Business
-
ഇന്ത്യന് ഓഹരി വിപണിയില് കണ്ണുവച്ച് ആഗോള ഭീമന്മാരും; അരഡസന് കമ്പനികള് വന് നിക്ഷേപത്തിന്; എന്ജിനീയറിംഗ്, സാമ്പത്തിക രംഗങ്ങളിലെ മിടുക്കന്മാര്ക്ക് അവസരങ്ങള്; മൂന്നു വര്ഷത്തിനിടെ പ്രതിഫലം മൂന്നിരട്ടിയായി; വിദേശ നിക്ഷേപകര് തിരിച്ചെത്തിയതോടെ ഏപ്രിലില് മാത്രം നടന്നത് 7.3 ബില്യണ് ഡോളറിന്റെ വ്യാപാരം
മുംബൈ: സിറ്റാഡല് സെക്യൂരിറ്റീസ്, ഐഎംസി ട്രേഡിംഗ് മുതല് മില്ലേനിയം, ഒപ്റ്റിവര് വരെയുള്ള അരഡസന് ആഗോള വ്യാപാര ഭീമന്മാര് ഇന്ത്യന് വിപണിയിലേക്ക്. കുതിച്ചുയരുന്ന ഇന്ത്യന് ഓഹരി വിപണികളില് ട്രേഡിംഗ് കമ്പനികള് വന് ലാഭമുണ്ടാക്കുന്നെന്ന റിപ്പോര്ട്ടുകള്ക്കു പിന്നാലെയാണു വന് നിക്ഷേപം നടത്താന് ഒരുങ്ങുന്നത്. മിടുക്കന്മാരായ യുവാക്കള്ക്കു വന് തൊഴില് സാധ്യതയാണ് ഇതു തുറക്കുന്നത്. നിയമനങ്ങള് കുതിച്ചുയരുന്നതിനൊപ്പം സാങ്കേതിക വിദ്യകള് മെച്ചപ്പെടുത്തുന്നതിനും ഓഹരി എക്സ്ചേഞ്ചുകള്ക്ക് ഇതു പ്രചോദനമാകും. യുഎസ് പ്രസിഡന്റ് ഡൊണാള്ഡ് ട്രംപിന്റെ വ്യാപാര നയങ്ങള് മൂലമുണ്ടായ ആഗോള പ്രതിസന്ധിയില്നിന്ന് ഇന്ത്യയെ രക്ഷിക്കാന് ആഭ്യന്തര ഉപഭോക്തൃ- നിക്ഷേപ അടിത്തറകള് സഹായിക്കുമെന്ന റിപ്പോര്ട്ടുകള്ക്കിടയിലാണ് കമ്പനികള് വന് തോതില് നിയമന നടപടികള് ആരംഭിക്കുമെന്ന റിപ്പോര്ട്ടും പുറത്തുവരുന്നത്. ഏപ്രിലില് മാത്രം ഇന്ത്യയില് 7.3 ബില്യണ് ഡോളറിന്റെ വ്യാപാരമാണ് നടന്നത്. ഇത് ആഗോള ശരാശരിയുടെ അറുപതു ശതമാനത്തോളംവരും. മാര്ച്ചിനുശേഷം വിറ്റുവരവ് 48 മടങ്ങ് വര്ധിച്ചെന്നു സെബി വൃത്തങ്ങളും പറയുന്നു. പാശ്ചാത്യ സ്ഥാപനങ്ങളെ സംബന്ധിച്ചടത്തോളം സ്വര്ണത്തിന്റെ നിരക്കുയര്ന്നതും വന് നേട്ടമായി. അമേരിക്കന് ട്രേഡിംഗ്…
Read More » -
പാല്വില കൂട്ടേണ്ടിവരും; സര്ക്കാരിന് ശിപാര്ശ നല്കുമെന്ന് മില്മ ചെയര്മാന്; ലിറ്ററിന് അറുപതു രൂപയാക്കണമെന്ന് എറണാകുളം യൂണിയന്; 54 എങ്കിലും ആക്കാതെ പിടിച്ചു നില്ക്കാന് കഴിയില്ലെന്ന് മറ്റു യൂണിയനുകള്; ചായയ്ക്കും ‘കടുപ്പമേറും’
