Health
-
മുട്ട് തേയ്മാനം തടയാം, ഇവ കഴിക്കൂ…
സാധാരണയായി പ്രായമായവരിലാണ് മുട്ടുവേദന ഉണ്ടാകുന്നതെങ്കിലും, പാരമ്പര്യം, മുട്ടിലുണ്ടാകുന്ന പല ഡീഫോള്ട്ടുകള്, എന്നി കാരണങ്ങളാല് ചെറുപ്പക്കാരിലും ഇത് കാണാറുണ്ട്. മുട്ടുവേദനയുടെ പ്രധാന കാരണങ്ങളിലൊന്നാണ് ഓസ്റ്റിയോ ആര്ത്രൈറ്റിസ്. മുട്ടുകളിലെ തേയ്മാനം, നീര്വീക്കം എന്നിവയൊക്കെയാണ് വേദനയുടെ കാരണങ്ങള്. എല്ലുകള്ക്ക് ബലമില്ലാത്തതിനാല് മുട്ടിനുവേദന, സന്ധിവേദന, വീക്കം, വേദന ഇവയെല്ലാം ഉണ്ടാകാം. പോഷകങ്ങളാല് സമ്പന്നമായ ചില ഭക്ഷണങ്ങള് കഴിച്ച് തന്നെ മുട്ട് തേയ്മാനം ഒരു പരിധി വരെ കുറയ്ക്കാനാകും. മഗ്നീഷ്യം, പൊട്ടാസ്യം ഇവ ധാരാളം അടങ്ങിയ വാഴപ്പഴം ബോണ്ഡെന്സിറ്റി കൂട്ടുന്നു. മലബന്ധം അകറ്റുന്നു. സന്ധിവാതത്തിന്റെ ലക്ഷണങ്ങള് അകറ്റാന് മഗ്നീഷ്യത്തിനു കഴിവുണ്ട്. ബെറിപ്പഴത്തിലടങ്ങിയ ആന്റി ഓക്സിഡന്റുകള് ഇന്ഫ്ലമേഷന് കുറയ്ക്കാന് സഹായിക്കുന്നു. കൂടാതെ ഇവ കോശങ്ങളെയും അവയവങ്ങളെയും നശിപ്പിക്കുന്നു. മത്സ്യത്തിലടങ്ങിയ ഒമേഗ 3 ഫാറ്റി ആസിഡ്, സന്ധിവേദന കുറയ്ക്കുന്നു. അസ്ഥിക്ഷയം ബാധിച്ചവര് ആഴ്ചയില് ഒരിക്കലെങ്കിലും മത്സ്യം കഴിക്കണം. ശരീരഭാരം കുറയ്ക്കാന് മാത്രമല്ല ഇന്ഫ്ലമേഷന് കുറയ്ക്കാനും ഗ്രീന് ടീ സഹായകമാണ്. ആന്റി ഇന്ഫ്ലമേറ്ററി ഗുണങ്ങള് അടങ്ങിയ ഗ്രീന് ടീ, കാര്ട്ടിലേജിന്റെ നാശം തടയുന്നു.…
Read More » -
കണ്ണിന് ചുറ്റുമുള്ള കറുപ്പുനിറം നിങ്ങളുടെ സൗന്ദര്യത്തെ സാരമായി ബാധിക്കുന്നുണ്ടോ ? ആ കറുപ്പകറ്റാന് എന്ത് ചെയ്യണം ?
