Business
-
എല്ഐസി അറ്റാദായത്തില് 17 ശതമാനത്തിന്റെ ഇടിവ്
ന്യൂഡല്ഹി: 2022 മാര്ച്ചില് അവസാനിച്ച നാലാംപാദത്തിലെ ലൈഫ് ഇന്ഷുറന്സ് കോര്പ്പറേഷന് ഓഫ് ഇന്ത്യയുടെ (എല്ഐസി) കണ്സോളിഡേറ്റഡ് അറ്റാദായം 2,409.39 കോടി രൂപയായി. കഴിഞ്ഞ വര്ഷം ഇതേ പാദത്തിലെ 2,917.33 കോടി രൂപയുമായി താരതമ്യം ചെയ്യുമ്പോള് ഇത് 17.41 ശതമാനം കുറവാണ്. മൊത്തം പ്രീമിയം വരുമാനം മുന് വര്ഷം ഇതേ പാദത്തിലെ 1,22,290.64 കോടി രൂപയില് നിന്ന് 17.88 ശതമാനം വര്ധിച്ച് 1,44,158.84 കോടി രൂപയായി. ഓഹരികള് ലിസ്റ്റ് ചെയ്തതിന് ശേഷമുള്ള എല്ഐസിയുടെ ആദ്യ വരുമാന പ്രസ്താവനയാണിത്. ഒരു ഓഹരിക്ക് എല്ഐസി 1.50 രൂപ ലാഭവിഹിതം പ്രഖ്യാപിച്ചതായി റെഗുലേറ്ററി ഫയലിംഗില് കമ്പനി അറിയിച്ചു. നിക്ഷേപത്തില് നിന്നുള്ള കമ്പനിയുടെ വരുമാനം, മുന്വര്ഷത്തെ 67,684.27 കോടിയുമായി താരതമ്യം ചെയ്യുമ്പോള്, അവലോകന പാദത്തില് ഏകദേശം 67,855.59 കോടി രൂപയായി. ആദ്യവര്ഷ പ്രീമിയം, പുതുക്കല് പ്രീമിയം എന്നിവയുടെ ശക്തമായ വളര്ച്ചയുടെ പശ്ചാത്തലത്തില്, മാര്ച്ച് പാദത്തിലെ എല്ഐസിയുടെ മൊത്ത വരുമാനം മുന്വര്ഷത്തെ 1.9 ട്രില്യണ് രൂപയില് നിന്ന് 2.12 ട്രില്യണ്…
Read More » -
വോഡഫോണ് ഐഡിയയുടെ രക്ഷകനായി ആമസോണ്; 20,000 കോടി രൂപ നിക്ഷേപിക്കാനൊരുങ്ങുന്നു
പ്രമുഖ ടെലികോം ഓപ്പറേറ്റര് സംവിധാനമായ വോഡഫോണ് ഐഡിയയുടെ ഓഹരികള് ആമസോണ് ഏറ്റെടുക്കുവാനൊരുങ്ങുന്നുവെന്ന് റിപ്പോര്ട്ട്. ഇ-കൊമേഴ്സ് രംഗത്തെ വമ്പന്മാരായ ആമസോണ് 20,000 കോടി രൂപ വരെ നിക്ഷേപിക്കാനുള്ള തയ്യാറെടുപ്പിലാണെന്നാണ് വിവരം. മുന്പ് നേരിട്ട വലിയ സാമ്പത്തിക തകര്ച്ചയെ തുടര്ന്ന് ഗവണ്മെന്റ് സഹായത്തോടെയാണ് വോഡഫോണ് ഐഡിയ വീണ്ടും സജീവമായി ബിസിനസിലേക്കിറങ്ങിയത്. കമ്പനിയുടെ ആകെ വരുമാനവും പലിശയും ഇക്വിറ്റിയിലേക്ക് മാറ്റുമ്പോള് ഇതിന്റെ 35.8 ശതമാനം സര്ക്കാരിന്റെ ഉടമസ്ഥതയിലായിരിക്കുമെന്നും കമ്പനി നേരത്തെ പ്രഖ്യാപിച്ചിരുന്നു. കഴിഞ്ഞ മൂന്ന് വര്ഷമായി ടെലികോം ഓപ്പറേറ്റര്മാരുടെ താരിഫ് ഉയര്ത്തിയെങ്കിലും പുതിയ ഉപയോക്താക്താക്കളുടെ കുറവ് കമ്പനിയെ ബാധിച്ചിരുന്നു. അതേ സമയം മാര്ച്ച് അവസാനത്തോടെ പത്തു ലക്ഷത്തിലധികം പുതിയ 4ഏ വരിക്കാരുണ്ടായത് കമ്പനിക്ക് ആശ്വാസകരമായി. ഇതോടെ പ്രവര്ത്തന ലാഭം സമീപകാല താരിഫ് വര്ദ്ധനയുടെ സഹായത്തോടെ ആകെ 22 ശതമാനമായി കൂടി. കടം വീട്ടാനും കമ്പനിയുടെ സാമ്പത്തിക സ്ഥിതി മെച്ചപ്പെടുത്താനും വേണ്ടി നിക്ഷേപകരെ വോഡഫോണ് ഐഡിയ തിരയുന്നുവെന്നത് നേരത്തെ വാര്ത്തയായിരുന്നു. കമ്പനിയുടെ ഭാവിക്ക് വേണ്ടി മൂലധനം സ്വരൂപിക്കുന്നതിന്…
Read More » -
സ്വര്ണവിലയില് ഇടിവ്
കൊച്ചി: സംസ്ഥാനത്ത് സ്വര്ണവിലയില് ഇടിവ്. 80 രൂപ കുറഞ്ഞ് ഒരു പവന് സ്വര്ണത്തിന്റെ വില 38,200 രൂപയായി. ഗ്രാമിന് പത്തുരൂപ കുറഞ്ഞു. 4775 രൂപയാണ് ഒരു ഗ്രാം സ്വര്ണത്തിന്റെ വില. ഈ മാസത്തിന്റെ തുടക്കത്തില് 37,920 രൂപയായിരുന്നു സ്വര്ണവില. 18ന് ഈ മാസത്തെ ഏറ്റവും താഴ്ന്ന നിലയില് സ്വര്ണവില എത്തി. 36,880 രൂപയായിരുന്നു അന്ന് സ്വര്ണത്തിന്റെ വില. 25ന് സ്വര്ണവില ഈ മാസത്തെ ഏറ്റവും ഉയര്ന്ന നിലവാരവും രേഖപ്പെടുത്തി. 38,320 രൂപയായാണ് ഉയര്ന്നത്. 18ന് ശേഷം സ്വര്ണവില തുടര്ച്ചയായി ഉയരുന്നതാണ് ദൃശ്യമായത്. തുടര്ച്ചയായ ദിവസങ്ങളിലെ മുന്നേറ്റത്തിന് ശേഷം കഴിഞ്ഞ ദിവസം വില താഴുകയും പിന്നീട് ഉയരുകയും ചെയ്തു.
Read More » -
പ്രവര്ത്തനം നിര്ത്തലാക്കിയ ഫോര്ഡിന്റെ നിര്മാണ പ്ലാന്റ് ഏറ്റെടുക്കാനൊരുങ്ങി ടാറ്റ മോട്ടോഴ്സ്
ഇന്ത്യയിലെ നിര്മാണ പ്രവര്ത്തനങ്ങള് നിര്ത്തലാക്കിയ ഫോര്ഡിന്റെ ഗുജറാത്തിലെ സനന്തിലുള്ള നിര്മാണ പ്ലാന്റ് ഏറ്റെടുക്കാനൊരുങ്ങി ടാറ്റ മോട്ടോഴ്സ്. ഇതിന്റെഭാഗമായി ടാറ്റ മോട്ടോഴ്സ് ലിമിറ്റഡിന്റെ അനുബന്ധ സ്ഥാപനമായ ടാറ്റ പാസഞ്ചര് ഇലക്ട്രിക് മൊബിലിറ്റി ലിമിറ്റഡും (ടിപിഇഎംഎല്) യുഎസ് കാര് നിര്മാതാക്കളായ ഫോര്ഡ് ഇന്ത്യ പ്രൈവറ്റ് ലിമിറ്റഡും (എഫ്ഐപിഎല്) ഗുജറാത്ത് സര്ക്കാരുമായി ധാരണാപത്രത്തില് ഒപ്പുവച്ചു. ധാരണാപത്രമനുസരിച്ച് ഭൂമി, കെട്ടിടങ്ങള്, വാഹന നിര്മാണ പ്ലാന്റ്, യന്ത്രങ്ങള്, ഉപകരണങ്ങള്, ജീവനക്കാര് എന്നിവയെല്ലാം ടാറ്റ പാസഞ്ചര് ഇലക്ട്രിക് മൊബിലിറ്റി ലിമിറ്റഡ് ഏറ്റെടുക്കും. ഈ ധാരണാപത്രത്തെ തുടര്ന്ന് അടുത്ത ഏതാനും ആഴ്ചകള്ക്കുള്ളില് ടിപിഇഎംഎല്ലും എഫ്ഐപിഎല്ലും തമ്മിലുള്ള ഇടപാട് കരാറുകളില് ഒപ്പുവെക്കും. എന്നിരുന്നാലും ടിപിഇഎംഎല് പവര്ട്രെയിന് യൂണിറ്റിന്റെ സ്ഥലവും കെട്ടിടങ്ങളും പാട്ടത്തിനെടുത്ത് ഫോര്ഡ് ഇന്ത്യ അതിന്റെ പവര്ട്രെയിന് നിര്മാണ സൗകര്യങ്ങള് പ്രവര്ത്തിപ്പിക്കും. അതേസമയം, പ്ലാന്റ് ഏറ്റെടുത്താല് പുതിയ മെഷിനറികളിലും ഉപകരണങ്ങളും ടാറ്റ പാസഞ്ചര് ഇലക്ട്രിക് വെഹിക്കിള് ഒരുക്കമെന്നാണ് സൂചന. ഇതിന് പുറമെ പ്ലാന്റിന്റെ നിര്മാണശേഷി 300,000 യൂണിറ്റാക്കി ഉയര്ത്താനും പദ്ധതിയുണ്ട്. ഇന്ത്യയിലെ പ്രവര്ത്തനം…
Read More » -
മെട്രോ ഏറ്റെടുക്കാന് റിലയന്സും അദാനി ഗ്രൂപ്പും ഉള്പ്പെടെ മൂന്ന് കമ്പനികള് രംഗത്ത്
ജര്മന് ഹോള്സെയില്-റീട്ടെയില് ശൃംഖലയായ മെട്രോ ക്യാഷ് & ക്യാരി ഇന്ത്യയിലെ ആസ്തികള് ഏറ്റെടുക്കാന് മൂന്ന് കമ്പനികള് രംഗത്ത്. റിലയന്സ് ഇന്ഡസ്ട്രീസ്, അദാനി ഗ്രൂപ്പ്, തായിലാന്ഡില് നിന്നുള്ള സിപി ഗ്രൂപ്പ് എന്നിവരെയാണ് മെട്രോ പരിഗണിക്കുന്നത് എന്നാണ് റിപ്പോര്ട്ട്. ഭാഗീകമായോ അല്ലെങ്കില് പൂര്ണമായോ ആവും ഇന്ത്യയിലെ ബിസിനസുകള് മെട്രോ വില്ക്കുക. ആമസോണ് ഉള്പ്പടെ ഇരുപതോളം കമ്പനികള് മെട്രോയെ ഏറ്റെടുക്കാന് രംഗത്ത് എത്തിയിരുന്നു. എന്നാല് മെട്രോ ഡീലിനെ സംബന്ധിച്ച് റിലയന്സോ അദാനി ഗ്രൂപ്പോ ഇതുവരെ പ്രതികരിച്ചിട്ടില്ല. മെട്രോയെ ഏറ്റെടുക്കാന് സാധിച്ചാല് റീട്ടെയില് രംഗത്ത് വാള്മാര്ട്ട്, ആമസോണ്, ഡിമാര്ട്ട് തുടങ്ങിയവയ്ക്കെതിരെയുള്ള മത്സരം കടുപ്പിക്കാന് റിലയന്സിന് സാധിക്കും. അടുത്തിടെ ആരംഭിച്ച ഫോര്ച്യൂണ്മാര്ട്ടിന് അപ്പുറത്തേക്ക് റീട്ടെയില് മേഖലയില് ചുവടുറപ്പിക്കാന് മെട്രോ ഡീല് അദാനി ഗ്രൂപ്പിനും ഗുണകരമാണ്. ഈ സാഹചര്യത്തില് റിലയന്സും അദാനിയും തമ്മിലാവും മത്സരം. അതേ സമയം ലോട്ട്സ് ഹോള്സെയില് സൊല്യൂഷന്സ് എന്ന പേരില് ഇന്ത്യന് വിപണിയില് സാന്നിധ്യമുള്ള സിപി ഗ്രൂപ്പ് 2014ല് മെട്രോയുടെ വിയറ്റ്നാമിലെ ബിസിനസുകള് ഏറ്റെടുക്കാന് ശ്രമം…
Read More » -
