Health
-
അമ്പമ്പോ.. അത്രയ്ക്കു വമ്പനോ ചാമ്പ!
ചുവന്നു തുടുത്ത് ആരെയും ആകര്ഷിക്കുന്നതാണ് ചാമ്പക്കയെങ്കിലും തൊടിയില് വീണു ഇല്ലാതാവാനാണ് എപ്പോഴും ഈ നാടന് പഴത്തിന്റെ വിധി. എന്നാല്, ചാമ്പക്കയുടെ ഔഷധ ഗുണങ്ങള് അറിഞ്ഞാല് പിന്നെ അല്പമുള്ള പുളി പോലും കാര്യമാക്കാതെ എല്ലാവരും ഈ പഴം അകത്താക്കുമെന്ന കാര്യത്തില് സംശയമൊന്നുമില്ല. പ്രമേഹവും കൊളസ്ട്രോളും ചെറുക്കാന് കഴിവുള്ള പോഷണങ്ങളടങ്ങിയ ചാമ്പക്കക്ക് കാന്സറിനെയും തടയാന് കഴിയുമെന്ന കാര്യം പലര്ക്കും അറിയില്ല. ചാമ്പക്കയില് അടങ്ങിയിരിക്കുന്ന ജംപോസിനാണ് പ്രമേഹത്തെ വരുതിയില് നിര്ത്താന് സഹായിക്കുന്നത്. മാത്രമല്ല, നാരുകളാല് സമൃദ്ധമായ ചാമ്പങ്ങ ദഹനപ്രക്രിയ സുഗമമാക്കുന്നതിനും സഹായകരമാണ്. നാരുകളും പോഷണങ്ങളും കൊളസ്ട്രോള് ലെവല് കുറക്കാന് സഹായിക്കുന്നതിനൊപ്പം ഹൃദയാഘാതവും പക്ഷാഘാതവും ഇല്ലാതാക്കാനും ഈ കുഞ്ഞന് പഴത്തിന് കഴിവേറെയാണ്. വിറ്റമിന് എ, വിറ്റമിന് സി, ഡയറ്ററി ഫൈബര്, തിയാമിന്, നിയാസിന്, അയണ്, സള്ഫര്, പൊട്ടാസ്യം എന്നിവയാല് സമ്പുഷ്ടമായ ചാമ്പക്കയുടെ കുരുവും ഔഷധദായകമാണ്. അതിസാരത്തിനും വയറിളക്കത്തിനും ശമനമുണ്ടാക്കാന് ചാമ്പക്ക കുരു ബഹുകേമനാണ്.
Read More » -
അയ്യോ.. മുട്ട കഴിക്കല്ലേ.. കൊളസ്ട്രോൾ, ഹൃദ്രോഗം… ഇതിന്റെ യഥാർത്ഥ്യം എന്താണ് ?
