World
-
ഒറ്റ രാത്രികൊണ്ട് തീര്‍ത്തത് നാല് ഹിസ്ബുള്ള ഭീകരരെ; ലെബനനില്‍. കയറിയടിച്ച് ഇസ്രായേൽ
ബെയ്റൂട്ട്: തെക്കൻ ലെബനനില്‍ ഒറ്റരാത്രികൊണ്ട് നാല് ഹിസ്ബുള്ള ഭീകരരെ വധിച്ച്‌ ഇസ്രായേല്‍ സൈന്യം. അതിര്‍ത്തി പട്ടണമായ നഖുറയിലാണ് സംഭവം. ഹിസ്ബുള്ള നേതാവടക്കമുള്ളവരെയാണ് സൈന്യം വധിച്ചത്. ബെയ്‌റൂട്ടില്‍ മുതിര്‍ന്ന ഹമാസ് ഭീകരനെ വധിച്ച്‌ ദിവസങ്ങള്‍ മാത്രം പിന്നിടുമ്ബോഴാണ് ഹിസ്ബുള്ള ഭീകരര്‍ക്കും ഇസ്രായേല്‍ വൻ തിരിച്ചടി നല്‍കിയിരിക്കുന്നത്. ഒക്ടോബര്‍ 7 ന് ഇസ്രായേല്‍-ഹമാസ് യുദ്ധം ആരംഭിച്ചത് മുതല്‍ ഭീകരരെയെല്ലാം വകവരുത്തുന്നതിനായുള്ള ശ്രമത്തിലാണ് ഇസ്രായേല്‍. ഹമാസിന് പിന്തുണയുമായി ഹിസ്ബുള്ള ഭീകരര്‍ രംഗത്തെത്തിയിരുന്നു. ഇതോടെയാണ് ഭീകരവാദത്തിനെതിരെ ശക്തമായ നിലപാട് സ്വീകരിച്ചു കൊണ്ട് ഹമാസ്-ഹിസ്ബുള്ള ഭീകര കേന്ദ്രങ്ങള്‍ ഇസ്രായേല്‍ തകര്‍ക്കാൻ ആരംഭിച്ചത്. ഏകദേശം മൂന്ന് മാസമായി നടക്കുന്ന യുദ്ധത്തില്‍ ലെബനനില്‍ 129 ഹിസ്ബുള്ള ഭീകരരെയാണ് ഇസ്രായേല്‍ സൈന്യം ഇതിനോടകം വധിച്ചത്. കഴിഞ്ഞ ചൊവ്വാഴ്ച നടന്ന ആക്രമണത്തില്‍ ഹമാസ് ഭീകര നേതാവ് സാലിഹ് അല്‍-അരൂരി അടക്കം ആറ് ഭീകരരെയും തെക്കൻ ബെയ്‌റൂട്ടിലെ ഹിസ്ബുള്ളയുടെ ശക്തികേന്ദ്രത്തില്‍ വച്ച്‌ ഇസ്രായേല്‍ വധിച്ചിരുന്നു.
