ബാഗ്ദാദ്: ഇറാക്കില്‍ കതൈബ് ഹിസ്ബുള്ള അടക്കം ഇറാൻ അനുകൂല ഗ്രൂപ്പുകളുടെ മൂന്ന് കേന്ദ്രങ്ങള്‍ക്ക് നേരെ യു.എസ് നടത്തിയ വ്യോമാക്രമണത്തില്‍ രണ്ട് മരണം.
പന്ത്രണ്ടോളം പേർക്ക് പരിക്കേറ്റിട്ടുണ്ട്. തിങ്കളാഴ്ച ഇറാക്കിലെ അല്‍ – അസദ് എയർ ബേസിന് നേരെ ഇറാൻ അനുകൂല ഗ്രൂപ്പുകള്‍ നടത്തിയ ബാലിസ്റ്റിക് മിസൈല്‍ ആക്രമണത്തില്‍ നിരവധി അമേരിക്കൻ സൈനികർക്ക് പരിക്കേറ്റിരുന്നു. ഇതിന് തിരിച്ചടിയായിട്ടായിരുന്നു യു.എസിന്റെ നീക്കം.
അതേസമയം യമനിലെ ഹൂതികേന്ദ്രങ്ങൾക്ക് നേരെ ഇന്നലെയും യുഎസ്,യുകെ സൈന്യങ്ങളുടെ സംയുക്ത ആക്രമണം നടന്നു.നിരവധി ഹൂതി കേന്ദ്രങ്ങൾ തകർത്തതായി പെന്റഗൺ പുറത്തു വിട്ട റിപ്പോർട്ടിൽ പറയുന്നു.
