Kerala
-
പി വി അന്വര് വായ്പയെടുത്ത് തട്ടിപ്പ് നടത്തിയെന്ന് പരാതി; മലപ്പുറം കെ എഫ് സിയില് വിജിലന്സ് പരിശോധന ; 12 കോടി 2015 ല് വായ്പയെടുത്തു, ഇപ്പോള് തിരിച്ചടയ്ക്കാനുള്ളത് 22 കോടി രൂപയെന്ന് ആക്ഷേപം
ഉദ്യോഗസ്ഥരെ സ്വാധീനിച്ച് പി വി അന്വര് 12 കോടി വായ്പ എടുത്ത് തട്ടിപ്പ് നടത്തിയെന്ന പരാതിയില് മലപ്പുറം കെ എഫ് സി ഓഫീസില് വിജിലന്സ് പരിശോധന. തിരുവനന്തപുരത്ത് നിന്ന് എത്തിയ വിജിലന്സ് സംഘം പരിശോധന പൂര്ത്തിയാക്കി മടങ്ങി എന്നാണ് വിവരം. കേസില് നാലാം പ്രതിയാണ് അന്വര്. ഉദ്യോഗസ്ഥരുമായി ഗൂഡാലോചന നടത്തിയെന്നും ലോണ് അനുവദിക്കുന്നതില് മാനദണ്ഡങ്ങള് ലംഘിച്ചുവെന്നുമാണ് അന്വറിനെതിരായ കേസ്. 2015 ല് കെ എഫ് സിയില് നിന്ന് 12 കോടി കടം വാങ്ങിയ പി വി അന്വര് പിന്നീട് അത് തിരിച്ചടച്ചില്ലെന്നും ഇപ്പോള് തിരികെ നല്കാനായുള്ളത് 22 കോടി രൂപയാണെന്നുമാണ് പരാതി. ഇത് കെ എഫ് സിയ്ക്ക് ഭീമമായ നഷ്ടമാണ് വരുത്തിയെന്നും പറയുന്നു. ഈ പരാതിയിന്മേ ലാണ് ഇപ്പോള് വിജിലന്സ് പരിശോധന നടത്തുന്നത്. കെഎഫ്സി ചീഫ് മാനേജര് അബ്ദുല് മനാഫ്, ഡെപ്യൂട്ടി മാനേജര് മിനി, ജൂനിയര് ടെക്നിക്കല് ഓഫീസര് മുനീര് അഹ്മദ്, പിവി അന്വര്, അന്വറിന്റെ അടുപ്പക്കാരന് സിയാദ് എന്നിവരാണ് എന്നിവരാണ്…
Read More » -
ഒരു വീട്ടു നമ്പറില് 327 വോട്ടര്മാര്, കോഴിക്കോടും വോട്ടര്പട്ടികയില് ക്രമക്കേട്: ആളുകള് ഇല്ലാത്ത വീടുകള് കേന്ദ്രീകരിച്ച് നൂറുകണക്കിന് വോട്ടുകള് ചേര്ക്കപ്പെട്ടുവെന്ന് എം കെ മുനീര്
കോഴിക്കോട്: കരിഓയില് പ്രതിഷേധത്തിലേക്കും പരസ്പരം ഓഫീസുകളിലേക്ക് നടത്തിയ മാര്ച്ചും ഉള്പ്പെടെ സിപിഎമ്മും ബിജെപിയും തമ്മിലുള്ള തെരുവ് യുദ്ധത്തിലേക്ക് വരെ മാറിയ വ്യാജവോട്ട് വിവാദം കോഴിക്കോട്ടേയ്ക്ക്. മു്സ്ളിംലീഗ് നേതാവ് എം.