Newsthen Special
-
ഭരണം നല്കിയാല് ഇതാണ് സ്ഥിതി! കോണ്ഗ്രസ് ഭരിക്കുന്ന തൃശൂര് കോര്പറേഷനിലെ ആദ്യ ബജറ്റ് തന്നെ പാളി; ഗുരുതര പിഴവ്; മൂലധന ചെലവിന് നീക്കിവച്ചത് 40 കോടിമാത്രം; തിരുത്തിയില്ലെങ്കില് ജീവനക്കാര്ക്ക് ശമ്പളം കൊടുത്ത് ഒരു വര്ഷം വെറുതേ ഇരിക്കേണ്ടിവരും
തൃശൂര്: തൃശൂരിനെ ഓക്സിജന് സിറ്റിയാക്കുമെന്നു പ്രഖ്യാപിച്ച് തൃശൂര് കോര്പറേഷനിലെ കോണ്ഗ്രസ് നേതൃത്വം നല്കുന്ന ഭരണസമിയുടെ ആദ്യ ബജറ്റില്തന്നെ ഗുരുതര പിഴവുകള്. ബജറ്റില് പ്ലാസ്റ്റിക്കില്നിന്ന് ഡീസല് പ്ലാന്റ് അടക്കം വമ്പന് പദ്ധതികള് പ്രഖ്യാപിച്ചെങ്കിലും മൂലധന ചെലവുകള്ക്കായി മാറ്റിവച്ചത് വെറും 40 കോടി രൂപ! 1128.85 കോടിയുടെ ബജറ്റില് ശമ്പളമടക്കമുള്ള റവന്യൂ ചെലവുകള്ക്കായി 309.309 കോടി നീക്കിവയ്ക്കുമെന്നു പറയുന്നു. എന്നാല്, ക്യാപിറ്റല് ചെലവുകള്ക്ക് (റോഡ് നിര്മാണം പോലുള്ളവ) 40.12 കോടി മാത്രമാണ് നീക്കിവച്ചിട്ടുളളത്. നീക്കിബാക്കിയായി 779.423 കോടിയുമുണ്ട്. ബജറ്റില് അടിയന്തര തിരുത്തല് വരുത്തിയില്ലെങ്കില് ഒരുവര്ഷത്തേക്കു 40 കോടിയില് കൂടുതല് ചെലവാക്കാന് കഴിയില്ലെന്നാണു വിദഗ്ധര് ചൂണ്ടിക്കാട്ടുന്നത്. മാധ്യമങ്ങള് ഇതുമായി ബന്ധപ്പെട്ടു വിശദീകരണം ചോദിച്ചെങ്കിലും ബജറ്റില് തുക വ്യക്തമാക്കാതെ പ്രഖ്യാപിച്ച പദ്ധതികള് വരുമ്പോ ള് നീക്കിബാക്കിയില്നിന്ന് എടുക്കുമെന്നാണു പറയുന്നത്. എന്നാല്, ഇതിനടക്കം ക്യാപിറ്റല് എക്സപന്ഡിച്ചറില് (മൂലധനച്ചെലവ്) തുക വകയിരുത്തണം. അതില്കൂടുതല് ഒരു പൈസ പോലും ചെലവാക്കാനും കഴിയില്ല. ബജറ്റ് അവതരിപ്പിക്കുമ്പോള് ധനകാര്യ സ്റ്റാന്ഡിംഗ് കമ്മിറ്റിയില് സമര്പ്പിച്ച് അനുമതി…
Read More » -
നിയമസഭാ തെരഞ്ഞെടുപ്പില് സീറ്റ്; പ്രിയങ്കയും വേണുഗോപാലും കൊടിക്കുന്നിലും 7 കോടി വാങ്ങി; സീറ്റ് നല്കാതെ വഞ്ചിച്ചു; ഗുരുതര ആരോപണവുമായി മഹിളാ കോണ്ഗ്രസ് ജനറല് സെക്രട്ടറിയുടെ ഭര്ത്താവ്; പോലീസ് മേധാവിക്ക് രേഖകളടക്കം പരാതി
