World
-
പുല്വാമ ഭീകരാക്രമണം; സ്ഫോടക വസ്തുക്കള് വാങ്ങിയത് ഓണ്ലൈനായി; ഫിനാന്ഷ്യല് ആക്ഷന് ടാസ്ക് ഫോഴ്സിന്റെ കണ്ടെത്തല്; ഭീകര സംഘടനകളുടെ ഇടപാടുകള് വെളിപ്പെടുത്തി റിപ്പോര്ട്ട്
2019ലെ പുൽവാമ ഭീകരാക്രമണത്തിനായി ഉപയോഗിച്ച സ്ഫോടക വസ്തുക്കൾ വാങ്ങിയത് ഇ-കൊമേഴ്സ് പ്ളാറ്റ്ഫോം വഴിയാണെന്ന് കണ്ടെത്തല്. ഭീകരപ്രവർത്തനങ്ങൾക്കായുള്ള ധനസഹായത്തെപ്പറ്റി അന്വേഷിക്കുകയും, കള്ളപ്പണം വെളുപ്പിക്കൽ നിരീക്ഷിക്കുകയും ചെയ്യുന്ന ദി ഫിനാൻഷ്യൽ ആക്ഷൻ ടാസ്ക് ഫോഴ്സാണ് (എഫ്എടിഎഫ്) ഇക്കാര്യം പുറത്തുവിട്ടത്. ഭീകരസംഘടനകൾ സ്ഫോടനങ്ങള് നടത്താനായി ഇ-ഓൺലൈൻ പേയ്മെന്റ് സർവീസുകളെയും കൊമേഴ്സ് പ്ളാറ്റ്ഫോമുകളെയും വ്യാപകമായിഉയോഗപ്പെടുത്തുന്നുണ്ടെന്ന ഞെട്ടിക്കുന്ന വിവരങ്ങളും എഫ്എടിഎഫ് പങ്കുവെയ്ക്കുന്നു. 2022ലെ ഗോരഖ്നാഥ് ക്ഷേത്ര ആക്രമണത്തിലും സ്ഫോടക വസ്തുക്കൾ എത്തിച്ചത് ഓൺലൈനിലൂടെയാണെന്ന് കണ്ടെത്തി. ഐഎസിൽ നിന്ന് പ്രചോദനം ഉൾക്കൊണ്ട പ്രതി ക്ഷേത്ര സുരക്ഷാജീവനക്കാരെയാണ് ആക്രമിച്ചത്. ഐഎസ് പ്രവർത്തകർക്കുവേണ്ടി പ്രതി 6.7 ലക്ഷം പേപാൽ വഴി കൈമാറ്റം ചെയ്തെന്നും എഫ്എടിഎഫ് വെളിപ്പെടുത്തുന്നു. ഇന്ത്യയെ ഞെട്ടിച്ച പുൽവാമ ആക്രമണത്തില് ഉപയോഗിച്ച സ്ഫോടക വസ്തുവിലെ പ്രധാന അസംസ്കൃത വസ്തു അലൂമിനിയം പൗഡറാണ്. ഓണ്ലൈന് വഴിയാണ് ഇത് എത്തിച്ചതെന്നൊണ് എഫ്എടിഎഫിന്റെ കണ്ടെത്തല്. പുൽവാമ ആക്രമണത്തിൽ 40 സി.ആർ.പി.എഫ് ജവാന്മാരാണ് വീരമൃത്യു വരിച്ചത്. ഈ സംഭവത്തില് 19 പേരെയാണ് അറസ്റ്റ് ചെയ്തത്. ഭീകരസംഘടനകള് ലൊക്കേഷൻ…
Read More » -
സ്ത്രീകൾക്കും കുട്ടികൾക്കുമെതിരെ അതിക്രമം: താലിബാൻ നേതാവിനും ചീഫ് ജസ്റ്റിസിനും അറസ്റ്റ് വാറന്റ്, അസംബന്ധമെന്ന് താലിബാൻ
ഹേഗ് : സ്ത്രീകൾക്കും കുട്ടികൾക്കുമെതിരെ തുടരുന്ന അതിക്രമങ്ങളിൽ അഫ്ഗാനിസ്ഥാനിലെ താലിബാൻ ഭരണകൂടത്തിന്റെ ഭാഗമായ ചീഫ് ജസ്റ്റിസ് അബ്ദുൽ ഹക്കീം ഹഖാനി, പരമോന്നത ആത്മീയനേതാവ് ഹിബത്തുല്ല അഖുൻസാദ എന്നിവർക്കെതിരെ രാജ്യാന്തര ക്രിമിനൽ കോടതി അറസ്റ്റ് വാറന്റ് പുറപ്പെടുവിച്ചു. ഇരുവരും മാനവരാശിക്കെതിരായ കുറ്റകൃത്യം ചെയ്തതായി തെളിവുണ്ടെന്ന് കോടതി വ്യക്തമാക്കി. സ്ത്രീകളും കുട്ടികളും മാത്രമല്ല, താലിബാന്റെ ലിംഗവിവേചനത്തിനെതിരെ നിലപാട് സ്വീകരിക്കുന്ന മറ്റുള്ളവരും കുറ്റകൃത്യങ്ങൾക്ക് ഇരയാകുന്നുണ്ടെന്ന് കോടതി ചൂണ്ടിക്കാട്ടി. താലിബാൻ അറസ്റ്റ് വാറണ്ടുകളെ “അസംബന്ധം” എന്ന് വിളിക്കുകയും ഐസിസിയെ അംഗീകരിക്കുന്നില്ലെന്ന് പറയുകയും ചെയ്തു. ഇസ്ലാമിക നിയമത്തിന്റെ വ്യാഖ്യാനത്തെ കുറ്റകൃത്യമെന്ന് വിളിച്ചുകൊണ്ട് ഇസ്ലാമിനോട് വിദ്വേഷം പ്രകടിപ്പിക്കുന്നതായും അവർ കോടതിയെ കുറ്റപ്പെടുത്തി. ജനുവരിയിൽ, താലിബാൻ അഫ്ഗാനിസ്ഥാൻ ഏറ്റെടുത്ത 2021 ഓഗസ്റ്റ് 15 മുതൽ ലിംഗാധിഷ്ഠിത പീഡനം നടത്തിയതിന് ഇരുവരും ക്രിമിനൽ ഉത്തരവാദിത്തമുള്ളവരാണെന്ന് ഐസിസിയുടെ ചീഫ് പ്രോസിക്യൂട്ടർ പറഞ്ഞു. 2021-ൽ അധികാരത്തിൽ തിരിച്ചെത്തിയതിനുശേഷം, താലിബാൻ സ്ത്രീകൾക്കും പെൺകുട്ടികൾക്കും മേൽ കടുത്ത നിയന്ത്രണങ്ങൾ ഏർപ്പെടുത്തിയിട്ടുണ്ട്. ആറാം ക്ലാസിനുശേഷം പെൺകുട്ടികൾ സ്കൂളിൽ പോകുന്നത് വിലക്കിയിരിക്കുന്നു.…
Read More » -
ടേക്ക് ഓഫിനിടെ റണ്വേയിലേക്ക് ഓടിയെത്തി; വിമാനത്തിന്റെ എന്ജിനില് കുടുങ്ങി യുവാവ് മരിച്ചു
റോം: വിമാനത്തിന്റെ എന്ജിനില് കുടുങ്ങിയ യുവാവിന് ദാരുണാന്ത്യം. ഇറ്റലിയിലെ മിലാന് ബെര്ഗാമോ വിമാനത്താവളത്തിലാണ് സംഭവം നടന്നത്. സ്പെയിനിലെ അസ്റ്റൂറിയാസിലേക്ക് പോകുകയായിരുന്ന എ319 വോളോട്ടിയ വിമാനം പറന്നുയരുന്നതിനിടെ റണ്വേയിലേക്ക് ഓടിയെത്തിയ 35കാരനാണ് മരിച്ചത്. ഇയാള് ഗ്രൗണ്ട് സ്റ്റാഫാണെന്നാണ് വിവരം. എന്ജിനില് കുടുങ്ങിയ യുവാവ് തല്ക്ഷണം മരിക്കുകയായിരുന്നു. അപകടത്തെ തുടര്ന്ന് രണ്ട് മണിക്കൂറോളം വിമാനഗതാഗതം തടസപ്പെട്ടതായി മിലാന് ബെര്ഗാമോ വിമാനത്താവള അധികൃതര് അറിയിച്ചു. ആറ് ജീവനക്കാര് രണ്ട് പൈലറ്റ്, നാല് ക്യാബിന് ക്രൂ എന്നിവരുള്പ്പടെ ആകെ 154 യാത്രക്കാര് വിമാനത്തിലുണ്ടായിരുന്നു. ഏറ്റവും തിരക്കേറിയ വിമാനത്താവളങ്ങളില് ഒന്നാണ് ഇത്. രാവിലെ 10.20നാണ് അപകടം നടന്നത്. സംഭവത്തില് അന്വേഷണം നടത്തിവരികയാണെന്ന് എയര്പോര്ട്ട് അധികൃതര് അറിയിച്ചു. അപകടത്തെ തുടര്ന്ന് ഒമ്പത് വിമാനങ്ങള് വഴിതിരിച്ചുവിടുകയും എട്ട് വിമാനങ്ങള് റദ്ദാക്കുകയും ചെയ്തു. ഉച്ചയ്ക്ക് ശേഷമാണ് വീണ്ടും വിമാന സര്വീസുകള് പുനരാരംഭിച്ചതെന്നാണ് റിപ്പോര്ട്ട്.
