World
-
നൂറു കണക്കിന് സ്ത്രീകളെ നഗ്നരാക്കി തെരുവിലൂടെ ജാഥയായി നടത്തി; മരണം ആയിരം പിന്നിട്ടു; സിറിയയെ ചോരയില്മുക്കി പ്രകാരക്കൊലകള്
ഡമാസ്കസ്: ഇസ്രയേലില് ഹമാസ് ഭീകരര് നടത്തിയ ആക്രമണത്തിന് ഇസ്രയേല് നല്കിയ തിരിച്ചടി ലോകത്തിന്റെ പല കോണുകളില് നിന്നും പ്രതിഷേധങ്ങള് ക്ഷണിച്ചു വരുത്തിയിരുന്നു. മനുഷ്യാവകാശ പ്രവര്ത്തകര് വലിയ ചര്ച്ചയാക്കിയ ആ സംഭവത്തില്, ഇരകളോട് ഐക്യദാര്ഢ്യം പ്രഖ്യാപിച്ച് നിരവധി പ്രമുഖരും രംഗത്തെത്തിയിരുന്നു. എന്നാല്, ഏറെ വാര്ത്തയാകപ്പെടാതെ മറ്റൊരു കൂട്ടക്കൊല ഇപ്പോള് സിറിയയില് നടക്കുകയാണ്. ക്രൂരമായ പ്രതികാര കൊലയില് കഴിഞ്ഞ രണ്ട് ദിവസങ്ങളിലായി ആയിരത്തില് അധികം പേരാണ് സിറിയയില് കൊല്ലപ്പെട്ടിരിക്കുന്നത്. പുറത്താക്കപ്പെട്ട മുന് പ്രസിഡണ്ട് ബാഷര് അസ്സദിന്റെ അനുയായികളും പുതിയ ഭരണകൂടത്തെ അനുകൂലിക്കുന്നവരും തമ്മില് കൊടും സംഘര്ഷമാണ് നടക്കുന്നത്. കൂട്ടക്കൊലകളില് 745 സിവിലിയന്മാര് കൊല്ലപ്പെട്ടപ്പോള് 125 സുരക്ഷാ സൈനികരും 148 ഭീകരന്മാരും കൊല്ലപ്പെട്ടതായി ബ്രിട്ടന് ആസ്ഥാനമാക്കി പ്രവര്ത്തിക്കുന്ന സിറിയന് ഒബ്സര്വേറ്ററി ഫോര് ഹ്യുമന് റൈറ്റ്സ് പറയുന്നു. അസ്സദുമായി ബന്ധമുള്ള സായുധ സേനയിലെ അംഗങ്ങളാണ് ഈ ഭീകരര്. അതിനു പുറമെ, ലടാകിയ നഗരത്തില് വൈദ്യുതിയും ശുദ്ധജല വിതരണവും നിര്ത്തിവെച്ചിരിക്കുകയാണ് എന്നും അവര് പറയുന്നു. 14 വര്ഷം മുന്പ്…
Read More » -
കുല്ഭൂഷന് ജാദവിനെ തട്ടിക്കൊണ്ടുപോകാന് സഹായിച്ച മതപണ്ഡിതന് വെടിയേറ്റ് മരിച്ചു
ഇസ്ലാമാബാദ്: മുന് ഇന്ത്യന് നാവികസേന ഉദ്യോഗസ്ഥന് കുല്ഭൂഷന് ജാദവിനെ തട്ടികൊണ്ടുപോകാന് പാകിസ്താനിലെ ചാരസംഘടനയായ ഐ.എസ്.