പലരുടെയും ഇഷ്ട ഭക്ഷണമാണ് മുട്ട. എന്നാൽ കൊളസ്ട്രോൾ കൂടുമെന്ന് പേടിച്ച് പലരും മുട്ട ഒഴിവാക്കാറാണ് പതിവ്. യഥാർത്ഥത്തിൽ മുട്ട കഴിക്കുന്നത് ഹൃദ്രോഗ സാധ്യത കൂട്ടുമോ? ബോസ്റ്റൺ യൂണിവേഴ്സിറ്റിയിലെ ഗവേഷകർ 2,300-ലധികം മുതിർന്നവരിൽ അടുത്തിടെ പഠനം നടത്തി. മുട്ട കഴിക്കുന്നത് ഹൃദയത്തിന് നല്ലതാണെന്ന് ന്യൂട്രിയന്റ്സ് ജേണലിൽ പ്രസിദ്ധീകരിച്ച ഗവേഷണത്തിൽ പറയുന്നു. ആഴ്ചയിൽ അഞ്ചോ അതിലധികമോ മുട്ടകൾ കഴിക്കുന്നത് കുറഞ്ഞ രക്തസമ്മർദ്ദം, കുറഞ്ഞ രക്തത്തിലെ പഞ്ചസാര, കുറഞ്ഞ ടൈപ്പ് 2 പ്രമേഹ സാധ്യത എന്നിവയുമായി ബന്ധപ്പെട്ടിരിക്കുന്നു. മുട്ട കഴിക്കുന്നത് യഥാർത്ഥത്തിൽ ഹൃദയാരോഗ്യം വർദ്ധിപ്പിക്കുമെന്ന് വിദഗ്ധർ നിർദ്ദേശിക്കുന്നു. നിലവിൽ, അമേരിക്കൻ ഹാർട്ട് അസോസിയേഷൻ ഹൃദയാരോഗ്യകരമായ ഭക്ഷണത്തിന്റെ ഭാഗമായി പ്രതിദിനം ഒരു മുട്ട മുഴുവനായോ രണ്ട് മുട്ടയോ ശുപാർശ ചെയ്യുന്നു. ‘ ഒരു മുട്ടയിൽ ഏകദേശം ആറ് ഗ്രാം പ്രോട്ടീൻ അടങ്ങിയിട്ടുണ്ട്. നിങ്ങളുടെ ഭാരം 60 കിലോ ആണെങ്കിൽ, നിങ്ങൾക്ക് 40-60 ഗ്രാം പ്രോട്ടീൻ ആവശ്യമാണ്…’ – ന്യൂ ഡൽഹിയിലെ ഓഖ്ലയിലെ ഫോർട്ടിസ് എസ്കോർട്ട്സ് ഹാർട്ട് ഇൻസ്റ്റിറ്റ്യൂട്ടിലെ…
Read More » -
ഇയര് ഫോണുകള് ഗുരുതരമായ ആരോഗ്യപ്രശ്നങ്ങള്ക്ക് കാരണമാകുമെന്ന് ആരോഗ്യവിദഗ്ധര്, സ്ഥിരഉപയോഗം മൂലം കേള്വിശക്തി നഷ്ടപ്പെടാൻ സാധ്യത
ഇയര് ഫോണുകള് ഉപയോഗിക്കുന്നത് വിവിധ ആരോഗ്യപ്രശ്നങ്ങള്ക്ക് കാരണമാകുമെന്ന് ആരോഗ്യവിദഗ്ധര്. ഇയര്ഫോണുകളില് നിന്ന് വരുന്ന ശബ്ദം ചെവിയില് വലിയ സ്വാധീനം ചെലുത്തുന്നു. ഇത് സ്ഥിരമായ കേടുപാടുകളിലേക്ക് നയിക്കുന്നു. സുരക്ഷിതമല്ലാത്ത ശ്രവണ രീതികള് മൂലം ലോകമെമ്പാടുമുള്ള ഒരു ബില്യണ് യുവാക്കള്ക്ക് കേള്വിശക്തി നഷ്ടപ്പെടാൻ സാധ്യതയുണ്ടെന്ന് ലോകാരോഗ്യ സംഘടന കണക്കാക്കുന്നു. ഇയര്ഫോണില് നിന്നുള്ള ഉയര്ന്ന ശബ്ദത്തില് തുടര്ച്ചയായി സംഗീതം കേള്ക്കുന്നത് കേള്വിശക്തിയെ ബാധിക്കും. ചെവിയുടെ കേള്വിശക്തി 90 ഡെസിബെല് മാത്രമാണ്. തുടര്ച്ചയായി കേള്ക്കുന്നതിലൂടെ 40-50 ഡെസിബെല് ആയി കുറയുന്നു. ഇയര്ഫോണില് നിന്നും പുറപ്പെടുവിക്കുന്ന വൈദ്യുതകാന്തിക തരംഗങ്ങള് തലച്ചോറിനെ മോശമായി ബാധിക്കുകയും തലവേദനയും മൈഗ്രേനും ഉണ്ടാക്കുകയും ചെയ്യുന്നു. ഉറക്കമില്ലായ്മ അല്ലെങ്കില് സ്ലീപ് അപ്നിയ എന്നിവയും പലരും അനുഭവിക്കുന്നു. ഇയര്ഫോണുകള് ചെവി കനാലില് നേരിട്ട് പ്ലഗ് ചെയ്തിരിക്കുന്നു. ഇത് വായു സഞ്ചാരത്തിന് തടസ്സമാകും. ബാക്ടീരിയയുടെ വളര്ച്ച ഉള്പ്പെടെ വിവിധ തരത്തിലുള്ള ചെവി അണുബാധകള്ക്ക് ഇയര് ഫോണുകളുടെ ഉപയോഗം കാരണമാകും. ദോഷകരമായ ബാക്ടീരിയകള് ഒരു ചെവിയില് നിന്ന് മറ്റൊന്നിലേക്ക്…
Read More » -
ആര്ത്തവ ദിനങ്ങളിലെ ഗ്യാസ്ട്രബിള്; ഇവ ഭക്ഷണത്തില് ചേര്ത്തു നോക്കൂ
ഒരു സ്ത്രീയുടെ ആര്ത്തവത്തിന് ഒന്നോ രണ്ടോ ആഴ്ച മുമ്പ്, ശരീരവണ്ണം ഉള്പ്പെടെ നിരവധി പ്രീമെന്സ്ട്രല് സിന്ഡ്രോം (പിഎംഎസ്) ലക്ഷണങ്ങള് അനുഭവപ്പെടാം. വയര് വീക്കവും ഭാരം വര്ധിക്കുന്നതായി തോന്നുന്നതും സാധാരണ ലക്ഷണമാണ്. എന്നാല്, ഇത് പലര്ക്കും പലവിധത്തിലുള്ള അസ്വസ്ഥതകളും ഉണ്ടാക്കും. ”പല സ്ത്രീകളും അനുഭവിക്കുന്ന ആര്ത്തവത്തിന്റെ ആദ്യകാല ലക്ഷണമാണ് ശരീരവണ്ണം. പ്രോജസ്റ്ററോണിന്റെയും ഈസ്ട്രജന്റെയും അളവിലുള്ള മാറ്റങ്ങള് കാരണം ശരീരത്തില് കൂടുതല് വെള്ളവും ഉപ്പും നിലനിര്ത്തുന്നു. ശരീരത്തിലെ കോശങ്ങള് വെള്ളം കൊണ്ട് വീര്ക്കുന്നതിനാല് വീര്പ്പുമുട്ടല് അനുഭവപ്പെടുന്നു-” പോഷകാഹാര വിദഗ്ധയായ ലോവ്നീത് ബത്ര വ്യക്തമാക്കുന്നു. നിങ്ങള്ക്ക് ആര്ത്തവ സമയത്ത് വയറുവേദന, വയറുവീര്ക്കല്, വയറിളക്കം തുടങ്ങിയ പ്രശ്നങ്ങള് തുടര്ച്ചയായി ഉണ്ടാകുന്നുവെങ്കില് ഭക്ഷണക്രമത്തില് ശ്രദ്ധിക്കേണ്ടതുണ്ട്. ഇഞ്ചി: ഇഞ്ചിക്ക് ആന്റി-ഇന്ഫ്ളമേറ്ററി ഗുണങ്ങള് ഉള്ളതിനാല്, പേശികളുടെ വേദനയെ ശമിപ്പിക്കാന് കഴിയും. ആര്ത്തവ വേദനയെ ശമിപ്പിക്കാന് മികച്ച ഭക്ഷണങ്ങളിലൊന്നാണ് ഇഞ്ചി. അയമോദകം: അയമോദകത്തിലെ തൈമോള് എന്ന സംയുക്തം ഗ്യാസ്ട്രിക് ജ്യൂസുകള് സ്രവിക്കാനും ഗ്യാസ്, വയറുവേദന, മലബന്ധം എന്നിവ ഇല്ലാതാക്കാനും സഹായിക്കുന്നു. പെരുംജീരകം: പെരുംജീരകം…
Read More » -
ചീത്ത കൊളസ്ട്രോൾ ഹൃദ്രോഗം വികസിപ്പിക്കാനുള്ള സാധ്യത വർദ്ധിപ്പിക്കും; അറിയാം ഉയർന്ന കൊളസ്ട്രോളിന്റെ നാല് പ്രധാനപ്പെട്ട ലക്ഷണങ്ങൾ
ഇന്ന് പലരേയും അലട്ടുന്ന ജീവിതശെെലി രോഗങ്ങളിലൊന്നാണ് കൊളസ്ട്രോൾ. രണ്ട് തരത്തിലുള്ള കൊളസ്ട്രോളാണുള്ളത്. ലോ ഡെൻസിറ്റി ലിപ്പോപ്രോട്ടീൻ കൊളസ്ട്രോൾ (എൽഡിഎൽ), എച്ച്ഡിഎൽ (ഉയർന്ന സാന്ദ്രതയുള്ള ലിപ്പോപ്രോട്ടീൻ) എന്നിങ്ങനെ രണ്ട് തരത്തിലുള്ള കൊളസ്ട്രോളാണുള്ളത്. മോശം ഹൃദ്രോഗം വികസിപ്പിക്കാനുള്ള സാധ്യത വർദ്ധിപ്പിക്കും. ജങ്ക് ഫുഡ്, ഓയിൽ ഫുഡ് എന്നിവ ചീത്ത കൊളസ്ട്രോൾ ഉണ്ടാകാനുള്ള സാധ്യത വർദ്ധിപ്പിക്കുന്നു. വ്യായാമമില്ലായ്മ, പുകവലി എന്നിവയും കൊളസ്ട്രോൾ അപകട ഘടകങ്ങൾക്ക് കാരണമാകുന്നു. നിങ്ങൾക്ക് ഉയർന്ന കൊളസ്ട്രോൾ ഉണ്ടെങ്കിൽ രക്തക്കുഴലുകളിൽ ഫാറ്റി ഡിപ്പോസിറ്റ് ഉണ്ടാക്കാം. കാലക്രമേണ ഇത് കൂടുകയും ധമനികളിലൂടെ കടന്നുപോകുന്ന രക്തത്തിന്റെ അളവ് നിയന്ത്രിക്കുകയും ചെയ്യുന്നു. ചിലപ്പോൾ ഇത് ഹൃദയാഘാതം അല്ലെങ്കിൽ സ്ട്രോക്ക് എന്നിവയ്ക്കുള്ള സാധ്യതയും വർദ്ധിപ്പിക്കുന്നു. അതിനാൽ, കൊളസ്ട്രോളിന്റെ ചില സൂചനകൾ നിങ്ങൾ നേരത്തെ തന്നെ തിരിച്ചറിയേണ്ടത് അത്യാവശ്യമാണ്. ഉയർന്ന കൊളസ്ട്രോളിന്റെ പ്രധാനപ്പെട്ട നാല് ലക്ഷണങ്ങൾ: ചർമ്മ തിണർപ്പ് രക്തത്തിൽ കൊളസ്ട്രോൾ കൂടുതലായാൽ ചർമ്മത്തിൽ കൊഴുപ്പ് അടിഞ്ഞുകൂടാൻ കാരണമാകും. ഇത് കൊഴുപ്പ് നിറഞ്ഞ ഓറഞ്ച് അല്ലെങ്കിൽ മഞ്ഞകലർന്ന കുമിളകളാൽ സാധാരണ…
