World
-
വീണ്ടും ഇന്ത്യയ്ക്ക് ആഘാതമായി ആകാശദുരന്തം ; തേജസ് വിമാനം തകര്ന്നതില് ഞെട്ടി ഇന്ത്യക്കാര് ; അട്ടിമറിയുണ്ടോ എന്ന ഭീതിയില് രാജ്യം ; അപകടം അട്ടിമറിയാണോ എന്ന് വ്യോമസേന അന്വേഷിക്കും
ദുബായ്: ദുബായിലെ എയര് ഷോയ്ക്കിടെ ഇന്ത്യന് വിമാനം തേജസ് തകര്ന്നുവീണതില് ഞെട്ടി ഇന്ത്യ. അഹമ്മദാബാദ് ആകാശദുരന്തത്തിന്റെ ആഘാതം വിട്ടൊഴിയും മുന്പുണ്ടായ തേജസ് വിമാനദുരന്തം ഇന്ത്യയ്ക്ക് താങ്ങാനാവാത്തതാണ്. എന്തെങ്കിലും അട്ടിമറി അപകടത്തിന് പിന്നിലുണ്ടോയെന്ന ഭീതിയിലാണ് ഇന്ത്യ. അഭ്യൂഹങ്ങളൊന്നും സ്ഥിരീകരിച്ചിട്ടില്ലെങ്കിലും അപകടം അട്ടിമറിയാണോ എന്ന് വ്യോമസേന അന്വേഷിക്കുമെന്ന് ഉന്നത വൃത്തങ്ങള് അറിയിച്ചിട്ടുണ്ട്. ഇന്നലെ ദുബായിയില് എയര്ഷോയ്ക്കിടെയാണ് ഇന്ത്യയെ ആകെ കണ്ണീരിലാഴ്ത്തിയ ആകാശദുരന്തമുണ്ടായത്. തേജസ് വിമാനം തകര്ന്നുവീണതില് അന്വേഷണം തുടങ്ങിക്കഴിഞ്ഞു ഇന്ത്യന് വ്യോമസേന. വിമാനദുരന്തത്തില് വീരമൃത്യു വരിച്ച ഹിമാചല് പ്രദേശ് കംഗ്ര സ്വദേശിയായ വ്യോമസേന വിംഗ് കമാന്ഡര് നമന്ഷ് സ്യാലിന്റെ ഭൗതികശരീരം ഇന്ന് ഡല്ഹിയിലെത്തിക്കും. ദുരന്തത്തിന്റെ കാരണത്തെ സംബന്ധിച്ച് വിശദാന്വേഷണം നടത്തുമെന്ന് വ്യോമസേന വ്യക്തമാക്കി. അപകടം സംബന്ധിച്ച് ചില വിവരങ്ങള് പുറത്തുവരുന്നുണ്ടെങ്കിലും അതൊന്നും തന്നെ വ്യോമസേന ഔദ്യോഗികമായി സ്ഥിരീകരിച്ചിട്ടില്ല. അപകടത്തിന് പിന്നില് അട്ടിമറി ഉണ്ടോ എന്നതില് പരിശോധന തുടരുന്നതായി പ്രതിരോധ മന്ത്രാലയ വൃത്തങ്ങള് വ്യക്തമാക്കി. സംഭവത്തില് കേന്ദ്ര പ്രതിരോധമന്ത്രി രാജ്നാഥ് സിങ്ങും സംയുക്ത സൈനിക…
Read More » -
റഷ്യ-യുക്രൈന് യുദ്ധം അവസാനിപ്പിക്കാനുള്ള ട്രംപിന്റെ പദ്ധതിയിലെ നിര്ദേശങ്ങള് പുറത്ത്; വന്തോതില് അതിര്ത്തി പ്രദേശങ്ങള് വിട്ടു കൊടുക്കണം; നാറ്റോ അംഗത്വവും ലഭിക്കില്ല; റഷ്യ 100 ബില്യണ് ഡോളര് കൈമാറണം; അംഗീകരിക്കാനാകില്ലെന്ന് സെലന്സ്കി