Read More » -
ടെക്സാസിൽ പ്രളയത്തിൽ മരണം 109 ആയി, 160 ലേറെ പേരെ കാണാനില്ല; മണിക്കൂറകൾക്കുള്ളിൽ പെയ്തത് ഒരു മാസം ലഭിക്കുന്ന മഴ !
ടെക്സാസ്: അമേരിക്കൻ സംസ്ഥാനമായ ടെക്സാസിൽ കനത്ത കനത്ത മഴയെത്തുടർന്നുണ്ടായ മിന്നൽ പ്രളയത്തിൽ മരണം 109 ആയി. 160 ലധികം പേരെ ഇപ്പോഴും കാണാനില്ലെന്ന് ഗവർണർ ഗ്രെഗ് ആബട്ട് അറിയിച്ചു. കാണാതായവർക്ക് വേണ്ടിയുള്ള തെരച്ചിൽ തുടരുകയാണ്. കാണാതായവരെ ജീവനോടെ കണ്ടെത്താമെന്ന പ്രതീക്ഷയില്ലെന്നാണ് അധികൃതർ പറയുന്നത്. അതേസമയം പ്രസിഡൻറ് ഡോണൾഡ് ട്രംപ് വെള്ളിയാഴ്ച ടെക്സസ് സന്ദർശിക്കും. കനത്ത മഴയും ഇടിമിന്നിലും തുടരുന്നതിനാൽ പ്രദേശമാകെ ചെളി നിറഞ്ഞിരിക്കുകയാണ്. ഇത് രക്ഷാ പ്രവർത്തനത്തിന് വെല്ലുവിളി ആകുന്നുണ്ട്. ദുരന്തമുണ്ടായി നാല് ദിവസം കഴിഞ്ഞിട്ടും 160 ഓളം പേരെ ഇനിയും കണ്ടെത്താനുണ്ട് എന്നത് മരണ സംഖ്യ ഉയർത്തുമെന്ന ആശങ്കയിലാണ് അധികൃതർ. ടെക്സസിലെ സ്വകാര്യ വേനൽക്കാല ക്യാമ്പിലുണ്ടായിരുന്ന 27 പെൺകുട്ടികളെ കാണാതായിട്ടുണ്ട്. ഇവർക്കായി തെരച്ചിൽ പുരോഗമിക്കുകയാണ്. ഈ ക്യാമ്പിന്റെ ഡയറക്ടറും സഹ ഉടമയുമായ ജെയ്ൻ റാഗ്സ്ഡേൽ മരിച്ചതായി സ്ഥിരീകരിച്ചിട്ടുണ്ട്. അഞ്ച് ക്യാമ്പർമാരെയും ഇത് വരെ കണ്ടെത്താനായിട്ടില്ല. പൊതു അവധി ദിവസമായ ജൂലൈ നാലിന് വെള്ളിയാഴ്ച പുലർച്ചെ പെയ്ത പേമാരിയിലാണ് ടെക്സാസിൽ പ്രളയക്കെടുതി…
Read More » -
ദയാധനം നല്കി മോചിപ്പിക്കാന് ഇപ്പോഴും അവസരമെന്ന് സാമുവല് ജെറോം; നിമിഷ പ്രിയയുടെ വധശിക്ഷ ഒഴിവാക്കാന് തിരക്കിട്ട ശ്രമം; ഹൂതികളുമായി ചര്ച്ചയ്ക്ക് അഫ്ഗാന്വഴി നീക്കം; സ്ഥിതി സൂഷ്മമായി നിരീക്ഷിക്കുന്നെന്ന് കേന്ദ്ര സര്ക്കാര്
ദില്ലി : യെമന് പൗരനെ കൊലപ്പെടുത്തിയ കേസില്, ശിക്ഷിക്കപ്പെട്ട മലയാളി നിമിഷപ്രിയയുടെ വധശിക്ഷ ഒഴിവാക്കാന് തിരക്കിട്ട ശ്രമം തുടരുന്നതായി കേന്ദ്ര സര്ക്കാര് വൃത്തങ്ങള്. നിമിഷപ്രിയയുടെ വധശിക്ഷ ജൂലായ് 16-ന് നടപ്പാക്കാനാണ് യെമന് ജയില് അധികൃതരുടെ തീരുമാനം. മോചനശ്രമങ്ങള്ക്കായി ബാക്കി ലഭിക്കുക ഒരാഴ്ച്ച സമയം മാത്രമാണ്. ദയാധനം