‘വരാനിരിക്കുന്നതു വച്ചുനോക്കിയാല്‍ ഇപ്പോള്‍ സംഭവിച്ചത് ഒന്നുമല്ല; അയൊത്തൊള്ളയുടെ എല്ലാ കേന്ദ്രങ്ങളും തകര്‍ക്കും’; സംയമന ആഹ്വാനങ്ങള്‍ തള്ളി ഇസ്രയേല്‍; സംഘര്‍ഷം ആഴ്ചകള്‍ നീണ്ടേക്കും; ഹമാസിനെയും ഹിസ്ബുള്ളയെയും ആദ്യം തകര്‍ത്തത് ഇറാന്റെ ചിറകരിയാന്‍; മിസൈലുകള്‍ പ്രതിരോധിക്കാന്‍ അമേരിക്കന്‍ സഹായം
ജറുസലേം/ദുബായ്: അയൊത്തൊള്ള ഖൊമേനി ഭരണകൂടത്തിന്റെ എല്ലാ കേന്ദ്രങ്ങളെയും ഞങ്ങള്‍ ലക്ഷ്യമിടുമെന്നും ഇപ്പോള്‍ അവര്‍ അറിഞ്ഞ കാര്യങ്ങളെക്കാള്‍ രൂക്ഷമാണു വരാനിരിക്കുന്നതെന്നും ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു. ഇറാന്റെ ആണവ പദ്ധതികളെ വര്‍ഷങ്ങള്‍ പിന്നോട്ടടിക്കാന്‍ കഴിഞ്ഞു. ആക്രമണങ്ങള്‍ കൂടുതല്‍ ശക്തമാക്കുമെന്നു പറഞ്ഞ നെതന്യാഹു, സംയമനം പാലിക്കാനുള്ള ആഹ്വാനങ്ങള്‍ തള്ളിക്കളഞ്ഞു.
ഇറാനിലുടനീളം ഇസ്രയേലിന്റെ ഇന്റലിജന്‍സ് നെറ്റ്‌വര്‍ക്ക് പ്രവര്‍ത്തിക്കുന്നുണ്ടെന്നാണ് ഏറ്റവുമൊടുവിലത്തെ ആക്രമണം വ്യക്തമാക്കുന്നത്. ഇസ്രായേല്‍ ഫൈറ്റര്‍ ജെറ്റുകള്‍ ഇറാന്റെ ആകാശം കടക്കുന്നതിനുമുമ്പ് ഇറാനില്‍ സ്ഥാപിച്ചിരുന്ന ഡ്രോണുകള്‍ അവരുടെ മിസൈല്‍ പ്രതിരോധ സംവിധാനങ്ങളെയാകെ തകര്‍ത്തിരുന്നു. യാതൊരു പ്രതിരോധവും നേരിടാതെയാണ് ഇസ്രായേല്‍ പോര്‍ വിമാനങ്ങള്‍ ഇറാന്റെ ആകാശം കടന്നത്. ഇതു വ്യക്തമാക്കുന്ന വീഡിയോകളും ഇസ്രയേല്‍ ഡിഫന്‍ ഫോഴ്‌സ് (ഐഡിഎഫ്) പുറത്തുവിട്ടിട്ടുണ്ട്.
Iran posted this video to show the world how powerful they are.
We showed the world what happens when you mistake propaganda for strength.The Iranian Chief of Staff and Commander of the IRGC featured in this Iranian propaganda video have been eliminated and the site has been… pic.twitter.com/LyavG6W2Jk
— Israel Defense Forces (@IDF) June 14, 2025
ടെഹ്റാനില് വ്യാപാര സമുച്ചയത്തിനുനേരെയുണ്ടായ ആക്രമണത്തില്‍ ഇരുപതു കുട്ടികള്‍ ഉള്‍പ്പെടെ അറുപതോളംപേര്‍ കൊല്ലപ്പെട്ടെന്നാണു ഇറാനിയന്‍ ടിവി റിപ്പോര്‍ട്ട് ചെയ്തു. 150ല്‍ അധികം ലക്ഷ്യങ്ങളിലാണ് ആക്രമണം നടത്തിയത്. ഇതിനു തിരിച്ചടിയെന്നോണം ഇറാനില്‍നിന്നു മിസൈലുകളുടെ തിരമാലയുണ്ടായി. ഇവയെ തടയാന്‍ പ്രതിരോധ മിസൈലുകള്‍ ഉപയോഗിച്ചെന്ന് ഇസ്രയേല്‍ ഉദ്യോഗസ്ഥന്‍ പറഞ്ഞു. അമേരിക്കയും ഇറാന് മിസൈലുകള്‍ വെടിവച്ചിടാന്‍ സഹായിച്ചു.