തിരുവനന്തപുരം: നിയമസഭാ തെരഞ്ഞെടുപ്പില് സീറ്റ് വാഗ്ദാനംചെയ്ത് പ്രിയങ്കാ ഗാന്ധി, എഐസിസി ജനറല് സെക്രട്ടറി കെ.സി. വേണുഗോപാല്, കൊടിക്കുന്നില് സുരേഷ് എംപി എന്നിവര് ഏഴ് കോടി കോഴ വാങ്ങിയെന്ന് പരാതി. ഹരിയാന മഹിളാ കോണ്ഗ്രസ് മുന് ജനറല് സെക്രട്ടറിയുടെ ഭര്ത്താവ് ഗൗരവ് കുമാറാണ് നേതാക്കള്ക്കെതിരെ രേഖകള് സഹിതം സംസ്ഥാന പൊലീസ് മേധാവി റവാഡ ചന്ദ്രശേഖറിന് പരാതി നല്കിയത്. സീറ്റ് നല്കാത്തതിനെ തുടര്ന്ന് പണം തിരികെ ആവശ്യപ്പെട്ടെങ്കിലും ലഭിച്ചില്ലെന്നതടക്കമുള്ള ഗുരുതര ആരോപണങ്ങള് പരാതിയിലുണ്ട്. പണം വാങ്ങിയതിന്റെ തീയതി സഹിതമാണ് പരാതി. നേരിട്ടും അക്കൗണ്ടിലേക്കും പണം വാങ്ങി. ഡല്ഹിയിലെ വസതിയില്വച്ച് ഉനൈസ്ഖാന് എന്നയാളാണ് കെ സി വേണുഗോപാലിനെ പരിചയപ്പെടുത്തിയത്. അവിടെവച്ച് ഭാര്യയുടെ ബയോഡാറ്റ കൈമാറി. 2022 നവംബറിലും 2024 ഓഗസ്തിലുമായി വേണുഗോപാലിന്റെ പേരുപറഞ്ഞ് ഉനൈസ്ഖാന് 75 ലക്ഷം രൂപ കൈപ്പറ്റി. കൊടിക്കുന്നില് സുരേഷും മകനും പിഎയും അക്കൗണ്ട് വഴി വാങ്ങിയത് കൂടാതെ 90 ലക്ഷം രൂപ പണമായും വാങ്ങി. പ്രിയങ്ക ഗാന്ധിയുമായുള്ള കൂടിക്കാഴ്ചയ്ക്ക് അവസരമൊരുക്കാമെന്ന് പറഞ്ഞു…
Read More » -
റഫാല് അഴിമതി ഇന്ത്യക്കാര് മറന്നു, ഫ്രാന്സ് മറന്നില്ല; മുന് പ്രസിഡന്റിന്റെ ഭാര്യയെ ചോദ്യം ചെയ്തത് മൂന്നു ദിവസം; ജൂലി ഗായറ്റിന് സിനിമ പിടിക്കാന് നല്കിയത് 1.65 ദശലക്ഷം യൂറോ; 114 പോര് വിമാനങ്ങള് വാങ്ങുമ്പോള് കരിനിഴലായി അനില് അംബാനി ബന്ധം
പാരീസ്: ഇന്ത്യന് വ്യോമസേനയ്ക്കുവേണ്ടി 114 റഫാല് വിമാനങ്ങള്കൂടി വാങ്ങാനുള്ള ചര്ച്ചകള് സജീവമായിരിക്കേ, മുമ്പ് 36 വിമാനങ്ങള് വാങ്ങിയതിലെ അഴിമതി ആരോപണങ്ങളില് അന്വേഷണം സജീവമാക്കി പാരീസ് ആസ്ഥാനമായുള്ള പ്രോസിക്യൂട്ടര് വിര്ജിനി ടില്മോണ്ട്. അന്വേഷണത്തിന്റെ ഭാഗമായി ഏറ്റവുമൊടുവില് മുന് ഫ്രണ്ട് പ്രസിഡന്റ് ഫ്രാന്സ്വ ഒളാണ്ടിന്റെ ഭാര്യ ജൂലി ഗായറ്റിനെ നാഷണല് ഫിനാന്ഷ്യല് പ്രോസിക്യൂട്ടര് ഓഫീസ് (പിഎന്എഫ്) നിയമിച്ച