Kerala
-
തരൂരിന് മുന്നണിയിലും പിന്തുണ നഷ്ടമാകുന്നു; കൈവിട്ട് ലീഗും ആര്എസ്പിയും; കോണ്ഗ്രസിനും വിമര്ശനം
തിരുവനന്തപുരം: സമീപകാല പ്രസ്താവനകളും പ്രവര്ത്തനങ്ങളും മൂലം ശശി തരൂര് എംപിക്ക് യുഡിഎഫ് ഘടകകക്ഷികളുടെ പിന്തുണ കൂടി നഷ്ടമാകുന്നു. പല പ്രതിസന്ധി ഘട്ടങ്ങളിലും പിന്തുണച്ചിരുന്ന മുസ്ലിം ലീഗും ആര്എസ്പിയും ശശി തരൂരിനെതിരെ പരസ്യമായി രംഗത്തെത്തി. യുഡിഎഫിന്റെ രാഷ്ട്രീയ നിലപാടുകളെ എതിര്ത്തുകൊണ്ടുള്ള തരൂരിന്റെ പ്രവര്ത്തനങ്ങളാണ് യുഡിഎഫ് ഘടകകക്ഷികളുടെ അപ്രീതിക്ക് ഇടയാക്കിയത്. ഇന്ത്യയിലെ ഇസ്രയേല് അംബാസഡര് സംഘടിപ്പിച്ച ഉച്ചഭക്ഷണ വിരുന്നില് തരൂര് പങ്കെടുത്തതാണ് അതിലൊന്ന്. ഇതേക്കുറിച്ച് പരാമര്ശിച്ചപ്പോള്, കോണ്ഗ്രസ് പാര്ട്ടിക്ക് ശശി തരൂരിന്റെ മേല് യാതൊരു നിയന്ത്രണവുമില്ലെന്ന് മുസ്ലിം ലീഗ് സംസ്ഥാന ജനറല് സെക്രട്ടറി പിഎംഎ സലാം പറഞ്ഞു. കോണ്ഗ്രസ് നേതൃത്വത്തിന്റെ അറിവില്ലാതെയാണ് തരൂര് കാര്യങ്ങള് ചെയ്യുന്നതെന്നും അദ്ദേഹം കൂട്ടിച്ചേര്ത്തു. ‘ശശി തരൂരിന്റെ ചില പ്രവൃത്തികളില് മുസ്ലീം ലീഗിന് കടുത്ത വിയോജിപ്പുണ്ട്. കുറച്ചുകാലമായി തരൂര് ഇതു തുടരുന്നു. ഇത് എങ്ങനെ കൈകാര്യം ചെയ്യണമെന്ന് തീരുമാനിക്കേണ്ടത് കോണ്ഗ്രസാണ്.’ പിഎംഎ സലാം ദി ന്യൂ ഇന്ത്യന് എക്സ്പ്രസിനോട് പറഞ്ഞു. കേരള രാഷ്ട്രീയത്തില് തരൂര് സജീവമാകുന്നത് തടയാന് സംസ്ഥാനത്തെ ഏതാനും…
Read More » -
ആകെ 24 മണിക്കൂറല്ലേ ഉള്ളൂ, ഉറങ്ങുന്ന സമയത്താണോ മദ്രസ പ്രവര്ത്തിക്കേണ്ടത്? മന്ത്രി ശിവന്കുട്ടിക്കെതിരെ രൂക്ഷവിമര്ശനവുമായി സമസ്ത
കോഴിക്കോട്: സ്കൂള് സമയമാറ്റ ആവശ്യത്തില് ഉറച്ച് സമസ്ത. സമുദായത്തിന്റെ കൂടി വോട്ടു നേടിയാണ് സര്ക്കാര് അധികാരത്തിലേറിയത്. സര്ക്കാരിന് വാശി പാടില്ലെന്ന് സമസ്ത അധ്യക്ഷന് ജിഫ്രി മുത്തുക്കോയ തങ്ങള് പറഞ്ഞു. വിദ്യാഭ്യാസ മന്ത്രിയുടെ മറുപടി