കൊച്ചി: പാല്വില കൂട്ടേണ്ടി വരുമെന്ന സൂചനയുമായി മില്മ ചെയര്മാന് കെ.എസ്. മണി. ലീറ്ററിന് അറുപത് രൂപയാക്കണമെന്ന ആവശ്യം എറണാകുളം യൂണിയന് നല്കിയിട്ടുണ്ട്. തിരുവനന്തപുരം, കോഴിക്കോട് യൂണിയനുകളുടെ അഭിപ്രായം കൂടി ചര്ച്ച ചെയ്ത് സര്ക്കാരിലേക്ക് ശുപാര്ശ നല്കുമെന്നും വില കൂട്ടിയാലുള്ള ഉപഭോക്താക്കളുടെ ബുദ്ധിമുട്ട് കൂടി മനസിലാക്കിയുള്ള തീരുമാനമുണ്ടാവുമെന്നും കെ.എസ്. മണി പറഞ്ഞു. ലീറ്ററിന് അന്പതില് നിന്നും അന്പത്തി നാലിലേക്ക് വില ഉയരുമോ. അറുപത് അറുപത്തി നാലാകുമോ. അതോ അതിലേറുമോ. എന്തായാലും ദൈനംദിന ചെലവുകളുടെ കള്ളികള് നിലവിലെ കളങ്ങളിലൊതുങ്ങില്ലെന്ന സൂചനയാണ്. ലീറ്ററിന് അറുപത് രൂപയാക്കി ഉയര്ത്തണമെന്നാണ് എറണാകുളം യൂണിയന്റെ ശുപാര്ശ. വില ഉയര്ത്താന് മില്മ തീരുമാനിച്ചാലും സര്ക്കാരിന്റെ അനുമതി വേണ്ടിവരും. ഇതര സംസ്ഥാനങ്ങളില് പാല്വില കേരളത്തെ അപേക്ഷിച്ച് കുറഞ്ഞ് നില്ക്കുമ്പോള് ഉപഭോക്താക്കളെ മില്മയില് നിന്നകറ്റുമോ എന്ന ആശങ്കയുമുണ്ടെന്ന് ചെയര്മാന്. യൂണിയനുകളുടെ ശുപാര്ശ വിശദമായി ചര്ച്ച ചെയ്ത ശേഷം പാല്വില കൂട്ടുന്ന കാര്യത്തില് അടുത്തമാസം ആദ്യവാരത്തോടെ മില്മയുടെ തീരുമാനമുണ്ടാവും. അതുവരെ മാത്രം ആശ്വസിക്കാം. പാല്വില ഉയരുന്നത്…
Read More » -
മില്മയുടെ ഡിസൈന് അനുകരിച്ച് ‘മില്ന’ പാല്പായ്ക്കറ്റ്; സ്വകാര്യ ഡയറി കമ്പനിക്ക് ഒരുകോടി പിഴ; കോടതിച്ചെലവായി എട്ടുലക്ഷം വേറെയും അടയ്ക്കണം; വ്യാജ പതിപ്പ് ഇറക്കി ലാഭം കൊയ്യാനുള്ള നീക്കത്തില് വിജയം ഒരുവര്ഷത്തെ നിയമ പോരാട്ടത്തിന് ഒടുവില്
കൊച്ചി: മലയാളികള്ക്കിടയില് ഏറെ സ്വീകാര്യതയും വിശ്വസ്തതയുമുള്ള മില്മയെ അനുകരിച്ചു കോടികള് കൊയ്യാനുള്ള സ്വകാര്യ കമ്പനിയുടെ നീക്കത്തിനു തിരിച്ചടി. മില്മയ്ക്കു പകരം മില്ന എന്ന പേരില് മില്മയുടെ അതേ പായ്ക്കറ്റ് അനുകരിച്ചാണ് കമ്പനി രംഗത്ത് എത്തിയത്. ഇതിനെതിരേ പരാതി ഉയര്ന്നതോടെ മില്ന എന്ന സ്വകാര്യ ഡയറിക്കെതിരെ തിരുവനന്തപുരം പ്രിന്സിപ്പല് കൊമേഴ്സ്യല് കോടതി ഒരു കോടിപിഴ ചുമത്തി. പ്രമുഖ ബ്രാന്ഡുകളുടെ വ്യാജ പതിപ്പിറക്കി ലാഭം കൊയ്യാനിറങ്ങുന്നവര്ക്കുള്ള താക്കീതാണ് ഈ വിധിയെന്ന് മില്മ ചെയര്മാന് കെ.എസ്. മണി പറഞ്ഞു. മില്മയുടെ പേര് ഉല്പ്പനങ്ങളുടെ പായ്ക്കിങ്ങിലെ രൂപ കല്പന എന്നി അതേപടി പകര്ത്തിയ മില്ന എന്ന കമ്പനിക്കാണ് ഒരുകോടി രൂപയും ആറു ശതമാനം പിഴ പലിശയും അടയ്ക്കാന് കോടതി തിരുവനന്തപുരം പ്രിന്സിപ്പല് കൊമേഴ്സ്യല് കോടതി പിഴശിക്ഷ വിധിച്ചത്. കോടതിച്ചെലവും പലിശയും സഹിതം എട്ടുലക്ഷത്തി പതിനെണ്ണായിരത്തി നാനൂറ്റിപ്പത്തുരൂപ വെറെയും അടയ്ക്കണം. ഈ കമ്പനിക്കെതിരെ ഒരുവര്ഷം നീണ്ട വ്യവഹാരങ്ങള്ക്ക് ഒടുവിലാണു മില്മയ്ക്ക് അനുകൂല വിധി ലഭിച്ചത്. മില്മയെപ്പോലെ ജനപ്രിയ ഉല്പ്പന്നങ്ങളുടെ…
Read More » -
ബോയിംഗിന്റെ സുരക്ഷാ പിഴവുകള് വീണ്ടും; ചര്ച്ചയായി നെറ്റ്ഫ്ലിക്സ് ഡോക്കുമെന്ററി; ലാഭം ഇരട്ടിപ്പിക്കാന് കമ്പനി വരുത്തിയ മാറ്റങ്ങള് തിരിച്ചടിയായി; പിഴവു ചൂണ്ടിക്കാട്ടിയ എന്ജിനീയര്മാര് ദുരൂഹ സാഹചര്യത്തില് മരിച്ചു; ബാറ്ററികള് തീപിടിച്ചതോടെ 2013ല് എല്ലാ വിമാനങ്ങളും നിലത്തിറക്കി; തീഗോളമായി വെന്തെരിഞ്ഞത് കോര്പറേറ്റ് ലാഭക്കൊതിയുടെ ഇരകളോ?
ന്യൂഡല്ഹി: അഹമ്മദാബാദ് ദുരന്തത്തിന്റെ കാരണങ്ങളിലേക്കു വെളിച്ചം വീശണമെങ്കില് വിമാനത്തിന്റെ ബ്ലാക്ബോക്സ് കണ്ടെത്തി പരിശോധനകള് ആവശ്യമാണ്. ലോകത്തെ ഏറ്റവും സുരക്ഷിതമായ വിമാനമെന്ന് അറിയപ്പെട്ടിരുന്ന ബോയിംഗിന്റെ നിര്മാണത്തിലെ അപാകതകള് നേരത്തേതന്നെ എന്ജിനീയര്മാര് ചൂണ്ടിക്കാട്ടിയിരുന്നു. അപകടത്തോടെ സുരക്ഷാ കാരണങ്ങളും വീണ്ടും ചര്ച്ചയാകുകയാണ്. ബോയിംഗിന്റെ നിര്മാണത്തിലെ അപാകതകള് ചര്ച്ചയാകുന്ന ‘ഡൗണ്ഫാള്: ദ കേസ് എഗെന്സ്റ്റ് ബോയിംഗ്’ എന്ന നെറ്റ് ഫ്ളിക്സ് ഡോക്കുമെന്ററി നേരത്തേതന്നെ ചര്ച്ചയായിരുന്നു. റോറി കെന്നഡി സംവിധാനം ചെയ്ത ഡോക്കുമെന്റി അവിടെയുള്ള വിദഗ്ധന്മാരുടെയും മുന് എന്ജിനീയര്മാരുടെയും അഭിമുഖങ്ങളിലൂടെയാണു പുരോഗമിക്കുന്നത്. ബോയിംഗിന്റെ 737 മാക്സ് എന്ന വിമാനത്തിന്റെ പിഴവുകളാണിതില് ചൂണ്ടിക്കാട്ടുന്നതെങ്കിലും ഇതേ കമ്പനിയുടെതന്നെ 787 വിമനങ്ങളിലെ സുരക്ഷാ പ്രശ്നങ്ങളും വീണ്ടും ചര്ച്ചയാകുന്നുണ്ട്. വിമാനക്കമ്പനി അമിത ലാഭമെടുക്കാനുള്ള ഓട്ടത്തിനിടെ പിഴവുകള് ചൂണ്ടിക്കാട്ടിയ എന്ജിനീയര്മാരെ തെറിപ്പിച്ചതും അമേരിക്കന് അന്വേഷണ ഏജന്സികളെ തെറ്റിദ്ധരിപ്പിച്ചതും ചില എന്ജിനീയര്മാര് ദുരൂഹ സാഹചര്യത്തില് മരിച്ചതുമൊക്കെ ചര്ച്ചയാക്കി. ഇന്ധനകാര്യക്ഷമതയ്ക്കും സുഖയാത്രയ്ക്കും പേരുകേട്ട ബോയിങ് 787 വിമാനങ്ങളില് ചില നിര്മാണപ്രശ്നങ്ങളുണ്ടെന്ന് കമ്പനിക്കകത്തെ പ്രമുഖ എന്ജിനീയര്മാര് തന്നെയാണ് ചൂണ്ടിക്കാട്ടിയത്. ഈ പിഴവുകള്…
Read More » -
പൈനാപ്പിള് വില റെക്കോര്ഡിലേക്ക്; ഒരെണ്ണത്തിന് 60 രൂപ
മൂവാറ്റുപുഴ: പൈനാപ്പിള് വില റെക്കോര്ഡിലേക്ക്. ബുധനാഴ്ച പൈനാപ്പിള് ഒരെണ്ണത്തിന് വില 60 രൂപയായി. വില തീരെ താഴ്ന്ന് ദിവസങ്ങള് കഴിയും മുമ്പാണ് വില കുതിച്ചുയര്ന്നത്. വില ഇനിയും വര്ധിക്കുമെന്നാണു സൂചന. പച്ചയ്ക്ക് 58 രൂപയായാണ് വര്ധിച്ചത്. ഉല്പ്പാദനത്തിലുണ്ടായ വലിയ കുറവും വിപണിയിലെ വന് ഡിമാന്ഡാണ് പൈനാപ്പിള് വില കുതിച്ചുയരാന് കാരണം. വിവിധ സംസ്ഥാനങ്ങളിലേക്ക് പൈനാപ്പിള് വലിയ തോതില് കയറ്റി പോകുന്നുമുണ്ട്. കാലാവസ്ഥ വ്യതിയാനം മൂലം പൈനാപ്പിള് മൂത്ത് പഴുക്കുന്നതിനു സാധാരണയിലും കൂടുതല് ദിവസം എടുത്തതു മൂലം മാര്ക്കറ്റില് പൈനാപ്പിള് എത്തുന്നതില് കുറവുണ്ടായതും വില വര്ധനക്കു കാരണമായി. വില വര്ധന കര്ഷകര്ക്ക് ആശ്വാസമായിട്ടുണ്ട്.