പോലീസ് ഉദ്യോഗസ്ഥര് മൂന്നു ദിവസം ചോദ്യം ചെയ്തു. മോദിയും ഫ്രഞ്ച് പ്രസിഡന്റും തമ്മിലുള്ള കരാറില്നിന്ന് ഉപകരാര് ലഭിച്ച ഇന്ത്യന് വ്യവസായിയും ഇഡി അന്വേഷണത്തിലുമുള്ള അനില് അംബാനി ഗായറ്റ് വഴി ഫ്രഞ്ച് പ്രസിഡന്റിനെ സ്വാധീനിക്കാന് ശ്രമിച്ചോ എന്നാണ് മുഖ്യമായും അന്വേഷണ ഉദ്യോഗസ്ഥര് പരിശോധിക്കുന്നത്. ഗായറ്റിന്റെ സിനിമയ്ക്ക് അംബാനിയുടെ സ്ഥാപനം ധനസഹായം നല്കിയെന്ന വാര്ത്ത 2018ല് പുറത്തുവന്നിരുന്നു. ഇതേക്കുറിച്ച് ഫ്രഞ്ച് പ്രസിഡന്റിനോട് മാധ്യമങ്ങള് വിശദീകരണം ചോദിച്ചപ്പോള് ‘കരാറിനായി റഫാല് നിര്മാതാക്കളായ ദസോയുടെ ഓഫ് സൈറ്റ് പാര്ട്ട്ണറായി അനില് അംബാനിയെ നിശ്ചയിക്കണമെന്ന് മോദി സര്ക്കാര് നിര്ബന്ധിച്ചെന്ന്’ വെളിപ്പെടുത്തുകയും ചെയ്തു. ‘ഇന്ത്യന്…
Read More » -
കേരള സ്റ്റോറി വേണം, യാദവ് ജി കി ലവ് സ്റ്റോറി വേണ്ട! കേസ് കുട്ടയിലിട്ട് സുപ്രീം കോടതി; ‘ഹിന്ദു പെണ്കുട്ടി മുസ്ലിം യുവാവിനെ വിവാഹം ചെയ്യുന്നത് എങ്ങനെ രാജ്യത്തിന്റെ ഐക്യം തകര്ക്കു’മെന്നും കോടതി
ന്യൂഡല്ഹി: കേരള സ്റ്റോറി പ്രദര്ശിപ്പിക്കാന് സെന്സര് ബോര്ഡിനെയടക്കം കൂട്ടുപിടിച്ച് കേരള ഹൈക്കോടതിയില് വാദങ്ങളുമായി എത്തിയ സംഘപരിവാര്, മറ്റൊരു സിനിമ നിരോധിക്കണമെന്ന് ആവശ്യപ്പെട്ടു സുപ്രീം കോടതിയില് സമര്പ്പിച്ച ഹര്ജി തള്ളി. ‘യാദവ് ജി കി ലവ് സ്റ്റോറി’ (Yadav Ji ki love story) എന്ന സിനിമ നിരോധിക്കണമെന്ന് ആവശ്യപ്പെട്ട് വിശ്വ യാദവ് പരിഷത്ത് അധ്യക്ഷന് സമര്പ്പിച്ച ഹര്ജിയാണഎ സുപ്രീം കോടതി തള്ളിയത്. സിനിമയുടെ പേര് യാദവ് സമുദായത്തിനെതിരെ നേരിട്ടുള്ളതും അധിക്ഷേപകരവുമായ സ്റ്റീരിയോടൈപ്പ് (അടിസ്ഥാനരഹിതമായ മുന്വിധി) സൃഷ്ടിക്കുന്നു എന്നായിരുന്നു ഹര്ജിയിലെ ആരോപണം. എന്നാല് ജസ്റ്റിസുമാരായ ബി.