മാന്യമായിരിക്കണം. സമയം വേറെ കണ്ടെത്താമെന്നാണെങ്കില് എല്ലാവര്ക്കും വേറെ സമയം കണ്ടെത്താമല്ലോ. പിന്നെ നമ്മള് സമയം കണ്ടെത്തണമെന്ന് പറഞ്ഞാല് ആകെ 24 മണിക്കൂറല്ലേ ഉള്ളൂവെന്ന് ജിഫ്രി മുത്തുക്കോയ തങ്ങള് പറഞ്ഞു. ഇതില് വേറെ എങ്ങനെയാണ് സമയം കണ്ടെത്തുക. ഉറങ്ങുന്ന സമയത്താണോ പിന്നെ മദ്രസ പ്രവര്ത്തിക്കേണ്ടത്?- ജിഫ്രി തങ്ങള് ചോദിച്ചു. വിദ്യാഭ്യാസ മന്ത്രിയുടെ ശൈലി ശരിയല്ല. മന്ത്രി അങ്ങനെയല്ല പറയേണ്ടത്. ആലോചിച്ച് ചെയ്യാം എന്നായിരുന്നു പറയേണ്ടിയിരുന്നത്. മറുപടികളൊക്കെ മാന്യമായി വേണം പറയാന്, ആരു പറയുകയാണെങ്കിലും… മനസ്സിലായില്ലേ. ജിഫ്രി മുത്തുക്കോയ തങ്ങള് പറഞ്ഞു. ആരും സമരം ചെയ്തിട്ടും കാര്യമില്ല, ഇതൊന്നും അംഗീകരിക്കില്ല എന്നൊക്കെ പലര്ക്കും പറയാം. അതു ശരിയല്ല. ഇത് വലിയ ഒരു സമൂഹത്തിന്റെ ആവശ്യമല്ലേ. സമുദായങ്ങളുടെ കാര്യങ്ങളൊക്കെ നോക്കാനല്ലേ ഇവിടെ…
Read More » -
വയനാട് കോണ്ഗ്രസില് കൈയാങ്കളി; ഡിസിസി പ്രസിഡന്റിനെ പ്രവര്ത്തകര് കയ്യേറ്റം ചെയ്തു
കല്പറ്റ: വയനാട് കോണ്ഗ്രസില് കയ്യാങ്കളി. ഡിസിസി പ്രസിഡന്റ് എന്.ഡി. അപ്പച്ചനെ പ്രവര്ത്തകര് കയ്യേറ്റം ചെയ്തു. മുള്ളന്കൊല്ലിയില് കോണ്ഗ്രസ് മണ്ഡലം കമ്മറ്റി വികസന സെമിനാറില്വെച്ചായിരുന്നു മര്ദനം. മണ്ഡലം പ്രസിഡന്റിനെ തിരഞ്ഞെടുക്കുന്നതുമായി ബന്ധപ്പെട്ടുണ്ടായ തര്ക്കങ്ങളാണ് കൈയാങ്കളിയില് കലാശിച്ചതെന്നാണ് വിവരം. സംഘര്ഷത്തെ തുടര്ന്ന് സെമിനാര് നടത്താനായില്ല. തദ്ദേശ തിരഞ്ഞെടുപ്പുമായി ബന്ധപ്പെട്ടുള്ള ആലോചനയോഗത്തിനിടയിലായിരുന്നു സംഭവം. എന്.ഡി. അപ്പച്ചനുമായി അടുത്ത ബന്ധം പുലര്ത്തുന്ന വ്യക്തിയാണ് നിലവിലെ മണ്ഡലം പ്രസിഡന്റ്. ഇതില് ഐ.സി. ബാലകൃഷ്ണന് ഗ്രൂപ്പിനും കെ.