കീവ്: റഷ്യ-യുക്രൈന് യുദ്ധം അവസാനിപ്പിക്കാന് അമേരിക്കന് പ്രഡിഡന്റെ ഡൊണാള്ഡ് ട്രംപ് മുന്നോട്ടുവച്ച സമാധാന പദ്ധതി അംഗീകരിക്കാതെ യുക്രൈന്. യുദ്ധം അവസാനിപ്പിക്കാന് സമാധാന പദ്ധതിയുടെ 28 പോയിന്റ് കരാറിന് അമേരിക്കന് പ്രസിഡന്റ് ഡൊണാള്ഡ് ട്രംപ് അംഗീകാരം നല്കിയതായി എന്ബിസി റിപ്പോര്ട്ട് ചെയ്തിരുന്നു. കരാറില് തീരുമാനമായാല് ഇരു രാജ്യങ്ങളും തമ്മിലുള്ള യുദ്ധം അവസാനിക്കുമെന്നാണ് നയതന്ത്ര വിദഗ്ധരുടെ കണക്കുകൂട്ടല്. എന്നാല് റഷ്യയുമായുള്ള യുദ്ധം അവസാനിപ്പിക്കാനുള്ള അമേരിക്കന് നീക്കം അസംബന്ധമാണെന്ന് ആഞ്ഞടിച്ച് യുക്രെയ്ന് രംഗത്തെത്തിയതോടെ ട്രംപിന്റെ നീക്കത്തിന് തിരിച്ചടിയായിരിക്കുകയാണ്. ട്രംപിന്റെ പ്രതിനിധികള് മുന്നോട്ടുവച്ച 28 നിബന്ധനകളടങ്ങിയ കരട് അംഗീകരിക്കുന്നത് റഷ്യയ്ക്കു മുന്നില് കീഴടങ്ങുന്നതിന് തുല്യമാണെന്ന് യുക്രെയ്ന് പറയുന്നത്. യുക്രെയ്നുമായി സംസാരിക്കാതെ, റഷ്യയുടെ താല്പ്പര്യമനുസരിച്ചുള്ള ഡീലാണ് യുഎസ് തയാറാക്കിയത് എന്നാണ് യുക്രൈന് വിദേശകാര്യ പാര്ലമെന്ററി കമ്മിറ്റി ചെയര്മാന് ഒലക്സാന്ഡര് മെറേഷ്കോ തുറന്നടിച്ചത്. യുക്രെയ്നിലെ യുദ്ധം അവസാനിപ്പിക്കാന് റഷ്യക്ക് ഭൂമി വിട്ടുകൊടുക്കാനും കീവിന്റെ സൈന്യത്തിന്റെ വലുപ്പം പരിമിതപ്പെടുത്താനും യുഎസ് തയ്യാറാക്കിയ കരടില് വ്യവസ്ഥ ചെയ്യുന്നുണ്ടെന്നാണ് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നത്.…
Read More » -
മുകളില് മുസ്ലിം പള്ളിയും സ്കൂളും ആശുപത്രിയും; 25 മീറ്റര് താഴെ ഏഴു കിലോമീറ്റര് നീളത്തില് ഹമാസിന്റെ കൂറ്റന് തുരങ്കം; കടന്നു പോകുന്നത് റാഫയിലെ ജനവാസ കേന്ദ്രത്തിലൂടെ; അറ്റാച്ച്ഡ് ബാത്ത്റൂമുകള് ഉള്പ്പെടെ 80 മുറികള്; പൊളിച്ച് ഇസ്രയേല്
ഗാസ: ഗാസമുനമ്പില് ഹമാസിന്റെ കൂറ്റന് രഹസ്യ ഒളിത്താവളം കണ്ടെത്തി ഇസ്രയേല്. 25 മീറ്റര് താഴ്ചയില് നിര്മിച്ച തുരങ്കത്തിന് ഏഴു കിലോമീറ്ററാണ് നീളം. 80 മുറികളും ഈ രഹസ്യ തുരങ്കത്തില് ഐഡിഎഫ് കണ്ടെത്തി. 