Local
-
തിരുവോണ ദിവസം ആശുപത്രികളില് ജോലി ചെയ്യുന്ന ആരോഗ്യ പ്രവര്ത്തകര്ക്ക് പിന്തുണയറിയിച്ച് മന്ത്രി വീണാ ജോര്ജ് ആശുപത്രികള് സന്ദര്ശിച്ചു ഓണസമ്മാനങ്ങള് നല്കി
തിരുവനന്തപുരം: തിരുവോണ ദിവസം ആശുപത്രികളില് ജോലി ചെയ്യുന്ന ആരോഗ്യ പ്രവര്ത്തകര്ക്ക് പിന്തുണയറിയിച്ച് മന്ത്രി വീണാ ജോര്ജ് ആശുപത്രികള് സന്ദര്ശിച്ചു. തിരുവനന്തപുരം മെഡിക്കല് കോളേജിലും എസ്.എ.ടിയിലും ജനറല് ആശുപത്രിയിലും മന്ത്രി സന്ദര്ശനം നടത്തി. ലാസ്റ്റ് ഗ്രേഡ് ജീവനക്കാര്ക്ക് ഓണ സമ്മാനവും നല്കിയാണ് മന്ത്രി മടങ്ങിയത്. 150 ഓളം ലാസ്റ്റ് ഗ്രേഡ് ജീവനക്കാരാണ് മെഡിക്കല് കോളേജിലും എസ്.എ.ടി.യിലുമായി തിരുവോണ ദിവസം ആദ്യ ഷിഫ്റ്റില് സേവനമനുഷ്ഠിച്ചത്. അവര്ക്ക് മന്ത്രി വസ്ത്രങ്ങള് സമ്മാനിച്ചു. മെഡിക്കല് കോളേജ് സൂപ്രണ്ട് ഡോ. നിസാറുദീന് മന്ത്രി വീണാ ജോർജിനൊപ്പം ഉണ്ടായിരുന്നു. അനാഥര് സംരക്ഷിക്കപ്പെടുന്ന തിരുവനന്തപുരം ജനറല് ആശുപത്രി ഒന്പതാം വാര്ഡിലും മന്ത്രി വീണാ ജോർജ് സന്ദര്ശനം നടത്തി. അവര്ക്കും മന്ത്രി വസ്ത്രങ്ങള് സമ്മാനിച്ചു. ആരോഗ്യ പ്രവര്ത്തകരെയും രോഗികളെയും കൂട്ടിരുപ്പുകാരെയും കണ്ടു. ഒപ്പം അവര്ക്ക് ഓണ സദ്യ വിളമ്പിക്കൊടുക്കുകയും ചെയ്തു. അടുത്തിടെ മന്ത്രി ജനറല് ആശുപത്രിയില് മിന്നല് സന്ദര്ശനം നടത്തുമ്പോള് ഇവരെ നേരിട്ടു കണ്ടിരുന്നു. അവരുടെ പുനരധിവാസം ഉറപ്പ് വരുത്താനായി ഇടപെടല് നടത്തി.…
Read More » -
സ്കൂട്ടറും ടിപ്പര് ലോറിയും കൂട്ടിയിടിച്ച് 16കാരന് ദാരുണാന്ത്യം
മംഗ്ളുരിനടുത്ത് അഡയാറില് സ്കൂട്ടറും ടിപ്പര് ലോറിയും കൂട്ടിയിടിച്ച് വിദ്യാര്ഥി മരിച്ചു. അഡയാര് പദവ് സ്വദേശി ഷറഫുദ്ദീന് (16) ആണ് മരിച്ചത്. സുഹൃത്തിനൊപ്പം സ്കൂട്ടറിന്റെ പിന്നില് ഇരുന്ന് സഞ്ചരിക്കുന്നതിനിടെയാണ് ഷറഫുദ്ദീന് അപകടത്തില് പെട്ടത്. ഇടിയുടെ ആഘാതത്തില് സ്കൂട്ടറില് നിന്ന് റോഡിലേക്ക് തെറിച്ചുവീണ് രക്തത്തില് കുളിച്ചുകിടന്ന ഷറഫുദ്ദീനെ പ്രദേശവാസികള് ഉടന് ഫസ്റ്റ് ന്യൂറോ ആശുപത്രിയിൽ എത്തിച്ചെങ്കിലും ജീവന് രക്ഷിക്കാനായില്ല. സ്കൂട്ടര് ഓടിച്ചിരുന്ന സുഹൃത്തിന് കാര്യമായ പരുക്കുകളില്ല. യുവാവ് അപകടനില തരണം ചെയ്തിട്ടുണ്ട്. മംഗ്ളുറു മിലാഗ്രസ് സ്കൂളിലെ പത്താം ക്ലാസ് വിദ്യാര്ഥിയാണ് ശറഫുദ്ദീന്.