എല്. പൗലോസ് ഗ്രൂപ്പിനും എതിര്പ്പുകളുണ്ടായിരുന്നു. തദ്ദേശ തിരഞ്ഞെടുപ്പിനു മുന്നോടിയായി മണ്ഡലം പ്രസിഡന്റിനെ മാറ്റണമെന്ന തര്ക്കമാണ് ഡിസിസി പ്രസിഡന്റിനെ മര്ദിക്കുന്ന നിലയിലേക്ക് സ്ഥിതിഗതികള് എത്തിച്ചത്. ഏതാനും നാളുകളായി വയനാട് കോണ്ഗ്രസില് ചില അസ്വാരസ്യങ്ങളുണ്ട്. ഐ.സി. ബാലകൃഷ്ണനും എന്.ഡി. അപ്പച്ചനു തമ്മില് ഇത്തരത്തില് വാക്കുതര്ക്കം ഉണ്ടായതിന്റെ ഓഡിയോ സന്ദേശവും മുമ്പ് പുറത്തുവന്നിരുന്നു. വാക്കുതര്ക്കവും കടന്ന് കയ്യാങ്കളിയിലേക്ക് നീങ്ങിയതോടെ കോണ്ഗ്രസിന് നാണക്കേടുണ്ടാക്കുന്ന നിലയിലേക്കാണ് വയനാട്ടില് കാര്യങ്ങള് നീങ്ങുന്നത്. തദേശ തിരഞ്ഞെടുപ്പ് അടുത്തിരിക്കുന്ന ഘട്ടത്തില് ഉള്പാര്ട്ടിപ്പോര് കോണ്ഗ്രസിന് വയനാട്ടില്…
Read More » -
പ്രണയം എതിര്ത്തിന്റെ പേരില് യുവതിയുടെ അച്ഛനെ ബൈക്കിടിപ്പിച്ചു; ശിക്ഷ ഒഴിവാക്കാനാകില്ല, ആറുമാസം തടവ് ഒരുദിവസമാക്കി! 2000 രൂപ പിഴ 50,000 വുമാക്കി!
കൊച്ചി: പ്രണയം എതിര്ത്തതിന്റെ പേരില് 20 വര്ഷം മുന്പ് യുവതിയുടെ അച്ഛനെ ബൈക്കിടിപ്പിച്ച് വീഴ്ത്തിയ കേസില് ശിക്ഷയൊഴിവാക്കണമെന്ന ആവശ്യം അംഗീകരിക്കാതെ ഹൈക്കോടതി. എന്നാല്, യുവതിയുടെ അച്ഛന് ചെറിയ പരിക്കേ ഉണ്ടായിട്ടുള്ളൂവെന്നതടക്കം കണക്കിലെടുത്ത് ശിക്ഷ ആറുമാസം വെറുംതടവില്നിന്ന് ഒരുദിവസം തടവായി ചുരുക്കി. എന്നാല് 2000 രൂപ പിഴ 50,000 ആയി വര്ധിപ്പിച്ചു. ശിക്ഷയില് ഇളവുനല്കുന്നതിനെ എതിര്ത്ത് യുവതിയുടെ പിതാവും ഹൈക്കോടതിയിലെത്തിയിരുന്നു. എന്നാല്, മകള് ഇപ്പോള് വിവാഹമൊക്കെ കഴിച്ച് സ്വസ്ഥമായി താമസിക്കുകയാണെന്ന് പിതാവ് അറിയിച്ചതടക്കം കോടതി കണക്കിലെടുത്തു. കൊല്ലം സ്വദേശിയാണ് വിചാരണക്കോടതി വിധിച്ച ശിക്ഷ റദ്ദാക്കാനായി ഹൈക്കോടതിയിലെത്തിയത്. 