Month: May 2024

‘നോ’ പറയാൻ ധൈര്യമുണ്ടോ…? ഇല്ലെങ്കിൽ പല ചതികളും പതിയിരിപ്പുണ്ട്

ലൈഫ്‌സ്റ്റൈൽ സുനിൽ കെ ചെറിയാൻ     ചിട്ടിയിൽ നമ്മെ ചേർക്കാൻ ‘യാചിക്കുന്ന’ ആന്റി പറയുന്നത് ഈ ഒരു ചിട്ടി കൂടെ കിട്ടിയാലേ ആവശ്യത്തിനുള്ള റൗണ്ട് പൂർത്തിയാവൂ എന്നാണ്. ആന്റിയെ കഷ്‌ടപ്പെടുത്തേണ്ടെന്ന് വിചാരിച്ച് നമ്മൾ ആ ചിട്ടിയിൽ ചേരുന്നു. എൽ ഐ സി ഏജന്റായ ബന്ധുവും അത് തന്നെയാണ് പറഞ്ഞത്. ഈ ഒരു പോളിസി കിട്ടിയില്ലെങ്കിൽ അദ്ദേഹത്തിന്റെ ജോലി തന്നെ അപകടത്തിലാണെന്ന്! കുടുംബപ്രശ്‍നം ഉണ്ടാക്കേണ്ടെന്ന് കരുതി നാം നന്മമരമാവും. കൂട്ടുകാർ കൂടുമ്പോൾ ഒരു ഡ്രിങ്ക് ആരെങ്കിലും വച്ച് നീട്ടിയാൽ അദ്ദേഹത്തിന് അപമാനമാകേണ്ടെന്ന് വിചാരിച്ച് നമ്മൾ അത് വാങ്ങി വിഴുങ്ങുന്നു. കുടുംബത്തിലെ പ്രധാന കാരണവർ ഒരു കല്യാണാലോചനയുമായി വന്നാൽ ധിക്കാരിയാവേണ്ടെന്ന് കരുതി ആ കല്യാണത്തിന് സമ്മതം മൂളുന്നു. വീട് പണിയുമ്പോൾ അത്യാവശ്യം അന്തിയുറങ്ങാനൊരിടം എന്ന് മനസ്സിൽ കണക്ക് കൂട്ടുമ്പോൾ, ഇവിടെ ഒരു വരാന്ത നന്നായിരിക്കും; അവിടെ നാല് തൂണുകൾ പൊളിയായിരിക്കും എന്ന് പറയുന്ന കസിൻ… അവനിപ്പോൾ എൻജിനീയറാണ്, അവനോടാണല്ലോ വീടിന്റെ പ്ലാൻ വരയ്ക്കാൻ…