Business
-
പുതിയ ജിഎസ്ടി 2.0 വന്നേട്ടമാകുമെന്ന് വിലയിരുത്തല് ; നിരക്കുകള് പ്രാബല്യത്തില് വന്നതോടെ അമുല്, മദര് ഡയറി ഉല്പ്പന്നങ്ങളായ പാല്, വെണ്ണ, നെയ്യ്, പനീര്, ചീസ് എന്നിവയുടെ വില കുറച്ചു
ന്യൂഡല്ഹി: നരേന്ദ്രമോദി സര്ക്കാരിന്റെ പുതിയ ജിഎസ്ടി നയം വന്നത് അനേകം സാധനങ്ങളുടെ വില കുറയാന് കാരണമാകും. പ്രധാനമായും പാലും പാല് ഉല്പ്പന്നങ്ങള്ക്കുമാണ് ഇതിന്റെ ഏറ്റവും വലിയ ഗുണമുണ്ടാകുക. സെപ്റ്റംബര് 3-ന് നടന്ന 56-ാമത് ജിഎസ്ടി കൗണ്സില് യോഗത്തിലെ തീരുമാനപ്രകാരം, പാല്, മറ്റ് പാലുല്പ്പന്നങ്ങള് എന്നിവയുടെ ചരക്ക് സേവന നികുതി (ജിഎസ്ടി) സെപ്റ്റംബര് 22 മുതല് കുറഞ്ഞിരിക്കെ അതിന്റെ ആനുകൂല്യം ഉപഭോക്താക്കള്ക്ക് നല്കി മദര് ഡയറിയും അമുലും. യുഎച്ച്ടി പാല്, പനീര്, നെയ്യ്, വെണ്ണ, ചീസ്, മറ്റ് പാലുല്പ്പന്നങ്ങള് എന്നിവയുടെ വില കുറച്ചതായി പ്രഖ്യാപിച്ചു. പാക്കേജുചെയ്ത പാല്, പാലുല്പ്പന്നങ്ങള് എന്നിവയുടെ ജിഎസ്ടി ഒഴിവാക്കാനും കുറക്കാനുമുള്ള സര്ക്കാരിന്റെ നീക്കം രാജ്യത്തെ എല്ലാ കുടുംബങ്ങള്ക്കും അവശ്യവസ്തുക്കള് കൂടുതല് താങ്ങാനാവുന്നതാക്കാന് വേണ്ടിയാണ്. കുറച്ച ജിഎസ്ടിയുടെ ആനുകൂല്യം നേരിട്ട് ഉപഭോക്താക്കള്ക്ക് നല്കുമെന്ന് ബ്രാന്ഡുകള് ഉറപ്പുനല്കിയിട്ടുണ്ട്. അമുല് ബ്രാന്ഡിന് കീഴില് പാലുല്പ്പന്നങ്ങള് വിപണനം ചെയ്യുന്ന ജിസിഎംഎംഎഫ് (GCMMF), ജിഎസ്ടി നിരക്ക് കുറച്ചതിന്റെ മുഴുവന് ആനുകൂല്യവും ഉപഭോക്താക്കള്ക്ക് കൈമാറാന് തീരുമാനിച്ചതായി ശനിയാഴ്ച…
Read More » -
183 ലിറ്റർ ശേഷിയിലുള്ള പുതിയ സിംഗിൾ ഡോർ ഫ്രിഡ്ജ് ശ്രേണിയുമായി സാംസങ്
കൊച്ചി: പുതിയ സിംഗിൾ ഡോർ റഫ്രിജറേറ്റർ ശ്രേണി അവതരിപ്പിച്ച് സാംസങ്. 183 ലിറ്റർ ശേഷിയിലുള്ള എട്ട് പുതിയ മോഡലുകളാണ് പുറത്തിറക്കുന്നത്. ബെഗോണിയ, വൈൽഡ് ലിലി എന്നീ രണ്ട് പൂക്കൾ ആസ്പദമാക്കിയ ഡിസൈൻ മാതൃകകൾ ചുവപ്പ്, നീല നിറങ്ങളിൽ ലഭ്യമാണ്. ത്രീ സ്റ്റാർ, ഫൈവ് സ്റ്റാർ എൻർജി റേറ്റിങ്ങോടുകൂടിയ ഇവ സ്റ്റൈലും ദീർഘായുസും