Read More » -
കോട്ടയം ജില്ലയിൽ 12 പോലീസ് ഉദ്യോഗസ്ഥർക്ക് മുഖ്യമന്ത്രിയുടെ പോലീസ് മെഡൽ
കോട്ടയം: വിശിഷ്ട സേവനത്തിനുള്ള മുഖ്യമന്ത്രിയുടെ പോലീസ് മെഡലിന് കോട്ടയം ജില്ലയിലെ 12 പോലീസ് ഉദ്യോഗസ്ഥർ അർഹരായി. സംസ്ഥാന പോലീസ് സേനയിലെ ഉദ്യോഗസ്ഥർക്ക് അവരുടെ സേവനത്തിന്റെയും സമർപ്പണത്തിന്റെയും പ്രതിബദ്ധതയുടെയും മികവിൽ കേരളാ മുഖ്യമന്ത്രി നൽകുന്ന പുരസ്കാരമാണ് പോലീസ് മെഡൽ. വർഗീസ് ടി.എം (ഡി.വൈ.എസ്.പി ക്രൈം ബ്രാഞ്ച് കോട്ടയം), സന്തോഷ് കുമാർ കെ (എസ്.ഐ സ്പെഷ്യൽ ബ്രാഞ്ച് കോട്ടയം), മണിലാൽ എം.ആർ (എസ്.ഐ സ്പെഷ്യൽ ബ്രാഞ്ച് കോട്ടയം), ദിലീപ് വർമ്മ. വി (എസ്.സി.പി.ഓ കോട്ടയം വെസ്റ്റ് പി.എസ്), ജോമി കെ വർഗീസ് (എസ്.സി.പി.ഓ മേലുകാവ് പി.എസ്), രമാ വേലായുധൻ (എ.എസ്.ഐ മേലുകാവ് പി.എസ്), സന്തോഷ് എൻ.എൻ (എ.എസ്.ഐ മേലുകാവ് പി.എസ്), സെബാസ്റ്റ്യൻ വി.എ (എ.എസ്.ഐ കറുകച്ചാൽ പി.എസ്), സുശീലൻ പി.ആർ (എസ്.ഐ തലയോലപ്പറമ്പ് പി.എസ്), ജോസ് എ.വി (എസ്.സി.പി.ഓ കുറവിലങ്ങാട് പി.എസ്), ബിനോയ് എം.സി (എസ്.സി.പി.ഓ സ്പെഷ്യൽ ബ്രാഞ്ച് കോട്ടയം) ) അസിയ ടി.എ ( എ.എസ്ഐ. വാകത്താനം ) എന്നിവരാണ് മുഖ്യമന്ത്രിയുടെ മെഡലിന്…
Read More » -
പിറവത്ത് ട്രെയിനില് നിന്നും പുഴയില് വീണ് കാണാതായ യാത്രക്കാരന്റെ മൃതദേഹം കണ്ടെത്തി
പിറവം റോഡ് റയിൽവെ സ്റ്റേഷന് സമീപം ട്രെയിനില് നിന്നും പുഴയില് വീണ് കാണാതായ യാത്രക്കാരന്റെ മൃതദേഹം കണ്ടെത്തി.അതേസമയം മൃതദേഹം ആരുടേതാണെന്ന് തിരിച്ചറിയാനായിട്ടില്ല. 40-45 വയസ് പ്രായമുള്ളയാളുടേതാണ് മൃതദേഹമെന്നാണ് പ്രാഥമിക നിഗമനം.