Kerala
-
ഭര്ത്താവ് കിണറ്റില് വീണു; രക്ഷിക്കാന് കയറില് തൂങ്ങിയിറങ്ങിയ ഭാര്യയും വെള്ളത്തിലായി, ഒടുവില് ഇരുവരെയും രക്ഷപ്പെടുത്തി
എറണാകുളം: കുരുമുളക് പറിക്കുന്നതിനിടെ മരം ഒടിഞ്ഞ് കിണറ്റില് വീണ ഭര്ത്താവിനെ രക്ഷപ്പെടുത്താന് സാഹസികമായി കയറില് തൂങ്ങി ഇറങ്ങി ഭാര്യ. എന്നാല്, രക്ഷാപ്രവര്ത്തനത്തിനിടെ കയറില് നിന്ന് പിടിവിട്ട് ഭാര്യയും വെള്ളത്തില് വീണു. ഒടുവില് ഇരുവരെയും അഗ്നിരക്ഷാ സേനയെത്തി രക്ഷപ്പെടുത്തി. പിറവം നഗരസഭ 8-ാം വാര്ഡില് പാറേക്കുന്നില് ഇന്നലെ ഉച്ചയോടെയായിരുന്നു സംഭവം. ഇലഞ്ഞിക്കാവില് രമേശന് (66), ഭാര്യ പത്മം(56) എന്നിവരാണ് 40 അടി താഴ്ചയുള്ള കിണറ്റില് വീണത്. രമേശന് കിണറ്റില് വീഴുന്നതു കണ്ട പത്മം സമീപത്തു നിന്നു കയര് കൊണ്ടു വന്നു. ഓടിയെത്തിയ നാട്ടുകാര് എന്തുചെയ്യണമെന്നറിയാതെ നിന്നപ്പോള് പത്മം തന്നെ കിണറ്റില് ഇറങ്ങി. പകുതി ഇറങ്ങിയപ്പോള് കയര് വഴുതി പത്മവും കിണറ്റിലേക്കു വീഴുകയായിരുന്നു. വീഴ്ചയില് തലയ്ക്കു പരിക്കേറ്റ രമേശനെ അഗ്നിരക്ഷാ സേന എത്തും വരെ പത്മം താങ്ങി നിര്ത്തി. കിണറ്റില് 5 അടി ഉയരത്തില് മാത്രമാണ് വെള്ളമുണ്ടായിരുന്നത്. കൂടുതല് ചികിത്സയ്ക്കായി ഇരുവരെയും കൊച്ചിയിലെ ആശുപത്രിയില് പ്രവേശിപ്പിച്ചു.
Read More » -
”കേരളത്തിന്റെ ശാപം; സുരേഷ് ഗോപിയെയും ജോര്ജ് കുര്യനെയും കൊണ്ട് ഒരു ഗുണവുമില്ല”
തിരുവനന്തപുരം: ജോര്ജ് കുര്യനും സുരേഷ് ഗോപിയും കേരളത്തിന്റെ ശാപമായി മാറിയെന്ന് കോണ്ഗ്രസ് നേതാവ് കെ. മുരളീധരന്. രണ്ട് മന്ത്രിമാരെക്കൊണ്ടും കേരളത്തിന് ഒരു ഉപകാരവുമില്ല. നിര്മല സീതാരാമന് അവതരിപ്പിച്ച ബജറ്റ് കേരളത്തെ മൊത്തം അപമാനിക്കുന്നതാണെന്നും കെ മുരളീധരന് തിരുവനന്തപുരത്ത് നടത്തിയ വാര്ത്താ സമ്മേളനത്തില് പറഞ്ഞു. സുരേഷ് ഗോപി പറഞ്ഞത് സമൂഹം ഗൗരവത്തില് ചര്ച്ച ചെയ്യേണ്ട വിഷയമാണ്. എന്താണ് ഉന്നതകുല ജാതനെന്ന് മനസിലാവുന്നില്ലെന്നും കെ മുരളീധരന് പറഞ്ഞു. കിഫ് ബിയുടെ ദോഷങ്ങള് അന്നുതന്നെ നിയമസഭയില് ചൂണ്ടിക്കാണിച്ചതാണ്. കിഫ് ബി കൂടി ടോള് പിരിക്കുന്നതോടെ കേരളം ടോള് കൊടുത്ത് മുടിയും. ആളുകള്ക്ക് ട്രെയിനുകളെ ആശ്രയിക്കേണ്ടിവരുമെന്നും മുരളീധരന് പറഞ്ഞു. മുഖ്യമന്ത്രി ആരെന്ന കാര്യത്തില് തരൂര് പറഞ്ഞ കാര്യമേ പറയാനൂള്ളു. ബില്ഡിങ് പൂര്ത്തിയായിട്ട് പേരെ ഫര്ണീച്ചര് വാങ്ങുന്നത്. ആദ്യം അധികാരം കിട്ടട്ടെ. എന്നിട്ടാവാം മറ്റുകാര്യങ്ങളെന്നും മുരളീധരന് പറഞ്ഞു. തൃശൂരിലെ തെരഞ്ഞെടുപ്പ് തോല്വിയില് താന് പരാതി പറഞ്ഞിട്ടില്ലെന്നും മുരളീധരന് വ്യക്തമാക്കി. വസ്തുതകള് മനസിലാക്കാതെ തൃശൂരില് മത്സരിച്ചതാണ് താന് ചെയ്ത തെറ്റ്.…
