന്ന് അദ്ദേഹത്തിന്റെ ആരാധകർ പറയുമ്പോൾ സച്ചിന്റെ ആരാധകർ ഇത് സാധ്യമാകില്ല എന്നും തിരിച്ചു പറയുന്നു. റൺവേട്ടയിൽ ഒന്നാം സ്ഥാനത്തുള്ള സച്ചിന്റെ സമ്പാദ്യം 34,357 റൺസാണ്. അതായത് ആറായിരം റൺസ് കൂടി ഇനിയും സ്കോർ ചെയ്താലേ സച്ചിനെ മറികടക്കാൻ കോലിക്ക് ആവുകയുള്ളു. ഇതിനോടകം ടെസ്റ്റ്, ട്വന്റി ട്വന്റി ഫോർമാറ്റിൽനിന്ന് വിരമിച്ച കരിയറിന്റെ അവസാന ഘട്ടത്തിലെത്തിയ 37കാരനായ കോലിക്ക് അതിന് സാധിക്കില്ലെന്ന് ഏറെക്കുറെ ഉറപ്പാണെന്ന് സച്ചിന്റെ…
Read More » -
റിപ്പബ്ലിക് ദിനം അടുത്തെത്തുമ്പോഴേക്കും വീണ്ടും അതിർത്തിയിൽ ആയുധങ്ങളുടെ ശബ്ദം: ശ്രീനഗറിൽ നിയന്ത്രണരേഖയ്ക്ക് അടുത്ത് പാക്ക് ഡ്രോണുകൾ : ജാഗ്രതയോടെ സൈന്യം: കനത്ത സുരക്ഷ
ശ്രീനഗർ: ഇന്ത്യൻ റിപ്പബ്ലിക് ദിനം അടുത്തെത്തുമ്പോൾ അതിർത്തിയിൽ ഇന്ത്യ – പാക്ക് നിയന്ത്രണ രേഖയ്ക്ക് സമീപം വീണ്ടുമൊരു ഏറ്റുമുട്ടലിന്റെ സൂചനകൾ. നിയന്ത്രണ രേഖയ്ക്ക് സമീപം വീണ്ടും പാക് ഡ്രോണുകൾ കണ്ടതായി റിപ്പോർട്ടുകൾ പുറത്തുവരുന്നു.. ജമ്മു കശ്മീരിലെ നൗഷേര സെക്ടറിൽ പാകിസ്താൻ ഡ്രോണിനു നേരെ ഇന്ത്യൻ സൈന്യം വെടിയുതിർത്തതായി ദേശീയ മാധ്യമങ്ങൾ റിപ്പോർട്ട് ചെയ്തു. കൂടുതൽ ഡ്രോണുകൾ കണ്ടതായും റിപ്പോർട്ടുകളുണ്ട്. ഇന്നലെ രാത്രിയോടെയായിരുന്നു സംഭവം. കഴിഞ്ഞ വർഷത്തെ ഓപ്പറേഷൻ സിന്ദൂറിന്റെ സമയത്ത് കണ്ടതിന് സമാനമായി രാത്രി ആകാശം പ്രകാശമാനമാക്കുന്ന ട്രേസർ റൗണ്ടുകളുടെയും, വെടിയുണ്ടകളുടെയും വീഡിയോ ദൃശ്യങ്ങൾ പുറത്തുവന്നു. ഡ്രോണുകൾ തോക്കുകളോ മയക്കുമരുന്നുകളോ ഉപേക്ഷിച്ചിട്ടുണ്ടോ എന്ന് പരിശോധിക്കാൻ സൈന്യം ഈ പ്രദേശം നിരീക്ഷിച്ചുവരികയാണ്. ആക്രമണ സൂചനകളുടെ പശ്ചാത്തലത്തിൽ പ്രദേശത്ത് സൈന്യം കനത്ത ജാഗ്രതയിലാണ്. ശനിയാഴ്ച പാക് അധീന കശ്മീർ ഭാഗത്തുനിന്നെത്തിയ ഒരു ഡ്രോൺ, സംഭ മേഖലയിൽ ആയുധങ്ങൾ നിക്ഷേപിച്ചിരുന്നു. ഡ്രോണുകൾക്ക് നേരെ മെഷീൻ ഗൺ ഉപയോഗിച്ചതായി സൈന്യം പറഞ്ഞു. ഓപ്പറേഷൻ സിന്ദൂറിന്റെ ഭാഗമായി…
Read More » -
‘ഒന്നല്ല, ഒരായിരം ചാവേറുകള് തയാര്’; മസൂദ് അസ്ഹറിന്റെ ഓഡിയോ പുറത്ത്; ഇന്ത്യയിലേക്ക് നുഴഞ്ഞു കയറാന് ആവശ്യപ്പെട്ട് സമ്മര്ദം; ചാവേര് ആക്രമണത്തിന് മുന്നറിയിപ്പെന്ന് വിലയിരുത്തല്
ന്യൂഡല്ഹി: ഏത് നിമിഷവും ആക്രമണം നടത്താന് നിരവധി ചാവേറുകള് തയ്യാറാണെന്ന ജെയ്ഷെ മുഹമ്മദ് തലവന് മസൂദ് അസ്ഹറിന്റെ ഓഡിയോ സന്ദേശം പുറത്ത്. ആയിരത്തിലധികം ചാവേര് ബോംബര്മാര് തയ്യാറാണെന്നും ഇന്ത്യയിലേക്ക് നുഴഞ്ഞുകയറാന് തങ്ങളെ അനുവദിക്കണമെന്ന് ആവശ്യപ്പെട്ട് അവര് തന്നില് സമ്മര്ദ്ദം ചെലുത്തുന്നതായും പുറത്തുവന്ന റെക്കോര്ഡിങില് മസൂദ് അസ്ഹര് പറയുന്നു. തന്റെ സംഘത്തിലെ പോരാളികളുടെ എണ്ണം പരസ്യമാക്കിയാല് ലോകം തന്നെ ഞെട്ടുമെന്ന സൂചനയും ഓഡിയോയിലുണ്ട്. ‘ഈ ചാവേറുകള് ഒന്നല്ല, നൂറല്ല, ആയിരമല്ല… എത്രയുണ്ടെന്ന് ഞാന് പറഞ്ഞാല് അത് നാളെ ലോക മാധ്യമങ്ങളില് സ്ഫോടനം സൃഷ്ടിക്കും. ആക്രമണങ്ങള് നടത്താനും അവരുടെ ലക്ഷ്യത്തിന് വേണ്ടി ‘രക്തസാക്ഷിത്വം’ വരിക്കാനും അവര് തയ്യാറാണ്’, പുറത്തുവന്ന ഓഡിയോയില് മസൂദ് പറയുന്നതായി കേള്ക്കാം. അതേസമയം, ഓഡിയോ റെക്കോര്ഡിങിന്റെ തീയതിയോ ആധികാരികതയോ ഇതുവരെ സ്ഥിരീകരിക്കാന് സാധിച്ചിട്ടില്ല. വര്ഷങ്ങളായി ഇന്ത്യയ്ക്കെതിരെ പ്രകോപനപരമായ പ്രസ്താവനകള് നടത്തിവരികയാണ് മസൂദ് അസ്ഹര്. 2001 ലെ പാര്ലമെന്റ് ആക്രമണം, 2008 ലെ മുംബൈ ആക്രമണം എന്നിവയുള്പ്പെടെ നിരവധി ആക്രമണങ്ങളുടെ സൂത്രധാരന് കൂടിയാണിയാള്.…
Read More »