Read More » -
ഓഹരി വിപണിയിൽ മികച്ച ദീർഘകാല നിക്ഷേപങ്ങൾക്ക് എന്തൊക്കെ ചെയ്യണം..; കൊച്ചിയിൽ സെബി രജിസ്റ്റേർഡ് നിക്ഷേപ ഉപദേശക സ്ഥാപനം വസുപ്രദയുമായി പ്രഗല്ഭ പ്രഫഷണലുകൾ
കൊച്ചി: ഓഹരി മേഖലയിൽ വിദഗ്ധ മാർഗനിർദേശം നൽകാൻ കേരളത്തിലെ രണ്ടു പ്രശസ്ത ധനകാര്യ ഉപദേഷ്ടാക്കൾ ഒരുമിക്കുന്നു. പത്ര-മാസികകളിലെ ധനകാര്യ പംക്തികളിലൂടെ സുപരിചിതനായ ഓഹരി നിക്ഷേപ വിദഗ്ധൻ ജയ്ദീപ് മേനോനും പ്രശസ്ത ബാങ്കറും മൂലധനവിപണി വിദഗ്ധനുമായ ഡോ. നീലകണ്ഠൻ പിള്ളയുമാണു വസുപ്രദയുടെ സ്ഥാപകർ. സെബിയിൽ രജിസ്റ്റർ ചെയ്ത നിക്ഷേപ ഉപദേശ (ആർഐഎ) സ്ഥാപനമായ വസുപ്രദ ഇൻവെസ്റ്റ്മെൻ്റ് അഡ്വൈസറി സർവീസസ് പ്രൈവറ്റ് ലിമിറ്റഡിലാണ് പ്രമുഖ ധനകാര്യ പ്രഫഷണലുകൾ. കൊച്ചി ആസ്ഥാനമായ ഈ സ്ഥാപനം ഇന്ത്യയിലും വിദേശത്തും ഉള്ള നിക്ഷേപകർക്ക് സെബി നിഷ്കർഷിച്ചിട്ടുള്ള ഫീ അടിസ്ഥാനത്തിൽ ഓഹരി വിപണിയിൽ മികച്ച ദീർഘകാല നിക്ഷേപങ്ങൾക്ക് ഉപദേശം നൽകും. ഇടപാടുകാർ ഓരോരുത്തരുടെയും ആവശ്യത്തിന് ഉതകുന്ന നിക്ഷേപരീതി പരിചയപ്പെടുത്തുകയും സുതാര്യമായ ഉപദേശത്തിലൂടെ സമ്പാദ്യ വർധനയ്ക്കു സഹായിക്കുകയുമാണ് വസുപ്രദ ലക്ഷ്യമിടുന്നത്. ദശാബ്ദങ്ങൾ നീണ്ട അനുഭവസമ്പത്തും തത്ത്വാധിഷ്ഠിത സേവനങ്ങളും വഴി ഇരുവരും നിക്ഷേപ മേഖലയിൽ ഉള്ളവർക്കു സുപരിചിതരാണ്. ജയദീപ് മേനോൻ സെക്യൂരിറ്റീസ് മാർക്കറ്റ്സ് പഠനത്തിൽ ബിരുദാനന്തര ബിരുദധാരിയാണ്. മൂഡീസ് അനലിറ്റിക്സിൻ്റെ സിഐഡബ്ള്യുഎം അടക്കം…
Read More » -
നാര്ക്കോട്ടിക് കേസ് ജീവിതം തകര്ത്തു; അധ്വാനിച്ച് ജീവിച്ചിട്ടും ചിലര് വേട്ടയാടുന്നു; കഞ്ചാവ് വില്പനക്കാരെന്ന ആരോപണത്തിന് പിന്നാലെ വിശദീകരണവുമായി വ്ളോഗര് ദമ്പതികള്; ജീവിക്കാന് അനുവദിക്കണമെന്ന് ദര്ശന