ഒരുമിച്ച് വാഗ്ദാനം ചെയ്യുന്നു. പുതിയ ഫ്രിഡ്ജുകൾ ആധുനിക ഇന്ത്യൻ വീടുകളിലെ അടുക്കളകളുടെ സൗന്ദര്യം കൂട്ടാനായി രൂപകല്പന ചെയ്തതാണ്. സ്റ്റൈലൻ ഡോർ ഡിസൈൻ, ബാർ ഹാൻഡിൽ എന്നിവ പ്രീമിയം ലുക്ക് നൽകുന്നു. ഇന്ത്യൻ ഉപഭോക്താക്കൾ സ്റ്റൈലിനും കരുത്തിനും ഒരുപോലെ പ്രാധാന്യം നൽകുന്നുവെന്നും ഫ്ളോറൽ ഡിസൈൻ മോഡലുകൾ തങ്ങളുടെ സിംഗിൾ ഡോർ വിറ്റുവരവിന്റെ 70 ശതമാനത്തിന് മുകളിൽ സംഭാവന ചെയ്യുന്നുവെന്നും സാംസങ് ഇന്ത്യയിലെ ഡിജിറ്റൽ അപ്ലയൻസസ് വിഭാഗം വൈസ് പ്രസിഡന്റ് ഘുഫ്രാൻ ആലം പറഞ്ഞു. പ്രായോഗികമായ നിരവധി സവിശേഷതകളും പുതിയ ശ്രേണിയിൽ ഉൾപ്പെടുത്തിയിട്ടുണ്ട്. 20 വർഷത്തെ വാറന്റിയുള്ള ഡിജിറ്റൽ ഇൻവർട്ടർ കമ്പ്രസർ…
Read More » -
കൊച്ചിയുടെ സ്പേസ് വൺ ഇനി കൂടുതൽ നഗരങ്ങളിലേക്ക്, കോ-വർക്കിംഗ് സ്പേസ് ആശയത്തിന് വൻ സ്വീകാര്യത
കൊച്ചി: കോ-വർക്കിംഗ് ഇടങ്ങൾ ഒരുക്കുന്ന പ്രമുഖ സ്ഥാപനമായ സ്പേസ് വൺ (SpazeOne), ദക്ഷിണേന്ത്യയിലെ വിവിധ നഗരങ്ങളിലേക്ക് തങ്ങളുടെ പ്രവർത്തനം വ്യാപിപ്പിക്കുന്നു. കോർപ്പറേറ്റ് സ്ഥാപനങ്ങൾക്കും വ്യക്തികൾക്കും ഒരുപോലെ പ്രയോജനപ്പെടുന്ന കോ-വർക്കിംഗ് സ്പേസ് ആശയത്തിന് വലിയ സ്വീകാര്യത ലഭിക്കുന്ന സാഹചര്യത്തിലാണ് ഈ പുതിയ നീക്കം. നാല് വർഷം മുൻപ് സംരംഭകരായ സിജോ ജോസും ജയിംസ് തോമസും ചേർന്ന് കൊച്ചിയിൽ തുടക്കമിട്ട സ്പേസ് വൺ, ഇതിനോടകം 70 കോടിയിലധികം രൂപയുടെ നിക്ഷേപം സ്വന്തമാക്കി. കേരളം, തമിഴ്നാട്, കർണാടക എന്നിവിടങ്ങളിലെ വിവിധ നഗരങ്ങളിലായി 5.5 ലക്ഷം ചതുരശ്രയടി വിസ്തീർണമുള്ള ഓഫീസ് സ്ഥലങ്ങളാണ് ഇപ്പോൾ സ്പേസ് വൺ കൈകാര്യം ചെയ്യുന്നത്. “മാധ്യമങ്ങൾ, ബാങ്കിങ്, ഐടി സേവനങ്ങൾ ഉൾപ്പെടെ വിവിധ മേഖലകളിലുള്ള സ്ഥാപനങ്ങൾക്ക് മെച്ചപ്പെട്ടതും എന്നാൽ ചെലവ് കുറഞ്ഞതുമായ ഓഫീസ് ഇടങ്ങൾ അത്യാവശ്യമാണ്. കോർപ്പറേറ്റുകൾ, വളരുന്ന സംരംഭങ്ങൾ, സ്റ്റാർട്ടപ്പുകൾ, ഫ്രീലാൻസർമാർ തുടങ്ങി വലിയൊരു വിഭാഗം ഇപ്പോൾ ഞങ്ങളുടെ സേവനം തേടുന്നുണ്ട്,” സ്പേസ് വൺ സഹസ്ഥാപകനും ഡയറക്ടറുമായ സിജോ ജോസ് പറഞ്ഞു.…
