politics
-
‘മഴ പെയ്തിട്ടു നനഞ്ഞില്ല, പിന്നല്ലേ മരം പെയ്യുമ്പോള്’: രാഹുല് മാങ്കൂട്ടത്തിലിന് എതിരായ വിമര്ശനങ്ങള്ക്കു പിന്നാലെ ഉയര്ന്ന സൈബര് ആക്രമണത്തില് കടുത്ത മറുപടിയുമായി രാജ്മോഹന് ഉണ്ണിത്താന്; ആരോപണ വിധേയനുവേണ്ടി സംസാരിക്കുന്നവരെ ഓര്ത്ത് സഹതാപം
കോഴിക്കോട്: തനിക്കെതിരായ സൈബര് ആക്രമണങ്ങളില് രൂക്ഷ പ്രതികരണങ്ങളുമായി രാജ്മോഹന് ഉണ്ണിത്താന്. കെ. സുധാകരനെതിരേയും രാഹുല് മാങ്കൂട്ടത്തിലിന് എതിരേയും നടത്തിയ പരാമര്ശങ്ങള്ക്കു പിന്നാലെയാണ് ഇരുകൂട്ടരുടെയും സൈബര് ആണികള് രൂക്ഷമായ ആക്രമണങ്ങളുമായി രംഗത്തുവന്നത്. ഉണ്ണിത്താനെതിരേ മുമ്പുയര്ന്ന സദാചാര ആരോപണങ്ങളുമായി ബന്ധിപ്പിച്ചായിരുന്നു ആക്രമണത്തില് ഏറെയും. ഇനിയും ആക്രമണം തുടര്ന്നാല് പരസ്യമായ വാര്ത്താ സമ്മേളനം വിളിക്കുമെന്നുവരെ ഉണ്ണിത്താന് മുന്നറിയിപ്പു നല്കിയിരുന്നു. ഇതിനു പിന്നാലെ ഫേസ്ബുക്കില് എഴുതിയ പോസ്റ്റിലാണ് കുറിക്കു കൊള്ളുന്ന വാക്കുകളുമായി രംഗത്തുവന്നത്. കുറിപ്പിന്റെ പൂര്ണരൂപം പാര്ലമെന്റ് മുതല് പാല് സൊസൈറ്റിവരെയുള്ള തിരഞ്ഞെടുപ്പുകളില് ഇടതുപക്ഷത്തിന്റെ ആയുധം സ്ത്രീ പീഡന വിഷയങ്ങളാണ്. അവരുടെ കൊള്ളരുതായ്മകള് മറച്ച് പിടിക്കാനുള്ള കുറുക്ക് വഴി. എന്നാല് സര്ക്കാരിന്റെ തീവെട്ടി കൊള്ളയെയും ജന വിരുദ്ധതയെയും തുറന്ന് കട്ടേണ്ട സമയത്ത് ആരോപണ വിധേയര്ക്ക് വേണ്ടി മറ്റൊരു വഴിക്ക് സഞ്ചരിക്കുന്ന ആളുകളെ കാണുമ്പോള് സഹതാപം മാത്രം. കോണ്ഗ്രസ് പാര്ട്ടി ഒരു വിഷയത്തില് ഒരു നിലപാടെടുത്താല് ആ നിലപാടിനോടൊപ്പം നില്ക്കുകയെന്നതാണ് ഒരു പാര്ട്ടിക്കാരന് അടിസ്ഥാനപരമായി ചെയ്യേണ്ടത്. പാര്ട്ടിയുടെ തീരുമാനങ്ങള്…
Read More » -
സൈബര് കേസില് തീരുമാനമായി; സന്ദീപ് വാര്യര് നാലാം പ്രതി; മഹിളാ കോണ്ഗ്രസ് പത്തനംതിട്ട ജില്ലാ സെക്രട്ടറി രഞ്ജിത പുളിക്കല് ഒന്നാം പ്രതി; അഡ്വ. ദീപാ ജോസഫു പ്രതിപ്പട്ടികയിലെന്ന് സൂചന