വി. നാഗരത്ന, ഉജ്ജല് ഭൂയാന് എന്നിവരടങ്ങിയ ബെഞ്ച് ഈ വാദം നിരസിച്ചു. യാദവ് സമുദായത്തില്പ്പെട്ട ഒരു ഹിന്ദു പെണ്കുട്ടി മുസ്ലീം യുവാവുമായി പ്രണയത്തിലാകുന്നതാണ് സിനിമയില് ചിത്രീകരിച്ചിരിക്കുന്നതെന്ന് ഹര്ജിക്കാരന് വാദിച്ചു. ‘ഹിന്ദു പെണ്കുട്ടി മുസ്ലീം യുവാവിനെ വിവാഹം കഴിക്കുന്നത് രാജ്യത്തിന്റെ ഐക്യത്തെ തകര്ക്കുമോ?’ എന്ന് കോടതി ചോദിച്ചു. സിനിമയുടെ പേരില് യാദവ് സമുദായത്തെ മോശമായി ചിത്രീകരിക്കുന്ന വിശേഷണങ്ങളോ വാക്കുകളോ…
Read More » -
‘കേരളവും ഇന്ത്യയുടെ ഭാഗം, മാറ്റി നിര്ത്താന് കഴിയില്ലെ’ന്ന് നിര്മാതാവ്; ‘കേരള ക്രൈം ഫയല്സ്’ ഇല്ലേയെന്നു ജഡ്ജി; ‘ജാനകി വേഴ്സസ് സ്റ്റേറ്റ് ഓഫ് കേരള’യുടെ പേര് സെന്സര് ബോര്ഡ് മാറ്റിച്ചത് എന്തിനെന്നു ഹര്ജിക്കാര്; സ്ഥലപ്പേര് മാറ്റാന് തുടങ്ങിയാല് എങ്ങുമെത്തില്ലെന്ന് സെന്സര് ബോര്ഡ്! ഹൈക്കോടതിയില് തീപ്പൊരി വാദങ്ങള്
കൊച്ചി: കേരളത്തെ ഇന്ത്യയില്നിന്ന് ഒറ്റപ്പെടുത്താന് സാധിക്കില്ലെന്നും കേരളവും ഇന്ത്യയുടെ ഭാഗമാണെന്നും വാദിച്ച് ‘ദി കേരള സ്റ്റോറി 2: ഗോസ് ബിയോണ്ട്’ ചിത്രത്തിന്റെ നിര്മാതാവ്. കേരളത്തെ അപമാനിക്കുന്നെന്നു ചൂണ്ടിക്കാട്ടി, ചിത്രത്തിനു സെന്സര് സര്ട്ടിഫിക്കറ്റ് നല്കിയ നടപടിയെ ചോദ്യം ചെയ്തു സമര്പ്പിച്ച ഹര്ജയിലാണ് നിര്മാതാവിന്റെ വാദം. ഹര്ജികള് പൊതുതാല്പ്പര്യ സ്വഭാവമുള്ളതാണെന്നും ഹര്ജിക്കാര്ക്ക് വ്യക്തിപരമായ പരാതികളൊന്നുമില്ലെന്നും നിര്മ്മാതാവിന് വേണ്ടി ഹാജരായ അഭിഭാഷകന് ഹൈക്കോടതി ജഡ്ജി ജസ്റ്റിസ് ബെച്ചു കുര്യന് തോമസിന് മുമ്പാകെ വാദിച്ചു. കേരളത്തിന്റെ അന്തസിനെ ബാധിച്ചതിനാല് തങ്ങളുടെ അന്തസിനെയും ബാധിച്ചെന്നാണു ഹര്ജിക്കാര് പറയുന്നതെന്നും സീനിയര് അഡ്വക്കേറ്റ് എസ്. ശ്രീകുമാര് പറഞ്ഞു. ‘കഥയുടെ പേര് കേരളത്തിലെ ജനങ്ങളുടെ സല്പ്പേരിനെ ബാധിക്കുന്നു എന്ന കാരണത്താലാണ് സിനിമയ്ക്ക് നല്കിയ സര്ട്ടിഫിക്കേഷന് റദ്ദാക്കാന് ആവശ്യപ്പെടുന്നത്. നമുക്ക് കേരളത്തെ ഇന്ത്യയില് നിന്ന് ഒറ്റപ്പെടുത്താന് കഴിയില്ല. കേരളവും ഇന്ത്യയുടെ ഭാഗമാണ്. കേരളത്തിന് മാത്രമായി ഒരു അന്തസ് (Dignity) ഇല്ല. ഒരു ഇന്ത്യന് പൗരന് എന്ന നിലയില് ആ അന്തസ് ഇന്ത്യയുടേതാണ്. അവര് കേരളത്തിലെ…
