Crime
-
തന്ത്രിക്കെതിരേ കേസ് നിലനില്ക്കില്ലെന്ന് അഭിഭാഷകന്; തന്ത്രിക്കായി ഒറ്റക്കെട്ടായി സംഘപരിവാര് സംഘടനകള്; ‘നിരീക്ഷകന്’മാര്ക്കും ആവേശം പോയി; യഥാര്ഥ പ്രതികളെ സംരക്ഷിക്കാനെന്നു കെ. സുരേന്ദ്രന്; കരുതലോടെ പ്രതികരിച്ച് ഇടതു നേതാക്കള്
തിരുവനന്തപുരം: ശബരിമല സ്വര്ണക്കൊള്ളയില് ഉത്തരവാദിത്തം ദേവസ്വം ബോര്ഡിനെന്ന് തന്ത്രി കണ്ഠര് രാജീവരുടെ അഭിഭാഷകന്. ആചാരലംഘനം അടക്കം കുറ്റങ്ങള് നിലനില്ക്കില്ല എന്ന് അദ്ദേഹം പറയുന്നു. കുടുക്കിയതെന്ന് കഴിഞ്ഞ ദിവസം തന്ത്രിയും പറഞ്ഞിരുന്നു. ഉടന് പരസ്യ പ്രതികരണത്തിന് ഇല്ലെങ്കിലും തന്ത്രിയെ കുടുക്കിയെന്നാണ് ഹൈന്ദവസംഘടനകളുടേയും നിലപാട്. പിണറായി വിജയന്റെ അപ്രീതിയും സിപിഎം നിലപാടും ഇതിന് തെളിവെന്നും പറയുന്നു. കുടുക്കിയതെന്ന് തന്ത്രി കണ്ഠര് രാജീവരോട് മാധ്യമങ്ങളോട് പറഞ്ഞതിനുള്ള കൂട്ടി ച്ചേര്ക്കലാണ് അഭിഭാഷകന് പറഞ്ഞത്.സ്വര്ണപ്പാളിയില് തീരുമാനം എടുത്തതും ഉത്തരവാദിയും തിരുവിതാംകൂര് ദേവസ്വം ബോര്ഡാണ്. അന്വേഷണം വഴിതിരിച്ചുവിടാനുള്ള ഗൂഢാലോചനയാണ് നടന്നത്. വിഷയം പരിശോധിച്ച് നിലപാടെന്നാണ് പന്തളം കൊട്ടാരം,ശബരിമല കര്മ സമിതി, ഹിന്ദുഐക്യവേദി, തന്ത്രിസമാജം, യോഗക്ഷേമസഭ തുടങ്ങിയ സംഘടനകളുടെ നിലപാട്. പക്ഷേ തന്ത്രിയെ കുടുക്കി എന്നാണ് വിലയിരുത്തല്. 1951ല് ക്ഷേത്രം പുനര്നിര്മിച്ചപ്പോള് പതിനെട്ടാം പടിയും ശ്രീകോവിലും അടക്കം കരിങ്കല്ലായിരുന്നു. ചെമ്പുപാളിയും സ്വര്ണം പൊതിയലുമെല്ലാം പിന്നീട് വന്ന ആഡംബരമാണ്. ഇതില് ആചാരങ്ങളില്ല. ബോര്ഡ് തീരുമാനിച്ച് കൊണ്ടുപോയതില് തന്ത്രിക്ക് ഇടപെടാനാവില്ല. തന്ത്രി കണ്ഠര് രാജീവരെ…
Read More » -
തന്ത്രി ഐസിയുവില്; വീട്ടില് എസ്ഐടി പരിശോധന; സ്വര്ണപ്പണിക്കാരനെയും വീട്ടില് എത്തിച്ചു; മരുമകളെ വിലക്കി, അകന്ന ബന്ധുക്കളെ പുറത്താക്കി; ദ്വാരപാലക ശില്പ പാളികളിലെ സ്വര്ണ മോഷണ കേസിലും അറസ്റ്റ് ചെയ്യും