തിരുവനന്തപുരം: രാഹുല് മാങ്കൂട്ടത്തിലിനെതിരെ ലൈംഗിക പീഡനപരാതി ഉന്നയിച്ച യുവതിയെ അപമാനിച്ചെന്ന കേസില് കോണ്ഗ്രസ് വക്താവ് സന്ദീപ് വാര്യര് നാലാം പ്രതി. രാഹുല് മാങ്കൂട്ടത്തിലിനെതിരായ പരാതിയില് അതിജീവിതയെ അപമാനിച്ചെന്ന് അതിജീവിതയുടെ സൈബര് പരാതിയില് രാഹുല് ഈശ്വര് കസ്റ്റഡിയിലാണ്. സന്ദീപ് വാര്യരിലേക്കും മറ്റു രണ്ടു സ്ത്രീകളിലേക്കും പോലീസ് നടപടി ഉടനുണ്ടാകുമെന്നാണ് സൂചന. അതിജീവിത പരാതി നല്കിയതില് പരാമര്ശിച്ചിട്ടുള്ളതില് ഒരാള് മഹിളാ കോണ്ഗ്രസ് പത്തനംതിട്ട ജില്ലാ സെക്രട്ടറി രഞ്ജിത പുളിക്കലും മറ്റൊരാള് അഡ്വ. ദീപാ ജോസഫുമാണെന്നാണ് സൂചന. രഞ്ജിതയാണ് ഒന്നാം പ്രതിയെന്നും പറയപ്പെടുന്നു. കേസിലെ അഞ്ചാം പ്രതിയായ രാഹുല് ഈശ്വറിനെ സൈബര് പോലീസ് കസ്റ്റഡിയിലെടുത്ത് ചോദ്യം ചെയ്ത് വരികയാണ്. പരാതിക്കാരിയുടെ വ്യക്തിഗത വിവരങ്ങള് വെളിപ്പെടുത്തുക, സ്ത്രീത്വത്തെ അപമാനിക്കല്, ഭീഷണിപ്പെടുത്തല് അടക്കമുള്ള കുറ്റങ്ങളാണ് ഇവര്ക്കെതിരെ ചുമത്തിയിട്ടുള്ളത്. അതിജീവിതയ്ക്കെതിരായ സൈബര് അതിക്രമത്തിലെ പോലീസ് നടപടിക്ക് പിന്നാലെയാണ് രാഹുല് ഈശ്വറിനെ കസ്റ്റഡിയില് എടുത്തത്. എ ആര് ക്യാമ്പിലെത്തിച്ചാണ് രാഹുല് ഈശ്വറിനെ ചോദ്യം ചെയ്യുന്നത്. രാഹുല് ഈശ്വറിന്റെ ഫോണ് കസ്റ്റഡിയിലെടുത്തിട്ടുണ്ട്, കൂടാതെ…
Read More » -
രാഹുല് ഈശ്വറിന് പിന്നാലെ സന്ദീപ് വാര്യരും കുടുങ്ങും; സൈബര് പരാതി സന്ദീപ് വാര്യര്ക്കെതിരെയുമെന്ന് സൂചന
പാലക്കാട് ; രാഹുല് മാങ്കൂട്ടത്തില് കേസിലെ അതിജീവിത സന്ദീപ് വാര്യര്ക്കെതിരെയും സൈബര് സെല്ലില് പരാതി നല്കിയതായി സൂചന. സൈബര് പോലീസ് രാഹുല് ഈശ്വറിനെ കസ്റ്റഡിയിലെടുത്ത് എ.ആര്.ക്യാമ്പിലേക്ക് മാറ്റിയിട്ടുണ്ട്. പിന്നാലെ സന്ദീപ് വാര്യരെയും കസ്റ്റഡിയിലെടുക്കുമെന്നാണ് സൂചന. രാഹുല് ഈശ്വര് ഉള്പ്പെടെ 4 പേരുടെ യുആര്എല് ആണ് പരാതിക്കാരി സമര്പ്പിച്ചത്. ഇത് പരിശോധിച്ചതിന് ശേഷമാണ് പോലീസ് തുടര്നടപടികളിലേക്ക് കടന്നത്. കോണ്ഗ്രസ് നേതാവായ സന്ദീപ് വാര്യരുടേയും രണ്ടു വനിതകളുടേയും അടക്കം യുആര്എല് ഉള്പ്പെടെ നല്കിയ പരാതിയിലാണ് പോലീസ് പരരാതിയില് പറഞ്ഞവരെ കസ്റ്റഡിയിലെടുക്കാന് ഒരുങ്ങുന്നത്.