കഴിഞ്ഞ ദിവസം വൈകിട്ട് മൂന്ന് മണിയോടെയായിരുന്നു അപകടം നടന്നത്. മംഗലാപുരത്തു നിന്നും തിരുവനന്തപുരത്തേക്ക് പോവുകയായിരുന്ന പരശുറാം എക്സ്പ്രസിെന്റെ ചവിട്ടുപടിയിലിരുന്ന് യാത്ര ചെയ്യുകയായിരുന്നയാള് മൂവാറ്റുപുഴയാറിലേക്ക് തെറിച്ചു വീഴുകയായിരുന്നു. വെള്ളൂര് റെയില്വേ മേല്പ്പാലത്തിലൂടെ കടന്നുപോകവേയായിരുന്നു അപകടം. വൈക്കം കടത്തുരുത്തി ഫയര്ഫോഴ്സ് യൂണിറ്റുകളില് നിന്നും സ്കൂബ ടീം എത്തി രാത്രിയുള്പ്പെടെ തെരച്ചില് നടത്തിയെങ്കിലും മൃതദേഹം കണ്ടെത്താനായിരുന്നില്ല.രാവിലെ വീണ്ടും തിരച്ചില് ആരംഭിക്കുകയായിരുന്നു. തുടര്ന്നാണ്, മൃതദേഹം കണ്ടെത്തിയത്.
Read More » -
ബസ് കാറിൽ തട്ടി എന്ന് ആരോപണം, മേല്പാലത്തിന് മുകളില് വെച്ച് ബസിന്റെ താക്കോല് ഊരിയെടുത്ത് മുങ്ങിയ കാര് ഡ്രൈവര് അറസ്റ്റില്
കാഞ്ഞങ്ങാട്: ബസ് കാറില് തട്ടിയതിനെ ചൊല്ലി ബസ് ഡ്രൈവറെ കയ്യേറ്റം ചെയ്യുകയും താക്കോലും മൊബൈല് ഫോണും തട്ടിപ്പറിച്ച് രക്ഷപ്പെടുകയും ചെയ്തെന്ന കേസില് കാര് ഡ്രൈവര് അറസ്റ്റില്. ഹൊസ്ദുര്ഗ് പൊലീസ് സ്റ്റേഷന് പരിധിയിലെ പി കെ ജാസിറിനെ (38) യാണ് ഇന്സ്പെക്ടര് കെ പി ഷൈനും സംഘവും അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. പടന്നക്കാട് മുതല് പുതിയകോട്ട വരെയുള്ള നൂറോളം സിസിടിവി കാമറകള് പരിശോധിച്ചതില് നിന്നും 15 കാമറകളില് നിന്നുള്ള ദൃശ്യങ്ങള് അടിസ്ഥാനപ്പെടുത്തി നടത്തിയ അന്വേഷണത്തിലാണ് കാറിനെ കുറിച്ച് സൂചന ലഭിച്ചത്. പിന്നീട് കാറിന്റെ ഉടമ അജാനൂര് സ്വദേശി നാസറാണെന്ന് പൊലീസ് കണ്ടെത്തി. നാസറിനെ ചോദ്യം ചെയ്തപ്പോഴാണ് കാര് ഓടിച്ചതും ബസ് ഡ്രൈവറെ അക്രമിച്ചതും ജാസിറാണെന്ന് വെളിപ്പെട്ടതെന്ന് പൊലീസ് പറഞ്ഞു. പടന്നക്കാട് മേല്പാലത്തില് വെച്ചാണ് സംഭവം നടന്നത്. കാഞ്ഞങ്ങാട് നിന്ന് പയ്യന്നൂരിലേക്ക് പോവുകയായിരുന്ന കെ എല് 58 എന് 2537 നമ്പര് ബസ് കാറില് ഉരസിയെന്ന് ആരോപിച്ച്…
Read More » -
ഓഫീസ് സമയത്തിന് ശേഷം പ്രതിഷേധ പരിപാടി നടത്തിയതിന് സംഘടനാ നേതാവായ കനറാ ബാങ്ക് ജീവനക്കാരന് മെമ്മോ; ജീവനക്കാർ ധർണ്ണ നടത്തി
