Month: May 2022
-
Local
കുളിക്കാനിറങ്ങിയ രണ്ട് വിദ്യാർത്ഥികളിൽ ഒരാൾ മുങ്ങിമരിച്ചു
കോഴിക്കോട് നാദാപുരം പാറക്കടവ് ഉമ്മത്തൂരിൽ പുഴയിൽ കുളിക്കാനിറങ്ങിയ രണ്ട് വിദ്യാർത്ഥികളിൽ ഒരാൾ ഒഴുക്കിൽ പെട്ട് മുങ്ങിമരിച്ചു. പാറക്കടവ് ഉമ്മത്തൂർ കൊയിലോത്ത് മൊയ്തുവിന്റ മകൻ മുഹമദ് (13 )ആണ് മരിച്ചത് സുഹൃത്ത് താഴെ കണ്ടത്തിൽ മിസ്ഹബ് 13 ന് വേണ്ടി തിരച്ചിൽ തുടരുകയാണ് .വൈകുന്നേരം ആറ് മണിയോടെ ഉമ്മത്തൂർ സ്ക്കുളന് സമീപത്തെ പുഴക്കടവിൽ കുളിക്കാനിറങ്ങിയ ആറ് വിദ്യാർത്ഥികളിൽ രണ്ട് പേർ ശക്തമായ ഒഴുക്കിൽപ്പെടുകയായിരുന്നു. സ്വയം നീന്തി കരയ്ക്ക് എത്തിയവർ അറിയിച്ചതിനെ തുടർന്ന് നാട്ടുകാർ മുഹമ്മദിനെ കരയ്ക്ക് എത്തിച്ച് വടകര ഗവ: ആശുപത്രിയിൽ പ്രവേശിപ്പിക്കുകയായിരുന്നു തുടർന്ന് ഏഴ് മണിയോടെയാണ് മുഹമ്മദ് മരിച്ചത്. ചേലക്കാട് നിന്ന് അഗ്നിശമന സേന എത്തി തിരച്ചിൽ തുടരുകയാണ്.
Read More » -
NEWS
ഊഹാപോഹങ്ങൾക്ക് വിട; ഹാര്‍ദിക് പട്ടേല്‍ ബി.ജെ.പിയിലേക്ക്
അഹമ്മദാബാദ്: ഗുജറാത്ത് കോണ്‍ഗ്രസ് മുന്‍ വര്‍ക്കിങ് പ്രസിഡന്റും പട്ടേല്‍ സമുദായ നേതാവുമായ ഹാര്‍ദിക് പട്ടേല്‍ മറ്റെന്നാള്‍ ബി.ജെ.പിയില്‍ ചേരും. ഗുജറാത്ത് നിയമസഭാ തിരഞ്ഞെടുപ്പ് നടക്കാനിരിക്കെയാണ് നിര്‍ണ്ണായക രാഷ്ട്രീയ നീക്കം.രാഹുല്‍ ഗാന്ധി അടക്കം കോണ്‍ഗ്രസ് നേതൃത്വത്തിനെതിരെ കടുത്ത വിമര്‍ശനം ഉന്നയിച്ച്‌ ഈ മാസം 18നാണ് ഹാര്‍ദിക് പട്ടേല്‍ പാര്‍ട്ടി വിട്ടത്. ഹാര്‍ദിക് പട്ടേലിനെ പാർട്ടിയിലേക്ക് സ്വീകരിക്കാൻ വമ്പൻ പരിപാടിയാണ് ബിജെപി സർക്കാർ ഒരുക്കുന്നത്.ഗുജറാത്ത് മുഖ്യമന്ത്രി ഭൂപേന്ദ്ര പട്ടേല്‍, ബി.ജെ.പി ഗുജറാത്ത് സംസ്ഥാന പ്രസിഡന്റ് സി.ആര്‍ പാട്ടീല്‍ മറ്റ് മുതിര്‍ന്ന നേതാക്കള്‍ മന്ത്രിമാര്‍ എന്നിവരെല്ലാം പരിപാടിയില്‍ പങ്കെടുക്കുമെന്നും ബി.ജെ.പി വൃത്തങ്ങള്‍ സൂചന നല്‍കുന്നുണ്ട്.