ശബരിമല സ്വര്ണക്കൊള്ളക്കേസില് അറസ്റ്റിലായ തന്ത്രി കണ്ഠര് രാജീവരെ തിരുവനന്തപുരം മെഡി.കോളജിലെ തീവ്രപരിചരണ വിഭാഗത്തിലേക്ക് മാറ്റി. ഇന്ന് രാവിലെയാണ് തന്ത്രിക്ക് ദേഹാസ്വാസ്ഥ്യം അനുഭവപ്പെട്ടത്. കണ്ഠര് രാജീവരുടെ ചെങ്ങന്നൂരിലെ വീട്ടില് എസ്ഐടിയുടെ പരിശോധന തുടരുകയാണ്. സ്വര്ണപ്പണിക്കാരനെയും വീട്ടിെലത്തിച്ചു. ഡിവൈഎസ്പിയുടെ നേതൃത്വത്തില് എട്ടംഗസംഘമാണ് പരിശോധന നടത്തുന്നത്. ഫൊട്ടോഗ്രഫറും ഫൊറന്സിക് വിദഗ്ധനും സംഘത്തിലുണ്ട്. തന്ത്രിയുടെ മരുമകളെ വീട്ടിലേക്ക് കടത്തിവിട്ടില്ല. വീട്ടിലുണ്ടായിരുന്ന അകന്ന ബന്ധുക്കളെ പുറത്താക്കി. ശബരിമല സ്വര്ണക്കൊള്ളയില് ഉത്തരവാദിത്തം ദേവസ്വം ബോര്ഡിനെന്ന് തന്ത്രി കണ്ഠര് രാജീവരുടെ അഭിഭാഷകന് ആരോപിച്ചു. ആചാരലംഘനം അടക്കം കുറ്റങ്ങള് നിലനില്ക്കില്ല എന്ന് അദ്ദേഹം പറയുന്നു. കുടുക്കിയതെന്ന് കഴിഞ്ഞ ദിവസം തന്ത്രിയും പറഞ്ഞിരുന്നു. ഉടന് പരസ്യ പ്രതികരണത്തിന് ഇല്ലെങ്കിലും തന്ത്രിയെ കുടുക്കിയെന്നാണ് ഹൈന്ദവസംഘടനകളുടേയും നിലപാട്. പിണറായി വിജയന്റെ അപ്രീതിയും സിപിഎം നിലപാടും ഇതിന് തെളിവെന്നും പറയുന്നു. തന്ത്രി കണ്ഠര് രാജീവരുടെ അറസ്റ്റ് നിർഭാഗ്യകരമാണെന്നും അറസ്റ്റ് ചെയ്യാനുള്ള കാരണമില്ലെന്നും അഖില കേരള തന്ത്രിസമാജം ജോയന്റ് സെക്രട്ടറി സൂര്യൻ പരമേശ്വരൻ ഭട്ടതിരിപ്പാട് പ്രതികരിച്ചു. അനുജ്ഞ രേഖാമൂലം നൽകണമെന്ന് ചട്ടമില്ല. ദേവസ്വം…
Read More » -
കമ്പനിയുടെ വാഗ്ദാനങ്ങള്ക്ക് ബ്രാന്ഡ് അംബാസഡര് ഉത്തരവാദിയല്ല, മോഹന് ലാലിനെതിരായ കേസ് ഹൈക്കോടതി റദ്ദാക്കി; മറ്റു കേസുകളിലും നിര്ണായകമായേക്കും
കൊച്ചി: പരസ്യത്തിലെ വാഗ്ദാനങ്ങള് പാലിച്ചില്ലെന്ന് പരാതി ഉന്നയിച്ച് സ്ഥാപനം ബ്രാന്ഡ് അംബാസഡര് ആയ നടന് മോഹന്ലാലിനെതിരെ ഉപഭോക്താവ് നല്കിയ കേസ് ഹൈക്കോടതി റദ്ദാക്കി. സ്വകാര്യ ധനകാര്യ സ്ഥാപനത്തിന്റെ ബ്രാന്ഡ് അംബാസഡര് എന്ന നിലയില് നടത്തിയ വാഗ്ദാനം പാലിച്ചില്ല എന്നായിരുന്നു തിരുവനന്തപുരം സ്വദേശിയുടെ പരാതി. എന്നാല് ഉപഭോക്തൃ സംരക്ഷണ നിയമത്തിലെ വകുപ്പുകള് അനുസരിച്ച് പരാതിക്കാരും ബ്രാന്ഡ് അംബാസിഡറായിരുന്ന മോഹന്ലാലും തമ്മില് നേരിട്ട് ഒരിടപാടും നടന്നിട്ടില്ലെന്ന് ചൂണ്ടിക്കാട്ടിയാണ് ജസ്റ്റിസ് സിയാദ് റഹ്മാന് കേസ് റദ്ദാക്കിയത്. അതേസമയം, ഉപഭോക്തൃ സംരക്ഷണ നിയമപ്രകാരം തങ്ങള്ക്ക് വാഗ്ദാനം ചെയ്ത സേവനം ലഭ്യമായിട്ടില്ലെങ്കില് ഉചിതമായ സ്ഥലത്ത് പരാതിപ്പെടുന്നതില് ഹര്ജിക്കാരന് വിലക്കില്ലെന്നും കോടതി വ്യക്തമാക്കിയിട്ടുണ്ട്. പരസ്യത്തില് വാഗ്ദാനം ചെയ്ത തുകയ്ക്ക് വായ്പ ബാങ്കില് നിന്നു ലഭിച്ചില്ലെന്നും ഇതിനു ബ്രാന്ഡ് അംബാസഡര്ക്ക് ഉത്തരവാദിത്തം ഉണ്ടെന്നുമായിരുന്നു പരാതി. ബാങ്ക് ഇടപാട് വേളയില് അധികൃതര് പരസ്യം കാണിച്ചിരുന്നുവെന്നും ഹര്ജിയില് പറയുന്നു. പരാതിക്കാരും മോഹന്ലാലും തമ്മില് നേരിട്ട് ഒരു ഇടപാടും നടന്നിട്ടില്ലെന്ന് കോടതി ചൂണ്ടിക്കാട്ടി. ബ്രാന്ഡ് അംബാസഡര്…
Read More » -
അറസ്റ്റ് ദു:ഖകരം, പക്ഷേ അനിവാര്യം; കണ്ഠര് രാജീവരുടെ അറസ്റ്റില് മുന് ഡിജിപിയും ബിജെപി നേതാവുമായ ടി.പി. സെന്കുമാര്; ‘നിദ്രാ ദണ്ഡടക്കം മാറ്റിയിട്ടും തന്ത്രി നിശബ്ദത പാലിച്ചു, കുടുംബ തന്ത്രികളുടെ ജീര്ണതയുടെ ഉദാഹരണം’
തൃശൂര്: ശബരിമല തന്ത്രി കണ്ഠര് രാജീവരരുടെ അറസ്റ്റ് ദുഖകരവും എന്നാല് അനിവാര്യവുമാണെന്ന് മുന് ഡിജിപി ടി.പി. സെന്കുമാര്. അയ്യപ്പന്റെ പിതൃ തുല്യമായ സ്ഥാനത്തു നില്ക്കുന്ന തന്ത്രി കുടുംബത്തിലെ ഒരാളുടെ അറസ്റ്റ് ദുഖകരമാണ്. എന്നാല് 2019 മുതല് ഇന്നുവരെ അവിടെ നടന്ന അനിഷ്ട സംഭവങ്ങള് ആരെയും അറിയിക്കാതിരുന്നതുതന്നെ കുറ്റകരമാണെന്ന് അദ്ദേഹം ഫെയ്സ്ബുക്കില് കുറിച്ചു. ‘ഉണ്ണികൃഷ്ണന് പോറ്റി അവിടെ വര്ഷങ്ങളോളം വിഹരിച്ചത് എങ്ങനെ? സ്വര്ണ പാളികള് പിടിപ്പിച്ച കട്ടിലകളും ദ്വാരപാലക വിഗ്രഹങ്ങളും എന്തിനു പാളികള് മാറ്റുന്നു? നിദ്രാ ദണ്ഡടക്കം മാറ്റിയിട്ടു തന്ത്രി നിശബ്ദത പാലിച്ചു. വാജിവാഹനം സ്വന്തമാക്കി. കുടുംബ തന്ത്രികളുകടെ ജീര്ണതയുടെ ഉത്തമ ഉദാഹരണമാണ് ഇവ. അവനവന് ചെയ്യുന്ന കര്മ്മങ്ങള്ക്ക് അവനവന് തന്നെ പ്രായശ്ചിതം ചെയ്യണം. ദൈവികമായി മാത്രം ചിന്തിക്കേണ്ടവര് ഇഹലോകത്തില് ആസക്തരാകുമ്പോള് ഇങ്ങനെയെല്ലാം ഭവിക്കും. ഭജ ഗോവിന്ദം ഭജ ഗോവിന്ദം ഗോവിന്ദം ഭജ മൂഢ മതേ. സാധാരണ ഭക്തരല്ല തന്ത്രികള്. അവര് ഏറ്റവും ഉയര്ന്ന ആത്മീയത പുലര്ത്തേണ്ടവരാണ്. ഞാന് ദൈവതുല്യനൊന്നുമല്ലെന്നും വെറുമൊരു തന്ത്രിയാണെന്നുമാണ്…
Read More » -
ആദ്യം മോഹനര്, ഇപ്പോള് രാജീവര്: കേരളത്തിലെ ഏറ്റവും പ്രബലമായ തന്ത്രി കുടുംബത്തില് നിന്ന് വിവാദത്തിലാകുന്ന രണ്ടാമത്തെയാള്; താഴമണ് കുടുംബം കരുത്താര്ജിച്ചത് ശബരിമല തീപിടിത്തത്തോടെ; വിവാദത്തിലാകുന്നതും അതേ ക്ഷേത്രംവഴി
പത്തനംതിട്ട: താഴമണ് കുടുംബത്തിലെ കണ്ഠര് രാജീവരെ അറസ്റ്റുചെയ്തതോടെ വിവാദത്തിലാകുന്ന രണ്ടാമത്തെയാളായി മാറി. ഇദ്ദേഹത്തിന്റെ താന്ത്രികാവകാശവും ചോദ്യം ചെയ്യപ്പെട്ടേക്കാം. ഇരുപതുവര്ഷം മുന്പ് ക്രിമിനല് പശ്ചാത്തലമുള്ള ശോഭാ ജോണുമായുള്ള ബന്ധത്തിലാണ് വിവാദത്തിലായ കണ്ഠര് മോഹനരെ ശബരിമല താന്ത്രികാവശാലത്തില് നിന്ന് നീക്കിയിരുന്നു. ശബരിമല അയ്യപ്പന്റെ പിതൃസ്ഥാനത്താണ് തന്ത്രി എന്നാണ് സങ്കല്പ്പം. ആനിലയ്ക്കുള്ള ആദരം വിശ്വാസികള് താഴമണ് കുടുംബത്തിലെ തന്ത്രിമാര്ക്ക് നല്കിവരുന്നു. ഭക്തരുടെ ആ വികാരത്തിനാണ് വീണ്ടും മങ്ങലേറ്റത് തന്ത്രി കണ്ഠര് രാജീവരുടെ അറസ്റ്റോടെ. 2006 ല് താഴമണ് കുടുംബത്തിലെ തന്ത്രി കണ്ഠര് മോഹനര് ഒട്ടേറെ ക്രിമിനല്കേസുകളില് ഉള്പ്പെട്ടശോഭാ ജോണുമായുള്ള ബന്ധത്തില് വിവാദത്തിലായിരുന്നു. അന്ന് വാദിസ്ഥാനത്തായിരുന്നു മോഹനര്. അദ്ദേഹത്തെ ഭീഷണിപ്പെടുത്തി സ്വര്ണവും പണവും തട്ടിയെടുത്ത കേസില് ശോഭാ ജോണും ബെച്ചു റഹ്മാനും ഉള്പ്പെടെ 11 പേരായിരുന്നു പ്രതിസ്ഥാനത്ത്. ശോഭാ ജോണ് ഉള്പ്പടെയുള്ളവര് ജയിലിലുമായി. ജസ്റ്റിസ് പരിപൂര്ണന് കമ്മിഷന്റെ ചോദ്യങ്ങളില് നിന്ന് മോഹനര്ക്ക് വേദമോ സംസ്കൃതമോ ഭാഗ്യസൂക്തം പോലുമോ അറിയില്ലെന്ന് വ്യക്തമായതും വലിയ നാണക്കേടായി. പിന്നെ ശബരിമലയില് തന്ത്രിയായി…