കെ. മുനീറാണ് ആരോപണവുമായി രംഗത്ത് വന്നിരിക്കുന്നത്. ആളുകള് ഇല്ലാത്ത വീടുകള് കേന്ദ്രീകരിച്ച് നൂറുകണക്കിന് വോട്ടുകള് ചേര്ക്കപ്പെട്ടുവെന്നാണ് ആരോപണം. മാറാട് ഡിവിഷനില് ഒരു വീട് നമ്പറില് 327 വോട്ടാണ് ചേര്ത്തിരിക്കുന്നതെന്നും മുനീര് പറഞ്ഞു. പ്രാഥമിക നോട്ടത്തില് തന്നെ കണ്ട കാര്യമാണ് ഇതെന്നും ഇങ്ങനെ എത്ര വോട്ടുകള് ചേര്ക്കപ്പെട്ടിട്ടുണ്ടാകുമെന്നും മുനീര് ചോദിക്കുന്നു. ഇത് കോഴിക്കോട് കോര്പ്പറേഷനിലെ ഒരു ഡിവിഷനിലെ ഒരു വീട് നമ്പറില് മാത്രം ചേര്ത്ത വോട്ടാണ്. എവിടൊക്കെ എങ്ങിനെ യൊക്കെ വോട്ട് ചേര്ത്തെന്ന് വ്യക്തമല്ലെന്നും തെരഞ്ഞെടുപ്പ് സംവിധാന ത്തിനോടുള്ള ജനത്തിന്റെ വിശ്വാസം തന്നെ നഷ്ടപ്പെടുത്തുന്ന കാര്യമാണ് ഇതെന്നും പറഞ്ഞു. മഹാരാഷ്ട്രയിലും കര്ണാടകയിലും വോട്ടുമോഷണം കണ്ടെത്തിയതിന് പിന്നാലെയാണ് കേരളത്തിലും വ്യാജവോട്ട് വിവാദം ഉണ്ടായിരിക്കുന്നത്. രാജ്യത്തെ ജനാധിപത്യ സംവിധാന ത്തെ തകര്ക്കുന്ന കാര്യങ്ങളാണ് ഇതെന്നും ഗൗരവമായി തെരഞ്ഞെടുപ്പ്…
Read More » -
രാഹുല്ഗാന്ധിയുടെ വോട്ട് മോഷണ ആരോപണം ഏറ്റു ; സോണിയാഗാന്ധിയെ വെച്ച് ബിജെപിയുടെ പ്രതിരോധം ; 1983 ല് പൗരത്വം കിട്ടിയ കോണ്ഗ്രസ് മുന് അദ്ധ്യക്ഷ 1980 ലെ വോട്ടര് പട്ടികയില് ഉണ്ടായിരുന്നെന്ന് അനുരാഗ് താക്കൂര്
ന്യൂഡല്ഹി: വോട്ട് മോഷണ ആരോപണത്തില് പ്രതിപക്ഷ നേതാവ് രാഹുല്ഗാന്ധി കൊണ്ടുവന്ന ആരോപണം ഇന്ഡ്യാ സഖ്യം ഇളക്കിമറിക്കുമ്പോള് വോട്ട് കൊള്ള ആരോപണത്തില് പ്രതിരോധവുമായി ബിജെപി. സോണിയാഗാന്ധിക്ക് വേണ്ടി മുമ്പ് കോണ്ഗ്രസ് വ്യാജരേഖ ചമച്ചിട്ടുണ്ടെന്ന ആരോപണം ഉന്നയിച്ചാണ് രംഗത്ത് വന്നിരിക്കുന്നത്. ബിജെപി എംപി അനുരാഗ് താക്കൂറാണ് ആരോപണവുമായി എത്തിയിട്ടുള്ളത്. ഇന്ത്യന് പൗരത്വം സ്വീകരിക്കുന്നതിന് മുന്പ് സോണിയ ഗാന്ധിയുടെ പേര് വോട്ടര് പട്ടികയില് ചേര്ത്തവരാണ് കോണ്ഗ്രസുകാര് എന്ന ഗുരുതര ആരോപണമാണ് അനുരാഗ് താക്കൂര് ഉന്നയിച്ചിരിക്കുന്നത്. 