കണ്ണിന്റെ ആരോഗ്യം സംരക്ഷിക്കുന്നത് വളരെ പ്രധാനമാണ്. എന്നാല് നിരവധി കാരണങ്ങള്കൊണ്ട് കണ്ണിന് ചുറ്റും കറുത്ത പാട് ഉണ്ടാകുന്നു. മാനസിക സമ്മര്ദം, ഉറക്കമില്ലായ്മ, അലര്ജി എന്നീ കാരണങ്ങള് കൊണ്ടാണ് പ്രധാനമായും കറുത്ത പാട് വരുന്നത്. ഈ പ്രശ്നത്തിനുള്ള ഏറ്റവും മികച്ച പരിഹാരമാണ് പുതിനയില. ദഹനസംബന്ധമായ രോഗങ്ങള്ക്കും പനി, ചുമ, തലവേദന എന്നിവ അകറ്റാനും പുതിനയില ഗുണം ചെയ്യും. കൂടാതെ മുഖക്കുരു, വരണ്ട ചര്മം എന്നിവയ്ക്കും പുതിനയില വളരെ ഫലപ്രദമാണ്. പുതിനയില പ്രയോഗം പുതിനയിലയുടെ നീര് കണ്ണിന് ചുറ്റും തേയ്ച്ച് പിടിപ്പിച്ച് 15 മിനിട്ടിന് ശേഷം ചെറുചൂട് വെള്ളത്തില് കഴുകി കളയാം. നാരങ്ങാനീരില് പുതിനയിലയുടെ നീര് ചേര്ത്ത് മുഖത്തിടാം. പത്ത് മിനിട്ട് കഴിഞ്ഞ് കഴുകി കളയാം. മുഖത്തെ കറുത്ത പാടുകള് മാറ്റാന് ഇത് ഉത്തമമാണ്. പുതിനയിലയുടെ നീര്, മഞ്ഞള് പൊടി, ചെറുപയര് പൊടി എന്നിവ മിക്സ് ചെയ്ത് കണ്ണിന് താഴെ ഇടുന്നത് നല്ലതാണ്. ശേഷം ചെറുചൂട് വെള്ളത്തിലോ, തണുത്ത വെള്ളത്തിലോ മുഖം കഴുകാം. മുട്ടയുടെ…
Read More » -
കോഴികളിലെ മഴക്കാല രോഗങ്ങളും അവയുടെ പ്രതിവിധികളും
മഴക്കാലത്ത് കോഴികളില് ധാരാളം രോഗങ്ങള് കണ്ടുവരാറുണ്ട്. ഈര്പ്പം അധികമുള്ള അന്തരീക്ഷം കോഴികള്ക്ക് ഒട്ടും ഗുണകരമല്ല. മഴക്കാലത്ത് കോഴികളില് കൂടുതലായി കണ്ടുവരുന്ന രോഗങ്ങളാണ് രക്താതിസാരവും ബംബിള് ഫൂട്ട് രോഗവും. മഴക്കാലത്ത് ലിറ്റര് നനയുമ്പോഴാണ് കൂടുതലായും രക്താതിസാരം കോഴികളില് വരുന്നത്. കോഴിക്കൂട്ടിലോ പരിസരത്തോ ഉള്ള ആണി, മുള്ള് തുടങ്ങി കൂര്ത്ത വസ്തുക്കള് കോഴിയുടെ പാദത്തില് തുളച്ചു കയറുകയും പിന്നീട് രോഗാണുക്കള് കോഴികളില് പ്രവേശിക്കുകയും ചെയ്യുന്നതോടൊപ്പം ഉണ്ടാകുന്ന രോഗ സാധ്യതയാണ് ബംബിള് ഫൂട്ട് രോഗം. രക്താതിസാരം കാണുന്ന കോഴികളുടെ കാഷ്ഠം പരിശോധിച്ചാണ് രോഗം നിര്ണയിക്കേണ്ടത്. ഇവയ്ക്ക് രക്തം കലര്ന്ന കോഴിക്കാഷ്ഠം ഉണ്ടാകുന്നു. ഇത്തരത്തില് രക്തം കലര്ന്ന കോഴിക്കാഷ്ഠം കാണപ്പെടുന്ന കോഴികള്ക്ക് 99 ശതമാനവും കോക്സീഡിയോസിസ് അഥവാ രക്താതിസാരം ആയിരിക്കും. ഈ രോഗം വന്ന കോഴികള് എപ്പോഴും തളര്ന്നു തൂങ്ങി നില്ക്കുകയും തീറ്റ എടുക്കാതിരിക്കുകയും ചെയ്യും. തീറ്റയില് പൊട്ടാസ്യം, സോഡിയം തുടങ്ങി ഘടകങ്ങളുടെ അപര്യാപ്തതയും വായുസഞ്ചാരം കൂട്ടില് ലഭ്യമല്ലാത്തതും രോഗകാരണങ്ങളായി വരാറുണ്ട്. അതുകൊണ്ടുതന്നെ രക്താതിസാരം ഇല്ലാതാക്കുവാന് ഇത്തരം…
Read More » -
ഡയറ്റിലൂടെ എങ്ങനെ കൊളസ്ട്രോള് കുറയ്ക്കാം ?
മനുഷ്യ ശരീരത്തിന്റെ ശരിയായ പ്രവര്ത്തനത്തിന് പരിമിതമായ തോതില് ആവശ്യമുള്ള വസ്തുവാണ് കൊളസ്ട്രോള്. എന്നാല് ഇത് അധികമാകുമ്പോൾ രക്തധമനികളുടെ ഭിത്തികളില് ഒട്ടിപിടിച്ചും ബ്ലോക്ക് ഉണ്ടാക്കിയും പല വിധ പ്രശ്നങ്ങള് സൃഷ്ടിക്കുന്നു. ഹൃദ്രോഗം, പക്ഷാഘാതം എന്നിങ്ങനെ പലതരം രോഗസങ്കീര്ണതകളാണ് ഉയര്ന്ന കൊളസ്ട്രോള് ശരീരത്തിലുണ്ടാക്കുന്നത്. കൊളസ്ട്രോള് തോത് 240ല് ഉള്ള ഒരാള്ക്ക് 200ല് ഉള്ള ഒരാളെ അപേക്ഷിച്ച് ഹൃദയസ്തംഭനം ഉണ്ടാകാനുള്ള സാധ്യത ഇരട്ടിയാണെന്ന് സ്പാനിഷ് ഹാര്ട്ട് ഫൗണ്ടേഷന് പറയുന്നു. ഉയര്ന്ന കൊളസ്ട്രോള് തോത് കുറയ്ക്കാന് സഹായിക്കുന്ന ആരോഗ്യപ്രദമായ ഭക്ഷണക്രമമാണ് ഡാഷ് ഡയറ്റെന്ന് യുഎസ് നാഷനല് ലൈബ്രറി ഓഫ് മെഡിസിനിലെ വിദഗ്ധര് ചൂണ്ടിക്കാണിക്കുന്നു. ഡയറ്ററി അപ്രോച്ചസ് ടു സ്റ്റോപ്പ് ഹൈപ്പര്ടെന്ഷന് എന്നതിന്റെ ചുരുക്കെഴുത്താണ് ഡാഷ്. രക്തസമ്മര്ദം നിയന്ത്രിക്കുന്നതിനുള്ള ഈ ഭക്ഷണക്രമ സമീപനങ്ങള് കൊളസ്ട്രോള് തോതും കുറയ്ക്കാന് സഹായിക്കുന്നതാണ്. പൊട്ടാസ്യം, കാല്സ്യം, മഗ്നീഷ്യം എന്നിവയാൽ സമ്പന്നമായ ഭക്ഷണങ്ങളാണ് ഡാഷ് ഡയറ്റിന്റെ പ്രത്യേകത. സോഡിയം, സാച്ചുറേറ്റഡ് കൊഴുപ്പ്, അമിതമായ പഞ്ചസാര എന്നിവ ഈ ഭക്ഷണക്രമത്തില് പരിമിതപ്പെടുത്തുന്നു. പച്ചക്കറികളും പഴങ്ങളും ഹോള്…
Read More » -
ശ്വാസകോശ കാൻസർ ദിനം ഓർമിപ്പിക്കുന്നു, പുകവലി അത്ര കൂൾ അല്ല!
