Newsthen Special
-
പ്രകമ്പനം പുറത്തറിയാതിരിക്കാന് ഡീ കപ്ലിംഗ്; ചൈന അതീവ രഹസ്യമായി ഭൂഗര്ഭത്തില് ആണവ പരീക്ഷണം നടത്തിയെന്ന് അമേരിക്ക; നിഷേധിച്ച് ചൈന; ന്യൂ സ്റ്റാര്ട്ട് കരാര് അവസാനിച്ചു; ലോകം വീണ്ടും ആണവ ഭീഷണിയിലേക്ക്?
ന്യൂയോര്ക്ക്: ചൈന രഹസ്യമായി ആണവായുധം പരീക്ഷിച്ചെന്ന ആരോപണത്തിനു പിന്നാലെ കൂടുതല് തെളിവുകള് പുറത്തുവിട്ട് മുതിര്ന്ന യുഎസ് ഉദ്യോഗസ്ഥന്. വാഷിംഗ്ടണിലെ ഹഡ്സണ് ഇന്സ്റ്റിറ്റ്യൂട്ട് തിങ്ക് ടാങ്ക് സംഘടിപ്പിച്ച പരിപാടിയില് സംസാരിക്കുമ്പോഴാണ് അസിസ്റ്റന്റ് സെക്രട്ടറി ഓഫ് സ്റ്റേറ്റ് ക്രിസ്റ്റഫര് യോ (Christopher Yeaw) ഇക്കാര്യം പറഞ്ഞത്. 2020 ജൂണ് 22-ന് പശ്ചിമ ചൈനയിലെ ലോപ് നോര് (Lop Nor) പരീക്ഷണ കേന്ദ്രത്തില് നിന്ന് 450 മൈല് (720 കിലോമീറ്റര്) അകലെയുള്ള കസാക്കിസ്ഥാനിലെ റിമോട്ട് സീസ്മിക് സ്റ്റേഷന് 2.75 തീവ്രതയുള്ള ഒരു ‘സ്ഫോടനം’ രേഖപ്പെടുത്തിയതായി അദ്ദേഹം പറഞ്ഞു. ‘അതിനുശേഷം ഞാന് കൂടുതല് വിവരങ്ങള് പരിശോധിച്ചു. ഇതൊരു സ്ഫോടനം അല്ലാതെ മറ്റെന്തെങ്കിലും ആകാനുള്ള സാധ്യത വളരെ കുറവാണ്’ എന്ന് ന്യൂക്ലിയര് എഞ്ചിനീയറിംഗില് ഡോക്ടറേറ്റുള്ള മുന് ഇന്റലിജന്സ് അനലിസ്റ്റ് കൂടിയായ യോ പറഞ്ഞു. ഇത് ഖനന സ്ഫോടനങ്ങളുമായി പൊരുത്തപ്പെടുന്നില്ലെന്നും ഭൂകമ്പത്തിന്റെ ലക്ഷണങ്ങളല്ലെന്നും അദ്ദേഹം കൂട്ടിച്ചേര്ത്തു. ഒരു ആണവ സ്ഫോടന പരീക്ഷണത്തില് പ്രതീക്ഷിക്കാവുന്ന കാര്യങ്ങളാണ് അവിടെ സംഭവിച്ചതെന്ന് അദ്ദേഹം വ്യക്തമാക്കി.…
Read More » -
റഷ്യക്കു മനംമാറ്റം; സ്വര്ണം വാങ്ങിക്കൂട്ടിയവര്ക്ക് തിരിച്ചടിയാകുമോ? വില 75,000 രൂപയിലേക്ക് താഴുമെന്ന് വിദഗ്ധരുടെ മുന്നറിയിപ്പ്; വരാനിരിക്കുന്നത് വന് ഇടിവ്? യുദ്ധഭീതി ഒഴിഞ്ഞ് വ്യാപാരം ഡോളറിലേക്കു മാറുമ്പോള് സംഭവിക്കുന്നത്
