Month: December 2024
-
Crime
ലക്ഷ്യമിട്ടത് അനിലയെയും ബിസിനസ് പാര്‍ട്ണറായ ആണ്‍സുഹൃത്തിനേയും; ബേക്കറിയുടെ പങ്കാളിത്തത്തെച്ചൊല്ലി തര്‍ക്കം
കൊല്ലം: ചെമ്മാന്‍മുക്കില്‍ യുവതിയെ കാറിനുള്ളില്‍ തീ കൊളുത്തി കൊലപ്പെടുത്തിയ സംഭവത്തില്‍ കൂടുതല്‍ വിവരങ്ങള്‍ പുറത്ത്. കൊല്ലം നഗരത്തിലെ ആശ്രാമം പരിസരത്ത് ബേക്കറി നടത്തുന്ന കൊട്ടിയം തഴുത്തല തുണ്ടില്‍ മേലതില്‍ വീട്ടില്‍ അനില (44)യാണ് കൊല്ലപ്പെട്ടത്. അനിലയുടെ ഭര്‍ത്താവ് പത്മരാജനാണ് കൊലപാതകം നടത്തിയത്. അനില നടത്തുന്ന ബേക്കറിയില്‍ പാര്‍ട്ട്ണറായ യുവാവിനെ ലക്ഷ്യമിട്ടാണ് കൊലപാതകം ആസൂത്രണം ചെയ്തതെന്നാണ് പ്രതി പൊലീസിന് മൊഴി നല്‍കിയത്. കാറില്‍ വെച്ച് അനിലയെ ആക്രമിക്കുമ്പോള്‍, ഒപ്പമുണ്ടായിരുന്ന ബേക്കറി ജീവനക്കാരനായ സോണിക്കും പൊള്ളലേറ്റിരുന്നു. ഇയാള്‍ ആശുപത്രിയില്‍ ചികിത്സയിലാണ്. അനിലയുടെ ആണ്‍സുഹൃത്താണ് കാറിലെന്ന് തെറ്റിദ്ധരിച്ചായിരുന്നു പ്രതി യുവാവിനെയും ആക്രമിച്ചത്. സംഭവത്തിനു ശേഷം പൊലീസില്‍ കീഴടങ്ങിയ പത്മരാജന്റെ അറസ്റ്റ് ഇന്ന് രേഖപ്പെടുത്തും. കൊലപാതകക്കുറ്റത്തിനൊപ്പം യുവാവിനെ ആക്രമിച്ചതിന് വധശ്രമക്കുറ്റവും ചുമത്തും. കടയില്‍ അനിലയുടെ സുഹൃത്തിനുണ്ടായിരുന്ന പാര്‍ട്‌നര്‍ഷിപ്പ് ഉടന്‍ ഒഴിയണമെന്നു പത്മരാജന്‍ ഇയാളോട് ആവശ്യപ്പെട്ടിരുന്നു. ഇതേച്ചൊല്ലി പത്മരാജനും അനിലയുടെ സുഹൃത്തുമായി കയ്യാങ്കളിയും നടന്നിരുന്നു. തുടര്‍ന്ന് പാര്‍ട്ട്ണര്‍ഷിപ്പ് തുക ഡിസംബര്‍ 10ന് തിരികെ തരാമെന്ന രീതിയില്‍ ഒത്തുതീര്‍പ്പും നടന്നു.…
Read More » -
Crime
സുവര്‍ണക്ഷേത്രത്തില്‍ സുഖ്ബീര്‍ സിങ് ബാദലിന് നേരെ വധശ്രമം