1983 ല് ഇന്ത്യന് പൗരത്വം ഔദ്യോഗികമായി നേടിയ സോണിയാഗാന്ധിയുടെ പേര് പക്ഷേ 1980 ലെ വോട്ടര്പട്ടികയില് ഉണ്ടായിരുന്നതായിട്ടാണ് അനുരാഗ് താക്കൂറിന്റെ ആരോപണഗ. സഫ്ദര്ജംഗ് റോഡിലെ നൂറ്റി നാല്പത്തിയഞ്ചാം ബൂത്തിലെ വോട്ടറായിരുന്നു സോണിയയെന്ന് രേഖയില് വ്യക്തമാണ്. റായ്ബറേലിയിലും കള്ളവോട്ട് നടന്നെന്ന് അനുരാഗ് താക്കൂര് ആരോപിച്ചു. ഒരാള്ക്ക് മൂന്ന് വോട്ടര് കാര്ഡുണ്ട്. 47 വോട്ടര്മാര്ക്ക് ഒരു അഡ്രസാണ്. രാഹുല് ഗാന്ധിയുടെ മണ്ഡലത്തിലും കള്ളവോട്ടുണ്ടെന്നും അനുരാഗ് താക്കൂര് ആരോപിച്ചു. നാല് ലക്ഷം വോട്ടിന്റെ ഭൂരിപക്ഷത്തിന്…
Read More » -
‘പലരും വഴിപാടും നേര്ച്ചയും പ്രാര്ഥനയും നടത്തി, പണം കൊണ്ടും രാഷ്ട്രീയ സ്വാധീനം കൊണ്ടും ഉന്നതരായ ആളുകള്ക്കെതിരെയാണ് പോരാട്ടം’; ഹര്ജി തള്ളിയത് തിരിച്ചടിയായി കാണുന്നില്ലെന്ന് സാന്ദ്ര തോമസ്
കൊച്ചി: പ്രൊഡ്യൂസേഴ്സ് അസോസിയേഷന് തെരഞ്ഞെടുപ്പുമായി ബന്ധപ്പെട്ട ഹര്ജി തള്ളിയത് തിരിച്ചടിയായി കാണുന്നില്ലെന്ന് നിര്മാതാവ് സാന്ദ്ര തോമസ്. കോടതി വിധി ബഹുമാനിക്കുന്നു. എന്നാല് നിരാശയും വേദനയുമുണ്ടെന്നും സാന്ദ്ര തോമസ് പ്രതികരിച്ചു. ‘പലരും വഴിപാടും നേര്ച്ചയും പ്രാര്ഥനയും നടത്തിയിരിക്കുകയായിരുന്നുവെന്ന് എനിക്കറിയാം. കള്ള തെളിവാണ് ഹാജരാക്കിയത്. വിധി തിരിച്ചടിയായി കാണുന്നില്ല. എന്റെ ശരികള്ക്ക് വേണ്ടിയാണ് ഞാന് പോരാടുന്നത്. നിയമപരമായി അടുത്ത നടപടിയിലേക്ക് പോകും. കോടതി വിധിയെ ബഹുമാനിക്കുന്നു, നിരാശയും വേദനയുമുണ്ട്. നാമനിര്ദേശപത്രിക തള്ളിയതിനെതിരായ ഹര്ജിയില് വിധി വന്നിട്ടില്ല’- സാന്ദ്ര തോമസ് മാധ്യമങ്ങളോട് പറഞ്ഞു. 27 ന് നടക്കുന്ന ഫിലിം ചേംബര് തെരഞ്ഞെടുപ്പില് മത്സരിക്കുമെന്നും സാന്ദ്ര അറിയിച്ചു. സെക്രട്ടറി അല്ലെങ്കില് വൈസ് പ്രസിഡന്റ് സ്ഥാനത്തേക്കാവും മത്സരിക്കുകയെന്നും സാന്ദ്ര വ്യക്തമാക്കി. ‘അഭിനേതാക്കള്ക്കെതിരെ സംസാരിക്കുന്നതു പോലെയല്ല നിര്മാതാക്കള്ക്കെതിരെ സംസാരിക്കുന്നത്. അവരാണ് ജോലി കൊടുക്കേണ്ടത്. മറ്റു ഇന്ഡസ്ട്രികള് പോലെയല്ല സിനിമാ മേഖല. ആര്ക്കെതിരെയാണ് സംസാരിക്കുന്നതെന്ന് എനിക്ക് വ്യക്തമായ ബോധ്യമുണ്ട്. പണം കൊണ്ടും രാഷ്ട്രീയ സ്വാധീനം കൊണ്ടും ഉന്നതരായ ആളുകള്ക്കെതിരെയാണ് പോരാട്ടം. അതിനാല്…