Read More » -
യുഎസ് അന്ത്യശാസനം തള്ളി ഹൂതികള്‍; ചെങ്കടലില്‍ വീണ്ടും കപ്പല്‍ ആക്രമിച്ചു
വാഷിങ്ടണ്‍: യുഎസ് സൈന്യത്തിന്റെ അന്ത്യശാസനം തള്ളി ചെങ്കടലില്‍ വീണ്ടും ഹൂതി ആക്രമണം. കപ്പലുകള്‍ക്കുനേരെ ഡ്രോണ്‍ ആക്രമണത്തിനാണ് ഹൂതി നീക്കം നടത്തിയത്. എന്നാല്‍, ആര്‍ക്കും പരുക്കോ കേടുപാടുകളോ ഉണ്ടായിട്ടില്ലെന്ന് യുഎസ് നേവി അറിയിച്ചു. ആക്രമണം അവസാനിപ്പിച്ചില്ലെങ്കില്‍ വലിയ പ്രത്യാഘാതം ഉണ്ടാകുമെന്ന് യുഎസ്, ബ്രിട്ടന്‍, ജപ്പാന്‍ എന്നീ രാജ്യങ്ങളുള്‍പ്പെടെ 12 രാജ്യങ്ങള്‍ സംയുക്തമായി അന്ത്യശാസനം നല്‍കി ഒരു ദിവസം കഴിഞ്ഞപ്പോഴാണ് വീണ്ടും ആക്രമണം. ഇറാന്റെ സഹായത്തോടെ പ്രവര്‍ത്തിക്കുന്ന ഹൂതികളുടെ നിയന്ത്രണത്തിലാണ് യെമന്റെ ഭൂരിഭാഗവും. യെമന്‍ കേന്ദ്രീകരിച്ചാണ് ഹൂതികള്‍ ആക്രമണം നടത്തുന്നത്. നവംബര്‍ 19 മുതല്‍ മിസൈലുകളും ഡ്രോണും ഉപയോഗിച്ച് ചരക്ക് കപ്പലുകളെ ഉള്‍പ്പെടെ ആക്രമിക്കുകയാണ്. ഇസ്രയേല്‍ ഗാസയില്‍ ആക്രമണം നടത്തുന്നതില്‍ പ്രതിഷേധിച്ചാണ് ഹൂതി ആക്രമണം. യെമനിലെ ഹൂതികള്‍ ചെങ്കടലില്‍ ചരക്കുകപ്പലിനു നേരെ നടത്തിയ ആക്രമണം ചെറുത്തെന്നും ഹൂതികളുടെ 3 ബോട്ടുകള്‍ മുക്കിയെന്നും യുഎസ് സേന നേരത്തെ അറിയിച്ചിരുന്നു. ഡെന്‍മാര്‍ക്ക് ഉടമസ്ഥതയിലുളള കപ്പലിനുനേരെയാണ് മിസൈലാക്രമണം ഉണ്ടായത്. തുടര്‍ന്നാണ് 2 യുഎസ് യുദ്ധക്കപ്പലുകള്‍ സഹായത്തിനെത്തിയത്. ഹൂതികള്‍ അയച്ച…
Read More » -
ഇറാനിലെ ഇരട്ട സ്ഫോടനം: ഉത്തരവാദിത്തം ഏറ്റെടുത്ത് ഇസ്ലാമിക് സ്റ്റേറ്റ്
ടെഹ്റാൻ: നൂറിലേറെ പേർ കൊല്ലപ്പെട്ട ഇറാനിലെ ഇരട്ട സ്ഫോടനങ്ങളുടെ ഉത്തരവാദിത്തം ഏറ്റെടുത്ത് ഇസ്ലാമിക് സ്റ്റേറ്റ് പ്രസ്താവനയിറക്കി. 2020-ല്‍ യുഎസ് ഡ്രോണ്‍ ആക്രമണത്തില്‍ കൊല്ലപ്പെട്ട കമാൻഡര്‍ ഖാസിം സുലൈമാനിയെ അനുസ്മരിച്ച്‌ ഇറാനില്‍ നടന്ന ചടങ്ങിനിടെ 103 പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്ത രണ്ട് സ്ഫോടനങ്ങളുടെയും ഉത്തരവാദിത്തം ഏറ്റെടുത്തു കൊണ്ടാണ് ഇസ്ലാമിക് സ്റ്റേറ്റ് അവരുടെ അനുബന്ധ ടെലിഗ്രാം ചാനലുകളില്‍ പ്രസ്താവനയിറക്കിയത്. അതേസമയം അമേരിക്കയും ഇസ്രായേലുമാണ് ആക്രമണത്തിന് പിന്നിലെന്നായിരുന്നു ഇറാന്റെ ആരോപണം.ഇറാന്റെ പരമോന്നത നേതാവ് ആയത്തുല്ല അലി ഖമേനി, ആക്രമണങ്ങള്‍ക്ക് കാരണം ഇസ്ലാമിക് സ്റ്റേറ്റിൻ്റെ “ദുഷ്ടരായ ക്രിമിനല്‍ ശത്രുക്കളും” ആണെന്ന് പറയുകയും “കഠിനമായ പ്രത്യാക്രമണം” ഉണ്ടാകുമെന്ന് മുന്നറിയിപ്പ് നൽകുകയും ചെയ്തിരുന്നു.