Read More » -
NEWS
തൃക്കാക്കരയിൽ 68.75 ശതമാനം പോളിങ്, പ്രതീക്ഷയോടെ മുന്നണികൾ
കൊച്ചി: ഒരു മാസത്തിലേറെ നീണ്ട ഉദ്വേഗങ്ങൾക്ക് ഒടുവിൽ തൃക്കാക്കരയിൽ വോട്ടെടുപ്പ് പൂർത്തിയായി.പോളിങ് സമയം പൂർത്തിയായപ്പോൾ 68.75 ശതമാനം പേർ വോട്ട് ചെയ്തു. 1,96,805 വോട്ടർമാരിൽ 1,35,320 പേരാണ് വോട്ടു ചെയ്തത്. വോട്ടെടുപ്പ് ആരംഭിച്ച രാവിലെ മുതൽ കനത്ത പോളിങാണ് തൃക്കാക്കരയിൽ രേഖപ്പെടുത്തിയത്. മണ്ഡലത്തിലുടനീളം ബൂത്തുകളിൽ വോട്ടർമാരുടെ നീണ്ട നിര ദൃശ്യമായിരുന്നു. പോളിങ് ശതമാനം ഉയരുന്നത് തങ്ങൾക്ക് അനുകൂലമാണെന്നാണ് മൂന്ന് മുന്നണികളും അവകാശപ്പെട്ടത്.വെള്ളിയാഴ്ചയാണ് വോട്ടെണ്ണൽ.
Read More » -
NEWS
ഓട്ടോ റിക്ഷാ ഡ്രൈവർ കുഴഞ്ഞുവീണു മരിച്ചു
പന്തളം സ്റ്റാന്റിലെ ഓട്ടോ റിക്ഷാ ഡ്രൈവർ കുഴഞ്ഞുവീണ് മരിച്ചു. മുടിയൂർ കോണം മുക്കത്ത് തുണ്ടിൽ സുനിൽ (52) ആണ് മരിച്ചത്.ഇന്ന് വൈകിട്ട് അഞ്ചു മണിയോടുകൂടി പന്തളം മെഡിക്കൽ മിഷൻ ജംഗ്ഷന് സമീപം വച്ചാണ് സംഭവം. കുഴഞ്ഞുവീണ ഉടൻ തന്നെ പന്തളത്തെ സ്വകാര്യ ആശുപത്രിയിൽ എത്തിച്ചുവെങ്കിലും മരണം സംഭവിച്ചു. ഭാര്യ: രമ, മക്കൾ: ആരോമൽ, അമൽ
Read More » -
Kerala
സിദ്ദിഖിന്‍റെ പരാമർശത്തിൽ മറുപടിയുമായി റിമ കല്ലിങ്കൽ
അതിജീവിതയ്ക്കെതിരായ നടൻ സിദ്ദിഖിന്‍റെ പരാമർശത്തിൽ മറുപടിയുമായി നടി റിമ കല്ലിങ്കൽ. സിദ്ദിഖിന്‍റെ അത്രയ്ക്കൊന്നും തരംതാഴാന്‍ ഉദ്ദേശിക്കുന്നില്ലെന്നാണ് റിമ മാധ്യമങ്ങളോട് പറഞ്ഞത്. തൃക്കാക്കര ഉപതെരഞ്ഞെടുപ്പ് വേളയില്‍ നടിയെ ആക്രമിച്ച കേസ് ചര്‍ച്ചയായതിനെ കുറിച്ചുള്ള ചോദ്യത്തോടാണ് അത്തരത്തിൽ ചർച്ചയാകാൻ അതിജീവിത തെരഞ്ഞെടുപ്പില്‍ മത്സരിക്കുന്നുണ്ടോയെന്ന് സിദ്ദിഖ് മറുപടി പറഞ്ഞത്. ഈ പരാമര്‍ശത്തോട് പ്രതികരിക്കുകയായിരുന്നു റിമ. ഞാന്‍ സിദ്ദിഖിന്‍റെ അത്രയ്ക്കൊന്നും തരംതാഴാന്‍ ഉദ്ദേശിക്കുന്നില്ല. അതിജീവിതയ്ക്കൊപ്പമാണ് നിലനിൽക്കുന്നത്. അവര്‍ക്ക് വ്യാകുലതകള്‍ ഉണ്ടെങ്കില്‍ അത് ഉന്നയിക്കാനുള്ള എല്ലാ അവകാശവും അവര്‍ക്കുണ്ടെന്നും റിമ പറഞ്ഞു.