ചണ്ഡീഗഢ്: ശിരോമണി അകാലിദള്‍ നേതാവും പഞ്ചാബ് മുന്‍ ഉപമുഖ്യമന്ത്രിയുമായ സുഖ്ബീര്‍ സിങ് ബാദലിന് നേരെ വധശ്രമം. സുവര്‍ണക്ഷേത്രത്തിന്റെ കവാടത്തില്‍വെച്ച് ബാദലിന് നേരെ അക്രമി വെടിയുതിര്‍ക്കുകയായിരുന്നു. ഖലിസ്താന്‍ അനുകൂല സംഘടനാ അംഗം നാരായണ്‍ സിങ് ചോര്‍ഹയാണ് അക്രമി. സ്ഥലത്തുണ്ടായിരുന്നവര്‍ ചേര്‍ന്ന് ഇയാളെ കീഴ്പ്പെടുത്തി. സിഖുകാരുടെ പരമോന്നത സംഘടനയായ അകാല്‍ തഖ്ത് വിധിച്ച ശിക്ഷയുടെ ഭാഗമായി സുവര്‍ണക്ഷേത്രത്തിന്റെ കവാടത്തിന് മുന്നില്‍ വീല്‍ചെയറില്‍ കുന്തവുമായി കാവലിരുന്ന് വരികയായിരുന്നു ബാദല്‍. സുവര്‍ണക്ഷേത്രം അടക്കമുള്ള ഗുരുദ്വാരകളിലെ അടുക്കളയും ശുചിമുറികളും വൃത്തിയാക്കണം തുടങ്ങിവയായിരുന്നു ശിക്ഷയായി വിധിച്ചത്. രണ്ടുദിവസം കാവല്‍ നില്‍ക്കണം, കഴുത്തില്‍ പ്ലക്കാഡ് ധരിക്കണം, കൈയില്‍ കുന്തം കരുതണം. കൂടാതെ ഒരുമണിക്കൂര്‍ കീര്‍ത്തനങ്ങളും ആലപിക്കണം തുടങ്ങിയ ശിക്ഷകളായിരുന്നു അകാല്‍ തഖ്ത് ബാദലിനുമേല്‍ ചുമത്തിയത്. 2007- 2017 കാലത്തെ അകാലിദള്‍ ഭരണത്തിലുണ്ടായ സര്‍ക്കാറിന്റെയും പാര്‍ട്ടിയുടെയും മതപരമായ തെറ്റുകളെ മുന്‍നിര്‍ത്തിയാണ് ബാദലിനെ ശിക്ഷിച്ചത്. സിഖ്മത നിയമപീഠം തെറ്റുകാരനെന്ന് വിധിച്ചതിനുപിന്നാലെ സുഖ്ബീര്‍ സിങ് ബാദല്‍ ശിരോമണി അകാലിദള്‍ അധ്യക്ഷസ്ഥാനം രാജിവെച്ചിരുന്നു.
Read More » -
Crime
ജ്യേഷ്ഠനെ കേസില്‍ പ്രതിയാക്കി 20 കൊല്ലം മുങ്ങിനടന്നു; ആള്‍മാറാട്ടം പൊളിഞ്ഞു, ഒടുവില്‍ അറസ്റ്റ്
ചെന്നൈ: തനിക്കെതിരെയുള്ള കേസില്‍ മൂത്ത സഹോദരന്റെ വിവരങ്ങള്‍ നല്‍കി 20 വര്‍ഷത്തോളം പൊലീസിനെയും കോടതിയെയും കബളിപ്പിച്ച ആളെ മടിപ്പാക്കത്തു നിന്നു പൊലീസ് അറസ്റ്റ് ചെയ്തു. കാഞ്ചീപുരം സ്വദേശി പളനിയാണ് വര്‍ഷങ്ങളോളം പനീര്‍സെല്‍വമെന്ന പേരില്‍ നീതിന്യായ സംവിധാനത്തെ കബളിപ്പിച്ച് ജയില്‍ ശിക്ഷയില്‍ നിന്ന് ഒഴിവായി നടന്നത്. ട്രസ്റ്റ്പുരത്ത്, കൂടെത്താമസിച്ച യുവതിയെ കൊലപ്പെടുത്താന്‍ ശ്രമിച്ചതിന് 