ഐയെ സഹായിച്ച മതപണ്ഡിതന് വെടിയേറ്റ് മരിച്ചു. മുഫ്തി ഷാ മിര് ആണ് അജ്ഞാതരുടെ വെടിയേറ്റ് മരിച്ചത്. ബലൂചിസ്ഥാനില് വെള്ളിയാഴ്ച രാത്രിയോടെയായിരുന്നു സംഭവം. ബലൂചിസ്ഥാനിലെ പ്രമുഖ മതപണ്ഡിതനായ മുഫ്തി ഷാ മിറിന് നേരെ മുന്പ് രണ്ടുതവണയും ആക്രമണം റിപ്പോര്ട്ട് ചെയ്തിട്ടുണ്ട്. തുര്ബത്തിലെ ഒരു പള്ളിയില് രാത്രി പ്രാര്ത്ഥനയ്ക്ക് ശേഷം പുറത്തിറങ്ങിയ മുഫ്തിക്ക് നേരെ അജ്ഞാതസംഘം വെടിയുതിര്ക്കുകയായിരുന്നു. ഉടന് തന്നെ ഇയാളെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ജാമിയത്ത് ഉലമ-ഇ-ഇസ്ലാം (ജെയുഐ) അംഗമായിരുന്ന മുഫ്തി മത പഠനത്തിന്റെ മറവില് മനുഷ്യക്കടത്ത് ഉള്പ്പെടെയുള്ള പ്രവര്ത്തനങ്ങള് നടത്തിയിട്ടുണ്ടെന്നാണ് സൂചന. ഐഎസ്ഐയുമായി അടുത്ത ബന്ധം പുലര്ത്തിയിരുന്ന മുഫ്തി, പാകിസ്താനിലെ ഭീകരവാദികളുടെ ക്യാംപുകള് സന്ദര്ശിക്കുകയും ഭീകരരെ ഇന്ത്യയിലേക്ക് നുഴഞ്ഞുകയറാന് സഹായിക്കുകയും ചെയ്തതായി റിപ്പോര്ട്ടുണ്ട്. കഴിഞ്ഞ ആഴ്ച ജാമിയത്ത് ഉലമ-ഇ-ഇസ്ലാം പാര്ട്ടിയിലെ രണ്ടുപേര് വെടിയേറ്റ് മരിച്ചിരുന്നു. നാവികസേനയില് നിന്ന് വിരമിച്ച ശേഷം ഇറാനിലെ ചബഹാറില് കച്ചവടം നടത്തിയിരുന്ന…
Read More » -
വിദേശകാര്യ മന്ത്രിക്ക് നേരെ ലണ്ടനില് ആക്രമണ ശ്രമം; ഖാലിസ്ഥാനികള് ഇന്ത്യന് പതാക കീറിയെറിഞ്ഞു
ലണ്ടന്: ലണ്ടനില് കേന്ദ്ര വിദേശകാര്യ മന്ത്രി എസ് ജയ്ശങ്കറിന് നേരെ ആക്രമണ ശ്രമം. ഖാലിസ്ഥാന് വിഘടനവാദി സംഘടനയിലെ അംഗങ്ങളാണ് ജയ്ശങ്കറിന്റെ വാഹനം ആക്രമിക്കാന് ശ്രമിച്ചത്. ഇന്നലെ വൈകിട്ടാണ് സംഭവം നടന്നതെന്നാണ് വിവരം. സംഭവത്തില് ഇന്ത്യ, ബ്രിട്ടനെ പ്രതിഷേധം അറിയിക്കും. സംഭവത്തിന്റെ വീഡിയോ പുറത്തുവന്നിട്ടുണ്ട്. അജ്ഞാതനായ ഒരാള് മന്ത്രിയുടെ വാഹനത്തിന് മുന്നില് വന്ന് ഇന്ത്യന് പതാക കീറിയെറിയുന്നത് വീഡിയോയില് കാണാം. ലണ്ടനിലെ ഛതം ഹൗസില് ഒരു പരിപാടിയില് പങ്കെടുത്ത് മടങ്ങുമ്പോഴാണ് സംഭവം നടന്നത്. വേദിക്ക് പുറത്ത് ഖാലിസ്ഥാന് അനുകൂലികള് പ്രതിഷേധ മുദ്രാവാക്യം മുഴക്കിയിരുന്നു. അഞ്ച് ദിവസത്തെ ഔദ്യോഗിക സന്ദര്ശനത്തിനായി മാര്ച്ച് നാലിനാണ് ജയ്ശങ്കര് ലണ്ടനില് എത്തിയത്. ഇരു രാജ്യങ്ങളും തമ്മിലുള്ള നയതന്ത്ര ബന്ധം ശക്തിപ്പെടുത്താന് ലക്ഷ്യമിട്ടുള്ളതാണ് സന്ദര്ശനം.