Read More » -
NEWS
അങ്കമാലി-എരുമേലി ശബരിമല റെയിൽപ്പാതയ്ക്ക് വീണ്ടും പച്ചക്കൊടി
തിരുവനന്തപുരം: കാല്‍ നൂറ്റാണ്ടായി കേരളം കാത്തിരിക്കുന്ന ശബരി റെയില്‍ പാത യാഥാര്‍ത്ഥ്യമാവുന്നു.മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്രമോദിയുമായി നേരത്തേ നടത്തിയ കൂടിക്കാഴ്ചയില്‍ ഉന്നയിക്കുകയും ഇതിനായി സമ്മര്‍ദ്ദം ചെലുത്തുകയും ചെയ്തതിനെ തുടര്‍ന്നാണ് മരവിപ്പിച്ച പദ്ധതിക്ക് വീണ്ടും വഴിതുറന്നത്. അടിസ്ഥാന സൗകര്യ-ഗതാഗത പദ്ധതികള്‍ നടപ്പാക്കാനുള്ള പ്രധാനമന്ത്രി-ഗതിശക്തി മിഷനില്‍ ഉള്‍പ്പെടുത്തിയാവും നിര്‍മ്മാണം.സംസ്ഥാന-റെയില്‍വേ സംയുക്ത കമ്ബനിയായ കേരളാ റെയില്‍വേ വികസന കോര്‍പറേഷന് (കെ-റെയില്‍) നിര്‍മ്മാണ ചുമതല നല്‍കാന്‍ റെയില്‍വേ ബോര്‍ഡ് പ്രാഥമിക തീരുമാനമെടുത്തിട്ടുണ്ട്.ചെലവിന്റെ പകുതി വഹിക്കാമെന്നും, നിര്‍മ്മാണം കെ-റെയിലിനെ ഏല്‍പ്പിക്കണമെന്നും സംസ്ഥാന മന്ത്രിസഭ കേന്ദ്രസര്‍ക്കാരിനെ അറിയിച്ചിരുന്നു. ഇതേത്തുടർന്ന് റെയില്‍വേയുടെ നിര്‍ദ്ദേശ പ്രകാരം, കെ-റെയില്‍ തയ്യാറാക്കിയ 3347.35 കോടിയുടെ പുതുക്കിയ എസ്റ്റിമേറ്റ് കൊച്ചിയിലെ ഫിനാന്‍സ് വിഭാഗം അംഗീകരിച്ച്‌ ദക്ഷിണ റെയില്‍വേയ്ക്ക് കൈമാറി.പുതുക്കിയ എസ്റ്റിമേറ്റ് ലഭിച്ചാലുടന്‍ അന്തിമ തീരുമാനമെടുക്കുമെന്ന് റെയില്‍വേ മന്ത്രി അശ്വനി വൈഷ്ണവ് ലോക്‌സഭയില്‍ ജോൺ ബ്രിട്ടാസിന്റെ ചോദ്യത്തിന് ഉറപ്പു നല്‍കിയിരുന്നു.ഇപ്പോൾ ഈ പദ്ധതി പ്രധാനമന്ത്രി-ഗതിശക്തി മിഷനില്‍ ഉള്‍പ്പെടുത്തിയതോടെ ഏറെക്കുറെ നടക്കുമെന്ന് ഉറപ്പായിരിക്കയാണ്.
