Business
-
ഹീറോ മോട്ടോകോര്പ്പിന്റെ അറ്റാദായത്തില് ഇടിവ്; 28 ശതമാനം കുറഞ്ഞു
രാജ്യത്തെ ഏറ്റവും വലിയ ഇരുചക്ര വാഹന നിര്മാതാക്കളായ ഹീറോ മോട്ടോകോര്പ്പിന്റെ അറ്റാദായത്തില് ഇടിവ്. മുന് വര്ഷത്തേതില് നിന്ന് 2001-22 സാമ്പത്തിക വര്ഷം നാലാം പാദത്തില് (ജനുവരി-മാര്ച്ച്) 28 ശതമാനത്തിന്റെ (242 കോടി) ഇടിവാണ് അറ്റാദായത്തില് ഉണ്ടായത്. 627.05 കോടി രൂപയാണ് കമ്പനിയുടെ ജനുവരി-മാര്ച്ച് കാലയളവിലെ അറ്റാദായം. മുന് വര്ഷം ഇക്കാലയളവില് ഹീറോ 869 കോടി രൂപയുടെ അറ്റാദായം നേടിയിരുന്നു. ഉയര്ന്ന ഇന്പുട്ട് കോസ്റ്റ്, ഗ്രാമീണ മേഖലയില് ഡിമാന്ഡിലുണ്ടായ ഇടിവ്, വാഹനങ്ങളുടെ വില വര്ധന തുടങ്ങിയവ ഹീറോയുടെ വില്പ്പനയെ ബാധിച്ചു. പ്രവര്ത്തന വരുമാനം 14.55 ശതമാനം ഇടിഞ്ഞ് 7421.73 കോടിയിലെത്തി. നാലാം പാദത്തില് 1,118,884 യൂണീറ്റ് വാഹനങ്ങളാണ് ഹീറോ വിറ്റത്. മുന്വര്ഷം ഇക്കാലയളവില് നേടിയ വില്പ്പനയെക്കാള് 379,429 യൂണീറ്റുകള് കുറവായിരുന്നു വില്പ്പന. അതേ സമയം ഹീറോ വാഹനങ്ങളുടെ ശരാശരി വില 12.71 ശതമാനം ഉയര്ന്ന് 62,426 രൂപയിലെത്തി. മൂന്നാം പാദത്തില് വാഹനങ്ങളുടെ ശരാശരി വില 61,010 രൂപയായിരുന്നു. ഒരു ഓഹരിക്ക് 35 രൂപ…
Read More » -
ട്വിറ്റര് ഇനി സൗജന്യമാകില്ല; വമ്പന് പരിഷ്കാരങ്ങളുമായി ഇലോണ് മസ്ക്
ട്വിറ്റര് ഇലോണ് മസ്ക് ഏറ്റെടുത്തതോടെ കമ്പനിയില് കാര്യമായ മാറ്റങ്ങളുണ്ടാകുമെന്ന് സൂചന. എല്ലാവര്ക്കും സൗജന്യമായി ട്വിറ്റര് ലഭ്യമാക്കാതെ വാണിജ്യ ഉപയോഗത്തിനും സര്ക്കാര് സേവനത്തിനുമൊക്കെയുള്ള അക്കൗണ്ടുകള്ക്ക് പണം ഈടാക്കിയാലോ എന്നാണ് മസ്കിന്റെ പുതിയ ചിന്ത. സാധാരണ ഉപഭോക്താക്കള്ക്ക് എന്തായാലും തല്ക്കാലും ഫീസ് ഒന്നും ബാധകമാകില്ല. ട്വിറ്ററിന്റെ റീച്ച് ഉയര്ത്താനാണ് ഇലോണ് മസ്ക് ശ്രമിക്കുന്നത്. ഇലോണ് മസ്ക് തന്നെയാണ് ഒരു ട്വീറ്റിലൂടെ ഇക്കാര്യം വ്യക്തമാക്കിയത്. അതേസമയം ഇതിനേക്കുറിച്ച് വിശദീകരിക്കാന് ട്വിറ്റര് അധികൃതര് തയാറായിട്ടില്ല. ട്വിറ്ററില് കുറെയേറെ മാറ്റങ്ങള് വരുത്താന് ഇലോണ് മസ്കിന്റെ നിര്ദ്ദേശമുണ്ട്. പുതിയ ഫീച്ചറുകള് ഉപയോഗിച്ച് പ്ലാറ്റ്ഫോം മെച്ചപ്പെടുത്താനും അല്ഗരിതങ്ങള് ഓപ്പണ് സോഴ്സ് ആക്കി ട്വിറ്ററിലുള്ള ഉപഭോക്താക്കളുടെ വിശ്വാസം വര്ദ്ധിപ്പിക്കാനും മസ്ക് പദ്ധതിയിടുന്നുണ്ട്. ട്വിറ്റര് ബ്ലൂ പ്രീമിയം സബ്സ്ക്രിപ്ഷന് സേവനത്തിന്റെ നിരക്കുകള് കുറച്ചേക്കും എന്നും സൂചനയുണ്ട്. നിരക്കുകള് കുറയ്ക്കുന്നതുള്പ്പെടെയുള്ള മാറ്റങ്ങളെക്കുറിച്ച് കുറിച്ച് മസ്ക് നേരത്തെ നിര്ദ്ദേശിച്ചിരുന്നു. ഈ ആഴ്ച ആദ്യം ന്യൂയോര്ക്കില് നടന്ന വാര്ഷിക യോഗത്തില്, ട്വീറ്റുകള് എങ്ങനെ പ്രമോട്ടുചെയ്യുന്നു എന്നത് സംബന്ധിച്ച് ട്വിറ്റര്…
Read More » -
‘കോഹിനൂര്’ ബ്രാന്ഡിനെ ഏറ്റെടുക്കാനുള്ള നീക്കത്തില് അദാനി വില്മര്
കൂടുതല് മേഖലകളില് സാന്നിധ്യമുറപ്പിക്കാന് ഒരുങ്ങി ഭക്ഷ്യ എണ്ണ ഉല്പ്പാദകരായ അദാനി വില്മര്. മകോര്മിക് സ്വിറ്റ്സര്ലന്ഡ് ജിഎംബിഎച്ചില് നിന്ന് ‘കോഹിനൂര്’ ബ്രാന്ഡ് ഏറ്റെടുക്കുന്നുവെന്നാണ് കമ്പനിയുടെ ഏറ്റവും പുതിയ പ്രഖ്യാപനം. ‘കോഹിനൂര്’ ബ്രാന്ഡ് മാത്രമല്ല, മക്കോര്മിക് സ്വിറ്റ്സര്ലന്ഡ് ജിഎംബിഎച്ചില് നിന്നും റെഡി ടു ഈറ്റ്, റെഡി ടു കുക്ക് സെഗ്മെന്റുകളും കമ്പനി ഏറ്റെടുത്തിട്ടുണ്ട്. അതേസമയം സ്റ്റാപ്പ്ള്സ് വിഭാഗത്തിലേക്കും ശക്തമായ സാന്നിധ്യമാകുന്ന പുതിയ ഏറ്റെടുക്കലിന്റെ ഇടപാട് മൂല്യം കമ്പനി വെളിപ്പെടുത്തിയിട്ടില്ല. ഫോര്ച്യൂണ് എണ്ണയോടൊപ്പം ബസ്മതി സെഗ്മെന്റില് ഫോര്ച്യൂണ് ബസ്മതി റൈസും സജീവ സാന്നിധ്യമാണ്. ഇന്ത്യയില് ഏറെ ജനപ്രീതി ആര്ജിച്ച ഒരു വിശ്വസനീയ ബ്രാന്ഡാണ് കോഹിനൂര്. ‘കോഹിനൂര് ബ്രാന്ഡിനെ ഫോര്ച്യൂണ് കുടുംബത്തിലേക്ക് സ്വാഗതം