India
-
ബോംബ് ഭീഷണി; ആകാശത്ത് യു ടേണ് അടിച്ച് ലുഫ്താന്സ വിമാനം; ജര്മനിയിലേക്ക് തിരികെ പറന്നു; ഹൈദരാബാദില് ഇറങ്ങാന് അനുവദിച്ചില്ലെന്ന് വിമാനക്കമ്പനി; നിഷേധിച്ച് അധികൃതര്
ബെര്ലിൻ : ഞായറാഴ്ച ജര്മനിയിലെ ഫ്രാങ്ക്ഫര്ട്ടിൽ നിന്ന് ഹൈദരാബാദിലേക്ക് പുറപ്പെട്ട ലുഫ്താൻസ വിമാനം( LH752) യാത്ര റദ്ദാക്കി ഫ്രാങ്ക്ഫര്ട്ടിലേക്ക് തിരികെ പറന്നു. ബോംബ് ഭീഷണിയെ തുടര്ന്നാണ് വിമാനം തിരികെ പറന്നതെന്നാണ് റിപ്പോര്ട്ട്. ജർമനിയിൽ നിന്ന് പറന്നുയർന്ന് കുറച്ചു സമയത്തിന് ശേഷം വിമാനം ഫ്രാങ്ക്ഫർട്ടിലേക്ക് മടങ്ങുകയാണെന്ന് രാജീവ് ഗാന്ധി അന്താരാഷ്ട്ര വിമാനത്താവളത്തിലെ എയർ ട്രാഫിക് കൺട്രോളിന് (എടിസി) സന്ദേശം ലഭിച്ചു. flightaware.com എന്ന വെബ്സൈറ്റ് പ്രകാരം, LH752 എന്ന വിമാനം ഫ്രാങ്ക്ഫർട്ടിൽ നിന്ന് ഉച്ചയ്ക്ക് 2:15 ന് പുറപ്പെട്ടു. തിങ്കളാഴ്ച രാവിലെ 6:00 ന് ഹൈദരാബാദിൽ ഇറങ്ങുമെന്നാണ് ആദ്യം പ്രതീക്ഷിച്ചിരുന്നത്.ബോയിംഗ് 787-9 ഡ്രീംലൈനർ വിമാനമാണെന്നാണ് വെബ്സൈറ്റിൽ പറയുന്നത്. “ഹൈദരാബാദിൽ ഇറങ്ങാൻ ഞങ്ങൾക്ക് അനുമതി ലഭിച്ചില്ല, അതുകൊണ്ടാണ് വിമാനം യു-ടേൺ എടുത്ത് തിരിച്ചുപോയത്,” ലുഫ്താൻസ എയർലൈൻസ് എഎൻഐയോട് വ്യക്തമാക്കി. എന്നാൽ ഇന്ത്യൻ വ്യോമാതിർത്തിക്ക് പുറത്തായിരിക്കെ ബോംബ് ഭീഷണി ലഭിച്ചതിനാൽ വിമാനം ജർമ്മനിയിലേക്ക് തിരിച്ചുപോയതായി ഹൈദരാബാദ് വിമാനത്താവളത്തിലെ ഒരു ഉദ്യോഗസ്ഥൻ സ്ഥിരീകരിച്ചു. ജൂൺ 13 ന്…
Read More » -
ഖൊമേനിയെ വധിക്കാനുള്ള പദ്ധതി തടഞ്ഞത് ഡോണള്ഡ് ട്രംപ്; ഇറാനിലെ ലക്ഷ്യങ്ങളുടെ നീണ്ട പട്ടിക ഇസ്രയേലിന്റെ പക്കലെന്നും അമേരിക്കന് ഉദ്യോഗസ്ഥര്; എണ്ണപ്പാടം തകര്ത്തതിനു പിന്നില് രണ്ടു കാരണങ്ങള്; തിരിച്ചടിയില് ഇസ്രായേലിലും വന് നാശം; 22 മിസൈലുകള് അയണ് ഡോം മറികടന്നു