Read More » -
ആശ്വാസമുണ്ട് സര്; സമാധാനമുണ്ട് സര്; എസ്ഐആആര് സമയപരിധി നീട്ടി; ഡിസംബര് 16 വരെ സമയമുണ്ട്
തിരുവനന്തപുരം : വോട്ടര്മാര്ക്കും ബിഎല്ഒമാര്ക്കും രാഷ്ട്രീയപാര്ട്ടികള്ക്കുമെല്ലാം ആശ്വാസവും സമാധാനവുമേകി എസ്ഐഐആര് സമയപരിധി നീട്ടി. കേരളം ഉള്പ്പെടെയുള്ള സംസ്ഥാനങ്ങളിലെ എസ്ഐആര് സമയ പരിധി നീട്ടി കേന്ദ്ര തിരഞ്ഞെടുപ്പ് കമ്മീഷന് ഉത്തരവ് പുറപ്പെടുവിച്ചു. ിസംബര് 16 വരെയാണ് നീട്ടിയത്. എന്യൂമെറേഷന് ഫോമുകള് ഡിസംബര് 11വരെ നല്കാം. കരട് വോട്ടര് പട്ടിക ഡിസംബര് 16 ന് പ്രസിദ്ധീകരിക്കും. കേരളം ഉള്പ്പെടെ 12 സംസ്ഥാനങ്ങളിലാണ് സമയപരിധി നീട്ടി നല്കിയത്. പരാതികളോ മാറ്റങ്ങളോ ഉണ്ടെങ്കില് അപേക്ഷിക്കാന് ജനുവരി 15 വരെ സമയം അനുവദിക്കും. തീവ്രവോട്ടര് പട്ടിക പരിഷ്ക്കരണവുമായി ബന്ധപ്പെട്ട് മുഖ്യ തിരഞ്ഞെടുപ്പ് ഓഫീസര് കഴിഞ്ഞദിവസം വിളിച്ചുചേര്ത്ത യോഗത്തില് രാഷ്ട്രീയ പാര്ട്ടികള് എതിര്പ്പ് ആവര്ത്തിച്ചിരുന്നു. മുഖ്യ തിരഞ്ഞെടുപ്പ് ഓഫീസറുടെ യോഗത്തില് എതിര്പ്പില് ഉറച്ചുനില്ക്കുകയാണ് ബിജെപി ഒഴികെയുള്ള പാര്ട്ടികള് ചെയ്തത്. സമയപരിധി നീട്ടണമെന്ന് സിപിഐ, കോണ്ഗ്രസ് പ്രതിനിധികളും ആവശ്യപ്പെട്ടിരുന്നു. എസ് ഐ ആറില് ആശങ്ക ഇല്ലെന്നും ഇതുവരെ 75 ശതമാനം ഡാറ്റകള് ഡിജിറ്റൈസ് ചെയ്യാന് സാധിച്ചെന്നും മുഖ്യ തിരഞ്ഞെടുപ്പ് ഓഫീസര്…
Read More » -
ആ രാഹുലിനെ കിട്ടിയില്ല; ഈ രാഹുലിനെ പൊക്കി; രാഹുല് ഈശ്വര് പോലീസ് കസ്റ്റഡിയില്; മാങ്കുട്ടത്തില് കേസിലെ യുവതിയുടെ സൈബര് പരാതിയില് നടപടി; രാഹുല് ഈശ്വറിനെ എ.ആര് ക്യാമ്പിലേക്ക് കൊണ്ടുപോയി