2005 മേയ് 11-ന് രാത്രി 9.20-ന് ജോലികഴിഞ്ഞ് പോകുമ്പോള് പിന്നില്നിന്ന് ബൈക്കിടിച്ച് വീഴ്ത്തിയെന്നായിരുന്നു കേസ്. ചുണ്ടിനാണ് മുറിവേറ്റത്. മകളുമായുള്ള ഹര്ജിക്കാരന്റെ സ്നേഹബന്ധം ചോദ്യംചെയ്തതിനായിരുന്നു ആക്രമണമെന്നായിരുന്നു ആരോപണം. കേസില് കരുനാഗപ്പള്ളി മജിസ്ട്രേറ്റ് കോടതി ആറുമാസം സാധാരണതടവിനാണ് ശിക്ഷിച്ചത്. ഇത് കൊല്ലം സെഷന്സ് കോടതിയും ശരിവെച്ചു. തുടര്ന്നാണ് ഹൈക്കോടതിയിലെത്തിയത്. മാരകായുധമുപയോഗിച്ച് ആക്രമിച്ചെന്നായിരുന്നു കേസ്. ആക്രമണമല്ല, അപകടമായിരുന്നുവെന്നായിരുന്നു ഹര്ജിക്കാരന്റെ വാദം.…
Read More » -
കാര് സ്റ്റാര്ട്ട് ചെയ്യുന്നതിനിടെ പൊട്ടിത്തെറിച്ചു: അപകട കാരണം ഷോര്ട്ട് സര്ക്യൂട്ട് എന്ന് പ്രാഥമിക നിഗമനം, രണ്ടു കുട്ടികളുടെ നില അതീവഗുരുതരം
കൊച്ചി: പാലക്കാട് പൊല്പ്പുള്ളി അത്തിക്കോട്ടില് വീട്ടുമുറ്റത്ത് നിര്ത്തിയിട്ട കാര് സ്റ്റാര്ട്ട് ചെയ്യുന്നതിനിടെ പൊട്ടിത്തെറിച്ചുണ്ടായ അപകടത്തില് പരുക്കേറ്റ് ചികിത്സയിലുള്ള രണ്ടു കുട്ടികളുടെ നില അതീവ ഗുരുതരമായി തുടരുകയാണ്. 90 ശതമാനത്തിലേറെ പൊള്ളലേറ്റ ഇവര് കൊച്ചിയിലെ സ്വകാര്യ ആശുപത്രിയില് ചികിത്സയിലാണ്. കുട്ടികളുടെ അമ്മ എല്സിയ്ക്ക് 85 ശതമാനത്തിലേറെ പൊള്ളലുണ്ട്. ചിറ്റൂരില് അപകടം സംഭവിച്ച കാര് ഫയര് ഫോഴ്സ് സംഘം പരിശോധിച്ചു. അപകട കാരണമായത് കാറിന്റെ ബാറ്ററിയുടെ ഷോര്ട്ട് സര്ക്യൂട്ടാകാമെന്ന പ്രാഥമിക നിഗമനത്തിലാണ് ഫയര് ഫോഴ്സ് . അപകടത്തില് പരിക്കേറ്റ കുടുംബത്തിന്റെ ചികിത്സാ ചെലവ് സര്ക്കാര് ഏറ്റെടുക്കാനുള്ള നടപടികള് സ്വീകരിക്കുമെന്നു മന്ത്രി കൃഷ്ണന്കുട്ടി പറഞ്ഞു. ഈ അപകടത്തിന്റെ നഷ്ടപരിഹാരം മുഖ്യമന്ത്രിയുടെ ദുരിതാശ്വാസ നിധിയില് ഉള്പ്പെടുത്താനുള്ള ശ്രമം നടത്തുമെന്നും അദ്ദേഹംപറഞ്ഞു കാലപഴക്കമുള്ള വാഹനങ്ങള് ഉപയോഗിക്കുന്നതിന് പ്രത്യേക മാര്ഗ നിര്ദേശങ്ങള് തയ്യാറാക്കാന് ഗതാഗത വകുപ്പ് മന്ത്രിയോട് ആവശ്യപ്പെടുമെന്നും മന്ത്രി കൃഷ്ണന്കുട്ടി പറഞ്ഞു. ഇന്നലെയാണ് പാലക്കാട് പൊല്പ്പുള്ളി അത്തിക്കോട്ടില് വീട്ടുമുറ്റത്ത് നിര്ത്തിയിട്ട കാര് സ്റ്റാര്ട്ട് ചെയ്യുന്നതിനിടെ പൊട്ടിത്തെറിച്ചത്.