ചെയ്യുന്നതില് അദാനി വില്മര് സന്തുഷ്ടരാണ് എന്ന് ഏറ്റെടുക്കലിനെക്കുറിച്ച് അദാനി വില്മര് ലിമിറ്റഡിന്റെ ഉന്നത ഉദ്യോഗസ്ഥര് അഭിപ്രായപ്പെട്ടു. ഈ ഏറ്റെടുക്കല് ഇന്ത്യയിലെ കോഹിനൂര് ബ്രാന്ഡിന് കീഴിലുള്ള ‘റെഡി ടു കുക്ക്’, ‘റെഡി ടു ഈറ്റ്’ കറികള്, മീല്സ് പോര്ട്ട്ഫോളിയോ എന്നിവയ്ക്കൊപ്പം കോഹിനൂര് ബസ്മതി അരിയുടെ…
Read More » -
പ്രതീക്ഷകളേറെ: നീലാചല് ഇസ്പാത് നിഗം ലിമിറ്റഡിന്റെ ഏറ്റെടുക്കല് ഉടന് പൂര്ത്തിയാകുമെന്ന് ടാറ്റ സ്റ്റീല്
ടാറ്റ സ്റ്റീല് ഏറെ പ്രതീക്ഷകളോടെ കാണുന്ന നീലാചല് ഇസ്പാത് നിഗം ലിമിറ്റഡിന്റെ (എന്ഐഎന്എല്) ഏറ്റെടുക്കല് നിലവിലെ പാദത്തിന്റെ അവസാനത്തോടെ പൂര്ത്തിയാകും. ടാറ്റ സ്റ്റീല് സിഇഒയും എംഡിയുമായ ടി വി നരേന്ദ്രനാണ് ഇക്കാര്യം വ്യക്തമാക്കിയത്. ബിസിനസ് വിപുലീകരണത്തില് ഏറെ പ്രതീക്ഷകളുമായാണ് ടാറ്റാ സ്റ്റീല് എന്ഐഎന്എല്ലിനെ ഏറ്റെടുക്കുന്നത്. ഒഡീഷ ആസ്ഥാനമായുള്ള സ്റ്റീല് നിര്മാതാക്കളായ എന്ഐഎന്എല്ലിന്റെ 93.71 ശതമാനം ഓഹരികള് 12,100 കോടി രൂപയ്ക്ക് ഏറ്റെടുക്കുമെന്ന് ജനുവരി 31ന് ടാറ്റ സ്റ്റീല് പ്രഖ്യാപിച്ചിരുന്നു. ”നീലാചല് ഇസ്പത് നിഗം ലിമിറ്റഡിന്റെ ഏറ്റെടുക്കല് 2023 സാമ്പത്തിക വര്ഷത്തിലെ ആദ്യപാദത്തോടെ അവസാനിപ്പിക്കും. ഉയര്ന്ന മൂല്യമുള്ള റീട്ടെയ്ല് ബിസിനസ് വിപുലീകരിക്കുന്നത് ഞങ്ങള് വേഗത്തിലാക്കും” ടി വി നരേന്ദ്രന് പറഞ്ഞു. നിലവില്, ടാറ്റ സ്റ്റീലിന് സ്റ്റീല് പ്ലാന്റുള്ള കലിംഗനഗറിലെ 1.1 ദശലക്ഷം ടണ് സംയോജിത എന്ഐഎന്എല് പ്ലാന്റിന്റെ പ്രവര്ത്തനം താല്ക്കാലികമായി നിര്ത്തിവച്ചിരിക്കുകയാണ്. എന്ഐഎന്എല്ലിന് ആന്തരിക വൈദ്യുതി ആവശ്യകതയും ഓക്സിജന്, നൈട്രജന്, ആര്ഗോണ് എന്നിവ ഉല്പ്പാദിപ്പിക്കുന്നതിനുള്ള എയര് സെപ്പറേഷന് യൂണിറ്റും നിറവേറ്റുന്നതിനായി സ്വന്തമായി ക്യാപ്റ്റീവ്…
Read More » -
ഏപ്രിലിലെ വാഹന വില്പ്പനയില് മുന്നേറ്റവുമായി മഹീന്ദ്ര ആന്റ് മഹീന്ദ്ര
ഏപ്രില് മാസത്തെ വാഹന വില്പ്പനയില് മുന്നേറ്റവുമായി മഹീന്ദ്ര ആന്റ് മഹീന്ദ്ര. വാഹന വില്പ്പനയില് 25 ശതമാനം വര്ധനവാണ് മഹീന്ദ്ര നേടിയത്. അതായത്, ഏപ്രിലില് വിറ്റഴിച്ചത് 45,640 യൂണിറ്റുകള്. ആഭ്യന്തര വിപണിയിലെ പാസഞ്ചര് വാഹന വില്പ്പന 23 ശതമാനം വര്ധിച്ച് 22,526 യൂണിറ്റിലെത്തി. കഴിഞ്ഞ വര്ഷം ഏപ്രിലില് ഇത് 18,285 ആയിരുന്നു. വാണിജ്യ വാഹന വില്പ്പന 2021 ഏപ്രിലില് 16,147 ആയിരുന്നത് കഴിഞ്ഞ മാസം 20,411 യൂണിറ്റായി ഉയര്ന്നു. യൂട്ടിലിറ്റി വാഹന വിഭാഗത്തില്, 2022 ഏപ്രിലില് മഹീന്ദ്ര 22,168 വാഹനങ്ങള് വിറ്റു. യുവി, കാറുകള്, വാനുകള് എന്നിവയുള്പ്പെടെയുള്ള യാത്രാ വാഹന വിഭാഗത്തില്നിന്ന് കഴിഞ്ഞമാസം 22,526 വാഹനങ്ങള് വിറ്റു. കയറ്റുമതി 2,703 യൂണിറ്റായിരുന്നു. ഇന്ത്യയില് ഏറെ ജനപ്രീതിയുള്ള സെഗ്മെന്റായ എസ്യുവി വിഭാഗത്തിലെ ഏപ്രിലിലെ വില്പ്പന 22 ശതമാനം വര്ധിച്ച് 22,168 യൂണിറ്റായി. നിലവില്, മഹീന്ദ്രയുടെ വാഹനങ്ങള്ക്ക് ശക്തമായ ഡിമാന്റുണ്ട്. ”ഞങ്ങളുടെ ഉല്പ്പന്നങ്ങളിലുടനീളം ഡിമാന്ഡ് ശക്തമായി തുടരുന്നു. ചൈനയിലെ ലോക്ക്ഡൗണ് കാരണം നിരവധി സപ്ലൈ ചെയ്ന്…
Read More » -
അദാനി എന്റര്പ്രൈസസ് ലാഭത്തില് 2 ശതമാനം ഇടിവ്
ന്യൂഡല്ഹി: അദാനി എന്റര്പ്രൈസസ് ലിമിറ്റഡിന് (എഇഎല്) 2022 മാര്ച്ച് 31 ന് അവസാനിച്ച പാദത്തില് നികുതി കിഴിച്ചുള്ള ലാഭത്തില് 2 ശതമാനം ഇടിവ്. ലാഭം 325.76 കോടി രൂപയായി. കഴിഞ്ഞ വര്ഷം ഇതേ കാലയളവില് കമ്പനി 332.53 കോടി രൂപയുടെ ലാഭം രേഖപ്പെടുത്തിയിരുന്നെന്ന് അദാനി എന്റര്പ്രൈസസ് ബിഎസ്ഇക്ക് നല്കിയ ഫയലിംഗില് അറിയിച്ചു. എന്നാല്, ജനുവരി-മാര്ച്ച് കാലയളവില് കമ്പനിയുടെ ഏകീകൃത വരുമാനം മുന് വര്ഷം ഇതേ കാലയളവിലെ 13,688.95 