Life Style
-
ഭൂമിയെ നശിപ്പിക്കാന് ആ ഛിന്നഗ്രഹം എത്തുമോ? പതിഞ്ചാം നൂറ്റാണ്ടിലെ നോസ്ട്രഡാമസിന്റെ പ്രവചനം സത്യമാകുമോ? വിചിത്രവും കൃത്യവുമായ പ്രവചനങ്ങള്ക്ക് പേരുകേട്ടയാള്; ശാസ്ത്ര ലോകത്തിനും കൗതുകം
ന്യൂഡല്ഹി: 2025 അവസാനിക്കാന് കേവലം മാസങ്ങള് മാത്രമേയുള്ളൂ. ഇതിനിടയില് ചര്ച്ചയാകുന്നത് പതിനാറാം നൂറ്റാണ്ടിലെ ഫ്രഞ്ച് ജ്യോതിഷിയും ഭിഷഗ്വരനുമായ നോസ്ട്രഡാമസിന്റെ പ്രവചനമാണ്. കാരണം ആ പ്രവചനമനുസരിത്ത് 2025 ൽ ഒരു വലിയ ഛിന്നഗ്രഹം ഭൂമിയുമായി കൂട്ടിയിടിച്ചേക്കാം. പ്രവചനങ്ങള് പലതും ഇതിന് മുന്പും ഉണ്ടായിട്ടുണ്ടെങ്കിലും വിചിത്രവും അതേസമയം കൃത്യവുമായ പ്രവചനങ്ങൾക്ക് പേരുകേട്ടയാളാണ് നോസ്ട്രഡാമസ് എന്നതാണ് പുതിയ ആശങ്കയ്ക്ക് കാരണം. ആകാശത്ത് നിന്നും ഒരു തീഗോളം ഭൂമിയിൽ പതിച്ചേക്കാം അല്ലെങ്കിൽ ഭൂമിയ്ക്ക് വളരെ അടുത്തുകൂടി കടന്നുപോകാം എന്നതാണ് നോസ്ട്രഡാമസിന്റെ പ്രവചനം. 2025 സെപ്റ്റംബർ 10 ന് ഒരു വിമാനത്തിന്റെ വലിപ്പമുള്ള 2025 QV9 എന്ന ഛിന്നഗ്രഹം ഭൂമിയുടെ വളരെ അടുത്തുകൂടി കടന്നുപോയതായി നാസ സ്ഥിരീകരിച്ചിട്ടുണ്ട്. മണിക്കൂറിൽ 10,000 മൈൽ വേഗതയിൽ സഞ്ചരിച്ച ഛിന്നഗ്രഹം ഭൂമിയില് നിന്നും 1.25 ദശലക്ഷം മൈൽ അകലെയായി സുരക്ഷിതമായാണ് കടന്നുപോയത്. ഭൂമിയുടെ ഭ്രമണപഥം ഇടയ്ക്കിടെ മുറിച്ചുകടക്കുന്ന ഛിന്നഗ്രഹങ്ങളുടേയും ഉല്ക്കകളുടേയും ഗ്രൂപ്പായ ആറ്റൻ ഗ്രൂപ്പിൽ പെടുന്നതായിരുന്നു ഛിന്നഗ്രഹം. എല്ലാ വർഷവും ഇത്തരത്തില് നൂറുകണക്കിന്…
Read More » -
ബ്രാന്ഡ് മൂല്യത്തില് കുതിച്ച് സെലിബ്രിറ്റികള്; ക്രിക്കറ്റ് കളിക്കുന്നില്ലെങ്കിലും കോലി തന്നെ മുന്നില്; കുതിച്ചു കയറി രശ്മിക; ആദ്യ അമ്പതില് ഇടം നേടാനാകാതെ സഞ്ജു; നേട്ടം കൊയ്തത് ഇവര്