കോട്ടയം: ഞീഴൂർ കനറാ ബാങ്ക് ദിവസക്കൂലി തൊഴിലാളിയുടെ വേതനം അക്കൗണ്ടിൽ ഇടാതെ പണമായി നൽകുന്നതിനെതിരേ, ഓഫീസ് സമയത്തിന് ശേഷം പ്രതിഷേധ പരിപാടി നടത്തിയതിന് സംഘടനാ നേതാവിന് കാരണം കാണിക്കൽ നോട്ടീസ് നൽകിയതിനെതിരേ പ്രതിഷേധ ധർണ്ണ നടത്തി. സംഘടനാ നേതാവായ കനറാ ബാങ്ക് ജീവനക്കാരന് ബാങ്ക് മാനേജ്മെന്റ് കാരണം കാണിക്കൽ നോട്ടീസ് നൽകിയിരുന്നു. ഇതിനെതിരേ ബാങ്ക് ജീവനക്കാർ ബി.ഇ.എഫ്.ഐയുടെ നേതൃത്വത്തിൽ കനറാ ബാങ്ക് കോട്ടയം റീജിയണൽ ഓഫീസിന് മുന്നിൽ പ്രതിഷേധ ധർണ്ണ നടത്തി. ധർണ്ണ സമരം ബി.ഇ.എഫ്.ഐ. സംസ്ഥാന ജോ. സെക്രട്ടറി കെ.പി. ഷാ ഉദ്ഘാടനം ചെയ്തു. ജില്ലാ പ്രസിഡൻ്റ് വി.പി. ശ്രീരാമൻ അദ്ധ്യക്ഷനായ യോഗത്തിൽ ബെഫി ജില്ലാ സെക്രട്ടറി കെ.കെ. ബിനു സ്വാഗതവും ജില്ലാ കമ്മിറ്റി അംഗം രാജേഷ് ദിവാകരൻ നന്ദിയും പ്രകാശിപ്പിച്ചു. എ.കെ.ബി.ആർ.എഫ് ജില്ലാ സെക്രട്ടറി ആർ.എ.എൻ റെഡ്യാർ, കെ.ഡി. സുരേഷ്, റെന്നി പി.സി. തുടങ്ങിയവർ സംസാരിച്ചു. കാരണം കാണിക്കൽ നോട്ടീസ് പിൻവലിച്ചിലെങ്കിൽ സമരം കനറാബാങ്ക് ശാഖകൾക്ക് മുന്നിലേക്ക് വ്യാപിക്കുമെന്ന്…
Read More » -
ജനങ്ങൾക്ക് ഭീക്ഷണിയായി ടെലിഫോൺ പോസ്റ്റ്
മുണ്ടക്കയം: ടെലിഫോൺ പോസ്റ്റ് താഴെവീഴാറായിട്ടും വകുപ്പ് അറിഞ്ഞിട്ടില്ല.മുണ്ടക്കയത്തിന് സമീപം കോരുത്തോടാണ് സംഭവം.കോരുത്തോട് പഞ്ചായത്ത് ഓഫീസ് ജംഗ്ഷനിൽ സ്കൂൾ കുട്ടികളും യാത്രക്കാരും ബസ് കാത്തു നിൽക്കുന്ന ബസ് സ്റ്റോപ്പിലാണ് അപകടകാരമായി വീഴാറായി നിൽക്കുന്ന ടെലിഫോൺ പോസ്റ്റ്. കാലപ്പഴക്കം കൊണ്ട് ചുവട് ദ്രവിച്ച പോസ്റ്റ് ഏതുസമയത്തും വീഴാവുന്ന നിലയിലാണ്.പോസ്റ്റ് അടിയന്തിരമായി നീക്കം ചെയ്യാൻ ബിഎസ്എൻഎൽ അധികൃതർ നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.