Read More » -
‘വയനാട്ടില് 20,438 വ്യാജ വോട്ടര്മാര്, റായ്ബറേലിയിലും ക്രമക്കേട്’, വോട്ട് മോഷണത്തില് ബിജെപിയുടെ പ്രതിരോധം
ന്യൂഡല്ഹി: പ്രതിപക്ഷ നേതാവ് രാഹുല് ഗാന്ധി ഉയര്ത്തിയ വോട്ടര് പട്ടികയിലെ ക്രമക്കേട് രാജ്യവ്യാപക ചര്ച്ചയ്ക്ക് വഴിതുറന്ന സാഹചര്യത്തില് പ്രതിരോധവുമായി ബിജെപി. ബിജെപി നേതാവും എംപിയുമായ അനുരാഗ് ഠാക്കൂര് നടത്തിയ വാര്ത്താ സമ്മേളനത്തിലാണ് കോണ്ഗ്രസിനെതിരെ ആരോപണങ്ങള് ഉയര്ത്തിയത്. രാഹുല് ഗാന്ധിയും പ്രിയങ്ക ഗാന്ധിയും മത്സരിച്ച റായ്ബറേലിയിലും വയനാട്ടിലും വ്യാപകമായി കള്ളവോട്ടുകള് ചേര്ത്തെന്ന് ഠാക്കൂര് ആരോപിച്ചു. കോണ്ഗ്രസ് തോല്ക്കുമ്പോള് തെരഞ്ഞെടുപ്പ് കമ്മീഷനെയും ബിജെപിയെയും കുറ്റപ്പെടുത്തുകയാണ്. എന്തുകൊണ്ടാണ് കോണ്ഗ്രസ് ഇന്ത്യയിലെ വോട്ടര്മാരെ താഴ്ത്തിക്കെട്ടാന് ശ്രമിക്കുന്നത്. സ്വന്തം മണ്ഡലത്തില് വന്നിട്ടുള്ള ഇരട്ട വോട്ടുകളുടെ കാര്യത്തില് രാഹുലും പ്രിയങ്കയും രാജിവയ്ക്കുമോയെന്നും അനുരാഗ് ഠാക്കൂര് വാര്ത്താസമ്മേളനത്തില് ഉന്നയിച്ചു. വയനാട്, റായ്ബറേലി, ഡയമണ്ട് ഹാര്ബര്, കനൗജ്, മെയിന്പുരി, കൊളത്തൂര് മണ്ഡലങ്ങളില് നിരവധി വ്യാജ വോട്ടര്മാരുണ്ടായിരുന്നു. രാഹുല് ഗാന്ധിയും പിന്നീട് പ്രിയങ്ക ഗാന്ധിയും വിജയിച്ച വയനാട് മണ്ഡലത്തില് 93499 വോട്ടര്മാര് സംശയത്തിന്റെ നിഴലിലുള്ളവരാണ്. 20,438 വ്യാജ വോട്ടര്മാരും 17450 വ്യാജ വിലാസങ്ങളുും വയനാട്ടില് ഉണ്ടെന്നും, ഒരു വീട്ടില് മാത്രം 52 വോട്ടര്മാരുണ്ടെന്നും അനുരാഗ്…
Read More » -
കന്യാസ്ത്രീകളുടെ അറസ്റ്റില് മൗനം തുടരുന്നതിനിടെ സിസ്റ്റര് പ്രീതി മേരിയുടെ വീട് സന്ദര്ശിച്ച് സുരേഷ് ഗോപി