Read More » -
പാക്കിസ്ഥാന് നടുങ്ങി വിറച്ചു!!! സേനാ താവളത്തില് ഭീകരാക്രമണം; 12 മരണം, 35 പേര്ക്ക് പരുക്ക്
ഇസ്ലാമാബാദ്: പാക്കിസ്ഥാനിലെ ഖൈബര് പഖ്തൂണ്ഖ്വയിലെ സൈനിക താവളത്തിലുണ്ടായ ഭീകരാക്രമണത്തില് 7 കുട്ടികളുള്പ്പെടെ 12 പേര് കൊല്ലപ്പെട്ടു. 35 പേര്ക്കു പരുക്കേറ്റു. ചൊവ്വാഴ്ച രാത്രി ബോംബുകള് ഒളിപ്പിച്ച കാറുമായി 2 ചാവേറുകള് സൈനിക താവളത്തിലേക്ക് ഇടിച്ചുകയറുകയും പൊട്ടിത്തെറിക്കുകയും ആയിരുന്നു. സൈനിക താവളത്തിലെ മതില് തകര്ന്നതിനു പിന്നാലെ മറ്റു ഭീകരര് അകത്തേക്ക് ഇരച്ചുകയറിയെന്നും വാര്ത്താ ഏജന്സി റിപ്പോര്ട്ട് ചെയ്തു. ഇഫ്താര് വിരുന്നിനു തൊട്ടുപിന്നാലെയാണു ബന്നു കന്റോണ്മെന്റില് ആക്രമണമുണ്ടായത്. പാക്ക് താലിബാനുമായി ബന്ധമുള്ള ജയ്ഷ് അല്ഫുര്സാന് ആക്രമണത്തിന്റെ ഉത്തരവാദിത്തം ഏറ്റെടുത്തു. പ്രത്യാക്രമണത്തില് 6 ഭീകരെ വധിച്ചതായി പൊലീസ് അറിയിച്ചു. ആക്രമണത്തിനു പിന്നാലെ ആകാശത്തേക്കു കട്ടിയുള്ള പുക ഉയരുന്ന വിഡിയോകള് സമൂഹമാധ്യമങ്ങളില് പ്രചരിക്കുന്നുണ്ട്. പശ്ചാത്തലത്തില് വെടിയൊച്ചകളും കേള്ക്കാം. ഒരേസമയം 2 ചാവേര് കാര് ബോംബുകള് ഉപയോഗിച്ചതായും 6 ഭീകരര് ഉള്പ്പെട്ട ഏകോപിത ആക്രമണമാണെന്നും സേനാ വൃത്തങ്ങള് പറഞ്ഞു. ഫെബ്രുവരി 28ന്, ഇതേ പ്രവിശ്യയില് വെള്ളിയാഴ്ച പ്രാര്ഥനയ്ക്കിടെ ചാവേര് ബോംബ് സ്ഫോടനമുണ്ടായിരുന്നു. താലിബാന് അനുകൂല പുരോഹിതന് ഹമീദുല് ഹഖ്…
Read More » -
2 തവണ ശ്വാസതടസ്സം; മാര്പാപ്പയുടെ ആരോഗ്യനില വീണ്ടും വഷളായി
വത്തിക്കാന് സിറ്റി: ശ്വാസകോശ അണുബാധമൂലം ആശുപത്രിയില് കഴിയുന്ന ഫ്രാന്സിസ് മാര്പാപ്പയുടെ (88) ആരോഗ്യസ്ഥിതി കൂടുതല് മോശമായി. മാര്പാപ്പയ്ക്കു 2 തവണ ശ്വാസതടസ്സമുണ്ടായെന്നു വത്തിക്കാന് അറിയിച്ചു. കടുത്ത അണുബാധയും കഫക്കെട്ടും മാറിയിട്ടില്ല. കൃത്രിമശ്വാസം നല്കുന്നുണ്ട്. മാര്പാപ്പ ക്ഷീണിതനാണെന്നും അപകടനില പൂര്ണമായും തരണം ചെയ്തിട്ടില്ലെന്നും കര്ശന നിരീക്ഷണത്തിലാണെന്നും ഡോക്ടര്മാര് വ്യക്തമാക്കി. ഇരു ശ്വാസകോശത്തിലും ന്യുമോണിയ ബാധിച്ച് ഫെബ്രുവരി 14 മുതല് റോമിലെ ജെമെല്ലി ആശുപത്രിയിലാണു മാര്പാപ്പ കഴിയുന്നത്.