കോടി രൂപയില് നിന്ന് 25,141.56 കോടി രൂപയായി ഉയര്ന്നിരുന്നു. ഇക്കാലയളവില് കമ്പനിയുടെ ചെലവ് 13,213.95 കോടി രൂപയില് നിന്ന് 24,673.25 കോടി രൂപയായി ഉയര്ന്നു. അദാനിയുടെ നിലവിലുള്ള ബിസിനസ്സ് ശക്തിപ്പെടുന്നുണ്ട്. നെറ്റ്വര്ക്കുചെയ്ത എയര്പോര്ട്ട് ഇക്കോ സിസ്റ്റങ്ങള്, റോഡ്, വാട്ടര് ഇന്ഫ്രാസ്ട്രക്ചര്, ഗ്രീന് ഡാറ്റാ സെന്ററുകള് എന്നിവ പോലുള്ള പുതിയ ബിസിനസ്സുകള്ക്ക് മികച്ച ഭാവിയുണ്ടാകുമെന്ന് അദാനി ഗ്രൂപ്പ് ചെയര്മാന് ഗൗതം അദാനി പറഞ്ഞു.
Read More » -
കൊട്ടക് മഹീന്ദ്ര ബാങ്കിന്റെ അറ്റാദായം 65 ശതമാനം വര്ധിച്ച് 2,767 കോടി രൂപയായി
ന്യൂഡല്ഹി: 2022 മാര്ച്ചില് അവസാനിച്ച പാദത്തില് കൊട്ടക് മഹീന്ദ്ര ബാങ്കിന്റെ അറ്റാദായം 65 ശതമാനം വര്ധിച്ച് 2,767.40 കോടി രൂപയായി. മുന് സാമ്പത്തിക വര്ഷം ഇതേ പാദത്തില് ബാങ്ക് 1,682.37 കോടി രൂപ അറ്റാദായം നേടിയിരുന്നു. 2022 ജനുവരി-മാര്ച്ച് പാദത്തില് ബാങ്കിന്റെ മൊത്ത വരുമാനം 8,892.26 കോടി രൂപയായി ഉയര്ന്നു. കഴിഞ്ഞ വര്ഷം ഇതേ കാലയളവില് ഇത് 7,953.12 കോടി രൂപയായിരുന്നു. 2021-22 സാമ്പത്തിക വര്ഷത്തില് കൊട്ടക് മഹീന്ദ്ര ബാങ്കിന്റെ അറ്റാദായം 23.1 ശതമാനം വര്ധിച്ച് 8,572.69 കോടി രൂപയായി. മുന് വര്ഷം ഇതേ കാലയളവില് ഇത് 6,964.84 കോടി രൂപയായിരുന്നു. മൊത്തവരുമാനം 2021 ലെ 31,846.79 കോടി രൂപയില് നിന്ന് 2022 ല് 33,393.17 കോടി രൂപയായി വളര്ന്നു. ആസ്തി നിലവാരത്തിന്റെ കാര്യത്തില്, മൊത്ത നിഷ്ക്രിയ ആസ്തി (എന്പിഎ) 2021 മാര്ച്ചിലെ 3.25 ശതമാനത്തില് നിന്ന് 2022 മാര്ച്ചില് 2.34 ശതമാനമായി കുറഞ്ഞു. മൂല്യത്തിന്റെ അടിസ്ഥാനത്തില്, മൊത്ത നിഷ്ക്രിയ ആസ്തി…
Read More » -
അറ്റാദായത്തില് നേട്ടവുമായി ടാറ്റ സ്റ്റീല്