വാഷിംഗ്ടണ്/ജെറുസലേം/ദുബായ്: ഇറാന്റെ പരമോന്നത നേതാവ് അയൊത്തൊള്ള ഖൊമേനിയെ വധിക്കാനുള്ള ഇസ്രയേലിന്റെ നീക്കം അമേരിക്കന് പ്രസിഡന്റ് ഡോണള്ഡ് ട്രംപ് വീറ്റോ ചെയ്തെന്നു വെളിപ്പെടുത്തല്. ആക്രമണത്തിനു മുന്നോടിയായി ഇക്കാര്യം ചര്ച്ചയില്വന്നപ്പോഴാണ് ട്രംപിന്റെ നടപടിയെന്നും അമേരിക്കന് ഭരണകൂടത്തിലുള്ള രണ്ട് ഉദ്യോഗസ്ഥരെ ഉദ്ധരിച്ചു റോയിട്ടേഴ്സ് റിപ്പോര്ട്ട് ചെയ്തു. ഞായാറാഴ്ചയും ഇരു രാജ്യങ്ങള്ക്കുമിടയില് ശക്തമായ ആക്രമണം തുടര്ന്നു. അമേരിക്കന് കേന്ദ്രങ്ങളൊന്നും ആക്രമിക്കരുതെന്നും മറിച്ചായാല് യുദ്ധം പെട്ടെന്ന് അവസാനിപ്പിക്കാന് അറിയായെന്നും ട്രംപ് ഇറാനു മുന്നറിയിപ്പ് നല്കി. ഇറാനികള് ഇതുവരെ അമേരിക്കക്കാരനെ കൊന്നിട്ടില്ലെന്നും അവര് അത്തരമൊരു നടപടിക്കു മുതിരുന്നതുവരെ രാഷ്ട്രീയ നേതൃത്വത്തെ പിന്തുടരുന്നതിനെക്കുറിച്ച് ആലോചിക്കുന്നില്ലെന്നും മുതിര്ന്ന അമേരിക്കന് ഉദ്യോഗസ്ഥന് പറഞ്ഞു. ഇറാനിലെ ലക്ഷ്യങ്ങളുടെ ഒരു നീണ്ട പട്ടിക ഇസ്രായേലിന് ഇപ്പോഴുമുണ്ട്. എത്രകാലം തുടരുമെന്ന കാര്യം പറയാന് കഴിയില്ല. ഞായറാഴ്ച ആക്രമിക്കപ്പെട്ട ഇന്ധന മേഖല ഒരേസമയം സൈന്യത്തെയും ന്യൂക്ലിയര് ഓപ്പറേഷനെയും സഹായിക്കുന്നതാണ്. ഒപ്പം ആകാശത്തുവച്ചു ഇന്ധനം നിറയ്്ക്കാന് ഉപയോഗിക്കുന്ന വിമാനത്തെയും തകര്ത്തെന്ന് ഇസ്രായേല് അവകാശപ്പെടുന്നു. We are the ones standing between…
Read More » -
സാക്ഷിമൊഴി ഹിന്ദിയില്; മയക്കുമരുന്ന് കേസിലെ പ്രതിയെ തമിഴ്നാട്ടിലെ കോടതി വെറുതെവിട്ടു
ചെന്നൈ: നിര്ണായക തെളിവായ സാക്ഷിമൊഴി ഹിന്ദിയില് സമര്പ്പിച്ചതിനെത്തുടര്ന്ന് മയക്കുമരുന്നു കേസ് പ്രതിയെ തമിഴ്നാട്ടിലെ കോടതി വെറുതേവിട്ടു. ഇംഗ്ലീഷോ തമിഴോ തര്ജമയില്ലാതെ സമര്പ്പിച്ച മൊഴി വായിച്ചു മനസ്സിലാക്കാനാവില്ലെന്നതും അന്വേഷണത്തിലെ പാളിച്ചകളും ചൂണ്ടിക്കാണിച്ചാണ് മയക്കുമരുന്നു കേസുകള് കൈകാര്യം ചെയ്യുന്ന ചെന്നൈയിലെ പ്രത്യേക കോടതി ജഡ്ജി എസ്. ഗോവിന്ദരാജന് പ്രതിയെ കുറ്റവിമുക്തനാക്കിയത്. കൂറിയറില് അയച്ച