World
-
നിമിഷ പ്രിയയുടെ വധശിക്ഷ; മാപ്പ് നല്കില്ലെന്നു കൊല്ലപ്പെട്ട തലാലിന്റെ സഹോദരന്; ദയാധനം വേണ്ടെന്നും നടന്നതു ക്രൂരമായ കൊലപാതകമെന്നു പറഞ്ഞതായും വിവരം; മോചനത്തില് അനിശ്ചിതത്വം തുടരുന്നു
കോഴിക്കോട്: യെമനില് വധശിക്ഷയ്ക്ക് വിധിക്കപ്പെട്ട് ജയിലില് കഴിയുന്ന മലയാളി നേഴ്സ് നിമിഷപ്രിയയുടെ മോചനവുമായി ബന്ധപ്പെട്ട് ചര്ച്ചകള് തുടരും. ദിയാധനം സ്വീകരിക്കുന്നതില് കൂടി അന്തിമതീരുമാനത്തില് എത്തലാണ് അടുത്തഘട്ടം. കഴിഞ്ഞ ദിവസങ്ങളിലായി കാന്തപുരം എപി അബൂബക്കര് മുസ്ലിയാര് വഴി നടത്തിയ ചര്ച്ചകള് നിമിഷ വധശിക്ഷ നീട്ടിവെക്കുന്നതിലേക്ക് നയിച്ചിരുന്നു. അതേസമയം, ഇടപെടലുകള്ക്ക് തിരിച്ചടിയായി കൊല്ലപ്പെട്ട തലാലിന്റെ സഹോദരന്റെ പ്രതികരണവും പുറത്തുവന്നു. മാപ്പ് നല്കില്ലെന്നും ഒരു ഒത്തുതീര്പ്പിനും ഇല്ലെന്നും ദയാധനം വേണ്ടെന്നും തലാലിന്റെ സഹോദരന് പറഞ്ഞതായാണ് റിപ്പോര്ട്ട്. എന്നാല്, വധശിക്ഷ ഒഴിവാക്കുന്നതുമായി ബന്ധപ്പെട്ട് കൊല്ലപ്പെട്ട തലാലിന്റെ കുടുംബത്തില് അഭിപ്രായ ഐക്യമായില്ലെന്നും ഇനിയും ചര്ച്ചകള് വേണ്ടിവരുമെന്നുമാണ് മധ്യസ്ഥ ശ്രമം നടത്തുന്നവര് ഏറ്റവും ഒടുവിലായി അറിയിച്ചിരിക്കുന്നത്. ഇക്കാര്യം നേരത്തേതന്നെ വ്യക്തമായതാണെന്നു ചൂണ്ടിക്കാട്ടി അഭിഭാഷക ദീപ ജോസഫ് മാധ്യമങ്ങളോടു പ്രതികരിച്ചു. എല്ലാവര്ക്കും ഇതറിയാമായിരുന്നു. ചര്ച്ചകള് ചിലപ്പോള് നീണ്ടേക്കാമെന്നും മധ്യസ്ഥ സംഘത്തിലെ പ്രതിനിധികള് അറിയിച്ചു. ശിക്ഷ നീട്ടിവെച്ചതിനാല് വീണ്ടും ഇടപെടലിനായി കേന്ദ്ര സര്ക്കാര് നീക്കം നടത്തുന്നുണ്ട്. എന്നാല്, ഇക്കാര്യത്തില് വിദേശകാര്യമന്ത്രാലയം പരസ്യ പ്രതികരണം…
Read More » -
ഒരേയൊരു ഉസ്താദ്! മോദി സര്ക്കാര് പരാജയപ്പെട്ടിടത്ത് കാന്തപുരത്തിന്റെ വിജയം; വധശിക്ഷ മുന്കൂട്ടി അറിയിക്കാതിരിക്കുക എന്ന പതിവും ഹൂത്തികള് തെറ്റിച്ചു; ഉപദേശിച്ചത് ഇസ്ലാമിക നിമയത്തിന്റെ സാധ്യതകള്; നിമിഷപ്രിയ ടോമി തോമസിന്റെ മോചനത്തിന് പ്രതീക്ഷകള് തെളിയുന്നു; ഇത് റിയല് കേരള സ്റ്റോറി