Read More » -
ഏഷ്യാനെറ്റ് വീണ്ടും 1-ാം സ്ഥാനത്ത്, റിപ്പോർട്ടർ 3-ാം സ്ഥാനത്തേയ്ക്കു മൂക്കുംകുത്തി വീണു
മലയാളം വാർത്താചാനല് റേറ്റിങ് ചരിത്രത്തില് ശ്രദ്ധേയമായ ചലനങ്ങളാണ് കഴിഞ്ഞ ആഴ്ച ഉണ്ടായത്. റേറ്റിങ്ങിലെ ഒന്നാം സ്ഥാനം വർഷങ്ങളോളം കയ്യടക്കി വെച്ചിരുന്ന ഏഷ്യാനെറ്റ് ന്യൂസ് മൂന്നാം സ്ഥാനത്തേക്ക് പിന്തള്ളപ്പെട്ടു. റിപ്പോർട്ടർ ഒന്നാം സ്ഥാനത്ത് എത്തി. ട്വന്റി ഫോറിനായിരുന്നു രണ്ടാം സ്ഥാനം. ഏഷ്യനെറ്റിനു സംഭവിച്ച ഈ തിരിച്ചടി സമൂഹമാധ്യമങ്ങളിലും മറ്റും വലിയ ചർച്ചകള്ക്കും പ്രചരണങ്ങള്ക്കും ഇടയാക്കി. ചരിത്രത്തില് ആദ്യമായിട്ടായിരുന്നു ഏഷ്യാനെറ്റ് റേറ്റിങില് മൂന്നാം സ്ഥാനത്തേക്ക് പിന്തള്ളപ്പെട്ടത്. എന്നാല് ഈ ആഴ്ചയിലെ ബാർക്ക് റേറ്റിങ് പുറത്ത് വന്നപ്പോള് ചിത്രം ആകെ കീഴ്മേല് മറിഞ്ഞു. ഏഷ്യാനെറ്റ് ന്യൂസ് വീണ്ടും ഒന്നാം സ്ഥാനത്തേക്ക് തിരികെ കയറി. അതേസമയം ഒന്നാം സ്ഥാനം നേടിയ റിപ്പോർട്ടർ മൂന്നാം സ്ഥാനത്തേക്ക് പിന്തള്ളപ്പെടുകയും ചെയ്തു. കഴിഞ്ഞയാഴ്ച സംഭവിച്ചത് കഴിഞ്ഞ ആഴ്ച റേറ്റിംഗ് പ്രകാരം ഒന്നാം സ്ഥാനം നേടിയ റിപ്പോര്ട്ടര് ടിവിക്ക് 118 പോയിന്റാണ് ലഭിച്ചത്. രണ്ടാം സ്ഥാനത്ത് 24 ന്യൂസ് എത്തി. മൂന്നാമതു വന്ന ഏഷ്യാനെറ്റ് ന്യൂസിന് 106 പോയിന്റായിരുന്നു. 7…
Read More » -
സംസ്ഥാന ബിജെപിയെ പൂര്ണമായും കൈപ്പിടിയിലാക്കി രാജീവ് ചന്ദ്രശേഖറിന്റെ ‘സര്ജിക്കല് സ്ട്രൈക്ക്’; ശബ്ദമുയര്ത്താന് പോലും ആളില്ലാതെ മുരളീധരന്- സുരേന്ദ്രന് ദ്വന്ദം; ഒതുക്കിയവരെല്ലാം മുന് നിരയില്; പൂര്ണ പിന്തുണയുമായി അമിത് ഷായും മോദിയും; ലക്ഷ്യം പെര്ഫോമന്സ് പൊളിറ്റിക്സ്