സിനിമയുടെ ടൈറ്റിൽ മുതൽ സിഗരറ്റിന്റെ പാക്കറ്റിൽ വരെ നാം ദിവസവും കാണുകയും അവഗണിക്കുകയും ചെയ്യുന്ന ഒരു മുന്നറിയിപ്പാണിത്. എന്നിട്ടും ഇതിവിടെ വീണ്ടും എടുത്തുപറയുന്നത് ഇന്ന്, ഓഗസ്റ്റ് ഒന്ന്, ലോക ശ്വാസകോശ കാൻസർ ദിനമായത് കൊണ്ടാണ്. അതുകൊണ്ട്, പതിവ് പോലെ ഇതിനെയും അവഗണിക്കാതെ, ആരോഗ്യമുള്ള നല്ല നാളെകൾക്കായി തുടർന്ന് വായിക്കുക.സ്കൂളിലോ കോളേജിലോ പഠിക്കുമ്പോൾ ഒരു സ്റ്റൈൽ സ്റ്റേറ്റ്മെന്റായി തുടങ്ങിയ ശീലമായിരിക്കും പുകവലി. സുഹൃത്തുക്കളുടെയോ സിനിമകളുടെയോ സ്വാധീനം കൊണ്ടായിരിക്കും പലരും പുകവലിച്ചു തുടങ്ങുന്നത്. പക്ഷെ ആ ശീലം ക്ഷണിച്ചുവരുത്തുന്ന ആരോഗ്യപ്രശ്നങ്ങളുടെ ഗൗരവം തിരിച്ചറിഞ്ഞാൽ, ഒരിക്കലും നിങ്ങൾ പുകവലിച്ച് തുടങ്ങില്ല. നമ്മുടെ രാജ്യത്ത് ഏറ്റവുമധികം ആളുകളിൽ കാണുന്ന അർബുദമാണ് ശ്വാസകോശ ക്യാൻസർ. ലോകത്താകമാനം ഏറ്റവുമധികം ആളുകളെ കൊല്ലുന്ന രോഗങ്ങളിൽ ഒന്നും അതുതന്നെ. ശ്വാസകോശ അർബുദത്തിന് ചികിത്സ തേടിയെത്തുന്നവരിൽ പത്തിൽ ഒമ്പത് പേരും പുകവലിക്കാരാണ്.എന്നാൽ ഇപ്പോൾ ഈ ക്യാൻസറിന് ചികിത്സ തേടിയെത്തുന്നവരിൽ 25% വും പുകവലിക്കാത്തവരാണ്. സ്ത്രീകൾക്കിടയിലും ശ്വാസകോശ അർബുദം ഇപ്പോൾ കൂടുതലായി കണ്ടുവരുന്നു. പാസീവ് സ്മോക്കിങ്,…
Read More » -
അസ്ഥിക്ഷയം അപകടകരം, ലക്ഷണങ്ങളും തടയാൻ സഹായിക്കുന്ന ആരോഗ്യശീലങ്ങളും വിശദമായി അറിയുക
എല്ലുകൾ ദുർബലവും മൃദുവും ആയിത്തീരുന്ന ഒരു അവസ്ഥയാണ് അസ്ഥിക്ഷയം അല്ലെങ്കിൽ ഓസ്റ്റിയോപൊറോസിസ് (Osteoporosis). ചിലപ്പോൾ അസ്ഥികൾ വളരെ ദുർബലമാവുകയും അവ എളുപ്പത്തിൽ പൊട്ടുകയും ചെയ്യും. അസ്ഥി പൊട്ടൽ ഗുരുതരമായേക്കാം, പ്രത്യേകിച്ച് നട്ടെല്ല് ആണെങ്കിൽ. അത് ഗുരുതരമായ വൈകല്യത്തിനും വേദനയ്ക്കും കാരണമാകും. അതുകൊണ്ടാണ് പ്രതിരോധ നടപടികൾ സ്വീകരിക്കേണ്ടത് പ്രധാനമാണ്. അസ്ഥിക്ഷയം എങ്ങനെ തടയാം? അസ്ഥിക്ഷയം തടയുന്നതിനുള്ള പ്രധാന കാര്യങ്ങളിൽ ചിലത് ആരോഗ്യകരമായ ഭക്ഷണക്രമം, വ്യായാമം, ശരീരത്തിന് സൂര്യപ്രകാശം ലഭിക്കുകഎന്നിവയാണ്. ഭക്ഷണക്രമം