ഐഡിബിഐ ബാങ്കിലെ ഓഹരികള്ക്കായി ആഗോള നിക്ഷേപകരെ തേടി കേന്ദ്രസര്ക്കാര്
ഐഡിബിഐ ബാങ്കിലെ ഓഹരികള് വില്ക്കാനൊരുങ്ങുന്ന കേന്ദ്രസര്ക്കാര് ആഗോള തലത്തില് നിക്ഷേപകരെ നേടുന്നു. അതിന്റെ ഭാഗമായി ജൂണ് ഒന്നു മുതല് മൂന്നുവരെ യുഎസില് കേന്ദ്രം റോഡ്ഷോ നടത്തും. ഡിപാര്ട്ട്മെന്റ് ഓഫ് ഫിനാന്സ് സര്വീസ് സെക്രട്ടറി സഞ്ജയ് മല്ഹോത്ര, ഡിപാം സെക്രട്ടറി തുഹിന് കാന്ത പാണ്ഡെ, എല്ഐസി ചെയര്മാന് എംആര് കുമാര് തുടങ്ങിയവര് റോഡ്ഷോയില് പങ്കെടുക്കും. ബാങ്കിലെ ഓഹരികളുടെ വില്പ്പന സംബന്ധിച്ച് നേരത്തെ കേന്ദ്രം റിസര്വ് ബാങ്കുമായി ചര്ച്ച നടത്തിയിരുന്നു. നിക്ഷേപകരുടെ ആവശ്യങ്ങള് കേട്ടശേഷം വീണ്ടും ആര്ബിഐയുമായി കേന്ദ്രം വിഷയം ചര്ച്ച ചെയ്യും. കേന്ദ്രത്തിന് 45.48 ശതമാനവും എല്ഐസിക്ക് 49.24 ശതമാനവും ഓഹരികളാണ് ഐഡിബിഐ ബാങ്കിലുള്ളത്. എത്ര ശതമാനം ഓഹരികള് വില്ക്കണം എന്ന കാര്യത്തില് കേന്ദ്രമോ എല്ഐസിയോ ഇതുവരെ തീരുമാനമൊന്നും എടുത്തിട്ടില്ല. ബാങ്കുകളുടെ ഉടമസ്ഥാവകാശത്തിനായുള്ള നിലവിലെ മാര്ഗനിര്ദ്ദേശങ്ങള് അനുസരിച്ച്, സ്വകാര്യ പ്രൊമോട്ടര്മാര് 15 വര്ഷത്തിനുള്ളില് ബാങ്കുകളിലെ ഓഹരി പങ്കാളിത്തം 26 ശതമാനമായി കുറയ്ക്കണം. എന്നാല്, ഐഡിബിഐ ബാങ്കിന്റെ കാര്യത്തില് ചില ഇളവുകള് നല്കിയേക്കാം. അതേ…
Read More » -
സാമൂഹിക സേവനത്തിനായി റിലയന്സ് ഇന്ഡസ്ട്രീസ് ചെലവഴിച്ചത് 1185 കോടി രൂപ
ബിസിനസ് വളര്ച്ചയോടൊപ്പം സാമൂഹിക സേവന രംഗത്തും മുന്നേറി റിലയന്സ് ഇന്ഡസ്ട്രീസ് ലിമിറ്റഡ്. മാര്ച്ച് 31 ന് അവസാനിച്ച സാമ്പത്തിക വര്ഷത്തില് കോര്പ്പറേറ്റ് സോഷ്യല് റെസ്പോണ്സിബിലിറ്റി (സിഎസ്ആര്) പ്രവര്ത്തനങ്ങള്ക്കായി 1,184.93 കോടി രൂപയാണ് മുകേഷ് അംബാനിക്ക് കീഴിലുള്ള ഗ്രൂപ്പ് ചെലവഴിച്ചത്. ”2021-22 സാമ്പത്തിക വര്ഷത്തില്, ആവശ്യാധിഷ്ഠിതവും ഫലപ്രദവുമായ നിരവധി സിഎസ്ആര് സംരംഭങ്ങളെ പിന്തുണയ്ക്കുന്നതിനായി റിലയന്സ് 1,184.93 കോടി രൂപ സംഭാവന ചെയ്തു” കമ്പനി അതിന്റെ സിഎസ്ആര് റിപ്പോര്ട്ടില് വ്യക്തമാക്കി. നിത എം. അംബാനിയുടെ നേതൃത്വത്തിലുള്ള കമ്പനിയുടെ ജീവകാരുണ്യ വിഭാഗമായ റിലയന്സ് ഫൗണ്ടേഷനാണ് ഈ സംരംഭങ്ങള്ക്ക് നേതൃത്വം നല്കിയത്. കോവിഡ് സൃഷ്ടിച്ച പ്രതിസന്ധിയില് രാജ്യത്ത് ഉയര്ന്നുവന്ന അടിയന്തിര ആവശ്യങ്ങള് നിറവേറ്റാന് പ്രവര്ത്തിച്ചതായി റിലയന്സ് പറഞ്ഞു. 