തിരുവനന്തപുരം: നേതാക്കളുടെ തന്നിഷ്ടത്തിലും സാമ്പത്തിക ക്രമക്കേടുകളുടെ പേരിലൂം വലിയ ആരോപണങ്ങള് നേരിട്ട ബിജെപിയെ വെട്ടിയൊതുക്കി ദേശീയ നേതൃത്വത്തിന്റെ അച്ചടക്ക ചട്ടക്കൂടിലേക്കു നയിക്കാന് രാജീവ് ചന്ദ്രശേഖര്. സംസ്ഥാന ബിജെപിയെ സ്വന്തം കൈപ്പിടിയിലാക്കുന്നതിനൊപ്പം ജനസ്വീകാര്യതയുള്ളവരെയും മിതവാദികളെയും മുന്നിരയിലേക്ക് എത്തിക്കുകയെന്ന ലക്ഷ്യമാണ് രാജീവ് ഏറ്റെടുത്തിരിക്കുന്നത്. അവഗണിക്കപ്പെട്ടു കിടന്ന കൃഷ്ണദാസ് പക്ഷത്തെ പരിഗണിക്കുകയും മുരളീധര- സുരേന്ദ്രന് പക്ഷത്തെ തെറിപ്പിക്കുകയും ചെയ്താണു പുതിയ സംസ്ഥാന ഭാരാവാഹി പട്ടിക പുറത്തുവിട്ടത്. വി. മുരളീധരനും കെ. സുരേന്ദ്രനും പാര്ട്ടിയെ മുന്നോട്ടു കൊണ്ടുപോയതുപോലെയാകില്ല തന്റെ പ്രവര്ത്തനമെന്നും രാജീവ് വ്യക്തമാക്കുകയാണ് ഈ നീക്കത്തിലൂടെ. പ്രഖ്യാപിച്ച നാല് ജനറല് സെക്രട്ടറിമാരില് ആരും വി മുരളീധരന് പക്ഷക്കാരില്ല. എം.ടി. രമേശ്, ശോഭാ സുരേന്ദ്രന്, എസ്. സുരേഷ്, അനൂപ് ആന്റണി എന്നിവരാണ് ജന. സെക്രട്ടറിമാര്. എം.ടി. രമേശും, ശോഭാ സുരേന്ദ്രനും കടുത്ത സുരേന്ദ്രന് വിരുദ്ധരാണ്. പത്ത് വൈസ് പ്രസിഡന്റുമാരില് മുന് ഐപിഎസ് ഉദ്യോഗസ്ഥയായ ശ്രീലേഖയുമുണ്ട്. ഷോണ് ജോര്ജ്, അഡ്വ വി. ഗോപാലകൃഷ്ണന്, കെ.കെ. അനീഷ് കുമാര്, കെ.എസ്. രാധാകൃഷ്ണന്,…
Read More » -
പാര്ട്ടി കേന്ദ്രങ്ങളില്നിന്ന് വോട്ടു ചോര്ന്നു; കോണ്ഗ്രസിന്റെയും വര്ഗീയ ശക്തികളുടെയും ഇടതുപക്ഷത്തിലെ സ്ത്രീ വോട്ടുകളും ബിജെപിക്കു ലഭിച്ചു; ഭരണ വിരുദ്ധ വികാരം തിരിച്ചടിയായി; രൂക്ഷ വിമര്ശനവുമായി സിപിഐ ജില്ല സമ്മേളന റിപ്പോര്ട്ട്
തൃശൂര്: സുരേഷ് ഗോപി വിജയിച്ച ലോക്സഭാ തെരഞ്ഞെടുപ്പില് പാര്ട്ടി കേന്ദ്രങ്ങളില്നിന്നു വോട്ട് ചോര്ന്നെന്നു സിപിഐ ജില്ല സമ്മേളന റിപ്പോര്ട്ട്. ഏറ്റവുമധികം സാധ്യത കല്പ്പിച്ച സ്ഥാനാര്ത്ഥി വി എസ് സുനില്കുമാര് പരാജയപ്പെട്ടു. വര്ഗീയശക്തികളുടെ വോട്ടുകള് ബിജെപിക്ക് ലഭിച്ചു. സംസ്ഥാന സര്ക്കാരിനെതിരായുള്ള ഭരണവിരുദ്ധ വികാരം ലോക്സഭാ തിരഞ്ഞെടുപ്പില് തിരിച്ചടിയായെന്നും റിപ്പോര്ട്ടില് പരാമര്ശം. കോണ്ഗ്രസിന്റെ വോട്ട് വലിയ രീതിയില് ചോര്ന്നത് ബിജെപിയുടെ വിജയത്തിന് സഹായിച്ചുവെന്ന് റിപ്പോര്ട്ടില് പറയുന്നു. എല്ഡിഎഫിന്റെയും പാര്ട്ടിയുടെയും പ്രതീക്ഷകളെ തകിടം മറിച്ചാണ് തൃശൂരില് വിഎസ് സുനില് കുമാറിന്റെ തോല്വി. ന്യൂനപക്ഷ സമുദായങ്ങള് കോണ്ഗ്രസിന് അനുകൂലമായ നിലപാട് തിരഞ്ഞെടുപ്പില് സ്വീകരിച്ചു. അഞ്ചുവര്ഷത്തോളം സുരേഷ് ഗോപിക്കായി ബിജെപി പ്രചാരണം നടത്തിയത് സോഷ്യല് മീഡിയ പേജുകളും ഇന്സ്റ്റഗ്രാം ഹാന്ഡിലുകളും വാടകയ്ക്ക് എടുത്താണെന്ന് റിപ്പോര്ട്ടില് പറയുന്നു. ക്ഷേത്രങ്ങളിലും കോളനികളിലും ബിജെപി സ്ഥാനാര്ത്ഥിയെ പരിചയപ്പെടുത്താന് പ്രത്യേക പ്രവര്ത്തനം നടത്തി. ഇടതുപക്ഷത്തിന് സ്ഥിരമായി വോട്ട് ചെയ്തിരുന്ന സ്ത്രീകളുടെ യുവജനങ്ങളുടെയും വോട്ടുകള് എന്ഡിഎക്ക് ലഭിച്ചുവെന്നും ജില്ലാ സമ്മേളന റിപ്പോര്ട്ട്. കരുവന്നൂര് ഉള്പ്പെടെയുള്ള ബാങ്കുകളിലെയും…
Read More » -
സുരേന്ദ്രന് പക്ഷത്തെ വെട്ടിനിരത്തി ബിജെപി സംസ്ഥാന ഭാരവാഹി പട്ടിക; അതൃപ്തി പുകയുന്നു; അബ്ദുള്ളക്കുട്ടി പിന്നാലെ ഗ്രൂപ്പില്നിന്ന് ‘ലെഫ്റ്റ്’ അടിച്ച് പി.ആര്. ശിവശങ്കരന്; ആര്ക്കും പരാതിയില്ലെന്ന് എം.ടി. രമേശ്
തിരുവനന്തപുരം: കെ.സുരേന്ദ്രന്- വി. മുരളീധരന് പക്ഷത്തെ വെട്ടിനിരത്തി ബിജെപി സംസ്ഥാന ഭാരവാഹിപ്പട്ടിക പുറത്തിറക്കി. മുന് ഡിജിപി ആര്.ശ്രീലേഖയും ഷോണ് ജോര്ജും ഉള്പ്പെടെ 10 വൈസ് പ്രസിഡന്റുമാരുണ്ട്. എം.ടി.രമേശും ശോഭാ സുരേന്ദ്രനും എസ്.സുരേഷും അനൂപ് ആന്റണിയും ജനറല് സെക്രട്ടറിമാര്. പട്ടികയില് ആവശ്യമായ കൂടിയാലോചന നടന്നെന്നും ആര്ക്കും പരാതിയില്ലെന്നും എം.ടി.രമേശ് പ്രതികരിച്ചു. ആര്.ശ്രീലേഖയ്ക്കും ഷോണ് ജോര്ജിനും പുറമേ ബി. ഗോപാലകൃഷ്ണന്, സി.