മസിലുകളുടെ അളവ് നിലനിർത്താൻ ആവശ്യമായ പ്രോട്ടീനും കലോറിയും അടങ്ങിയ ഭക്ഷണം കഴിക്കേണ്ടത് ആവശ്യമാണ്. പ്രോട്ടീന്റെ കുറവ് പേശികളുടെ ബലം നഷ്ടപ്പെടാൻ ഇടയാക്കും. കൂടാതെ ഭക്ഷണത്തിൽ അസ്ഥികളുടെ പ്രധാന ഘടകമായ കാൽസ്യം ധാരാളം ഉണ്ടായിരിക്കണം. എല്ലാ സ്രോതസുകളിൽ നിന്നുമായി ശരീരത്തിന് പ്രതിദിനം കുറഞ്ഞത് 1000 മില്ലി ഗ്രാം കാൽസ്യം ലഭിക്കേണ്ടത് അത്യാവശ്യമാണ്. സ്ത്രീകൾ ആർത്തവവിരാമത്തിന് ശേഷം പ്രതിദിനം 1200 മിലി ഗ്രാം കാൽസ്യം അടങ്ങിയ ഭക്ഷണം കഴിക്കണം. കാൽസ്യത്തിന്റെ പ്രധാന ഭക്ഷണ സ്രോതസ്…
Read More » -
ആരോഗ്യസംരക്ഷണത്തിൽ ജിംനേഷ്യ ങ്ങൾക്കുള്ള പങ്ക്, എങ്ങനെ നല്ല ശരീരത്തിന് ഉടമയാകാം…
ജിംനേഷ്യങ്ങൾക്ക് നവകാലഘട്ടത്തിലുള്ള പ്രാധാന്യം. കഴിഞ്ഞദിവസം ബഹു:ഹൈക്കോടതി പറയുകയുണ്ടായി പ്രായഭേദമന്യേ, ആരോഗ്യം സംരക്ഷിക്കാൻ ആഗ്രഹിക്കുന്ന സമൂഹത്തിൻറെ പുണ്യ സ്ഥലമായി ജിംനേഷ്യങ്ങൾ മാറിക്കൊണ്ടിരിക്കുന്നു എന്ന്. ആരോഗ്യമുള്ള നല്ല സമൂഹം എന്ന മഹത്തായ ആശയം പ്രാവർത്തികമാക്കാൻ ജിംനേഷ്യം അല്ലെങ്കിൽ ഹെൽത്ത് ക്ലബ്ബുകൾ ചെറുതല്ലാത്ത സംഭാവനകൾ നൽകുന്നുണ്ട്. ബെൽ ബോട്ടം പാന്റും ബ്ലൗസ് പോലെ ഇറുകിയ ഷർട്ടും ധരിച്ച് മസിലും ഉരുട്ടി കയറ്റി, ശ്വാസം പിടിച്ചു നടന്നിരുന്ന എൺപതുകളിലെ ജയൻമോഡൽ സ്റ്റീൽ ബോഡി കാലഘട്ടത്തിൽ നിന്നും ജിംനേഷ്യം ഒരുപാട് പരിഷ്കൃതമായിരിക്കുന്നു. അത് കാലോചിതമായ ഒരു മാറ്റമാണ്. ശാസ്ത്രവും സമൂഹവും വലിയ കുതിച്ചുചാട്ടങ്ങളുമായി മുന്നേറുമ്പോൾ,മനുഷ്യശക്തിക്ക് അപ്രാപ്യമായ കഠിനകായിക അധ്വാനങ്ങൾക്ക് സ്വാഭാവികമായും യന്ത്രവൽക്കരണം അനിവാര്യമായി. അവയവങ്ങൾ ആഹാരം കഴിക്കാനും മൃദുവായ ജോലികൾ ചെയ്യാനും വേണ്ടിയുള്ളത് മാത്രമായി. അതോടൊപ്പം ഭക്ഷണ സംസ്കാരത്തിലും വലിയ മാറ്റങ്ങൾ സംഭവിച്ചു. സുഖലോലുപത മാത്രം മുന്നിലുള്ള ജീവിത മത്സരത്തിൽ ബുദ്ധിശക്തി മുന്നിട്ടു നിൽക്കുകയും കായികശക്തി തുലോം കുറയുകയോ വേണ്ടാതാവുകയും ചെയ്തു. പക്ഷേ ഇത്തരം അവസ്ഥാന്തരങ്ങൾ ശരീരവും…
Read More » -