Read More » -
വി.പി ജോയ് വിരമിച്ച ശേഷവും വൻ തുക കൈപ്പറ്റി: മുൻ ചീഫ് സെക്രട്ടറി അധികമായി 20 ലക്ഷം രൂപ കൈപ്പറ്റിയതായി എ.ജി
മുൻ ചീഫ് സെക്രട്ടറി വി പി ജോയ് വിരമിച്ചതിന് ശേഷവും വഹിക്കുന്ന പദവിയിൽ അധിക വേതനം കൈപ്പറ്റുന്നതായി അക്കൗണ്ട് ജനറൽ ഓഫീസിൻ്റെ പരിശോധനയിൽ കണ്ടെത്തി. പൊതുഭരണവകുപ്പിൽ എജി നടത്തിയ പരിശോധനയിലാണ് ഈ കണ്ടെത്തൽ. 2024 ജൂൺ വരെയുള്ള ഒരു വർഷം 20 ലക്ഷത്തോളം രൂപ അധികമായി കൈപ്പറ്റിയെന്നാണ് കണ്ടെത്തിയത്. റിപ്പോര്ട്ടിന്റെ പകര്പ്പ് വിവരാവകാശ നിയമപ്രകാരമാണ് ലഭിച്ചത്. ചീഫ് സെക്രട്ടറിയായി വിരമിച്ചതിനു ശേഷം കേരള പബ്ലിക് എന്റർപ്രൈസസ് റിക്രൂട്ട്മെന്റ് ബോർഡ് ചെയർമാന് ആയി പ്രവർത്തിക്കുകയാണ് വി പി ജോയ്. ഓൾ ഇന്ത്യ സർവീസിൽ നിന്ന് വിരമിച്ച ഓഫീസർ സംസ്ഥാന സർക്കാരിന് കീഴിൽ പുനർനിയമനം നേടിയാൽ പെന്ഷനും പുതിയ ജോലിയിലെ ശമ്പളവും ചേർന്ന തുക സർവീസിൽ അവസാന മാസം വാങ്ങിയ ശമ്പളത്തേക്കാൾ കുറവാകണം എന്നാണ് ചട്ടം. എന്നാൽ പുതിയ ജോലിയിൽ അലവൻസുകൾക്ക് പുറമെ 2. 25 ലക്ഷം രൂപ അടിസ്ഥാന മാസ ശമ്പളമായി ജോയി കൈപ്പറ്റുന്നു. കൂടാതെ മാസം 112500 രൂപ…
Read More » -
തൃശൂരിൽ ആന ഇടഞ്ഞു: കുത്തേറ്റ ഒരാൾ മരിച്ചു, ചികിത്സയിലുള്ള പാപ്പാൻ ഗുരുതരാവസ്ഥയിൽ
തൃശൂർ: ഉത്സവത്തിനെത്തിച്ച ആനയുടെ കുത്തേറ്റ് ഒരാൾ മരിച്ചു. തൃശൂർ എളവള്ളി ബ്രഹ്മകുളം ശ്രീ പൈങ്കണിക്കൽ ക്ഷേത്രത്തിലെ ഉത്സവത്തിന് കച്ചവടത്തിനെത്തിയ ആലപ്പുഴ സ്വദേശി ആനന്ദാണ് മരിച്ചത്. ചിറയ്ക്കൽ ഗണേശൻ എന്ന ആനയാണ് ഇയാളെ ആക്രമിച്ചത്. ആനയുടെ ആക്രമണത്തിൽ പരുക്കേറ്റ പാപ്പാൻ്റെ നില അതീവ ഗുരുതരമാണ്. കുളിപ്പിക്കുന്ന സ്ഥലത്ത് നിന്ന് പാപ്പാനെ കുത്തിയ ശേഷം ഓടിയ ആന വഴിമധ്യേ ആനന്ദിനെയും ആക്രമിക്കുകയായിരുന്നു. ഇവിടെ നിന്ന് പിന്നെയും നാലു കിലോമീറ്റർ ഓടി കണ്ടാണശ്ശേരി ഭാഗത്തെത്തിയപ്പോഴാണ് ആനയെ തളക്കാനായത്. മരിച്ച ആനന്ദിന്റെ മൃതദേഹം ചാവക്കാട് താലൂക്ക് ആശുപത്രിയിൽ സൂക്ഷിച്ചിരിക്കുകയാണ്.
Read More » -
പൊലീസ് സ്പോര്ട്സ് ക്വോട്ടയില് പിന്വാതില് നിയമനം: കായിക ചുമതലയില്നിന്ന് അജിത്കുമാറിനെ മാറ്റി
തിരുവനന്തപുരം: പൊലീസിലെ കായിക ചുമതലയില്നിന്ന് എഡിജിപി എം.ആര്.അജിത് കുമാറിനെ നീക്കി. ബോഡി ബില്ഡിങ് താരങ്ങളെ ആംഡ് ബറ്റാലിയന് ഇന്സ്പെക്ടര്മാരായി നിയമിക്കുന്നത് വിവാദമായതിനു പിന്നാലെയാണ് ചുമതലയില് മാറ്റം. അജിത് കുമാറിനു പകരം എഡിജിപി എസ്.ശ്രീജിത്തിനാണു പുതിയ ചുമതല. ബോഡി ബില്ഡിങ് താരങ്ങള്ക്കു പുറമെ വോളിബോള് താരത്തിനും പൊലീസില് പിന്വാതില് നിയമനം നല്കാന് നീക്കം നടന്നിരുന്നു. കണ്ണൂര് സ്വദേശിയെ സിവില് പൊലീസ് ഉദ്യോഗസ്ഥനാക്കാനായിരുന്നു സമ്മര്ദം. ഇതിനു തയാറാകാതിരുന്ന അജിത് കുമാര് ചുമതല മാറ്റാന് ആവശ്യപ്പെട്ടിരുന്നു. സര്ക്കാര് ഉത്തരവും സ്പോര്ട്സ് ക്വോട്ട നിയമന ചട്ടങ്ങളും ഡിജിപിയുടെ ശുപാര്ശയും അട്ടിമറിച്ച്, സര്ക്കാര് അംഗീകരിക്കാത്ത കായിക ഇനമായ ബോഡി ബില്ഡിങ്ങിലെ രണ്ടു താരങ്ങളെ പൊലീസില് ആംഡ് ബറ്റാലിയന് ഇന്സ്പെക്ടര്മാരായി നിയമിക്കാന് കഴിഞ്ഞ ദിവസം മന്ത്രിസഭായോഗത്തിലെടുത്ത തീരുമാനമാണു വിവാദത്തിലായത്. രാജ്യാന്തര ബോഡി ബില്ഡിങ് ചാംപ്യന്ഷിപ്പുകളില് വിജയം നേടിയ കണ്ണൂര് സ്വദേശി ഷിനു ചൊവ്വയെയും കൊച്ചി സ്വദേശി ചിത്തരേഷ് നടേശനെയും പൊലീസില് ഗസറ്റഡ് റാങ്കില് നിയമിച്ചതാണു വിവാദത്തിലായത്. ഫുട്ബോള് താരങ്ങളായ അനസ്…
Read More » -
സമരക്കാര് കെഎസ്ആര്ടിസി ബസുകള് കേടാക്കി; അന്വേഷണത്തിന് ഉത്തരവിട്ട് മന്ത്രി