തിരുവനന്തപുരം: ചിറയിൻകീഴില് വീട്ടിൽ അതിക്രമിച്ചുകയറി ഗര്ഭിണിയായ യുവതിയെ അടിക്കുകയും ഭർത്താവിനെ വെട്ടുകയും ചെയ്തെന്ന കേസില് കൂടുതല് വെളിപ്പെടുത്തലുമായി വ്ലോഗര്മാരായ ദമ്പതികള്. ആക്രമണത്തിന്റെ വിഡിയോ പോസ്റ്റ് ചെയ്തതിന് പിന്നാലെ ദമ്പതികള് കഞ്ചാവ് വില്പ്പനക്കാരാണെന്ന ആരോപണം ഉയര്ന്നിരുന്നു. ഇതിന് മറുപടിയുമായി ദര്ശന പിള്ള രംഗത്തുവന്നത്. തങ്ങള്ക്കെതിരെ 2022ല് ഒരു നാര്ക്കോട്ടിക് കേസ് ഉണ്ടായിരുന്നെന്നും അത് തങ്ങളുടെ ജീവിതം തകര്ത്തെന്നും ദര്ശന വ്യക്തമാക്കുന്നു. അതിന് ശേഷം അധ്വാനിച്ചാണ് ജീവിക്കുന്നതെന്നും എന്നാല് പഴയ കേസിന്റെ പേര് പറഞ്ഞ് പലരും ജീവിക്കാന് അനുവദിക്കാതെ വേട്ടയാടുകയാണെന്നും അവര് പറയുന്നു. പൊലീസ് കേസ് ഒത്തുതീര്പ്പാക്കണമെന്ന് പറഞ്ഞ് തങ്ങളെ ബന്ധപ്പെടുന്നുണ്ടെന്നും ഇവര് വെളിപ്പെടുത്തുന്നുണ്ട്. ദര്ശന പിള്ളയുടെ വാക്കുകള് ഞങ്ങള്ക്ക് 2022ല് ഒരു എന്.ഡി.പി.എസ് കേസുണ്ടായിരുന്നു. ഞങ്ങളുടെ ജീവിതവും കരിയറും വിദ്യാഭ്യാസവും എല്ലാം ഇല്ലാതാക്കിയ ഒരു കേസാണ് അത്. ആത്മഹത്യയുടെ വക്കില് എത്തിയിട്ട് ഞങ്ങള് ജീവിതം തുടങ്ങിയതാണ്. ഇന്ന് ഞങ്ങള് ഇവിടെ നിക്കുന്നത് ഞങ്ങളുടെ കഷ്ടപ്പാടിന്റെയും വിയര്പ്പിന്റെയും ഫലമാണ്. എന്റെ ഭര്ത്താവിനെ അടിച്ചതിന് ഞങ്ങള്…
Read More » -
സൊമാറ്റോയ്ക്കും സ്വിഗ്ഗിക്കും കടുത്ത വെല്ലുവിളി; റസ്റ്ററന്റുകാര്ക്കും കസ്റ്റമേഴ്സിനും സന്തോഷം; ഫുഡ് ഡെലിവറി രംഗത്തേക്ക് റാപ്പിഡോ; കച്ചവടക്കാരില് നിന്ന് കുറഞ്ഞ കമ്മീഷന്, ഡെലിവറി ചാര്ജ്; ജൂലൈ ആദ്യവാരം രംഗത്തേക്ക്
ഓണ്ലൈന് ഫുഡ് ഡെലിവറി രംഗത്ത് സൊമാറ്റോയുടെയും (zomato), സ്വിഗ്ഗി (swiggy) എന്നീ കമ്പനികളുടെ കുത്തകയാണ്. ചെറുകിട ഓണ്ലൈന് പ്ലാറ്റ്ഫോമുകള് ഓരോ നഗരങ്ങളിലും ഉണ്ടെങ്കിലും ഈ രംഗം നിയന്ത്രിക്കുന്നത് ഇരുകമ്പനികളുമാണ്. മത്സരത്തിലുണ്ടായിരുന്ന പല വന്കിട പ്ലാറ്റ്ഫോമുകളും പ്രവര്ത്തനം നിര്ത്തുകയോ ചുരുക്കുകയോ ചെയ്തതോടെ സ്വിഗ്ഗിക്കും സൊമാറ്റോയ്ക്കും കാര്യങ്ങള് എളുപ്പമായി. ഇരു കമ്പനികളും