Read More » -
വെള്ളരിക്കയുടെ ഗുണങ്ങൾ അവഗണിക്കരുത്: ഉദര പ്രശ്നങ്ങൾക്കും പ്രമേഹം, രക്തസമ്മർദ്ദം, വൃക്കരോഗങ്ങൾക്കും ഉത്തമം
ഡോ.വേണു തോന്നയ്ക്കൽ ഇടയ്ക്കിടെ ഉദര പ്രശ്നങ്ങൾ അലട്ടാറുണ്ടോ നിങ്ങളെ…? എങ്കിൽ വെറും വയറിൽ പച്ച വെള്ളരിക്ക നന്നായി ചവച്ച് കഴിക്കുക. തീർച്ചയായും ആശ്വാസം ലഭിക്കും. വയറിന് യാതൊരു പ്രശ്നവുമില്ലാതെ ഒരാൾക്കും ഉദരാരോഗ്യം മെച്ചപ്പെടുത്താൻ ഇത് ഉത്തമമാർഗമാണ്. ഉദരരോഗത്തിന് ചികിത്സയെടുക്കുന്ന ഒരാളാണെങ്കിൽ ഡോക്ടരുടെ അനുവാദത്തോടെ വെള്ളരിക്ക ഇവ്വിധം കഴിക്കാവുന്നതാണ്. ഒരു ഡോക്ടരുടെ ചികിത്സയിൽ കഴി യുന്ന ഒരാൾ ഡോക്ടരുടെ അനുവാദമില്ലാതെ മറ്റൊരാളുടെ ഉപദേശമനുസരിക്കുന്നത് ആരോഗ്യകരമായ പ്രവണതയല്ല. അത് ജീവിതത്തിൽ ഉടനീളം പാലിക്കേണ്ടതുമാണ്. ഉദര പ്രശ്നങ്ങൾ എന്നു പറയുമ്പോൾ വായുകോപം, ദഹന പ്രശ്നങ്ങൾ, വയറെരിച്ചിൽ എന്നിവ ഉൾപ്പെടും. ഉദര പ്രശ്നങ്ങൾക്ക് മാത്രമല്ല പ്രമേഹം, രക്തസമ്മർദ്ദം, വൃക്ക രോഗങ്ങൾ എന്നിവയുള്ളവർക്കും ധൈര്യ പൂർവ്വം കഴിക്കാവുന്ന ഒരു മലക്കറിയാണിത്. വെള്ളരിക്കയിൽ ധാരാളമായി ജീവകങ്ങളും ഖനിജങ്ങളും അടങ്ങിയിരിക്കുന്നു. ജീവകം കെയുടെയും ജീവകം സിയുടെയും നല്ലൊരു സ്രോതസ്സാണ്. ധാരാളം കറികളിൽ നാം വെള്ളരിക്ക ഉപയോഗിക്കുന്നു. പാകം ചെയ്യുമ്പോൾ വെള്ളരിക്കയിലെ ജീവകം സി നഷ്ടമാകു ന്നു. അതിനാൽ ഇത് നേരിട്ടോ ഭക്ഷണത്തി…
Read More » -
ജീവതശൈലികൾ മെച്ചപ്പെടുത്താം ക്യാൻസറിനെ അകറ്റിനിർത്താം; ഒഴിവാക്കേണ്ട ചില കാര്യങ്ങൾ