കൈമാറുന്നതടക്കമുള്ള വിഷയങ്ങള് സങ്കീര്ണ്ണമാണെന്നാണ് കേന്ദ്ര സര്ക്കാര് വൃത്തങ്ങളില് നിന്നും ലഭിക്കുന്ന വിശദീകരണം. പതിനാറാം തീയതി ശിക്ഷ നടപ്പാക്കാതിരിക്കാന് ഉന്നതതല ഇടപെടല് നടത്തുമെന്നും സ്ഥിതി നിരീക്ഷിക്കുന്നുവെന്നും സര്ക്കാര് വൃത്തങ്ങള് അറിയിച്ചു. ഹൂതി റിബലുകളുമായി കൂടിക്കാഴ്ച നടത്തുന്നതാണ് ഇന്ത്യക്കുമുന്നിലുള്ള പ്രധാന പ്രശ്നം. നേരത്തേ ഇറാന് വഴിയായിരുന്നു ശ്രമമെങ്കിലും നിലവിലെ സാഹചര്യം അനുഗുണമല്ല. പാലക്കാട് സ്വദേശിയായ നിമിഷ പ്രിയ യമനില് ജോലി ചെയ്യുന്നതിനിടെ യെമനി പൗരനെ തലാല് അബ്ദു മെഹദിയെ കൊലപ്പെടുത്തി എന്നാണ് കേസ്. കുടുംബം മാപ്പ് നല്കിയാല് വധശിക്ഷ റദ്ദാക്കാനാകും. സൗദിയിലെ ഇന്ത്യന് എംബസിയാണ് നിലവില് യെനിലെ ഇന്ത്യന് എംബസി പ്രവര്ത്തനങ്ങള് ഏകോപിപ്പിക്കുന്നത്. നിമിഷ തടവില് കഴിയുന്ന…
Read More » -
നിയമത്തിന്റെ വഴികളെല്ലാം അടഞ്ഞു, നിമിഷപ്രിയയുടെ വധശിക്ഷ ഈ മാസം 16ന്; ദിയാധനം നൽകി വധശിക്ഷ ഒഴിവാക്കാനുളള അവസാനശ്രമത്തിൽ, നാളെ യെമൻ പൗരന്റെ കുടുംബത്തെ കാണും- മനുഷ്യാവകാശ പ്രവർത്തകൻ സാമുവേൽ ജെറോം
സനാ: യെമെൻ പൗരനെ കൊലപ്പെടുത്തിയ കേസിൽ യെമെനിൽ ജയിലിൽകഴിയുന്ന മലയാളി നഴ്സ് നിമിഷപ്രിയയുടെ വധശിക്ഷ ഈമാസം 16-ന് നടപ്പാക്കും. ജയിൽ അധികൃതർക്ക് ഇത് സംബന്ധിച്ച ഉത്തരവ് കിട്ടിയെന്നാണ് വിവരം. യെമനിലെ പബ്ലിക് പ്രോസിക്യൂട്ടർ ഓഫീസിൽ നിന്നാണ് ഉത്തരവ് ലഭിച്ചത്. യെമൻ പൗരനെ കൊന്ന കേസിലാണ് മലയാളിയായ നിമിഷപ്രിയ ജയിലിൽ കഴിയുന്നത്. യെമെനി പൗരനായ അബ്ദുമഹ്ദിയെ 2017 ജൂലായിൽ നിമിഷ പ്രിയയും കൂട്ടുകാരിയും ചേർന്ന് കൊലപ്പെടുത്തി മൃതദേഹം വീടിനുമുകളിലെ ജലസംഭരണിയിൽ ഒളിപ്പിച്ചുവെന്ന കേസിലാണ് വധശിക്ഷ നേരിടുന്നത്. പാലക്കാട് കൊല്ലങ്കോട് തേക്കിൻചിറ സ്വദേശിനിയാണ് നിമിഷപ്രിയ. നിമിഷ പ്രിയ നിലവിൽ സനയിലെ ജയിലിലാണുള്ളത്. അതേസമയം ദിയാധനം നൽകി വധശിക്ഷ ഒഴിവാക്കാനുളള ശ്രമം അവസാനശ്രമം തുടരുകയാണെന്ന് യെമനിലെ മനുഷ്യാവകാശ പ്രവർത്തകൻ സാമുവേൽ ജെറോം അറിയിച്ചു. ഇതിനായി നാളെ യെമൻ പൗരന്റെ കുടുംബത്തെ കാണും. 10 ലക്ഷം ഡോളർ നൽകാമെന്നാണ് യെമൻ പൗരന്റെ കുടുംബത്തെ അറിയിച്ചിട്ടുള്ളത്. ദിയാധനം കുടുംബം സ്വീകരിക്കുമോയെന്ന് ഉറപ്പില്ലെന്നും അദ്ദേഹം വ്യക്തമാക്കി. കൊലപാതക സംഭവശേഷം രക്ഷപ്പെടാൻ…