പാവകള്ക്കുള്ളില് 4.6 കിലോഗ്രാം ഹാഷിഷ് ഒളിച്ചുകടത്തിയെന്ന കേസില് നര്കോട്ടിക്സ് കണ്ട്രോള് ബ്യൂറോ (എന്സിബി) അറസ്റ്റുചെയ്ത കൊല്ക്കത്ത സ്വദേശി നാഗ് നാരായണ് പ്രസാദാണ് പ്രോസിക്യൂഷന്റെ വീഴ്ചകാരണം ശിക്ഷയില്നിന്ന് രക്ഷപ്പെട്ടത്. ചെന്നൈയ്ക്കടുത്ത് ഇക്കാട്ടുതങ്കളില്നിന്ന് 2021-ലാണ് ബംഗാളിയായ ഒരാളുടെ വിലാസത്തില് അയക്കാന് നല്കിയ കൂറിയറില്നിന്ന് മയക്കുമരുന്നു കണ്ടെത്തിയത്. എക്സ്റേ പരിശോധനയില് സംശയം തോന്നിയതിനെത്തുടര്ന്ന് എന്സിബി വിദഗ്ധപരിശോധന നടത്തി, ഹാഷിഷാണെന്ന് സ്ഥിരീകരിച്ചു. കൂറിയര് സ്ഥാപനത്തിലെ രഞ്ജിത് സിങ് എന്നയാളുടെ മൊഴി പ്രകാരമാണ് നാഗ് നാരായണ് പ്രസാദിനെ അറസ്റ്റുചെയ്തത്. കൂറിയര് അയച്ചത് ഇയാളാണെന്നാണ് മൊഴിയെങ്കിലും രസീതില് പ്രസാദിന്റെ പേരോ വിലാസമോ ഇല്ലായിരുന്നു. സിസിടിവി ദൃശ്യങ്ങള് ഹാജരാക്കിയെങ്കിലും അത്…
Read More » -
എയര് ഇന്ത്യ വിമാന ദുരന്തം: ബോയിംഗ് ഡ്രീംലൈനറിന്റെ അറ്റകുറ്റപ്പണി നടത്തിയത് തങ്ങളല്ലെന്ന് തുര്ക്കി കമ്പനി; ആരോപണങ്ങള് അടിസ്ഥാന രഹിതം; ‘ആരാണു നടത്തിയത് എന്നറിയാം, അതേക്കുറിച്ച് പറയുന്നില്ല’; സെലബി ഏവിയേഷനെ വിലക്കിയതിനു പിന്നാലെ വീണ്ടും ആരോപണം
ന്യൂഡല്ഹി: അഹമ്മദാബാദില് വന് ദുരന്തത്തിന് ഇടയാക്കിയ എയര് ഇന്ത്യ വിമാനത്തിന്റെ അറ്റകുറ്റപ്പണിയില് വീഴ്ച വരുത്തിയെന്ന ആരോപണം നിഷേധിച്ച് തുര്ക്കി. ബോയിംഗ് 787-8 ഡ്രീം ലൈനറിന്റെ അറ്റകുറ്റപ്പണിയില് തങ്ങളുടെ കമ്പനിക്കു പങ്കില്ലെന്ന് തുര്ക്കിയിലെ കമ്മ്യൂണിക്കേഷന്സ് സെന്റര് ഫോര് കൗണ്ടറിംഗ് ഡിസ്ഇന്ഫോര്മേഷന് അറിയിച്ചു. ഇന്ത്യ- തുര്ക്കി ബന്ധം വഷളാക്കുന്നതിന് ഉദ്യേശിച്ചുള്ള പ്രചാരണമാണെന്നും തകര്ന്നുവീണ വിമാനം തുര്ക്കിഷ് കമ്പനിയാണു പരിപാലിച്ചതെന്ന വാദം തെറ്റാണെന്നും അവര് പറഞ്ഞു. ലണ്ടനിലേക്കുള്ള എയര് ഇന്ത്യ വിമാനം അഹമ്മദാബാദില് തകര്ന്ന് 241 