2014ലെ ഇസ്രയേല്ഹമാസ് സംഘര്ഷത്തിനിടെ കൊല്ലപ്പെട്ട ലഫ്റ്റനന്റ് ഗോള്ഡ്വിനിന്റെ മൃതദേഹാവിശിഷ്ടം സൂക്ഷിച്ചിരുന്നത് ഇവിടെയായിരുന്നു. സമൂഹമാധ്യമമായ എക്സിലൂടെയാണ് ഐഡിഎഫ് രഹസ്യകേന്ദ്രത്തിന്റെ വിഡിയോ പുറത്തുവിട്ടത്. റാഫയിലെ ജനവാസ കേന്ദ്രത്തിനടിയിലൂടെയാണ് തുരങ്കം നിര്മിച്ചിരിക്കുന്നത്. പലസ്തീന് അഭയാര്ഥികള്ക്കായി യുഎന് നിര്മിച്ച കേന്ദ്രവും മോസ്കുകള്, ക്ലിനിക്കുകള്, ചെറിയ കുട്ടികള്ക്കായുള്ള സ്കൂളുകള് എന്നിവയും കൂറ്റന് തുരങ്കത്തിന് മുകളിലായുണ്ട്. ആയുധങ്ങള് സൂക്ഷിക്കാനും രഹസ്യ യോഗങ്ങള് ചേരാനും ആക്രമണ പദ്ധതികള്ക്ക് രൂപം നല്കാനും ഒളിച്ച് താമസിക്കാനുമെല്ലാമായാണ് ഇവിടം ഉപയോഗിച്ചിരുന്നതെന്നാണ് കരുതുന്നത്. ⭕️ EXPOSED: A 7+ kilometer Hamas tunnel route that held Lt. Hadar Goldin. IDF troops uncovered one of Gaza’s largest and most complex underground routes, over 7 km long,…
Read More » -
എഐ സുന്ദരിയായ കാമുകിയെ ഉപയോഗിച്ച് റഷ്യന് ഉദ്യോഗസ്ഥനെ വകവരുത്താന് ശ്രമം ; കഴിക്കുന്നതിന് തൊട്ടുമുമ്പ് രക്ഷപ്പെടുത്തി ; നല്കിയത് 20 മിനിറ്റിനുള്ളില് മരണം വരെ സംഭവിക്കാന് കഴിവുള്ള വിഷം
റഷ്യന് പ്രതിരോധ മന്ത്രാലയത്തിലെ ഒരു ഉന്നത ഉദ്യോഗസ്ഥനെ ഓണ്ലൈന് പ്രണയിനി നല്കിയ സമ്മാനം എന്ന വ്യാജേന വിഷം നല്കി വകവരുത്താനുള്ള ഗൂഢാലോചന തകര്ത്തതായി റഷ്യയുടെ ഫെഡറല് സെക്യൂരിറ്റി സര്വീസ് (എഫ്എസ്ബി) അറിയിച്ചു. എഫ്എസ്ബിയുടെ അഭിപ്രായത്തില്, അന്വേഷകര് ബ്രിട്ടീഷ് നിര്മ്മിത നാഡീവിഷമായ വിഎക്സിന്റെ രൂപം കലര്ത്തിയെന്ന് പറയുന്ന ബിയര് കഴിക്കുന്നതില് നിന്ന് ഉദ്യോഗസ്ഥന് തലനാരിഴയ്ക്ക് രക്ഷപ്പെട്ടു. ഈ വിഷം 20 മിനിറ്റിനുള്ളില് മരണം വരെ സംഭവിക്കാന് കഴിവുള്ളതാണ്. ഉദ്യോഗസ്ഥന് കുടിക്കാന് കഴിയുന്നതിനുമുമ്പ് ബോട്ടിലുകള് പിടിച്ചെടുത്തു, കൂടാതെ ഡൊനെറ്റ്സ്ക് പീപ്പിള്സ് റിപ്പബ്ലിക്കിലെ (ഡിപിആര്) ഒരു താമസക്കാരനെ കസ്റ്റഡിയിലെടുത്തു. മാസങ്ങള്ക്ക് മുമ്പ് ഒരു ഓണ്ലൈന് ആപ്ലിക്കേഷനില് ‘പോളിന’ എന്ന സ്ത്രീയെ പരിചയപ്പെട്ടപ്പോഴാണ് സംഭവങ്ങളുടെ തുടക്കമെന്ന് ഉദ്യോഗസ്ഥന് റഷ്യന് മാധ്യമങ്ങളോട് പറഞ്ഞു. അവരുടെ സംഭാഷണങ്ങള് ഉടന് തന്നെ ടെലിഗ്രാമിലേക്ക് മാറി, അവിടെ പോളിന സ്ഥിരമായി തന്റെ ഫോട്ടോകളും വീഡിയോകളും അയച്ചിരുന്നു. ‘അവള് ജിമ്മില് നിന്നുള്ള ഫോട്ടോകളും വീഡിയോകളും പലതവണ എനിക്ക് അയച്ചുതന്നു, എല്ലാം ഏകദേശം ഒരേപോലെയായിരുന്നു. ഞങ്ങളുടെ…