Read More » -
വാദം തീരുംവരെ കേരള സ്റ്റോറിയുടെ റിലീസ് പാടില്ലെന്ന് ഹൈക്കോടതി; സംവിധായകന് 30 സ്ത്രീകളെ മാധ്യമങ്ങള്ക്കു മുമ്പില് അവതരിപ്പിച്ചിട്ടും മരുന്നിനുപോലും മലയാളി ഇല്ല; എന്നിട്ടും പേര് ‘കേരള സ്റ്റോറി’; പരിഹാസം
കൊച്ചി: പ്രദര്ശനാനുമതി ചോദ്യം ചെയ്തുള്ള ഹര്ജികളില് വാദം തീരുംവരെ കേരള സ്റ്റോറി 2-ന്റെ റിലീസ് പാടില്ലെന്ന് ഹൈക്കോടതി. ‘കേരള സ്റ്റോറി 2 ഗോസ് ബിയോണ്ടി’ന്റെ പ്രദര്ശനാനുമതി റദ്ദാക്കണമെന്ന ആവശ്യത്തില് വാദം പൂര്ത്തിയാകാത്ത സാഹചര്യത്തിലാണ് റിലീസിന് ഹൈക്കോടതിയുടെ താല്ക്കാലിക വിലക്ക്. സമയ പരിമിതിമൂലം ചിത്രം സിംഗിള് ബെഞ്ച് കാണില്ല. കേരള സ്റ്റോറിയുടെ ടീസറിന്റെ പരിഭാഷ ഹൈക്കോടതി ആവശ്യപ്പെട്ടിട്ടുണ്ട്. ഹര്ജികളില് ഹൈക്കോടതി നാളെയും വാദം കേള്ക്കും. ഹര്ജിക്കാരുടെ ആവശ്യം സത്യസന്ധമാണെന്ന് നിരീക്ഷിച്ച ഹൈക്കോടതി ഹര്ജിക്കാരുടെ വാദങ്ങളെ നിര്മ്മാതാക്കള് അപ്രസക്തമാക്കരുതെന്ന് പറഞ്ഞു. നഷ്ടം സംഭവിച്ചതിന് ശേഷമല്ല സിനിമ പുനപരിശോധിക്കേണ്ടത് എന്നും സെന്സര് ബോര്ഡിനെതിരെ ഹൈക്കോടതി വിമര്ശനമുയര്ത്തി. ടീസര് ഇന്റര്നെറ്റില് പ്രസിദ്ധീകരിച്ചാല് ഒന്നും ചെയ്യാനില്ലെന്നും പരാതിക്കാര് മറ്റ് മാര്ഗ്ഗങ്ങള് തേടണമെന്നുമായിരുന്നു ഹൈക്കോടതിയില് സെന്സര് ബോര്ഡിന്റെ വാദം. സിനിമ പ്രദര്ശനത്തിന് എത്തിയ ശേഷം പുനപരിശോധിക്കാമെന്ന് സെന്സര് ബോര്ഡ് ഹൈക്കോടതില് മറുപടി നല്കി. റിലീസിന് മുന്പ് കോടതിക്ക് കാണുന്നതിന് സിനിമ പ്രദര്ശിപ്പിക്കാന് തയ്യാറല്ലെന്നാണ് നിര്മ്മാതാക്കളായ സണ്ഷൈന് പിക്ചേഴ്സ് നല്കിയ സത്യവാങ്മൂലം.…
Read More » -
അനില് അംബാനിക്കു വീണ്ടും തിരിച്ചടി; മുംബൈയിലെ 3700 കോടിയുടെ വസതിയും ഇഡി കണ്ടുകെട്ടി; കള്ളപ്പണം വെളുപ്പിക്കല് കേസില് ആകെ കണ്ടുകെട്ടിയ ആസ്തി 15,000 കോടിയായി; രണ്ടാംഘട്ട ചോദ്യം ചെയ്യല് ഉടനെന്നും എന്ഫോഴ്സ്മെന്റ്