മുംബൈ: ഇന്ത്യന് സെലിബ്രിറ്റികളുടെ ബ്രാന്ഡ് മൂല്യത്തില് ഇത്തവണയും സ്പോര്ട്സ്, സിനിമ താരങ്ങളുടെ ആധിപത്യം. സ്പോര്ട്സില്തന്നെ ക്രിക്കറ്റ് താരങ്ങളാണ് ബ്രാന്ഡ് മൂല്യത്തില് മുന്നില് നില്ക്കുന്നത്. ഇക്കാര്യത്തില് പട്ടികയില് ഒന്നാമന് വിരാട് കോഹ്ലിയാണ്. അന്താരാഷ്ട്ര ട്വന്റി-20യില് നിന്ന് വിരമിച്ചെങ്കിലും വിരാടിന്റെ മൂല്യം കൂടുകയാണ് ചെയ്തത്. ടോപ് 25 സെലിബ്രിറ്റികളുടെ പട്ടികയില് 231.1 മില്യണ് ഡോളറുമായി കോഹ് ലിയാണ് ഒന്നാമത്. മുന് വര്ഷത്തെ അപേക്ഷിച്ച് 8.6 ശതമാനം വര്ധനയാണ് താരത്തിന്റെ മൂല്യത്തില് ഉണ്ടായത്. രാജ്യാന്തര ധനകാര്യ സ്ഥാപനമായ ക്രോള് ആണ് ഈ പട്ടിക പുറത്തുവിട്ടിരിക്കുന്നത്. രണ്ടാംസ്ഥാനത്ത് ഇടംപിടിച്ചത് ബോളിവുഡ് താരം രണ്ബീര് സിംഗ് ആണ്. അദ്ദേഹത്തിന്റെ മൂല്യം 170.7 മില്യണ് ഡോളറാണ്. എന്നാല് അദ്ദേഹത്തിന്റെ മൂല്യത്തില് മുന് വര്ഷത്തെ അപേക്ഷിച്ച് 10 ശതമാനത്തിന്റെ കുറവ് വന്നിട്ടുണ്ട്. അടുത്തിറങ്ങിയ ചിത്രങ്ങള് വമ്പന് ഹിറ്റാകാത്തതാണ് താരത്തിന് വിനയായത്. പട്ടികയില് മൂന്നാംസ്ഥാനത്ത് ഷാരുഖ് ഖാന് ആണ്. 145.7 മില്യണ് ആണ് അദ്ദേഹത്തിന്റെ ബ്രാന്ഡ് മൂല്യം. കഴിഞ്ഞ വര്ഷവും ഈ മൂന്നു…
Read More » -
‘വലിയൊരു കൂട്ടുകുടുംബത്തിന്റെ നായകനെയാണ് തെറ്റായി ചിത്രീകരിക്കുന്നത്’; നടന് മധുവിനെക്കുറിച്ച് എഴുതിയ ഗായകന് വേണുഗോപാലിനെ രൂക്ഷമായി വിമര്ശിച്ച് ശ്രീകുമാരന് തമ്പി
ഗായകന് ജി വേണുഗോപാലിനെ രൂക്ഷമായി വിമര്ശിച്ച് ഗാനരചയിതാവും സംവിധായകനുമായ ശ്രീകുമാരന് തമ്പി. നടന് മധുവിന്റെ 92ാം പിറന്നാള് ദിനത്തില് വേണുഗോപാല് പങ്കുവച്ച ഫെയ്സ്ബുക്ക് കുറിപ്പിനെതിരെയാണ് ശ്രീകുമാരന് തമ്പി രംഗത്തെത്തിയത്. മധുവിന്റെ ജീവിതത്തെക്കുറിച്ചും സ്വത്തുക്കളെക്കുറിച്ചും ഇന്നത്തെ സാമ്പത്തിക സ്ഥിതിയെക്കുറിച്ചും വേണുഗോപാല് കുറിച്ച വാക്കുകള് ശുദ്ധ അസംബന്ധമാണെന്നും ശ്രീകുമാരന് തമ്പി തുറന്നടിച്ചു. വ്യക്തമായ അറിവോ ധാരണയോ ഇല്ലാതെ വലിയ വ്യക്തികളെക്കുറിച്ചും സംഭവങ്ങളെക്കുറിച്ചും തെറ്റായി എഴുതുകയും പറയുകയും ചെയ്യുന്ന ഒരു സ്വഭാവം വേണുഗോപാലിനുണ്ടെന്നും ശ്രീകുമാരന് തമ്പി പറയുന്നു. ഫെയ്സ്ബുക്ക് പോസ്റ്റിലൂടെയായിരുന്നു ശ്രീകുമാരന് തമ്പിയുടെ പ്രതികരണം. മധുവിന് പിറന്നാള് ആശംസയറിച്ചുകൊണ്ട് തുടങ്ങുന്ന ഓര്മക്കുറിപ്പാണ് കഴിഞ്ഞ ദിവസം ഗായകന് ജി വേണുഗോപാല് ഫെയ്സ്ബുക്കില് പങ്കുവച്ചത്. എന്നാല് കുറിപ്പിന്റെ അവസാനഭാഗത്തായി മധുവിന് സ്വന്തമായി ഇപ്പോള് താമസിക്കുന്ന ചെറിയൊരു വീട് മാത്രമേ ബാക്കിയുളളൂ എന്ന് പറയുന്നുണ്ട്. സിനിമയിൽ നിന്ന് കിട്ടിയതും, സ്വന്തം കുടുംബ സ്വത്തും സിനിമയ്ക്കായി കൊടുത്ത വ്യക്തികളിലൊരാളാണ് മധുവെന്നും വേണുഗോപാല് പറയുന്നു. മലയാള സിനിമയുടെ ഈ രാജ് കപൂറിന് എന്റെ…
Read More » -
2025 ലെ നീറ്റ് പരീക്ഷയില് 99.99 ശതമാനം മാര്ക്ക് ; എംബിബിഎസ് പ്രവേശന ദിവസം 19 കാരന് ആത്മഹത്യ ചെയ്തു ; ഡോക്ടറാകാന് ആഗ്രഹിക്കുന്നില്ലെന്ന് ആത്മഹത്യാകുറിപ്പ്
പൂനെ: 2025 ലെ നീറ്റ് പരീക്ഷയില് 99.99 ശതമാനം മാര്ക്കും ഒബിസി വിഭാഗത്തില് 1475 അഖിലേന്ത്യാ റാങ്ക് നേടുകയും ചെയ്ത വിദ്യാര്ത്ഥി മെഡിക്കല് കോളേജ് പ്രവേശന ദിവസം തന്നെ ആത്മഹത്യ ചെയ്തു. തനിക്ക് ഡോക്ടര് ആകേണ്ടെന്ന് പറഞ്ഞു കൊണ്ട് മെഡിക്കല് പഠനത്തിന്റെ ആദ്യ ദിവസം മരണത്തിന് കീഴടങ്ങിയത് അനുരാഗ് അനില് ബോര്ക്കര് എന്ന 19 കാരനാണ്. മഹാരാഷ്ട്രയിലെ ചന്ദ്രപൂര് ജില്ലയില് നിന്നുള്ളയാളാണ് അനുരാഗ്. ഡോക്ടറാകാന് ആഗ്രഹിക്കുന്നില്ലെന്ന് വ്യക്തമാക്കുന്ന ആത്മഹത്യാക്കുറിപ്പ് എഴുതിയതായി റിപ്പോര്ട്ടുണ്ട്. സിന്ധേവാഹി താലൂക്കിലെ നവാര്ഗാവില് താമസിക്കുന്ന അനുരാഗ് കുടുംബത്തോടൊപ്പം താമസിക്കുന്ന അനുരാഗ് വലിയ വിജയത്തെ തുടര്ന്ന് എംബിബിഎസ് കോഴ്സിന് പ്രവേശനത്തിനായി