Social Media
-
‘എന്തോ ദുരൂഹമായത് സംഭവിക്കാന് പോകുന്നു, പെന്റഗണില് ചിലതു തിടുക്കപ്പെട്ടു നടക്കുന്നു’; ഇസ്രായേലിന്റെ ഇറാന് ആക്രമണം ലോകം അറിയുന്നതിന് ഒരു മണിക്കൂര് മുമ്പേ പിസ ഡെലിവറി ട്രാക്കര്മാര് അറിഞ്ഞു! എക്സ് പോസ്റ്റിനു പിന്നാലെ ‘പിസ മീറ്റര്’ വീണ്ടും ചര്ച്ചയില്
വാഷിങ്ടണ്: അങ്ങേയറ്റം രഹസ്യാത്മകമായി ഇറാനില് ഇസ്രയേല് നടത്തിയ ആക്രമണം ലോകമറിഞ്ഞതു മണിക്കൂറുകള്ക്കു മുമ്പാണെങ്കില് പിസ ഡെലിവറി ട്രാക്കര്മാര് അതിനും മണിക്കൂറുകള് മുമ്പേ അപകടം മണത്തെന്നു റിപ്പോര്ട്ട്. ടെഹ്റാനില് ആദ്യ ബോംബ് വീണ വിവരം ഇറാനിയന് ടെലിവിഷന് റിപ്പോര്ട്ട് ചെയ്യുന്നതിന് ഒരു മണിക്കൂര് മുമ്പേ അമേരിക്കന് സൈനിക കേന്ദ്രമായ പെന്റഗണിനു സമീപമുള്ള പിസ ഡെലിവറി ട്രാക്കര്മാര് സോഷ്യല് മീഡിയ പ്ലാറ്റ്ഫോമായ എക്സില് ‘അര്ധരാത്രിയില് എന്തോ നടക്കാന് പോകുന്നു’ എന്നു മുന്നറിയിപ്പു നല്കി! അസാധാരണമായി പിസ ഡെലിവറികള് നടക്കുന്നെന്നു ചൂണ്ടിക്കാട്ടി നടത്തിയ എക്സ് പോസ്റ്റിലാണ് ദുരൂഹമായതു നടക്കുന്നെന്നു പറയുന്നത്. പെന്റഗണിനോട് ചേര്ന്നുള്ള പ്രദേശങ്ങളില് പ്രധാന സൈനിക- രാഷ്ട്രീയ സംഭവങ്ങള്ക്ക് മുമ്പ് ഫാസ്റ്റ് ഫുഡ് ഓര്ഡറുകളില് അസാധാരണ വര്ധന രേഖപ്പെടുത്താറുണ്ടെന്ന സിദ്ധാന്തവുമായി ബന്ധപ്പെടുത്തിയാണ് ചര്ച്ചകളെല്ലാം. ഇതോടൊപ്പം പെന്റഗണിനു സമീപമുള്ള ബാറില് വ്യാഴാഴ്ചയായിട്ടും അസാധാരണമാം വിധം തിരക്കു കുറഞ്ഞെന്നും ഇവര് നിരീക്ഷിച്ചു. അതിനര്ഥം പെന്റഗണില് എന്തൊക്കെയോ തിടുക്കപ്പെട്ടു നടക്കുന്നു എന്നതിന്റെ സൂചനയാണെന്നും മറ്റൊരു എക്സ് അക്കൗണ്ട് പറയുന്നു.…
Read More » -
ആകാശപ്പാതയില് ട്രാഫിക് ജാം; യുദ്ധ ഭീതിയില് വിമാനങ്ങള് തിരിച്ചു വിടുന്നതിന്റെ ദൃശ്യങ്ങള് വൈറല്; നൂറുകണക്കിന് വിമാനങ്ങളിലെ യാത്രക്കാര് പ്രതിസന്ധിയില്; ദൃശ്യങ്ങള് പങ്കിട്ടത് ഫ്ളൈറ്റ് റഡാര്