Read More » -
പാക്കിസ്ഥാനില് നിന്ന് ഡ്രോണ് ഉപയോഗിച്ച് ഇന്ത്യയിലേക്ക് ആയുധക്കടത്ത് കൂടി ; രാജ്യസുരക്ഷയ്ക്ക് അതിതീവ്ര അപകടം ; ലോക്കല് ഗുണ്ടാസംഘങ്ങള്ക്ക് വരെ പാക് ബന്ധങ്ങള് ; ഡിസംബര് ആറ് സുരക്ഷിതമായി മറികടക്കാന് രാജ്യമെങ്ങും അതീവ ജാഗ്രതയും കനത്ത സുരക്ഷയും
ന്യൂഡല്ഹി: പാക്കിസ്ഥാനില് നിന്ന് ഡ്രോണ് ഉപയോഗിച്ച് ഇന്ത്യയിലേക്കുള്ള ആയുധക്കടത്ത് കൂടുന്നു. പഞ്ചാബില് നിന്ന് കഴിഞ്ഞ ദിവസം പിടികൂടിയ ആയുധങ്ങള് ഡ്രോണ് വഴി പാക്കിസ്ഥാനില് നിന്നും എത്തിയതാണെന്ന് സ്ഥിരീകരിച്ചിട്ടുണ്ട്. പോലീസുമായുള്ള ഏറ്റുമുട്ടലില് കൊല്ലപ്പെട്ട ഗുണ്ടാനേതാവിന്റെ കൈവശമാണ് പാക് നിര്മിത ആയുധങ്ങള് കണ്ടെത്തിയത്. നേരത്തെയും പഞ്ചാബ് അതിര്ത്തിയില് നിന്ന് ഇത്തരത്തില് ഡ്രോണ് വഴി എത്തിച്ച ആയുധങ്ങള് പിടികൂടിയിരുന്നു. ഇന്ത്യന് ഗ്രാമങ്ങളിലെ ഗുണ്ടാ സംഘങ്ങള്ക്കു വരെ തോക്കും അനുബന്ധ ആയുധങ്ങളും പാക്കിസ്ഥാന് എത്തിച്ചുകൊടുക്കുന്നുവെന്നത് ഞെട്ടിപ്പിക്കുന്ന സംഭവമാണ്. നേരത്തെ തീവ്രവാദ പ്രവര്ത്തനങ്ങളില് ഏര്പ്പെട്ടിരിക്കുന്നവര്ക്ക് പാക്കിസ്ഥാനില് നിന്നും മറ്റും ആയുധങ്ങള് ലഭിക്കാറുണ്ടായിരുന്നുവെങ്കിലും ഇന്ത്യയിലെ ചെറിയ ഗുണ്ടാ സംഘങ്ങള്ക്ക് വരെ പാക് ആയുധങ്ങളെത്തുന്നുവെന്നത് രാജ്യസുരക്ഷയ്ക്ക് തന്നെ വലിയ അപകടമാണെന്ന് ചൂണ്ടികാണിക്കപ്പെടുന്നു. കാശ്മീരിലും ഡ്രോണ് വഴി ആയുധങ്ങള് തീവ്രവാദികള്ക്ക് എത്തിച്ചുകൊടുത്ത സംഭവങ്ങള് റിപ്പോര്ട്ടു ചെയ്തിരുന്നു. മയക്കുമരുന്ന് കടത്തിന് ഡ്രോണ് ഉപയോഗിക്കുന്നത് വ്യാപകമായതിനു പിന്നാലെയാണ് ദേശവിരുദ്ധ പ്രവര്ത്തനങ്ങള്ക്ക് ഡ്രോണ് പാക്കിസ്ഥാന് ഉപയോഗിക്കുന്നത്. ആയുധങ്ങള് പല കഷ്ണങ്ങളായാണ് ഡ്രോണ് വഴി ഇന്ത്യയിലേക്കും ആവശ്യമുള്ള രാജ്യങ്ങളിലേക്കും…
Read More » -