2021-22 സാമ്പത്തിക വര്ഷത്തില് ഗ്രാമീണ പരിവര്ത്തനം, ആരോഗ്യം, വിദ്യാഭ്യാസം, വികസന സംരംഭങ്ങള്, സ്പോര്ട്സ് എന്നിവയുള്പ്പെടെയുള്ള പ്രവര്ത്തനങ്ങളില് റിലയന്സ് ഭാഗമായി. മഹാമാരി കാലത്ത് മുന്നിര പ്രതിരോധ പ്രവര്ത്തകര്ക്കും ദുര്ബലരായവര്ക്കും 8.5 കോടിയിലധികം സൗജന്യ ഭക്ഷണമാണ് റിലയന്സ് വിതരണം ചെയ്തത്. രണ്ടാം…
Read More » -
89 കോടി രൂപ അറ്റാദായം രേഖപ്പെടുത്തി ഹിന്ദുസ്ഥാന് കോപ്പര്
കൊല്ക്കത്ത: 2022 സാമ്പത്തിക വര്ഷത്തിന്റെ നാലാംപാദത്തില് പൊതുമേഖലാ സ്ഥാപനമായ ഹിന്ദുസ്ഥാന് കോപ്പറിന്റെ കണ്സോളിഡേറ്റഡ് അറ്റാദായം 89 കോടി രൂപ രേഖപ്പെടുത്തി. മുന്വര്ഷം 37 കോടി രൂപയായിരുന്നു നഷ്ടം. അവലോകന പാദത്തില്, പ്രവര്ത്തനങ്ങളില് നിന്നുള്ള വരുമാനം 545 കോടി രൂപയായിരുന്നു. മുന് വര്ഷം ഇതേ കാലയളവില് ഇത് 522 കോടി രൂപയായിരുന്നതായി കമ്പനി റെഗുലേറ്ററി ഫയലിംഗില് അറിയിച്ചു. 2022 സാമ്പത്തിക വര്ഷത്തില് അറ്റ വരുമാനം 1,822 കോടി രൂപയും, അറ്റാദായം 374 കോടി രൂപയുമാണ്. കമ്പനി 2021 സാമ്പത്തിക വര്ഷത്തില് 110 കോടി രൂപ അറ്റാദായം നേടിയിരുന്നു. കമ്പനിയുടെ എബിറ്റ്ഡ മാര്ജിന് 31 ശതമാനത്തിലേക്ക് മെച്ചപ്പെട്ടതായി പ്രസ്താവനയില് പറഞ്ഞു. ചടുലമായ വിപണന നയം, സേവനങ്ങളുടെ ഫലപ്രദമായ ഉപയോ?ഗിക്കല്, വായ്പകളുടെ കുറവ്, എല്എംഇ (ലണ്ടന് മെറ്റല് എക്സ്ചേഞ്ച്) വിലയിലെ വര്ധനവ് എന്നിവ കാരണം ലാഭക്ഷമത മെച്ചപ്പെട്ടതായി കമ്പനി പ്രസ്താവനയില് പറഞ്ഞു. 2021-22 സാമ്പത്തിക വര്ഷത്തില് 23.20 ശതമാനം ലാഭവിഹിതം കമ്പനിയുടെ ബോര്ഡ് ശുപാര്ശ ചെയ്തു.…
Read More » -
ഇന്ത്യന് ഓഹരി വിപണിയില് നിന്ന് 39,000 കോടി രൂപ പിന്വലിച്ച് വിദേശ നിക്ഷേപകര്