Read More » -
മരിച്ചിട്ടും പത്തി താഴാതെ ഹമാസ്! ഇസ്രായേലിനെ ഞെട്ടിച്ച് വടക്കന് ഗസ്സയില് പ്രത്യാക്രമണം; അഞ്ച് സൈനികര് കൊല്ലപ്പെട്ടു, 10 പേര്ക്ക് പരുക്ക്
ജറുസലേം: വടക്കന് ഗസ്സയില് ഹമാസ് നടത്തിയ അപ്രതീക്ഷിത തിരിച്ചടിയില് അഞ്ച് ഇസ്രായേല് സൈനികര് കൊല്ലപ്പെട്ടു. 10 സൈനികര്ക്ക്? പരിക്കേറ്റു. രണ്ടുപേരുടെ നില ഗുരുതരമാണ്. ഒരു സൈനികനെ കാണാതായെന്നും റിപ്പോര്ട്ടുണ്ട്.ഹമാസ് സായുധ വിഭാഗമായ അല്ഖസ്സാം ബ്രിഗേഡ് സൈനിക വാഹനത്തില് ഘടിപ്പിച്ച സ്ഫോടകവസ്തു പൊട്ടിത്തെറിച്ചാണ് അപകടം.ഒരു കവചിത വാഹനത്തിന് പുറമെ രക്ഷാ ദൗത്യവുമായെത്തിയ സൈനിക വാഹനങ്ങള്ക്ക് നേരെയും ഹമാസ് ആക്രമണം നടന്നതായി ഇസ്രായേല് മാധ്യമങ്ങള് റിപ്പോര്ട്ട് ചെയ്തു. വടക്കന് ഗസ്സയിലെ ബൈത്ത് ഹാനൂനില് തിങ്കളാഴ്ച രാത്രി പത്ത് മണിക്ക് ശേഷമാണ് ബോംബ് സ്ഫോടനമുണ്ടായതെന്ന് സൈന്യം അറിയിച്ചു. ജറുസലേം സ്വദേശികളായ സ്റ്റാഫ് സാര്ജന്റ് മെയര് ഷിമോണ് അമര് (20), സര്ജന്റ് മോഷെ നിസ്സിം ഫ്രെച്ച് (20), എന്നിവരാണ് മരിച്ച രണ്ടു സൈനികര്. കൊല്ലപ്പെട്ട മറ്റുള്ളവരുടെ പേരുകള് പിന്നീട് പുറത്തുവിടുമെന്നും സൈന്യം അറിയിച്ചു. സൈനികര് കാല്നടയായി സഞ്ചരിക്കുന്ന സമയത്താണ് സ്ഫോടനമുണ്ടായതെന്നാണ് ഐഡിഎഫ് വിശദീകരണം.വ്യോമാക്രമണത്തിന് ലക്ഷ്യമിട്ട സ്ഥലത്തായിരുന്നു സ്ഫോടനം നടന്നതെന്നും സൈന്യം വ്യക്തമാക്കി. അതിനിടെ, യമനിലെ കേന്ദ്രങ്ങളില് ഇസ്രായേല്…
Read More » -
രഹസ്യങ്ങള് കൈമാറിയതിന് തെളിവില്ലെന്ന് ഹരിയാന പോലീസ് പറയുമ്പോഴും അവര് ‘ചാരവനിത’യാകുന്നത് എന്തുകൊണ്ട്? മാധ്യമ പ്രവര്ത്തകന് മന്ദീപ് പുനിയ പിന്തുണയുമായി രംഗത്ത്; ആദ്യദിനം ചോദ്യം ചെയ്തു വിട്ടയച്ചെന്ന് പിതാവ്; ജ്യോതി മല്ഹോത്രയുടെ അറസ്റ്റില് ഇപ്പോഴും പുകമറ