2008ലാണ് ഇയാള്‍ക്കെതിരെ കോടമ്പാക്കം പൊലീസ് കേസ് രജിസ്റ്റര്‍ ചെയ്തത്. പനീര്‍സെല്‍വം എന്നു പരിചയപ്പെടുത്തിയാണ് ഇയാള്‍ യുവതിയുമായി സൗഹൃദത്തിലായത്. യുവതി പരാതി നല്‍കിയതും ‘പനീര്‍സെല്‍വ’ത്തിന് എതിരെയായിരുന്നു. അറസ്റ്റ് ചെയ്ത കോടമ്പാക്കം പൊലീസിന് പളനി നല്‍കിയതും മൂത്ത സഹോദരനായ പനീര്‍സെല്‍വത്തിന്റെ വിവരങ്ങളാണ്. 2018ല്‍ ഇയാളെ വിചാരണക്കോടതി 5 വര്‍ഷം തടവിനു ശിക്ഷിച്ചു. ഇതിനെതിരെ ഹൈക്കോടതിയിലും സുപ്രീം കോടതിയിലും ‘പനീര്‍സെല്‍വ’മെന്ന പളനി അപ്പീല്‍ നല്‍കിയെങ്കിലും ശിക്ഷ 3 വര്‍ഷമായി കുറയ്ക്കാന്‍ മാത്രമേ സാധിച്ചുള്ളൂ. മേല്‍ക്കോടതിയും ശിക്ഷ വിധിച്ചതോടെ ഇയാള്‍ ഒളിവില്‍ പോകുകയായിരുന്നു. പ്രതിയായ ‘പനീര്‍സെല്‍വ’ത്തിനെതിരെ ജാമ്യമില്ലാ വാറന്റ് പുറപ്പെടുവിച്ചതിനെ തുടര്‍ന്ന് കാഞ്ചീപുരത്തെ വീട്ടിലെത്തിയ…
Read More » -
NEWS
കൊല്ലത്ത് കാറിൽ സഞ്ചരിച്ച ഭാര്യയെ ഭർത്താവ് പെട്രോൾ ഒഴിച്ച് കത്തിച്ചു, യുവതി തൽക്ഷണം മരിച്ചു, ഒപ്പം ഉണ്ടായിരുന്ന യുവാവ് പൊള്ളലേറ്റ് ആശുപത്രിയിൽ
കൊല്ലത്ത് കാറിൽ സഞ്ചരിക്കുകയായിരുന്ന ഭാര്യയെ ഓമ്നി വാൻ കുറുകെയിട്ടു തടഞ്ഞ ശേഷം ഭർത്താവ് പെട്രോൾ ഒഴിച്ചു തീ കൊളുത്തി കൊലപ്പെടുത്തി. കാറിൽ യുവതിക്കൊപ്പം ഉണ്ടായിരുന്ന യുവാവ് പൊള്ളലേറ്റ് ആശുപത്രിയിൽ. കൊല്ലം ചെമ്മാൻമുക്കിൽ ഇന്നലെ രാത്രി 9 മണിയോടെയായിരുന്നു നാടിനെ നടുക്കിയ ഈ സംഭവം. കൊട്ടിയം തഴുത്തല സ്വദേശിനി അനില (44)യാണ് മരിച്ചത്. നഗരത്തിൽ കടപ്പാക്കട നായേഴ്സ് ജംക്‌ഷനു സമീപം ബേക്കറി നടത്തുയാണ് അനില. ഒപ്പമുണ്ടായിരുന്ന തഴുത്തല സ്വദേശി സോണിയെ ജില്ലാ ആശുപത്രിയിൽ പ്രവേശിപ്പിച്ചു. അനിലയുടെ ഭർത്താവ് പത്മരാജൻ സംഭവശേഷം പോലീസ് സ്റ്റേഷനിൽ എത്തി കീഴടങ്ങുകയായിരുന്നു. കൊട്ടിയത്ത് കേറ്ററിങ് സ്ഥാപനം നടത്തുകയാണ് പത്മരാജൻ (60). ഇയാളെ പൊലീസ് ചോദ്യം ചെയ്യുന്നു. പത്മരാജന്റേതു രണ്ടാം വിവാഹമാണിത്. ബേക്കറിയിലെ ജീവനക്കാരനാണു സോണി. ബേക്കറി അടച്ചശേഷം അനിലയും സോണയും കാറിൽ വരുന്നതും നിരീക്ഷിച്ച് സമീപം കാത്തുകിടക്കുകയായിരുന്നു പത്മരാജൻ എന്നു പൊലീസ് പറയുന്നു. ചെമ്മാൻമുക്ക് ജംക്‌ഷനിൽ എത്തിയപ്പോൾ വാൻ കാറിന്റെ മുൻവശത്ത് ഇടിച്ചു നിർത്തിയ ശേഷം…
Read More » -
Kerala
മുഹമ്മദ് ഇബ്രാഹിമിന് എറണാകുളത്ത് അന്ത്യവിശ്രമം: ഭാവി ഡോക്ടർമാരായി മാറേണ്ട 19 കാരായ 5 മിടുക്കന്മാർ, ഒടുവിൽ പ്രാണനറ്റ് ജന്മനാട്ടിലേയ്ക്കു മടങ്ങി
ഒട്ടേറെ സ്വപ്നങ്ങളുമായാണ് പി.പി മുഹമ്മദ് ഇബ്രാഹിം എന്ന 19 കാരൻ തന്റെ ജന്മദേശമായ ലക്ഷദ്വീപിൽ നിന്ന് കടൽ കടന്ന് കേരളത്തിൽ എത്തിയത്. ലക്ഷദ്വീപ് ആന്ത്രോത്ത് ദ്വീപിലെ മുഹമ്മദ് സനീറിന്റെയും മുംതാസിന്റെയും മകൻ പഠിക്കാൻ മിടുക്കനായിരുന്നു. പ്ലസ്ടു ജയിച്ചത് 98 ശതമാനം മാർക്കോടെ. ആദ്യശ്രമത്തിൽ തന്നെ നീറ്റിൽ മികച്ച റാങ്ക് നേടി എംബിബിഎസിന് പ്രവേശനം നേടുകയും ചെയ്തു. ആലപ്പുഴ മെഡിക്കൽ കോളജിലാണ് പ്രവേശനം ലഭിച്ചത്. മുഹമ്മദ് ഇബ്രാഹിം കുടുംബത്തിന്റെയും മാത്രമല്ല നാടിന്റെയും പ്രതീക്ഷയായിരുന്നു. ഒടുവിൽ അപ്രതീക്ഷിതമായി ആ യുവാവിന്റെ പ്രാണൻ വിധി തട്ടി എടുത്തു. ആലപ്പുഴ കളർകോട് വാഹനാപകടത്തിൽ 4 സഹപാഠികൾക്കൊപ്പം മുഹമ്മദ് ഇബ്രാഹിമും മരണത്തിനു കൂട്ടു പോയി. പക്ഷേ സ്വന്തം മണ്ണിലേക്ക് തിരിച്ചു പോകാൻ മുഹമ്മദ് ഇബ്രാഹിമിന് കഴിഞ്ഞില്ല. ഇന്ന് വൈകീട്ട് മൂന്നരയ്ക്ക് എറണാകുളം സെൻട്രൽ ജുമാ മസ്ജിദില്‍ മുഹമ്മദ് ഇബ്രാഹിമിന്റെ മൃതദേഹം കബറടക്കി. ഈ 5 പേരിൽ ആദ്യം സംസ്കരിച്ചതും മുഹമ്മദ് ഇബ്രാഹിമിനെയാണ്. ലക്ഷദ്വീപിൽ നിന്ന് പിതാവ്.മുഹമ്മദ് സനീറും…
Read More » -
LIFE
ഇരട്ടരാജയോഗം, ധനഭാഗ്യം ഫലമായി വരും 3 നക്ഷത്രക്കാര്‍