ന്യൂഡല്ഹി: രാജ്യാന്തര സംഘര്ഷങ്ങള് കുറയുന്നതോടെ സ്വര്ണത്തിന്റെ വില ഇടിഞ്ഞേക്കുമെന്നു റിപ്പോര്ട്ട്. ഒരുവേള ഔണ്സിന് 5626.80 ഡോളറിന് മുകളിലേക്ക് പോയ സ്വര്ണ വില ഇന്നുള്ളത് 4,886 ഡോളറില്. ഇറാന് യു.എസ് ചര്ച്ചയും, യുഎസ് മധ്യസ്ഥതയില് റഷ്യ യുക്രൈന് ചര്ച്ചയും നടക്കുന്നതാണ് സ്വര്ണ വില താഴേക്ക് പോകുന്നത് കാരണം. ഇതിനൊപ്പം റഷ്യ, യു.എസുമായി കരാറിലെത്തുകയും വീണ്ടും യു.എസ് ഡോളറില് വ്യാപാരം തുടങ്ങുന്നു എന്ന വാര്ത്തകളും സ്വര്ണ വിലയെ ഇടിക്കുന്ന കാര്യമാണ്. റഷ്യ യു.എസുമായി സാമ്പത്തിക പങ്കാളിത്തത്തിന് ശ്രമിക്കുന്നു എന്നായിരുന്നു കഴിഞ്ഞ ദിവസം പുറത്തുവന്ന ബ്ലൂംബെര്ഗ് വാര്ത്ത. റഷ്യ യു.എസ് ഡോളറില് വ്യാപാരം പുനരാരംഭിക്കുന്നത്, റഷ്യ അടക്കമുള്ള ബ്രിക്സ് രാജ്യങ്ങള് ആരംഭിച്ച ഡീ-ഡോളറൈസേഷന് ശ്രമങ്ങളെ പ്രതികൂലമായി ഭാഗിക്കും. ലോക വ്യാപാരത്തില് ഡോളറിന്റെ അപ്രമാദിത്വം ഇല്ലാതാക്കാന് ബ്രിക്സ് രാജ്യങ്ങള് സ്വര്ണം വാങ്ങിക്കൂട്ടുന്നുണ്ട്. റഷ്യ ഈ ശ്രമങ്ങളില് നിന്നും പിന്മാറുന്നത് ഡീഡോളറൈസേഷന് തിരിച്ചടിയാകും. അതിനൊപ്പം സ്വര്ണ വിലയെ ബാധിക്കുകയും ചെയ്യും. യു.എസില് ട്രംപ് സര്ക്കാര് വന്നതിന് ശേഷം ബ്രിക്സ്…
Read More » -
2026ല് ‘എഐ അധിനിവേശം’? ബാബ വംഗയുടെ പ്രവചനങ്ങളും ടെക് ലോകത്തെ കൂട്ടപ്പിരിച്ചുവിടലുകളും തമ്മിലെന്ത്? അധ്വാനിക്കാന് മനുഷ്യര് ആവശ്യമില്ലാതാകും എന്ന പ്രവചനം ശരിയാകുന്നോ?
ന്യൂഡല്ഹി: 1996-ല് അന്തരിച്ചെങ്കിലും, അതീന്ദ്രിയ ശക്തിയുണ്ടെന്നു വിശ്വസിക്കുന്ന ബള്ഗേറിയയില്നിന്നുള്ള അന്ധയായ ബാബ വംഗയുടെ പ്രവചനങ്ങള് ലോകത്തെ അത്ഭുതപ്പെടുത്തുകയും ഭയപ്പെടുത്തുകയും ചെയ്യുന്നു. പല പ്രവചനങ്ങളും നിഗൂഢവും വ്യാഖ്യാനങ്ങള്ക്ക് വിധേയവുമാണെങ്കിലും, ചിലത് നിലവിലെ സംഭവവികാസങ്ങളുമായി വിചിത്രമായ രീതിയില് ഒത്തുപോകുന്നുണ്ട്. സാങ്കേതിക ലോകത്ത് ഇപ്പോള് ഏറെ ചര്ച്ച ചെയ്യപ്പെടുന്നത് 2026-നെ കുറിച്ചുള്ള അവരുടെ പ്രവചനമാണ്. മാനവരാശിക്ക് നിര്ണായകമായ ഈ വര്ഷം ‘എഐ അധിനിവേശം’ (—-) സംഭവിക്കുമെന്ന് ചിലര് വ്യാഖ്യാനിക്കുന്നു. വലിയ ടെക് കമ്പനികള് ‘—-ഫസ്റ്റ്’ ഭാവി മുന്നിര്ത്തി