അങ്കമാലി: കന്യാസ്ത്രീകളുടെ അറസ്റ്റില് മൗനം തുടരുന്നതിനിടെ സിസ്റ്റര് പ്രീതി മേരിയുടെ വീട് സന്ദര്ശിച്ച് കേന്ദ്ര സഹമന്ത്രി സുരേഷ് ഗോപി. അങ്കമാലിയിലെ വീട്ടിലെത്തിയാണ് സുരേഷ് ഗോപി ബന്ധുക്കളെ കണ്ടത്. ഛത്തീസ്ഗഡില് കന്യാസ്ത്രീകള് അറസ്റ്റിലായത് മുതല് സുരേഷ് ഗോപി ഈ വിഷയത്തില് പ്രതികരിക്കുകയോ മാധ്യമങ്ങളോട് സംസാരിക്കുകയോ ചെയ്തിരുന്നില്ല. പല തവണ മാധ്യമങ്ങള് പ്രതികരണം തേടിയെങ്കിലും മൗനം തുടര്ന്ന സുരേഷ് ഗോപിക്കെതിരെ സഭയിലുള്ള ആളുകള് തന്നെ രംഗത്ത് വന്നിരുന്നു. പിന്നീട് സുരേഷ് ഗോപിയെ കാണാനില്ല എന്ന തരത്തില് സമൂഹമാധ്യമങ്ങളില്വ്യാപകമായി പ്രചരിച്ചതിനെ തുടര്ന്ന് ഓഫീസില് ഇരിക്കുന്ന ഫോട്ടോ സുരേഷ് ഗോപി ഫേസ്ബുക്കില് പങ്കുവെച്ചിരുന്നു. ഇന്ന് രാവിലെ തൃശൂരിലെത്തിയ സുരേഷ് ഗോപിയില് നിന്ന് പല വിഷയങ്ങളില് മാധ്യമങ്ങള് പ്രതികരണം തേടിയെങ്കിലും സമ്പൂര്ണ മൗനമായിരുന്നു മറുപടി. ഇതിനിടെയാണ് ബിജെപിയുടെ ജില്ലാ നേതൃത്വത്തെ പോലും അറിയിക്കാതെ അപ്രതീക്ഷിതമായി സുരേഷ് ഗോപി അങ്കമാലിയില് എത്തുന്നത്. എല്ലാ വിഷയത്തിലും കൂടെ നില്ക്കാമെന്നും ബിജെപി നേതൃത്വത്തിന്റെ ഇടപെടല് കൊണ്ടാണ് കന്യാസ്ത്രീകള്ക്ക് ജാമ്യം ലഭിച്ചതെന്നും സുരേഷ് ഗോപി…
Read More » -
യഥാക്രമം 87,500 രൂപയില് നിന്നും 1,10,000 രൂപയായും 75,000 രൂപയില് നിന്നും 95,000 രൂപയായും; സര്ക്കാര് അഭിഭാഷകരുടെ വേതനത്തില് വന് വര്ധനവ്
തിരുവനന്തപുരം: ജില്ലാ ഗവണ്മെന്റ് പ്ലീഡര് ആന്റ് പബ്ലിക് പ്രോസിക്യൂട്ടര്, അഡീഷണല് ഗവണ്മെന്റ് പ്ലീഡര് ആന്റ് അഡീഷണല് പബ്ലിക് പ്രോസിക്യൂട്ടര്, പ്ലീഡര് ടു ഡു ഗവണ്മെന്റ്റ് വര്ക്ക് എന്നിവരുടെ പ്രതിമാസ വേതനം വര്ധിപ്പിക്കുന്നു. യഥാക്രമം 87,500 രൂപയില് നിന്നും 1,10,000 രൂപയായും 75,000 രൂപയില് നിന്നും 95,000 രൂപയായും 20,000 രൂപയില് നിന്നും 25,000 രൂപയുമായാണ് വര്ധിപ്പിക്കുക. 01.01.2022 മുതല് പ്രാബല്യം ഉണ്ടാകും.