തായ്വാന് ആക്രമിക്കാന് ചൈനയുടെ നീക്കം? ചരക്കു കപ്പലുകള് ഉപയോഗിച്ചുള്ള സൈനിക പരിശീലനത്തിന്റെ ഞെട്ടിക്കുന്ന റിപ്പോര്ട്ട് പുറത്തുവിട്ട് റോയിട്ടേഴ്സ്; തുറമുഖമില്ലാതെ യുദ്ധ വാഹനങ്ങളും ഒറ്റയടിക്കു ലക്ഷക്കണക്കിന് സൈനികരെയും ഇറക്കാം; 48 മണിക്കൂറില് തായ്വാന്റെ പ്രതിരോധം തകര്ക്കും
ബീജിംഗ്: തായ്വാനെ ആക്രമിക്കുകയെന്നതു ലക്ഷ്യമിട്ടു ചൈന സിവിലിയന് കപ്പല്നിര സജ്ജമാക്കുന്നെന്ന് റിപ്പോര്ട്ട്. ചൈനയുടെ സാധാരണ കപ്പല്നിരകളെ യുദ്ധക്കപ്പലുകളാക്കി മാറ്റി ‘നിഴല് സൈന്യ’ത്തെ രൂപീകരിക്കുകയാണു ചൈന ചെയ്യുന്നതെന്നു റോയിട്ടേഴ്സിന്റെ അന്വേണത്തില് കണ്ടെത്തി. സാറ്റലൈറ്റ് ചിത്രങ്ങളും കപ്പല് ഗതാഗതത്തിലെ വിവരങ്ങളും അടക്കം ഉള്പ്പെടുത്തി വിശദമായ റിപ്പോര്ട്ടാണു പുറത്തുവിട്ടിരിക്കുന്നത്. ചൈന തായ്വാനിനെതിരെ ഒരു പൂര്ണ്ണമായ സൈനിക ആക്രമണം നടത്തിയാല് അത് രണ്ടാം ലോകമഹായുദ്ധത്തിലെ നോര്മാണ്ടി ലാന്ഡിങിനെക്കാള് വലിയ തോതിലുള്ള ആംഫിബിയസ് (കര-കടല്) ഓപ്പറേഷനായിരിക്കുമെന്ന് റോയിട്ടേഴ്സിന്റെ പുതിയ അന്വേഷണം വ്യക്തമാക്കുന്നു. ഇതിനായി ചൈനയുടെ പീപ്പിള്സ് ലിബറേഷന് ആര്മി (പിഎല്എ) സാധാരണ വ്യാപാര കപ്പലുകളെ കാര് ഫെറികളും കണ്ടെയ്നര് ഷിപ്പുകളും യുദ്ധോപകരണങ്ങള് കൊണ്ടുപോകാനും തീരത്ത് നേരിട്ട് സൈനികരെയും ടാങ്കുകളെയും ഇറക്കാനും പരിശീലിപ്പിക്കുകയാണ്. ഇതിനെ ‘ഷാഡോ നേവി’ അഥവാ നിഴല് നാവികസേന എന്നാണ് വിദഗ്ധര് വിശേഷിപ്പിക്കുന്നത്. ഔദ്യോഗിക കപ്പലുകള് മതിയാവില്ല പീപ്പിള്സ് ലിബറേഷന് ആര്മിയുടെ ഔദ്യോഗിക കടല്-കര ലാന്ഡിങ് കപ്പലുകള് കൊണ്ട് ഒറ്റത്തവണ 20,000 സൈനികരെ മാത്രമേ തായ്വാന് തീരത്തെത്തിക്കാന്…
Read More » -
ഒടുവില് സാഷ്ടാംഗം നമിക്കുന്നോ? ഹൂത്തികളെ ഉപയോഗിച്ച് സൗദിയെ ആക്രമിച്ച ഇറാന് ഒടുവില് അമേരിക്കയുമായുള്ള ചര്ച്ചയ്ക്കു സഹായിക്കണമെന്ന് ആവശ്യപ്പെട്ട് സല്മാന് രാജകുമാരന് കത്തയച്ചു; നീക്കത്തിനു പിന്നില് ഇസ്രയേല് വീണ്ടും ആക്രമിക്കുമെന്ന ഭയവും; മസൂദ് പെഷസ്കിയാന്റെ കത്തിലെ വിവരം സ്ഥിരീകരിച്ച് ഇറാനിയന് വിദേശകാര്യ മന്ത്രാലയം
ദുബായ്: ആണവ ചര്ച്ചകള് പുനരാരംഭിക്കാന് അമേരിക്കയുടെമേല് സമ്മര്ദം ചെലുത്തണമെന്ന് ആവശ്യപ്പെട്ട് ഇറാന് സൗദി ഭരണാധികാരിക്കു കത്തയച്ചെന്നു റിപ്പോര്ട്ട്. ഐക്യരാഷ്ട്ര സഭയുടെ ഉപരോധവും നിസഹകരണവും വലയ്ക്കുന്ന ഇറാന്റെ ഭാഗത്തുനിന്നുള്ള നിര്ണായക നീക്കമായി ഇതിനെ വിലയിരുത്തുന്നെന്നു റോയിട്ടേഴ്സ് റിപ്പോര്ട്ട് ചെയ്തു. ആണവ ചര്ച്ചകള് പുനരാരംഭിക്കുന്നതിനൊപ്പം ഇസ്രയേല് വീണ്ടും ആക്രമിക്കാനുള്ള സാധ്യത ഒഴിവാക്കുകയുമാണ് കത്തിലൂടെ ലക്ഷ്യമിടുന്നത്. സൗദി രാജകുമാരനായ മുഹമ്മദ് ബിന് സല്മാന്റെ അമേരിക്കന് സന്ദര്ശനത്തിന് ഒരു ദിവസം മുനപാണ് ഇറാന് പ്രസിഡന്റ് മസൂദ് പെഷസ്കിയാന് കത്തയച്ചതെന്ന് ഇറാനിയന്- സൗദി മാധ്യമങ്ങളെ ഉദ്ധരിച്ചുള്ള റിപ്പോര്ട്ടില് പറയുന്നു. യുദ്ധകാലത്ത് അമേരിക്കയ്ക്കും ഇസ്രയേലിനുമെതിരേ നിരന്തരം വെല്ലുവിളികള് മുഴക്കിയിരുന്ന ഇറാന്റെ നയപരമായ മാറ്റമായിട്ടാണ് ഇതിനെ വിലയിരുത്തുന്നത്. ഇറാന്റെ പരമോന്നത നേതാവ് അയത്തൊള്ള ഖമേനിയുടെ അറിവോടെയാണോ കത്ത് എന്നതു വ്യക്തമല്ല. ‘ഇറാന് ഇനിയൊരു സംഘര്ഷത്തിനു താത്പര്യമില്ല. മേഖലയില് കൂടുതല് സഹകരണവും ആണവ പ്രശ്നങ്ങളുമായി ബന്ധപ്പെട്ട പ്രശ്ന പരിഹാരവുമാണ് ആഗ്രഹിക്കുന്നത്. നയതന്ത്രപരമായ അവകാശങ്ങള് നടപ്പാക്കണമെന്നും’ കത്തില് ആവശ്യപ്പെടുന്നു. ഉഭയകക്ഷി ബന്ധം മെച്ചപ്പെടുത്തുകയെന്നത് ഉദ്ദേശിച്ചുള്ള…
Read More » -
ഓപ്പറേഷന് സിന്ദൂറിന് ശേഷം നരേന്ദ്രമോദി വിളിച്ചു, ഓപ്പറേഷന് സിന്ദൂറിന് ശേഷം ‘യുദ്ധം വേണ്ടെന്ന്’ പറഞ്ഞു ; തീരുവകൂട്ടി ഇന്ത്യാ പാക് സംഘര്ഷം അവസാനിപ്പിച്ചെന്ന അവകാശവാദവുമായി വീണ്ടും ട്രംപ്
ഓപ്പറേഷന് സിന്ദൂറിന് ശേഷം ‘യുദ്ധം വേണ്ടെന്ന്’ പ്രധാനമന്ത്രി മോദി തന്നോട് പറഞ്ഞതായി അമേരിക്കന് പ്രസിഡന്റ് ഡൊണാള്ഡ് ട്രംപ്. യുഎസ് പ്രസിഡന്റ് ഡൊണാള്ഡ് ട്രംപ് ഓപ്പറേഷന് സിന്ദൂറിന് ശേഷം ഇന്ത്യയും പാകിസ്താനും തമ്മിലുള്ള സംഘര്ഷം 350% തീരുവ ഭീഷണിപ്പെടുത്തി താന് ‘ഒത്തുതീര്പ്പാക്കി’ എന്ന വിവാദപരമായ അവകാശവാദം വീണ്ടും