ന്യൂഡല്ഹി: ‘ട്രാവല് വിത്ത് ജോ’ എന്ന യൂട്യൂബ് ചാനലില് ജ്യോതി റാണി സ്വയം വിശേഷിപ്പിക്കുന്നത് ‘നൊമാഡിക്ക് ലിയോ ഗേള്’ എന്നാണ്. ‘വാണ്ടറര് ഹരിയാന്വി-പഞ്ചാബി’ എന്നും ‘മോഡേണ് ഗേള് വിത്ത് ഓള് ഫാഷന് ഐഡിയാസ്’ എന്നും ചില വീഡിയോകളില് പറയുന്നു. എന്നാല്, ചാരവൃത്തി ആരോപിച്ചു ഹിസാര് പോലീസ് അറസ്റ്റ് ചെയ്ത യുവതിയെന്നാണു ദേശീയതലത്തില് ഇവര് അറിയപ്പെടുന്നത്. മുപ്പത്തിനാലുകാരിയായ ട്രാവല് വ്ളോഗര് ജ്യോതിയുടെ ചാനലില് 480 വീഡിയോകളും 3.97 ലക്ഷം സബ്സ്ക്രൈബര്മാരുമുണ്ട്. കേരളത്തിലെ ആലപ്പുഴയിലടക്കം അവര് സഞ്ചരിച്ചു. നാട്ടുകാരുമായി ഇടപഴകുന്നതും ഹോട്ടലുകളിലെ ഭക്ഷണങ്ങള് ശിപാര്ശ ചെയ്യുന്നതും കാണാം. കേരളത്തിലെ ടൂറിസം പ്രൊമോട്ട് ചെയ്യുന്നതിന് ഇവരെ ക്ഷണിച്ചിരുന്നെന്നു പോലും വിവരങ്ങളുണ്ട്. ഇന്തോനേഷ്യ, ഭൂട്ടാന്, ചൈന, പാകിസ്ഥാന് എന്നിവയുള്പ്പെടെ മറ്റ് രാജ്യങ്ങളിലും അവരുടെ ചില വീഡിയോകള് ചിത്രീകരിച്ചിട്ടുണ്ട്. എന്നാല്, ഹരിയാനയിലെ ഹിസാര് ജില്ലയില് ജ്യോതി ഇതുവരെ നയിച്ച സാഹസിക യാത്രകര്ക്കു കാണികള് കുറവാണ്. അവരുടെ പ്രശസ്തിയെക്കുറിച്ചും നാട്ടുകാര്ക്കു കാര്യമായ വിവരമില്ല. ജ്യോതി തന്റെ അച്ഛന് ഹരീഷ് കുമാറിനും…
Read More » -
ട്രക്കുമായി കൂട്ടിയിടിച്ച് കാറിന് തീപിടിച്ചു; യുഎസില് ഇന്ത്യന് കുടുംബത്തിന് ദാരുണാന്ത്യം
വാഷിങ്ടണ്: ഇന്ത്യന് വംശജരായ നാലംഗ കുടുംബം യുഎസിലെ അലബാമയിലുണ്ടായ വാഹനാപകടത്തില് കൊല്ലപ്പെട്ടു. അലബമായിലെ ഗ്രീന് കൗണ്ടിയില് ശനിയാഴ്ച രാത്രിയിലാണ് അപകടമുണ്ടായത്. ഹൈദരാബാദ് സ്വദേശികളായ വെങ്കട് ബെജുഗം, ഭാര്യ തേജസ്വിനി ചെല്ലോട്ടി, ഇവരുടെ മക്കളായ സിദ്ധാര്ഥ്, മരിഡ എന്നിവരാണ് മരിച്ചത്. അറ്റ്ലാന്റയിലുള്ള ബന്ധുക്കളെ സന്ദര്ശിച്ച ശേഷം ഡാലസിലേക്ക് വരും വഴിയാണ് കുടുംബം അപകടത്തില്പ്പെട്ടത്. തെറ്റായ ദിശയിലൂടെ എത്തിയ ഒരു മിനിട്രക്ക് ഇവര് സഞ്ചരിച്ച കാറിലേക്ക് ഇടിച്ചുകയറുകയായിരുന്നുവെന്നാണ് റിപ്പോര്ട്ട്. അപകടത്തെ തുടര്ന്ന് കാര് കത്തി. ഡിഎന്എ പരിശോധന നടത്തിയ ശേഷമാണ് മൃതദേഹങ്ങള് ബന്ധുക്കള്ക്ക് വിട്ടുകൊടുത്തതെന്ന് അധികൃതര് അറിയിച്ചു.