Read More » -
റഷ്യന് എണ്ണ: ഇന്ത്യക്ക് ചുമത്തിയ 25 ശതമാനം അധിക തീരുവ അമേരിക്ക പിന്വലിച്ചേക്കും; ബന്ധം ഊഷ്മളമാക്കാന് കൂടുതല് നടപടികള് ഉടന്; വ്യാപാര ചര്ച്ചയില് നിര്ണായക തീരുമാനങ്ങള്
ന്യൂഡല്ഹി: റഷ്യന് എണ്ണ വാങ്ങുന്നതിന്റെ പേരില് ഇന്ത്യയ്ക്ക് മേല് ഏര്പ്പെടുത്തിയ 25 ശതമാനം അധികത്തീരുവ യുഎസ് പിന്വലിച്ചേക്കും. നവംബര് 30ന് ശേഷം പിഴത്തീരുവ ഉണ്ടാകുമെന്ന് താന് കരുതുന്നില്ലെന്ന് മുഖ്യ സാമ്പത്തിക ഉപദേഷ്ടാവ് അനന്ത നാഗേശ്വരര് വെളിപ്പെടുത്തി. ഇന്ത്യയും യുഎസുമായുള്ള വ്യാപാര ബന്ധത്തില് നിര്ണായക പുരോഗതിയുണ്ടാകുമെന്നും അദ്ദേഹം പ്രതീക്ഷ പ്രകടിപ്പിച്ചു. തിരിച്ചടിത്തീരുവ 25 ശതമാനത്തില്നിന്ന് പത്താഴ്ചയ്ക്കുള്ളില് 10 മുതല് 15 ശതമാനത്തിലേക്ക് വരെ കുറഞ്ഞേക്കാമെന്നും അദ്ദേഹം എഎന്ഐക്ക് നല്കിയ അഭിമുഖത്തില് വെളിപ്പെടുത്തി. അധികത്തീരുവയെ തുടര്ന്ന് ഉലഞ്ഞ ബന്ധം ഊഷ്മളമാക്കാനുള്ള നടപടികള് വരും ദിവസങ്ങളില് കൂടുതലായി പ്രഖ്യാപിക്കപ്പെടുമെന്നാണ് കരുതുന്നത്. ന്യൂഡല്ഹിയില് നടന്ന ഇന്ത്യ-യുഎസ് വ്യാപാര ചര്ച്ചയിലാണ് നിര്ണായക തീരുമാനം ഉണ്ടായതെന്നാണ് റിപ്പോര്ട്ടുകള് സൂചിപ്പിക്കുന്നത്. ഇന്ത്യയ്ക്ക് മേല് അധികത്തീരുവ ഏര്പ്പെടുത്തിയതിന് ശേഷം ഇതാദ്യമായിട്ടാണ് യുഎസ് സംഘം വ്യാപാര ചര്ച്ചയ്ക്കായി ന്യൂഡല്ഹിയിലേക്ക് കഴിഞ്ഞ ദിവസം എത്തിയത്. റഷ്യയില്നിന്ന് ഇന്ത്യ എണ്ണ വാങ്ങുന്നതു വഴി യുക്രെയ്ന് യുദ്ധത്തെ പ്രോല്സാഹിപ്പിക്കുകയാണെന്നായിരുന്നു ട്രംപിന്റെ നിലപാട്. ഇന്ത്യ ഇന്ധനം വാങ്ങുന്നത് വഴി റഷ്യന്…
Read More » -
ഹിന്ഡന്ബര്ഗ് റിസര്ച്ച് ക്രമക്കേട്: അദാനിക്ക് ക്ലീന്ചിറ്റ്; ‘റിപ്പോര്ട്ടില് പറയുന്ന ഇടപാടുകള് അദാനിയുമായി ബന്ധപ്പെട്ടതല്ല, പരിഗണിക്കാന് കഴിയുക 2021ലെ ഭേദഗതിക്കു ശേഷമുള്ള ഇടപാടുകള്’