തുടര്ച്ചയായി വിവാദങ്ങളില് ഉള്പ്പെടുന്നത് സമീപകാലത്ത് വര്ധിച്ചിരുന്നു. റെസ്റ്റോറന്റുകളില് നിന്ന് തോന്നിയപോലെ കമ്മീഷന് പിടിക്കുന്നുവെന്ന ആരോപണവും ശക്തമാണ്. ഈ കമ്പനികള്ക്കെതിരേ ഭക്ഷണം വിതരണം ചെയ്യുന്നവരുടെ സമരങ്ങളും അടുത്തിടെ നടന്നിരുന്നു. ഇപ്പോഴിതാ ഓണ്ലൈന് ബൈക്ക് ടാക്സി രംഗത്തെ മുന്നിര കമ്പനിയായ റാപ്പിഡോ (rapido) ഫുഡ് ഡെലിവറി രംഗത്ത് കടുത്ത മത്സരത്തിന് തയാറെടുക്കുന്നു. റെസ്റ്റോറന്റുകളില് നിന്ന് വാങ്ങുന്ന കമ്മീഷന് നേര്പകുതിയായും ഫിക്സഡ് ഡെലിവറി ഫീസ് ഉള്പ്പെടുത്തിയും മത്സരത്തിന് കോപ്പുകൂട്ടുകയാണ് റാപ്പിഡോ. ഫുഡ് വിതരണത്തിനുള്ള പൈലറ്റ് പ്രോജക്ട് ജൂണ് അവസാനം അല്ലെങ്കില് ജൂലൈ ആദ്യം തുടങ്ങുമെന്നാണ് കമ്പനി വ്യക്തമാക്കിയിരിക്കുന്നത്. സ്വിഗ്ഗിക്കും സൊമാറ്റോയ്ക്കും കടുപ്പമാകും റെസ്റ്റോറന്റുകളില് നിന്ന് 16…
Read More » -
ഫുട്ബോള് ഗ്രൗണ്ടിന്റെ നാലുമടങ്ങ് വലുപ്പം; വിഴിഞ്ഞത്തേക്ക് മെരുക്കി അടുപ്പിച്ചത് മലയാളി; എം.എസ്.സി. ഐറീന തീരമണഞ്ഞു; അള്ട്രാ ലാര്ജ് വെസലുകളിലും ശേഷി തെളിയിച്ച് കേരളത്തിന്റെ തുറമുഖം
ലോകത്തിലെ ഏറ്റവും വലിയ ചരക്കുകപ്പലുകളിലൊന്നായ എം.എസ്.സി ഐറീന വിഴിഞ്ഞം അന്താരാഷ്ട്ര തുറമുഖത്തെത്തി. സൗത്തേഷ്യന് തുറമുഖങ്ങളില് എത്തിയതില് വെച്ചേറ്റവും വലിയ കപ്പലാണിത്. അള്ട്രാ ലാര്ജ് വെസലുകള് കൈകാര്യം ചെയ്യുന്നതില് വിഴിഞ്ഞം തുറമുഖത്തിന്റെ ശേഷിയാണ് ഇതിലൂടെ വിളിച്ചോതുന്നതെന്ന് തുറമുഖ വൃത്തങ്ങള് അറിയിച്ചു. നേരത്തെ കപ്പല് ഭീമന്മാരായ എം.എസ്.സി തുര്ക്കിയ, എം.എസ്.സി മിഷേല് കപ്പലേനി എന്നിവയും വിഴിഞ്ഞം തുറമുഖത്ത് എത്തിയിരുന്നു. കണ്ടെയ്നറുകള് വഹിക്കാനുള്ള ശേഷിയില് നിലവില് ലോകത്തിലേറ്റവും വലുതെന്ന ബഹുമതി ഐറീനക്ക് സ്വന്തമാണ്. 24,346 ടി.ഇ.യു (ട്വന്റി ഫൂട്ട് ഇക്ക്വലന്റ്) കണ്ടെയ്നര് വഹിക്കാന് ശേഷിയുണ്ട്. 