ടെല് അവീവ്: ഇസ്രയേൽ ഇറാനെതിരെ വ്യോമാക്രമണം ആരംഭിച്ചതോടെ ആഗോള ആകാശ പാതകളിലും ആശയ കുഴപ്പം. സംഘർഷ ഭരിതമായ ഇറാനിയൻ ആകാശപാതയിൽനിന്ന് വിമാനങ്ങൾ കൂട്ടത്തോടെ വഴിമാറ്റി. നൂറുകണക്കിന് വിമാനങ്ങളിലെ യാത്രക്കാർ അനിശ്ചിതത്വത്തിലായി. യുദ്ധ സാഹചര്യത്തെ തുടർന്ന് സുരക്ഷിതമായ താവളങ്ങളിൽ ലാന്റ് ചെയ്യാൻ തിരക്ക് കൂട്ടുന്ന വിമാനങ്ങളുടെ വീഡിയോ ദൃശ്യം പുറത്തെത്തിയതും വൈറലാണ്. ഫ്ലൈറ്റ് ട്രാക്ക് സർവീസിൽ നിന്നുള്ള തത്സമയ ദൃശ്യ മാതൃകയാണ് പ്രചരിക്കുന്നത്. ഫ്ലൈറ്റ്റ റഡാർ 24 എക്സിൽ പങ്കുവെച്ചതാണ് ഇവ. ഒമ്പത് സെക്കൻഡ് നീളുന്ന ടൈം ലാപ്സ് വീഡിയോ ദൃശ്യത്തിൽ നൂറുകണക്കിന് വിമാനങ്ങൾ സഞ്ചരിക്കുന്ന തത്സമയ ചലന പാത കാണിക്കുന്നു. ഇസ്രയേലിന്റെ ആക്രമണത്തോടെ ഇറാന്റെ ആകാശപാത ഏതാണ്ട് ശൂന്യമാകുന്നത് ‘ഫ്ലൈറ്റ്റ റഡാർ 24’- ദൃശ്യത്തിൽ കാണാം. അപകടവും കൂട്ടിയിടിയും ഒഴിവാക്കാൻ വാണിജ്യ-യാത്രാ വിമാനങ്ങൾ പൊടുന്നനെ വഴിതിരിച്ച് വിടേണ്ടി വന്നു. മിനിറ്റുകളുടെ വ്യത്യാസത്തിൽ ഇറാന് മുകളിലുള്ള ആകാശ പാതകൾ ശൂന്യമാക്കപ്പെടുന്നു. വെള്ളിയാഴ്ച പുലർച്ചെ നടത്തിയ ആക്രമണത്തിൽ 200 യുദ്ധവിമാനങ്ങൾ പങ്കെടുത്തതായാണ് ഇസ്രയേൽ പ്രതിരോധസേന…
Read More » -
2025-ല് വിമാനാപകട വാര്ത്തകള് നമ്മെ ഞെട്ടിച്ചേക്കാം! എയര് ഇന്ത്യ ദുരന്തത്തിന് ഒരാഴ്ച മുമ്പ്…
ലോകത്ത് വന് ദുരന്തങ്ങള് ഉണ്ടാകുമ്പോള് ഇത് താന് നേരത്തേ പ്രവചിച്ചതാണ് എന്ന അവകാശവാദവുമായി പല ജ്യോതിഷകളും രംഗത്ത് എത്താറുണ്ട്. ഇന്നലെ അഹമ്മദാബാദില് എയര് ഇന്ത്യാ വിമാനം തകര്ന്ന് വന് ദുരന്തം ഉണ്ടായ പശ്ചാത്തലത്തില് ഒരാഴ്ച മുമ്പ് ഒരു ഇന്ത്യന് ജ്യോതിഷി ഒരു വിനാശകരമായ വിമാനാപകടത്തെക്കുറിച്ച് മുന്നറിയിപ്പ് നല്കിയതായി പാശ്ചാത്യ മാധ്യമങ്ങള് റിപ്പോര്ട്ട്് ചെയ്യുന്നു. സോഷ്യല് മീഡിയയില് ആസ്ട്രോ ശര്മിഷ്ഠ എന്ന പേരില് അറിയപ്പെടുന്ന ജ്യോതിഷി കഴിഞ്ഞ വര്ഷമാണ് ഇക്കാര്യം ട്വീറ്റ് ചെയ്തിരുന്നത്. 