പുതുവര്‍ഷം അടുത്തെത്തിക്കഴിഞ്ഞു. 2025 സര്‍വസൗഭാഗ്യത്തോടും ഐശ്വര്യത്തോടും കൂടി തങ്ങള്‍ക്ക് ഫലമായി വരണം എന്ന് ആഗ്രഹിയ്ക്കുന്നവരാണ് എല്ലാവരും. പുതുവര്‍ഷത്തില്‍ ജ്യോതിഷത്തിന് പ്രധാന്യമുണ്ട്. പുതുവര്‍ഷം ചില നക്ഷത്രക്കാര്‍ക്ക് നല്ലതും മോശവുമെല്ലാം ഫലമായി വരും. ഇതില്‍ മൂന്ന് നക്ഷത്രങ്ങള്‍ക്ക് ഇരട്ട രാജയോഗം, ധനഭാഗ്യം എന്നിവ പറയുന്നു. ആകെയുള്ള 27 നക്ഷത്രക്കാരില്‍ 2025ല്‍ ഏറെ ഭാഗ്യവും ഉയര്‍ച്ചയും ഫലമായി പറയുന്ന ആ മൂന്ന് നക്ഷത്രക്കാരെക്കുറിച്ചറിയാം. പുണര്‍തം പുണര്‍തം നക്ഷത്രജാതര്‍ ചുവന്ന താമരപ്പൂവ് ദേവീക്ഷേത്രത്തില്‍ സമര്‍പ്പിച്ച് പ്രാര്‍ത്ഥിയ്ക്കു. രോഗാദി ദുരിതങ്ങളിലൂടെ കടന്നു പോകുന്നവര്‍ക്ക് ശമനമുണ്ടാകും. ഇവര്‍ക്ക് ആഗ്രഹിച്ചതും കൊതിച്ചതും നേടിയെടുക്കും. ആദ്യമുക്കാല്‍ ഭാഗത്ത് ജനിച്ചവര്‍ മിഥുനവും ബാക്കി കര്‍ക്കിടകക്കൂറുമാണ്. ഏത് രാശിയാണെങ്കിലും ഈ നാളുകാര്‍ക്ക് 2025ല്‍ രാജയോഗമാണ് പറയുന്നത്. ജോലി രംഗത്ത് നേട്ടമുണ്ടാകും. സര്‍ക്കാര്‍ ജോലിക്ക് ശ്രമിക്കുന്നവര്‍ക്ക് അത് ലഭിക്കും. വിദേശത്ത് പോകാന്‍ ആഗ്രഹിയ്ക്കുന്നവര്‍ക്ക് അത് ലഭിക്കും. ലോട്ടറി ഭാഗ്യവും ഇവര്‍ക്കുണ്ടാകും. ദുഖങ്ങളിലൂടെ കടന്നു പോകുന്നവര്‍ക്ക് ആശ്വസിക്കാന്‍ പല കാര്യങ്ങളും ലഭിയ്ക്കും. എല്ലാ കാര്യങ്ങളിലും നേട്ടമാണ് ലഭിക്കുന്നത്. പൂയം…
Read More » -
Crime
കെട്ടിടത്തിന് തീയിട്ട് മുന്‍ കാമുകനടക്കം രണ്ടുപേരെ കൊന്നു; നടിയുടെ സഹോദരി അറസ്റ്റില്‍
ന്യൂയോര്‍ക്ക്: കെട്ടിടത്തിന് തീയിട്ട് രണ്ടുപേരെ കൊലപ്പെടുത്തിയ സംഭവത്തില്‍ നടിയും മോഡലുമായ നര്‍ഗീസ് ഫക്രിയുടെ സഹോദരി ആലിയ ഫക്രി(43) യു.