പേര് കൊല്ലപ്പെട്ടതിനു പിന്നാലെയാണു തുര്ക്കിക്കെതിരേ ആരോപണം ഉയര്ന്നത്. ഇതിനു പിന്നാലെ ‘എക്സി’ല് വിശദീകരണവുമായി കമ്പനി രംഗത്തെത്തുകയായിരുന്നു. The claim that ‘the maintenance of the Boeing 787-8 passenger aircraft was carried out by Turkish Technic’ following the crash of an Air India passenger aircraft during take-off is false. The claim that the crashed aircraft was…
Read More » -
‘വരാനിരിക്കുന്നതു വച്ചുനോക്കിയാല് ഇപ്പോള് സംഭവിച്ചത് ഒന്നുമല്ല; അയൊത്തൊള്ളയുടെ എല്ലാ കേന്ദ്രങ്ങളും തകര്ക്കും’; സംയമന ആഹ്വാനങ്ങള് തള്ളി ഇസ്രയേല്; സംഘര്ഷം ആഴ്ചകള് നീണ്ടേക്കും; ഹമാസിനെയും ഹിസ്ബുള്ളയെയും ആദ്യം തകര്ത്തത് ഇറാന്റെ ചിറകരിയാന്; മിസൈലുകള് പ്രതിരോധിക്കാന് അമേരിക്കന് സഹായം
ജറുസലേം/ദുബായ്: അയൊത്തൊള്ള ഖൊമേനി ഭരണകൂടത്തിന്റെ എല്ലാ കേന്ദ്രങ്ങളെയും ഞങ്ങള് ലക്ഷ്യമിടുമെന്നും ഇപ്പോള് അവര് അറിഞ്ഞ കാര്യങ്ങളെക്കാള് രൂക്ഷമാണു വരാനിരിക്കുന്നതെന്നും ഇസ്രായേല് പ്രധാനമന്ത്രി ബെഞ്ചമിന് നെതന്യാഹു. ഇറാന്റെ ആണവ പദ്ധതികളെ വര്ഷങ്ങള് പിന്നോട്ടടിക്കാന് കഴിഞ്ഞു. ആക്രമണങ്ങള് കൂടുതല് ശക്തമാക്കുമെന്നു പറഞ്ഞ നെതന്യാഹു, സംയമനം പാലിക്കാനുള്ള ആഹ്വാനങ്ങള് തള്ളിക്കളഞ്ഞു. ഇറാനിലുടനീളം ഇസ്രയേലിന്റെ ഇന്റലിജന്സ് നെറ്റ്വര്ക്ക് പ്രവര്ത്തിക്കുന്നുണ്ടെന്നാണ് ഏറ്റവുമൊടുവിലത്തെ ആക്രമണം വ്യക്തമാക്കുന്നത്. ഇസ്രായേല് ഫൈറ്റര് ജെറ്റുകള് ഇറാന്റെ ആകാശം കടക്കുന്നതിനുമുമ്പ് ഇറാനില് സ്ഥാപിച്ചിരുന്ന ഡ്രോണുകള് അവരുടെ മിസൈല് പ്രതിരോധ സംവിധാനങ്ങളെയാകെ തകര്ത്തിരുന്നു. യാതൊരു പ്രതിരോധവും നേരിടാതെയാണ് ഇസ്രായേല് പോര് വിമാനങ്ങള് ഇറാന്റെ ആകാശം കടന്നത്. ഇതു വ്യക്തമാക്കുന്ന വീഡിയോകളും ഇസ്രയേല് ഡിഫന് ഫോഴ്സ് (ഐഡിഎഫ്) പുറത്തുവിട്ടിട്ടുണ്ട്. Iran posted this video to show the world how powerful they are. We showed the world what happens when you mistake propaganda for strength. The Iranian Chief of…