സനാ: നിമിഷപ്രിയ ടോമി തോമസിന്റെ വധശിക്ഷ യെമനിലെ ഇന്ത്യന് എംബസിയും കേന്ദ്രസര്ക്കാരുമടക്കം പരാജയപ്പെട്ടിടത്ത് കാന്തപുരം എപി അബൂബക്കര് മുസ്ലിയാര് വിജയിച്ചതിനു പിന്നാലെ ഇസ്ലാമിലെ സൗമ്യ മുഖത്തിന് അഭിനന്ദനവുമായി സോഷ്യല് മീഡിയ. മുഖ്യമന്ത്രി പിണറായി വിജയന്, പ്രതിപക്ഷ നേതാവ് വി.ഡി. സതീശന്, ശശി തരൂര്, സാംസ്കാരിക പ്രവര്ത്തകര് എന്നിവരെല്ലാം ‘ഉസ്താദി’നെ പ്രകീര്ത്തിച്ചു രംഗത്തുവന്നു. കാന്തപുരത്തോട് ഇടപെടണമെന്ന് അഭ്യര്ഥിച്ച ചാണ്ടി ഉമ്മനെയും രാഷ്ട്രീയഭേദമില്ലാതെ ഏവരും അഭിനന്ദിച്ചു. നിമിഷപ്രിയ ഇപ്പോള് ഉള്ളത് വിമത വിഭാഗമായ ഹൂത്തികളുടെ നിയന്ത്രണത്തിലുള്ള സനാ ജയിലിലാണ്. നിമിഷയുടെ വധശിക്ഷ അന്താരാഷ്ട്രതലത്തില് അംഗീകരിക്കപ്പെട്ട യെമന് പ്രസിഡന്റ് അംഗീകരിച്ചിട്ടുമില്ല. ഇപ്പോള് യമനില് ഇന്ത്യന് എംബസി പ്രവര്ത്തിക്കുന്നില്ല. യമനുമായുള്ള നയതന്ത്ര ഇടപാടുകള് ജിബൗട്ടിയിലെ ഇന്ത്യന് മിഷന് ആണ് നടത്തുന്നത്. ഒരു വിദേശ കുറ്റവാളിയെ അറസ്റ്റ് ചെയ്യുന്നതുമുതല് മാതൃരാജ്യത്തെ അറിയിച്ചിരിക്കണം എന്നതു വിയന്ന കണ്വന്ഷന് ഓണ് കൗണ്സുലാര് റിലേഷന്സ് (1963) പ്രകാരം നിയമമാണ്. ഇന്ത്യയും യമനും ഇത് അംഗീകരിച്ച രാജ്യങ്ങളാണ്. എന്നല്, അന്തര്ദേശീയ അംഗീകാരമില്ലാത്ത ഹൂത്തികള് ഭരിക്കുന്നയിടങ്ങളില്…
Read More » -
ബ്രഹ്മോസ് ഒക്കെ ഇനിയെന്ത്! ശബ്ദത്തിന്റെ എട്ടിരട്ടി വേഗം, 1500 കിലോമീറ്റര് പരിധി; ഇസ്രയേലിന്റെ അയണ്ഡോമിനെ വരെ കബളിപ്പിക്കും: ആധുനിക സ്ക്രാംജെറ്റ് എന്ജിനുമായി ഇന്ത്യയുടെ ഹൈപ്പര് സോണിക് മിസൈല്; കര, വായു, വെള്ളം എന്നിവയില്നിന്ന് അനായാസം വിക്ഷേപിക്കാം; ‘പ്രോജക്ട് വിഷ്ണു’വില് ആദ്യ കുഞ്ഞ് പിറന്നു
ന്യൂഡല്ഹി: മിസൈല് സാങ്കേതികവിദ്യയില് വന് കുതിപ്പുമായി ഇന്ത്യ. പാകിസ്താന്റെയും തുര്ക്കിയുടെയും ഉറക്കം കളയുന്ന, ശബ്ദത്തിന്റെ എട്ടിരട്ടി വേഗത്തില് സഞ്ചരിക്കുന്ന നൂതന മിസൈല് സംവിധാനമായ എക്സ്റ്റെന്ഡഡ് ട്രാജക്ടറി ലോംഗ് ഡ്യൂറേഷന് ഹൈപ്പര്സോണിക് ക്രൂയിസ് മിസൈല് (ഇടി-എല്ഡിഎച്ച്സിഎം ) ആണ് ഡിഫന്സ് റിസര്ച്ച് ആന്ഡ് ഡവലപ്മെന്റ് ഓര്ഗനൈസേഷന് (ഡിആര്ഡിഒ) വികസിപ്പിച്ചത്. ബ്രഹ്മോസ്, അഗ്നി-5, ആകാശ് തുടങ്ങിയ നിലവിലുള്ള മിസൈല് സംവിധാനങ്ങളെ പൂര്ണമായി മറികടക്കുന്നതും ഇവയെ പൂര്ണമായി മാറ്റി നിര്ത്തുന്നതുമാണ് പുതിയ കണ്ടു പിടിത്തം. ‘പ്രോജക്ട് വിഷ്ണു’ എന്നു പേരിട്ട രഹസ്യ പദ്ധതിയിലൂടെയാണു ‘മാക്ക് 8’ അഥവാ ശബ്ദത്തിന്റെ എട്ടു മടങ്ങ് വേഗത്തില് സഞ്ചരിക്കുന്ന മിസൈല് എന്ജിന് കണ്ടെത്തിയത്. 1500 കിലോമീറ്റര്വരെ അകലത്തിലുള്ള ലക്ഷ്യത്തില് എത്താനും കഴിയും. നിലവിലെ ബ്രഹ്മോസ് മിസൈലിന്റെ മൂന്നിരട്ടി വേഗവും മൂന്നിരട്ടി ദൂരപരിധിയുമാണിത്. 290 കിലോമീറ്റര് പരിധിയിലാണ് ആദ്യം ബ്രഹ്മോസ് പുറത്തിറക്കിയത്. നിലവില് 450 കിലോമീറ്റര്വരെ സഞ്ചരിക്കും. വേഗത, റഡാറിന്റെ കണ്ണുവെട്ടിക്കല് (സ്റ്റെല്ത്ത്), ദീര്ഘദൂര കൃത്യത എന്നിവ സംയോജിപ്പിച്ച് ‘ഇടി-എല്ഡിഎച്ച്സിഎം’ മറ്റൊരു…
Read More » -
‘എല്ലാ ജൂതരും മരിക്കണം, പ്രസിഡന്റ് ഡൊണാൾഡ് ട്രംപ് നെതന്യാഹുവിന്റെ പാവയാണ്…’ എൽമോയുടെ എക്സ് അക്കൗണ്ട് ഹാക്ക് ചെയ്യപ്പെട്ടു
വാഷിങ്ടൺ: പ്രശസ്ത കാർട്ടൂൺ കഥാപാത്രമായ എൽമോയുടെ എക്സ് അക്കൗണ്ട് ഹാക്ക് ചെയ്യപ്പെട്ടു. പിന്നാലെ പ്രസിഡന്റ് ഡൊണാൾഡ് ട്രംപിനേയും നെതന്യാഹു അധിക്ഷേപിച്ചുകൊണ്ടുള്ള കമെന്റുകളും പ്രത്യക്ഷപ്പെട്ടു. ഞായറാഴ്ചയാണ് സംഭവം. അക്കൗണ്ടിൽ ഒരുകൂട്ടം ജൂതവിരുദ്ധ പോസ്റ്റുകളാണ് പ്രത്യക്ഷപ്പെട്ട്. എല്ലാ ജൂതരും മരിക്കണം, പ്രസിഡന്റ് ഡൊണാൾഡ് ട്രംപ് നെതന്യാഹുവിന്റെ പാവയാണ് എന്നിങ്ങനെ നീളുന്നു അധിക്ഷേപ പോസ്റ്റുകൾ. ജൂതന്മാർ ലോകത്തെ നിയന്ത്രിക്കുന്നുവെന്നും അവരെ ഉന്മൂലനം ചെയ്യണമെന്നും പോസ്റ്റുകളിലൊന്നിൽ പറയുന്നു. അതേസമയം ആരാണ് എൽമോയുടെ എക്സ് അക്കൗണ്ട് ഹാക്ക് ചെയ്തതെന്ന് വ്യക്തമല്ല. വംശീയാധിക്ഷേവും ജൂതവിരുദ്ധ പോസ്റ്റുകളും അശ്ലീലഭാഷയും ഉപയോഗിച്ചുള്ള പോസ്റ്റുകളാണ് പങ്കുവെച്ചിരിക്കുന്നത്. അക്കൗണ്ടിന്റെ പൂർണനിയന്ത്രണം തിരിച്ചെടുക്കാനുള്ള ശ്രമത്തിലാണ് തങ്ങളെന്ന് എൽമോയുടെ സീസെയിം വർക്ക്ഷോപ്പ് വക്താവ് അറിയിച്ചു.