2025-ല് വിമാനാപകട വാര്ത്തകള് നമ്മെ ഞെട്ടിച്ചേക്കാം’ എന്നായിരുന്നു ഇവര് പ്രവചിച്ചിരുന്നത്. അതിനിടെ കഴിഞ്ഞയാഴ്ച സമൂഹമാധ്യമമായ എക്സില് അവര് വീണ്ടും മുന്നറിയിപ്പ് നല്കിയിരുന്നു. 2025 ല് ഒരു വന് വിമാനാപകടം ഉണ്ടാകും എന്നാണ് അവര് ആവര്ത്തിച്ചത്. തന്റെ കഴിഞ്ഞ വര്ഷത്തെ പ്രവചനത്തില് ഇപ്പോഴും ഉറച്ചു നില്ക്കുകയാണ് എന്നാണ് അവര് അവകാശപ്പെട്ടത്. ഈ മാസം അഞ്ചിനാണ് അവര് വീണ്ടും ഇക്കാര്യം വെളിപ്പെടുത്തിയിരുന്നത്. ഇന്നലത്തെ വിമാനാപകടത്തെ തുടര്ന്ന് ഇവരുടെ പ്രവചനം വൈറലായി മാറിക്കഴിഞ്ഞു.…
Read More » -
മദ്യപാനിയെന്ന് അധിക്ഷേപങ്ങള്, ഉര്വശി നല്കിയ മറുപടി; ആശുപത്രിയില് നിന്നും മകളെ കാണാന് വന്നപ്പോള്
ഭര്ത്താവ് ശിവപ്രസാദിനും മകനുമൊപ്പം സന്തോഷകരമായി കുടുംബ ജീവിതം നയിക്കുകയാണ് ഉര്വശി. മനോജ് കെ ജയനുമായുള്ള ആദ്യ വിവാഹ ബന്ധത്തിലെ മകള് തേജാലക്ഷ്മി ഉര്വശിക്കൊപ്പം എപ്പോഴും സമയം കണ്ടെത്താറുണ്ട്. മനോജ് കെ ജയനും ഉര്വശിയും പിരിഞ്ഞപ്പോള് ഇവര്ക്കിടയില് ഏറ്റവും വലിയ പ്രശ്നമായത് മകളുടെ കസ്റ്റഡി അവകാശമായിരുന്നു. മകളെ തനിക്കൊപ്പം വിടുന്നില്ലെന്ന് ഉര്വശി ആരോപിച്ചു. ഉര്വശി മദ്യപാനിയാണെന്ന ആരോപണം അന്ന് ഉയര്ന്ന് വന്നിരുന്നു. നടി ജീവിതത്തില് ഏറെ വിഷമിച്ച കാലഘട്ടമായിരുന്നു ഇത്. മദ്യപിക്കുന്നെന്ന ആരോപണത്തിന് ഒരിക്കല് ഉര്വശി മറുപടി നല്കിയിട്ടുമുണ്ട്. ഒരാള് വാശിപ്പുറത്ത് പറയുന്ന ആരോപണങ്ങള് കേള്ക്കുന്ന ആളുകള് അതേ രീതിയില് എടുക്കുമെന്ന് ഞാന് വിശ്വസിക്കുന്നില്ല. ഇങ്ങനെ വിളിച്ച് പറയുന്ന കാര്യങ്ങള്ക്ക് അത്രയ്ക്ക് പ്രാധാന്യമേ കൊടുക്കൂ. കാരണം മറ്റൊന്നും പറയാനില്ലാത്തത് കൊണ്ട് എന്തെങ്കിലും വിളിച്ച് പറയുന്നു. വിവാഹം കഴിഞ്ഞ് എട്ട് വര്ഷം ഒന്നിച്ച് ജീവിച്ചു. വിവാഹം കഴിക്കാതെ പ്രണയം ആറ് വര്ഷം. 14 വര്ഷം ഒരുമിച്ചുള്ള ജീവിതത്തില് എങ്ങും പറയാതെ പെട്ടെന്ന് ഒരാള് ഒരു…