Read More » -
ഫാല്ക്കണ് റോക്കറ്റിലെ പിഴവു കണ്ടെത്തിയത് ഐഎസ്ആര്ഒ; ആദ്യം സ്പേസ് എക്സ് അവഗണിച്ചു; ഓക്സിജന് ചോര്ച്ച പരിഹരിച്ചത് ശുഭാംശുവിനെ പിന്വലിക്കുമെന്ന് അറിയിച്ചപ്പോള്; വിക്ഷേപണം മാറ്റിയത് ഐഎസ്ആര്ഒ ചെയര്മാന്റെ ഇടപെടലില്; ഒഴിവായത് വന് ബഹിരാകാശ ദുരന്തം; ഞെട്ടിച്ച് വെളിപ്പെടുത്തല്
ന്യൂഡല്ഹി: ഇന്ത്യയുടെ ശുഭാന്ഷു ശുക്ല ഉള്പ്പെടെ ബഹിരാകാശ യാത്രികരെ ബഹിരാകാശ നിലയത്തിലേക്ക് കൊണ്ടുപോകുന്ന സ്പേസ് എക്സിന്റെ ഫാല്ക്കണ് റോക്കറ്റിലെ ഗുരുതര വീഴ്ച കണ്ടെത്തിയത് ഐഎസ്ആര്ഒ. ഓക്സിഡൈസര് ലൈനില് വിള്ളല് കണ്ടെത്തിയത് ഒഴിവാക്കിയത് വന് ദുരന്തം. ഐഎസ്ആര്ഒ ചെയര്മാന് ഡോ. വി. നാരായണന് കൃത്യമായ പരിശോധന ആവശ്യപ്പെട്ടതിനു പിന്നാലെയാണു തകരാര് കണ്ടെത്തിയത്. ആക്സിയം-4 ദൗത്യത്തിന്റെ ഭാഗമായി നാല് ബഹിരാകാശ യാത്രികരെയാണു ഫാല്ക്കണ്-9 റോക്കറ്റില് ബഹികാശത്ത് എത്തിക്കുന്നത്. അവിടെ 14 ദിവസം ചെലവഴിച്ചു പരിശോധനകളും പരീക്ഷണങ്ങളും നടത്തുകയാണു പദ്ധതി. ചോര്ച്ചയടക്കമുള്ള പ്രശ്നങ്ങള് പരിഹരിച്ച സാഹചര്യത്തില് ജൂണ് 19ന് ദൗത്യം നടക്കുമെന്ന് ഐഎസ്ആര്ഒ അറിയിച്ചു. ഇതിനുമുമ്പ് അഞ്ചുവട്ടമാണ് ദൗത്യം മാറ്റിവച്ചത്. ദ്രവീകൃത ഇന്ധനം പെട്ടെന്നു തീപിടിക്കുമെന്നതിനാല് തകരാര് കണ്ടെത്തിയിരുന്നില്ലെങ്കില് പറന്നുയരുന്ന ഉടന്തന്നെ വലിയ ദുരന്തമുണ്ടാകുമായിരുന്നെന്ന് സുരക്ഷ വിലയിരുത്തിയ വിദഗ്ധര് ദേശീയ മാധ്യമങ്ങളോടു പറഞ്ഞു. പറന്നുയരാന് നിശ്ചയിച്ചതിന് ഒരു ദിവസംമുമ്പാണ് ഫാല്ക്കണ് റോക്കറ്റിന്റെ ബൂസ്റ്ററില് ലിക്വിഡ് ഓക്സിജന് ചോര്ച്ച കണ്ടെത്തിയത്. നവീകരണ സമയത്തു ബൂസ്റ്റര് പൂര്ണമായും നന്നാക്കിയിട്ടില്ലെന്നും…
Read More » -