തിരുവനന്തപുരം: കെഎസ്ആര്ടിസിയില് ഐഎന്ടിയുസി യൂണിയനുകളുടെ കൂട്ടായ്മയായ ട്രാന്സ്പോര്ട്ട് ഡെമോക്രാറ്റിക് ഫെഡറേഷന് (ടിഡിഎഫ്) ആഹ്വാനം ചെയ്ത സമരത്തില് കൊട്ടാരക്കര ഡിപ്പോയിലെ കെഎസ്ആര്ടിസി ബസ്സുകള് കേടുപാടുകള് വരുത്തി. കൊട്ടാരക്കര ഡിപ്പോയിലെ പത്ത് കെഎസ്ആര്ടിസി ബസ്സുകളുടെ വയറിങ് കിറ്റ് അടക്കം നശിപ്പിച്ചതോടെ സര്വീസ് മുടങ്ങിയതായി അധികൃതര് അറിയിച്ചു. സംഭവത്തില് ഗതാഗത വകുപ്പ് മന്ത്രി കെബി ഗണേഷ്കുമാര് അന്വഷണത്തിന് ഉത്തരവിട്ടു അഞ്ച് ഫാസ്റ്റ്, അഞ്ച് ഓര്ഡിനറി ബസ്സുകളുടെ വയറിങ് കിറ്റും, സ്റ്റാര്ട്ടര്, കേബിളുകളും, ഹെഡ് ലൈറ്റും അടക്കമാണ് നശിപ്പിച്ചത്. ആറ് ബസ്സുകളുടെ തകരാറുകള് പരിഹരിച്ചു സര്വീസ് നടത്തിയെങ്കിലും ആദ്യ സര്വീസ് മുടങ്ങിയത് വന് നഷ്ടമായി. സംഭവത്തില് കൊട്ടാരക്കര പൊലീസ് കേസ് എടത്തു. വാഹനങ്ങള് നശിപ്പിച്ചുകൊണ്ടുള്ള ഇത്തരം സമരങ്ങള്ക്ക് എതിരെ കടുത്ത പ്രതിഷേധമുണ്ടെന്ന് സിഐടിയു അറിയിച്ചു. കഴിഞ്ഞ അര്ധരാത്രി മുതല് ഇന്ന് അര്ധരാത്രി വരെയാണ് പണിമുടക്ക്. ഇതിനെ നേരിടാന് സര്ക്കാര് ഡയസ്നോണ് പ്രഖ്യാപിച്ചു. 12 പ്രധാന ആവശ്യങ്ങള് ഉന്നയിച്ചാണ് സമരം. എല്ലാ മാസവും അഞ്ചിനു മുന്പു നല്കുമെന്ന് മുഖ്യമന്ത്രിയും…
Read More » -
കെഎസ്ആര്ടിസിയില് പണിമുടക്ക് ആരംഭിച്ചു, സമരം ഇന്ന് രാത്രി 12 മണിവരെ
തിരുവനന്തപുരം: കെഎസ്ആര്ടിസിയിലെ ഒരു വിഭാഗം ജീവനക്കാരുടെ 24 മണിക്കൂര് പണിമുടക്ക് ആരംഭിച്ചു. ഇന്നു രാത്രി 12വരെയാണ് പണിമുടക്ക്. വിവിധ ആവശ്യങ്ങളുന്നയിച്ച് ട്രാന്സ്പോര്ട്ട് ഡെമോക്രാറ്റിക് ഫെഡറേഷന്റെ (ടിഡിഎഫ്) നേതൃത്വത്തിലാണ് പണിമുടക്കുന്നത്. ശമ്പളവും പെന്ഷനും കൃത്യമായി വിതരണം ചെയ്യുക, 31ശതമാനം ഡിഎ കുടിശിക അനുവദിക്കുക, റൂട്ടുകള് സ്വകാര്യവത്കരിക്കാനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങളുന്നയിച്ചാണ് ഐഎന്ടിയുസി യൂണിയനുകളുടെ കൂട്ടായ്മയായ ടിഡിഎഫിന്റെ പണിമുടക്ക്. എല്ലാ മാസവും അഞ്ചാം