ന്യൂഡല്ഹി: ഹിന്ഡന്ബര്ഗ് റിസര്ച്ച് പുറത്തുവിട്ട ക്രമക്കേട് ആരോപണങ്ങളില് ഗൗതം അദാനിക്കും അദാനി ഗ്രൂപ്പിനും ക്ലീന് ചിറ്റ് നല്കി സെബി. ഉന്നയിക്കപ്പെട്ട ആരോപണങ്ങള് ഒന്നും തെളിയിക്കാന് കഴിഞ്ഞിട്ടില്ലെന്നും ക്രമക്കേടുകള് കണ്ടെത്താന് കഴിഞ്ഞിട്ടില്ലെന്നും വ്യക്തമാക്കിയാണ് സെബി അംഗം കമലേഷ് ചന്ദ്ര വര്ഷനെയ ഉത്തരവ് പുറപ്പെടുവിച്ചത്. ഷെല് കമ്പനികള് വഴി വിപണിയില് കൃത്രിമം നടത്തുകയാണെന്നും ഓഹരികള് പെരുപ്പിച്ച് കാട്ടിയെന്നുമായിരുന്നു ഹിന്ഡന്ബര്ഗ് ഉയര്ത്തിയ ആരോപണം. ഇതിന്മേല് അന്വേഷണം നടത്തിയ സെബി, കമ്പനി യാതൊരു നിയമലംഘനവും നടത്തിയിട്ടില്ലെന്നാണ് വ്യക്തമാക്കിയിരിക്കുന്നത്. റിപ്പോര്ട്ടില് പറയുന്ന സമയത്തെ ഇടപാടുകള് അദാനിയുമായി ബന്ധപ്പെട്ടതല്ലെന്നും 2021 ലെ ഭേദഗതിക്ക് ശേഷമുള്ള ഇടപാടുകളേ പരിഗണിക്കാന് കഴിയുകയുള്ളൂവെന്നും സെബി ഉത്തരവില് പറയുന്നു. സംശയാസ്പദമെന്ന് ഹിന്ഡന്ബര്ഗില് പറയുന്ന വായ്പകള് പലിശ സഹിതം തിരികെ അടച്ചിട്ടുണ്ടെന്നും ഒരു ഫണ്ടും വകമാറ്റിച്ചെലവഴിച്ചിട്ടില്ലെന്നും സെബി റഗുലേറ്റര് കണ്ടെത്തി. അതുകൊണ്ട് തന്നെ തട്ടിപ്പോ, അധാര്മികമായ വ്യാപരമോ നടന്നിട്ടില്ലെന്നും ഉത്തരവില് വ്യക്തമാക്കുന്നു. ഇതോടെ അദാനി ഗ്രൂപ്പിനെതിരെയുള്ള എല്ലാ നടപടികളും അവസാനിപ്പിക്കും. 2021 ജനുവരിയിലാണ് അദാനി ഗ്രൂപ്പ് വന്…
Read More » -
സാംസങ്ങ് കുട്ടികൾക്കായി ‘സാംസങ്ങ് കിഡ്സ് ഡേ 2025 സംഘടിപ്പിച്ചു
രാജ്യത്തെ ഏറ്റവും വലിയ ഇലക്ട്രോണിക്സ് ബ്രാന്ഡായ സാംസങ്ങ് കുട്ടികള്ക്കായി ‘സാംസങ്ങ് കിഡ്സ് ഡേ 2025’ സംഘടിപ്പിച്ചു. ജീവനക്കാരും അവരുടെ കുട്ടികളും പങ്കാളികളും ഒരുമിച്ചുകൂടി സാംസങ്ങ് കുടുംബത്തിന്റെ ഭാഗമാണെന്ന അഭിമാനം പങ്കിടുന്നതിനായുള്ള ആഘോഷമായി അത് മാറി. ഗുരുഗ്രാമിലെ സാംസങ്ങ് കോര്പറേറ്റ് ഓഫീസില് നടന്ന ഒരു ദിവസം നീണ്ടു നിന്ന പരിപാടി കുടുംബങ്ങള്ക്ക് മനോഹരമായ ഓര്മ്മകള് സമ്മാനിക്കാനും അടുത്ത തലമുറയ്ക്ക് സ്വപ്നം കാണാനും, നവീകരണത്തിനും, സാങ്കേതികവിദ്യയെ അന്വേഷിക്കാനും പ്രചോദനം നല്കുന്നതിനായിട്ടുമായിരുന്നു. മാതാപിതാക്കളോടൊപ്പം എത്തിയ കുട്ടികള്ക്ക് സാംസങ്ങിന്റെ ലോകത്തേക്ക് കാലെടുത്തുവയ്ക്കാനും, മാതാപിതാക്കള് എവിടെയാണ് ജോലി ചെയ്യുന്നതെന്ന് കാണാനും, കമ്പനിയുടെ നൂതനാശയങ്ങളുടെയും പരിചരണത്തിന്റെയും സംസ്കാരം അനുഭവിക്കാനും സംരംഭം അവസരം നല്കി. സാംസങ്ങിലെ കുട്ടികളുടെ ദിനം കുടുംബങ്ങള്ക്ക് മനസിന്റെ വാതിലുകള് തുറക്കുക മാത്രമല്ല, നവീകരണത്തിന്റെ ലോകം കൂടി തുറന്നു കൊടുക്കുന്നതായിരുന്നുവെന്നും കുടുംബാംഗങ്ങളെ ജോലി സ്ഥലത്ത് ഒരുമിച്ചു കൊണ്ടു വന്നതിലൂടെ സാംസങ്ങിന്റെ ഭാഗമായതില് അവര്ക്ക് അഭിമാനം തോന്നണമെന്ന് തങ്ങള് ആഗ്രഹിച്ചുവെന്നും സാംസങ്ങ് ഇന്ത്യ പീപ്പിള് ടീം മേധാവി റിഷഭ് നാഗ്പാല്…
Read More » -
ഇനി പണം നഷ്ടമാകാകില്ല, വിസ നിരസിക്കപ്പെട്ടാല് മുഴുവന് പണവും തിരികെ നല്കുമെന്ന് ക്ലിയര്ട്രിപ്പ്
കൊച്ചി: വിസ നിരസിക്കപ്പെട്ടാല് ഉപഭോക്താവിന് പണം നഷ്ടമാകാതിരിക്കാന് ഇന്ഷുറന്സ് പദ്ധതി പ്രഖ്യാപിച്ച് ഫ്ളിപ്കാര്ട്ട് കമ്പനിയായ ക്ലിയര്ട്രിപ്പ്. ദി ബിഗ് ബില്യണ് ഡേയ്സിന് മുന്നോടിയായി കമ്പനി വിസ നിരസിക്കല് ഇന്ഷുറന്സ് പദ്ധതി പ്രഖ്യാപിച്ചു. അന്താരാഷ്ട്ര യാത്രയ്ക്കിടെ വലിയ ആശങ്ക സൃഷ്ടിക്കുന്ന വിസ നിരസിക്കല് ഭീഷണിയെ മറികടക്കാനാണ് ഈ സൗജന്യ സേവനം കമ്പനി അവതരിപ്പിക്കുന്നത്. വിസ നിരസിക്കപ്പെട്ടാല് യാത്രക്കാരന് ബുക്ക് ചെയ്ത വിമാന ടിക്കറ്റിന്റെ മുഴുവന് തുകയും തിരികെ ലഭിക്കുമെന്നും, യാത്ര പ്ലാനുകളില് ഉപഭോക്താക്കളുടെ ആശങ്കയ്ക്ക് പരിഹാരം കാണുക കൂടിയാണെന്ന് ക്ലിയര്ട്രിപ്പ് ചീഫ് ബിസിനസ് ആന്ഡ് ഗ്രോത്ത് ഓഫീസര് മഞ്ജരി സിംഗാള് പറഞ്ഞു. എല്ലാ അന്താരാഷ്ട്ര വിമാന ടിക്കറ്റ് ബുക്കിംഗുകളിലും ഈ സേവനം സൗജന്യമായി ലഭിക്കും. പ്രായപരിധി ഇതില് ബാധകമാകില്ല. യാത്ര പുറപ്പെടുന്നതിന് കുറഞ്ഞത് 24 മണിക്കൂര് മുമ്പ് ടിക്കറ്റ് റദ്ദാക്കേണ്ടി വരുന്നവര്ക്കാണ് സേവനം പൂര്ണ രീതിയില് പ്രയോജനപ്പെടുക. ദി ബിഗ് ബില്ല്യണ് ഡേയ്സിനോടനുബന്ധിച്ച് ഫ്ളാഷ് സെയിലിലൂടെ ആഭ്യന്തര വിമാന ടിക്കറ്റുകള് 999 രൂപ…
Read More » -