ന്യൂഡല്ഹി: വിദേശ നിക്ഷേപകര് ഈ മാസം ഇതുവരെ ഇന്ത്യന് ഓഹരി വിപണിയില് നിന്ന് പിന്വലിച്ചത് 39,000 കോടി രൂപ. യുഎസില് ഫെഡറല് റിസര്വ് പലിശ നിരക്കുയര്ത്തിയതും ബോണ്ടില്നിന്നുള്ള വരുമാനവും ഡോളറിന്റെ മൂല്യവും കൂടിയതുമാണ് ഇതിനു കാരണം. ഇതോടെ, 2022ല് ഇതുവരെ ഓഹരികളില്നിന്ന് വിദേശ പോര്ട്ട്ഫോളിയോ നിക്ഷേപകര് മൊത്തം പിന്വലിച്ച തുക 1.66 ലക്ഷം കോടി രൂപയായി. ഇതേ കാലയളവില് കടപ്പത്ര വിപണിയില്നിന്ന് 6000 കോടി രൂപയാണ് പിന്വലിച്ചത്. ഉയര്ന്ന അസംസ്കൃത എണ്ണ വില, പണപ്പെരുപ്പം, കടുത്ത പണ നയം എന്നിവയുടെ അടിസ്ഥാനത്തില് ഇന്ത്യയിലേക്കുള്ള വിദേശ നിക്ഷേപ വരവില് അസ്ഥിരത തുടര്ന്നേക്കാമെന്നാണ് വിലയിരുത്തല്. വിപണികളിലെ തിരുത്തല് കാരണം ഏപ്രില് ആദ്യവാരം വിദേശ നിക്ഷേപകര് 7,707 കോടി രൂപ ഓഹരിയില് ഇറക്കിയിരുന്നു. എന്നാല്, മേയ് രണ്ടു മുതല് 27 വരെ 39,137 കോടി രൂപയുടെ ഓഹരിയാണ് വിറ്റൊഴിവാക്കിയത്.
Read More » -
ഇന്ത്യയില് ഏറ്റവും ലാഭമുണ്ടാക്കിയ രണ്ടാമത്തെ സ്ഥാപനമായി ഒഎന്ജിസി; 40,305 കോടി രൂപയുടെ റെക്കോഡ് അറ്റാദായം
ന്യൂഡല്ഹി: കഴിഞ്ഞ സാമ്പത്തിക വര്ഷത്തില് മികച്ച നേട്ടവുമായി ഓയില് ആന്ഡ് നാച്ചുറല് ഗ്യാസ് കോര്പ്പറേഷന് (ഒഎന്ജിസി). 40,305 കോടി രൂപയുടെ റെക്കോഡ് അറ്റാദായമാണ് ഇക്കാലയളവില് നേടിയത്. ഇതോടെ ഒഎന്ജിസി ഇന്ത്യയില് ഏറ്റവും ലാഭമുണ്ടാക്കിയ രണ്ടാമത്തെ സ്ഥാപനമായി മാറി. റിലയന്സ് ഇന്ഡസ്ട്രീസാണ് ഇന്ത്യയില് ഏറ്റവും ലാഭമുണ്ടാക്കിയ ഒന്നാമത്തെ കമ്പനി. 2022 സാമ്പത്തിക വര്ഷത്തിലെ അറ്റാദായം മുന് സാമ്പത്തിക വര്ഷത്തിലെ 11,246.44 കോടി രൂപയില് നിന്ന് 258 ശതമാനം ഉയര്ന്ന് 40,305.74 കോടി രൂപയിലേക്കെത്തിയതായി ഒഎന്ജിസി അറിയിച്ചു. ഈ സാമ്പത്തിക വര്ഷം ഉത്പാദിപ്പിക്കുകയും, വില്ക്കുകയും ചെയ്ത ഓരോ ബാരല് ക്രൂഡ് ഓയിലിനും ശരാശരി 76.62 ഡോളര് വീതമാണ് ലഭിച്ചിരിക്കുന്നത്. എന്നാല് കഴിഞ്ഞ സാമ്പത്തിക വര്ഷം ഇത് 42.78 ഡോളറായിരുന്നു. 2021 അവസാനം മുതല് അന്താരാഷ്ട്ര എണ്ണവില കുതിച്ചുയരുകയാണ്. റഷ്യ-യുക്രെയ്ന് യുദ്ധവും എണ്ണവിലയില് പ്രതിഫലിച്ചു. ബാരലിന് 139 ഡോളറായി എണ്ണവില കുതിച്ചുടര്ന്നു. 14 വര്ഷത്തെ ഏറ്റവും ഉയര്ന്ന നിരക്കിലേക്കാണ് വില ഉയര്ന്നത്. ഇത് ഒഎന്ജിസിക്ക് ലഭിച്ച…
Read More »