Newsthen Special
-
പുറത്തിറങ്ങിയ ഉടന് തന്ത്രിക്ക് സമന്സ് അയച്ച് ഇഡി; മാര്ച്ച് ആദ്യവാരം ഹാജരാകണം; ജാമ്യം റദ്ദാക്കാന് നീക്കവുമായി എസ്ഐടി; തന്ത്രിയും പോറ്റിയും തമ്മില് പരിചയമില്ലെന്ന കോടതിയുടെ കണ്ടെത്തല് വിചിത്രമെന്നും അന്വേഷണ സംഘം
പത്തനംതിട്ട: ശബരിമല സ്വര്ണക്കൊള്ളയില് ഇ.ഡിക്ക് മുന്നിലേക്ക് തന്ത്രിയും. തന്ത്രി കണ്ഠരര് രാജീവര്ക്ക് ഇ.ഡി സമന്സ് അയച്ചു. മാര്ച്ച് ആദ്യവാരം ചോദ്യം ചെയ്യലിന് ഹാജരാകണം. ദേവസ്വം മുന് പ്രസിഡന്റ് എന്.വാസുവിനും സമന്സ് അയച്ചു. സ്വര്ണക്കൊള്ളയില് തെളിവില്ലെന്നു ചൂണ്ടിക്കാട്ടി വിജിലന്സ് കോടതി ജാമ്യം അനുവദിച്ചതിനു പിന്നാലെയാണു നടപടി. രണ്ട് കോടിയുടെ നിക്ഷേപങ്ങളിലും തന്ത്രിക്ക് ക്ലീന്ചിറ്റ്. തന്ത്രി കണ്ഠര് രാജീവരുടെ നിക്ഷേപങ്ങളിലെ ദുരൂഹത കോടതി തള്ളി. സാമ്പത്തിക ഇടപാടില് ദുരൂഹതയെന്ന എസ്ഐടി വാദം അംഗീകരിച്ചില്ല. ദക്ഷിണ ഇനത്തിലെ വരുമാനം സ്വാഭാവികം എന്ന് കോടതി. തന്ത്രിയും പോറ്റിയും തമ്മില് പരിചയമെന്ന വാദവും തള്ളി അതേസമയം, ശബരിമല സ്വര്ണ്ണ കൊള്ളയില് തന്ത്രി കണ്ഠരര് രാജീവരെ വിടാതെ എസ്. ഐ .ടി. തന്ത്രിക്ക് ജാമ്യം നല്കിയ കൊല്ലം വിജിലന്സ് കോടതി ഉത്തരവിനെതിരെ അപ്പീല് നല്കാനാണ് ആലോചന. ഹൈക്കോടതിയിലാകും എസ്ഐടി അപ്പീല് നല്കുക. തന്ത്രിക്കെതിരായി തെളിവിന്റെ തരി പോലും കണ്ടെത്താന് അന്വേഷണസംഘത്തിന് ആയിട്ടില്ല എന്നായിരുന്നു കോടതി വിലയിരുത്തല്. എന്നാല് തെളിവുകള് വിലയിരുത്തിയതില്…
Read More » -
അമേരിക്ക ‘ഇസ്രായേല് മോഡലും’ പരീക്ഷിക്കും; യുദ്ധമുണ്ടായാല് പ്രധാന വ്യക്തികളെ ലക്ഷ്യമിടുമെന്ന് വെളിപ്പെടുത്തി യുഎസ് ഉദ്യോഗസ്ഥര്; ഏറ്റവും വേഗത്തില് ഭരണമാറ്റമുണ്ടാകും; ട്രംപിന്റെ ഉത്തരവ് മുന്നില് കണ്ട് വന് തയാറെടുപ്പുകള്; ഇറാന് കൈവെള്ളയിലെന്ന് ഇന്റലിജന്സ് വിഭാഗം