Read More » -
‘ചാനല് ചര്ച്ചകള് കാണാറില്ല; കോടതിയോ മാധ്യമങ്ങളോ എന്റെ ഭാഗം കേട്ടില്ല; സിബിഐ അന്വേഷണം വരട്ടെ; എല്ലാ സ്വത്തുക്കളും സുതാര്യം; മൂന്നാര് ഇതുവരെ കണ്ടിട്ടില്ല; മസാല ബോണ്ടില് എന്താണ് കുറ്റമെന്ന് ഇഡിക്കു പോലും അറിയില്ല; കിഫ്ബി പ്രതിയായാല് റിസര്വ് ബാങ്കും പ്രതിയാകും; പിണറായി വിജയന് ഞാന് കണ്ട ഏറ്റവും മികച്ച മുഖ്യമന്ത്രി; ആദ്യമായി തുറന്നു പറഞ്ഞ് മുഖ്യമന്ത്രിയുടെ പ്രിന്സിപ്പല് സെക്രട്ടറി കെ.എം. ഏബ്രഹാം
തിരുവനന്തപുരം: കിഫ്ബിക്കെതിരായ ഇഡി അന്വേഷണം മുതല് സിബിഐ അന്വേഷണത്തിന് ഉത്തരവിട്ട ഹൈക്കോടതി വിധിയടക്കം ആദ്യമായി മറുപതി നല്കി മുഖ്യമന്ത്രിയുടെ പ്രിന്സിപ്പല് സെക്രട്ടറി കെ.എം. എബ്രഹാം. കിഫ്ബി അടുത്ത അമ്പതു വര്ഷത്തില് കേരളത്തിനുണ്ടാക്കുന്ന മാറ്റം എന്താണെന്നു കാട്ടിത്തരുന്നെന്നും ഇഡി എന്തിനാണ് അന്വേഷിക്കുന്നതെന്ന് അവര്ക്കു പോലും അറിയില്ലെന്നും അദ്ദേഹം വിവാദങ്ങള്ക്കുശേഷം ആദ്യമായി നല്കിയ അഭിമുഖത്തില് പറഞ്ഞു. ചാനല് ചര്ച്ചകള് കാണാറില്ലെന്നും വിവാദങ്ങളുണ്ടായപ്പോള് ആരും തന്റെ ഭാഗം ചോദിച്ചു വന്നില്ലെന്നും അദ്ദേഹം പറഞ്ഞു. റിട്ടയേഡ് ജഡ്ജിയായ കെമാല് പാഷയുടെ പരാമര്ശങ്ങള് വിഷമിപ്പിച്ചപ്പോഴാണ് അദ്ദേഹത്തിനു വക്കീല് നോട്ടീസ് നല്കിയത്. വിരമിച്ച ഒരു ജഡ്ജിയുടെ ഭാഗത്തുനിന്നു വരാന് പാടില്ലാത്ത പരാമര്ശങ്ങളാണ് അദ്ദേഹം യുട്യൂബ് ചാനലിലൂടെ പറഞ്ഞത്. അതു വസ്തുതാപരമല്ലായിരുന്നു. സിവില് ആയിട്ടും ക്രിമിനല് ആയിട്ടും മുന്നോട്ടു പോകാന് തീരുമാനിച്ചപ്പോഴാണ് അദ്ദേഹം വീഡിയോ പിന്വലിച്ച് മാപ്പു പറഞ്ഞത്. ‘എക്ട്രീം റിഗ്രറ്റ്’ എന്നു പറഞ്ഞാണ് അദ്ദേഹം വീഡിയോകള് ഡിലീറ്റ് ചെയതതെന്നും ഓഫ് ബീറ്റ് കണ്സേണ്സ് എന്ന യുട്യൂബ് ചാനലില് കെ.കെ. ഷാഹിനയ്ക്കു…
Read More » -