Read More » -
കോടതി നിലപാട് വന്നതിനു ശേഷം മാത്രം തന്ത്രിയെ കരിവാരി തേയ്ക്കുക; ബന്ധുവായതു കൊണ്ടല്ല പറയുന്നത്: രാഹുല് ഈശ്വര്
ശബരിമല സ്വര്ണക്കൊള്ളയില് തന്ത്രി കണ്ഠര് രാജീവരെ എസ്ഐടി അറസ്റ്റ് ചെയ്തതിന് പിന്നാലെ ഫെയ്സ്ബുക്ക് പോസ്റ്റുമായി രാഹുല് ഈശ്വര് രംഗത്ത്. ഹൈക്കോടതിയുടെ 9 ഇടക്കാല വിധിന്യായങ്ങളിൽ ഒന്നിൽ പോലും ബ്രഹ്മശ്രീ കണ്ഠര് രാജീവര് അവർകളെ കുറിച്ച് ഒരു നെഗറ്റീര് പരാമർശമില്ലെന്നും, കോടതികളുടെ നിലപാട് വന്നതിനു ശേഷം മാത്രം തന്ത്രിയെ കരിവാരിത്തേക്കുകയെന്നും രാഹുല് ഫെയ്സ്ബുക്കില് കുറിച്ചു. ‘ജീവിതത്തിൽ ഇന്നേവരെ ഒരു വിവാദത്തിലും ഉൾപ്പെട്ടിട്ടില്ല, ഒരു കുറ്റവും പഴിയും കേൾപ്പിച്ചിട്ടില്ല, തന്ത്രിക്കു ഭരണപരമായ കാര്യങ്ങളിൽ ഒരു ഉത്തരവാദിത്വവും ഇല്ല. വിശ്വാസം, ആചാരപരമായ കാര്യങ്ങളിൽ മാത്രമാണ് അധികാരം, ഉത്തരവാദിത്വം എന്നിവയുള്ളത്. 15 ലധികം രാജ്യങ്ങളിൽ 1000 കണക്കിന് അമ്പലങ്ങളിൽ പ്രതിഷ്ഠ, പൂജകൾ നടത്തിയ, സാക്ഷാൽ ഭഗവാൻ പരശുരാമൻ ആയിരക്കണക്കിന് വർഷങ്ങൾക്കു മുൻപ് കേരളത്തിലേക്ക് കൊണ്ട് വന്ന 2 ബ്രാഹ്മണ കുടുംബങ്ങളിൽ ഒന്നാണ് താഴമൺ. ശബരിമല അയ്യപ്പൻറെ പിതൃസ്ഥാനീയർ. അയ്യപ്പൻ തന്നെയാണ് ഞാനെന്ന വിശ്വാസിക്കും പ്രധാനം, തന്ത്രിയല്ല. പക്ഷെ, കോടതികളുടെ നിലപാട് വന്നതിനു ശേഷം മാത്രം തന്ത്രിയെ കരിവാരിത്തേക്കുക.…
Read More » -
സർവ്വം തന്ത്രമോ : പോറ്റി വളർത്തിയവരും പോറ്റിയെ വളർത്തിയവരും അകത്തു പോകുന്നു : ശബരിമല സ്വർണക്കൊള്ള കേസില് ശബരിമല തന്ത്രി കണ്ഠരര് രാജീവര് അറസ്റ്റിൽ
തിരുവനന്തപുരം: പോറ്റിവളർത്തിയവരും പോറ്റിയെ വളർത്തിയവരും എല്ലാ അകത്തു പോകുന്നു. മുതല് കട്ടെടുക്കുന്നതും കട്ടെടുപ്പിന് കൂട്ടുനിൽക്കുന്നതും വഴിയൊരുക്കുന്നതും എല്ലാം മോഷണം തന്നെ. ശബരിമല സ്വർണക്കൊള്ള കേസില് ശബരിമല തന്ത്രി കണ്ഠരര് രാജീവര് അറസ്റ്റിൽ ആകുമ്പോൾ പ്രതീക്ഷിച്ച ഒരു അറസ്റ്റ് ആയതുകൊണ്ട് തന്നെ കേരളം അധികം ഞെട്ടിയില്ല. പ്രത്യേക അന്വേഷണ സംഘം ഇന്ന് രാവിലെ മുതൽ തന്ത്രിയെ കസ്റ്റഡിയില് എടുത്തിരുന്നു. മണിക്കൂറുകൾ നീണ്ട ചോദ്യം ചെയ്യലിനൊടുവിലാണ് അറസ്റ്റ് രേഖപ്പെടുത്തിയത്. അറസ്റ്റിന് ശേഷം തന്ത്രി രാജീവ് കണ്ഠരര് മോഹനരെ ക്രൈംബ്രാഞ്ച് ഓഫീസിലെത്തിച്ചു. വളരെ രഹസ്യമായാണ് തന്ത്രിയെ കസ്റ്റഡിയിലെടുത്ത് ചോദ്യം ചെയ്തത്. നേരത്തെ മുതൽ തന്ത്രിയുടെ ഇടപെടൽ സംശയാസ്പദമായിരുന്നുവെങ്കിലും അതീവ രഹസ്യമായ നീക്കമാണ് എസ്ഐടി നടത്തിയത്. പോറ്റിക്ക് അവസരമൊരുക്കി കൊടുത്തത് തന്ത്രിയാണെന്നാണ് അന്വേഷണ സംഘത്തിന് ലഭിച്ച വിവരം. തന്ത്രി ദേവസ്വം ബോർഡിൽ നിന്നും ശമ്പളം കൈപ്പറ്റുന്നയാളെന്നും അഴിമതി നിരോധന പരിധിയിലും തന്ത്രി ഉൾപ്പെടും. പോറ്റി സ്വർണ തട്ടിപ്പ് നടത്തിയ വിവരം തന്ത്രിക്കറിയാമായിരുന്നു എന്നുള്ള വിവരങ്ങളും അന്വേഷണ…
Read More » -
സ്വര്ണക്കടത്തു മുതല് ലൈഫ് മിഷനും കരുവന്നൂരുംവരെ; കൈവച്ചിടത്തെല്ലാം നിഗൂഢത; പണി തെറിച്ച ഇഡി ഡെപ്യൂട്ടി ഡയറക്ടര് രാധാകൃഷ്ണന് ഉപജാപങ്ങളുടെ രാജകുമാരന്? ‘എല്ലാം മുഖ്യമന്ത്രിക്ക് അറിയാമായിരുന്നു’ എന്ന മൊഴിക്കായി കിണഞ്ഞു ശ്രമിച്ചു; കാറ്റാടിപ്പാടത്തിന്റെ കഥ നിരത്തിയ മാധ്യമ പ്രവര്ത്തകനും കുടുങ്ങി; പുറത്താകല് കാലത്തിന്റെ കാവ്യനീതി
തിരുവനന്തപുരം: സ്വപ്ന സുരേഷ് ഉള്പ്പെട്ട ഡിപ്ലോമാറ്റിക് ചാനലിലൂടെയുള്ള സ്വര്ണക്കടത്തടക്കം അന്വേഷിച്ച എന്ഫോഴ്സ്മെന്റ് ഡെപ്യൂട്ടി ഡയറക്ടര് പി. രാധാകൃഷ്ണനെ കേന്ദ്രസര്ക്കാര് പുറത്താക്കിയതിലൂടെ വെളിവായത് മാധ്യമങ്ങളെ കൂട്ടുപിടിച്ച് നടത്തിയ കെട്ടുകഥകളുടെ നിജസ്ഥിതി. കേരളത്തെ ഇളക്കിമറിച്ച സ്വര്ണക്കടത്തു കേസിന്റെ തിരക്കഥ മുഴുവന് രചിച്ചതു ഇയാളുടെ നേതൃത്വത്തിലായിരുന്നെന്നു വ്യക്തമായി. പിന്നീട് അന്വേഷണ റിപ്പോര്ട്ട് സമര്പ്പിച്ചപ്പോഴും കോടതിയില്നിന്നു രൂക്ഷ വിമര്ശനം നേരിട്ടതും ഇഡിയും കസ്റ്റംസും സമര്പ്പിച്ച