എസില്‍ അറസ്റ്റില്‍. മുന്‍ ആണ്‍സുഹൃത്തായ എഡ്വേര്‍ഡ് ജേക്കബ്സ്(35), ഇയാളുടെ സുഹൃത്ത് അനസ്താസിയ എറ്റിനി(33) എന്നിവരെ കൊലപ്പെടുത്തിയ കേസിലാണ് ആലിയ അറസ്റ്റിലായത്. നവംബര്‍ രണ്ടാംതീയതിയായിരുന്നു കേസിനാസ്പദമായ സംഭവം. മുന്‍ ആണ്‍സുഹൃത്തായ ജേക്കബ്സും സുഹൃത്തും താമസിക്കുന്ന ഗ്യാരേജ് കെട്ടിടത്തിലെത്തിയ യുവതി ‘ഇന്ന് നിങ്ങളെല്ലാം മരിക്കാന്‍ പോവുകയാണെന്ന്’ പറഞ്ഞ് തീയിടുകയായിരുന്നു. കെട്ടിടത്തിന് മുകള്‍നിലയില്‍ താമസിച്ചിരുന്ന ജേക്കബ്സ് സംഭവസമയം ഉറങ്ങുകയായിരുന്നു. കെട്ടിടത്തിന് തീപിടിച്ചതറിഞ്ഞ് എറ്റിനി മുകള്‍നിലയില്‍നിന്ന് താഴേക്ക് വന്നെങ്കിലും ഉറങ്ങുകയായിരുന്ന ജേക്കബ്സിനെ രക്ഷിക്കാനായി വീണ്ടും മുകളിലേക്ക് പോയി. എന്നാല്‍, അതിനകം കെട്ടിടത്തില്‍ തീ ആളിപ്പടര്‍ന്ന് ഇരുവരും കുടുങ്ങിപ്പോവുകയും പൊള്ളലേറ്റ് മരണം സംഭവിക്കുകയുമായിരുന്നു. ഒരുവര്‍ഷം മുന്‍പ് ജേക്കബ്സ് ആലിയയുമായുള്ള സൗഹൃദം ഉപേക്ഷിച്ചിരുന്നതായാണ് റിപ്പോര്‍ട്ട്. എന്നാല്‍, യുവതി ഇത് അംഗീകരിക്കാന്‍ കൂട്ടാക്കിയില്ല. സൗഹൃദത്തില്‍നിന്ന് പിന്മാറിയതിന്റെ പകയാണ് ആക്രമണത്തിലേക്ക് നയിച്ചതെന്നാണ് റിപ്പോര്‍ട്ടുകളില്‍ പറയുന്നത്. ജേക്കബ്സിന്റെ വീടിന് തീയിടുമെന്ന് യുവതി നേരത്തെ ഭീഷണിപ്പെടുത്തിയതായി സാക്ഷിമൊഴികളുമുണ്ട്.…
Read More » -
Health
രാവിലെ ഈ കാര്യങ്ങള്‍ ചെയ്താല്‍ ഏത് കൂടിയ കൊളസ്‌ട്രോളും കുറയ്ക്കാം
ഒരു വ്യക്തി ദിനചര്യയില്‍ പിന്തുടരുന്ന പല കാര്യങ്ങളും ജീവിതത്തില്‍ വലിയ മാറ്റങ്ങള്‍ സൃഷ്ടിക്കാന്‍ സഹായിക്കും. ആരോഗ്യകരമായ നേട്ടങ്ങള്‍ മാത്രമല്ല മാനസികമായും ഇത് വളരെ വലിയ സ്വാധീനമാണ് ചെലുത്തുന്നത്. ഇതില്‍ പ്രധാനമാണ് രാവിലെ എഴുന്നേറ്റയുടന്‍ ചെയ്യുന്ന കാര്യങ്ങള്‍. പ്രഭാത്തില്‍ പിന്തുടരുന്ന പല ശീലങ്ങളും പല ജീവിതശൈലി രോഗങ്ങളെയും ചെറുക്കാന്‍ സഹായിക്കുന്നതാണ്. കൊളസ്‌ട്രോള്‍ പലരെയും അലട്ടുന്ന പ്രധാന ആരോഗ്യ പ്രശ്‌നങ്ങളില്‍ ഒന്നാണ്. ധമനികളില്‍ കൊഴുപ്പ് അടിഞ്ഞ് കൂടുന്നതാണ് കൊളസ്‌ട്രോളിന് കാരണമാകുന്നത്. പ്രഭാത ഭക്ഷണം നല്ല പോഷകങ്ങള്‍ നിറഞ്ഞ ഭക്ഷണം കഴിച്ച് ദിവസം ആരംഭിക്കുന്നതിലൂടെ കൊളസ്‌ട്രോള്‍ കുറയ്ക്കാന്‍ സാധിക്കും. നല്ല നാരുകള്‍ ഉള്ള ഭക്ഷണം കഴിക്കാന്‍ ശ്രമിക്കുക. ലയിക്കുന്ന നാരകള്‍ അടങ്ങിയിട്ടുള്ള ഫ്രഷ് പഴങ്ങള്‍, ഓട്‌സ്, മുഴു ധാന്യങ്ങള്‍ തുടങ്ങിയവ ഏറെ നല്ലതാണ്. അമേരിക്കന്‍ മെഡിക്കല്‍ അസോസിയേഷന്റെ ജേണലില്‍ പ്രസിദ്ധീകരിച്ച ഒരു പഠനമനുസരിച്ച്, പ്രതിദിനം 5 മുതല്‍ 10 ഗ്രാം വരെ ലയിക്കുന്ന ഫൈബര്‍ കഴിക്കുന്നത് എല്‍ഡിഎല്‍ കൊളസ്‌ട്രോള്‍ ഏകദേശം 5 ശതമാനം കുറയ്ക്കും. ബദാം…
Read More » -
NEWS
”കുടുംബിനിയാകാന്‍ മോഹിച്ച് അമേരിക്കയിലേക്ക്; കാത്തിരുന്നത് പീഡനങ്ങള്‍; നടിയുടെ ജീവിതം തകര്‍ത്തത് ഭര്‍ത്താവ്”
നടി സുകന്യയുടെ ജീവിതത്തില്‍ സംഭവിച്ചത് എന്തെന്ന് തുറന്ന് പറഞ്ഞ് സംവിധായകന്‍ ആലപ്പി അഷ്റഫ്. കുടുംബ ജീവിതം മോഹിച്ച സുകന്യയെ കാത്തിരുന്നത് കൊടിയ പീഡനങ്ങളായിരുന്നുവെന്നാണ് അഷ്റഫ് പറയുന്നത്. തന്റെ യൂട്യുബ് ചാനലിലൂടെയാണ് അദ്ദേഹം സുകന്യയുടെ ജീവിതകഥ പങ്കുവെക്കുന്നത്. തമിഴിലും തെലുങ്കിലും പിന്നീട് മലയാളത്തിലും മിന്നിത്തിളങ്ങി നിന്നിരുന്ന നായിക നടിയായിരുന്നു സുകന്യ. അഭിനയ ജീവിതത്തിന്റെ ഉന്നതിയില്‍ നില്‍ക്കുമ്പോള്‍ വിവാഹ ജീവിതത്തിലേക്ക് കടക്കുകയും, ഏതാനും മാസങ്ങള്‍ക്കുള്ളില്‍ ആ ബന്ധം അവസാനിപ്പിക്കുകയും അതോടെ ദാമ്പത്യ ജീവിതം വെറുക്കുകയും ചെയ്ത സുകന്യ എന്ന 54 കാരി ഇന്ന് തനിച്ചാണ് എന്നാണ് ആലപ്പി അഷ്റഫ് പറയുന്നത്. സുകന്യയുടെ രണ്ടാമത്തെ ചിത്രം സംവിധാനം ചെയ്തത് താനായിരുന്നു. ഇന്‍ ഹരിഹര്‍ നഗര്‍ എന്ന സിനിമയുടെ റീമേക്ക് ആയ എംജിആര്‍ നഗറില്‍ ആയിരുന്നു സിനിമ. ആര്‍ബി ചൗധരിയായിരുന്നു സിനിമയുടെ നിര്‍മ്മാതാവ്. തമിഴ് സിനിമയിലെ മുടിചൂടാ മന്നന്‍ ഭാരതിരാജ കണ്ടെത്തിയ പുതുമുഖ നായികായിരുന്നു സുകന്യ. അദ്ദേഹത്തിന്റെ പുതു നെല്ല് പുതു നാത്ത് എന്ന ചിത്രത്തിലെ നായികയായിരുന്നു…