സംഘി പോലീസ് എന്നത് ബോധപൂര്വം സൃഷ്ടിച്ച കെട്ടുകഥ; വിസ്ഡം പരിപാടി നിര്ത്താന് പറഞ്ഞത് വര്ഗീയമാക്കുമ്പോള് മഹല്ലുകളില് 11നു ശേഷവും പാതിരാ പ്രസംഗം നടത്തുന്നതു മറക്കേണ്ട; എട്ടിക്കുളം പള്ളിയില് പോലീസ് വിശ്വാസികളെ ഓടിച്ചത് ലീഗ് ഭരിക്കുമ്പോള്: മതം പറഞ്ഞ് മനുഷ്യനെ അകറ്റുന്നവരെ കരുതിയിരിക്കണം: സിദ്ധരാമയ്യയല്ല പിണറായി വിജയന്; നിലമ്പൂര് പശ്ചാത്തലത്തില് ഷുക്കൂര് വക്കീലിന്റെ കുറിപ്പ് വൈറല്
കാസര്ഗോഡ്: നിലമ്പൂര് തെരഞ്ഞെടുപ്പു പ്രഖ്യാപിച്ചതിനു പിന്നാലെ പി.വി. അന്വറും കോണ്ഗ്രസ് നേതൃത്വവും നിരന്തരം പ്രചരിപ്പിക്കുന്ന പോലീസിലെ സംഘിവത്കരണമെന്ന നരേഷനെതിരേ തുറന്നടിച്ച് ഷുക്കൂര് വക്കീല്. അദ്ദേഹം എഴുതിയ ഫേസ്ബുക്ക് പോസ്റ്റാണ് ഇപ്പോള് ചര്ച്ചയാകുന്നത്. കോണ്ഗ്രസ് നേതാവ് സിദ്ധരാമയ്യ ഭരിക്കുമ്പോള് കര്ണാടകയില് അരങ്ങേറിയ വര്ഗീയ കലാപങ്ങളും കേരളത്തിലെ അന്തരീക്ഷവുമാണ് അദ്ദേഹം പോസ്റ്റില് ചര്ച്ച ചെയ്യുന്നത്. തെരഞ്ഞെടുപ്പു കാലത്ത് മതം പറഞ്ഞ് വിഭാഗീയത സൃഷ്ടിക്കുന്നവരെ കരുതിയിരിക്കണമെന്നും തെരഞ്ഞെടുപ്പു കഴിയുമ്പോള് ആളുകള് പിരിഞ്ഞുപോകുമെങ്കിലും വര്ഗീയത എളുപ്പം മായില്ലെന്നും അദ്ദേഹം മുന്നറിയിപ്പ് നല്കുന്നു. കേരളത്തില് ഒരാള്പോലും മുസ്ലിമായതിന്റെ പേരില് അനധികൃതമായി കേസില് ഉള്പ്പെട്ടിട്ടില്ലെന്നും അതു പിണറായി വിജയന് ഭരിക്കുന്നതിന്റെ ആര്ജവമാണെന്നും അദ്ദേഹം പോസ്റ്റില് കുറിക്കുന്നു. പോസ്റ്റ് വായിക്കാം… നമ്മുടെ തൊട്ടു വടക്കാണ് കര്ണാടക, മലയാളിയായ അഷ്റഫ് മംഗലാപുരത്ത് വെച്ച് കൊല്ലപ്പെടുന്നത് ഏപ്രില് 27 നാണ്. പാക്കിസ്ഥാന് എന്നോ മറ്റോ പറഞ്ഞാണ് ഹിന്ദുത്വ ഭീകരര് ആ വിവേചന ശേഷി പോലും ഇല്ലാത്ത അയാളെ ആള്ക്കൂട്ട അക്രമം നടത്തി…
Read More » -
ആദ്യമായി മലയാള സിനിമയിൽ ഒരു ചിത്രത്തിന്റെ ലോഗോ പുറത്ത് വിട്ട് ദുൽഖർ സൽമാന്റെ വേഫെറർ ഫിലിംസ്, ചിത്രത്തിൽ പ്രധാന കഥാപാത്രങ്ങളായെത്തുന്നത് കല്യാണി പ്രിയദർശനും നസ്ലനും