തീയതിക്ക് മുന്പ് ശമ്പളം നല്കുമെന്ന് മുഖ്യമന്ത്രിയും ഗതാഗത മന്ത്രിയും പ്രഖ്യാപിച്ചിരുന്നു. എന്നാല് ഇപ്പോഴും ശമ്പളം നല്കുന്നത് മാസം പകുതിയോടെയാണ്. ഇതും സമരത്തിന്റെ മറ്റൊരു കാരണമാണ്. എസ്ടിയു, എഫ്എഫ്ജെ എന്നീ സംഘടനകളും സമരത്തിന് പിന്തുണ പ്രഖ്യാപിച്ചതായി ടിഡിഎഫ് നേതാക്കള് അറിയിച്ചു. അതേസമയം, പണിമുടക്കാത്ത ജീവനക്കാരെ ഉപയോഗിച്ച് പരമാവധി സര്വീസുകള് നടത്താനാണ് മാനേജ്മെന്റിന്റെ തീരുമാനം. പണിമുടക്കിനെ നേരിടാന് സര്ക്കാര് ഡയസ്നോണ് പ്രഖ്യാപിച്ചിട്ടുണ്ട്. സിവില് സര്ജന്റെ റാങ്കില് കുറയാത്ത മെഡിക്കല് ഓഫീസര് നല്കുന്ന സര്ട്ടിഫിക്കറ്റിന്റെ അടിസ്ഥാനത്തില് അല്ലാതെ അവധി അനുവദിക്കരുതെന്നാണ് മാനേജ്മെന്റിന്റെ നിര്ദേശം.…
Read More » -
അമ്മ തിരയിൽപ്പെടുന്നതു കണ്ട് രക്ഷിക്കാനിറങ്ങിയ 14കാരൻ കടലിൽ മുങ്ങി മരിച്ചു, സംഭവം കണ്ണമാലി പുത്തൻതോട് ബീച്ചിൽ
കടലിൽ കുളിക്കുന്നതിനിടെ തിരയിൽപ്പെട്ട മാതാവിനെ രക്ഷിക്കാൻ ശ്രമിച്ച 14കാരന് ദാരുണാന്ത്യം. പള്ളുരുത്തി എസ്ഡിപിവൈ റോഡിൽ ചിത്തുപറമ്പിൽ ഹർഷാദിന്റെ മകൻ ഷാഹിദാണ് മരിച്ചത്. ഞായറാഴ്ച വൈകിട്ട് ആറരയോടെ കണ്ണമാലി പുത്തൻതോട് ബീച്ചിൽ കുടുംബത്തോടൊപ്പം കുളിക്കാനിറങ്ങിയതായിരുന്നു ഷാഹിദ്. മാതാവ് ഷാഹിന തിരയിൽപ്പെടുന്നതു കണ്ടു രക്ഷിക്കാൻ ശ്രമിക്കുന്നതിനിടെയാണ് ഷാഹിദിനെ കാണാതായത്. കോസ്റ്റൽ പൊലീസും മത്സ്യത്തൊഴിലാളികളും ചേർന്ന് ഷാഹിനയെ രക്ഷപ്പെടുത്തിയെങ്കിലും മകനെ കണ്ടെത്താനായില്ല. തുടർന്ന്, നാട്ടുകാരും അഗ്നി രക്ഷാസേനയും മുങ്ങൽ വിദഗ്ധരും തിരച്ചിൽ നടത്തിയെങ്കിലും കണ്ടെത്താനായില്ല. ഇന്നലെ മത്സ്യത്തൊഴിലാളികൾ നടത്തിയ തിരച്ചിലിലാണ് ഷാഹി ൻ്റെ മൃതദേഹം കണ്ടെത്തിയത്. കബറടക്കം നടത്തി.