ജീവനക്കാരെ പിരിച്ചുവിടുകയോ സ്വയം വിരമിക്കല് പദ്ധതികള് (വിആര്എസ്) നടപ്പിലാക്കുകയോ ചെയ്യുന്ന ഈ സാഹചര്യത്തില്, ബാബ വംഗയുടെ ഈ പ്രവചനത്തിന് പ്രസക്തിയേറുകയാണ്. ടെക് ലോകത്തെ പ്രതിസന്ധി വാര്ത്തകള് വ്യക്തമാണ്: ആര്ട്ടിഫിഷ്യല് ഇന്റലിജന്സ് ടൂളുകളിലേക്ക് കൂടുതല് ശ്രദ്ധ കേന്ദ്രീകരിക്കുന്നതിന്റെ ഭാഗമായി ഗൂഗിള് തങ്ങളുടെ ചില ബിസിനസ് വിഭാഗങ്ങളില് സന്നദ്ധ വിരമിക്കല് പാക്കേജുകള് വാഗ്ദാനം ചെയ്തു തുടങ്ങി. ഇതിനു തൊട്ടുപിന്നാലെയാണ് ആമസോണ് ഏകദേശം 16,000 തസ്തികകള് വെട്ടിക്കുറയ്ക്കുന്നതായി സ്ഥിരീകരിച്ചത്. ആര്ട്ട്, ടെക്സ്റ്റ്…
Read More » -
‘വാവിട്ട വാക്കും കൈവിട്ട കമന്റും തിരിച്ചെടുക്കാനാവില്ല, ഓര്ക്കണം; ഒരാള് തുനിഞ്ഞിറങ്ങിയാല് മനോഹരമായ ജയില് ജീവിതംകൂടി ലഭിക്കും, കരയാനല്ല പോരാടാനാണ് ഇഷ്ടം’; തുപ്പിയയാള്ക്ക് മുന്നറിയിപ്പുമായി നടി മീനാക്ഷി
കൊച്ചി: ഓണ്ലൈനില് മറഞ്ഞിരുന്നു സൈബര് ആക്രമണം നടത്തുന്നവര്ക്കു മുന്നറിയിപ്പുമായി നടി മീനാക്ഷി. തന്റെ ചിത്രത്തിനു താഴെ ‘ത്ഫൂ’ എന്നു കമന്റിട്ടതിന്റെ സ്ക്രീന് ഷോട്ട് അടക്കമാണ് കുറിപ്പ്. ‘സൈബര് ഇടങ്ങളില് മലര്ന്നു കിടന്നു തുപ്പുന്നവര് അറിയാന് എന്ന തലക്കെട്ടോടെയാണ് കുറിപ്പ്. കുറിപ്പിന്റെ പൂര്ണരൂപം ‘മലര്ന്ന് കിടന്ന് തുപ്പുന്ന ഒരുവന്’ എന്നതുതന്നെ ക്യാപ്ഷന് ധാരാളം. എന്നാലും ‘സൈബര് ഇടങ്ങളില് മലര്ന്ന് കിടന്ന് തുപ്പുന്നവരറിയാന്’ എന്റെ മേലും അത് തെറിക്കാനിടയായാല് ചിലപ്പോള് എന്റെ അറിവുകള് എനിക്ക് പറയാനുള്ളത് മാത്രമല്ല മറിച്ച് പ്രവര്ത്തിക്കാനുള്ളതുകൂടിയാണ് എന്നെനിക്കറിയാമായിരുന്നുവെന്നതു കൂടി പ്രായം കൂടിയാലും അതിനൊപ്പം വ്യക്തിത്വ വികാസം ഉണ്ടായിട്ടില്ലാത്ത ‘തുപ്പരും, തെറിയരും, അശ്ലീലക്കാരും’ ഒക്കെ അറിയേണ്ടതായി വരും. പിന്നെ നിങ്ങളെപ്പോലുള്ളവര്ക്കൊരു സന്തോഷം ജയിലുകളില് ശമ്പളം കൂട്ടിയിരിക്കുന്നു എന്നതു മാത്രമാവും.. കണ്ടാല് യോഗ്യനെന്നു തോന്നുന്ന ഇയാളേപ്പോലെയുള്ളവര് നേര്ക്കുനേര് വരേണ്ടി വരുന്ന പൊതുവിടങ്ങളില് വളരെ മാന്യനും സംസ്കാര സമ്പന്നനും, ബഹുമാനമര്ഹിക്കുന്നവരുമൊക്കെയായി ആവും ഇവരുടെ പെരുമാറ്റം. അങ്ങനെയൊക്കെയുള്ള ഇമേജും ഇവര് ഉണ്ടാക്കിയെടുത്തിട്ടുണ്ടാവും. പക്ഷെ കെട്ടിപ്പൂട്ടിയ പ്രൊഫൈലുകളില്…