ഗോരഖ്പൂരിലേക്ക് പോകാന് തയ്യാറെടുക്കുകയായിരുന്നു. ഉത്തര്പ്രദേശിലേക്ക്് പോകുന്നതിന് തൊട്ടുമുമ്പായിരുന്നു വീട്ടില് ആത്മഹത്യ ചെയ്തത്. പോലീസ് പറയുന്നതനുസരിച്ച് വീട്ടില് തൂങ്ങിമരിച്ച നിലയില് അനുരാഗിനെ കണ്ടെത്തി. സംഭവസ്ഥലത്ത് നിന്ന് ഒരു ആത്മഹത്യാക്കുറിപ്പ് കണ്ടെടുത്തു. കുറിപ്പിലെ ഉള്ളടക്കം മാധ്യമങ്ങള്ക്ക് പുറത്തുവിട്ടിട്ടില്ലെങ്കിലും, ഡോക്ടറാകാന് ആഗ്രഹിക്കുന്നില്ലെന്ന് അനുരാഗ് എഴുതിയിട്ടുണ്ടെന്ന് പോലീസ് വൃത്തങ്ങള് അറിയിച്ചു. (ആത്മഹത്യ ഒന്നിനും പരിഹാരമല്ല,…
Read More » -
പേര് പോലെ തന്നെ പ്രശസ്തമായ കാര് കമ്പവും ; 5.8 കോടി രൂപയുടെ ഫെറാറി മുതല് 2.4 കോടിയുടെ മെഴ്സിഡസ് വരെ ; ദുല്ഖര് സല്മാന്റെ ആഡംബര കാര് ശേഖരത്തില് വമ്പന്മാര്
ഇന്ത്യയിലെ പാന് ഇന്ത്യന് നടന്മാര്ക്കിടയില് നിര്ണ്ണായകമായ സ്ഥാനമുള്ള ദുല്ഖര് സല്മാന്റെ പേരു പോലെ തന്നെ പ്രശസ്തമാണ് അദ്ദേഹത്തിന്റെ കാര് കമ്പവും. ദുല്ഖര് ഒരു വലിയ കാര് കളക്ടറും അതിനെ ഇഷ്ടപ്പെടുന്ന ആളുമാണ്, രാജ്യത്തെ ഏറ്റവും വലിയ സ്വകാര്യ കാര് ശേഖരത്തില് ഒന്ന് അദ്ദേഹത്തിനുണ്ട്. ആഡംബര കാറുകളുടെ നികുതി വെട്ടിപ്പ് തടയുന്നതിനായി, ഡയറക്ടറേറ്റ് ഓഫ് റവന്യൂ ഇന്റലിജന്സും കസ്റ്റംസും ചേര്ന്ന് ‘നുംഖോര്’ എന്ന രഹസ്യനാമത്തില് രാജ്യവ്യാപകമായി ഒരു ഓപ്പറേഷന് ആരംഭിച്ചപ്പോള് ആദ്യം റെയ്ഡ് നടന്ന വീടും മറ്റൊന്നായിരുന്നില്ല. രാജ്യത്തെ ഏറ്റവും വലിയ സ്വകാര്യ കാര് ശേഖരത്തില് ഒന്ന് അദ്ദേഹത്തിനുണ്ട്. അദ്ദേഹത്തിന്റെ ആഡംബര കാര് ശേഖരത്തിലെ ചില പ്രധാന കാറുകളില് ഒന്നാമത്തേത് ഫെറാറി 296 ജിറ്റിബിയാണ്. റൊസോ റൂബിനോ ഫെറാറി 296 GTB ദുല്ഖറിന്റെ ഗാരേജിലെ ആദ്യത്തെ ഹൈബ്രിഡ് ഫെറാറിയാണ്. ഇന്ത്യയില് ഏകദേശം 5.88 കോടി രൂപയാണ് ഇതിന്റെ വില. ദുല്ഖറിന്റെ റോസോ റൂബിനോ മെറ്റാലിസാറ്റോ കാര് ചെന്നൈയില് വെച്ച് പലതവണ കണ്ടിട്ടുണ്ട്. ഈ…