Read More » -
India
ജ്ഞാൻവാപി: ചിത്രങ്ങളും പരസ്യപ്പെടുത്തരുതെന്ന് കോടതി
ജ്ഞാൻവാപി മസ്ജിദിൽ നടത്തിയ സർവേയുമായി ബന്ധപ്പെട്ട വീഡിയോകളും ചിത്രങ്ങളും പരസ്യപ്പെടുത്തരുതെന്ന് കോടതി. വരാണസി ജില്ലാ കോടതിയുടേതാണ് ഉത്തരവ്. കോടതിയുടെ അനുമതിയില്ലാതെ ചിത്രങ്ങളും ദൃശ്യങ്ങളും പ്രസിദ്ധീകരിക്കരുതെന്ന് കോടതി ഉത്തരവിട്ടു. സർവേ റിപ്പോർട്ടിന്റെ പകർപ്പുകൾ കക്ഷികൾക്ക് നൽകിയിരുന്നു. കോടതിയുടെ അനുമതിയില്ലാതെ ഇവ പരസ്യപ്പെടുത്തരുതെന്ന നിർദേശത്തോടെയാണ് കഴിഞ്ഞ ദിവസം നൽകിയത്. സാമുദായിക ഐക്യം കണക്കിലെടുത്ത് റിപ്പോർട്ടിന്റെ രഹസ്യ സ്വഭാവം കാത്തു സൂക്ഷിക്കണം എന്നാണ് ജില്ലാ ജഡ്ജി എ.കെ വിശ്വേശ് നിർദേശം. റിപ്പോർട്ടിനോടുള്ള എതിർപ്പ് അറിയിക്കാനാണ് അവ നൽകിയത്. മറ്റ് ആവശ്യങ്ങൾക്ക് ഉപയോഗിക്കാൻ പാടില്ലെന്നും കോടതി വ്യക്തമാക്കി. സർവേ റിപ്പോർട്ടിലെ വിവരങ്ങളും ദൃശ്യങ്ങളും ചിത്രങ്ങളും പുറത്തുവിടാൻ അനുവദിക്കണമെന്ന് കേസിലെ ഹർജിക്കാർ ആവശ്യപ്പെട്ടിരുന്നു. ഇതിനെ മസ്ജിദ് പരിപാലന സമിതി ശക്തമായി എതിർത്തു. തുടർന്നാണ് കേസിലെ വൈകാരികത കണക്കിലെടുത്ത് ഹർജിക്കാരുടെ ആവശ്യം തള്ളി കോടതി ഉത്തരവിറക്കിയത്.
Read More » -
India
അശ്ലീല വീഡിയോ ചിത്രീകരിച്ചു: പൂനം പാണ്ഡെയ്ക്കും ഭർത്താവിനുമെതിരെ കുറ്റപത്രം സമർപ്പിച്ചു
അശ്ലീല വീഡിയോ ചിത്രീകരിച്ചെന്ന കേസിൽ നടിയും മോഡലുമായ പൂനം പാണ്ഡെയ്ക്കും മുൻ ഭർത്താവ് സാം ബോംബേക്കുമെതിരെ ഗോവ പോലീസ് കുറ്റപത്രം സമർപ്പിച്ചു. കനക്കോണയിലെ ജുഡീഷൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിലാണ് കുറ്റപത്രം സമർപ്പിച്ചത്. അശ്ലീലം, അതിക്രമിച്ച് കടക്കൽ, അശ്ലീല വീഡിയോ പ്രചരിപ്പിക്കൽ എന്നീ കുറ്റങ്ങളാണ് ചുമത്തിയിരിക്കുന്നത്. 2020 നവംബറിലായിരുന്നു കേസിനാസ്പദമായ സംഭവം. കനക്കോണയിലെ സർക്കാർ ഉടമസ്ഥതയിലുള്ള ചപ്പോളി അണക്കെട്ടിന് സമീപം അശ്ലീല വീഡിയോ ചിത്രീകരിച്ച് സമൂഹമാധ്യമങ്ങളിൽ പ്രചരിപ്പിച്ചെന്നാണ് കേസ്. പൂനത്തിനെയും ഭർത്താവിനെയും നേരത്തെ അറസ്റ്റുചെയ്യുകയും ജാമ്യത്തിൽ വിടുകയും ചെയ്തിരുന്നു.