കൊച്ചി: ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രത്തിൻ്റെ ലോഗോ പുറത്ത്. മലയാളത്തിൽ ആദ്യമായി ആണ് ഒരു ചിത്രത്തിൻ്റെ ലോഗോ റിലീസ് ചെയ്യുന്നത്. “They Live Among Us” (അവർ നമ്മുടെ ഇടയിൽ ജീവിക്കുന്നു) എന്ന ടാഗ് ലൈനോടെയാണ് ചിത്രത്തിൻ്റെ ലോഗോ പുറത്ത് വിട്ടിരിക്കുന്നത്. അരുൺ ഡൊമിനിക് രചിച്ച് സംവിധാനം ചെയ്യുന്ന ഈ ചിത്രത്തിൽ കല്യാണി പ്രിയദർശനും നസ്ലനുമാണ് പ്രധാന വേഷങ്ങൾ ചെയ്യുന്നത്. പ്രേക്ഷകരിൽ ചിത്രത്തെ കുറിച്ച് ഏറെ ആകാംക്ഷ നിറക്കുന്ന രീതിയിലാണ് ലോഗോ റിലീസ് ചെയ്തിരിക്കുന്നത്. ചില രഹസ്യങ്ങളും ദുരൂഹതകളും മലയാളി പ്രേക്ഷകർ ഇന്നോളം കാണാത്ത ഒരു കഥാ പശ്ചാത്തലവും ചിത്രത്തിൽ ഒളിഞ്ഞിരിക്കുന്നു എന്ന തോന്നലാണ് ലോഗോ റിലീസ് ചെയ്യുന്ന വീഡിയോയും അതിൻ്റെ പശ്ചാത്തല സംഗീതവും സമ്മാനിക്കുന്നത്. നമ്മുടെ ചിന്തകൾക്കും സങ്കൽപ്പങ്ങൾക്കും അതീതമായ ഒരു ശക്തിയുടെ സാന്നിധ്യത്തിൻ്റെ സൂചനയും ഇത് നൽകുന്നുണ്ട്. ചിത്രത്തിൻ്റെ ടൈറ്റിൽ അധികം വൈകാതെ തന്നെ പുറത്ത് വിടും. ചന്ദു സലിം കുമാർ, അരുൺ കുര്യൻ,…
Read More » -
ദാഹിച്ചപ്പോൾ അൽപം വെള്ളമേ ചോദിച്ചുള്ളു, ഒരു കവിൾ കുടിച്ചതേ കിലി പോളിന്റെ ‘കിളി പോയി’… ഒന്നും നോക്കിയില്ല കുപ്പിയിലേക്കു തന്നെ റിട്ടേണടിച്ചു!! വെള്ളത്തിന് മദ്യത്തിന്റേയോ, സ്പിരിറ്റിന്റേയോ രുചിയായിരുന്നെന്ന് ടാൻസാനിയൻ സോഷ്യൽ മീഡിയ താരം
ബോളിവുഡിലും കേരളത്തിലുമടക്കം ലോകമെമ്പാടും ഒട്ടനവധി ആരാധകരുള്ള സോഷ്യൽ മീഡിയ താരമാണ് ടാൻസാനിയനായ കിലി പോൾ. ലിപ് സിങ്ക് വീഡിയോകളിലൂടെ മലയാളികളെ അടക്കം കയ്യിലെടുത്തു കഴിഞ്ഞു കിലി പോളും സഹോദരിയും. ഏതാനും ദിവസങ്ങൾക്ക് മുൻപ് താരം സിനിമയ്ക്കു വേണ്ടി കേരളത്തിലും വന്നിരുന്നു. ആദ്യമായി അഭിനയിക്കുന്ന സിനിമയുടെ പ്രമോഷനുമെല്ലാം കിലി പങ്കെടുക്കുകയും ചെയ്തത് മലയാളികൾ ഉണ്ണിയേട്ടൻ എന്നു വിളിക്കുന്ന ഈ ടാൻസാനിയൻ താരത്തിന്റെ വീഡിയോകൾ ഇതിനോടകം സോഷ്യൽ മീഡിയയിൽ വൈറലായിക്കഴിഞ്ഞു. ഇതിനിടെ ഏറെ ശ്രദ്ധനേടിയൊരു വീഡിയോയായിരുന്നു മാളിൽ പരിപാടിക്കിടെ വെള്ളം കുടിക്കുന്ന കിലിയുടേത്. ഒരു കവിൾ വെള്ളം കുടിച്ച കിലി അതുപോലെ തന്നെ ആ കുപ്പിയിൽ തന്നെ തുപ്പുകയായിരുന്നു. ഇത് സോഷ്യൽ മീഡിയയിൽ എങ്ങും വൈറലാകുകയും ചെയ്തു. എന്നാൽ ഇപ്പോഴിതാ ഇക്കാര്യത്തിൽ വ്യക്തത വരുത്തിയിരിക്കുകയാണ് കിലി പോൾ. അവിടെ വച്ചു ദാഹിച്ചപ്പോൾ താൻ ചോദിച്ചത് വെള്ളം ആയിരുന്നുവെന്നും എന്നാൽ തനിക്ക് കിട്ടിയ കുപ്പിയിലെ വെള്ളത്തിനു മദ്യത്തിന്റേയോ, സ്പിരിറ്റിന്റേയോ രുചി ആയിരുന്നുവെന്നും കിലി പോൾ പറയുന്നു.…
Read More » -
കാല് തെറ്റി ട്രെയിനിന് അടിയിലേക്ക് വീഴാന് പോയി, രക്ഷപ്പെട്ട നിരോഷ വീണത് പ്രണയത്തിലേക്ക്
പ്രശസ്ത തമിഴ് നടനായിരുന്ന എംആര് രാധയുടെ മകളും നടി രാധിക ശരത്കുമാറിന്റെ അനുജത്തിയുമാണ് നിരോഷ. ഒരു മുത്തശ്ശി കഥ എന്ന സിനിമയിലൂടെ മലയാളത്തിലാണ് നിരോഷ ആദ്യമായി അഭിനയിക്കുന്നത്. അതിനുശേഷം തമിഴില് അഭിനയിച്ചതോട് കൂടി നടിയുടെ ജീവിതത്തില് വലിയ മാറ്റങ്ങള് ഉണ്ടായി. നടിയെപ്പറ്റി ആലപ്പി അഷ്റഫ് വെളിപ്പെടുത്തിയ കാര്യങ്ങള് ഇപ്പോള് സോഷ്യല് മീഡിയയില് വൈറല് ആണ് അദ്ദേഹത്തിന്റെ വാക്കുകള് ഇങ്ങിനെ : പ്രിയദര്ശന്റെ സിനിമയിലൂടെയാണ് നിരോഷ അഭിനയത്തില് അരങ്ങേറ്റം കുറിക്കുന്നത്. മണിരത്നത്തിന്റെ അഗ്നിനക്ഷത്രം എന്ന സിനിമയില് ലിസിയായിരുന്നു ആദ്യം നായികയായി അഭിനയിച്ചത്. രണ്ട് മൂന്ന് ദിവസം ലിസി ആ സിനിമയില് അഭിനയിച്ചെങ്കിലും അതിലെ പാട്ട് സീനില് ബിക്കിനി ഇട്ട് അഭിനയിക്കാന് പറ്റില്ലെന്ന് പറഞ്ഞാണ് ലിസി പിന്മാറുന്നത്. പിന്നീട് പ്രിയദര്ശനാണ് നിരോഷയെ കുറിച്ച് മണിരത്നത്തിനോട് പറയുന്നത്. അങ്ങനെ ഒരു പൂങ്കാവനം എന്ന് തുടങ്ങുന്ന പാട്ടില് ബിക്കിനിയിട്ട് നിരോഷ അഭിനയിച്ചു. ആ പാട്ട് വലിയ ഹിറ്റാവുകയും ചെയ്തു. ഞാന് ആ ഗാനം വീണ്ടും വീണ്ടും കാണുമെന്നാണ്…