വാഷിംഗ്ടണ്: ഇറാനിലെ പ്രധാനപ്പെട്ട വ്യക്തികളെയടക്കം ലക്ഷ്യമിട്ട് അമേരിക്കയുടെ ആക്രമണമുണ്ടാകുമെന്ന് വെളിപ്പെടുത്തി യുഎസ് ഉദ്യോഗസ്ഥര്. രാജ്യാന്തര വാര്ത്താ ഏജന്സിയാ റോയിട്ടേഴ്സ് ആണ് ഭരണമാറ്റമടക്കം ലക്ഷ്യമിട്ട് അമേരിക്കയുടെ ആക്രമണമുണ്ടാകുമെന്നു വ്യക്തമാക്കിയത്. ട്രംപിന്റെ ഉത്തരവ് ലഭിച്ചാലുടന് ഏതുതരത്തിലുള്ള ആക്രമണത്തിനും സജ്ജമാണെന്നും ഇവര് വ്യക്തമാക്കി. എന്നാല്, ഇത് ഇറാനെ സമ്മര്ദത്തിലാക്കാനുള്ള തന്ത്രങ്ങളുടെ ഭാഗമാണോ എന്നതു വ്യക്തമല്ല. നയതന്ത്ര ശ്രമങ്ങള് പരാജയപ്പെട്ടാല് ഇറാനുമായി ഒരു ഗുരുതരമായ സംഘട്ടനത്തിന് യുണൈറ്റഡ് സ്റ്റേറ്റ്സ് തയ്യാറെടുക്കുന്നു എന്നതിന്റെ ഏറ്റവും പുതിയ സൂചനകളാണിതെന്നാണു വിദഗ്ധരുടെ അനുമാനം. ഇറാനിയന് സുരക്ഷാ കേന്ദ്രങ്ങളും ആണവ അടിസ്ഥാന സൗകര്യങ്ങളും ആക്രമിക്കുന്നത് ഉള്പ്പെടെ ആഴ്ചകള് നീണ്ടുനില്ക്കുന്ന സുസ്ഥിരമായ സൈനിക നീക്കത്തിന് യുഎസ് സൈന്യം തയാറെടുക്കുകയാണെന്ന് റോയിട്ടേഴ്സ് കഴിഞ്ഞ ആഴ്ച ആദ്യം റിപ്പോര്ട്ട് ചെയ്തിരുന്നു. ഇസ്ലാമിക് റിപ്പബ്ലിക്കിലെ ഭരണമാറ്റം എന്ന ആശയം കഴിഞ്ഞ ദിവസങ്ങളിലാണ് ട്രംപ് മുന്നോട്ടുവച്ചത്. ഇതിനായി ഏറ്റവും സൂഷ്മമായ ആസൂത്രണമാണ് അണിയറയില് നടക്കുന്നത്. ഏതൊക്കെ വ്യക്തികളെ ലക്ഷ്യം വെക്കാമെന്നോ അല്ലെങ്കില് ഒരു വലിയ കരസേനയില്ലാതെ ഇറാന്റെ ഭരണമാറ്റം എങ്ങനെ…
Read More » -
സൂപ്പര് 8 ഫോര്മാറ്റില് ഐസിസിക്ക് കടുത്ത തിരിച്ചടി; ഗ്രൂപ്പ് ജേതാക്കള് ഒരേ ഗ്രൂപ്പില്, വിവാദമായി ‘പ്രീ-സീഡിംഗ്’; ആദ്യ റൗണ്ടില് തിളങ്ങിയ ടീമുകളില് രണ്ടെണ്ണം സെമിക്കു മുമ്പേ പുറത്താകും
ശ്രീലങ്ക/ഇന്ത്യ: 2026-ലെ ടി20 ലോകകപ്പിലെ സൂപ്പര് 8 ഗ്രൂപ്പ് ഘടനയുമായി ബന്ധപ്പെട്ട് അന്താരാഷ്ട്ര ക്രിക്കറ്റ് കൗണ്സില് (ICC) വിവാദത്തില്. ടൂര്ണമെന്റിന്റെ അടുത്ത ഘട്ടത്തിലേക്ക് യോഗ്യത നേടിയ 8 ടീമുകളെ പ്രഖ്യാപിച്ചതിന് പിന്നാലെ, ഐസിസി നടപ്പിലാക്കിയ ‘പ്രീ-സീഡിംഗ്’ (Pre-seeding) രീതിക്കെതിരെ സോഷ്യല് മീഡിയയില് വലിയ പ്രതിഷേധമാണ് ഉയരുന്നത്. ഈ സംവിധാനം കാരണം നാല് ഗ്രൂപ്പ് ജേതാക്കളും ഒരേ സൂപ്പര് 8 ഗ്രൂപ്പില് വരികയും, റണ്ണേഴ്സ്-അപ്പായി വന്ന നാല് ടീമുകള് രണ്ടാമത്തെ ഗ്രൂപ്പില് ഇടംപിടിക്കുകയും ചെയ്തു. അസന്തുലിതമായ ഗ്രൂപ്പുകള് ടൂര്ണമെന്റ് തുടങ്ങുന്നതിന് മുമ്പ് തന്നെ പ്രമുഖ ടീമുകള്ക്ക് നിശ്ചിത സ്ലോട്ടുകള് (ഉദാഹരണത്തിന് A1, B1, C1, D1) ഐസിസി മുന്കൂട്ടി നിശ്ചയിച്ചിരുന്നു. ഇത് സൂപ്പര് 8 ഘട്ടത്തില് വലിയ അസന്തുലിതാവസ്ഥ സൃഷ്ടിച്ചു. ഗ്രൂപ്പ് 1: ഒന്നാം റൗണ്ടിലെ നാല് ഗ്രൂപ്പ് ജേതാക്കളും ഈ ഗ്രൂപ്പിലാണ് (ഇന്ത്യ, സിംബാബ്വെ, വെസ്റ്റ് ഇന്ഡീസ്, ദക്ഷിണാഫ്രിക്ക). ഗ്രൂപ്പ് 2: ഗ്രൂപ്പ് ഘട്ടത്തില് രണ്ടാം സ്ഥാനത്തെത്തിയ ടീമുകള് മാത്രമാണ് ഈ…
Read More » -
ബിരിയാണി ബില്ലുകളില്നിന്ന് തുടങ്ങിയ അന്വേഷണം; ഇന്ത്യയിലെ റെസ്റ്റോറന്റ് ശൃംഖലകളില് കണ്ടെത്തിയത് 70,000 കോടിയുടെ നികുതി വെട്ടിപ്പ്; ബില്ലടിക്കും പക്ഷേ, സോഫ്റ്റ്വേറില് സര്വം മായ! എഐ ഉപയോഗിച്ച് പരിശോധിച്ചത് 1.77 ലക്ഷം ഹോട്ടലുകളുടെ വിവരങ്ങള്
ബംഗളുരു: ഹൈദരാബാദിലെ പ്രശസ്തമായ ബിരിയാണിക്കടകളില് പരിശോധനയ്ക്ക് എത്തിയ ആദായ നികുതി ഉദ്യോഗസ്ഥര്ക്കു ലഭിച്ച സാധാരണ ബില്ലില്നിന്ന് പുറത്തുവന്നത് ആയിരക്കണക്കിനു കോടികളുടെ നികുതിവെട്ടിപ്പ്!. കഴിഞ്ഞ വര്ഷം അവസാനത്തോടെ സാധാരണ പരിശോധനയ്ക്കായി ഉദ്യോഗസ്ഥര് എത്തിയപ്പോഴാണ് വന് വെട്ടിപ്പിന്റെ ‘തുമ്പ്’ ലഭിച്ചത്. സാധാരണ ഉണ്ടാകുന്നതുപോലെയുള്ള അതിനാടകീയ റെയ്ഡൊന്നുമായിരുന്നില്ല അത്. അടുക്കളകള് തിരക്കിലായിരുന്നു. ആളുകള് ഭക്ഷണം കഴിക്കുന്നു. ബില്ലിംഗ് കൗണ്ടറുകള് പതിവുപോലെ പ്രവര്ത്തിക്കുന്നു. പക്ഷേ, ഒരു കാര്യം മാത്രം ഒത്തു പോകുന്നുണ്ടായിരുന്നില്ല. റെസ്റ്റോറന്റിനുള്ളിലെ ഭക്ഷണം കഴിക്കുന്നവരുടെ എണ്ണവും ബില്ലിംഗ് സിസ്റ്റത്തില് തെളിയുന്ന നമ്പരുകളും! ചില ക്യാഷ് ബില്ലുകള് സിസ്റ്റത്തില് ദൃശ്യമാവുകയും തൊട്ടുപിന്നാലെ അപ്രത്യക്ഷമാവുകയും ചെയ്യുന്നത് ഉദ്യോഗസ്ഥരുടെ ശ്രദ്ധയില്പ്പെട്ടു. പ്രിന്റ് ചെയ്ത സംഗ്രഹങ്ങള് (summaries) വൃത്തിയുള്ളതായിരുന്നു. എന്നാല് സോഫ്റ്റ്വെയര് ലോഗുകള് മറ്റൊരു കഥയാണ് പറഞ്ഞത്. ഇതൊരു സാധാരണ അക്കൗണ്ടിംഗ് പിശകായിരുന്നില്ല, മറിച്ച് മുന്കൂട്ടി തയാറാക്കിയ തിരക്കഥയായിരുന്നു. ബില്ലിംഗ് തട്ടിപ്പ് ആദ്യം ഉദ്യോഗസ്ഥര് കരുതിയത് ഇതൊരു പ്രാദേശിക തന്ത്രമാണെന്നാണ്. എന്നാല് ഈ റെസ്റ്റോറന്റുകളെല്ലാം ഒരേ ബില്ലിംഗ് സോഫ്റ്റ്വെയറാണ് ഉപയോഗിക്കുന്നതെന്ന്…
Read More » -
ട്രംപിന്റെ താരിഫുകള് യുഎസ് സുപ്രീം കോടതി റദ്ദാക്കി; കമ്പനികള്ക്ക് എങ്ങനെ റീഫണ്ട് ലഭിക്കും? തിരികെ നല്കേണ്ടി വരിക 175 ബില്യണ് ഡോളര് വരുന്ന അധിക നികുതി; ഗുരുത പ്രത്യാഘാതമെന്ന് വിയോജനക്കുറിപ്പ് എഴുതിയ ജഡ്ജി
വില്മിംഗ്ടണ്: സാമ്പത്തിക അടിയന്തരാവസ്ഥാ നിയമപ്രകാരം പ്രസിഡന്റ് ഡൊണാള്ഡ് ട്രംപ് ഏര്പ്പെടുത്തിയ താരിഫുകള് നിയമവിരുദ്ധമാണെന്ന് യുഎസ് സുപ്രീം കോടതി ഉത്തരവിട്ടെങ്കിലും ഏകദേശം 175 ബില്യണ് ഡോളര് വരുന്ന നിയമവിരുദ്ധ താരിഫുകള് ഗവണ്മെന്റ് എങ്ങനെ തിരികെ നല്കണം (refund) എന്നതില് അവ്യക്തത. താരിഫുകള് എങ്ങനെയാണ് ശേഖരിക്കുന്നത്? താരിഫുകള്ക്ക് വിധേയമായ മിക്കവാറും എല്ലാ സാധനങ്ങള്ക്കും, ഇറക്കുമതിക്കാരന് കസ്റ്റംസ് ആന്ഡ് ബോര്ഡര് പ്രൊട്ടക്ഷന് ഏജന്സിയില് ബോണ്ട് സമര്പ്പിക്കുകയും സാധനങ്ങള് അമേരിക്കയിലേക്ക് കൊണ്ടുവരുന്നതിനായി ഏകദേശ താരിഫ് തുക നല്കുകയും ചെയ്യുന്നു. ഈ സാധനങ്ങളുടെ മേലുള്ള താരിഫിന്റെ അന്തിമ നിര്ണ്ണയം സര്ക്കാരാണു നടത്തുന്നത്. ‘ലിക്വിഡേഷന്’ (liquidation) എന്നറിയപ്പെടുന്ന പ്രക്രിയ സാധാരണയായി സാധനങ്ങള് എത്തി 314 ദിവസങ്ങള്ക്ക് ശേഷമാണ് നടക്കുന്നത്. അധികമായി നല്കിയ തുക റീഫണ്ട് ചെയ്യപ്പെടും, അല്ലെങ്കില് കുറവുണ്ടെങ്കില് ഇറക്കുമതിക്കാരന് അത് നികത്തണം. സുപ്രീം കോടതി ഈ കേസ് പരിഗണിക്കുന്ന സമയത്ത് അന്തിമ താരിഫ് പേയ്മെന്റുകള് നിശ്ചയിക്കുന്ന പ്രക്രിയ തടയാന് ഇറക്കുമതിക്കാര് യുഎസ് അന്താരാഷ്ട്ര വ്യാപാര കോടതിയില് (Court of…