തിരുവനന്തപുരം: പീഡനക്കേസില് ഒളിവില് പോയ രാഹുല് മാങ്കൂട്ടത്തിലിനു വേണ്ടി സംസ്ഥാനമൊട്ടാകെ പോലീസ് അരിച്ചു പെറുക്കുന്നതിനിടെ രാഹുല് ഈശ്വറിനെ പോലീസ് കസ്റ്റഡിയിലെടുത്തു. രാഹുല് മാങ്കൂട്ടത്തില് എംഎല്എക്കെതിരെ ബലാത്സംഗ പരാതി നല്കിയ യുവതിയുടെ സൈബര് അധിക്ഷേപ പരാതിയിലാണ് രാഹുല് ഈശ്വറെ പോലീസ് കസ്റ്റഡിയില് എടുത്തിരിക്കുന്നത്. ചോദ്യം ചെയ്യാന് വിളിപ്പിച്ച ശേഷം പോലീസ് രാഹുല് ഈശ്വറിനെ കസ്റ്റഡിയിലെടുക്കുകയായിരുന്നു. തുടര്ന്ന് രാഹുല് ഈശ്വറെ എആര് ക്യാമ്പിലേക്ക് കൊണ്ടുപോയി. സൈബര് പോലീസ് ആണ് രാഹുല് ഈശ്വറെ ചോ?ദ്യം ചെയ്യാന് വിളിപ്പിച്ചത്. രാഹുല് ഈശ്വര് ഉള്പ്പെടെ 4 പേരുടെ യുആര്എല് ആണ് പരാതിക്കാരി സമര്പ്പിച്ചത്. ഇത് പരിശോധിച്ചതിന് ശേഷമാണ് പോലീസ് തുടര്നടപടികളിലേക്ക് കടന്നത്. കോണ്ഗ്രസ് നേതാവായ സന്ദീപ് വാര്യരുടേയും രണ്ടു വനിതകളുടേയും അടക്കം യുആര്എല് ഉള്പ്പെടെ നല്കിയ പരാതിയിലാണ് പോലീസിന്റെ ഇപ്പോഴത്തെ നീക്കം ഉണ്ടായിരിക്കുന്നത്.
Read More » -
പാലക്കാട് നഗരത്തിലെ ഒമ്പത് സിസി ടിവി ക്യാമറകള് പരിശോധിക്കുന്നു; ദൃശ്യങ്ങളില് രാഹുല് പോയ വഴി കിട്ടുമോ എന്ന് പ്രതീക്ഷ; രാഹുലിന്റെ ഫ്ളാറ്റിലെ പരിശോധന കഴിഞ്ഞു; നാളെ വീണ്ടും അന്വേഷണസംഘം ഫ്ളാറ്റിലെത്തും; ഫോണുകള് കിട്ടിയില്ല; ഒരു മാസത്തെ സിസിടിവി ഫൂട്ടേജുകള് കിട്ടി
പാലക്കാട്: പാലക്കാട് നഗരത്തിലെ ഒമ്പത് സ്ഥലങ്ങളിലെ സിസി ടിവി ദൃശ്യങ്ങള് തപ്പിയെടുത്ത് രാഹുല് മാങ്കൂട്ടത്തിലിനായി പോലീസിന്റെ വ്യാപക തിരച്ചില്. പാലക്കാട് ജില്ലയില് രാഹുലിന് സ്വാധീനമുള്ള നിരവധി ഹൈഡ് ഔട്ട്സ് ഉള്ളതിനാലും രാഹുലിന്റെ അടുത്ത സുഹൃത്തുക്കളില് പലരും പാലക്കാടുള്ളതിനാല് അവര് ഒരുക്കിക്കൊടുക്കുന്ന സ്ഥലങ്ങളിലുമെല്ലാം രാഹുലിന് സുരക്ഷിതമായി ഇരിക്കാമെന്നതിനാലും ഇത്തരം സ്ഥലങ്ങള് അന്വേഷിക്കുകയാണ് പോലീസ്. പാലക്കാട നഗരത്തിലെ ഒമ്പത് സ്ഥലങ്ങളിലെ സിസി ടിവി ക്യാമറകള് പരിശോധിച്ച് പോലീസ് രാഹുലിന്റെ റൂട്ട് മാപ്പ് കണ്ടെത്താനുള്ള ശ്രമത്തിലാണ്. ഒമ്പത് സിസി ടിവി ക്യാമറകളിലെ ദൃശ്യങ്ങള് ചേര്ത്തുവെച്ച് എന്തെങ്കിലുമൊരു സൂചന കിട്ടുമോ എന്നാണ് പോലീസ് പരിശോധിക്കുന്നത്. വ്യാഴാഴ്ച വൈകീട്ട് കണ്ണാടിയില് നിന്നും മുങ്ങിയതു മുതലുള്ള ദുശ്യങ്ങള് ആണ് പരിശോധിക്കുന്നത്. എസ്ഐടിയുടെ ആവശ്യപ്രകാരം സ്പെഷ്യല് ബ്രാഞ്ച് ആണ് പരിശോധന നടത്തുന്നത്. അതിനിടെ ലൈംഗിക പീഡന കേസില് ഒളിവിലുള്ള രാഹുല് മാങ്കൂട്ടത്തില് എംഎല്എയുടെ ഫ്ളാറ്റിലെ പരിശോധന പൂര്ത്തിയാക്കി അന്വേഷണ സംഘം മടങ്ങി. ഫ്ളാറ്റില് നിന്ന് ഫോണുകളൊന്നും കണ്ടുകിട്ടിയിട്ടില്ലെന്നാണ് പറയുന്നത്. അതേസമയം ഫ്ളാറ്റിലെ…
Read More » -
‘കേരള പോലീസ് ഈ ലുക്കിംഗ് ഫോര് യു’; രാഹുല് മാങ്കൂട്ടത്തിലിന് എതിരേ പരാതി നല്കിയ യുവതിയുടെ ചിത്രം കോണ്ഗ്രസിന്റെ വാട്സ് ആപ്പ് ഗ്രൂപ്പുകളില് പ്രചരിപ്പിക്കുന്നെന്ന് ഡോ. സരിന്; സന്ദീപ് വാര്യര്ക്ക് ഒപ്പമുള്ള സ്ക്രീന്ഷോട്ട് തെളിവായി പുറത്തുവിട്ടു; പോലീസ് നടപടി ഉറപ്പ്
പാലക്കാട്: രാഹുല് മാങ്കൂട്ടത്തിലിനെതിരെ ലൈംഗികാതിക്രമ പരാതി നല്കിയ യുവതിയുടെ ചിത്രം കോണ്ഗ്രസ് വാട്സാപ്പ് ഗ്രൂപ്പുകളിലൂടെ പ്രചരിപ്പിക്കുന്നുവെന്ന് പി.സരിന്. പോസ്റ്റിന്റെ സ്ക്രീന്ഷോട്ട് സഹിതമാണ് സരിന് ഫെയ്സ്ബുക്കില് പങ്കുവച്ചത്. കോണ്ഗ്രസിന്റെ സോഷ്യല് മീഡിയ പോസ്റ്റുകള് നിയന്ത്രിക്കുന്ന ഇന്സ്റ്റന്റ് റെസ്പോണ്സ് ടീമിന്റെ വാട്സാപ്പ് ഗ്രൂപ്പിലാണ് അതിജീവിതയെ അപമാനിക്കുന്ന തരത്തില് ചിത്രങ്ങള് പ്രചരിക്കുന്നതെന്നാണ് കുറിപ്പില് പറയുന്നത്. ഉന്നത കോണ്ഗ്രസ് നേതാക്കളടക്കം അംഗങ്ങളായ ഗ്രൂപ്പില് അതിജീവിതയുടെ ചിത്രം പ്രചരിപ്പിച്ച് അവരുടെ ഐഡന്റിന്റെ വെളിപ്പെടുത്തിയത് ഗൂഢാലോചനയുടെ ഭാഗമാണെന്നും സരിന് ആരോപിക്കുന്നു. പരാതി നല്കിയിട്ടുണ്ടെന്നും നിയമനടപടിയുണ്ടാകുമെന്നും അദ്ദേഹം കുറിപ്പില് വ്യക്തമാക്കി. ഇത്രയുമേയുള്ളൂ കടുത്ത അനുഭാവികള് മാത്രം ഉപയോഗിക്കുന്ന