Read More » -
തുറക്കാന് താമസിച്ച റേഷന് കട പൂട്ടിക്കാനെത്തിയത് പൂസായി; സപ്ലൈ ഓഫീസര്ക്കെതിരെ കേസ്, വകുപ്പുതല നടപടി പിന്നാലെയെന്ന സൂചന
എറണാകുളം: കോതമംഗലം ഇരമല്ലൂരില് റേഷന്കട ഉടമയെ സസ്പെന്ഡ് ചെയ്യാന് വന്ന താലൂക്ക് സപ്ലൈ ഓഫീസര് മദ്യപിച്ചെത്തിയത് വിനയായി. റേഷന്കട തുറക്കാന് താമസിച്ചതിനെ തുടര്ന്ന് നടപടിയെടുക്കാനായിരുന്നു ഷിജു കെ.തങ്കച്ചന് എന്ന ഓഫീസര് ഇരമല്ലൂരില് എത്തിയത്. ജോലി സമയത്ത് മദ്യപിച്ചെത്തിയെന്ന് പരിശോധനയില് തെളിഞ്ഞതോടെ ഷിജുവിന്റെ പേരില് പൊലീസ് കേസെടുക്കുകയായിരുന്നു. വകുപ്പ് തല അന്വേഷണവും ഉണ്ടാകുമെന്നാണ് സൂചന. ഇരമല്ലൂരില് നമ്പര് 14 ലൈസന്സില് പ്രവര്ത്തിക്കുന്ന അലിയാറിന്റെ റേഷന്കട തുറക്കാന് അര മണിക്കൂര് വൈകിയതിനെ തുടര്ന്ന് നടപടി സ്വീകരിക്കാന് എത്തിയതായിരുന്നു ഷിജു കെ തങ്കച്ചന്. കൃത്യസമയത്ത് കട തുറക്കാത്തതിന് റേഷന്കട സസ്പെന്ഡ് ചെയ്യാന് റേഷനിങ് ഇന്സ്പെക്ടറാണ് ചൊവ്വാഴ്ച്ച രാവിലെ ആദ്യം സ്ഥലത്തെത്തിയത്. എന്നാല്, ലൈസന്സി ഓര്ഡര് കൈപ്പറ്റാതിരുന്ന വിവരം അറിയിച്ചതോടെ താലൂക്ക് സപ്ലൈ ഓഫീസര് സ്ഥലത്തെത്തുകയായിരുന്നു. നടപടി സ്വീകരിക്കും മുന്പ് നാട്ടുകാരും മറ്റ് റേഷന് കടയുടമകളും പ്രതിഷേധവുമായെത്തി. ഇതോടെ സ്ഥലത്ത് തര്ക്കമുണ്ടാവുകയായിരുന്നു. ജോലി തടസപ്പെടുത്തുന്നു എന്ന് കാണിച്ചുകൊണ്ട് സപ്ലൈ ഓഫീസര് പൊലീസിനെ വിളിച്ചു. ഇതിനിടെയാണ് ഇയാള് മദ്യപിച്ചിട്ടുണ്ടോ…
Read More » -
അറസ്റ്റ് രേഖപ്പെടുത്തിയ സമയമല്ല, കോടതിയില് ഹാജരാക്കേണ്ടത് കസ്റ്റഡിയില് എടുത്ത് 24 മണിക്കൂറിനകം; സുപ്രധാന ഉത്തരവുമായി ഹൈക്കോടതി
കൊച്ചി: പൊലീസ് കസ്റ്റഡിയിലെടുത്താല് 24 മണിക്കൂറിനുള്ളില് ആളെ മജിസ്ട്രേറ്റിന് മുന്നില് ഹാജരാക്കിയിരിക്കണമെന്ന് ഹൈക്കോടതി. അതല്ലാതെ അറസ്റ്റ് രേഖപ്പെടുത്തിയ ശേഷമുള്ള 24 മണിക്കൂര് അല്ല കണക്കാക്കേണ്ടതെന്നും കോടതി വ്യക്തമാക്കി. ജസ്റ്റിസ് ബെച്ചു കുര്യന് തോമസിന്റെ ബെഞ്ചാണ് സുപ്രധാന ഉത്തരവ് പുറപ്പെടുവിച്ചത്. പൊലീസ് പിടികൂടിയ ഒരാളെ മജിസ്ട്രേറ്റിന് മുന്നില് ഹാജരാക്കുന്നതിനുള്ള 24 മണിക്കൂര് സമയം