Read More » -
പ്രത്യേക വൈദഗ്ദ്ധ്യവും ബിരുദവുമുള്ള വിദേശ തൊഴിലാളികളെ മൂന്ന് വര്ഷത്തേക്ക് പണിക്ക് വെയ്ക്കാം ; നിലവില് അമേരിക്കയിലുള്ളത് 700,000 എച്ച്-1ബി വിസ ഉടമകള്
ന്യൂയോര്ക്ക്: കുടിയേറ്റം നിയന്ത്രിക്കാനായി ട്രംപിന്റെ ഏറ്റവും പുതിയ ഉപകരണം എച്ച്വണ് ബി വിസയ്ക്കുള്ള ഫീസ് കൂത്തനെ ഉയര്ത്തിയതായിരുന്നു. പ്രത്യേക വൈദഗ്ദ്ധ്യവും ബാച്ചിലര് ബിരുദവുമുള്ള വിദേശ തൊഴിലാളികളെ മൂന്ന് വര്ഷ കാലയളവിലേക്ക് നിയമിക്കാന് തൊഴിലുടമകളെ സഹായിക്കുന്ന സംവിധാനമാണ് എച്ച്-1ബി വിസ. മൂന്ന് വര്ഷം കൂടി നീട്ടാനും സാധിക്കും. നിലവില് രാജ്യത്ത് ഏകദേശം 700,000 എച്ച്-1ബി വിസ ഉടമകളും, അര ദശലക്ഷത്തോളം ആശ്രിതരും ഉണ്ടെന്ന് ക്യാപിറ്റല് ഇക്കണോമി ക്സിലെ സാമ്പത്തിക വിദഗ്ദ്ധന് സ്റ്റീഫന് ബ്രൗണ് ഒരു കുറിപ്പില് വ്യക്തമാക്കി. 2012 മുതല് അംഗീകരിക്കപ്പെട്ട എച്ച്-1ബി വിസകളില് 60 ശതമാനവും കമ്പ്യൂട്ടര് സംബന്ധമായ ജോലികള്ക്കുള്ളതാണെന്ന് പ്യൂ റിസര്ച്ച് സെന്റര് പറയുന്നു. എന്നാല് ആശുപത്രികള്, ബാങ്കുകള്, സര്വ്വകലാശാലകള്, മറ്റ് നിരവധി തൊഴിലുടമകള് എന്നിവര്ക്കും എച്ച്-1ബി വിസ അപേക്ഷിക്കാന് കഴിയും. വര്ഷം തോറും അനുവദിക്കുന്ന പുതിയ വിസകളുടെ എണ്ണം 65,000 ആയി നിജപ്പെടുത്തി യിട്ടുണ്ട്, കൂടാതെ ബിരുദാനന്തര ബിരുദമോ അതില് കൂടുതലോ യോഗ്യതയുള്ളവര്ക്ക് 20,000 അധിക വിസകളും നല്കുന്നു.…
Read More » -
പുതിയ ജിഎസ്ടി 2.0 വന്നേട്ടമാകുമെന്ന് വിലയിരുത്തല് ; നിരക്കുകള് പ്രാബല്യത്തില് വന്നതോടെ അമുല്, മദര് ഡയറി ഉല്പ്പന്നങ്ങളായ പാല്, വെണ്ണ, നെയ്യ്, പനീര്, ചീസ് എന്നിവയുടെ വില കുറച്ചു