Read More » -
മറ്റു രാജ്യങ്ങളില് ആയിരുന്നെങ്കില് ആ മാതാപിതാക്കള് ജയിലില് ആയിരിക്കും; തുമ്മാരുകുടി പറഞ്ഞു പറഞ്ഞു മടുത്തതു തന്നെയാണ് പറയാനുള്ളത്: എതിരന് കതിരവന്
ന്യൂയോര്ക്ക്: വാഹനാപകടത്തില് മരണപ്പെട്ട്, സംസ്ഥാനത്തെ ഏറ്റവും പ്രായം കുറഞ്ഞ അവയവദാതാവായി മാറിയ ആലിന് ഷെറിന്റെ എബ്രഹാമിന്റെ മരണം ആഘോഷിക്കുന്നുവെന്ന വിമര്ശനവുമായി എഴുത്തുകാരന് എതിരന് കിതരവന്. ആലിനെ ആഘോഷിക്കുന്ന മലയാളികളെ ഓര്ത്ത് ലജ്ജയുണ്ടെന്ന് എതിരന് കതിരവന് പറഞ്ഞു. ‘ആലിന്’ എന്ന കുഞ്ഞ് വിലക്ഷണമായി പ്രതീകവല്ക്കരിക്കപ്പെട്ട് നമ്മള് ഉത്തരവാദിത്തതില് നിന്ന് ഒഴിയുന്നത് അതി ക്രൂരവും പൈശാചികവും ആയ പെരുമാറ്റമാണെന്ന് എതിരന് കതിരവന് പറഞ്ഞു. മുരളി തുമ്മാരുകുടി പറഞ്ഞ് പറഞ്ഞ് മടുത്ത് നിര്ത്തിയത് ആരും ഓര്മ്മിക്കേണ്ടതില്ലത്രെ. ഒരു ബേബി സീറ്റ് കര്ശനമാക്കുന്നതിനെപ്പറ്റി ആര്ക്കും നിര്ദേശിക്കാനില്ല. നമ്മളുടെ അനാസ്ഥ ആ കുഞ്ഞിനെ കൊന്നു കളഞ്ഞെന്ന് തോന്നുന്നവര് ആരുമില്ലെ ഇവിടെ? ആലിന്റെ മാതാപിതാക്കള്ക്ക് അധികം പരിക്കേറ്റിട്ടില്ല. സൂക്ഷിച്ചിരുന്നെങ്കില് ആലിന് മരിക്കുമായിരുന്നോ എന്ന് എഴുത്തുകാരന് ചോദിക്കുന്നു. മറ്റ് രാജ്യങ്ങളില് ആ മാതാപിതാക്കള് അറസ്റ്റ് ചെയ്യപ്പെട്ട് ജയിലില് ആയിരിക്കും. ഇന്നലെ ഇവിടെ, പാലായില് ഒരാള് ചെറിയ മകനെ ഡ്രൈവര് സീറ്റില് മടിയിലിരുത്തി കാര് ഓടിയ്ക്കുന്നത് കണ്ടു. ഒരു ചെറിയ ആഘാതത്താല് ആ…
Read More » -
‘സോണിയ എന്നെ മുഖ്യമന്ത്രിയാക്കാന് തീരുമാനിച്ചു, രാഹുല് ഗാന്ധി അമേരിക്കയില് ഇരുന്ന് വെട്ടി; അന്നു നീതി ലഭിച്ചില്ല, അത് അനുഗ്രഹമായി’: പാര്ട്ടി വിട്ടതിന്റെ കാരണം രാഹുല് ഗാന്ധി; രൂക്ഷ വിമര്ശനവുമായി അസം മുഖ്യമന്ത്രി ഹിമന്ത ബിശ്വ ശര്മ