ആരംഭിക്കുന്നത് ആ വ്യക്തിയെ കസ്റ്റഡിയിലെടുത്തതോ അയാളുടെ സ്വാതന്ത്ര്യം പരിമിതപ്പെടുത്തിയതോ ആയ സമയം മുതലാണ്. അല്ലാതെ അറസ്റ്റ് രേഖപ്പെടുത്തുന്ന സമയം മുതലല്ല. അന്വേഷണത്തിന്റെ മറവില്, അറസ്റ്റ് രേഖപ്പെടുത്താതിരിക്കുന്ന രീതിയാണ് പലപ്പോഴും ഉപയോഗിക്കുന്നതെന്ന് കോടതി ചൂണ്ടിക്കാട്ടി. അനിയന്ത്രിതമായ അധികാരത്തിന്റെ ഈ കാലഘട്ടങ്ങളിലാണ് സാധാരണയായി പൊലീസ് ക്രൂരതകള് സംഭവിക്കുന്നത്. പരിശോധനയില്ലെങ്കില്, രേഖപ്പെടുത്താത്ത അത്തരം കസ്റ്റഡി കാലയളവുകള് മനുഷ്യാവകാശ ലംഘനങ്ങള്ക്ക് കാരണമാകുമെന്ന് ഹൈക്കോടതി പറഞ്ഞു. അറസ്റ്റ് ചെയ്യപ്പെട്ട ആളെ അറസ്റ്റ് ചെയ്ത് 24 മണിക്കൂറിനുള്ളില് തൊട്ടടുത്ത മജിസ്ട്രേറ്റിന് മുന്നില് ഹാജരാക്കണമെന്ന് ഭരണഘടന അനുശാസിക്കുന്നുണ്ടെന്ന് ഹൈക്കോടതി ചൂണ്ടിക്കാട്ടി. അറസ്റ്റ് ചെയ്ത സ്ഥലത്ത് നിന്ന് മജിസ്ട്രേറ്റിന്റെ കോടതിയില്…
Read More » -
കാക്കനാട് അങ്കണവാടിയില് കുട്ടിയുടെ ദേഹത്ത് അണലി വീണു
കൊച്ചി: അങ്കണവാടിയില് മൂന്നുവയസുകാരിയുടെ ദേഹത്തേക്ക് അണലി വീണു. കാക്കനാട് എന്ജിഒ ക്വാര്ട്ടേഴ്സിന് സമീപത്തെ ഇല്ലത്തുമുകള് സ്മാര്ട്ട് അങ്കണവാടിയില് ഇന്നലെ ഉച്ചയ്ക്കാണ് സംഭവം നടന്നത്. കുട്ടി കടിയേല്ക്കാതെ രക്ഷപ്പെട്ടു. ഉച്ചഭക്ഷണം കഴിച്ചശേഷം കൈ കഴുകുന്നതിനിടെ കെട്ടിടത്തിന്റെ മുകള് ഭാഗത്ത് നിന്ന് അണലി പെണ്കുട്ടിയുടെ ദേഹത്തേക്ക് വീഴുകയായിരുന്നു. കരച്ചില് കേട്ട് ഓടിയെത്തിയ അങ്കണവാടി ജീവനക്കാരാണ് പാമ്പിനെ തട്ടി മാറ്റി കുട്ടിയെ രക്ഷിച്ചത്. തൃക്കാക്കര നഗരസഭയുടെ സ്വന്തം കെട്ടിടത്തിലാണ് അങ്കണവാടി പ്രവര്ത്തിക്കുന്നത്. ആറ് കുട്ടികള് ഇവിടെ പഠിക്കുന്നുണ്ട്. പാമ്പ് ദേഹത്ത് വീണ കുട്ടിയെ തൃക്കാക്കര സഹകരണ ആശുപത്രിയിലെത്തിച്ച് പരിശോധന നടത്തി. പാമ്പു കടിയേറ്റിട്ടില്ലെന്ന് ഉറപ്പാക്കിയ ശേഷമാണ് കുട്ടിയെ മാതാപിതാക്കള്ക്കൊപ്പം വിട്ടയച്ചത്. അങ്കണവാടി സ്ഥിതി ചെയ്യുന്ന കെട്ടിടത്തിന് സമീപം പഴയ സര്ക്കാര് ക്വാര്ട്ടേഴ്സുകള് കാടുപിടിച്ച നിലയിലാണ്. ഇവിടെ വിഷപ്പാമ്പുകള് ഉണ്ടെന്ന് നാട്ടുകാര് പറയുന്നു.
Read More »