ന്യൂഡല്ഹി: റിലയന്സ് ഗ്രൂപ്പ് ചെയര്മാന് അനില് അംബാനിക്കെതിരെയുള്ള കള്ളപ്പണം വെളുപ്പിക്കല് അന്വേഷണം ശക്തമാക്കി എന്ഫോഴ്സ്മെന്റ് ഡയറക്ടറേറ്റ് (ED). റിലയന്സ് കമ്മ്യൂണിക്കേഷന്സുമായി (RCOM) ബന്ധപ്പെട്ട ബാങ്ക് വായ്പ തട്ടിപ്പ് കേസില് അനില് അംബാനിയുടെ മുംബൈയിലെ 17 നിലകളുള്ള ‘അബോഡ്’ (Abode) എന്ന 3,716.83 കോടി രൂപ മൂല്യം കണക്കാക്കുന്ന വസതി ഇഡി കണ്ടുകെട്ടി. മുംബൈയിലെ പാലി ഹില് ഏരിയയില് സ്ഥിതി ചെയ്യുന്ന 66 മീറ്റര് ഉയരമുള്ള ആഡംബര കെട്ടിടമാണു താത്കാലികമായി കണ്ടുകെട്ടുന്നതെന്ന് ഔദ്യോഗിക വൃത്തങ്ങള് പറഞ്ഞു. ഇതോടെ കള്ളപ്പണക്കേസില്കേസില് കണ്ടുകെട്ടിയ ആസ്തികളുടെ ആകെ മൂല്യം ഏകദേശം 15,700 കോടി രൂപയായി ഉയര്ന്നു. 66-കാരനായ അംബാനി രണ്ടാം ഘട്ട ചോദ്യം ചെയ്യലിനായി ഡല്ഹിയിലെ ഇഡി ഓഫീസില് ഹാജരാകുമെന്നാണ് കരുതുന്നത്. 2025 ഓഗസ്റ്റില് അദ്ദേഹം ആദ്യമായി ഇഡിക്ക് മുന്നില് മൊഴി നല്കിയിരുന്നു. ആര്കോം (RCOM) തട്ടിപ്പുമായി ബന്ധപ്പെട്ട അന്വേഷണം റിലയന്സ് കമ്മ്യൂണിക്കേഷന്സിലെ സാമ്പത്തിക ക്രമക്കേടുകളെയും വായ്പ വഴിതിരിച്ചുവിട്ടതിനെയും കുറിച്ചുള്ള വിപുലമായ അന്വേഷണത്തിന്റെ ഭാഗമായാണ് നടപടി.…
Read More » -
ഇന്ത്യ നേരത്തേ തോറ്റതു നന്നായി, അത് ആവശ്യമായിരുന്നു; കാരണം പറഞ്ഞ് രവിശാസ്ത്രി; ‘ഈ കാര്യങ്ങള് നിസാരമായി കാണരുതെന്ന് ബോധ്യമായിട്ടുണ്ടാകും’
സൂപ്പര് എട്ടിലെ ആദ്യ മല്സരത്തില് ഇന്ത്യ തോറ്റത് നന്നായിയെന്നും അത് ടീമിന് ഗുണകരമായി മാറുമെന്നും മുന്കോച്ച് രവി ശാസ്ത്രി. തുടര്ച്ചയായ 12 ജയങ്ങള്ക്ക് ശേഷം ഒരു തോല്വി. അത് നേരത്തെ സംഭവിച്ചതില് എനിക്ക് സന്തോഷമുണ്ട്. ഇന്ത്യയ്ക്ക് ആവശ്യമായിരുന്നു അതെന്നും ഐസിസി റിവ്യൂവില് സഞ്ജന ഗണേശനോട് രവി ശാസ്ത്രി വ്യക്തമാക്കി. തന്ത്രങ്ങളെയും സമീപനങ്ങളെയും കോമ്പോസിഷനെയുമെല്ലാം കുറിച്ച് ഒരു വിചിന്തനം നടത്താന് തോല്വി ടീമിനെ സഹായിക്കുമെന്നും അദ്ദേഹം പറഞ്ഞു. ‘കാര്യങ്ങളെ നിസാരമായി കാണരുതെന്ന് ഈ തോല്വിയോടെ ടീം ഇന്ത്യയ്ക്ക് മനസിലായിട്ടുണ്ട്. സൂപ്പര് എട്ടില് നിങ്ങള് ഒരു മല്സരം തോറ്റാല് അതികഠിനമായ സമ്മര്ദത്തിലേക്കാണ് നിങ്ങള് നിങ്ങളെ കൊണ്ട് എത്തിക്കുന്നത്.’ എക്സ്ട്രാ സ്പിന്നറെ ടീമില് ഉള്പ്പെടുത്തുന്നത് ഗുണം ചെയ്യുമെന്ന് തന്നെയാണ് രവി ശാസ്ത്രി പറയുന്നത്. അക്സറിനെയും വാഷിങ്ടണ് സുന്ദറിനെയും കളിപ്പിച്ചാലും കുഴപ്പിമില്ലെന്നും ആരെങ്കിലും ഒരാള്ക്ക് തിളങ്ങാന് കഴിഞ്ഞില്ലെങ്കില് അത് പരിഹരിക്കാന് അടുത്തയാള്ക്ക് സാധിക്കുമെന്നും അദ്ദേഹം വ്യക്തമാക്കി. ദക്ഷിണാഫ്രിക്കയ്ക്കെതിരെ വരുണ് ചക്രവര്ത്തി കുഴങ്ങിയത് ചൂണ്ടിക്കാട്ടിയാണ് രവി ശാസ്ത്രി ഇക്കാര്യം…
Read More » -
വയനാട് ടൗണ്ഷിപ്പ്: വരവെത്ര? ചെലവെത്ര? ദുരിതാശ്വാസ നിധിയിലേക്ക് എത്തിയ പണം ഇതുവരെ എന്തു ചെയ്തു? വീടുകള്ക്കു മാത്രമല്ല, കുട്ടികളുടെ പഠനം മുതല് എസ്റ്റേറ്റ് തൊഴിലാളികളുടെ പുനരധിവാസംവരെ സര്ക്കാര് നല്കിയത് കോടികള്
വയനാട്: കേരളം ഇന്നുവരെ കാണാത്ത ദുരന്തത്തില് വിറങ്ങലിച്ചുപോയ ജനതയ്ക്കായി ഒരുക്കുന്ന വീടുകളുടെ ആദ്യഘട്ടത്തിന്റെ താക്കോല് ദാനം മാര്ച്ച് ഒന്നിനു മുഖ്യമന്ത്രി നിര്വഹിക്കുകയാണ്. നാനൂറോളംപേരാണ് ഒറ്റയടിക്ക് ദുരന്തത്തില് ഒലിച്ചുപോയത്. കല്പ്പറ്റയിലെ എല്സ്റ്റണ് എസ്റ്റേറ്റില് നിര്മിച്ച വീടുകളില് ആദ്യഘട്ടമായി പൂര്ത്തിയാക്കിയ 178 വീടുകളാണു കൈമാറുന്നത്. നറുക്കെടുപ്പിലൂടെയാണ് അര്ഹരായ ഗുണഭോക്താക്കളെ കണ്ടെത്തിയത്. ഏഴു സെന്റില് 1000 ചതുരശ്രയടിയില് 20 ലക്ഷം വീതം ചെലവിട്ടാണ് വീടുകള് നിര്മിക്കുന്നത്. ഊരാളുങ്കല് ലേബര് കോണ്ട്രാക്ട്് സൊസൈറ്റിക്കാണു ചുമതല. എത്രകോടിയെത്തി? മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒഴുകിയെത്തിയ കോടികള് എന്തു ചെയ്തു എന്നതാണ് പൊതുവേ ഉയരുന്ന ചോദ്യം. ദുരന്തംകണ്ടു ഞെട്ടിയവര് കൈയിലുള്ള ഇത്തിരിപ്പൊന്നുവരെ നല്കിയാണ് ദുരിതാശ്വാസ നിധി