ന്യൂഡല്ഹി: നരേന്ദ്രമോദി സര്ക്കാരിന്റെ പുതിയ ജിഎസ്ടി നയം വന്നത് അനേകം സാധനങ്ങളുടെ വില കുറയാന് കാരണമാകും. പ്രധാനമായും പാലും പാല് ഉല്പ്പന്നങ്ങള്ക്കുമാണ് ഇതിന്റെ ഏറ്റവും വലിയ ഗുണമുണ്ടാകുക. സെപ്റ്റംബര് 3-ന് നടന്ന 56-ാമത് ജിഎസ്ടി കൗണ്സില് യോഗത്തിലെ തീരുമാനപ്രകാരം, പാല്, മറ്റ് പാലുല്പ്പന്നങ്ങള് എന്നിവയുടെ ചരക്ക് സേവന നികുതി (ജിഎസ്ടി) സെപ്റ്റംബര് 22 മുതല് കുറഞ്ഞിരിക്കെ അതിന്റെ ആനുകൂല്യം ഉപഭോക്താക്കള്ക്ക് നല്കി മദര് ഡയറിയും അമുലും. യുഎച്ച്ടി പാല്, പനീര്, നെയ്യ്, വെണ്ണ, ചീസ്, മറ്റ് പാലുല്പ്പന്നങ്ങള് എന്നിവയുടെ വില കുറച്ചതായി പ്രഖ്യാപിച്ചു. പാക്കേജുചെയ്ത പാല്, പാലുല്പ്പന്നങ്ങള് എന്നിവയുടെ ജിഎസ്ടി ഒഴിവാക്കാനും കുറക്കാനുമുള്ള സര്ക്കാരിന്റെ നീക്കം രാജ്യത്തെ എല്ലാ കുടുംബങ്ങള്ക്കും അവശ്യവസ്തുക്കള് കൂടുതല് താങ്ങാനാവുന്നതാക്കാന് വേണ്ടിയാണ്. കുറച്ച ജിഎസ്ടിയുടെ ആനുകൂല്യം നേരിട്ട് ഉപഭോക്താക്കള്ക്ക് നല്കുമെന്ന് ബ്രാന്ഡുകള് ഉറപ്പുനല്കിയിട്ടുണ്ട്. അമുല് ബ്രാന്ഡിന് കീഴില് പാലുല്പ്പന്നങ്ങള് വിപണനം ചെയ്യുന്ന ജിസിഎംഎംഎഫ് (GCMMF), ജിഎസ്ടി നിരക്ക് കുറച്ചതിന്റെ മുഴുവന് ആനുകൂല്യവും ഉപഭോക്താക്കള്ക്ക് കൈമാറാന് തീരുമാനിച്ചതായി ശനിയാഴ്ച…
Read More » -
അസമീസ് ഗായകന് സുബിന് ഗാര്ഗിന് ആരാധകര് നല്കിയത് എന്നും ഓര്മ്മിക്കുന്ന അന്ത്യയാത്ര: അരനൂറ്റാണ്ടിനിടയിലെ ഏറ്റവും വലിയ ജനക്കൂട്ടം ; ലിംക ബുക്ക് ഓഫ് റെക്കോര്ഡ്സില് ഇടം നേടി
ഗുവാഹത്തി : അസമിലെ ഏറ്റവും പ്രിയപ്പെട്ട സാംസ്കാരിക നായകനായിരുന്ന സുബിന് ഗാര്ഗിന്റെ വിയോഗം രാജ്യത്തിന് കഴിഞ്ഞ ദശാബ്ദങ്ങളില് സാക്ഷ്യം വഹിച്ച ഏറ്റവും വലിയ അന്ത്യയാത്രകളില് ഒന്നായി ലോകറെക്കോഡിലേക്ക്. അന്ത്യാഞ്ജലി അര്പ്പിക്കാന് എത്തിയ ജനക്കൂട്ടം ഇപ്പോള് ലിംക ബുക്ക് ഓഫ് റെക്കോര്ഡ്സില് ഇടം നേടിയിരിക്കുകയാണ്. സെപ്തംബര് 19-ന് സിംഗപ്പൂരില് സ്കൂബ ഡൈവിംഗിനിടെയുണ്ടായ അപകടത്തില് അപ്രതീക്ഷിതമായി മരണപ്പെട്ട 52 വയസ്സുകാരനായ ഗായകന് വിട പറയാന് സെപ്റ്റംബര് 21-ന് ലക്ഷക്കണക്കിന് ആരാധകരാണ് ഗുവാഹത്തിയിലെ തെരുവുകളിലേക്ക് ഒഴുകിയെത്തിയത്. നോര്ത്ത് ഈസ്റ്റ് ഫെസ്റ്റിവലില് പരിപാടി അവതരിപ്പിക്കാന് പോയപ്പോഴാണ് വിദേശത്ത് അത്യാഹിതമുണ്ടായത്. ലിംക ബുക്ക് ഓഫ് റെക്കോര്ഡ്സ് അനുസരിച്ച്, ലോകത്ത് ഒരു മൃതദേഹ ഘോഷയാത്രയില് പങ്കെടുത്ത ഏറ്റവും വലിയ നാലാമത്തെ ജനക്കൂട്ടമായി ഗാര്ഗിന്റെ അന്ത്യയാത്രയെ അംഗീകരിച്ചു. മൈക്കിള് ജാക്സണ്, പോപ്പ് ഫ്രാന്സിസ്, പ്രിന്സസ് ഡയാന, ക്വീന് എലിസബത്ത് കക എന്നിവരുടെ അന്ത്യയാത്രകള്ക്ക് തുല്യമായി ഇപ്പോള് ഇത് കണക്കാക്കപ്പെടുന്നു. മണിക്കൂറുകളോളം ഗുവാഹത്തിയിലെ സാധാരണ ജീവിതം പൂര്ണ്ണമായും നിശ്ചലമായി. റോഡുകള് ഗതാഗതക്കുരുക്കില് വീര്പ്പുമുട്ടി,…
Read More » -
‘വെള്ളത്തിനടിയില് സാരിയാണോ ധരിക്കേണ്ടത്?’ സ്വിംസ്യൂട്ട് ധരിച്ചതിന് സായ് പല്ലവിയെ ട്രോളിയവര്ക്ക് ആരാധകരുടെ മറുപടി ; സഹോദരി പൂജ ഇന്സ്റ്റാഗ്രാമില് പോസ്റ്റ് ചെയ്ത ചിത്രങ്ങള്ക്ക് ആക്ഷേപം
നടി സായി പല്ലവിയുടെ സഹോദരി പൂജ കണ്ണന് ഇന്സ്റ്റാഗ്രാമില് പങ്കുവെച്ച അവധിക്കാല ചിത്രങ്ങള് പിടിക്കാത്തവര്ക്ക് ആരാധകരുടെ ചുട്ട മറുപടി. നടിയുടെ സ്വിംസ്യൂട്ട് വേഷത്തെ വിമര്ശിച്ചവര്ക്കാണ് ആരാധകര് മറുപടിയുമായി എത്തിയത്. വെള്ളത്തിനടിയില് പിന്നെ സാരിയാണോ ഉടുക്കേണ്ടതെന്നായിരുന്നു പലരും പങ്കുവെച്ച അഭിപ്രായം. സഹോദരി പൂജ ചിത്രങ്ങള് പങ്കുവെച്ചതോടെയാണ് സംഭവം ആരംഭിച്ചത്. ഈ ചിത്രങ്ങളില് സൈബര് ഇടങ്ങളില് വലിയ വിമര്ശനങ്ങള് ഉയര്ന്നു. എന്നാല് ഇതിനെ ശക്തമായി പ്രതിരോധിച്ച് സായിയുടെ ആരാധകര് രംഗത്തെത്തി. പൂജ കഴിഞ്ഞ വാരാന്ത്യത്തില് ഇന്സ്റ്റാഗ്രാമില് പങ്കുവെച്ച ചിത്രങ്ങളില് ചിലത് സായി പല്ലവി എടുത്തതാണ്, മറ്റു ചിലത് അവര് ഒരുമിച്ചെടുത്ത സെല്ഫികളും. ‘ബീച്ച് ഹൈ (തിരമാലയുടെ ഇമോജി)” എന്ന