ഗുവാഹത്തി: 2014-ല് തന്നെ മുഖ്യമന്ത്രിയാക്കാമെന്ന സോണിയ ഗാന്ധിയുടെ തീരുമാനം രാഹുല് ഗാന്ധി അട്ടിമറിച്ചെന്നു മുന് കോണ്ഗ്രസ് നേതാവും അസം മുഖ്യമന്ത്രിയുമായ ഹിമന്ത ബിശ്വ ശര്മ. അന്നത്തെ മുഖ്യമന്ത്രിയായിരുന്ന തരുണ് ഗോഗോയിക്കെതിരെ കലാപം ഉയര്ത്തുകയും 58 എംഎല്എമാരുടെ പിന്തുണ അവകാശപ്പെടുകയും ചെയ്ത സമയത്ത് സോണിയ ഗാന്ധിയായിരുന്നു കോണ്ഗ്രസ് അധ്യക്ഷ. തര്ക്കം പരിഹരിക്കാനായി നിലവിലെ പാര്ട്ടി അധ്യക്ഷന് മല്ലികാര്ജുന് ഖാര്ഗെയെ അന്ന് അസമിലേക്ക് അയച്ചിരുന്നു. ‘ഖാര്ഗെ വന്നപ്പോള് 58 എംഎല്എമാര് എന്നെ മുഖ്യമന്ത്രി സ്ഥാനത്തേക്ക് പിന്തുണച്ചു, ചില മുതിര്ന്ന നേതാക്കള് നിഷ്പക്ഷത പാലിച്ചു. 12 എംഎല്എമാര് മാത്രമാണ് ഞാന് മുഖ്യമന്ത്രിയാകരുത് എന്നും തരുണ് ഗോഗോയി തുടരണമെന്നും പറഞ്ഞത്’ ‘സോണിയ ഗാന്ധി എന്നെ വീട്ടിലേക്ക് വിളിച്ചുവരുത്തി സത്യപ്രതിജ്ഞാ തീയതി തീരുമാനിക്കാന് ആവശ്യപ്പെട്ടു. ജൂണ് അവസാനവാരത്തിലെ അംബുബാച്ചി മേളയ്ക്ക് പിറ്റേന്ന് സത്യപ്രതിജ്ഞ ചെയ്യാമെന്ന് ഞാന് പറഞ്ഞു. എന്നാല് പിന്നീട് ഞങ്ങള് അറിഞ്ഞത്, അമേരിക്കയിലായിരുന്ന രാഹുല് ഗാന്ധി ഫോണില് വിളിച്ചതിനെത്തുടര്ന്ന് കോണ്ഗ്രസ് തീരുമാനം മാറ്റിയെന്നാണ്’ ശര്മ്മ വെളിപ്പെടുത്തി. ഭൂരിഭാഗം…
Read More » -
ആധുനിക യുദ്ധത്തില് വിമാനം മാത്രമല്ല നിര്ണായകം; വിജയം നിര്ണയിക്കുന്നത് സെന്സറുകളും ആയുധങ്ങളും ഡാറ്റാ നെറ്റ് വര്ക്കുകളും ചേര്ന്ന ‘കില് വെബു’കള്; തേജസിലെ വിട്ടുവീഴ്ചകള് പ്രതിസന്ധിയുണ്ടാക്കി: റിട്ട. എയര് വൈസ് മാര്ഷല്
ന്യൂഡല്ഹി: വിദേശത്തുനിന്ന് വന്തോതില് വിമാനങ്ങള് വാങ്ങിക്കൂട്ടുന്നതിനപ്പുറം ഇന്റലിജന്സിലും ഇലക്ട്രോണിക്സിലും കൂടുതല് നിക്ഷേപം നടത്തുകയാണു വേണ്ടതെന്ന് റിട്ട. എയര് വൈസ് മാര്ഷല് അനില് ഗൊലാനി. ഇന്ത്യന് വ്യോമസേനയുടെ ആദ്യ ‘ഹാര്പ്പി’ (Harpy) സ്ക്വാഡ്രണ് രൂപീകരിക്കുകയും അതിന്റെ കമാന്ഡിംഗ് ഓഫീസറായി സേവനമനുഷ്ഠിക്കുകയും ചെയ്തയാളാണ് അനില്. സ്ട്രാറ്റജിക് ഫോഴ്സ് കമാന്ഡില് ചീഫ് സ്റ്റാഫ് ഓഫീസറായും സേവനമനുഷ്ഠിച്ചിട്ടുണ്ട്. നിലവില് സെന്റര് ഫോര് എയറോസ്പേസ് പവര് ആന്ഡ് സ്ട്രാറ്റജി സ്റ്റഡീസിന്റെ (CAPSS) ഡയറക്ടര് ജനറലായ അദ്ദേഹം, സമീപകാല സംഘര്ഷങ്ങളില് നിന്നുള്ള പാഠങ്ങള്, യുദ്ധവിമാനങ്ങളുടെ ശേഖരണം, തദ്ദേശീയ ശേഷി വികസനം, എയ്റോ എഞ്ചിന് മേഖലയിലെ സ്വയംപര്യാപ്തത എന്നിവയെക്കുറിച്ചു സംസാരിക്കുമ്പോഴാണ് ഇക്കാര്യം പറഞ്ഞത്. ഓപ്പറേഷന് സിന്ദൂര് ഓപ്പറേഷന് സിന്ദൂറും, ഓപ്പറേഷന് മിഡ്നൈറ്റ് ഹാമര്, ഓപ്പറേഷന് റൈസിംഗ് ലയണ് തുടങ്ങിയ സമീപകാല സംഘര്ഷങ്ങളും ആധുനിക യുദ്ധമുറകളില് വ്യോമശക്തിയുടെ പ്രാധാന്യം വീണ്ടും ഉറപ്പിച്ചിരിക്കുകയാണ്. ‘ബിയോണ്ട് വിഷ്വല് റേഞ്ച്’ (BVR) പോരാട്ടങ്ങളും നേരിട്ടുള്ള സമ്പര്ക്കമില്ലാത്ത (non-contact) സൈനിക നീക്കങ്ങളും നിര്ണായക ഘടകങ്ങളായി മാറിക്കൊണ്ടിരിക്കുന്നു. പ്രവര്ത്തന നിയന്ത്രണം…
Read More » -
സൈനികരുടെ ഗ്രാമത്തില് മാറ്റത്തിന്റെ കാറ്റോ? പഞ്ചാബിലെ യുവാക്കള് സൈന്യത്തില് നിന്ന് അകലുന്നത് എന്തുകൊണ്ട്? അഗ്നിപഥും യുവാക്കളുടെ വിദേശ കുടിയേറ്റവും തമ്മിലെന്ത്? ലുധിയാനയിലെ യൂണിവേഴ്സിറ്റിയുടെ സര്വേ ചൂണ്ടിക്കാട്ടുന്നത് പുതിയ സൂചനകളോ?
ലുധിയാന: പഞ്ചാബിലെ ലുധിയാന ജില്ലയിലുള്ള നഥോവാള് ഗ്രാമം. അവിടെയുള്ള രക്തസാക്ഷി സ്മാരകത്തിന് മുകളില് ശീതകാലത്തെ ഉച്ചവെയില് നിഴലുകള് വീഴ്ത്തുന്നു. ഈ ഗ്രാമത്തില് നിന്ന് യുദ്ധഭൂമിയിലേക്ക് പോയി തിരികെ വരാത്ത 16 സൈനികരുടെ ആ ശിലാഫലകത്തില് കൊത്തിവച്ചിരിക്കുന്നു. കാലാകാലങ്ങളായി ‘ഫൗജിയാന് ദ പിന്ഡ്’ അല്ലെങ്കില് സൈനികരുടെ ഗ്രാമം എന്നാണ് അറിയപ്പെടുന്നത്. ഏകദേശം 1,400 വീടുകളുള്ള ഈ ഗ്രാമത്തില്, മിക്കവാറും എല്ലാ രണ്ടാമത്തെ വീട്ടിലും വിരമിച്ചവരോ നിലവില് സേവനമനുഷ്ഠിക്കുന്നവരോ ആയ സൈനികരുണ്ട്. കാര്ഗില് യുദ്ധസമയത്ത് ഈ ഗ്രാമത്തില് നിന്നുള്ള