നിറച്ചത്. ടൗണ്ഷിപ്പ് എന്നതു വെറുമൊരു വീടു നിര്മാണമല്ല. ആശുപത്രി, കളിസ്ഥലം, എല്ലാ മേഖലയെയും ബന്ധിപ്പിച്ചു റോഡുകള്, അങ്കണവാടി, ഓഡിറ്റോറിയം എന്നിവയടക്കമാണിവിടെ നിര്മിക്കുന്നത്. കേരളം നല്കിയ 774 കോടിയിലാണ് ഈ സ്വപ്നങ്ങള്ക്കു ചിറകുവച്ചത്. കണക്കുകള് കൃത്യമായി എഴുതിവയ്ക്കുമെന്നു മന്ത്രി കെ. രാജനും വ്യക്തമാക്കിയിട്ടുണ്ട്. ലഭിച്ച പണം…
Read More » -
ട്രംപിന്റെ കിളിപോയി തുടങ്ങിയോ? അമേരിക്കയില് നടത്തിയ സര്വേയിലെ കണ്ടെത്തല്; ‘എവിടെയോ എന്തോ കുഴപ്പമെന്ന്’ ഭൂരിപക്ഷം പേരും; രാഷ്ട്രീയ നേതൃത്വത്തില് വയസന്മാരെന്നു പരിഭവിച്ച് ജനം
ന്യൂയോര്ക്ക്: പ്രായമേറുംതോറും ട്രംപിന്റെ പെരുമാറ്റം വിചിത്രമായി മാറുന്നെന്നു പ്രതികരിച്ച് ഭൂരിപക്ഷം അമേരിക്കക്കാര്. വാര്ത്താ ഏജന്സിയായ റോയിട്ടേഴ്സ് ഇപ്സോസുമായി ചേര്ന്നു നടത്തിയ സര്വേയിലാണ് ഈ കണ്ടെത്തല്. തിങ്കളാഴ്ച പാര്ലമെന്റില് ‘സ്റ്റേറ്റ് ഓഫ് ദി യൂണിയന്’ പ്രസംഗം നടത്തുന്നതിനു തൊട്ടുമുമ്പാണ് സര്വേ പൂര്ത്തിയാക്കിയിരുന്നു. താരിഫ് വിഷയത്തില് ട്രംപ് നിയമനിര്മാതാക്കളെയും ജഡ്ജിമാരെയും പുലഭ്യം പറഞ്ഞതും ഇക്കാലത്താണ്. വോട്ടെടുപ്പില് പങ്കെടുത്തവരില് 61% പേര് ട്രംപിനെ ‘പ്രായമാകുന്തോറും വിചിത്രനായി മാറി’ എന്ന് വിശേഷിപ്പിച്ചു. ഡെമോക്രാറ്റുകളില് 89 ശതമാനവും റിപ്പബ്ലിക്കന്മാരില് 30 ശതമാനവും സ്വതന്ത്രരില് 64 ശതമാനവും അദ്ദേഹത്തെ ഇത്തരത്തില് വിശേഷിപ്പിച്ചു. എന്നാല്, വോട്ടെടുപ്പ് ഫലങ്ങള് വ്യാജവും നിരാശാജനകവുമാണെന്നു വൈറ്റ്ഹൗസ് വക്താവ് ഡേവിഡ് ഇന്ഗിള് പറഞ്ഞു. ട്രംപിന്റെ മൊത്തത്തിലുള്ള ജനപ്രീതിയില് വലിയ മാറ്റമൊന്നും ഉണ്ടായിട്ടില്ല. ഏറ്റവും പുതിയ വോട്ടെടുപ്പില് പങ്കെടുത്തവരില് 40% പേര് പ്രസിഡന്റ് എന്ന നിലയിലുള്ള ട്രംപിന്റെ പ്രകടനത്തെ അംഗീകരിച്ചു. ഇത് ഈ മാസം ആദ്യത്തേക്കാള് രണ്ട് ശതമാനം കൂടുതലാണ്. അദ്ദേഹം തന്റെ കാലാവധി ആരംഭിച്ചത് 47% എന്ന…
Read More »