Read More » -
NEWS
യുപി യില്‍ ആംബുലന്‍സും ട്രക്കും കൂട്ടിയിടിച്ച്‌ ഏഴ് പേര്‍ മരിച്ചു
ലക്നൗ: യുപിയില്‍ ആംബുലന്‍സും ട്രക്കും കൂട്ടിയിടിച്ച്‌ ഏഴ് പേര്‍ മരിച്ചു.ബറേലി ജില്ലയില്‍ ഡല്‍ഹി-ലക്‌നോ ദേശീയപാതയിലാണ് സംഭവം നടന്നത്.ഡല്‍ഹിയില്‍ നിന്നും പിലിഭിത്തിലേക്ക് വന്ന സംഘം സഞ്ചരിച്ച ആംബുലന്‍സ് ആണ് ട്രക്കില്‍ ഇടിച്ചത്. നിയന്ത്രണം നഷ്ടപ്പെട്ട ആംബുലന്‍സ് റോഡിലുണ്ടായിരുന്ന ഡിവൈഡറില്‍ ഇടിച്ചതിന് ശേഷമാണ് ട്രക്കില്‍ ഇടിച്ചുകയറിയത്. മരിച്ചവരില്‍ ആംബുലന്‍സ് ഡ്രൈവറും ഉള്‍പ്പെടുന്നു. മൃതദേഹങ്ങള്‍ ആശുപത്രിയിലേക്ക് മാറ്റിയിട്ടുണ്ട്.
Read More » -
Kerala
കുട്ടികള്‍ നാളെ മുതല്‍ സ്‌കൂളുകളിലേക്ക്
കൊവിഡ് തീര്‍ത്ത മഹാമാരി കാലത്തിനുശേഷം ആഘോഷത്തോടെ കുട്ടികള്‍ നാളെ മുതല്‍ സ്‌കൂളുകളിലേക്ക് എത്തുകയാണ്. 42ലക്ഷത്തില്‍പ്പരം കുഞ്ഞുങ്ങളാണ് നാളെ സ്‌കൂളുകളിലേക്ക് എത്തുക. കഴക്കൂട്ടം ഗവണ്‍മെന്റ് ഹയര്‍സെക്കന്‍ഡറി സ്‌കൂളില്‍ രാവിലെ 9.30ന് മുഖ്യമന്ത്രി പിണറായി വിജയന്‍ പ്രവേശനോത്സവം ഉദ്ഘാടനം ചെയ്യും. കേരളത്തിന് മാത്രമല്ല രാജ്യത്തിന് തന്നെ ആഘോഷിക്കാവുന്ന ദിനമാണ് നാളെ. ഒട്ടനവധി പദ്ധതികളും പരിപാടികളും അത്യാധുനിക സൗകര്യങ്ങളിലുള്ള കെട്ടിടങ്ങളുമാണ് കുട്ടികളെ കാത്തിരിക്കുന്നത്.സംസ്ഥാനത്തെ എല്ലാ സ്‌കൂളുകളും വിദ്യാര്‍ത്ഥികളെ വരവേല്‍ക്കാന്‍ സജ്ജമെന്ന് മന്ത്രി വി ശിവന്‍കുട്ടി പറഞ്ഞു. സ്‌കൂള്‍ തുറക്കുന്നതിന് മുന്നോടിയായി പാലിക്കേണ്ട മാര്‍ഗ നിര്‍ദ്ദേശങ്ങള്‍ ഇതിനകം തന്നെ വിദ്യാഭ്യാസ വകുപ്പ് കൈക്കൊണ്ടു. വിദ്യാഭ്യാസ വകുപ്പ് ഇതിനായി മാര്‍ഗരേഖ ഇറക്കിയിട്ടുണ്ട്. മുഴുവന്‍ അധ്യാപകര്‍ക്കും അവധിക്കാല ട്രെയിനിംഗ് കൊടുക്കാന്‍ കഴിഞ്ഞിട്ടുണ്ട്. 98% സ്‌കൂളുകളിലും പാഠപുസ്തകങ്ങള്‍ എത്തിക്കാന്‍ വിദ്യാഭ്യാസ വകുപ്പിന് കഴിഞ്ഞിട്ടുണ്ടെന്നും മന്ത്രി പറഞ്ഞു. ബുധനാഴ്ച സ്‌കൂള്‍ തുറക്കുന്നതിന്റെ പശ്ചാത്തലത്തില്‍ കുട്ടികള്‍ക്ക് സുരക്ഷ ഉറപ്പാക്കുമെന്ന് സംസ്ഥാന പോലീസ് മേധാവി അനില്‍കാന്ത് അറിയിച്ചു. വിദ്യാര്‍ത്ഥികള്‍ക്ക് സുരക്ഷിതവും സൗഹാര്‍ദ്ദപരവുമായ പഠനാന്തരീക്ഷം ഉറപ്പുനല്‍കുന്ന…
Read More »