നാല്പതിലധികംപേര് സൈന്യത്തിലുണ്ടായിരുന്നു. രണ്ടുപേര് വീരമൃത്യു വരിച്ചു. സ്മാരകത്തിനു സമീപം ഗ്രാമവാസികള് ഒത്തുകൂടി വെയില് കായുകയും വിശേഷങ്ങള് പങ്കുവെക്കുകയും ചെയ്യുന്നു. സുദാഗറും അവര്ക്കൊപ്പം ചേരുന്നു. ഭാവി തലമുറയെ പ്രചോദിപ്പിക്കുന്നതിനായി രക്തസാക്ഷികളുടെ ഫോട്ടോകള് ഉള്പ്പെടുത്തിയ ഒരു മ്യൂസിയം നിര്മ്മിക്കുന്നതിനെക്കുറിച്ചാണ് അവര് സംസാരിക്കുന്നത്. ഒപ്പം തന്നെ, ഗ്രാമത്തിലെ യുവാക്കള് ഇപ്പോള് സൈന്യത്തില് ചേരുന്നത് കുറഞ്ഞു വരുന്നു എന്ന ഗൗരവകരമായ ചര്ച്ചയും അവിടെ നടക്കുന്നു. ‘പതിറ്റാണ്ടുകളായി ഒലിവ് പച്ച യൂണിഫോമായിരുന്നു…
Read More » -
ആഞ്ഞടിച്ച് മണിശങ്കര് അയ്യര്: കോണ്ഗ്രസിന്റെ തകര്ച്ചയ്ക്ക് കാരണം രാഹുല് ഗാന്ധി; സ്തുതി പാടിയില്ലെങ്കില് സോണിയ നിങ്ങളെ ‘ലൂസ് കാനണ്’ എന്നു വിളിക്കും; ഗാന്ധി കുടുംബം അരനൂറ്റാണ്ടിനിടെ നയാപൈസ പോലും അധ്വാനിച്ച് ഉണ്ടാക്കിയിട്ടില്ല; പിണറായിലെ ഇഷ്ടപ്പെടാന് കാരണം ഉദ്യോഗസ്ഥരുടെ റിപ്പോര്ട്ട്
ന്യൂഡല്ഹി: പിണറായി വിജയന് വീണ്ടും മുഖ്യമന്ത്രിയാകുമെന്നു തുറന്നടിച്ചു വന് വിവാദത്തിനു തിരികൊളുത്തിയ കോണ്ഗ്രസ് നേതാവ് മണിശങ്കര് അയ്യര് പിന്നോട്ടില്ല. കോണ്ഗ്രസിന്റെ തകര്ച്ചയ്ക്കു കാരണം രാഹുല് ഗാന്ധിയാണെന്നും സോണിയാ ഗാന്ധി തനിക്കു സമയം നല്കിയില്ലെന്നും ടെലിഗ്രാഫിനു നല്കിയ അഭിമുഖത്തില് വ്യക്തമാക്കി. നേരത്തേ, സര്ദാര് വല്ലഭായി പട്ടേലിനെപ്പോലുള്ളവര് ഇരുന്ന കസേരയില് ഇപ്പോള് കെ.സി. വേണുഗോപാലിനെപ്പോലുള്ള റൗഡികളാണ് ഇരിക്കുന്നതെന്നും അദ്ദേഹം തുറന്നടിച്ചു. മുതിര്ന്ന നേതാക്കള് പാര്ട്ടിയെ ഉപേക്ഷിക്കുന്നത് അവര് അവസരവാദികളായതു കൊണ്ടാണെന്നും അദ്ദേഹം പറഞ്ഞു. കോണ്ഗ്രസിന് ഇന്നുവരെ ഉണ്ടായിട്ടുള്ളതില്വെച്ചേറ്റവും മോശം ഓര്ഗനൈസിങ് സെക്രട്ടറിയാണ് വേണുഗോപാല്. ഗുണ്ടയെപ്പോലെ പെരുമാറുന്ന ഒരാളെ എങ്ങനെയാണ് 21-ാം നൂറ്റാണ്ടിലെ വല്ലഭ്ഭായ് പട്ടേലെന്ന് വിളിക്കാന് കഴിയുകയെന്നും ഒരു ചാനലിന് നല്കിയ അഭിമുഖത്തില് അദ്ദേഹം ചോദിച്ചു. ഞാന് അദ്ദേഹത്തെ ഒരു തവണ മാത്രമേ കണ്ടിട്ടുള്ളൂ. ഓസ്കാര് ഫെര്ണാണ്ടസിനെയും അഹമ്മദ് പട്ടേലിനെയും പോലുള്ള, മര്യാദയുടെ പ്രതീകങ്ങളായ ഓര്ഗനൈസിംഗ് സെക്രട്ടറിമാരെ ഞാന് കണ്ടിട്ടുണ്ട്. 