Read More » -
‘വാട്സ് ആപ്പ്’ സന്ദേശങ്ങളിൽ കരുതൽ വേണം, ആർക്കും ഏതു നിമിഷവും പണി കിട്ടും…! ഈ 10 കാര്യങ്ങൾ മറക്കരുത്
ലോകമാകെയുള്ള കോടിക്കണക്കിന് ആളുകളുടെ ജനപ്രിയ ആശയ വിനിമയ മാധ്യമമാണ് വാട്സ് ആപ്പ്. പക്ഷേ ഇതിന്റെ മറവിൽ തട്ടിപ്പുകൾ പതിവാണ്. വ്യക്തിഗത വിവരങ്ങളും പണവും കവർന്നെടുക്കുന്നതിനും ദുഷ്പ്രചണങ്ങൾക്കും മറ്റ് തട്ടിപ്പുകൾക്കും വാട്സ് ആപ്പ് മറയാക്കാറുണ്ട്. വാട്സ് ആപ്പിൽ സുരക്ഷിതമായി തുടരാനും തട്ടിപ്പുകൾക്ക് ഇരയാകാതിരിക്കാനും ചില അവശ്യ നുറുങ്ങുകൾ ഇതാ: 1. അപരിചിതമായ നമ്പറുകളെ കുറിച്ച് ജാഗ്രത പാലിക്കുക: അജ്ഞാത നമ്പറുകളിൽ നിന്നുള്ള സന്ദേശങ്ങളോട് പ്രതികരിക്കരുത്. പ്രത്യേകിച്ച് അന്തർദേശീയ കോഡുകളോ സംശയാസ്പദമായ അക്കങ്ങളോ ഉള്ളവ. നിങ്ങൾക്ക് പരിചയമില്ലാത്ത ഒരാളിൽ നിന്ന് സന്ദേശം ലഭിച്ചാൽ, ജാഗ്രതയോടെ ഇടപെടുക. 2. വ്യാജസന്ദേശങ്ങളിൽ ജാഗ്രത പുലർത്തുക: ബാങ്കുകൾ, ഡെലിവറി സേവനങ്ങൾ അല്ലെങ്കിൽ സർക്കാർ ഏജൻസികൾ പോലെയുള്ള നിയമാനുസൃത സ്ഥാപനങ്ങൾ എന്ന വ്യാജേനെയാണ് തട്ടിപ്പുകാർ പലപ്പോഴും സന്ദേശങ്ങൾ അയയ്ക്കുന്നത്. ക്ഷുദ്രകരമായ ലിങ്കുകളിൽ ക്ലിക്കുചെയ്യുന്നതിനോ വ്യക്തിഗത വിവരങ്ങൾ പങ്കിടാനോ നിങ്ങളെ കബളിപ്പിക്കാനോ അവർ ലോഗോകളും ഔദ്യോഗിക ഭാഷയും മറ്റും ഉപയോഗിച്ചേക്കാം. ഇത്തരം ഘട്ടങ്ങളിൽ അയച്ചയാളുടെ വിശദാംശങ്ങളും സന്ദേശത്തിന്റെ നിയമസാധുതയും എപ്പോഴും…
Read More » -
ചെങ്കടലിലെ ആക്രമണം; മുന്നറിയിപ്പ് നല്‍കി, അമേരിക്കയും 12 സഖ്യകക്ഷികളും
ഏദൻ: ചെങ്കടലിലെ ആക്രമണങ്ങള്‍ ഉടനടി നിര്‍ത്തിയില്ലെങ്കില്‍, യെമനിലെ ഹൂതി വിമതര്‍ക്കും അവരെ സഹായിക്കുന്നവർക്കുമുൾപ്പടെ കടുത്ത പ്രത്യാഘാതങ്ങള്‍ നേരിടേണ്ടിവരുമെന്ന് മുന്നറിയിപ്പ് നല്‍കി അമേരിക്കയും 12സഖ്യകക്ഷികളും. വൈറ്റ് ഹൗസ് ആണ് ഇത് സംബന്ധിച്ച്‌ പ്രസ്താവന പുറത്തിറക്കിയത്. ചെങ്കടലില്‍ കപ്പലുകള്‍ക്ക് നേരെ നടക്കുന്ന ആക്രമണങ്ങള്‍ എത്രയും വേഗം അവസാനിപ്പിക്കണമെന്നും, നിയമവിരുദ്ധമായി ഹൂതികള്‍ തടങ്കലില്‍ വച്ചിരിക്കുന്ന കപ്പലുകളേയും അതിലെ ജീവനക്കാരേയും മോചിപ്പിക്കണമെന്നും പ്രസ്താവനയില്‍ ആവശ്യപ്പെടുന്നു. ആഗോള സമ്ബദ്‌വ്യവസ്ഥയില്‍ നിര്‍ണായക സ്വാധീനം ചെലുത്തുന്ന ജലപാതയാണിത്. ഇതുവഴിയുള്ള കപ്പലുകള്‍ക്ക് നേരെയുള്ള ആക്രമണങ്ങള്‍ ഇനിയും തുടര്‍ന്നാല്‍ അതിന്റെ അനന്തരഫലങ്ങള്‍ ഹൂതികള്‍ അനുഭവിക്കുമെന്നും പ്രസ്താവനയില്‍ പറയുന്നു. ബ്രിട്ടനും, ഗള്‍ഫ് രാജ്യമായ ബഹ്‌റൈനും അമേരിക്കയ്‌ക്ക് പിന്തുണ നല്‍കി പ്രസ്താവനയില്‍ ഒപ്പ് വച്ചിട്ടുണ്ട്. ഓസ്ട്രേലിയ, കാനഡ, ജര്‍മ്മനി, ജപ്പാൻ തുടങ്ങിയ രാജ്യങ്ങള്‍ സ്വന്തം നിലയ്‌ക്ക് നേരത്തെ ഹൂതികള്‍ക്ക് മുന്നറിയിപ്പ് നല്‍കിയിരുന്നു. ഇസ്രായേല്‍-ഹമാസ് പോരാട്ടത്തില്‍ ഹമാസിന് പിന്തുണ പ്രഖ്യാപിച്ചു കൊണ്ടാണ് ഇസ്രായേലുമായി ബന്ധമുളള കപ്പലുകളെ ലക്ഷ്യമിട്ട് ഹൂതി വിമതര്‍ ആക്രമണം നടത്തി വന്നിരുന്നത്. ചെങ്കടലിലേക്ക് ഇറാൻ യുദ്ധക്കപ്പല്‍…
Read More » -
ഭീകരാക്രമണത്തിന് ടെല്‍ അവീവിൽ മറുപടി തരുമെന്ന് ഇസ്രായേലിനോട് ഇറാൻ
ടെഹ്റാൻ: രാജ്യത്തുണ്ടായ ഭീകരാക്രമണത്തിന് ടെല്‍ അവീവിൽ മറുപടി തരുമെന്ന് ഇസ്രായേലിനോട് ഇറാൻ. 2020 ൽ അമേരിക്ക വധിച്ച മുൻ ഇറാൻ സൈനിക ജനറല്‍ ഖാസിം സുലൈമാനിയുടെ നാലാം ചരമവാര്‍ഷികാചരണത്തിന് ഒത്തുകൂടിയവര്‍ക്കിടയിലാണ് ഇന്നലെ വൈകിട്ട് ഇരട്ട സ്ഫോടനം നടന്നത്. സംഭവത്തില്‍ 100ലേറെ പേര്‍ കൊല്ലപ്പെട്ടു ഇറാനിലെ തെക്കൻ നഗരമായ കിര്‍മാനില്‍ സാഹിബ് അല്‍സമാൻ മസ്ജിദിനു സമീപം പ്രകടനമായി ഖബറിനരികിലേക്ക് നീങ്ങിയവര്‍ക്കിടയിലാണ് ആദ്യം സ്ഫോടനമുണ്ടായത്. പ്രാദേശിക സമയം വൈകുന്നേരം 3.04 നായിരുന്നു ഇത്. പിന്തിരിഞ്ഞോടിയവര്‍ക്കിടയില്‍ 13 മിനിട്ടുകള്‍ക്ക് ശേഷമാണ് രണ്ടാമത്തെ സ്ഫോടനം ഉണ്ടായത്. 103 പേരുടെ മരണം സ്ഥിരീകരിച്ചതായി കിര്‍മാൻ എമര്‍ജൻസി സര്‍വീസ് മേധാവി മുഹമ്മദ് സ്വബരി അറിയിച്ചു. 140ലേറെ പേര്‍ക്ക് പരിക്കേറ്റു. മരണസംഖ്യ ഇനിയും ഉയര്‍ന്നേക്കും. സ്ഫോടനത്തിന്റെ ഉത്തരവാദിത്തം ആരും ഏറ്റെടുത്തിട്ടില്ലെങ്കിലും ഇസ്രായേൽ ആണ് ഇതിന് പിന്നിലെന്ന് ഇറാൻ ആരോപിച്ചു.കഴിഞ്ഞ ദിവസം ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹുവിനെ ‘കൊല്ലുന്ന’ വീഡിയോ ഇറാൻ സൈന്യം പുറത്തുവിട്ടിരുന്നു.തങ്ങളുടെ സൈനിക ഉപദേഷ്ടാവിനെ സിറിയയില്‍ വെച്ച്‌ ഇസ്രയേല്‍ കൊലപ്പെടുത്തിയെന്ന ആരോപണത്തിന്…
Read More » -
ശക്തി തെളിയിച്ച് ഇന്ത്യൻ- യുഎഇ സൈന്യങ്ങൾ രാജസ്താനിൽ, എന്താണ് ‘ഡെസേർട്ട് സൈക്ലോൺ…?’