Read More » -
അന്യഗ്രഹ ജീവികളെക്കുറിച്ച് വെളിപ്പെടുത്താന് ട്രംപ് തയാറെടുക്കുന്നോ? പ്രസംഗം തയാറാണെന്ന് ലാറ ട്രംപ്; മറ നീക്കുന്നത് ഏരിയ 51ല് ഇതുവരെ ഒളിപ്പിച്ച രഹസ്യങ്ങളോ? ‘ശരിയായ സമയത്ത് പുറത്തുവിടുമെന്നു’ ലാറ
ന്യൂയോര്ക്ക്: അന്യഗ്രഹ ജീവികളുടെ (Alien life) സാന്നിധ്യം കണ്ടെത്തുന്ന ദിവസം രാജ്യത്തെ അഭിസംബോധന ചെയ്യാന് അമേരിക്കന് പ്രസിഡന്റ് ഡൊണാള്ഡ് ട്രംപ് ഒരു പ്രസംഗം തയാറാക്കി വെച്ചിട്ടുണ്ടെന്ന് അദ്ദേഹത്തിന്റെ മരുമകള് ലാറ ട്രംപ്. ന്യൂയോര്ക്ക് പോസ്റ്റിന്റെ ‘പോഡ് ഫോഴ്സ് വണ്’ (Pod Force One) എന്ന പോഡ്കാസ്റ്റില് സംസാരിക്കുകയായിരുന്നു 43-കാരിയായ ലാറ. അന്യഗ്രഹ ജീവികളെക്കുറിച്ച് എന്തെങ്കിലും അറിയാമോ എന്ന് താനും ഭര്ത്താവ് എറിക്കും ചോദിച്ചപ്പോള് ട്രംപ് വളരെ തന്ത്രപരമായ മറുപടികളാണ് നല്കിയതെന്ന് ലാറ വെളിപ്പെടുത്തി. മുന് പ്രസിഡന്റ് ബരാക് ഒബാമ അടുത്തിടെ ഒരു അഭിമുഖത്തില് അന്യഗ്രഹ ജീവികളുടെ സാന്നിധ്യത്തെക്കുറിച്ച് നടത്തിയ പരാമര്ശങ്ങളെക്കുറിച്ചും പോഡ്കാസ്റ്റില് ചര്ച്ചയായി. അന്യഗ്രഹ ജീവികളുണ്ടെന്ന് ഒബാമ സൂചന നല്കിയെങ്കിലും, പിറ്റേന്ന് തന്നെ അദ്ദേഹം അത് തിരുത്തിപ്പറയുകയും തന്റെ പ്രസിഡന്റ് കാലാവധിയില് അത്തരം തെളിവുകളൊന്നും കണ്ടിട്ടില്ലെന്ന് വ്യക്തമാക്കുകയും ചെയ്തിരുന്നു. ALSO READ ട്രംപിന്റെ താരിഫുകള് യുഎസ് സുപ്രീം കോടതി റദ്ദാക്കി; കമ്പനികള്ക്ക് എങ്ങനെ റീഫണ്ട് ലഭിക്കും? തിരികെ നല്കേണ്ടി വരിക 175…
Read More » -
തള്ളല്ല, ഇറക്കുമതിയുമല്ല! 8 മിനുട്ടില് 36 കിലോമീറ്റര്; ഇന്ധനവും റണ്വേയും വേണ്ട; ആദ്യ എയര് ടാക്സിയുമായി ഇന്ത്യ; ഭാരത് മണ്ഡപത്തിലെ എഐ സമ്മിറ്റില് അഭിമാന നിമിഷം