Read More » -
NEWS
നാനടിച്ചാല്‍ താങ്കമാട്ടെ 4 മാസം തൂങ്കമാട്ടെ! ഞാന്‍ പ്രസിഡന്റായി വരുംമുന്‍പേ ബന്ദികളെ മോചിപ്പിക്കണം; ഹമാസിനു ട്രംപിന്റെ അന്ത്യശാസനം
വാഷിങ്ടണ്‍: ഗാസയില്‍ തടവിലുള്ള ബന്ദികളെ മോചിപ്പിച്ചില്ലെങ്കില്‍ ഹമാസിനു ഗുരുതര പ്രത്യാഘാതങ്ങള്‍ നേരിടേണ്ടി വരുമെന്ന മുന്നറിയിപ്പുമായി നിയുക്ത യുഎസ് പ്രസിഡന്റ് ഡോണള്‍ഡ് ട്രംപ്. താന്‍ അധികാരമേറ്റെടുക്കുന്നതിനു മുന്‍പ് ബന്ദികളുടെ മോചനം നടന്നിരിക്കണമെന്നും ട്രംപ് മുന്നറിയിപ്പ് നല്‍കി. ട്രൂത്ത് എന്ന സമൂഹമാധ്യമ പ്ലാറ്റ്‌ഫോമിലൂടെയായിരുന്നു അന്ത്യശാസനം. ”എല്ലാവരും സംസാരിക്കുന്നത് ഗാസയില്‍ മനുഷ്യത്വരഹിതമായും ക്രൂരമായും ബന്ദികളാക്കിയവരെ കുറിച്ചാണ്. സംസാരം മാത്രമേയുള്ളൂ, നടപടികള്‍ ഉണ്ടാകുന്നില്ല. എന്നാല്‍ ഞാന്‍ പറയട്ടെ, യുഎസ് പ്രസിഡന്റായി ചുമതലയേല്‍ക്കുന്ന 2025 ജനുവരി 25നു മുന്‍പ് ഗാസയില്‍ ബന്ദികളാക്കിയവരെ മോചിപ്പിച്ചില്ലെങ്കില്‍ വന്‍ പ്രത്യാഘാതം നേരിടേണ്ടി വരും. മനുഷ്യരാശിക്കെതിരെ ഇത്തരം നിഷ്ഠൂര പ്രവര്‍ത്തനങ്ങള്‍ നടത്തുന്നവര്‍ വലിയ വില നല്‍കേണ്ടി വരും. എത്രയും പെട്ടെന്ന് ബന്ദികളെ മോചിപ്പിക്കുക.” -ട്രംപ് കുറിച്ചു. ഇസ്രയേല്‍ പ്രധാനമന്ത്രി ബെന്യമിന്‍ നെതന്യാഹു ഇതുവരെ ട്രംപിന്റെ വാക്കുകളോട് പ്രതികരിച്ചിട്ടില്ല. എന്നാല്‍, പ്രസിഡന്റ് യിസാക് ഹെര്‍സോഗ് ട്രംപിന് എക്‌സ് പ്ലാറ്റ്‌ഫോമിലൂടെ നന്ദി അറിയിച്ചു. 2023 ഒക്ടോബര്‍ ഏഴിനാണ് ഹമാസ് ഇസ്രയേലില്‍ ആക്രമണം നടത്തിയത്. ഏറ്റുമുട്ടലുകളില്‍ 1208 ഇസ്രയേല്‍…
Read More »