ഇസ്രായേലിന്റെ ആക്രമണങ്ങളെ അമേരിക്കന്‍ പ്രസിഡന്റ് ഡോണള്‍ഡ് ട്രംപ് ‘എക്‌സലന്റ്’ എന്നാണു പ്രശംസിച്ചത്. ഇറാന് ആണവ പദ്ധതികള്‍ ഉപേക്ഷിക്കാന്‍ തയാറായില്ലെങ്കില്‍ ഇപ്പോള്‍ നടന്നതിലും വലുതുണ്ടാകുമെന്നും ട്രംപ് പറഞ്ഞു. ആക്രമണം ആഴ്ചകള്‍ നീണ്ടുനില്‍ക്കുമെന്ന് ഇസ്രയേല്‍ വ്യക്തമാക്കിയിട്ടുണ്ട് ഇസ്ലാമിക ഭരണകൂടത്തിനെതിരേ ജനങ്ങളെ പ്രതിഷേധിക്കാന്‍ പ്രേരിപ്പിക്കുകയും ചെയ്തു.
From nuclear sites to air defense systems, we’ve dismantled some of Iran’s most dangerous military assets.
Here’s a breakdown of the key targets struck across Iran: pic.twitter.com/ppRJzwW8uz
— Israel Defense Forces (@IDF) June 14, 2025
തിരിച്ചടിക്കുമെന്ന് ഇറാന് ആവര്‍ത്തിച്ചു പറയുന്നതിനിടെ മിസൈലുകള്‍ വര്‍ഷിക്കുന്നുണ്ടെങ്കിലും ഇറാന്റെ നിഴലായി പ്രവര്‍ത്തിച്ചിരുന്ന ഹമാസിനെയും ലെബനനിലെ ഹിസ്ബുള്ളയെയും ആദ്യംതന്നെ ഇസ്രായേല്‍ നിരായുധരാക്കിയത് ഇറാന് പ്രതികാരത്തിനുള്ള മാര്‍ഗങ്ങളെ പിന്നോട്ടടിച്ചിട്ടുണ്ട്. വളരെക്കാലമായി നടക്കുമെന്നു കരുതിയ കാര്യങ്ങള്‍ സംഭവിച്ചതില്‍ ഗള്‍ഫ് രാജ്യങ്ങളും ആശങ്ക പങ്കുവച്ചിട്ടുണ്ട്. എണ്ണവിലയും കുത്തനെ ഉയര്‍ന്നു. ഗള്‍ഫില്‍നിന്ന് കയറ്റുമതി ചെയ്യുന്ന എണ്ണയുടെ എക്‌സിറ്റ് പോയിന്റായ ഹോര്‍മുസ് കടലിടുക്ക് അടയ്ക്കണോ വേണ്ടയോ എന്ന് ഇറാന് പരിശോധിക്കുന്നുണ്ടെന്ന് നിയമനിര്‍മ്മാതാവും സൈനിക ജനറലുമായ എസ്മായില്‍ കൊസാരി പറഞ്ഞു.
ELIMINATED: 9 senior scientists and experts responsible for advancing the Iranian regime’s nuclear weapons program.
All of the eliminated scientists and experts, eliminated based on intelligence, were key factors in the development of Iranian nuclear weapons.
