Month: January 2025
-
Crime
പ്രണയനൈരാശ്യം; നിയമവിദ്യാര്ഥി കെട്ടിടത്തില് നിന്ന് ചാടി ജീവനൊടുക്കി, മുന് കാമുകി അറസ്റ്റില്
ന്യൂഡല്ഹി: പ്രണയനൈരാശ്യത്തെത്തുടര്ന്ന് നിയമവിദ്യാര്ഥി കെട്ടിടത്തില്നിന്ന് ചാടി ജീവനൊടുക്കി. ആത്മഹത്യ പ്രേരണക്കുറ്റത്തിന് മുന് കാമുകി അറസ്റ്റില്. നോയിഡയില് ശനിയാഴ്ചയാണ് കേസിനാസ്പദമായ സംഭവം നടന്നത്. അമിറ്റി സര്വകലാശാലയില് നിയമ വിദ്യാര്ഥിയായ തപസ്സ് (23) ആണ് മരിച്ചത്. കാമുകി ബന്ധത്തില്നിന്ന് പിന്മാറിയതിനെ തുടര്ന്നായിരുന്നു ഇത്. തപസ്സും സഹപാഠി കൂടിയായ കാമുകിയും ലിവ് ഇന് ബന്ധത്തിലായിരുന്നു. എന്നാല് അടുത്തിടെ ഇവര് തമ്മില് പ്രശ്നങ്ങളുണ്ടാകുകയും പെണ്കുട്ടി തപസ്സുമായുള്ള ബന്ധം ഉപേക്ഷിക്കുകയും ചെയ്തിരുന്നു. ഇതിനു പിന്നാലെ ബന്ധം തുടരണമെന്നാവശ്യപ്പെട്ട് തപസ്സും സുഹൃത്തുക്കളും പലതവണ പെണ്കുട്ടിയെ സമീപിച്ചെങ്കിലും പെണ്കുട്ടി തയാറായില്ല. ഗാസിയാബാദില് താമസിച്ചിരുന്ന തപസ്സ് ശനിയാഴ്ച നോയിഡയിലെ സുഹൃത്തിന്റെ അപ്പാര്ട്ട്മെന്റിലെത്തുകയും സുഹൃത്തുക്കള് പെണ്കുട്ടിയെ അവിടേക്ക് വിളിച്ചുവരുത്തി പ്രശ്നങ്ങള് പറഞ്ഞുതീര്ക്കാന് ശ്രമിക്കുകയും ചെയ്തു. ഇതിലും പെണ്കുട്ടി വഴങ്ങാതായതോടെ തപസ്സ് ഏഴാം നിലയില്നിന്ന് ചാടുകയായിരുന്നു. തപസ്സിന്റെ മാതാപിതാക്കളുടെ പരാതിയിലാണ് മുന് കാമുകിയെ അറസ്റ്റ് ചെയ്തത്. പിന്നീട് പെണ്കുട്ടിക്ക് കോടതി ജാമ്യം അനുവദിച്ചു.