നീറ്റ് യുജി പരീക്ഷയിൽ ഒന്നാമത് രാജസ്ഥാൻ സ്വദേശി മഹേഷ് കുമാർ, ആദ്യ പത്തിൽ ഒരു പെൺകുട്ടി മാത്രം, മലയാളികളിൽ ദീപ്നിയ ഡിബിയ മുന്നിൽ
ന്യൂഡൽഹി: നീറ്റ് യുജി പരീക്ഷാ ഫലം പ്രഖ്യാപിച്ചു. രാജസ്ഥാൻ സ്വദേശി മഹേഷ് കുമാർ ഒന്നാമതെത്തിയപ്പോൾ ആദ്യ പത്ത് റാങ്കിൽ ഒരു പെൺകുട്ടി മാത്രമാണുൾപ്പെട്ടത്. അതേസമയം കേരളത്തിൽ നിന്ന് ആരും ആദ്യ നൂറിൽ ഉൾപ്പെട്ടില്ല. കേരളത്തിൽ നിന്ന് പരീക്ഷയെഴുതിയ 73328 പേർ അടക്കം 1236531 വിദ്യാർഥികൾ ഉപരിപഠനത്തിന് യോഗ്യത നേടി മലയാളികളിൽ കോഴിക്കോട് നിന്ന് പരീക്ഷയെഴുതിയ ദീപ്നിയ ഡിബിയാണ് ഒന്നാമതെത്തിയത്. 109ാം റാങ്കാണ് അഖിലേന്ത്യാ തലത്തിൽ ദീപ്നിയ നേടിയത്. പാലാ ബ്രില്യൻ്റ് സ്റ്റഡി സെൻ്ററിലെ വിദ്യാർഥിനിയായിരുന്നു ദീപ്നിയ. ആകെ 2209318 പേരാണ് ഇത്തവണ നീറ്റ് പരീക്ഷയെഴുതിയത്. മധ്യപ്രദേശിൽ നിന്നുള്ള ഉത്കർഷ് അവധിയ രണ്ടാം റാങ്ക് നേടി. മഹാരാഷ്ട്രയിൽ നിന്നുള്ള കൃഷ്ണ ജോഷിക്കാണ് മൂന്നാം റാങ്ക്. അഖിലേന്ത്യാ തലത്തിൽ അഞ്ചാം റാങ്ക് നേടിയ ദില്ലി സ്വദേശി അവിക അഗർവാളാണ് പെൺകുട്ടികളിൽ ഒന്നാമതെത്തിയത്. പെൺകുട്ടികളിൽ അഖിലേന്ത്യാ തലത്തിൽ 18ാം സ്ഥാനത്താണ് മലയാളിയായ ദീപ്നിയ ഡിബി. പരീക്ഷയെഴുതിയ മൂന്ന് ലക്ഷത്തിലേറെ വിദ്യാർഥികൾക്ക് 140 നും 200നും ഇടയിൽ…
Read More » -
അറസ്റ്റിനിടെ ഓസ്ട്രേലിയന് പോലീസ് കഴുത്തില് മുട്ടുവച്ച് അമര്ത്തി; കോമയിലായ ഇന്ത്യന് വംശജന് ദാരുണാന്ത്യം; പോലീസിന്റെ ആക്രമണത്തില് തലച്ചോര് പൂര്ണമായും തകര്ന്നു; അറസ്റ്റ് നീക്കം ഭാര്യയുമായുള്ള തര്ക്കത്തിനിടെ; ഭാര്യതന്നെ പകര്ത്തിയ ദൃശ്യം പോലീസിന് തിരിച്ചടി
മെല്ബണ്: ഓസ്ട്രേലിയന് പൊലീസിന്റെ അതിക്രമത്തിനിരയായ ഇന്ത്യന് വംശജന് തലച്ചോര് തകര്ന്ന് ദാരുണാന്ത്യം. രണ്ടാഴ്ച്ച മുന്പാണ് പൊലീസിന്റെ ആക്രമണത്തിനിരയായ ഇന്ത്യന് വംശജന് കോമയിലേക്ക് മാറിയത്. അറസ്റ്റ് ചെയ്യുന്നതിനിടെയാണ് അഡ്ലെയ്ഡ് പൊലീസ് ഉദ്യോഗസ്ഥൻ 42കാരനായ ഗൗരവ് കന്റിയുടെ കഴുത്തിൽ മുട്ടുവച്ച് അമർത്തിയത്. ഒപ്പമുണ്ടായിരുന്ന ഭാര്യ ചിത്രീകരിച്ച ദൃശ്യങ്ങള് വ്യാപകമായി പ്രചരിച്ചിരുന്നു. അഡ്ലെയ്ഡ് പൊലീസിന്റെ ആക്രമണത്തില് കന്റിയുടെ തലച്ചോറ് പൂര്ണമായും തകര്ന്നുവെന്നാണ് മെഡിക്കല് റിപ്പോര്ട്ട്. രണ്ടാഴ്ചയോളമായി ജീവൻ രക്ഷാ ഉപകരണങ്ങളുടെ സഹായത്തോടെയാണ് ജീവൻ നിലനിർത്തിയിരുന്നത്. മേയ് 29നായിരുന്നു റോയസ്റ്റൺ പാർക്കിലെ പെയ്ൻഹാം റോഡിൽ വെച്ച് ഭാര്യ അമൃത് പാല് കൗറുമായുളള തര്ക്കത്തിനിടെ കന്റിയെ പൊലീസ് അറസ്റ്റ് ചെയ്യാന് ശ്രമിച്ചത്. പൊലീസ് കന്റിയെ നിലത്തേക്ക് തള്ളിയിടുന്നതും കഴുത്തില് കാല്വച്ചമര്ത്തുന്നതും ഭാര്യ വിഡിയോയില് പകര്ത്തി. അതിക്രമം രൂക്ഷമായപ്പോഴാണ് താന് വിഡിയോ ചിത്രീകരിച്ചതെന്നാണ് അമൃത്പാല് കൗര് പറഞ്ഞത്. ഗൗരവ് മദ്യപിച്ചിരുന്നുവെന്നും അറസ്റ്റിനെ ചെറുത്തുവെന്നും ഗാർഹിക പ്രശ്നങ്ങളാണ് പൊലീസ് ഇടപെടാൻ കാരണമെന്നും ഉദ്യോഗസ്ഥർ പറയുന്നു. അതേസമയം ഗൗരവ് മദ്യപിക്കുകയും ഉച്ചത്തിൽ സംസാരിക്കുകയും…
Read More » -
241 പേരും മരണത്തിനു കീഴടങ്ങിയപ്പോൾ വിശ്വാസ് കുമാറിനെ മാത്രം രക്ഷപ്പെടുത്തിയ ആ 11 A സീറ്റിൻറെ പ്രത്യേകതകൾ അറിയാം
അഹമ്മദാബാദ്: അഹമ്മദാബാദിൽ യാത്രക്കാരും ജീവനക്കാരും ഉൾപ്പെടെ 242 പേരുമായി തകർന്നു വീണ എയർ ഇന്ത്യ വിമാനത്തിൽ നിന്നും അത്ഭുതകരമായി ഒരാൾ മാത്രമാണ് രക്ഷപ്പെട്ടത്. ബ്രിട്ടീഷ് പൗരത്വമുള്ള വിശ്വാസ് കുമാർ ആയിരുന്നു ആ ലക്കിമാൻ. ലോകം മുഴുവൻ അദ്ഭുതത്തോടെയാണ് ഇപ്പോൾ വിശ്വാസിനെ നോക്കുന്നത്. എന്നാൽ എമർജൻസി ഡോറിന് സമീപമുള്ള സീറ്റിൽ ഇരുന്നതാണ് ഈ അത്ഭുത രക്ഷപ്പെടലിന് കാരണമെന്നാണ് വിദഗ്ദർ പറയുന്നതി. കാരണം 11 A എന്ന സീറ്റ് വിമാനത്തിലെ സ്പെഷ്യൽ സീറ്റാണ്. വിമാനത്തിൽ 11 എന്ന സീറ്റ് നിര ഏറെ പ്രധാനമാണ്. ഈ നിരയിലെ രണ്ട് വശത്തും എമർജൻസി വാതിലുണ്ട് എന്നാതാണ് ഇതിന്റെ വലിയ പ്രത്യേകത. ഇരു