ഇന്ത്യയും യുഎഇയും തമ്മിലുള്ള സംയുക്ത സൈനികാഭ്യാസം ‘ഡെസേർട്ട് സൈക്ലോൺ’ രാജസ്താനിൽ ആരംഭിച്ചു. ഇരു രാജ്യങ്ങളും തമ്മിലുള്ള ബന്ധത്തിലെ നാഴികക്കല്ലായി ഇത് കണക്കാക്കപ്പെടുന്നു. ജനുവരി 15 വരെയാണ് സൈനികാഭ്യാസം. ഇരുരാജ്യങ്ങളുടെയും സൈന്യം നഗരപ്രദേശങ്ങളിലെ പ്രവർത്തനങ്ങളിൽ പ്രാവീണ്യം നേടുന്നുവെന്ന് ഉറപ്പാക്കുകയാണ് ലക്ഷ്യം. സൈനികാഭ്യാസ വേളയിൽ, ഇന്ത്യയുടെയും യുഎഇയുടെയും സൈന്യങ്ങൾ അറിവുകളും അനുഭവങ്ങളും പരസ്പരം പങ്കിടും. രാജസ്താനിലെ താർ പ്രദേശമാണ് ഈ സംയുക്ത അഭ്യാസത്തിനായി തിരഞ്ഞെടുത്തിരിക്കുന്നത്. സഹകരിച്ചുള്ള സൈനിക ഇടപെടൽ ഇന്ത്യയും യുഎഇയും തമ്മിലുള്ള പ്രതിരോധ ബന്ധം ശക്തിപ്പെടുത്തുക മാത്രമല്ല, പ്രാദേശിക സമാധാനവും സുരക്ഷയും പരിപോഷിപ്പിക്കുന്നതിനുള്ള വിശാലമായ ലക്ഷ്യത്തിന് സംഭാവന നൽകുകയും ചെയ്യുമെന്ന് പ്രതീക്ഷിക്കുന്നു. 50 വർഷം മുമ്പ് അടിത്തറ പാകി 1972-ലാണ് ഇന്ത്യയും യുഎഇയും തമ്മിൽ നയതന്ത്ര ബന്ധം സ്ഥാപിച്ചത്. 1972-ൽ യുഎഇ ഡൽഹിയിൽ എംബസി തുറന്നപ്പോൾ അടുത്ത വർഷം തന്നെ ഇന്ത്യൻ സർക്കാർ അബുദബിയിൽ എംബസി തുറന്നു. ഇതുവഴി ഇന്ത്യയും യുഎഇയും പുതിയ ബന്ധങ്ങൾക്ക് തുടക്കമിട്ടു. അതിനുശേഷം കഴിഞ്ഞ…
Read More » -
ഗൾഫിൽ ജോലി തേടുന്നവർ അറിയുക: 2023ൽ ഏറ്റവും കൂടുതൽ നിയമനങ്ങൾ നടന്നത് ഈ മേഖലകളിൽ, യുഎഇ, സൗദി അറേബ്യ, ഖത്തർ, ഒമാൻ, കുവൈറ്റ്, ബഹ്റൈൻ എന്നിവിടങ്ങളിലെ ട്രെൻഡുകൾ ഇങ്ങനെ
യുഎഇയിൽ കഴിഞ്ഞ വർഷം ഏറ്റവും കൂടുതൽ നിയമനങ്ങൾ ഉണ്ടായത് നിർമാണ, റിയൽ എസ്റ്റേറ്റ് മേഖലകളിൽ. യുഎഇയിലെ തൊഴിലുടമകളിൽ നിന്നുള്ള ഡിമാൻഡിനൊപ്പം, സൗദി അറേബ്യ, ഖത്തർ, ഒമാൻ, കുവൈറ്റ്, ബഹ്റൈൻ എന്നിവിടങ്ങളിലെ ട്രെൻഡുകളും പ്രമുഖ റിക്രൂട്ട്മെന്റ് പോർട്ടലായ നൗകരി ഗൾഫ് ഡോട്ട് കോം വെളിപ്പെടുത്തി. ഈ റിക്രൂട്ട്മെന്റ് പോർട്ടൽ 10,000ത്തിലധികം തൊഴിലുടമകളും 14 മില്യൺ തൊഴിലന്വേഷകരും ഉപയോഗിക്കുന്നു. അതിനാൽ ഗൾഫ് രാജ്യങ്ങളിലെ തൊഴിലുടമകളുടെ മുൻഗണനകളെക്കുറിച്ച് വ്യക്തമായ റിപ്പോർട്ട് ലഭിക്കുന്നു. അതനുസരിച്ച് യുഎഇയിൽ നിർമാണ, റിയൽ എസ്റ്റേറ്റ് മേഖലയാണ് മുന്നിൽ. ഇത് പ്രദേശത്ത് നടന്നുകൊണ്ടിരിക്കുന്ന നിർമാണ കുതിച്ചുചാട്ടത്തെയാണ് ചൂണ്ടിക്കാട്ടുന്നത്. ഐടി, ടെലികോം, ഇന്റർനെറ്റ് മേഖലകൾ രണ്ടാം സ്ഥാനത്താണ്. ഉപഭോക്താവിനെ അഭിമുഖീകരിക്കുന്ന ജോലികളിലും സാങ്കേതിക വൈദഗ്ധ്യത്തിലും കഴിവുള്ളവരുടെ ആവശ്യകതയെ സൂചിപ്പിച്ച്, സെയിൽസ് പ്രൊഫഷണലുകളിലും എൻജിനീയർമാരിലും തൊഴിലുടമകൾ ശക്തമായ ശ്രദ്ധ ചെലുത്തി. കൂടാതെ, രാജ്യത്തിന്റെ തൊഴിൽ വിപണി എൻട്രി ലെവൽ പ്രൊഫഷണലുകൾക്ക് ശ്രദ്ധേയമായ മുൻഗണന നൽകി. 2023-ലെ ഏറ്റവും അവസരങ്ങളുള്ള ജോലികളിൽ സെയിൽസ്,…
Read More » -
ഇന്ത്യക്കാര്‍ക്ക് ഇറ്റലിയിലേക്ക് കുടിയേറാൻ അവസരം;കരാറൊപ്പുവച്ചു
ന്യൂഡല്‍ഹി: ഇന്ത്യയും ഇറ്റലിയും തമ്മില്‍ ഒപ്പുവച്ച മൈഗ്രേഷന്‍ ആന്‍ഡ് മൊബിലിറ്റി എഗ്രിമെന്‍റ് പ്രകാരം ആയിരക്കണക്കിന് ഇന്ത്യക്കാര്‍ക്ക് ഇറ്റലിയിലേക്ക് കുടിയേറ്റം നടത്താൻ അവസരമൊരുങ്ങി. ഇറ്റലിയില്‍ ഉപരിപഠനത്തിനോ ജോലിക്കോ സാധ്യതകള്‍ അന്വേഷിക്കുന്ന യുവാക്കള്‍ക്ക് ഇത് ഏറെ പ്രയോജനകരമാകുമെന്നാണ് പ്രതീക്ഷിക്കുന്നത്.സ്റ്റുഡന്‍റ് വിസയില്‍ വരുന്ന ഇന്ത്യക്കാര്‍ക്ക് പഠന ശേഷം 12 മാസത്തേക്ക് രാജ്യത്ത് ടെമ്ബററി റെസിഡന്‍സ് കൂടി അനുവദിക്കുന്ന തരത്തിലാണ് കരാര്‍. ഇതനുസരിച്ച്‌, ഇറ്റലിയില്‍ ഉപരിപഠനം നടത്തുന്ന ഇന്ത്യക്കാര്‍ക്ക് പഠനം പൂര്‍ത്തിയാക്കിയ ശേഷം അവിടെ തന്നെ ജോലി