Read More » -
Kerala
ജാമ്യം നല്കാമെന്ന് ഹൈക്കോടതി; ‘ബോചെ’ പുറത്തേയ്ക്ക്
കൊച്ചി: നടി ഹണി റോസിനെതിരെ ലൈംഗികാധിക്ഷേപ പരാമര്ശം നടത്തിയ കേസില് വ്യവസായി ബോബി ചെമ്മണൂരിന് ജാമ്യം. ജസ്റ്റിസ് പി വി കുഞ്ഞിക്കൃഷ്ണന്റെ ബെഞ്ചാണ് ബോബിയുടെ ജാമ്യാപേക്ഷ പരിഗണിച്ചത്. ജാമ്യ ഉത്തരവ് ഉച്ചകഴിഞ്ഞ് 3.30 ന് പുറപ്പെടുവിക്കുമെന്ന് ഹൈക്കോടതി വ്യക്തമാക്കി. വ്യാഴാഴ്ച മുതല് ബോബി ചെമ്മണൂര് കാക്കനാട് ജില്ലാ ജയിലിലാണ്. എന്തിനാണ് ബോബിയുടെ കസ്റ്റഡി തുടരാന് ആവശ്യപ്പെടുന്നതെന്ന് കോടതി ചോദിച്ചു. ആറു ദിവസമായി ബോബി ചെമ്മണൂര് ജയിലിലാണ്. സമൂഹത്തിന് ഇപ്പോഴേ വ്യക്തമായ സന്ദേശം ലഭിച്ചിട്ടില്ലേയെന്ന് കോടതി ചോദിച്ചു. എന്തിനുവേണ്ടിയാണ് ഈ മനുഷ്യന് ഇങ്ങനെയൊക്കെ ചെയ്യുന്നതെന്നും കോടതി ചോദിച്ചു. ബോബിക്ക് ജാമ്യം നല്കുകയാണെങ്കില് കര്ശന വ്യവസ്ഥകള് വേണമെന്ന് സര്ക്കാര് കോടതിയില് ആവശ്യപ്പെട്ടു. കുന്തീദേവി പരാമര്ശം തെറ്റായ ഉദ്ദേശത്തോടെയാണ്. പൊതുപരിപാടിക്കിടെ അനുവാദമില്ലാതെ നടിയെ ശരീരത്തില് കടന്നുപിടിച്ചു. പരാതിക്കാരിയെ പിന്നാലെ നടന്ന് അപമാനിച്ചു. പ്രതി കുറ്റകൃത്യം ആവര്ത്തിച്ചുകൊണ്ടിരിക്കുകയാണ്. ജാമ്യം നല്കിയാല് അത് സമൂഹത്തിന് തെറ്റായ സന്ദശമാകും നല്കുകയെന്നും പ്രോസിക്യൂഷന് വാദിച്ചു. നടിയോട് ബോബി ചെമ്മണൂര് മോശമായി പെരുമാറിയിട്ടില്ലെന്ന്…
Read More » -
Kerala
”ടി.പിയുടെ പോക്കറ്റില് കണ്ടത് എന്റെ മകന്റെ വിവാഹത്തിന് വരാനെടുത്ത ട്രെയിന് ടിക്കറ്റ്”
തിരുവനന്തപുരം: ടി.പി. ചന്ദ്രശേഖരന് കൊല്ലപ്പെട്ടപ്പോള് പൊലീസ് അദ്ദേഹത്തിന്റെ പോക്കറ്റില് നിന്ന് കണ്ടെടുത്ത കോട്ടയത്തേക്കുള്ള ട്രെയിന് ടിക്കറ്റ് തന്റെ മകന്റെ വിവാഹത്തില് പങ്കെടുക്കാന് വേണ്ടി എടുത്തതായിരുന്നുവെന്ന് സി.പി.എം നേതാവ് കെ.സുരേഷ് കുറുപ്പ് വെളിപ്പെടുത്തി. ടി.പിയെക്കുറിച്ചുള്ള ചോദ്യത്തോടു പ്രതികരിക്കുകയായിരുന്നു അദ്ദേഹം. ‘ഞങ്ങള് ഉറ്റ സുഹൃത്തുക്കള് ആയിരുന്നു. ദൈനംദിന കോണ്ടാക്ട് ഇടയ്ക്ക് ഇല്ലായിരുന്നെങ്കിലും എന്റെ മകന്റെ വിവാഹത്തിന് ഞാന് ടി.