Read More » -
വ്യാപനശേഷിയുളള കൊവിഡ് വീണ്ടുമെന്ന് സംശയം; ആശങ്കയായി ചൈനയില് കണ്ടെത്തിയ പുതിയ വകഭേദം
ബീജിംഗ്: വവ്വാലുകളില് നിന്ന് പടര്ന്നുപിടിക്കാന് സാദ്ധ്യതയുളള കൊവിഡിന്റെ പുതിയ വകഭേദം ചൈനയില് കണ്ടെത്തി. HKU5-CoV-2 ആണ് പുതിയ ഇനം വകഭേദം. കൊവിഡിന് കാരണമായ SARS-CoV-2ന്റെ അതേശേഷിയുളള വൈറസാണിത്. ഇതിന് കോശ ഉപരിതല പ്രോട്ടീന് കോശങ്ങളിലേക്ക് നുഴഞ്ഞു കയറാന് ശേഷിയുളളതിനാല് മനുഷ്യരില് അണുബാധയുണ്ടാക്കാന് സാദ്ധ്യതയുണ്ട്. ചൈനീസ് ജേര്ണലായ സെല് സയന്റിഫിക്കിലാണ് പുതിയ വൈറസിനെക്കുറിച്ചുളള വിവരങ്ങള് പ്രസിദ്ധീകരിച്ചത്. ബാറ്റ് വുമണ് എന്നറിയപ്പെടുന്ന ചൈനീസ് വൈറോളജിസ്റ്റായ ഷി ഷെംഗ്ലിയാണ് ഗ്വാംഗ്ഷോ ലബോറട്ടറിയില് ഗവേഷണം നടത്തിയത്. പുതിയ വൈറസിന് മനുഷ്യരിലേക്ക് രോഗം വ്യാപിപ്പിക്കാനുളള ശേഷിയുണ്ടെങ്കിലും മൃഗങ്ങളില് നിന്ന് മനുഷ്യരിലേക്ക് പടരുന്നതുമായി ബന്ധപ്പെട്ടുളള കൂടുതല് ഗവേഷണം നടന്നുവരികയാണ്. ഇതിനകം തന്നെ കൊവിഡിന്റെ നിരവധി വകഭേദങ്ങള് കണ്ടെത്തിയെങ്കിലും അവയില് ചിലത് മാത്രമേ മനുഷ്യരിലേക്ക് വ്യാപിക്കുന്നുളളൂ. ഹോങ്കോംഗിലെ ജാപ്പനീസ് പെപ്പിസ്ട്രെല് വവ്വാലില് നിന്ന് തിരിച്ചറിഞ്ഞ HKU5 എന്ന കൊവിഡിന്റെ നിന്നുളള വകഭേദമാണ് ഇത്. മിഡില് ഈസ്റ്റ് റെസ്പിറേറ്ററി സിന്ഡ്രോമിന് കാരണമാകുന്ന വൈറസും ഇതില് ഉള്പ്പെടുന്നു. SARS-CoV-2പോലെ ഇതിലും ഫ്യൂറിന് ക്ലീവേജ് സെറ്റ്…
Read More » -
ഇസ്രയേലില് സ്ഫോടന പരമ്പര; ഭീകരാക്രമണമെന്ന് സംശയം, അതീവജാഗ്രതാ നിര്ദേശം