റിപ്പോര്ട്ടുകളില് പുലബന്ധം പോലുമില്ലായിരുന്നു. അതിലൊന്നായിരുന്നു വടക്കാഞ്ചേരി ലൈഫ് മിഷന് കേസ്. ഇതില്നിന്നു ലഭിച്ച പണമാണ് ശിവശങ്കറിന്റെ ലോക്കറിലുണ്ടായിരുന്നതെന്ന് ഇഡി ഒരിടത്തു പറഞ്ഞപ്പോള് മറ്റൊരിടത്ത് സ്വര്ണക്കടത്തിലൂടെ ലഭിച്ചതായിരുന്നു എന്നായിരുന്നു. ഏറ്റവുമൊടുവില് കൈക്കൂലി കേസിലാണ് രാധാകൃഷ്ണനു പുറത്തേക്കു വഴിയൊരുങ്ങിയത്. നിര്ബന്ധിത വിരമിക്കല് എന്ന നിര്ദേശമാണ് കേന്ദ്രം മുന്നോട്ടുവച്ചത്. കേന്ദ്ര ധനകാര്യ മന്ത്രാലയമാണ് ഇതുസംബന്ധിച്ച ഉത്തരവ് പുറത്തിറക്കിയത്. അതിന്റെ അടിസ്ഥാനത്തിലാണ് സെക്ഷന് 56 ജെ പ്രകാരമുള്ള നടപടി എടുത്തിരിക്കുന്നത്. എം. ശിവശങ്കരന്റെ അറസ്റ്റിനടക്കം നേതൃത്വം കൊടുത്തതും പി. രാധാകൃഷ്ണനാണ്. കേസിന്റെ പിന്നീടുള്ള ഘട്ടങ്ങളില് ഒത്തുതീര്പ്പിനുള്ള ശ്രമങ്ങള്…
Read More » -
ട്രംപ് ഇനി ഇന്ത്യയിലേക്ക് യുദ്ധസന്നാഹത്തോടെ എത്തുമോ; വമ്പന് മയക്കുമരുന്ന് വേട്ടയില് അമേരിക്കയില് പിടിയിലായത് രണ്ട് ഇന്ത്യക്കാര്: പിടിച്ചെടുത്തത് 1.13 ലക്ഷം പേരെ കൊല്ലാന് ശേഷിയുള്ള മയക്കുമരുന്ന്; അറസ്റ്റിലായത് രണ്ട് ഇന്ത്യന് ട്ര്ക്ക് ഡ്രൈവര്മാര്
വാഷിംഗ്ടണ്: മയക്കുമരുന്ന് കടത്തിന്റെ പേരില് അമേരിക്കന് പ്രസിഡന്റ് ഡൊണാള്ഡ് ട്രംപ് വെനസ്വേലയില് നടത്തിയ പോലെ യുദ്ധസന്നാഹവുമായി ഇനി ഇന്ത്യയിലേക്കെത്തുമോ. ഇങ്ങനെ ഇന്ത്യക്കാര് സംശയിക്കാന് കാരണം അമേരിക്കയില് നടന്ന വന് മയക്കുമരുന്ന് വേട്ടയെക്കുറിച്ചുള്ള വാര്ത്തപുറത്തുവന്നപ്പോഴാണ്. പിടിയിലായത് രണ്ട് ഇന്ത്യന് ട്രക്ക് ഡ്രൈവര്മാരാണ്. പിടിച്ചെടുത്ത മയക്കുമരുന്ന് ചില്ലറയല്ല, കണക്കുപ്രകാരം 1.13 ലക്ഷം പേരെ കൊല്ലാന് കെല്പ്പുള്ള മയക്കുമരുന്നാണ് രണ്ട് ഇന്ത്യക്കാരും കൂടി കടത്താന് ശ്രമിച്ച് പിടിയിലായിരിക്കുന്നത്. 