ഗ്രൂപ്പിന്റെ വിശ്വാസ്യതയെന്നും സരിന് പരിഹസിക്കുന്നുണ്ട്. അതിജീവിതയെ അപമാനിക്കുന്നതരത്തില് തുടര്ന്നും നടപടിയുണ്ടായാല് ഗ്രൂപ്പിലുള്ളവരുടെയെല്ലാം നമ്പറുകള് താന് പരസ്യപ്പെടുത്തുമെന്നും നിലവില് ചിത്രം പോസ്റ്റു ചെയ്തയാളുടെ മാത്രം നമ്പര് വെളിവാക്കി സരിന് എഴുതുന്നു. ‘വളരെ വൈകിയാണ് അറിഞ്ഞത് പ്രിയപ്പെട്ട സുഹൃത്തിന്റെ വിവാഹം. ഭയമില്ലാത്തവര് ഇതുപോലെ പോസ്റ്റു ചെയ്യണം’ എന്ന കുറിപ്പോടെയാണ് വാട്സാപ്പ് ഗ്രൂപ്പില് ആരിഫെന്നയാള്…
Read More » -
പോലീസിലെ നെറികേടുകള്ക്ക് എതിരേ പ്രതികരിച്ച ഉമേഷ് വള്ളിക്കുന്നിലിനെ പിരിച്ചുവിടാന് തീരുമാനം; നോട്ടീസ് പുറപ്പെടുവിച്ച് പത്തനംതിട്ട എസ്.പി.; ‘ഈ ധനുമാസക്കുളിരില് ഇവിടെയാണു സുഖം, തിരിച്ചെടുക്കുന്നത് എനിക്കും കുടുംബത്തിനും ബുദ്ധിമുട്ടെ’ന്നു പരിഹസിച്ച് ഉമേഷ്
കോഴിക്കോട്: പൊലീസിലെ നെറികേടുകള്ക്കെതി?രെ പരസ്യമായി പ്രതികരിച്ച സിവില് പൊലീസ് ഓഫിസര് ഉമേഷ് വള്ളിക്കുന്നിനെ സര്വിസില് നിന്ന് പിരിച്ചുവിടാന് തീരുമാനം. പത്തനംതിട്ട എസ്.പിയാണ് പിരിച്ചുവിടല് നോട്ടീസ് പുറപ്പെടുവിച്ചത്. പിരിച്ചു വിടുന്നതിലല്ല, തിരിച്ചെടുക്കുകയാണെങ്കിലാണ് എനിക്കും കുടുംബത്തിനും ഇപ്പോള് ബുദ്ധിമുട്ടെന്ന് ഇത് സംബന്ധിച്ച് ഫേസ്ബുക്കില് എഴുതിയ കുറിപ്പില് ഉമേഷ് വള്ളിക്കുന്ന് പ്രതികരിച്ചു. ‘ഉത്തരയുടെ പരീക്ഷാ സീസണും ആതിരയുടെ പ്രോഗ്രാം സീസണും ആണ്. ആ സമയത്ത് പത്തനംതിട്ടയില് വന്നു കിടക്കുന്നത് സുഖമുള്ള ഏര്പ്പാടല്ല. അല്ലെങ്കില്ത്തന്നെ ഈ വൃശ്ചികരാത്രികളില്, ധനുമാസകുളിരില്, മകരമഞ്ഞില് ഇവിടെയാണ് സുഖം. അതോണ്ട് സസ്പെന്ഷന് പിന്വലിക്കുന്ന ഉത്തരവായിരുന്നെങ്കില് ബേജാറായേനെ. അപ്പോള്, പത്തനംതിട്ടയില് നിന്ന് ഇനിയും നോട്ടീസുകളുമായി വരേണ്ടി വന്നാല് പ്രിയപ്പെട്ട പോലീസ് സുഹൃത്തുക്കളേ, പുറപ്പെടും മുന്പ് ഒരൊറ്റ വിളി വിളിക്കുക’ -അദ്ദേഹം പറഞ്ഞു. കുറിപ്പിന്റെ പൂര്ണരൂപം: ‘പിരിച്ചുവിടാനുള്ള നോട്ടീസുമായി പോയ പോലീസുകാരന് വിളിച്ചിട്ട് ഉമേഷ് വാതില് തുറക്കുന്നില്ല’. വാതില് തുറപ്പിക്കാന് സഹായം ചോദിച്ച് ഒരു മേധാവി മറ്റൊരു മേധാവിയെ വിളിച്ചതാണ്! രണ്ടു മേധാവിമാരും അറിയാന്…
Read More » -
സാംസ്കാരിക നായകര് എവിടെ? രാഹുല് മാങ്കൂട്ടത്തില് വിഷയത്തില് പ്രമുഖര് മൗനത്തില്; ജോയ് മാത്യു, എം.എന്. കാരശേരി, കെ.കെ. രമ എന്നിവര് അടക്കമുള്ളവരെ പരിഹസിച്ച് സോഷ്യല് മീഡിയ; പ്രകോപിപ്പിച്ചാല് കൂടുതല് വിവരങ്ങള് വിളിച്ചു പറയുമെന്ന് രാജ്മോഹന് ഉണ്ണിത്താന്
തിരുവനന്തപുരം: രാഹുല് മാങ്കൂട്ടത്തിലിനെതിരേ പീഡനത്തിന് ഇരയായ യുവതികളില് ഒരാള് പരാതി നല്കിയതിനു പിന്നാലെ ഇത്രകാലം സോഷ്യല് മീഡിയയില് പിന്തുണയുമായി എത്തിയ സാംസ്കാരിക നായകര് നിശബ്ദതയില്. സ്ത്രീപക്ഷ നിലപാടുകളും അവര്ക്കെതിരേ ഉണ്ടാകുന്ന ആക്രമണങ്ങളിലും കൃത്യമായ അഭിപ്രായം രേഖപ്പെടുത്തിയിരുന്നവരാണ് ഇപ്പോള് നിശബ്ദരാകുന്നത്. അഭിമുഖങ്ങളിലടക്കം രാഹുല്, ഷാഫി നേതാക്കള് മിടുക്കരെന്നു വിശേഷിപ്പിച്ച ചലച്ചിത്ര പ്രവര്ത്തകന് ജോയ് മാത്യു, എംഎന് കാരശേരി, കെ.കെ. രമ എംഎല്എ എന്നിവരടുടെയടക്കം മൗനമാണ് സോഷ്യല് മീഡിയയില് ചര്ച്ചയാകുന്നത്. ചെറിയ കുറ്റത്തിനു ചെറുപ്പക്കാരനോടു പൊറുക്കണമെന്നും രാഷ്ട്രീയ ഭാവി നശിപ്പിക്കരുതെന്നുമായിരുന്നു കാരശേരി ഒരു ടിവി ചര്ച്ചയില് പറഞ്ഞത്. എന്നാല്, പെണ്കുട്ടിയുടെ ഓഡിയോ പുറത്തുവന്നതിനുശേഷം കാരശേരി മാഷ് ‘കുറ്റക്കാരനെങ്കില് ശിക്ഷിക്കപ്പെടണം’ എന്ന് ഓണ്ലൈന് മാധ്യമത്തില് പറഞ്ഞത് ഒഴിച്ചാല് ഒന്നും പ്രതികരിച്ചിട്ടില്ല. ഇക്കാര്യത്തില് അഭിഭാഷന് പ്രശാന്ത് പദ്ഭനാഭന് എഴുതിയ പോസ്റ്റ് ഷെയര് ചെയ്യുക മാത്രമാണു ചെയ്തിട്ടുള്ളത്. അതില്തന്നെ രാഹുലിനെ പാതി ന്യായീകരിച്ചുള്ള പോസ്റ്റാണ്. സോഷ്യല് മീഡിയയില് ഇടതുപക്ഷത്തിനെതിരേ രൂക്ഷമായ പരിഹാസം അഴിച്ചുവിടുന്ന ജോയ് മാത്യുവും ഇക്കാര്യത്തില്…