399.9 മീറ്റര് നീളവും 61.3 മീറ്റര് വീതിയുമുണ്ട്. സാധാരണ ഫുട്ബോള് ഗ്രൗണ്ടിന്റെ നാല് മടങ്ങ് വലിപ്പമാണ് ഐറീനക്ക്. ഏഷ്യക്കും യൂറോപ്പിനും ഇടയില് വലിയ തോതിലുള്ള ചരക്കുനീക്കം സാധ്യമാക്കുകയാണ് ഐറീനയുടെ ദൗത്യം. ലോകത്തിലെ ഏറ്റവും വലിയ ഷിപ്പിംഗ് കമ്പനിയായ മെഡിറ്ററേനിയന് ഷിപ്പിംഗ് കമ്പനിയുടെ (എം.എസ്.സി) പ്രധാന ട്രേഡ് റൂട്ടുകളിലാണ് സര്വീസ് നടത്തുന്നത്. പുറംകടലില് കാത്തിരുന്ന കപ്പല് ഇന്ന് രാവിലെ എട്ടോടെയാണ് തീരമടുത്തത്.…
Read More » -
മലയാളി സംരംഭകൻ സിദ്ധാർത്ഥ് ബാലചന്ദ്രന് ജീവകാരുണ്യ പ്രവർത്തനങ്ങൾക്കുള്ള മുഹമ്മദ് ബിൻ റാഷിദ് അൽ മക്തൂം മെഡൽ
കൊച്ചി: ദുബായ് ആസ്ഥാനമായുള്ള പ്രവാസി ഇന്ത്യൻ നിക്ഷേപകനും പ്രമുഖ സംരംഭകനുമായ സിദ്ധാർത്ഥ് ബാലചന്ദ്രന് ദുബായ് ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മക്തൂം ‘മുഹമ്മദ് ബിൻ റാഷിദ് അൽ മക്തൂം മെഡൽ ഫോർ ഫിലാന്ത്രോപ്പി’ നൽകി ആദരിച്ചു. ജീവകാരുണ്യ-മാനുഷിക പ്രവർത്തനങ്ങളിൽ അദ്ദേഹം നൽകിയ മികച്ച സംഭാവനകളെ മാനിച്ച് കൊണ്ടാണ് ഈ അഭിമാനകരമായ പുരസ്കാരം. ദുബായ് ഇൻ്റർനാഷണൽ ഫിനാൻഷ്യൽ സെൻ്റർ (DIFC) ആസ്ഥാനമായുള്ള നിക്ഷേപ ഹോൾഡിംഗ് കമ്പനിയായ ബ്യൂമെർക്ക് കോർപ്പറേഷൻ്റെ എക്സിക്യൂട്ടീവ് ചെയർമാനും സിഇഒയുമാണ് തിരുവനന്തപുരം സ്വദേശിയായ സിദ്ധാർത്ഥ് ബാലചന്ദ്രൻ. കൊച്ചി ആസ്ഥാനമായി പ്രവർത്തിക്കുന്ന ബ്യൂമെർക്ക് ഇന്ത്യ ഫൗണ്ടേഷൻ ട്രസ്റ്റി കൂടിയാണ് അദ്ദേഹം. ഇന്ത്യയിലെയും മറ്റ് രാജ്യങ്ങളിലെയും ഓഹരി വിപണികളിൽ ശ്രദ്ധ കേന്ദ്രീകരിക്കുന്നതിനൊപ്പം തന്നെ, യുഎഇയിലും ഇന്ത്യയിലും സാമൂഹികവും പാരിസ്ഥിതികവുമായ മാറ്റങ്ങൾക്ക് അദ്ദേഹം സജീവമായി നേതൃത്വം നൽകുന്നുണ്ട്. പ്രവാസികൾക്കും ഓവർസീസ് സിറ്റിസൺസ് ഓഫ് ഇന്ത്യക്കാർക്കും നൽകുന്ന ഏറ്റവും ഉയർന്ന ഇന്ത്യൻ ബഹുമതിയായ പ്രവാസി ഭാരതീയ സമ്മാൻ അവാർഡ് 2023-ൽ സിദ്ധാർത്ഥ് ബാലചന്ദ്രന്…
Read More »