പിയെ ക്ഷണിച്ചു. കോഴിക്കോട് എം.എല്.എയായിരുന്ന പ്രദീപ് കുമാറിന്റെ വീട്ടില്വച്ച് ഫോണില് വിളിക്കുകയായിരുന്നു. അന്ന് ഞങ്ങള് ഒരുപാട് തമാശകള് പറഞ്ഞു ചിരിച്ചു. മകന്റെ വിവാഹത്തില് പങ്കെടുക്കുമോയെന്ന് ഞാന് ചോദിച്ചു. വരുമെന്നായിരുന്നു സ്നേഹപൂര്വമുള്ള മറുപടി. പിന്നെ ഒരു ദിവസം രാവിലെ പത്രം എടുത്തു നോക്കുമ്പോള് ഈ കൊലപാതക വാര്ത്തയാണ് കണ്ടത്. ഞാന് തളര്ന്നിരുന്നു പോയി. അന്ന് പോകാന് കഴിഞ്ഞില്ല. പിന്നീട് പല കാരണങ്ങളാല് പോകാനായില്ല. ചന്ദ്രശേഖരനുമായി അടുപ്പമുള്ള താനും എസ്.ശര്മയുമൊന്നും തിരിഞ്ഞു നോക്കിയില്ലെന്ന് കെ.കെ.രമ എവിടെയോ പ്രതികരിച്ചതായി അറിഞ്ഞു. സി.പി.ജോണിന്റെ മകളുടെ വിവാഹത്തില് പങ്കെടുക്കാന് പിന്നീട് ഞാന് കുടുംബസമേതം…
Read More » -
Crime
ടോസില് ‘ഹെഡ്’ വന്നതുകൊണ്ട് കൊന്നു! 18 കാരിയുടെ മൃതദേഹവുമായി ലൈംഗികബന്ധം; അറസ്റ്റ് ചെയ്യാനെത്തിയപ്പോള് 20കാരന് പറഞ്ഞത്
വാര്സോ: 18 കാരിയെ കൊലപ്പെടുത്തിയ ശേഷം മൃതദേഹവുമായി ലൈംഗിക ബന്ധത്തില് ഏര്പ്പെട്ട ക്രൂരത കോടതിയില് വെളിപ്പെടുത്തി യുവാവ്. മാറ്റിയൂസ് ഹെപ്പ (20) എന്ന പോളിഷ് യുവാവാണ് വിക്ടോറിയ കോസിയേല്സ്ക (18) എന്ന പെണ്കുട്ടിയെ കൊലപ്പെടുത്തിയത്. നാണയം ടോസ് ചെയ്താണ് താന് കൊലപാതകം നടത്താന് തീരുമാനിച്ചതെന്ന് പ്രതി വെളിപ്പെടുത്തി. 2023 ഓഗസ്റ്റിലായിരുന്നു സംഭവം. പോളണ്ടിലെ കറ്റോവിസില് പാര്ട്ടി കഴിഞ്ഞ് വീട്ടിലേക്ക് മടങ്ങുകയായിരുന്ന പെണ്കുട്ടിയെ കാര് റിപ്പയര് ഷോപ്പിലെ ജോലിക്കാരനായ പ്രതി സമീപിക്കുകയും തുടര്ന്ന് ഫ്ലാറ്റിലേക്ക് ക്ഷണിക്കുകയും ചെയ്തു. ഫ്ലാറ്റിലെത്തി ഉറങ്ങിപ്പോയ പെണ്കുട്ടിയെ പ്രതി ക്രൂരമായി മര്ദ്ദിക്കുകയും കയറുപയോഗിച്ച് കഴുത്തു ഞെരിച്ച് കൊലപ്പെടുത്തുകയും ചെയ്തു. കൊലപതകത്തിന് ശേഷം മൃതദേഹവുമായി പ്രതി ലൈംഗിക ബന്ധത്തില് ഏര്പ്പെട്ടു. സംഭവത്തിന് ശേഷം പ്രതി ആത്മഹത്യ ചെയ്യാന് ആലോചിച്ചിരുന്നെങ്കിലും പിന്നീട് മനസ്സ് മാറ്റി പൊലീസിനെ വിളിച്ചതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു. മൃതദേഹം കണ്ടെത്തി മണിക്കൂറുകള്ക്ക് ശേഷമാണ് പൊലീസ് പ്രതിയെ പിടികൂടിയത്. ‘കൊലപ്പെടുത്തണോ വേണ്ടയോ എന്ന് തീരുമാനിക്കാന് ഞാന് ഒരു…