Their… pic.twitter.com/B33dGTyG1v
— Israel Defense Forces (@IDF) June 14, 2025
ഇസ്രായേലിലും ഇറാനിലും സ്‌ഫോടനങ്ങള്‍
ഇറാന്റെ രാത്രിയിലെ ആക്രമണത്തില്‍ നൂറുകണക്കിന് ബാലിസ്റ്റിക് മിസൈലുകളും ഡ്രോണുകളും ഉള്‍പ്പെട്ടതായി ഒരു ഇസ്രായേലി ഉദ്യോഗസ്ഥന്‍ പറഞ്ഞു. ഒരു പുരുഷനും സ്ത്രീയും ഉള്‍പ്പെടെ മൂന്ന് പേര്‍ കൊല്ലപ്പെടുകയും ഡസന്‍ കണക്കിന് പേര്‍ക്ക് പരിക്കേല്‍ക്കുകയും ചെയ്തതായി ആംബുലന്‍സ് സര്‍വീസ് പറഞ്ഞു. ടെല്‍ അവീവിന് തെക്കുള്ള റിഷോണ്‍ ലെസിയോണില്‍, മിസൈല്‍ പതിച്ച വീട്ടില്‍ കുടുങ്ങിയ ഒരു പെണ്‍കുഞ്ഞിനെ അടിയന്തര സേവനങ്ങള്‍ രക്ഷപ്പെടുത്തിയതായി പോലീസ് പറഞ്ഞു, എന്നാല്‍ ശനിയാഴ്ച പിന്നീട് ടെല്‍ അവീവ് ബീച്ചുകള്‍ വാരാന്ത്യം ആസ്വദിക്കുന്ന ആളുകളാല്‍ തിരക്കിലായിരുന്നു.
പടിഞ്ഞാറന്‍ പ്രാന്തപ്രദേശമായ റാമത് ഗാനില്‍, ബെന്‍ ഗുരിയോണ്‍ വിമാനത്താവളത്തിനടുത്തുള്ള റാമത് ഗാനില്‍, ലിന്‍ഡ ഗ്രിന്‍ഫെല്‍ഡ് തന്റെ അപ്പാര്‍ട്ട്‌മെന്റിന് കേടുപാടുകള്‍ സംഭവിച്ചതായി വിവരിച്ചു.
ആദ്യ ദിവസം 78 പേര്‍ കൊല്ലപ്പെട്ടതായും രണ്ടാം ദിവസം കൂടുതല്‍ പേര്‍ കൊല്ലപ്പെട്ടതായും ഇറാന് പറഞ്ഞു, ടെഹ്റാനില് 14 നിലകളുള്ള ഒരു അപ്പാര്‍ട്ട്‌മെന്റ് കെട്ടിടം മിസൈല്‍ തകര്‍ത്തപ്പോഴാണ് അവരില്‍ പലരും കൊല്ലപ്പെട്ടത്. 60 പേര്‍ കൊല്ലപ്പെട്ടതായി കരുതുന്നുണ്ടെങ്കിലും, കണക്ക് ഔദ്യോഗികമായി സ്ഥിരീകരിച്ചിട്ടില്ലെന്ന് ദേശീയ ടെലിവിഷനും പറഞ്ഞു.
ഇറാന്റെ വ്യോമ പ്രതിരോധ സംവിധാനങ്ങള്‍ക്ക് സാരമായ കേടുപാടുകള്‍ സംഭവിച്ചതിനാല്‍ ഇറാനിലേക്കുള്ള പാത സുഗമമാണെന്നാണ് ഇസ്രയേലിന്റെ കണക്കുകൂട്ടല്‍. കൂടുതല്‍ സംഘര്‍ഷ സാധ്യത വിലയിരുത്തി അതിര്‍ത്തികളില്‍ റിസര്‍വ് സൈനികരെയും വിന്യസിച്ചിട്ടുണ്ട്.
നതാന്‍സിലെയും ഇസ്ഫഹാനിലെയും ഇറാന്റെ ആണവ കേന്ദ്രങ്ങള്‍ക്ക് ഇസ്രായേല്‍ കാര്യമായ നാശനഷ്ടങ്ങള്‍ വരുത്തിയിട്ടുണ്ടെങ്കിലും, പര്‍വതത്തില്‍ കുഴിച്ചിട്ട മറ്റൊരു യുറേനിയം സമ്പുഷ്ടീകരണ കേന്ദ്രമായ ഫോര്‍ഡോയില്‍ ഇതുവരെ നടപടിയെടുത്തിട്ടില്ലെന്ന് സൈനിക ഉദ്യോഗസ്ഥന്‍ പറഞ്ഞു.