Read More » -
18 മാസത്തെ പ്ലാനിംഗ്; സ്പൈഡേഴ്സ് വെബ് ഡ്രോണ് ആക്രമണത്തില് റഷ്യക്കു നഷ്ടമായത് 41 വിമാനങ്ങള്; ഒളിപ്പിച്ചു കടത്തിയ ട്രക്കില്നിന്ന് ഡ്രോണുകള് സ്വയം ഉയര്ന്നു പൊങ്ങി; വിമാനങ്ങള് തീപിടിച്ച് പൊട്ടിത്തെറിക്കുന്നതിന്റെ ദൃശ്യങ്ങള് പുറത്ത്; ഉപഗ്രഹ ചിത്രങ്ങളിലും നാശം വ്യക്തം; വാഹനത്തില് ഡ്രോണുകള് ഉണ്ടെന്നു ഡ്രൈവര്മാര് പോലും അറിഞ്ഞില്ല; വിവരങ്ങള് പുറത്തുവിട്ട് റോയിട്ടേഴ്സ്
കീവ്: റഷ്യ- യുക്രൈന് യുദ്ധം ആരംഭിച്ചതിനുശേഷം റഷ്യക്കെതിരെ നടത്തിയ സ്പൈഡേഴ്സ് വെബ് ഡ്രോണ് ആക്രമണത്തിന്റെ കൂടുതല് വിവരങ്ങള് പുറത്ത്. എങ്ങനെയാണ് ആക്രമണം നടത്തിയതെന്നും റഷ്യന് അതിര്ത്തിക്കുള്ളില് കടന്നു കയറിയത് എങ്ങനെയെന്നുമുനള്ള വിവരങ്ങളാണ് യുക്രൈന് ഉദേ്യാഗസ്ഥരെ ഉദ്ധരിച്ച് രാജ്യാന്തര വാര്ത്താ ഏജന്സിയായ റോയിട്ടേഴ്സ് പുറത്തുവിട്ടത്. റഷ്യയുടെ യുദ്ധ വിമാനങ്ങള്ക്കുനേരെ കനത്ത ആക്രമണമാണു നടത്തിയതെന്നു ഡ്രോണ് ദൃശ്യങ്ങളടക്കം പുറത്തുവിട്ട് യുക്രൈന് വാദിക്കുന്നു. ഏറ്റവും ബ്രില്യന്റായ ആക്രമണമെന്നാണു യുക്രൈന് പ്രസിഡന്റ് വ്ളാദിമിര് സെലന്സ്കി ഇതിനെ വിശേഷിപ്പിക്കുന്നത്. 41 വിമാനങ്ങള് തകര്ത്തെന്നും ഇതില് പാതിയോളം ഒരിക്കലും നന്നാക്കിയെടുക്കാന് കഴിയാത്ത പരുവത്തിലാണെന്നും അദ്ദേഹംപറഞ്ഞു. കീവില്നിന്ന് 4850 കിലോമീറ്റര് അകലെയുള്ള ബെലായ എയര്ബേസ് ഉള്പ്പെടെ നാലു സൈനിക ബേസുകളിലെങ്കിലും ആക്രമണം നടന്നിട്ടുണ്ട്. സൈബീരിയന് മേഖലയിലെ ഇര്കൂറ്റ്സ്കിലാണ് റഷ്യയുടെ ബെലായ സൈനിക താവളം. റഷ്യയിലേക്കു കള്ളക്കടത്തിലൂടെ എത്തിച്ച 117 ഡ്രോണുകളാണ് ദൗത്യത്തിനായി ഉപയോഗിച്ചത്. ലോറിയില് കയറ്റിയ കണ്ടെയ്നറുകളുടെ മുകള്ത്തട്ടില് ഒളിപ്പിച്ചു റഷ്യന് മിലിട്ടറി ബേസുകളുടെ അടുത്തെത്തിച്ചശേഷമായിരുന്നു ആക്രണം. കണ്ടെയ്നറുകളുടെ മുകള് ഭാഗം…
Read More »