പാശ്ചാത്യ ഉപരോധം: റഷ്യയും ചൈനയും ബാര്ട്ടര് സമ്പ്രദായത്തിലേക്ക്; ഗോതമ്പിനു പകരം കാറുകള്; ചണവിത്തുകള്ക്കു പകരം വീട്ടുപകരണങ്ങള്; തൊണ്ണൂറുകള്ക്കു ശേഷം ആദ്യം; തെളിവുകള് പുറത്തുവിട്ട് രാജ്യാന്തര ഏജന്സികള്
മോസ്കോ: പാശ്ചാത്യ രാജ്യങ്ങളുടെ ഉപരോധം മറികടക്കാന് റഷ്യ ചൈനയുമായി പഴയ ‘ബാര്ട്ടര്’ സമ്പ്രദായത്തിലേക്കു കടക്കുന്നെന്ന ഞെട്ടിക്കുന്ന റിപ്പോര്ട്ടുമായി രാജ്യാന്തര വാര്ത്താ ഏജന്സിയായ റോയിട്ടേഴ്സ്. ചൈനീസ് കാറുകള്ക്കു പകരം ഗോതമ്പും ചണ വിത്തു (ഫ്ളാക്സ് സീഡ്സ്) കളും നല്കാനൊരുങ്ങുന്നെന്നാണു റിപ്പോര്ട്ട്. 1991ല് സോവിയറ്റ് യൂണിയന്റെ പതനത്തിനുശേഷം ആദ്യമായി റഷ്യയും പാശ്ചാത്യ രാജ്യങ്ങളും തമ്മിലുള്ള സാമ്പത്തിക വിനിമയങ്ങള് വഷളായ സാഹചര്യമാണുള്ളതെന്നും റഷ്യയും ചൈനയും തമ്മില് ശക്തമായ ബന്ധം തുടരുമ്പോഴും യുക്രൈനുമായുള്ള യുദ്ധത്തില് ആ രാജ്യത്തിനുണ്ടായ പ്രതിസന്ധിയുടെ ആഴം വ്യക്തമാക്കുന്നെന്നും റിപ്പോര്ട്ടില് പറയുന്നു. അമേരിക്കയും അവരുടെ യൂറോപ്യന് പങ്കാളികളും 2014ല് ക്രിമിയയിലും 2022ല് യുക്രൈനെതിരേയും യുദ്ധം തുടങ്ങിയതിനുശേഷം 25,000 വ്യത്യസ്ത ഉപരോധങ്ങളാണു റഷ്യക്കെതിരേ ചുമത്തിയിട്ടുള്ളത്. റഷ്യയുടെ 2.2 ട്രില്യണ് സമ്പദ് രംഗത്തെ കാര്യമായി ബാധിച്ചു. റഷ്യയുമായുള്ള വ്യാപാരത്തിന്റെ പേരില് ഇന്ത്യക്കെതിരേയും അമേരിക്ക കടുത്ത താരിഫുകള് പ്രഖ്യാപിച്ചു. യുദ്ധം മുന്നില്കണ്ട് കടുത്ത മുന്നൊരുക്കങ്ങള് നടത്തിയെങ്കിലും സമ്പദ് രംഗത്തെ കാര്യമായി ബാധിച്ചു തുടങ്ങി. ഉയര്ന്ന പണപ്പെരുപ്പത്തെ തുടര്ന്നു റഷ്യന്…
Read More » -
ജി.എസ്.ടി. പരിഷ്കാരം; ഹോണ്ടയുടെ ഇരുചക്ര വാഹനങ്ങള്ക്ക് 7000 രൂപേയാളം വിലകുറയും
കൊച്ചി: സെപ്റ്റംബർ 22 മുതൽ നടപ്പിലാക്കുന്ന പുതിയ ജിഎസ്ടി സ്ലാബ് കാരണം ഇരുചക്ര വാഹനങ്ങള്ക്കു വിലകുറയും. .350 സിസിയും അതിൽ താഴെയുമുള്ള എഞ്ചിനുള്ള ഇരുചക്ര വാഹനങ്ങൾക്ക് 28 ശതമാനത്തിന് പകരം 18 ശതമാനം ജിഎസ്ടി മാത്രമേ ഇനി നൽകേണ്ടിവരൂ. ഇതു മാത്രമല്ല, ഇവയുടെ 