അടിക്കുറിപ്പോടെയാണ് പൂജ ഈ ചിത്രങ്ങള് പങ്കുവെച്ചത്. പൂജ ബീച്ചില് ഇരിക്കുന്നതും സായി ചിത്രം എടുക്കുന്നതുമാണ് മിക്ക ചിത്രങ്ങളിലും. മറ്റ് ചില ചിത്രങ്ങളില് സായി പൂജയ്ക്കൊപ്പം സെല്ഫി എടുക്കുന്നതും കാണാം. ഒരു ചിത്രത്തില് സായി സ്വിം സ്യൂട്ട് ധരിച്ചാണ് നില്ക്കുന്നത്, മറ്റൊന്നില് വെറ്റ് സ്യൂട്ട് ധരിച്ചതായും…
Read More » -
‘വണ് ഇന് വണ് ഔട്ട്’ ഫ്രാന്സുമായി ബ്രിട്ടന്റെ പുതിയ കരാര് ; നാടുകടത്തപ്പെട്ട ആദ്യയാള് ഇന്ത്യാക്കാരന് ; ചെറിയ ബോട്ടില് ഇംഗ്ലീഷ് ചാനല് കടന്ന് യുകെയില് പ്രവശിച്ചതിന് പിന്നാലെ നടപടി
ലണ്ടന്: ഫ്രാന്സുമായി ഒപ്പുവെച്ച പുതിയ കരാര് പ്രകാരം യുണൈറ്റഡ് കിംഗ്ഡത്തില് നിന്ന് ആദ്യമായി നാടുകത്തപ്പെട്ടയാള് ഇന്ത്യാക്കാരന്. ചെറിയ ബോട്ടില് ഇംഗ്ലീഷ് ചാനല് കടന്ന് രാജ്യത്തേക്ക് അനധികൃതമായി പ്രവേശിച്ചതിനെ തുടര്ന്നാണ് നടപടി. ഏകദേശം ഓഗസ്റ്റ് ആദ്യവാരം എത്തിയതായി കരുതുന്ന പേര് വെളിപ്പെടുത്താത്ത ഈ വ്യക്തിയെ, ലണ്ടനും പാരീസും തമ്മില് അടുത്തിടെ ഉണ്ടാക്കിയ ‘വണ് ഇന് വണ് ഔട്ട്’ എന്ന കരാറിന്റെ അടിസ്ഥാനത്തില് ഹീത്രൂ വിമാനത്താവളത്തില് നിന്ന് വാണിജ്യ വിമാനത്തില് പാരീസിലേക്ക് അയച്ചു. നാടുകടത്തപ്പെട്ടയാള് ഫ്രാന്സില് തിരിച്ചെത്തിയാല്, ഇന്ത്യയി ലേക്ക് മടങ്ങുന്നതിന് പണം നല്കിയുള്ള സ്വമേധയായുള്ള തിരിച്ചുപോക്ക് ഓപ്ഷന് വാഗ്ദാനം ചെയ്യും. ഈ പദ്ധതി പ്രകാരം, അയാള്ക്ക് യുകെയില് അഭയം തേടാന് കഴിയില്ല. സ്വമേധയായുള്ള തിരിച്ചുപോക്ക് ഓപ്ഷന് അംഗീകരിച്ചി ല്ലെങ്കില് നിര്ബന്ധിതമായി നാടുകടത്തല് നേരിടേണ്ടി വന്നേക്കാം. പുതിയ യുകെ-ഫ്രാന്സ് ഉടമ്പടി പ്രകാരം, യുകെ ബോര്ഡര് ഫോഴ്സ് തടഞ്ഞുവെച്ച കുടിയേറ്റക്കാരുടെ ആദ്യ സംഘത്തില് ഉള്പ്പെട്ട ഒരു ഇന്ത്യന് പൗരനെ നാടുകടത്തി. ഓഗസ്റ്റില് ആരംഭിച്ച ഈ പദ്ധതി…
Read More »