ടെല് അവീവ്: ഇസ്രയേലില് നിര്ത്തിയിട്ടിരുന്ന ബസുകളില് സ്ഫോടനം. ടെല് അവീവിന് സമീപമുള്ള ബാറ്റ്യാം നഗരത്തില് വിവിധ ഇടങ്ങളിലായി നിര്ത്തിയിട്ടിരുന്ന മൂന്ന് ബസുകളിലാണ് സ്ഫോടനം നടന്നത്. ഭീകരാക്രമണമാണ് നടന്നതെന്ന് സംശയിക്കുന്നതായി ഇസ്രയേല് സുരക്ഷാ ഉദ്യോഗസ്ഥര് വിശദീകരിച്ചു. പ്രധാനമന്ത്രി ബെഞ്ചമിന് നെതന്യാഹു അടിയന്തര സുരക്ഷാ യോഗം വിളിച്ചുചേര്ത്തിട്ടുണ്ട്. സ്ഫോടനത്തില് ആളപായമില്ല എന്നാണ് ഇതുവരെയുള്ള വിവരങ്ങള്. അതേസമയം, സംഭവത്തില് പോലീസ് സംശയിക്കുന്ന ആളുടെ ചിത്രങ്ങള് പോലീസ് പുറത്തുവിട്ടിട്ടുണ്ട്. രണ്ടുബസുകളില് നിന്ന് കണ്ടെത്തിയ ബോംബുകള് സുരക്ഷാ ഉദ്യോഗസ്ഥര് നിര്വീര്യമാക്കി. ഇതിനെ തുടര്ന്ന് ജനങ്ങളോട് ജാഗ്രതപാലിക്കാന് നിര്ദ്ദേശം നല്കിയിട്ടുണ്ട്. ഹമാസ് ബന്ദികളാക്കിയവരില് മരിച്ച നാലുപേരുടെ മൃതദേഹങ്ങള് വിട്ടുകൊടുത്ത് മണിക്കൂറുകള്ക്കകമാണ് സ്ഫോടനങ്ങള് നടന്നത്. സ്ഫോടനം നടന്നതും നിര്വീര്യമാക്കിയതുമുള്പ്പെടെ അഞ്ച് ബോംബുകളാണ് നിലവില് തിരിച്ചറിഞ്ഞിട്ടുള്ളത്. ഇവ അഞ്ചും സമാനമാണെന്നും സുരക്ഷാ ഉദ്യോഗസ്ഥര് പറഞ്ഞു. സ്ഫോടനത്തിന് പിന്നില് ആരാണെന്ന് വ്യക്തമല്ല. രാജ്യത്ത് ഉടനീളം പരിശോധനയും അന്വേഷണവും നടക്കുമെന്നാണ് വിവരം. അതിനിടെ, കണ്ടെടുത്ത സ്ഫോടകവസ്തുക്കള്ക്ക് വെസ്റ്റ്ബാങ്കില് നിന്ന് പലതവണ കണ്ടെടുത്തിട്ടുള്ള സ്ഫോടകവസ്തുക്കളുമായി സാമ്യമുണ്ടെന്നാണ് പോലീസ്…
Read More » -
ഡ്രോണ് ആക്രമണം: ലബനനിലെ ഹമാസ് തലവനെ ഇസ്രയേല് വധിച്ചു
ജെറുസലം: തെക്കന് ലബനനില് ഇന്നലെ നടത്തിയ ഡ്രോണ് ആക്രമണത്തില് ലബനനിലെ ഹമാസിന്റെ തലവന് മുഹമ്മദ് ഷഹീന് കൊല്ലപ്പെട്ടതായി ഇസ്രയേല് അവകാശപ്പെട്ടു. സ്ഫോടനത്തില് കത്തുന്ന ഒരു കാറിന്റെ വിഡിയോ ദൃശ്യങ്ങളും പുറത്തു വിട്ടിട്ടുണ്ട്. ഇസ്രയേല്ഹിസ്ബുല്ല വെടിനിര്ത്തല് കരാറിന്റെ ഭാഗമായി തെക്കന് ലബനനില്നിന്ന് ഇസ്രയേല് പിന്മാറുന്നതിനുള്ള അവസാന ദിവസം ഇന്നാണ്. വെടിനിര്ത്തല് കരാര് ഉണ്ടെങ്കിലും തെക്ക്, പടിഞ്ഞാറ് ലബനനില് ഇസ്രയേല് വ്യോമാക്രമണം അവസാനിപ്പിച്ചിരുന്നില്ല. കൊല്ലപ്പെട്ട