Read More » -
പ്രതീക്ഷ: ‘നിമിഷപ്രിയ’ക്കു ദയ കിട്ടുമോ…? കാന്തപുരത്തിന്റെ ഇടപെടലിൽ സൂഫി പണ്ഡിതന്റെ നേതൃത്വത്തിൽ യെമനിൽ ഇന്നും സുപ്രധാന യോഗം
നിമിഷപ്രിയയുടെ വധശിക്ഷ ഒഴിവാക്കാൻ കാന്തപുരം എ.പി അബൂബക്കർ മുസല്യാരുടെ ഇടപെടലിനെ തുടർന്ന് യെമനിൽ സുപ്രധാന യോഗം. ദയാധനം നൽകി വധശിക്ഷ ഒഴിവാക്കാനുള്ള ശ്രമമാണു നടക്കുന്നത്. സൂഫി പണ്ഡിതൻ ഷെയ്ഖ് ഹബീബ് ഉമറിന്റെ നേതൃത്വത്തിൽ നടക്കുന്ന യോഗത്തിൽ യെമൻ ഭരണകൂട പ്രതിനിധി, സുപ്രീം കോടതി ജഡ്ജി, കൊല്ലപ്പെട്ട യെമൻ പൗരൻ തലാലിന്റെ സഹോദരൻ എന്നിവർ പങ്കെടുക്കുന്നുണ്ട്. ഇന്നലെ രാത്രി വൈകി നടന്ന ചർച്ച ഇന്നു രാവിലെയും തുടരും. ഹബീബ് അബ്ദുറഹ്മാന് മഷ്ഹൂറിന്റെ നേതൃത്വത്തിലുള്ള ഷെയ്ഖ് ഹബീബ് ഉമറിന്റെ പ്രതിനിധി സംഘം കൊല്ലപ്പെട്ട തലാലിന്റെ നാടായ ഉത്തര യെമനിലെ ദമാറില് തന്നെ തുടരുകയാണ്. ചര്ച്ചകള് ആശാവഹമാണെന്നും ഇന്ന് (ചൊവ്വ) സന്തോഷകരമായ അന്തിമ തീരുമാനം പ്രതീക്ഷിക്കാമെന്നും പ്രതിനിധി സംഘം കാന്തപുരത്തെ അറിയിച്ചു. യെമനിൽ 16ന് നിമിഷപ്രിയയുടെ വധശിക്ഷ നടപ്പാക്കാനിരിക്കെയാണ് കാന്തപുരത്തിന്റെ നേതൃത്വത്തിൽ അവസാനവട്ട ശ്രമം നടന്നത്. ദയാധനം വാങ്ങി മാപ്പു നൽകാൻ കുടുംബം തയാറായാൽ അക്കാര്യം കോടതിയെ അറിയിക്കുകയും വധശിക്ഷ നിർത്തിവയ്ക്കാനുള്ള നടപടിയിലേക്ക്…
Read More » -
‘യുക്രൈന് അത്യാധുനിക ആയുധങ്ങള് നല്കും; 50 ദിവസത്തിനുള്ളില് വെടി നിര്ത്തിയില്ലെങ്കില് റഷ്യക്ക് 100 ശതമാനം ഉപരോധം; റഷ്യന് എണ്ണ ഇറക്കുമതി ചെയ്യുന്ന രാജ്യങ്ങളെയും ഉപരോധിക്കും’; ഇന്ത്യക്കും ചൈനയ്ക്കും പരസ്യ ഭീഷണിയുമായി ട്രംപ്; യൂറോപ്പിനു പിന്നാലെ നയംമാറ്റം പ്രഖ്യാപിച്ച് അമേരിക്ക