Read More » -
Crime
പ്ലസ് വണ് വിദ്യാര്ഥി ഫ്ലാറ്റിലെ സ്വിമ്മിങ് പൂളില് മരിച്ച നിലയില്; അന്വേഷണം
എറണാകുളം: പ്ലസ് വണ് വിദ്യാര്ഥിയെ ഫ്ലാറ്റിലെ സ്വിമ്മിങ് പൂളില് മരിച്ച നിലയില് കണ്ടെത്തി. തൃക്കാക്കരയിലെ നൈപുണ്യ പബ്ലിക് സ്കൂളിന് സമീപത്തെ ഫ്ലാറ്റിലാണ് 17 കാരനെ മരിച്ച നിലയില് കണ്ടെത്തിയത്. നൈപുണ്യ പബ്ലിക് സ്കൂളിലെ പ്ലസ് വണ് വിദ്യാര്ഥിയായ ജോഷ്വ ആണ് മരിച്ചത്. രാവിലെ ഏഴുമണിയോടെ സമീപത്തെ ബില്ഡിങില് നിന്നുള്ള ആളുകളാണ് വിദ്യാര്ഥിയുടെ മൃതദേഹം കണ്ടെത്തിയത്. തുടര്ന്ന വിവരം ഫ്ലാറ്റ് നിവാസികളെ അറിയിക്കുകയായിരുന്നു. ഫ്ലാറ്റിന്റെ പതിനെട്ടാം നിലയില് നിന്ന് യുവാവിന്റെ വസ്ത്രങ്ങളും ചെരിപ്പുകളും കണ്ടെത്തിയിട്ടുണ്ട്. കുട്ടിയുടെ മാതാപിതാക്കള് ഐടി ജീവനക്കാരാണ് കുട്ടി ഫ്ലാറ്റില് നിന്നും വീണതാണെന്നാണ് സൂചന. രാത്രി പന്ത്രണ്ട് മണിക്ക് ശേഷമാണ് അപകടം ഉണ്ടായത്. തൃക്കാക്കര പൊലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കി. സംഭവത്തില് അന്വേഷണം പുരോഗമിക്കുകയാണെന്നും പൊലീസ് പറഞ്ഞു.
Read More » -
Kerala
നിലമ്പൂരില് യുഡിഎഫിനായി ഷൗക്കത്തോ ജോയിയോ, എല്ഡിഎഫില് ആദ്യ പരിഗണന സ്വരാജിന്?
നിയമസഭയുടെ കാലാവധി അവസാനിക്കാന് ഒരു വര്ഷവും നാല് മാസവും ബാക്കി നില്ക്കേ പി.വി അന്വറിന്റെ രാജി നിലമ്പൂരിനെ ഉപതിരഞ്ഞെടുപ്പിലേക്ക് നയിച്ചിരിക്കുകയാണ്. ആറ് മാസത്തിനുള്ളില് ഉപതിരഞ്ഞെടുപ്പ് നടത്തണമെന്ന ചട്ടം അനുസരിച്ചാണെങ്കില് വരാനിരിക്കുന്ന തദ്ദേശ തിരഞ്ഞെടുപ്പിന് മുമ്പ് തന്നെ കേരളം ഒരു ഉപതിരഞ്ഞെടുപ്പിനെക്കൂടി നേരിടും. നിയമസഭാ തിരഞ്ഞെടുപ്പിന് കഷ്ടിച്ച് 14 മാസം മാത്രമേയുള്ളൂവെന്നതിനാല് ഒരുപക്ഷേ ഉപതിരഞ്ഞെടുപ്പ് വേണ്ടെന്ന് വെക്കാനും സാധ്യതയുണ്ട്. ഉപതിരഞ്ഞെടുപ്പില് മത്സരിക്കാനില്ലെന്ന് പി.വി അന്വര് തന്നെ നിലപാട് എടുക്കുകയും അതില് അദ്ദേഹം ഉറച്ചുനില്ക്കുകയും ചെയ്യുന്ന സാഹചര്യത്തില് മൂന്നുമുന്നണികളും ആരെ സ്ഥാനാര്ഥിയാക്കുമെന്ന ചര്ച്ച മണ്ഡലത്തില് തുടങ്ങിക്കഴിഞ്ഞു. 2021-ല് എല്ഡിഎഫ് സര്ക്കാര് അധികാരത്തില് വന്നശേഷമുള്ള അഞ്ചാമത്തെ ഉപതിരഞ്ഞെടുപ്പിനാണ് നിലമ്പൂരില് കളമൊരുങ്ങുന്നത്. നാലില് മൂന്നിലും ജയിച്ചത് യുഡിഎഫായിരുന്നു. അതാവട്ടെ അവരുടെ സിറ്റിങ് സീറ്റുകളും. എല്ഡിഎഫ് അവരുടെ സിറ്റിങ് സീറ്റായ ചേലക്കരയും നിലനിര്ത്തി. തൃക്കാക്കര, പുതുപ്പള്ളി ഏറ്റവും ഒടുവില് പാലക്കാടും യുഡിഎഫിനൊപ്പം തന്നെ നിന്നു. എന്നാല് നിലമ്പൂരില് വരാന് പോകുന്ന ഉപതിരഞ്ഞെടുപ്പ് ഫലം എല്ഡിഎഫിനും യുഡിഎഫിനും ഒരുപോലെ നിര്ണായകമായിരിക്കും.…
Read More » -
Crime
15കാരിക്ക് അശ്ലീല സന്ദേശം, പീഡനം; പോക്സോ കേസില് ബിജെപി നേതാവ് അറസ്റ്റില്
ചെന്നൈ: ബിജെപി സാമ്പത്തിക വിഭാഗം അധ്യക്ഷന് എം.എസ്. ഷാ പോക്സോ കേസില് അറസ്റ്റില്. സ്കൂള് വിദ്യാര്ഥിനിയെ പീഡിപ്പിച്ചെന്ന പരാതിയില് മധുര സൗത്ത് ഓള് വിമന് പോലീസ് രജിസ്റ്റര് ചെയ്ത കേസിലാണ് അറസ്റ്റ്. കുട്ടിയുടെ പിതാവ് നല്കിയ പരാതിയിലാണു നടപടി. 15 വയസ്സുള്ള മകളുടെ മൊബൈല് ഫോണില് എം.എസ്. ഷാ അശ്ലീല സന്ദേശങ്ങള് അയച്ചതായും ഇരുചക്ര വാഹനം വാങ്ങിത്തരാമെന്നു പറഞ്ഞ് മകളെ വീട്ടിലേക്ക് വിളിച്ചു വരുത്തി പീഡിപ്പിച്ചതായും പിതാവ് പൊലീസില് പരാതി നല്കിയിരുന്നു. തന്റെ ഭാര്യയ്ക്ക് ഷായുമായി വിവാഹേതര ബന്ധമുണ്ടെന്നും മകളെ പീഡിപ്പിച്ച കാര്യം അറിയാമായിരുന്നുവെന്നും പരാതിയില് ആരോപിച്ചു. തുടര്ന്ന് ഇയാളുടെ ഭാര്യയ്ക്കെതിരെയും ഷായ്ക്ക് എതിരെയും പൊലീസ് കേസെടുക്കുകയായിരുന്നു. വിശദ അന്വേഷണം നടത്താന് മദ്രാസ് ഹൈക്കോടതിയുടെ മധുര ബെഞ്ച് നിര്ദേശിച്ചു. ഉത്തരവിന്റെ അടിസ്ഥാനത്തില് നടത്തിയ അന്വേഷണത്തില് എം.എസ്. ഷാ കുറ്റക്കാരനാണെന്നു കണ്ടെത്തി. ഈ സാഹചര്യത്തിലാണ് അറസ്റ്റ്.