ന്യൂഡല്ഹി: ഉയര്ന്ന വരുമാനം ലഭിച്ചതോടെ 2022 മാര്ച്ചില് അവസാനിച്ച പാദത്തില് ടാറ്റ സ്റ്റീലിന്റെ കണ്സോളിഡേറ്റഡ് അറ്റാദായം 37 ശതമാനം ഉയര്ന്ന് 9,835.12 കോടി രൂപയിലെത്തി. കഴിഞ്ഞ വര്ഷം ഇതേ പാദത്തില് കമ്പനിയുടെ അറ്റാദായം 7,161.91 കോടി രൂപയായിരുന്നു. 2022 ജനുവരി-മാര്ച്ച് കാലയളവില് ടാറ്റ സ്റ്റീലിന്റെ മൊത്തം വരുമാനം 50,300.55 കോടി രൂപയില് നിന്ന് 69,615.70 കോടി രൂപയായി ഉയര്ന്നു. മാത്രമല്ല, മൊത്തം ചെലവ് 2021 ജനുവരി-മാര്ച്ച് കാലയളവിലെ 40,102.97 കോടി രൂപയില് നിന്ന് 57,635.79 കോടി രൂപയായി ഉയര്ന്നു. കോവിഡിന്റെയും, ആ?ഗോള സംഘര്ഷങ്ങളുടേയും പശ്ചാത്തലത്തില് ഉയര്ന്ന സങ്കീര്ണ്ണതകള്ക്കിടയിലും മികച്ച ഫലങ്ങള് നല്കാനുള്ള കഴിവ് ടാറ്റ സ്റ്റീല് വീണ്ടും തെളിയിച്ചുവെന്ന് കമ്പനി സിഇഒയും എംഡിയുമായ ടിവി നരേന്ദ്രന് പ്രസ്താവനയില് പറഞ്ഞു. ഉപഭോക്തൃ ബന്ധങ്ങള്, വിതരണ ശൃംഖല, കമ്പനിയുടെ ബിസിനസ്സ് മോഡല് പിന്തുണയ്ക്കുന്ന ബ്രാന്ഡുകളുടെ പോര്ട്ട്ഫോളിയോ എന്നിവയില് സുസ്ഥിരമായ ശ്രദ്ധ കേന്ദ്രീകരിച്ചതിനാല് തിരഞ്ഞെടുത്ത സെഗ്മെന്റുകളിലുടനീളം ബിസിനസ്സ് വിശാലമായ വളര്ച്ച പ്രകടമാക്കിയെന്നും അദ്ദേഹം കൂട്ടിച്ചേര്ത്തു. ഓഹരിയുടമകള്ക്ക്…
Read More » -
അറ്റാദായത്തില് 7 ശതമാനം ഇടിവ് രേഖപ്പെടുത്തി ടൈറ്റന്
കഴിഞ്ഞ സാമ്പത്തിക വര്ഷം അവസാന പാദത്തില് (ജനുവരി-മാര്ച്ച്) ടൈറ്റന് കമ്പനി ലിമിറ്റഡിന്റെ അറ്റാദായത്തില് നേരിയ ഇടിവ്. 491 കോടി രൂപയാണ് ജനുവരി-മാര്ച്ച് പാദത്തിലെ കമ്പനിയുടെ അറ്റാദായം. മുന്വര്ഷം ഇക്കാലയളവില് 529 കോടി രൂപയുടെ അറ്റാദായമാണ് കമ്പനിക്ക് ഉണ്ടായിരുന്നത്. 7 ശതമാനത്തിന്റെ ഇടിവാണ് അറ്റാദായത്തില് ഉണ്ടായത്. ടാറ്റയുടെ കീഴിലുള്ള സ്ഥാപനം ജനുവരി-മാര്ച്ച് കാലയളവില് 618 കോടി രൂപയോളം ലാഭം നേടുമെന്നായിരുന്നു പ്രവചനങ്ങള്. ഭാഗീകമായ ലോക്ക്ഡൗണുകള്, സ്വര്ണവിലയിലെ ചാഞ്ചാട്ടം, യുക്രെയ്ന്-റഷ്യ യുദ്ധം തുടങ്ങിയ സാഹചര്യങ്ങള്ക്കിടയിലും ഭേദപ്പെട്ട പ്രകടനം കാഴ്ചവെക്കാനായെന്ന് ടൈറ്റന് അറിയിച്ചു. ജുവല്റി രംഗത്ത് വരുമാനം കുറഞ്ഞതാണ് അറ്റാദായത്തെ ബാധിച്ചത്. മുന് വര്ഷത്തെ അപേക്ഷിച്ച് 265 കോടി രൂപ ഇടിഞ്ഞ് 6,132 കോടിയായിരുന്നു ജുവല്റി മേഖലയില് നിന്നുള്ള വരുമാനം. അതേ സമയം വരുമാനത്തില് ടൈറ്റന്റെ വാച്ചസ് & വെയറബിള്സ് ബിസിനസ് 12 ശതമാനവും ഐകെയര് ബിസിനസ് 6 ശതമാനവും വളര്ച്ച രേഖപ്പെടുത്തി. മുന്വര്ഷത്തെ അപേക്ഷിച്ച് ആകെ വില്പ്പന ഇക്കാലയളവില് 6,991 കോടിയില് രൂപയില് നിന്ന്…
Read More » -
ഐപിഒയ്ക്ക് മുന്പായി ആങ്കര് നിക്ഷേപകരില് നിന്ന് എല്ഐസി 5,627 കോടി രൂപ സമാഹരിച്ചു
ന്യൂഡല്ഹി: മെഗാ ഐപിഒയ്ക്ക് മുന്പായി, ആഭ്യന്തര നിക്ഷേപ സ്ഥാപനങ്ങള്ക്ക് മേല്ക്കൈയ്യുള്ള ആങ്കര് നിക്ഷേപകരില് നിന്ന് എല്ഐസി 5,627 കോടി രൂപ സമാഹരിച്ചു. ഓഹരി ഒന്നിന് 949 രൂപ നിരക്കിലാണ് വില്പ്പന നടത്തിയത്. ഏതാണ്ട് 5,92,96, 853 ഓഹരികളാണ് ആങ്കര് നിക്ഷേപര് സ്വന്തമാക്കിയത്. ആങ്കര് നിക്ഷേപകര്ക്കുള്ള 5.92 കോടി ഓഹരികളില്, 4.2 കോടി ഓഹരികള് (71.12 ശതമാനം) 15 ആഭ്യന്തര മ്യൂച്വല് ഫണ്ടുകള്ക്കായി അനുവദിച്ചു. കൂടാതെ, ചില ആഭ്യന്തര ഇന്ഷുറന്സ് കമ്പനികളും, പെന്ഷന് ഫണ്ടുകളും നിക്ഷേപം നടത്തി. ഐസിഐസിഐ പ്രുഡന്ഷ്യല് ലൈഫ് ഇന്ഷുറന്സ്, എസ്ബിഐ ലൈഫ് ഇന്ഷുറന്സ്, കൊട്ടക് മഹീന്ദ്ര ലൈഫ് ഇന്ഷുറന്സ്, പിഎന്ബി മെറ്റ്ലൈഫ് ഇന്ഷുറന്സ്, എസ്ബിഐ പെന്ഷന് ഫണ്ട്, യുടിഐ റിട്ടയര്മെന്റ് സൊല്യൂഷന്സ് പെന്ഷന് ഫണ്ട് സ്കീം എന്നിവ ഇതില് പെടുന്നവയാണ്. വിദേശ കമ്പനികളില് സിംഗപ്പൂര് ഗവണ്മെന്റ്, മോണിറ്ററി അതോറിറ്റി ഓഫ് സിംഗപ്പൂര്, ഗവണ്മെന്റ് പെന്ഷന് ഫണ്ട് ഗ്ലോബല്, ബിഎന്പി ഇന്വെസ്റ്റ്മെന്റ് എല്എല്പി എന്നിവ ഉള്പ്പെടുന്നു. എല്ഐസിയുടെ 3.5 ശതമാനം…
Read More »