58 കോടി രൂപയുടെ കൊക്കെയ്നാണ് ഇവര് കടത്തിയത്. അമേരിക്കയിലെ ഇന്ഡ്യാനയിലാണ് സംഭവം. ട്രക്കില് ഒളിപ്പിച്ചുവെച്ച നിലയില് കടത്തിക്കൊണ്ടുവന്ന മയക്കുമരുന്ന് ഹൈവേയിലെ പതിവ് പരിശോധനയിലാണ് പിടികൂടിയത്. ഏകദേശം 58 കോടി രൂപ വിലമതിക്കുന്ന 309 പൗണ്ട് കൊക്കെയ്നുമായാണ് ഇന്ത്യക്കാരായ രണ്ടു സിംഗുമാരെ ഇന്ഡ്യാന സ്റ്റേറ്റ് പോലീസ് അറസ്റ്റ് ചെയ്തത്. ഗുര്പ്രീത് സിംഗ് (25), ജസ്വീര് സിംഗ് (30) എന്നിവരാണ് പിടിയിലായത്. 1,13,000ത്തിലധികം അമേരിക്കക്കാരുടെ ജീവന് എടുക്കാന് ശേഷിയുള്ള മയക്കുമരുന്നാണ് ഇതെന്നാണ് ഹോംലാന്ഡ് സെക്യൂരിറ്റി വിഭാഗം പറയുന്നത്.…
Read More » -
ഗുരുവംശത്തിനാകെ അപമാനം; മലമ്പുഴയിലെ അധ്യപകന് പീഡിപ്പിച്ചത് നിരവധി വിദ്യാര്ഥികളെ; പരാതിപ്രവാഹം തുടരുന്നു
പാലക്കാട്: മാതാവിനും പിതാവിനും ശേഷം ഗുരുവെന്നാണ് പറയാറുള്ളത്. പക്ഷേ പാലക്കാട്ടെ സംസ്കൃതം അധ്യാപകന് അനില് ഗുരുവംശത്തിനാകെ അപമാനമാണ്. പഠിപ്പിക്കുന്നതിനു പകരം പീഡിപ്പിക്കുന്നതില് സ്പെഷ്യലൈസ് ചെയ്ത ഗുരുവിനെതിരെ വിദ്യാര്ഥികളുടെ പരാതിപ്രവാഹമാണ്. പാലക്കാട് മലമ്പുഴയിലെ അധ്യാപകന് മദ്യം നല്കി വിദ്യാര്ത്ഥിയെ പീഡിപ്പിച്ച സംഭവത്തില് അധ്യാപകനെതിരെ കൂടുതല് പരാതികള് വന്നുകൊണ്ടിരിക്കുകയാണ്. റിമാന്ഡിലുള്ള സംസ്കൃത അധ്യാപകന്റെ പീഡനത്തിനിരയായത് നിരവധി വിദ്യാര്ത്ഥികളാണെന്ന വിവരം ഞെട്ടിപ്പിക്കുന്നതാണ്. സിഡബ്ല്യുസി കൈമാറിയ അഞ്ചു വിദ്യാര്ത്ഥികളുടെ പരാതികളില് മലമ്പുഴ പോലീസ് കേസെടുത്ത് നടപടികളുമായി മുന്നോട്ടുപോവുകയാണ്. സിഡബ്ല്യുസിയുടെ കൗണ്സിലിങ്ങിനിടെയാണ് പീഡനത്തിനിരയായ വിദ്യാര്ത്ഥികള് ദുരനുഭവങ്ങള് തുറന്നു പറഞ്ഞത്. ആദ്യഘട്ടത്തില് കൗണ്സിലിങ് നല്കിയ അഞ്ച് വിദ്യാര്ത്ഥികളാണ് മൊഴി നല്കിയത്. യുപി ക്ലാസുകളിലെ ആണ്കുട്ടികളാണ് അധ്യാപകന്റെ ലൈംഗിക പീഡനത്തിനിരയായത്. കുട്ടികള്ക്കും രക്ഷിതാക്കള്ക്കുമുള്ള സിഡബ്ല്യുസിയുടെ കൗണ്സിലിങ്ങ് അടുത്ത ദിവസവും തുടരും. നാളെയാണ് സ്കൂളിലെ പ്രധാനാധ്യാപിക, ക്ലാസ് ടീച്ചര് എന്നിവര്ക്ക് വിദ്യാഭ്യാസ വകുപ്പ് നല്കിയ നോട്ടീസിന് മറുപടി നല്കേണ്ട അവസാന ദിവസം.
Read More »