ഇന്ന് ഫെബ്രുവരി നാല്, ലോക ക്യാൻസർ ദിനമാണ്. ക്യാൻസർ രോഗത്തെ കുറിച്ച് ആളുകളിൽ വേണ്ടത്ര അവബോധമുണ്ടാക്കുകയെന്ന ലക്ഷ്യത്തോടെയാണ് ക്യാൻസർ ദിനം ആചരിക്കുന്നത്. പ്രധാനമായും ക്യാൻസർ നിർണയം- പ്രതിരോധം എന്നിവയ്ക്കാണ് നാം മുൻഗണന നൽകേണ്ടത്. ഇന്ന് ലോകത്താകമാനം തന്നെ ക്യാൻസർ രോഗബാധിതരുടെ എണ്ണം കൂടിവരികയാണ്. മോശം ജീവിതശൈലികളാണ് ഇതിന് വലിയ കാരണമാകുന്നതെന്നാണ് ഡോക്ടർമാരടക്കമുള്ള ആരോഗ്യവിദഗ്ധർ ചൂണ്ടിക്കാട്ടുന്നത്. അതുകൊണ്ട് തന്നെ ക്യാൻസറിനെ അകറ്റിനിർത്തണമെങ്കിൽ ജീവതശൈലികൾ മെച്ചപ്പെടുത്തുന്നതിനാണ് പ്രാധാന്യം നൽകേണ്ടത്. ജോലിയുടെ സ്വഭാവം, ജോലിയിൽ നിന്നുള്ള മാനസികസമ്മർദ്ദം, മറ്റ് മാനസികസമ്മർദ്ദങ്ങൾ, വിഷപദാർത്ഥങ്ങൾ കൂടുതലായി ഭക്ഷണത്തിലൂടെയും മറ്റും അകത്തെത്തുന്നത്, മോശം ഡയറ്റ്, വ്യായാമമില്ലായ്മ, ഉറക്കമില്ലായ്മ എന്നീ ഘടകങ്ങളെല്ലാം ക്യാൻസർ ബാധിക്കുന്നതിൽ സ്വാധീനം ചെലുത്തുന്നവയാണ്. ഇത്തരത്തിലുള്ള കാര്യങ്ങളിൽ കരുതലെടുക്കുന്നതിലൂടെ ഒരളവ് വരെ നമുക്ക് ക്യാൻസർ രോഗത്തെ ചെറുക്കാം. ആദ്യമായി ക്യാൻസർ പ്രതിരോധത്തിനായി ജീവിതത്തിൽ നിന്നൊഴിവാക്കേണ്ട ചിലതിനെ കുറിച്ചറിയാം… മോശം ഭക്ഷണശീലം മദ്യം പുകവലി അധികം വെയിലേൽക്കുന്നത് അമിതവണ്ണം സുരക്ഷിതമല്ലാത്ത സെക്സ് ഭക്ഷണകാര്യത്തിൽ വലിയ ശ്രദ്ധ തന്നെ പുലർത്തേണ്ടതുണ്ട്.കാരണം പല…
Read More » -
ബജറ്റിലും ഇടം പിടിച്ച മെന്സ്ട്രല് കപ്പിനെ അറിയാം; വനിതകള്ക്കൊരു ഉത്തമ കൂട്ടുകാരി
ആര്ത്തവകാലം എളുപ്പമാക്കാനുള്ള വിദ്യകളില് ഒന്നാണ് മെന്സ്ട്രല് കപ്പ്. സ്കൂളുകളില് അടക്കം മെന്സ്ട്രല് കപ്പ് ഉപയോഗം പ്രോത്സാഹിപ്പിക്കുന്നതിന് പത്തു കോടി വകയിരുത്തിയതായി ഇത്തവണത്തെ ബജറ്റില് പ്രഖ്യാപനവുമുണ്ട്. സാധാരണ നാം ഉപയോഗിയ്ക്കുന്ന പാഡുകള് പോരാ എന്നുള്ളതു കൊണ്ടു തന്നെ ഇപ്പോള് കുറച്ചു കൂടി സൗകര്യപ്രദമായി രീതിയില് ഉപയോഗിയ്ക്കാന് സാധിയ്ക്കു ഒന്നാണിത്. സുരക്ഷിതമായ ഒന്നു തന്നെയാണ് മെന്സ്ട്രല് കപ്പുകള് എന്നതാണ്. മാസമുറ സമയത്ത് ഗര്ഭാശയ മുഖം അഥവാ സെര്വിക്സിന് തൊട്ടു താഴേയായാണ് ഇതു വയ്ക്കുക. ഇത് ആര്ത്തവ രക്തം പുറത്തേയ്ക്കു വരാതെ ഉള്ളില് വച്ചു തന്നെ ശേഖരിക്കും. അതിനാല് ഈ സമയത്തെ ഈര്പ്പം, രക്തത്തിന്റെ നനവു കൊണ്ടുണ്ടാകുന്ന അസ്വസ്ഥത എന്നിവ ഉണ്ടാകുകയുമില്ല. മറ്റുള്ളവ രക്തം വലിച്ചെടുക്കുമ്പോള് ഇത് രക്തം ശേഖരിയ്ക്കുന്നു.കഴുകി വൃത്തിയാക്കി ഉപയോഗിയ്ക്കുവാന് പറ്റുന്ന തരത്തിലുള്ളതാണ് കപ്പ്. സാനിറ്ററി നാപ്കിന് പോലുള്ള ചിലവുണ്ടാകുന്നുമില്ല. ഒരു കപ്പു വാങ്ങിയാല് 10 വര്ഷം വരെ ഉപയോഗിക്കാന് സാധിക്കും. മെന്സ്ട്രല് കപ്പ് മെന്സ്ട്രല് കപ്പ് ഉപയോഗിയ്ക്കുന്നതിനെ കുറിച്ച് എണ്ണമറ്റ സംശയങ്ങളുണ്ട്.…
Read More » -
ചൂടുചായയ്ക്കൊപ്പം കഴിക്കുന്ന പല ഭക്ഷണങ്ങളും ശരീരത്തിന് ദോഷം, അവ ഏതൊക്കെ എന്നറിയുക
ചായയ്ക്കൊപ്പം കഴിക്കുന്ന ഭക്ഷണങ്ങള് പലപ്പോഴും ആരോഗ്യത്തിന് ദോഷകരമാണ്. ഇരുമ്പ് ധാരാളമടങ്ങിയ ഭക്ഷണങ്ങള്, അതായത് ഇലക്കറികള്, ധാന്യങ്ങള്, പയര് വര്ഗങ്ങള്, സെറീയല്സ് ഇവ ചൂടു ചായയ്ക്കൊപ്പം കഴിക്കാന് പാടില്ല. ചായയില് ടാനിനുകളും ഓക്സലേറ്റുകളും ധാരാളമായി അടങ്ങിയിട്ടുണ്ട്. അത് ഈ ഭക്ഷണങ്ങളില് നിന്ന് ഇരുമ്പിനെ ശരീരം ആഗിരണം ചെയ്യുന്നതു തടയുന്നു. നാരങ്ങയില് വിറ്റമിന് സി ധാരാളമുണ്ട്. എന്നാല് പാല്ച്ചായയോടൊപ്പം നാരങ്ങ ചേരുന്നത് നല്ലതല്ല. ശരീരഭാരം കുറയ്ക്കാന് മികച്ചതാണ് ലെമണ് ടീ. എന്നാല് തേയില നാരങ്ങയുടെ ഒപ്പം നേരിട്ട് ചേരുന്നത് അസിഡിറ്റിക്കും ആസിഡ് റിഫ്ലക്സിനും കാരണമാകും. അസിഡിറ്റി ഉള്ള ആളാണെങ്കില് അതിരാവിലെ ലെമണ്ടീ കുടിക്കരുത്. ചായയുടെ ഒപ്പം കഴിക്കുന്ന പക്കോഡ, ഉള്ളിബജി, മറ്റ് ബജികള് ഇവയെല്ലാം ഏറെ രുചികരമായ ലഘുഭക്ഷണങ്ങളാണ്. എന്നാല് മിക്ക