ന്യൂഡല്ഹി: ചൈനയില്നിന്ന് ഇറക്കുമതി ചെയ്ത യന്തിരന് നായ്ക്കളെ കാണിച്ച് നാണക്കേടിന്റെ പടുകുഴിയില്നില്ക്കുന്ന ഇന്ത്യക്ക് അഭിമാനമായി എയര്ടാക്സി. നിര്മിത ബുദ്ധിയില് പ്രവര്ത്തിക്കുന്ന എയര് ടാക്സിയുടെ പ്രോട്ടോ ടൈപ്പാണ് ഭാരത് മണ്ഡപത്തില് നടന്ന എഐ ഇംപാക്ട് സമ്മിറ്റില് പ്രദര്ശിപ്പിച്ചത്. ശാസ്ത്രകഥകളില് കേട്ടിരുന്ന വിസ്മയം ഇന്ത്യ തദ്ദേശീയമായാണു വികസിപ്പിച്ചത്. ഐഐടി മദ്രാസുമായി സഹകരിച്ച് ‘ദി ഇ പ്ലെയിന് കമ്പനി’ (The E Plane Company) വികസിപ്പിച്ചെടുത്ത ഈ ഇലക്ട്രിക് വെര്ട്ടിക്കല് ടേക്ക്-ഓഫ് ആന്ഡ് ലാന്ഡിംഗ് (e-VTOL) വിമാനം തിരക്കേറിയ നഗരങ്ങളിലെ യാത്രാസമയം കുറയ്ക്കുന്നതിനാണ് രൂപകല്പ്പന ചെയ്തിരിക്കുന്നത്. സാധാരണ വിമാനങ്ങളില് നിന്ന് വ്യത്യസ്തമായി, ഇതിന് ടേക്ക് ഓഫിനോ ലാന്ഡിംഗിനോ റണ്വേ ആവശ്യമില്ല. ലംബമായി ഉയരാനും താഴാനും കഴിയുന്നതിനാല് (Vertical takeoff and landing) ജനസാന്ദ്രതയേറിയ നഗരങ്ങളില് ഇത് ഏറെ അനുയോജ്യമാണ്. 36 കിലോമീറ്റര് വെറും 8 മിനിറ്റില് ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തില് നിന്ന് യുബി സിറ്റിയിലേക്കുള്ള 36 കിലോമീറ്റര് ദൂരം റോഡ് മാര്ഗ്ഗം പിന്നിടാന് ഏകദേശം…
Read More » -
മൂന്നു കളികളില് ഡക്ക്! അഭിഷേകിനെ കൈയൊഴിയുമോ ഇന്ത്യ? നിര്ണായക തീരുമാനം വെളിപ്പെടുത്തി ഇന്ത്യന് കോച്ച്; അടിക്കാന് നില്ക്കാതെ ‘കൊട്ടിത്തുടങ്ങൂ’ എന്ന് ഉപദേശിച്ച് സുനില് ഗവാസ്കര്
ന്യൂഡല്ഹി: ട്വന്റി20 ലോകകപ്പിലെ മോശം തുടക്കത്തിനു പിന്നാലെ ഇന്ത്യന് ഓപ്പണര് അഭിഷേക് ശര്മയെ ടീമില്നിന്നു മാറ്റുമോയെന്ന ചര്ച്ച സജീവം. ഗ്രൂപ്പ് ഘട്ടത്തില് തുടര്ച്ചയായി മൂന്ന് മത്സരങ്ങളില് താരം പൂജ്യത്തിന് പുറത്തായി. മോശം പ്രകടനം ആശങ്കകള് ഉയര്ത്തുന്നുണ്ടെങ്കിലും ശക്തമായ പിന്തുണയുമായി ടീം മാനേജ്മെന്റ് രംഗത്തുണ്ട്. അഭിഷേകിനെ ടീമില് നിന്ന് മാറ്റുന്നതിനെക്കുറിച്ചുള്ള ചര്ച്ചകള് ഇന്ത്യന് ബൗളിംഗ് കോച്ച് മോണി മോര്ക്കല് തള്ളി ‘അഭിഷേക് ശര്മ്മയെക്കുറിച്ച് ടീമിനുള്ളില് അത്തരം ചര്ച്ചകളൊന്നുമില്ല. അദ്ദേഹം ടീമിനും കാണികള്ക്കും വേണ്ടി മികച്ച പ്രകടനം കാഴ്ചവെക്കുക തന്നെ ചെയ്യും. അദ്ദേഹം ഒരു എന്റര്ടെയ്നറാണ്. നെറ്റ്സില് അദ്ദേഹം പരിശീലനം തുടരുന്നുണ്ട്’ -മോര്ക്കല് പറഞ്ഞു. അമിതമായ സമ്മര്ദ്ദമാണ് 25-കാരനായ ഈ ബാറ്ററെ ബാധിക്കുന്നതെന്ന് മുന് ഇന്ത്യന് ക്യാപ്റ്റന് സുനില് ഗവാസ്കര് പറഞ്ഞു. ക്രീസില് നിലയുറപ്പിക്കുന്നതിന് പകരം ആദ്യ പന്ത് മുതല് വലിയ ഷോട്ടുകള്ക്ക് ശ്രമിക്കുന്നതാണു പ്രശ്നം. ‘അഭിഷേക് ശര്മ്മ മികച്ചൊരു താരമാണ്, എന്നാല് പ്രതീക്ഷകളുടെ ഭാരം അദ്ദേഹത്തെ തളര്ത്തുന്നതായി തോന്നുന്നു. യുഎസ്എക്കെതിരായ മത്സരത്തില് ഒരു…
Read More » -
ഇന്ത്യ-പാക് യുദ്ധം നിര്ത്തിച്ചെന്ന് വീണ്ടും അവകാശവാദം; പുതിയ ട്വിസ്റ്റുമായി ട്രംപ്: ‘വിലകൂടിയ 11 വിമാനങ്ങള് വെടിവെച്ചിട്ടു’; ഞാന് ഈ പറയുന്നത് നരേന്ദ്ര മോദി കാണുന്നുണ്ടെന്നും അമേരിക്കന് പ്രസിഡന്റ്
വാഷിംഗ്ടണ്: 2025 മെയിലെ യുദ്ധത്തിനിടെ ഇന്ത്യയ്ക്കും പാകിസ്ഥാനും ഇടയില് താന് മധ്യസ്ഥത വഹിച്ചെന്ന അവകാശവാദം ആവര്ത്തിച്ച് അമേരിക്കന് പ്രസിഡന്റ് ഡോണള്ഡ് ട്രംപ്. ഓപ്പറേഷന് സിന്ദൂറില് മൂന്നാം കക്ഷിയുടെ മധ്യസ്ഥത ഇന്ത്യ പലതവണ നിഷേധിച്ചിട്ടും ട്രംപ് അവകാശവാദം ആവര്ത്തിക്കുന്നതില് ദുരൂഹത. ഗാസ കരാറിന്റെ രണ്ടാം ഘട്ടത്തിന്റെ ഭാഗമായ ‘ബോര്ഡ് ഓഫ് പീസ്’ (Board of Peace) പരിപാടിയില് സംസാരിക്കവെ, വിമാനങ്ങള് വെടിവെച്ചിട്ടു എന്ന അവകാശവാദം ട്രംപ് ഒരിക്കല് കൂടി ഉന്നയിച്ചു. ’11 ജെറ്റുകള് വെടിവെച്ചിട്ടു’ എന്നാണ് അദ്ദേഹം ഇത്തവണ ആരോപിച്ചത്. ഈ അവകാശവാദവും ഇന്ത്യ ശക്തമായി നിഷേധിച്ചതാണ്. ‘ധാരാളം പണം നഷ്ടമാകുന്ന അവസ്ഥ വന്നപ്പോള്, തങ്ങള്ക്ക് യുദ്ധം വേണ്ടെന്ന് അവര് പറഞ്ഞുവെന്നാണ് ഞാന് കരുതുന്നത്. 11 ജെറ്റുകള് വെടിവെച്ചിട്ടു. വളരെ വിലകൂടിയ ജെറ്റുകള്’- ട്രംപ് പറഞ്ഞു. ഇന്ത്യ-പാകിസ്ഥാന് സംഘര്ഷം തടഞ്ഞത് താനാണെന്ന് കഴിഞ്ഞ മാസങ്ങള്ക്കിടെ 80-ലധികം തവണ ട്രംപ് അവകാശപ്പെട്ടിട്ടുണ്ട്. മാത്രമല്ല, വെടിവെച്ചിട്ട വിമാനങ്ങളുടെ എണ്ണത്തെക്കുറിച്ച് പലപ്പോഴായി വ്യത്യസ്ത കണക്കുകളാണ് അദ്ദേഹം നല്കുന്നത്.…