ഹമാസ്, ഹിസ്ബുള്ള നേതാക്കളുടെ ചിത്രങ്ങളുമായി തൃത്താല ദേശോത്സവത്തില് ആനയെഴുന്നള്ളത്ത് സിദനിലെ മുനിസിപ്പല് സ്പോര്ട്സ് സ്റ്റേഡിയത്തിനു സമീപമുള്ള സൈനിക ചെക്ക് പോസ്റ്റിനടുത്തുവച്ചാണ് ഷഹീനു നേരെ ആക്രമണമുണ്ടായത്. ഇറാന്റെ ഒത്താശയോടെ ഇസ്രയേല് പൗരന്മാര്ക്കെതിരെ ആക്രമണം നടത്താന് ഇയാള് പദ്ധതിയിട്ടിരുന്നതായി ഇസ്രയേല് ആരോപിച്ചു.
Read More » -
ആശങ്കാജനകം: ശ്വാസകോശത്തിൽ ന്യുമോണിയ ബാധിച്ച ഫ്രാൻസിസ് മാർപാപ്പയുടെ ആരോഗ്യനില അതീവ ഗുരുതരം
5 ദിവസമായി റോമിലെ ജെമെല്ലി ആശുപത്രിയില് ചികിത്സയിൽ കഴിയുന്ന ഫ്രാൻസിസ് മാർപാപ്പയുടെ ആരോഗ്യനില അതീവ ഗുരുതരമെന്ന് റിപ്പോർട്ട്. 2 ശ്വാസകോശത്തിലും ന്യുമോണിയ ബാധിച്ചെന്നും സ്ഥിതി സങ്കീർണമായെന്നും വത്തിക്കാൻ അറിയിച്ചു. പോളി മൈക്രോബയല് അണുബാധയുണ്ടെന്നായിരുന്നു നേരത്തെ കണ്ടെത്തിയിരുന്നത്. ഇതിനായിട്ടുള്ള പ്രത്യേക തെറാപ്പി ചികിത്സയാണ് ഇപ്പോള് നല്കുന്നത്. നേരത്തെ നല്കിയ ചികിത്സയില് മാറ്റം വരുത്തിയിട്ടുണ്ടെന്ന് ഇന്നലെ വത്തിക്കാന് പ്രസ്താവനയില് അറിയിച്ചിരുന്നു. ഒരാഴ്ചയായി ശ്വാസകോശ അണുബാധയെ തുടർന്ന് ബുദ്ധിമുട്ടിലായ 88കാരനായ അദ്ദേഹത്തെ ഫെബ്രുവരി 14നാണ് റോമിലെ ജെമെല്ലി ആശുപത്രിയിൽ പ്രവേശിപ്പിച്ചത്. സി.ടി സ്കാൻ പരിശോധനയിലാണു ഗുരുതരമായ ന്യുമോണിയ കണ്ടെത്തിയത്. അണുബാധയ്ക്കുള്ള ആന്റിബയോട്ടിക്, കോർട്ടിസോൺ തെറാപ്പി ചികിത്സ പുരോഗമിക്കുന്നു. തനിക്കുവേണ്ടി പ്രാർഥിക്കാൻ മാർപാപ്പ അഭ്യർഥിച്ചു. ആശുപത്രിക്ക് മുൻപിൽ ആയിരങ്ങൾ അദ്ദേഹത്തിനായി പ്രാർഥനയിൽ മുഴുകിയിരിക്കുകയാണ്. ഞായറാഴ്ച വരെ മാർപാപ്പയുടെ ഔദ്യോഗിക പരിപാടികളെല്ലാം റദ്ദാക്കിയിട്ടുണ്ട്. സങ്കീർണമായ അണുബാധയാണ് ബാധിച്ചിരിക്കുന്നതെന്നും ആരോഗ്യനില തൃപ്തികരമാകുന്നതുവരെ അദ്ദേഹം ആശുപത്രിയിൽ തുടരുമെന്നും വത്തിക്കാൻ അറിയിച്ചു. ചൊവ്വാഴ്ച രാവിലെ അദ്ദേഹം പ്രഭാതഭക്ഷണം കഴിച്ചെന്നും…