Read More » -
രാഹുല് മാങ്കൂട്ടത്തിലിന്റെ പീഡനക്കേസില് ശബ്ദപരിശോധന തുടങ്ങി; ചിത്രാഞ്ജലി സ്റ്റുഡിയോയില് തിരക്കിട്ട നീക്കം; യുവതിയുടെ ശബ്ദ സാമ്പിള് ശേഖരിച്ചു; മുന്കൂര് ജാമ്യം പരിഗണിക്കുന്നതിനു മുമ്പ് പരമാവധി തെളിവുകള് ശേഖരിച്ച് അന്വേഷണ സംഘം; വനിതാ ഡോക്ടറുടെ മൊഴിയെടുത്തു
തിരുവനന്തപുരം: രാഹുല് മാങ്കൂട്ടത്തില് യുവതിയെ പീഡിപ്പിക്കുകയും അശാസ്ത്രീയ ഗര്ഭഛിദ്രത്തിന് നിര്ബന്ധിക്കുകയും ചെയ്തെന്ന കേസില് ശബ്ദരേഖ പരിശോധന തുടങ്ങി. ചിത്രാഞ്ജലി സ്റ്റുഡിയോയില് വെച്ചാണ് ശബ്ദരേഖയുടെ ആധികാരികമായ പരിശോധന നടക്കുന്നത്. യുവതിയുടെ ശബ്ദസാമ്പിള് ശേഖരിച്ചാണ് പരിശോധന പുരോഗമിക്കുന്നത്. കലാപം സൃഷ്ടിച്ച് പദവികളിലെത്തിയത് ക്രിമിനല് സംഘമാണെന്നും അതിന്റെ ദുരന്തമാണ് പാര്ട്ടി അനുഭവിക്കുന്നതെന്നുമുള്ള ചര്ച്ച കോണ്ഗ്രസില് സജീവമാണ്. മുതിര്ന്നവര് സ്ഥാനങ്ങളില് കടിച്ചുതൂങ്ങുന്നതിനെതിരെ കോലാഹലം സൃഷ്ടിച്ച് പദവിയിലെത്തിയവര് അര്ഹരെ അവഗണിച്ച്, സ്വന്തം ‘ടീം’ ഉണ്ടാക്കി. ഇത് നിയന്ത്രിക്കാന് പ്രതിപക്ഷ നേതാവിനോ കെപിസിസി ക്കോ കഴിഞ്ഞില്ലെന്നുമാണ് വിമര്ശം. രാഹുല് മാങ്കൂട്ടത്തിലിനായി പൊലീസ് അന്വേഷണം ഊര്ജിതമാണ് . വ്യാഴാഴ്ച യുവതി തെളിവ് സഹിതം പരാതി നല്കിയതിന് പിന്നാലെ ഒളിവില്പ്പോയ രാഹുലിന് കോണ്ഗ്രസ് നേതാക്കള് തന്നെ സംരക്ഷണമൊരുക്കുന്നതായാണ് സൂചന. ഫോണ് സ്വിച്ച് ഓഫാണ്. പാലക്കാട്ട് യുഡിഎഫ് തെരഞ്ഞെടുപ്പ് പ്രചാരണത്തിനിടെയാണ് രാഹുല് മുങ്ങിയത്. കുറച്ചുനേരം ഫോണ് ഓണ് ആയപ്പോള് പാലക്കാട് ടവര് ലൊക്കേഷനാണ് കാണിച്ചത്. അന്വേഷണ ഉദ്യോഗസ്ഥന് എസിപി ദിനരാജിന്റെ നേതൃത്വത്തിലുള്ള പ്രത്യേക സംഘം…
Read More »