ഭാഗത്തും ചിറകിന് മുകളിലേക്ക് ഈ എമർജൻസി എക്സിറ്റ് തുറക്കാം. വിമാനത്തിൽ തീപിടിത്തം അടക്കം എന്തെങ്കിലും അപകടമുണ്ടായാൽ രക്ഷപ്പെടാനാണ് ഈ പ്രത്യേക സംവിധാനം. ഫ്ലൈറ്റ് നിയമം അനുസരിച്ച് ഈ സീറ്റിൽ യാത്രക്കാരില്ലാതെ പറക്കാൻ കഴിയില്ല. എന്തെങ്കിലും എമർജൻസി ഉണ്ടായാൽ ഡോർ തുറക്കാനാണ് ആ സീറ്റിൽ യാത്രക്കാരെ…
Read More » -
രാഹുലിന്റെ ‘പെട്ടി’ വിടാതെ പോലീസ്, തങ്ങൾ പെട്ടെന്ന് എംപിമാരായി പൊട്ടി മുളച്ചതല്ല- ഷാഫി പറമ്പിൽ, ആസൂത്രിത നീക്കമെന്ന് സണ്ണി ജോസഫ്, പാലക്കാടെ പെട്ടി വിവാദം നിലമ്പൂരിലും
നിലമ്പൂർ: പാലക്കാട് ഉപതിരഞ്ഞെടുപ്പിലെ പെട്ടി വിവാദം നിലമ്പൂരിലും പൊങ്ങുന്നു. ഷാഫി പറമ്പിൽ എംപിയും രാഹുൽ മാങ്കൂട്ടത്തിൽ എംഎൽഎയും ലീഗ് നേതാവ് പികെ ഫിറോസും സഞ്ചരിച്ച വാഹനത്തിലെ ട്രോളി ബാഗുകൾ വെള്ളിയാഴ്ച രാത്രി പോലീസ് പരിശോധിച്ചു. ഷാഫിയുടെ വാഹനത്തിലാണ് പരിശോധന നടത്തിയത്. നേതാക്കൾ പ്രചാരണം കഴിഞ്ഞ് മടങ്ങുമ്പോൾ പോലീസ് വാഹനം തടയുകയായിരുന്നു. അതേസമയം വാഹനം പരിശോധിക്കാൻ ഷാഫി പറമ്പിൽ പോലീസിനോട് നിർദേശിച്ചു. തങ്ങൾ പെട്ടെന്ന് എംപിമാരായി പൊട്ടി മുളച്ചതല്ലെന്നു ഷാഫി പറയുന്നതും വീഡിയോയിൽ കാണാം. ഷാഫിയുടെയും രാഹുലിന്റെയും പെട്ടികൾ പരിശോധിച്ചെങ്കിലും ഒന്നും കണ്ടെത്താനായില്ല. നിലമ്പൂർ വടപുറത്തായിരുന്നു പരിശോധന. പോലീസ് പരിശോധനയിൽ പെട്ടിയിൽ വസ്ത്രങ്ങളും പുസ്തകങ്ങളുമാണ് കണ്ടെത്താനായത്. ആസൂത്രിതമായ സംഭവമാണെന്ന് കെപിസിസി പ്രസിഡന്റ് സണ്ണി ജോസഫ് പ്രതികരിച്ചു. സാധാരണ ജനപ്രതിനിധികളെ പുറത്തിറക്കി പെട്ടി പരിശോധിക്കാറില്ല. പാലക്കാട് ഉപതിരഞ്ഞെടുപ്പിൽ ചീറ്റിപ്പോയ അടവാണിത്. സർക്കാരിന്റെ ഒത്താശയോടെ ചെയ്തതാണ്. യുഡിഎഫ് നേതാക്കളുടെ പെട്ടികൾ മാത്രമാണ് പോലീസ് പരിശോധിക്കുന്നത്. പോലീസ് അവഹേളിതരാകുകയാണെന്നും സണ്ണി ജോസഫ് പറഞ്ഞു. അതേസമയം തിരഞ്ഞെടുപ്പ് കാലത്ത്…
Read More »