ലഘുഭക്ഷണങ്ങളും കടലമാവ് ചേര്ത്താണ് ഉണ്ടാക്കുന്നത്. ചായയും കടലമാവും ചേര്ച്ചയില്ലാത്ത രണ്ട് ഭക്ഷണപദാര്ഥങ്ങളാണ്. രക്തത്തിലേക്ക് പോഷകങ്ങളെ ആഗിരണം ചെയ്യുന്നതില് നിന്ന് കടലമാവ് തടയുന്നു. വയറുവേദനയ്ക്കും മലബന്ധത്തിനും ഇത് കാരണമാകുകയും ചെയ്യും. ചായയ്ക്കൊപ്പം ഐസ്ക്രീം…
Read More » -
ആലപ്പുഴ മെഡിക്കൽ കോളജിന് ഇത് അഭിമാന മുഹൂർത്തം; പക്ഷാഘാതം വന്ന് തളര്ന്ന രോഗിക്ക് മൂന്ന് ശസ്ത്രക്രിയകൾ ഒരേ സമയം വിജയകരമായി പൂർത്തിയാക്കി
ആലപ്പുഴ: പക്ഷാഘാതം വന്ന് തളര്ന്ന രോഗിക്ക് ആലപ്പുഴ ഗവ. ടി.ഡി മെഡിക്കല് കോളജ് ആശുപത്രിയില് അത്യപൂര്വ ശസ്ത്രക്രിയ. കഴുത്തിലും ശ്വാസകോശത്തിലും ഹൃദയത്തിലും ഒരേ സമയം മൂന്നു ശസ്ത്രക്രിയകള്ക്ക് വിധേയനായ ഗൃഹനാഥന് സുഖം പ്രാപിച്ചു വരുന്നതായി ആശുപത്രി അധികൃതർ അറിയിച്ചു. കായംകുളം പെരിങ്ങാല നാനൂറ്റിപടീറ്റതില് നൂറുദ്ദീന്(63) ആണ് ആലപ്പുഴ മെഡിക്കല് കോളജ് ആശുപത്രിയുടെ ചരിത്രത്തില് ആദ്യമായി അത്യപൂര്വ ശസ്ത്രക്രിയക്ക് വിധേയനായത്. കൂലിപ്പണിക്കാരനായ നൂറുദ്ദീന് ഏതാനും വര്ഷങ്ങളായി ഇടക്കിടെ നെഞ്ചുവേദന അനുഭവപ്പെട്ടിരുന്നെങ്കിലും കാര്യമാക്കിയില്ല. ഇതിനിടെ ആറ് മാസം മുമ്പ് പക്ഷാഘാതം വന്ന് വീട്ടില് തളര്ന്നു വീണു. മെഡിക്കല് കോളജ് ആശുപത്രിയില് എത്തിച്ചപ്പോള് ശരീരത്തിന്റെ ഇടതു ഭാഗത്തെ ചലനശേഷി നഷ്ടപ്പെട്ടിരുന്നു. പരിശോധനക്കിടെ ഹൃദ്രോഗ ബാധിതനാണന്നും ശ്വാസകോശത്തില് മുഴയുണ്ടന്നും കണ്ടെത്തി. ഹൃദയത്തില് നിന്ന് തലച്ചോറിലേക്ക് രക്തം പമ്പു ചെയ്ത് എത്തുന്ന ഞരമ്പിന്റെ ചുരുക്കം മാറ്റാന് ആദ്യം കഴുത്തില് ശസ്ത്രക്രിയ നടത്തി. ജര്മ്മനിയില് നിന്നെത്തിച്ച പ്രൂവിഷണ്ഡ് എന്ന പ്രത്യേക സംവിധാനം ഉപയോഗിച്ച് ശസ്ത്രക്രിയയുടെ സമയത്ത് വീണ്ടും പക്ഷാഘാതം ഉണ്ടാകാനുള്ള…
Read More »