കീവ്/വാഷിംഗ്ടണ്: യുക്രൈന് കൂടുതല് ആയുധങ്ങള് പ്രഖ്യാപിച്ചതിനു പിന്നാലെ 50 ദിവസത്തിനുള്ളില് സമാധാന കരാര് അംഗീകരിച്ചില്ലെങ്കില് റഷ്യയില്നിന്ന് ഇറക്കുമതി ചെയ്യുന്ന രാജ്യങ്ങള്ക്ക് ഉപരോധം പ്രഖ്യാപിക്കുമെന്നും അമേരിക്കന് പ്രസിഡന്റ് ഡോണള്ഡ് ട്രംപ്. നാറ്റോ സെക്രട്ടറി ജനറല് മാര്ക്ക് റുട്ടെയോടൊപ്പം ഓവല് ഓഫീസില് വാര്ത്താ സമ്മേളനം നടത്തുന്നതിനിടെയാണ് ട്രംപിന്റെ പ്രഖ്യാപനം. കോടിക്കണക്കിനു ഡോളര് വിലവരുന്ന ആയുധങ്ങള് ഉടന് യുക്രൈനു വിതരണം ചെയ്യുമെന്നും ട്രംപ് പറഞ്ഞു. ഞങ്ങള് ഏറ്റവും ആധുനികമായ ആയുധങ്ങള് നിര്മിച്ചു നാറ്റോയ്ക്കു കൈമാറും. ഇതിനു പണവും അവര് നല്കും. റഷ്യന് ആക്രമണങ്ങളില്നിന്ന് യുക്രൈനെ സംരക്ഷിക്കുന്നതിന് അത്യാധുനികമായ പാട്രിയറ്റ് മിസൈലുകള് നല്കും. മറ്റു രാജ്യങ്ങള് 17 പാട്രിയറ്റ് മിസൈലുകള് ആവശ്യപ്പെട്ടിട്ടുണ്ട്. ഇവയില് ചിലതോ മുഴുവനായോ യുക്രൈനു കൈമാറുമെന്നും ട്രംപ് പറഞ്ഞു. റഷ്യക്കെതിരേ സെക്കന്ഡറി ഉപരോധം നടപ്പാക്കുന്നത് പാശ്ചാത്യ രാജ്യത്തിന്റെ വിദേശ നയത്തിന്റെ മാറ്റമായിട്ടാണു വിലയിരുത്തുന്നത്. റഷ്യയില്നിന്ന് എണ്ണ ഇറക്കുമതി ചെയ്യുന്ന രാജ്യങ്ങള്ക്കടക്കം ഉപരോധം ഏര്പ്പെടുത്തണമെന്നു അമേരിക്കയിലെ രണ്ടു പ്രധാന രാഷ്ട്രീയ കക്ഷികളും യുഎസ് സര്ക്കാരില് സമ്മര്ദം…
Read More » -
ആണവായുധ പ്രയോഗത്തില് വെന്തെരിയുന്ന ഇസ്രായേല്; ഇതോ ഇറാന്റെ ലക്ഷ്യം? ചിത്രം പുറത്തുവിട്ട് ഇറാനിയന് ഉദ്യോഗസ്ഥന്; വിവിവാദമായതോടെ ഇന്സ്റ്റഗ്രാം സ്റ്റോറി പിന്വലിച്ച് തടിതപ്പി; ആണവായുധം വികസിപ്പിക്കുന്നതിന് എതിരെന്നും വിശദീകരണം
ടെഹ്റാന്: ഇസ്രായേലില് ആണായുധം പ്രയോഗിച്ചാല് എന്തു സംഭവിക്കുമെന്നു ചൂണ്ടിക്കാട്ടുന്ന ഇന്സ്റ്റഗ്രാം സ്റ്റോറി ഷെയര് ചെയ്ത് ഇറാന് പാര്ലമെന്റ് സ്പീക്കറുടെ ഉപദേഷ്ടാവ്. മൊഹമ്മദ് ബാഗര് ഗലീബയുടെ ഉപദേഷ്ടാവ് മെഹ്ദി മൊഹമ്മദിയാണ് വിവാദമായ ചിത്രം ഷെയര് ചെയ്തത്. ഇസ്രയേലിനു മുകളിലേക്ക് ആണവായുധം പ്രയോഗിച്ചാല് എങ്ങനെയിരിക്കുമെന്നത് ഇസ്രയേല് മാപ്പ് ഉപയോഗിച്ചു കമ്പ്യൂട്ടറില് സൃഷ്ടിച്ചാണു ഷെയര് ചെയ്തിരിക്കുന്നത്. ഇൗ ചിത്രം ഉടന് പിന്വലിച്ചെങ്കിലും ലണ്ടന് ആസ്ഥാനമായി പ്രവര്ത്തിക്കുന്ന ഇറാന് ഇന്റര്നാഷണല് ഉടന് പുറത്തുവിട്ടു. തൊട്ടുപിന്നാലെ ചിത്രത്തിന്റെ വിശദീകരണവുമായി മെഹ്ദി രംഗത്തുവന്നു. തന്റെ പേജിന്റെ അഡ്മിനാണ് ഈ ചിത്രം പോസ്റ്റ് ചെയ്തതെന്നും ഉടന് ഡിലീറ്റ് ചെയ്തെന്നും മെഹ്ദി പറഞ്ഞു. ഞാന് വ്യക്തിപരമായി ആണവായുധങ്ങള് വികസിപ്പിക്കുന്നതിന് എതിരാണ്. അത് ഇറാന്റെ പ്രതിരോധമാകുമെന്നും കരുതുന്നില്ല. അത് അങ്ങേയറ്റം സങ്കീര്ണമായ വിഷയമാണ്’ എന്നും മെഹ്ദി പറഞ്ഞു. ഇസ്രയേലിനു കനത്ത പ്രഹരമേല്പ്പിച്ചത് ആണവായുധം കൈവശം വച്ചിട്ടല്ല. യുക്രൈന് റഷ്യയുമായി പിടിച്ചു നില്ക്കുന്നതും ആണവായുധമുള്ളതുകൊണ്ടല്ല. ആണവായുധങ്ങളുടെ സൈനിക ഉപയോഗം മിക്ക രാജ്യങ്ങളും കരുതുന്നതിലും പരിമിതമാണെന്നും മെഹ്ദി…
Read More » -
ഇരന്നു തിന്നുന്നവനെ തുരന്നു തിന്നുന്ന പാക് ക്രിക്കറ്റ് ബോര്ഡ്; ധൂര്ത്തടിക്കുന്നത് കോടികള്; സംപ്രേക്ഷണ അവകാശം വിറ്റഴിച്ചത് നക്കാപ്പിച്ചയ്ക്ക്; സ്പോണ്സര്മാര് നല്കാനുള്ളത് കോടികള്; ഡീസല് അടിച്ചതില് ലക്ഷങ്ങള് തട്ടിപ്പ്; പോലീസിന് ബിരിയാണി വാങ്ങി നല്കിയത് രണ്ടുകോടി രൂപയ്ക്ക്; ഞെട്ടിച്ച് ഓഡിറ്റ് റിപ്പോര്ട്ട്
ഇസ്ലാമാബാദ്: രാഷ്ട്രീയ അനിശ്ചിതത്വത്തിനും സാമ്പത്തിക അസ്ഥിരാവസ്ഥയ്ക്കും രാജ്യാന്തര സൗഹൃദങ്ങള്ക്കിടയിലെ വിള്ളലുകള്ക്കുമിടയില് പാകിസ്താന് ക്രിക്കറ്റിലും അഴിമതിയുടെ കൊടുങ്കാറ്റ്. സാമ്പത്തിക ക്രമക്കേട്, രഹസ്യ ഇടപാടുകള്, നിയമവിരുദ്ധ നിയമനങ്ങള് എന്നിങ്ങനെ പാകിസ്താന് ക്രിക്കറ്റ് ബോര്ഡിന്റെ (പിസിബി) മുഖം മൂടി വലിച്ചുകീറുന്ന റിപ്പോര്ട്ട് പാക് ഓഡിറ്റര് ജനറല് (എജിപി) പുറത്ത്. പാക് ക്രിക്കറ്റിനെ നന്നാക്കാനല്ല, മറിച്ചു കൊള്ളടയിക്കുകയാണു പിസിബി ചെയ്യുന്നതെന്നും ഓഡിറ്റ് റിപ്പോര്ട്ടില് തുറന്നടിക്കുന്നു. ഉദ്യോഗസ്ഥരും രാഷ്ട്രീയക്കാരും വ്യക്തിപരമായ നേട്ടങ്ങള്ക്കു പാക് ക്രിക്കറ്റ് ബോര്ഡിന്റെ കോടികള് കൊള്ളയടിച്ചതിന്റെ ഉദാഹരണമാണെന്നു ക്രിക്കറ്റ് ലോകത്തെ നിരവധി പ്രമുഖര് ആരോപിച്ചു. കളിക്കാര്ക്കും മത്സരങ്ങള്ക്കും ആവശ്യത്തിനു പണം ലഭിക്കാതെ ബുദ്ധിമുട്ടുമ്പോള് രാജ്യാന്തര മത്സരങ്ങള്ക്കായി സുരക്ഷയേര്പ്പെടുത്തിയ പോലീസിനു ഭക്ഷണയിനത്തില് ചെലവിട്ടത് രണ്ടുകോടി രൂപയ്ക്കു തത്തുല്യമാണ് പാകിസ്താന് രൂപയാണെന്നു റിപ്പോര്ട്ടില് പറയുന്നു. വിദേശ കളിക്കാരടക്കമുള്ളവര്ക്കു പണം ചെലവിടുന്നതു മനസിലാക്കാമെങ്കിലും സ്വന്തം രാജ്യത്തു ശമ്പളം കൈപ്പറ്റി ജോലി ചെയ്യുന്നവര്ക്കായി ഇത്രയും പണം എന്തിനു ചെലവിട്ടെന്നാണ് ഓഡിറ്റിലെ ചോദ്യം. സാധാരണ പാകിസ്താനികള് പണപ്പെരുപ്പത്തില് വലയുമ്പോള് ആയിരക്കണക്കിന് ഉദ്യോഗസ്ഥര്ക്കു ബിരിയാണിയും…
Read More » -
ഇന്ത്യയില് പകരം വയ്ക്കാനില്ലാത്ത ഉലക നായകന്; ആവര്ത്തിച്ചു കാണുമ്പോഴൊക്കെ പുതിയ അര്ഥം ലഭിക്കുന്ന സിനിമകള്; ഇനി അവാര്ഡ് നല്കരുതെന്നു കത്തെഴുതി ഞെട്ടിച്ചയാള്; സിനിമയ്ക്കായി നടന്നത് ആരും സഞ്ചരിക്കാത്ത വഴികളില്; കമല് ഹാസന് ഓസ്കറിലേക്ക് എത്തുമ്പോള്
സി. വിനോദ് കൃഷ്ണന് ഒസ്കര് പുരസ്കാരങ്ങള് നല്കുന്നതിനുള്ള വോട്ടിംഗ് പാനലിലേക്ക് നടന് കമല് ഹാസന് തെരഞ്ഞെടുക്കപ്പെട്ടിരിക്കുന്നു. ഹിന്ദി നടന് ആയുഷ്മാന് ഖുറാനയും പാനലിലുണ്ട്. ഇന്ത്യന് സിനിമയ്ക്ക് സ്വപ്നസമാനമായിരുന്ന ഒസ്കര്, അതില്നിന്നുമാറി നിരന്തര പരിചയമായിട്ടു അധികമായില്ല. ഗാന്ധി സിനിമയും ഭാനു അതയ്യയും പിന്നെ സത്യജിത് റേയ്ക്കു ആദരപൂര്വം ലഭിച്ച പുരസ്കാരവുമായിരുന്നു നമുക്ക് ഒസ്കര്. സ്ലം ഡോഗ് മില്യണയര് വേണ്ടിവന്നു ചരിത്രം കുറിക്കാന്. മലയാളത്തില് തുടങ്ങി ഇന്ത്യന് സിനിമയുടെ മൊസാര്ട്ട് ആയി മാറിയ എ.