Read More » -
ചേലക്കര ലീഗുമായി വച്ചുമാറുന്നത് വി.കെ. ശ്രീകണ്ഠന് എംപിയുടെ ഭാര്യയെ മത്സരിപ്പിക്കാന്? കോണ്ഗ്രസില് സ്ഥാനാര്ഥി മോഹികളുടെ കൂട്ടപ്പൊരിച്ചില്; ‘പെയ്ഡ്’ വാര്ത്തയുമായി ജില്ലാ നേതാക്കള്; സതീശന് തൃശൂര് വിട്ടത് ‘തലപെരുത്ത്’
തിരുവനന്തപുരം: വി.ഡി. സതീശന് നയിക്കുന്ന പുതുയുഗ യാത്രയ്ക്കു മുന്നോടിയായി സ്ഥാനാര്ഥിപ്പട്ടിക പ്രസിദ്ധീകരിക്കാനുള്ള നീക്കം പാളിയതിനു പിന്നില് എംപിമാര് അടക്കമുള്ള സ്ഥാനാര്ഥി മോഹികളുടെ പിടിവാശി. നിലവില് എതിര് സ്ഥാനാര്ഥി ആരെന്നു മനസിലായ ശേഷം മാത്രം പ്രാഥമിക പട്ടികയില്നിന്ന് ആളുകളെ തെരഞ്ഞെടുത്താല് മതിയെന്നാണ് നിര്ദേശം. അതേസമയം, ചില നേതാക്കന്മാരുടെ ഭാര്യമാരെയടക്കം മത്സരിപ്പിക്കാനുള്ള നീക്കം മണ്ഡലം വച്ചുമാറ്റമടക്കമുള്ള കാര്യങ്ങളിലേക്ക് എത്തുന്നെന്നും സ്ഥാനാര്ഥി നിര്ണയം വഷളാക്കുന്നു എന്നും ആരോപണമുണ്ട്. ഏറ്റവും കുടുതല് നിയമസഭാ മണ്ഡലങ്ങളുള്ള, സംസ്ഥാനത്തെ സംബന്ധിച്ചു നിര്ണായകമായ തൃശൂരിലടക്കം സ്ഥാനാര്ഥി നിര്ണയം പാളുന്നതിനു കാരണം ഇതാണെന്നാണു വിലയിരുത്തല്. കഴിഞ്ഞ ദിവസം ജില്ലയിലെത്തിയ വി.ഡി. സതീശന്, പുതുയുഗ യാത്രയില് ആവേശത്തോടെ പ്രസംഗിച്ചെങ്കിലും അതൃപ്തനായാണു മടങ്ങിയത്. പല മണ്ഡലത്തിലും സംഘടനയെ ചലിപ്പിക്കേണ്ട നേതാക്കള്തന്നെ വിഭാഗീയതയുടെ ഭാഗമായി നില്ക്കുകയാണ്. സുരേഷ് ഗോപിയുടെ വിജയത്തിനു പിന്നാലെയുണ്ടായ തര്ക്കത്തിലും ആരോപണങ്ങളിലും സ്ഥാനം നഷ്ടമായ ജോസ് വള്ളൂര്, വടക്കാഞ്ചേരിയില് നില്ക്കാനുള്ള നീക്കത്തിലാണ്. ഇവിടെ മുന് എംഎല്എ അനില് അക്കരയ്ക്കും താത്പര്യങ്ങളുണ്ട്. മണലൂര് ടി.എന്. പ്രതാപന്…
Read More »