മഴക്കാലത്തെ ജലദോഷത്തിന് ചിലവില്ലാതെ വീട്ടില്തന്നെ പരിഹാരം
മഴക്കാലമെത്തുന്നതോടെ സീസണലായ രോഗങ്ങളുടെ ഘോഷയാത്രയായി. ചുമ, ജലദോഷം, തുമ്മല്, പനി പോലുള്ള പ്രശ്നങ്ങളാണ് അധികവും മഴക്കാലത്ത് നമ്മെ വലയ്ക്കാറ്. ഇപ്പോള് പകര്ച്ചവ്യാധികളുടെ ഈ കാലത്ത് മഴക്കാലരോഗങ്ങളെ തിരിച്ചറിയാനും നമുക്ക് ബുദ്ധിമുട്ടാണ്. നമ്മുടെ രോഗ പ്രതിരോധശേഷിയെ ഒന്ന് മെച്ചപ്പെടുത്തുന്നതിലൂടെ വലിയൊരു പരിധി വരെ സീസണലായ ഇത്തരം പ്രശ്നങ്ങളെ നമുക്ക് പരിഹരിക്കാൻ സാധിക്കും. അത്തരത്തില് മഴക്കാലത്ത് പിടിപെടുന്ന അണുബാധകളെ ചെറുക്കുന്നതിനും പ്രതിരോധശേഷി മെച്ചപ്പെടുത്തുന്നതിനും സഹായകമായൊരു പാനീയത്തെയും പൊടിയെയും കുറിച്ചാണിനി പങ്കുവയ്ക്കുന്നത്. സ്പൈസുകള് കൊണ്ടാണ് ഈ പാനീയവും പൊടിയും തയ്യാറാക്കുന്നത്. നമ്മുടെ വീട്ടില് വച്ചുതന്നെ വളരെ എളുപ്പത്തില് തയ്യാറാക്കാവുന്നവയാണിവ. ആദ്യം പാനീയം എങ്ങനെയാണ് തയ്യാറാക്കുന്നത് എന്ന് നോക്കാം. തക്കോലം (2 എണ്ണം), കറുവപ്പട്ട ( അരയിഞ്ച് വലിപ്പത്തിലൊരു കഷ്ണം), ഗ്രാമ്പൂ ( 4-5 ), കുരുമുളക് ഃ 6-7 എണ്ണം) എന്നിവയാണ് ഇതിനാവശ്യമായിട്ടുള്ളത്. ഇവയെല്ലാം ഒന്നിച്ച് രണ്ട് കപ്പ് വെള്ളത്തില് ചേര്ത്ത്, വെള്ളം നല്ലതുപോലെ തിളപ്പിക്കുക. തിളപ്പിച്ച് രണ്ട് കപ്പ് വെള്ളമെന്നത് ഒരു കപ്പിലേക്ക് എത്തണം.…
Read More » -
കാറിലെ എ.സി. വിശ്രമം, അപകടമോ ?
പുറത്തെ ചൂട് അല്പ്പം കൂടുമ്പോള് നിര്ത്തിയിട്ടിരിക്കുന്ന വാഹനത്തില് കയറി, എ.സി. ഓണ് ചെയ്ത് വിശ്രമിക്കുന്നവര് ജാഗ്രെതെ… നിങ്ങള് ക്ഷണിച്ചു വരുന്നത് അപകടം. കഴിഞ്ഞ ദിവസം പിതാവിന്റെ ചികിത്സാര്ഥം കോട്ടയം മെഡിക്കല് കോളജ് ആശുപത്രിയില് എത്തിയ യുവാവ് കാറില് മരിച്ച നിലയില് കണ്ടെത്തിയത് സമാന രീതിയിലുള്ള സംഭവമാണെന്നാണ് സൂചന. ഇതോടെയാണു, വിദഗ്ധര് മുന്നറിയിപ്പുമായി രംഗത്തെത്തിയിരിക്കുന്നത്. ചൂടു കാലാവസ്ഥയില് എ.സി. ഓണ് ചെയ്ത് കാറില് വിശ്രമിക്കുന്നവര് അപകടം ക്ഷണിച്ചു വരുത്തുകയാണെന്ന് ഇവര് പറയുന്നു. അപൂര്വമായി എ.