Read More » -
ടെക്സസിലെ മിന്നല് പ്രളയം: മരണം 100 കടന്നു; മരിച്ചവരില് 28 കുട്ടികളും, മരണസംഖ്യ ഇനിയും ഉയരും
വാഷിങ്ടണ്: യു.എസിലെ ടെക്സസ് സംസ്ഥാനത്തുണ്ടായ മിന്നല്പ്രളയത്തില് മരിച്ചവരുടെ എണ്ണം 100 കടന്നു. വേനല്ക്കാല ക്യാംപിലുണ്ടായിരുന്ന 27 പേരുള്പ്പെടെ 28 കുട്ടികളും മരിച്ചവരില്പെടുന്നു. 10 കുട്ടികളുള്പ്പെടെ ഒട്ടേറേപ്പെരെ ഇനിയും കണ്ടെത്താനുണ്ട്. കെര് കൗണ്ടിയില് മാത്രം 84 പേര് മരിച്ചു. ചെളി നിറഞ്ഞ ഗ്വാഡലൂപ് നദീതീരത്ത് ഹെലികോപ്ടറുകളും നിരീക്ഷണ വിമാനങ്ങളും ഉപയോഗിച്ചും തിരച്ചില് തുടരുകയാണ്. മരണസംഖ്യ ഇനിയും ഉയര്ന്നേക്കുമെന്ന് അധികൃതര് സൂചന നല്കി. കനത്ത മഴയും വെള്ളപ്പൊക്കവും ഉണ്ടായേക്കുമെന്ന് കാലാവസ്ഥാ വിഭാഗം വീണ്ടും മുന്നറിയിപ്പ് നല്കിയിട്ടുണ്ട്. സൈന്യത്തിന്റെ ഡ്രോണുകളും തീരരക്ഷാസേനയുടെ വിമാനങ്ങളും തിരച്ചിലിന് ഉപയോഗിക്കുന്നുണ്ട്. ഇതുവരെ 850 പേരെ രക്ഷപ്പെടുത്തി. ദുരന്തബാധിതര്ക്കായി റോമില് ലിയോ പതിനാലാമന് മാര്പാപ്പ പ്രത്യേക പ്രാര്ഥന നടത്തി. അതിനിടെ, ചെലവുചുരുക്കലിന്റെ ഭാഗമായി നടത്തിയ കൂട്ട പിരിച്ചുവിടല് കാലാവസ്ഥാ വിഭാഗങ്ങളുടെ പ്രവര്ത്തനത്തെയും പ്രളയ മുന്നറിയിപ്പിനെയും ബാധിച്ചതായി വിമര്ശനമുയരുന്നുണ്ട്. ആര്ക്കും പ്രവചിക്കാന് കഴിയാത്ത ദുരന്തമാണുണ്ടായതെന്നു ചൂണ്ടിക്കാട്ടി ആരോപണങ്ങള് ഡോണള്ഡ് ട്രംപ് തള്ളുകയാണ്. പ്രകൃതിദുരന്തങ്ങള് അതതു സംസ്ഥാനങ്ങള് കൈകാര്യം ചെയ്യണമെന്ന ട്രംപിന്റെ നയത്തിനെതിരെയും വിമര്ശനമുയര്ന്നിട്ടുണ്ട്.
Read More »