അന്വേഷിക്കാനും സാധിക്കും. വിദ്യാര്‍ഥികളെയും തൊഴിലന്വേഷകരെയും കൂടാതെ, ഇരു രാജ്യങ്ങളിലുമുള്ള ബിസിനസ് പ്രൊഫഷണലുകള്‍ക്കും യുവ പ്രതിഭകള്‍ക്കും അങ്ങോട്ടും ഇങ്ങോട്ടും യാത്ര ചെയ്യുന്നതിനുള്ള നടപടിക്രമങ്ങളും ഇതുവഴി എളുപ്പമാകുമെന്നാണ് പ്രതീക്ഷിക്കുന്നത്. ഇന്ത്യന്‍ വിദ്യാര്‍ഥികള്‍ക്കും ട്രെയിനികള്‍ക്കും ഇന്‍റേണ്‍ഷിപ്പ് പദ്ധതികളും ഇറ്റലി തയാറാക്കിയിട്ടുണ്ട്.
Read More » -
ഇറാനിൽ ഭീകരാക്രമണം; 103 മരണം
ടെഹ്റാൻ: ഇറാനില്‍ റെവല്യൂഷനറി ഗാര്‍ഡ് മുൻ കമാൻഡര്‍ ഖാസിം സുലൈമാനിയുടെ രക്തസാക്ഷിത്വ വാര്‍ഷികത്തിനിടെ നടന്ന ഭീകരാക്രമണത്തില്‍ കൊല്ലപ്പെട്ടവരുടെ എണ്ണം 103 ആയി. പരിക്കേറ്റവരുടെ എണ്ണം 141 ആയതായി കെര്‍മാൻ എമര്‍ജൻസി സര്‍വീസ് മേധാവി മുഹമ്മദ് സ്വബരി സ്ഥിരീകരിച്ചു. മരണ സംഖ്യ ഇനിയും ഉയരുമെന്നാണ് റിപ്പോര്‍ട്ട്. ഖാസിം സുലൈമാനിയെ അമേരിക്ക വധിച്ചതിന്റെ നാലാം വാര്‍ഷികത്തിലാണ് രാജ്യത്തെ ഞെട്ടിച്ച സംഭവം. കെര്‍മാൻ പ്രവിശ്യയിലുള്ള ഖാസിം സുലൈമാനിയുടെ സ്മാരകത്തിന് സമീപമാണ് ഇരട്ട സ്‌ഫോടനങ്ങളുണ്ടായത്. അദ്ദേഹത്തിന്റെ രക്തസാക്ഷി വാര്‍ഷികവുമായി ബന്ധപ്പെട്ട ചടങ്ങില്‍ പങ്കെടുക്കാൻ ആയിരങ്ങള്‍ തടിച്ചുകൂടിയപ്പോഴാണ് ഭീകരര്‍ റിമോര്‍ട്ട് ഉപയോഗിച്ച് സ്ഫോടനം നടത്തിയത്. സ്മാരകത്തില്‍ നിന്ന് 700 മീറ്റര്‍ ദൂരയൊണ് ആദ്യ സ്ഫോടനം. പ്രാദേശിക സമയം വൈകീട്ട് 3.04 നായിരുന്നു ഇത്. 13 മിനിട്ടിന് ശേഷമാണ് രണ്ടാമത്തെ സ്ഫോടനം. സ്ഫോടത്തിന് പിന്നില്‍ ആരാണെന്ന് വ്യക്തമായിട്ടില്ല. ആരും ഇതുവരെ ഉത്തരവാദിത്തം ഏറ്റെടുത്തിട്ടില്ല. നടന്നത് ഭീകരാക്രമണമെന്ന് കെര്‍മാൻ ഗവര്‍ണര്‍ വ്യക്തമാക്കി. 2020 ജനുവരി മൂന്നിനാണ് ബാഗ്ദാദ് അന്താരാഷ്ട്ര…
Read More »