സി വില്ലനാകുന്നത് മരണത്തിന് കാരണമാകും. എന്ജിന് പ്രവര്ത്തിച്ചാണ് എ.സിയുടെ പ്രവര്ത്തനം. ഇതിനായി ഇന്ധനം പൂര്ണ ജ്വലനം നടന്നാല് കാര്ബണ് െഡെ ഓക്െസെഡ്, നീരാവി ഇവയാണ് ഉണ്ടാവുക. എന്നാല് അപൂര്ണമായ ജ്വലനം നടക്കുമ്പോള് ഓക്സിജന്റെ അഭാവത്തില് ചെറിയ അളവില് വിഷവാതകമായ കാര്ബണ് മോണോ ഓക്െസെഡ് ഉണ്ടാവാനും സാധ്യത ഉണ്ട്. ഇതാണ് അപകടത്തിലേക്കു നയിക്കുന്നത്. ഇത്തരത്തിലുണ്ടാകുന്ന കാര്ബണ് മോണോ ഓക്െസെഡ് എക്സ്ഹോസ്റ്റ് െപെപ്പില് ഘടിപ്പിച്ച ക്യാറ്റലിറ്റിക്ക് കോണ്വെര്ട്ടര് എന്ന സംവിധാനത്തിലൂടെ വിഷം…
Read More » -
മഴക്കാലത്ത് അടുക്കളയില് എപ്പോഴും സൂക്ഷിക്കേണ്ട അഞ്ച് ചേരുവകള്
മഴക്കാലമെന്നാല് മിക്കവര്ക്കും ഏറെ സന്തോഷമുള്ള സമയമാണ്. മഴയും തണുത്ത കാലാവസ്ഥയുമെല്ലാം ഇഷ്ടപ്പെടുന്നവര് ഒരുപാടാണ്. എന്നാല് മഴക്കാലത്തിന്റെ ഏറ്റവും വലിയ ബുദ്ധിമുട്ട് ഈ കാലാവസ്ഥയില് പിടിപെടുന്ന രോഗങ്ങളാണ്. കൊതുകുജന്യ രോഗങ്ങളെ മാറ്റിനിര്ത്തിയാല് അധികവും അണുബാധകളാണ് മഴക്കാലത്ത് വ്യാപകമാകാറ്. ജലദോഷം, ചുമ, തൊണ്ടവേദന, പനി എന്നിവയെല്ലാം ഇത്തരത്തില് പിടിപെടാറുണ്ട്. മഴക്കാലത്തെ ഇത്തരം സാധാരണ അണുബാധകള് ഒഴിവാക്കുന്നതിന് നമ്മള് രോഗപ്രതിരോധ ശേഷി കൂടുതല് മെച്ചപ്പെടുത്തുകയാണ് വേണ്ടത്. ഇതിനായി ആദ്യം ശ്രദ്ധിക്കേണ്ടത് ഭക്ഷണകാര്യമാണ്. ഇനി, മഴക്കാലത്ത് പ്രതിരോധശേഷി വര്ധിപ്പിക്കുന്നതിനും അണുബാധകളൊഴിവാക്കുന്നതിനും അടുക്കളയില് എല്ലായ്പോഴും സൂക്ഷിക്കേണ്ട അഞ്ച് ചേരുവകളെ കുറിച്ചാണ് പങ്കുവയ്ക്കുന്നത്. മിക്ക വീടുകളില് തുളസിച്ചെടി വളര്ത്താറുണ്ട്. ഒരു ഔഷധമെന്ന നിലയിലാണ് നാം തുളസിയെ കാണുന്നത്. സ്ട്രെസ് അകറ്റാനും, ഉന്മേഷം വര്ധിപ്പിക്കാനുമെല്ലാം തുളസി സഹായിക്കും. ഇത് ചായയിലോ വെള്ളത്തിലോ എല്ലാം ചേര്ത്ത് കഴിക്കാവുന്നതാണ്. അടുത്തതായി വേണ്ടത് ഇഞ്ചി. ഇഞ്ചിയിലടങ്ങിയിരിക്കുന്ന ജിഞ്ചറോള്, പാരഡോള്സ് തുടങ്ങി ഒരുപിടി ഘടകങ്ങള്ക്ക് അണുബാധകളെ ചെറുക്കുന്നതിന് സാധിക്കും. ഇതിന് പുറമെ ശരീരത്തിലെ വിവിധ ഭാഗങ്ങളിലേക്ക് പോഷകങ്ങളെ…
Read More »