കൃഷ്ണകുമാര്, കെ.എസ്.രാധാകൃഷ്ണന്, സി.സദാനന്ദന്, പി.സുധീര്, ഡോ.അബ്ദുല്സലാം, കെ.സോമന്, കെ.കെ.അനീഷ്കുമാര് എന്നിവരാണ് വൈസ് പ്രസിഡന്റുമാര്. അഡ്വ. ഇ.കൃഷ്ണദാസ് ട്രഷററായി. ഭാരവാഹിപ്പട്ടികയില് ആര്ക്കും അതൃപ്തിയില്ലെന്നും, ഭാരവാഹികള് മാത്രമല്ല പാര്ട്ടിയെന്നും ശോഭ സുരേന്ദ്രനും പ്രതികരിച്ചു. രാജീവ് ചന്ദ്രശേഖര് ബിജെപി സംസ്ഥാന അധ്യക്ഷനായി ചുമതലയേറ്റശേഷം നടക്കുന്ന ആദ്യ പുനസംഘടനയാണിത്. നേരത്തേ സംസ്ഥാന നേതൃത്വത്തില് ജനറല് സെക്രട്ടറിമാരുടെ എണ്ണത്തിലടക്കം മേധാവിത്വമുണ്ടായിരുന്ന കെ.സുരേന്ദ്രന് വിഭാഗത്തിന് പുതിയ പട്ടിക കനത്ത തിരിച്ചടിയാണ്. എതിര്പക്ഷത്തെ പി.കെ.കൃഷ്ണദാസ് വിഭാഗത്തിന് നല്ല പരിഗണന ലഭിക്കുകയും ചെയ്തു. പുതിയ ഭാരവാഹിപ്പട്ടികയ്ക്ക് പിന്നാലെ ബിജെപിയില് പൊട്ടിത്തെറിയെന്നു സൂചന. ബിജെപി സംസ്ഥാന…
Read More » -
മഴ വീണ്ടും കനക്കുന്നു; നാളെ എട്ടു ജില്ലകളില് മുന്നറിയിപ്പ്, ശക്തമായ കാറ്റിനും സാധ്യത
തിരുവനന്തപുരം: സംസ്ഥാനത്ത് മഴ വീണ്ടും ശക്തമാകുന്നു. നാളെയും മറ്റന്നാളും സംസ്ഥാനത്ത് എട്ടു ജില്ലകളില് അതിശക്ത മഴ മുന്നറിയിപ്പ്. എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് ശനിയാഴ്ചയും ഞായറാഴ്ചയും യെല്ലോ അലര്ട്ട് കേന്ദ്ര കാലാവസ്ഥ വകുപ്പ് പുറപ്പെടുവിച്ചിട്ടുള്ളത്. ഒറ്റപ്പെട്ടയിടങ്ങളില് മണിക്കൂറില് 40 കിലോമീറ്റര് വേഗതയില് കാറ്റിനും സാധ്യതയുണ്ട്. തിങ്കളാഴ്ച ഏഴു ജില്ലകളിലും യെല്ലോ അലര്ട്ടുണ്ട്. തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് അതിശക്ത മഴ മുന്നറിയിപ്പുള്ളത്. ചൊവ്വ, ബുധന് ദിവസങ്ങളില് എറമാകുളം, തൃശ്ശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും യെല്ലോ ജാഗ്രതാ നിര്ദേശം പുറപ്പെടുവിച്ചിട്ടുണ്ട്.
Read More »