1% സെസും സർക്കാർ നിർത്തലാക്കിയിട്ടുണ്ട്. മൊത്തത്തിൽ, ഇപ്പോൾ ഉപഭോക്താക്കൾക്ക് 10 ശതമാനം നികുതിയുടെ ആനുകൂല്യം ലഭിക്കും. ഈ പുതിയ നികുതി സ്ലാബ് കാരണം ഇനിമുതൽ ഹോണ്ട ഷൈൻ വാങ്ങുന്നതും വിലകുറഞ്ഞതായിരിക്കും. ഈ മോട്ടോർസൈക്കിളിന്റെ നികുതി 7,443 രൂപ വരെ കുറയും. ഉദാഹരണത്തിന്, ഷൈൻ 100 ന് 5,672 രൂപയും ഷൈൻ 100 ഡിഎക്സിന് 6,256 രൂപയും ഷൈൻ 125 ന് 7,443 രൂപയും കുറയും. ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യ കഴിഞ്ഞ മാസം ഷൈൻ 100 DX പുറത്തിറക്കി. ഇതിന്റെ പ്രാരംഭ എക്സ്-ഷോറൂം വില 74,959 രൂപയാണ്. എന്നാൽ സെപ്റ്റംബർ 22 മുതൽ വില…
Read More » -
ചലച്ചിത്ര നിർമാണ കമ്പനിയുമായി സൈലം ഗ്രൂപ്പ് സ്ഥാപകൻ… ഡോ. അനന്തു എന്റർടെയ്ൻമെന്റ് ന് തുടക്കം
ദക്ഷിണേന്ത്യയിലെ ഏറ്റവും വലിയ എഡ്ടെക് കമ്പനികളിൽ ഒന്നായ ‘സൈലം ലേണിംഗ് സ്ഥാപകൻ ഡോ. അനന്തു. എസ് സിനിമാ രംഗത്തേക്ക്. ഈ സ്വപ്നസാക്ഷാത്കാരത്തിന്റെ ഭാഗമായി സ്വന്തമായി ഒരു ചലച്ചിത്ര നിർമാണ കമ്പനി കൂടി തുടങ്ങിയിരിക്കുകയാണ് വിദ്യാർത്ഥികൾക്ക് സുപരിചിതനായ ഡോ. അനന്തു. ”ഡോ. അനന്തു എന്റർടെയ്ൻമെന്റ് ” എന്ന പേരിൽ തുടങ്ങിയിരിക്കുന്ന ഫിലിം പ്രൊഡക്ഷൻ കമ്പനിയുടെ ലോഗോ ലോഞ്ച് ഇവന്റ് കോഴിക്കോട് നടന്നു. വേറിട്ട രീതിയിലുള്ള പഠന രീതികളിലൂടെ കേരളത്തിലുടനീളമുള്ള വിദ്യാർത്ഥികളുടെ പ്രിയപെട്ട അധ്യാപകനാണ് 29 കാരനായ ഡോ. അനന്തു. കോഴിക്കോട് ആസ്ഥാനമായി പ്രവർത്തിക്കുന്ന അദ്ദേഹം സ്ഥാപിച്ച “സൈലം” എന്ന വിദ്യാഭ്യാസസ്ഥാപനത്തിന് കേരളത്തിനകത്തും പുറത്തും പരിശീലന കേന്ദ്രങ്ങളുണ്ട്. നിലവിൽ സൈലത്തിന്റെ സിഇഒ എന്ന നിലയിൽ പ്രവർത്തനം തുടരവെയാണ് ആലപ്പുഴ സ്വദേശിയായ ഡോ.എസ്.അനന്തു സിനിമാ മേഖലയിലേക്കും ചുവടുവെയ്ക്കുന്നത്. “പഠിക്കുന്ന കാലം മുതലേ സിനിമയോടുള്ള അഭിനിവേശവും ഉള്ളിലുണ്ടായിരുന്നു എന്ന് ഡോ. അനന്തു പറയുന്നു. സൈലത്തിലെ വിദ്യാർത്ഥികളോടൊപ്പം സമയം ചെലവഴിക്കുന്നത് പോലെ തന്നെ താൻ ഏറെ ആസ്വദിക്കുന്ന ഒരു…
Read More »