Read More » -
യുഎസില് ട്രാന്സ്ജെന്ഡര് റിക്രൂട്ട്മെന്റ് നിര്ത്തിവെച്ച് സൈന്യം; ലിംഗമാറ്റ ശസ്ത്രക്രിയയും വിലക്കി ഔദ്യോഗിക പ്രഖ്യാപനം
വാഷിംഗ്ടണ്: യുഎസില് ട്രാന്സ്ജെന്ഡര് വ്യക്തികളെ സൈന്യത്തില് പ്രവേശിപ്പിക്കേണ്ടതില്ലെന്ന ഉത്തരവ് നടപ്പിലാക്കി ട്രംപ് ഭരണകൂടം. ഇവരുടെ റിക്രൂട്ട്മെന്റ് നടപടികള് നിര്ത്തിവച്ചതായി സൈന്യം അറിയിച്ചു. ശനിയാഴ്ച(ഇന്ന്) എക്സില് പങ്കുവെച്ച കുറിപ്പിലാണ് സൈന്യം ഉത്തരവ് നടപ്പാക്കിയതായി അറിയിച്ചത്. ഇതോടൊപ്പം സൈന്യത്തില് നിലവിലുള്ള ട്രാന്സ്ജെന്ഡര് വ്യക്തികളുടെ ലിംഗമാറ്റ ശസ്ത്രക്രിയകള് ഉള്പ്പെടെയുള്ള നടപടികളും നിര്ത്തിവച്ചു. ”അമേരിക്കന് സൈന്യത്തില് ഇനിമുതല് ട്രാന്സ്ജെന്ഡര് വ്യക്തികളെ പ്രവേശിപ്പിക്കില്ല. സൈന്യത്തിലുള്ള അംഗങ്ങളുടെ ലിംഗമാറ്റവുമായി ബന്ധപ്പെട്ട നടപടിക്രമങ്ങള് നടത്തുകയോ സുഗമമാക്കുകയോ ചെയ്യുന്നത് നിര്ത്തും”- എക്സില് പങ്കുവെച്ച കുറിപ്പില് സൈന്യം വ്യക്തമാക്കി. യുഎസ് പ്രസിഡന്റായി ചുമതലയേറ്റത് മുതല് ഡൊണാള്ഡ് ട്രംപ് ട്രാന്സ്ജെന്ഡറുകളോട് കര്ശനമായ നിലപാടുകളാണ് സ്വീകരിച്ചിട്ടുള്ളത്. ട്രാന്സ്ജെന്ഡര് വ്യക്തിത്വം തിരിച്ചറിഞ്ഞ സൈനികര് തങ്ങളുടെ വ്യക്തിപരമായ ജീവിതത്തില് പോലും അച്ചടക്കവും സത്യസന്ധതയും പുലര്ത്തില്ലെന്നും സൈന്യത്തോടു കൂറ് പുലര്ത്തില്ലെന്നുമാണ് ട്രംപിന്റെ കാഴ്ചപ്പാട്. അവരുടെ സാന്നിധ്യം സൈന്യത്തിനു ഹാനികരമാണെന്നും ട്രംപ് പറഞ്ഞിരുന്നു. 2016ല് ഒബാമയുടെ ഭരണ കാലത്ത് സൈന്യത്തിലെ ട്രാന്സ്ജെന്ഡര് വിലക്ക് പിന്വലിച്ചിരുന്നു. എന്നാല് വിലക്ക് തിരികെ കൊണ്ടുവരുമെന്ന നിലപാടാണ് ട്രംപ്…
Read More »