Read More » -
നിധിയും കിട്ടിയില്ല, പദവികളും പോയി: നിധി തേടിപ്പോയ മുസ്ലിം ലീഗ് നേതാവിനെ പാർട്ടി പുറത്താക്കി; പഞ്ചായത്ത് വൈസ് പ്രസിഡൻ്റ് സ്ഥാനവും നഷ്ടമാകും
കാസർകോട്: കുമ്പള ആരിക്കാടി കോട്ടയിലെ നിധി കണ്ടെടുക്കാൻ പോയ കേസിൽ ഉൾപ്പെട്ട മൊഗ്രാൽ പുത്തൂർ ഗ്രാമപഞ്ചായത് വൈസ് പ്രസിഡന്റും മുസ്ലിം ലീഗ് നേതാവുമായ മുജീബ് കമ്പാറിനോട് വിശദീകരണം തേടാനും മുസ്ലിം ലീഗിലും പോഷക സംഘടനകളിലും വഹിക്കുന്ന പദവികളിൽ നിന്നും ഒഴിവാക്കാനും തീരുമാനിച്ചതായി മുസ്ലിം ലീഗ് ജില്ലാ നേതൃത്വം അറിയിച്ചു. മുജീബിനെതിരെ ഉചിതമായ നടപടി സ്വീകരിക്കണമെന്ന് നേരത്തെ മുസ്ലീം ലീഗ് മൊഗ്രാൽ പുത്തൂർ പഞ്ചായത് കമ്മിറ്റിയും കാസർകോട് മണ്ഡലം കമ്മിറ്റിയും ജില്ലാ കമ്മിറ്റിക്ക് ശിപാർശ നൽകിയിരുന്നു. ഒരാഴ്ച മുമ്പാണ് പുരാവസ്തു വകുപ്പിന്റെ അധീനതയിലുള്ള കുമ്പള ആരിക്കാടി കോട്ടയിൽ അഞ്ചംഗ സംഘം നിധി കുഴിച്ചെടുക്കാൻ ശ്രമിച്ചത്. ശബ്ദം കേട്ട് പ്രദേശവാസികളെത്തി പൊലീസിൽ വിവരം അറിയിച്ചതോടെ മുജീബ് കമ്പാർ ഉൾപ്പെടെ 5 പേരെ പൊലീസ് അറസ്റ്റ് ചെയ്തു. പുരാവസ്തു വകുപ്പിന്റെ പരാതിയിലും ഇവർക്കെതിരെ കേസെടുത്തിട്ടുണ്ട്. ബിജെപി, സിപിഎം, കോൺഗ്രസ് തുടങ്ങാം കക്ഷികളെല്ലാം തന്നെ മുജീബ് കമ്പാറിനെ പഞ്ചായത് അംഗത്വത്തിൽ നിന്നും പുറത്താക്കണമെന്ന് ആവശ്യപ്പെട്ടിരുന്നു.…
Read More » -
18കാരി ജീവനൊടുക്കി; മരണം വിവാഹത്തിനു 4 നാൾ മുമ്പ്
മഞ്ചേരിക്കടുത്ത് കാരക്കുന്നിൽ 18 കാരി പെൺകുട്ടിയെ ജീവനൊടുക്കിയ നിലയിൽ കണ്ടെത്തി. ആമയൂർ റോഡ് പുതിയത്ത് വീട്ടിൽ പരേതനായ ഷർഷ സിനിവറിന്റെയും സുനീറയുടെയും മകൾ ഷൈമ സിനിവർ ആണ് മരിച്ചത്. മൃതദേഹം മെഡിക്കൽ കോളജ് ആശുപത്രി മോർച്ചറിയിൽ. പോസ്റ്റ്മോർട്ടത്തിനു ശേഷം കബറടക്കം ഇന്ന് (ചൊവ്വാ) ഉച്ചയ്ക്ക് കാരക്കുന്ന് വലിയ ജുമാമസ്ജിദിൽ. ഇന്നലെ വൈകിട്ട് അഞ്ചര മണിയോടെയാണ് സംഭവം. കാരക്കുന്നിലുള്ള പിതൃസഹോദരന്റെ വീടിന്റെ ടെറസിലുള്ള കമ്പിയിൽ കഴുത്തിൽ ഷാൾ ഉപയോഗിച്ച് തൂങ്ങിയ നിലയിലായിരുന്നു. കഴിഞ്ഞ വെള്ളിയാഴ്ചയായിരുന്നു ഷൈമയുടെ വിവാഹ നിശ്ചയം. അടുത്ത ദിവസം നിക്കാഹ് നടക്കാനിരിക്കെയാണ് സംഭവം. കാരക്കുന്ന് ഹയർ സെക്കൻഡറി സ്കൂളിൽ പ്ലസ് ടു പഠനത്തിനു ശേഷം പിഎസ്സി പരീക്ഷാ പരിശീലനം നടത്തുകയായിരുന്നു. സഹോദരങ്ങൾ: തസ്നി സിനിവർ, നിഷാൽ.
Read More »