Read More » -
Crime
പ്രണയ വിവാഹം: ഒടുവിൽ മിന്നു കെട്ടിയ കരം കൊണ്ടു തന്നെ പ്രാണനെടുത്തു, ശാസ്താംകോട്ട ശ്യാമ വധക്കേസിൽ ഭർത്താവ് അറസ്റ്റിൽ
കൊല്ലം ശാസ്താംകോട്ടയിൽ യുവതിയെ മരിച്ച നിലയിൽ കണ്ടെത്തിയ സംഭവത്തിൽ പുതിയ വഴിത്തിരിവ്. ഭർത്താവ് രാജീവാണ് ഭാര്യ ശ്യാമ(26)യെ കഴുത്ത് ഞെരിച്ച് കൊലപ്പെടുത്തിയതെന്ന് പൊലീസിന്റെ ചോദ്യം ചെയ്യലിൽ വ്യക്തമായി. മൈനാഗപള്ളി സ്വദേശിയായ ശ്യാമയെയാണ് കഴിഞ്ഞ ദിവസം വീടിനുള്ളിൽ മരിച്ച നിലയിൽ കണ്ടെത്തിയത്. വീട്ടിനുള്ളിൽ വീണ് കിടന്ന ശ്യാമയെ അയൽവാസികളുടെ സഹായത്തോടെ ആശുപത്രിയിൽ എത്തിച്ചെന്നായിരുന്നു രാജീവിൻ്റെ മൊഴി. പോസ്റ്റ്മോര്ട്ടത്തിലാണ് യുവതിയുടെ മരണം കൊലപാതകമെന്ന് തെളിഞ്ഞത്. ഇതിന് പിന്നാലെ രാജീവിനെ ശാസ്താംകോട്ട പൊലീസ് ചോദ്യം ചെയ്തപ്പോഴാണ് സംഭവങ്ങളുടെ നിജസ്ഥിതി വ്യക്തമായത്. ശ്യാമയെ കഴുത്ത് ഞെരിച്ച് കൊലപ്പെടുത്തുകയായിരുന്നുവെന്ന് പൊലീസിന്റെ ചോദ്യം ചെയ്യലിൽ രാജീവ് മൊഴി നൽകി. കൊലയ്ക്കു പിന്നിലെ കാരണങ്ങൾ വ്യക്തമായിട്ടില്ലെന്നും പ്രതിയെ ചോദ്യം ചെയ്തുവരികയാണെന്നും പൊലീസ് അറിയിച്ചു. മദ്യലഹരിയിലാണ് രാജീവ് ശ്യാമയെ കഴുത്ത് ഞെരിച്ച് കൊലപ്പെടുത്തിയത്. മണ്ണൂർക്കാവ് ക്ഷേത്രത്തിനു സമീപത്തെ വീടിനുള്ളിൽ ദുരൂഹ സാഹചര്യത്തിൽ ശ്യാമയെ മരിച്ചനിലയിൽ കണ്ടെത്തുകയായിരുന്നു. സംഭവ സമയത്ത് രാജീവും ശ്യാമയും മാത്രമാണ് വീട്ടിൽ ഉണ്ടായിരുന്നത്. അബോധാവസ്ഥയിലായ ശ്യാമയെ ആശുപത്രിയിലെത്തിക്കാൻ…
Read More » -
Kerala
പി.വി അന്വർ കലക്കിയ കുളത്തിൽ മീൻ പിടിക്കാൻ യുഡിഎഫ്: വി.ഡി സതീശൻ്റെ മലയോര സമര പ്രചരണയാത്ര ജനുവരി 27 മുതൽ