2019-ലെ തിരഞ്ഞെടുപ്പില് മയിലാടുതുറൈ സീറ്റ് സ്റ്റാലിന് വിട്ടുകൊടുത്തതിന് ശേഷം, വിമാനത്തില്വെച്ച് രാഹുല് ഗാന്ധി…
Read More » -
മുഖ്യമന്ത്രിയുടെ പ്രകടനത്തില് ജനവികാരം എങ്ങോട്ട്? മനോരമ ന്യൂസ് സര്വേ ഫലം പുറത്ത്; വിമര്ശനമുണ്ടെങ്കിലും രാഷ്ട്രീയ കണക്കുകളില് പിണറായി വിജയന്റെ സാധ്യതകള് ഇങ്ങനെ
കൊച്ചി: മുഖ്യമന്ത്രിയുടെ പ്രകടനം വിലയിരുത്തി മനോരമ ന്യൂസ് പുറത്തുവിട്ട സര്വേയില് മോശമെന്നു വിലയിരുത്തിയവര് നേരിയ ഭൂരിപക്ഷം മാത്രം. 54.6 ശതമാനം ആളുകളാണ് മുഖ്യമന്ത്രിയുടെ പ്രകടനത്തോട് യോജിക്കുന്നില്ല എന്നാണു കണ്ടെത്തല്. 26.2ശതമാനം പേര് മുഖ്യമന്ത്രിയുടെ പ്രകടനം മികച്ചത് എന്ന് അഭിപ്രായപ്പെട്ടു. ശരാശരിയെന്ന് അഭിപ്രായപ്പെട്ടത് 15.3 ശതമാനമാണ്. അഭിപ്രായമില്ലെന്ന് 3.9ശതമാനം ആളുകള് രേഖപ്പെടുത്തി. എന്നാല്, മോശമെന്നു പറയുന്നവരുടെ വോട്ടുകള് ബിജെപി, കോണ്ഗ്രസ് ബന്ധമുള്ളവരുടേതാകാനാണ് സാധ്യത. ഈ വോട്ടുകള് അവരവര്ക്കായി ഭിന്നിച്ചുപോയാല് പിണറായി തന്നെ വീണ്ടും ജയിച്ചു കയറുമെന്നു വ്യക്തം! ഫെബ്രുവരി ആദ്യവാരത്തെ സര്വേ ഫലവുമായി താരതമ്യം ചെയ്യുമ്പോള് മുഖ്യമന്ത്രിയുടെ പ്രകടനം നല്ലതെന്ന് അഭിപ്രായപ്പെട്ടവരില് നേരിയ കുറവുണ്ടായിട്ടുണ്ടെന്നാണു കണ്ടെത്തല്. ആദ്യവാരം 27ശതമാനം പേര് നല്ലതെന്ന് അഭിപ്രായപ്പെട്ടിരുന്നു. ഈവാരം അതില് 0.8ശതമാനത്തിന്റെ കുറവുണ്ടായി. അതേസമയം മുഖ്യന്ത്രിയുടെ പ്രകടനം മോശം എന്ന് അഭിപ്രായപ്പെട്ടവരുടെ എണ്ണത്തില് വര്ധന രേഖപ്പെടുത്തി. 53.1 ശതമാനമായിരുന്നത് 54.6ശതമാനമായി ഉയര്ന്നു എന്നും പറയുന്നു. ഇടതുസര്ക്കാര് മാറണമെന്ന് ഫെബ്രുവരി രണ്ടാംവാരം സര്വേയില് പങ്കെടുത്ത 58 ശതമാനം ആളുകളും…
Read More »