Read More » -
ഇഷ്ടമില്ലാത്ത വിവാഹം വീട്ടുകാർ തീരുമാനിച്ചതിന്റെ പേരിൽ 21കാരി വീട്ടിനുള്ളിൽ ജീവനൊടുക്കി
കാഞ്ഞങ്ങാട്: 21 കാരിയായ യുവതിയെ വീട്ടിനകത്ത് മരിച്ച നിലയിൽ കണ്ടെത്തി. പനയാൽ എക്കാൽ സ്വദേശി കൃഷ്ണന്റെ മകൾ നീതു കൃഷ്ണയാണ് മരിച്ചത്. തിങ്കളാഴ്ച സന്ധ്യയ്ക്ക് വീട്ടിനകത്ത് തൂങ്ങി മരിച്ച നിലയിലാണ് കണ്ടെത്തിയത്. കൂട്ടപ്പുന്ന സ്വസ്തി ക്ലബ് ശിങ്കാരി മേളം കലാകാരിയും ഡി.വൈ.എഫ്.ഐ കൂട്ടപ്പുന്ന എക്സ്ക്യൂടീവ് അംഗവുമായിരുന്നു. ഇഷ്ടമില്ലാത്ത വിവാഹം ബന്ധുക്കൾ തീരുമാനിച്ചതിൽ യുവതിക്ക് മനോവിഷമം ഉണ്ടായിരുന്നതായി പൊലീസിന് വിവരം ലഭിച്ചിട്ടുണ്ട്. ബേക്കൽ പൊലീസ് അസ്വഭാവിക മരണത്തിന് കേസെടുത്തു. ഇൻക്വസ്റ്റ് നടത്തിയ മൃതദേഹം കാഞ്ഞങ്ങാട് ജില്ലാ ആശുപത്രിയിലേക്ക് മാറ്റി. ചൊവ്വാഴ്ച പോസ്റ്റ് മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു കൊടുക്കും. ശ്രീലതയാണ് മാതാവ്. സഹോദരൻ: ജിതിൻ കൃഷ്ണ.
Read More » -
സമ്പൂർണ വാക്സിനേഷൻ തീവ്രയജ്ഞം: കോട്ടയം ജില്ലാതല ആലോചനായോഗം സെബാസ്റ്റ്യൻ കുളത്തുങ്കൽ എം.എൽ.എ ഉദ്ഘാടനം ചെയ്തു
കോട്ടയം: ദേശീയതലത്തിൽ നടക്കുന്ന സമ്പൂർണ വാക്സിനേഷൻ തീവ്രയജ്ഞത്തിന്റെ ജില്ലാതല യോഗം ഈരാറ്റുപേട്ടയിൽ അഡ്വ: സെബാസ്റ്റ്യൻ കുളത്തുങ്കൽ എം.എൽ.എ ഉദ്ഘാടനം ചെയ്തു. ജില്ലയിൽ സമ്പൂർണ വാക്സിനേഷൻ പൂർത്തിയാക്കാൻ എല്ലാവരും മുന്നിട്ടിറങ്ങണമെന്നും അദ്ദേഹം ആവശ്യപ്പെട്ടു. സംസ്ഥാനത്ത് വാക്സിനേഷനിൽ ഏറ്റവും മുന്നിൽ നിൽക്കുന്ന ജില്ലയായ കോട്ടയത്ത് വാക്സിനേഷനിൽ പിന്നിൽ നിൽക്കുന്ന പൂഞ്ഞാർ മണ്ഡലത്തിലെ ഈരാറ്റുപേട്ട നഗരസഭ, പാറത്തോട് ഗ്രാമപഞ്ചായത്തുകളിൽ രാഷ്ട്രീയ മത സംഘടനകൾ യുവജന സംഘടനകൾ എന്നിവയുടെ സഹകരണത്തോടെ ഉദ്യമം പൂർത്തിയാക്കുമെന്ന് അദ്ദേഹം പറഞ്ഞു. വ്യാപാരഭവൻ ഹാളിൽ നടന്ന യോഗത്തിൽ നഗരസഭ അധ്യക്ഷ സുഹറാ അബ്ദുൽ ഖാദർ അധ്യക്ഷത വഹിച്ചു. ജില്ലാ മെഡിക്കൽ ഓഫീസർ ഡോ. എൻ പ്രിയ മുഖ്യപ്രഭാഷണം നടത്തി. ഇന്നു മുതൽ 12 വരെ ജില്ലയിലുടനീളം പ്രത്യേക വാക്സിനേഷൻ ക്യാമ്പുകൾ സംഘടിപ്പിക്കുമെന്നും രണ്ടാം ഘട്ട ക്യാമ്പുകൾ സെപ്റ്റംബർ 11 മുതൽ 16 വരെയും, മൂന്നാം ഘട്ട ക്യാമ്പുകൾ ഒക്ടോബർ 9 മുതൽ 14 വരെയും നടക്കുമെന്നും ഡി എം ഓ അറിയിച്ചു. ആരോഗ്യ…
Read More » -
ദ് ടേസ്റ്റ് ഓഫ് തലയാഴം; മൂല്യ വർദ്ധിത ഭക്ഷ്യോത്പന്നങ്ങൾ വിപണിയിലേക്ക്
കോട്ടയം: തലയാഴത്ത് കാർഷികമൂല്യ വർദ്ധിത ഭക്ഷ്യ ഉത്പന്നങ്ങളുടെ വിപണന കേന്ദ്രം ഉദ്ഘാടനം ചെയ്തു. ദ് ടേസ്റ്റ് ഓഫ് തലയാഴം എന്ന പേരിൽ ആരംഭിച്ച വിപണന കേന്ദ്രത്തിന്റെ ഉദ്ഘാടനം സി.കെ. ആശ എം.എൽ.എ നിർവഹിച്ചു. ജില്ലാ പഞ്ചായത്ത് പ്രസിഡന്റ് കെ. വി. ബിന്ദു ഭക്ഷ്യോത്പന്നങ്ങൾ തലയാഴം ഗ്രാമപഞ്ചായത്ത് വൈസ് പ്രസിഡന്റ് ജെൽസി സോണിക്ക് കൈമാറി. ജില്ലാ പഞ്ചായത്തംഗം ഹൈമി ബോബിയുടെ നിർദ്ദേശപ്രകാരം 2022 – 23 വാർഷിക പദ്ധതിയിൽ ഉൾപ്പെടുത്തി കുടുംബശ്രീ ജില്ലാ മിഷൻ, കുമരകം കാർഷിക വിജ്ഞാനകേന്ദ്രം എന്നിവയുടെ സഹകരണത്തോടെയാണ് കോമൺ ഫെസിലിറ്റി സെന്റർ തലയാഴം തോട്ടകത്ത് സ്ഥിതി ചെയ്യുന്ന പഞ്ചായത്ത് വക കെട്ടിടത്തിൽ ആരംഭിച്ചത്. വനിതാ സംരംഭകരെ പ്രോത്സാഹിപ്പിക്കുക എന്ന ലക്ഷ്യത്തോടെയാണ് ജില്ലാ പഞ്ചായത്ത് പദ്ധതി നടപ്പാക്കുന്നത്. തലയാഴം കൂടാതെ സമീപ പഞ്ചായത്തുകളിലെ കർഷകർക്ക് കൂടി ഗുണകരമാകുന്ന വിധമാണ് ജില്ലാ പഞ്ചായത്ത് പദ്ധതി വിഭാവനം ചെയ്തിട്ടുള്ളത്. കാർഷിക ഉത്പന്നങ്ങൾ സംസ്കരിച്ച് മൂല്യ വർദ്ധിത ഉൽപ്പന്നങ്ങളാക്കി വിപണിയിൽ എത്തിക്കുകയാണ് ലക്ഷ്യം. ഇതിനായി…
Read More »