ഉന്നയിച്ചു. ഇന്ത്യ-പാക് യുദ്ധം തടഞ്ഞത് താനാണെന്ന് അവകാശപ്പെട്ട ട്രംപ് പ്രധാനമന്ത്രി നരേന്ദ്ര മോദി തന്നെ വിളിക്കുകയും സംഘര്ഷത്തില് നിന്ന് ഇന്ത്യ ‘പിന്മാറുകയാണെന്ന്’ അറിയിക്കുകയും ചെയ്തുവെന്ന് വ്യക്തമാക്കി. ഇത്തരമൊരു അസാധാരണമായ അവകാശവാദം ട്രംപ് ഉന്നയിക്കുന്നത് ഇത് ആദ്യമായല്ല. ട്രംപിന്റെ അവകാശവാദങ്ങള് ഇന്ത്യ ആവര്ത്തിച്ച് തള്ളിക്കളഞ്ഞുവെങ്കിലും, തര്ക്കം ‘പരിഹരിച്ചതിന്റെ’ ഖ്യാതി യുഎസ് പ്രസിഡന്റ് തുടര്ന്നും അവകാശപ്പെടുന്നു. സൗദി കിരീടാവകാശി മുഹമ്മദ് ബിന് സല്മാന് പങ്കെടുത്ത യുഎസ്-സൗദി നിക്ഷേപ ഫോറത്തില് സംസാരിക്കവെയായിരുന്നു ട്രംപിന്റെ അവകാശവാദം. രണ്ട് ആണവായുധ രാജ്യങ്ങളോടും താന് പറഞ്ഞത് ഇങ്ങനെയാണെന്ന് ട്രംപ് അവകാശപ്പെട്ടു: ‘നിങ്ങള്ക്ക് യുദ്ധം ചെയ്യാം, പക്ഷേ ഞാന് ഓരോ രാജ്യത്തിനും 350% തീരുവ…
Read More » -
ലോകത്തെ ഏറ്റവും വലിയ ലൈംഗിക പീഡനക്കേസിന്റെ രഹസ്യ വിവരങ്ങള് പുറത്തേക്ക്; എപ്സ്റ്റൈന് ഫയല് ബില്ലില് ട്രംപ് ഒപ്പിട്ടു; നടപടിക്കു പിന്നില് കടുത്ത രാഷ്ട്രീയ സമ്മര്ദം; എപ്സ്റ്റൈന്റെ വീട്ടില് ട്രംപ് ചെലവഴിച്ചെന്ന ആരോപണത്തിനും തീരുമാനമാകും
ന്യൂയോര്ക്ക്: അമേരിക്കയെയും ലോകത്തെ തന്നെയും നടുക്കിയ ലൈംഗിക കുറ്റവാളി ജെഫ്രി എപ്സ്റ്റൈനുമായി ബന്ധപ്പെട്ട അതീവ രഹസ്യ ഫയലുകൾ പുറത്തുവിടാനുള്ള ബില്ലിൽ ഒപ്പുവെച്ചതായി പ്രഖ്യാപിച്ച് യുഎസ് പ്രസിഡന്റ് ഡൊണാൾഡ് ട്രംപ്. എപ്സ്റ്റൈന് ഫയലുകളെല്ലാം പരസ്യമാക്കാന് ഭരണകൂടത്തോട് നിർദ്ദേശിക്കുന്ന ബില്ലിൽ ഒപ്പുവെച്ചതായി ട്രംപ് ട്രൂത്ത് സോഷ്യലിലൂടെയാണ് ട്രംപ് അറിയിച്ചത്. ഇതോടെ കേസുമായി ബന്ധപ്പെട്ട ഫയലുകളും അന്വേഷണത്തെക്കുറിച്ചുള്ള എല്ലാ വിവരങ്ങളും പൊതുജനങ്ങൾക്ക് ലഭിക്കുന്ന വിധത്തിൽ ഒരുമാസത്തിനുള്ളില് നീതിന്യായ വകുപ്പ് പുറത്തുവിടും. ‘ഡെമോക്രാറ്റുകള്ക്ക് എപ്സ്റ്റൈനുമായുണ്ടായിരുന്ന ബന്ധത്തെക്കുറിച്ചുള്ള സത്യം ഉടൻ വെളിപ്പെടും, എപ്സ്റ്റൈന് ഫയലുകൾ പുറത്തിറക്കാനുള്ള ബില്ലിൽ ഞാൻ ഒപ്പുവച്ചു’- എന്നായിരുന്നു ട്രംപിന്റെ കുറിപ്പ്. ‘നമ്മുടെ ഭരണ നേട്ടങ്ങളിൽ നിന്ന് ശ്രദ്ധ തിരിക്കാൻ വേണ്ടി, റിപ്പബ്ലിക്കൻ പാർട്ടിയേക്കാൾ, ഡെമോക്രാറ്റുകളെ ബാധിക്കുന്ന എപ്സ്റ്റൈന് വിഷയം ഡെമോക്രാറ്റുകൾ ഉപയോഗിച്ചു’ എന്നും ട്രംപ് കൂട്ടിച്ചേർത്തു. അതേസമയം നേരത്തെ എപ്സ്റ്റൈന് ഫയലുകൾ പുറത്തുവിടുന്നതിനെ എതിർത്തിരുന്ന ട്രംപ്, ഡെമോക്രാറ്റുകളിൽ നിന്നുള്ള രാഷ്ട്രീയ സമ്മർദ്ദത്തിന് വഴങ്ങിയാണ് ബില്ലിൽ ഒപ്പുവെച്ചത്. ട്രംപ് – എപ്സ്റ്റൈന് ബന്ധം…
Read More » -
പഞ്ചാബില് പോലീസ് വധിച്ച ഗുണ്ടയ്ക്ക് പാക് ബന്ധമെന്ന് സംശയം ; പാക് നിര്മിത തോക്കുകള് കണ്ടെത്തി ; പാക്കിസ്ഥാനിലെ രഹസ്യാന്വേഷണ ഏജന്സികളുമായി ബന്ധമെന്ന് പോലീസ്
ചാണ്ഡീഗഢ് : പഞ്ചാബില് പോലീസ് ഏറ്റുമുട്ടലില് കൊല്ലപ്പെട്ട ഗുണ്ടയ്ക്ക് പാക് ബന്ധമെന്ന് സംശയത്തില് അന്വേഷണ ഏജന്സികള്. ഗുണ്ടാ നേതാവായ ഹര്ജിന്ദര് ഹാരിയാണ് പഞ്ചാബ് പോലീസുമായുള്ള ഏറ്റുമുട്ടലില് കൊല്ലപ്പെട്ടത്. ഇയാള്ക്ക് പാക്കിസ്ഥാനിലെ രഹസ്യാന്വേഷണ ഏജന്സിയുമായി ബന്ധമുണ്ടെന്നാണ് സംശയം. വിദേശത്തുള്ള ഗുണ്ടാസംഘങ്ങളുമായി ബന്ധമുള്ള ഇയാളുടെ പക്കല് നിന്ന് പാക് നിര്മിതമെന്ന് സംശയിക്കുന്ന തോക്കുകള് കണ്ടെടുത്തു. ഈയിടെ ജയിലില് നിന്നിറങ്ങിയ ഇയാള് ഒരാളെ കൊല്ലാന് ശ്രമിക്കുമ്പോഴാണ് പോലീസുമായി ഏറ്റുമുട്ടലുണ്ടായതെന്ന് അമൃത്സര് കമ്മീഷണര് അറിയിച്ചു. കൊല്ലപ്പെട്ട ഹര്ജിന്ദര് ഹാരിയുടെ ഫോണുകള് പരിശോധിച്ചതില് ഐഎസ്ഐയുമായും വിദേശത്തുള്ള ഗുണ്ടാ നേതാക്കളുമായും ബന്ധമുണ്ടെന്ന് കണ്ടെത്തിയെന്നും പോലീസ് പറയുന്നു. കൊല്ലപ്പെട്ടയാള് അഞ്ച് ഗുരുതര ക്രിമിനല് കേസുകളില് പ്രതിയാണ്. പാക് നിര്മിതമെന്ന് സംശയിക്കുന്ന 2 തോക്കുകളം ഇയാളുടെ പക്കല് നിന്ന് കണ്ടെത്തിയിട്ടുണ്ട്. മൃതദേഹം പഞ്ചാബിലെ ഗുരു നാനാക് ദേവ് ആശുപത്രിയിലേക്ക് മാറ്റി. ഏറ്റുമുട്ടല് സ്ഥലത്ത് നിന്നാണ് രണ്ട് പിസ്റ്റളുകള് പിടിച്ചെടുത്തതെന്ന് പോലീസ് പറഞ്ഞു. കൊല്ലപ്പെട്ട ഗുണ്ടാ നേതാവിനൊപ്പം വാഹനത്തില് ഉണ്ടായിരുന്ന അട്ടാരി സ്വദേശി സണ്ണി…
Read More »