ആര്. റഹ്മാന്, മലയാളിയായ റസൂല് പൂക്കുട്ടി, ഹിന്ദി ഗാനരചയിതാവ് ഗുല്സാര് എന്നിവര് ഓസ്കര് കരസ്ഥമാക്കി. ചെറിയൊരു ഇടവേളയ്ക്കുശേഷം ആര്ആര്ആര് എന്ന ചിത്രത്തിലൂടെ ഇന്ത്യന് സിനിമാസംഗീതം വീണ്ടും ആദരിക്കപ്പെട്ടു. കീരവാണിയും രചയിതാവ് ചന്ദ്രബോസും ഒസ്കര് കൊണ്ടുവന്നു. ഇതൊക്കെയാണെങ്കിലും ഒരുകാലത്തു ഇന്ത്യയിലേക്ക് ഓസ്കര് കൊണ്ടുവരും എന്ന് ഏവരും ഉറ്റുനോക്കിയിരുന്ന ഒരു നടനുണ്ട്. മറ്റാരുമല്ല, കമല് ഹാസന്. കമല് ഹാസനൊപ്പം തെരഞ്ഞെടുക്കപ്പെട്ട, നടനെ ഞാന് വിശേഷിപ്പിച്ചത് ഹിന്ദി നടന് എന്നാണ്. അവിടെ തുടങ്ങുന്നു…
Read More » -
പുടിന് നന്നായി സംസാരിക്കും, പിന്നാലെ ബോംബിട്ട് കൊല്ലും; യുക്രൈന് ആയുധങ്ങള് നല്കുമെന്ന് ട്രംപ്, റഷ്യയ്ക്കെതിരേ ഉപരോധത്തിനും സാധ്യത
വാഷിങ്ടണ്: യുക്രൈനില് റഷ്യ നടത്തുന്ന ആക്രമണത്തില് റഷ്യന് പ്രസിഡന്റ് വ്ളാദിമിര് പുടിനെതിരേ അമേരിക്കന് പ്രസിഡന്റ് ഡോണാള്ഡ് ട്രംപ്. വളരെ നന്നായി സംസാരിക്കുന്ന ആളാണ് പുടിനെന്നും എന്നാല്, തൊട്ടുപിന്നാലെ എല്ലാവരെയും അയാള് ബോംബിട്ട് കൊല്ലുമെന്നും ട്രംപ് പറഞ്ഞു. റഷ്യയ്ക്കെതിരേ പുതിയ ഉപരോധമേര്പ്പെടുത്തുമെന്ന സൂചനയും അദ്ദേഹം നല്കി. അമേരിക്കയുടെ വ്യോമപ്രതിരോധ സംവിധാനമായ ‘പാട്രിയോട്ട്’ യുക്രൈന് നല്കുമെന്നും ട്രംപ് അറിയിച്ചു. തിങ്കളാഴ്ച റഷ്യയുമായി ബന്ധപ്പെട്ട സുപ്രധാന പ്രഖ്യാപനമുണ്ടാകുമെന്ന് ട്രംപ് അറിയിച്ചിരുന്നു. ഇതിന് പിന്നാലെയാണ് യുക്രൈനിന് ആവശ്യമായ ആയുധം നല്കുന്നത് സംബന്ധിച്ച പ്രഖ്യാപനം നടത്തിയിരിക്കുന്നത്. യുഎസില് നിന്നുള്ള പ്രത്യേക പ്രതിനിധി സംഘം യുക്രൈനിലേക്ക് തിരിക്കും. അതേസമയം, നാറ്റോ സെക്രട്ടറി ജനറല് മാര്ക്ക് റുട്ടുമായി ട്രംപ് വാഷിങ്ടണില് കൂടിക്കാഴ്ച നടത്തുമെന്നും റിപ്പോര്ട്ടുണ്ട്. മൂന്നുവര്ഷത്തോളമായി തുടരുന്ന റഷ്യ-യുക്രൈന് സംഘര്ഷത്തിന് ഇനിയും അറുതിയായിട്ടില്ല. അടുത്തിടെ ഇത് രൂക്ഷമാവുകയും ചെയ്തിരുന്നു. ഇരു രാജ്യങ്ങള്ക്കിടയില് സമാധാനം പുനഃസ്ഥാപിക്കാന് അമേരിക്കയുടെ ശ്രമമുണ്ടായെങ്കിലും വിജയം കണ്ടിരുന്നില്ല. തുടര്ന്നാണ് ട്രംപ് യുക്രൈന് ആയുധം നല്കുന്നതുമായി ബന്ധപ്പെട്ട സുപ്രധാന തീരുമാനം…
Read More »