കേരളത്തിലെ കർഷകർ നേരിടുന്ന വന്യജീവി ആക്രമണങ്ങളായിരുന്നു പി.വി അൻവറിൻ്റെ തുറുപ്പുചീട്ട്. അതിനു പരിഹാരം തേടിയാണ് തൃണമൂൽ കോൺഗ്രസിൽ ചേരുന്നതെന്നാണ് അൻവർ പറയുന്നത്. എന്നാൽ അൻവർ കലക്കിയ കുളത്തിൽ മീൻ പിടിക്കാൻ യുഡിഎഫ്. വന്യമൃഗങ്ങളുടെ ആക്രമണത്തിൽ നിന്ന് മലയോര കർഷകരെയും ജനങ്ങളെയും രക്ഷിക്കുക എന്ന ആവശ്യം ഉന്നയിച്ച് പ്രതിപക്ഷ നേതാവ് വി ഡി സതീശൻ്റെ നേതൃത്വത്തിൽ യുഡിഎഫ് മലയോര സമര പ്രചരണയാത്ര നടത്താൻ ഒരുങ്ങുന്നു. ജനുവരി 27 മുതൽ ഫെബ്രുവരി 5 വരെയാണ് പരിപാടി. വനംനിയമ ഭേദഗതി ബിൽ പിൻവലിക്കുക, കാർഷിക മേഖലയിലെ തകർച്ചക്ക് പരിഹാരം ഉണ്ടാക്കുക, ബഫർസോൺ വിഷയത്തിൽ കേന്ദ്രസർക്കാർ ഇടപെടുക തുടങ്ങിയ ആവശ്യങ്ങളും മലയോര സമര പ്രചരണ യാത്രയിലെ ആവശ്യങ്ങളാണ്. ജനുവരി 27ന് ഇരിക്കൂറിലെ ഉളിക്കൽ നിന്ന് ആരംഭിക്കുന്ന മലയോര സമര പ്രചരണയാത്ര ഫെബ്രുവരി 5ന് പാറശാല മണ്ഡലത്തിലെ അമ്പൂരിയിൽ സമാപിക്കും. വനം നിയമ ഭേദഗതി ബിൽ പിൻവലിച്ചില്ലെങ്കിൽ ശക്തമായ സമരത്തിലേക്ക് കടക്കുമെന്നും യുഡിഎഫ് കൺവീനർ എം എം…
Read More » -
Kerala
പെരുന്നാള് ആഘോഷിക്കാന് സുഹൃത്തിന്റെ വീട്ടിലെത്തി; പീച്ചി ഡാം റിസര്വോയര് അപകടത്തില് മരണം രണ്ടായി
തൃശ്ശൂര്: പീച്ചി ഡാം റിസര്വോയര് അപകടത്തില് മരണം രണ്ടായി. റിസര്വോയറില് വീണ് ചികിത്സയിലായിരുന്ന ഒരു പെണ്കുട്ടി കൂടി മരിച്ചു. പട്ടിക്കാട് ചാണോത്ത് സ്വദേശി ആന് ഗ്രേസ്(16) ആണ് മരിച്ചത്. ജൂബിലി മിഷന് മെഡിക്കല് കോളേജില് ചികിത്സയിലിരിക്കേയാണ് മരണം. തൃശൂര് സെന്റ് ക്ലയേഴ്സ് സ്കൂളിലെ പ്ലസ് വണ് വിദ്യാര്ത്ഥിനിയാണ് ആന് ഗ്രേസ്. പട്ടിക്കാട് സ്വദേശിനി അലീന അര്ധരാത്രിയോടം മരിച്ചിരുന്നു. അപകടത്തില്പ്പെട്ട പട്ടിക്കാട് സ്വദേശിനി എറിന് (16) ഗുരുതരാവസ്ഥയില് ചികിത്സയിലാണ്. പീച്ചി സ്വദേശിനി നിമ (13) ഗുരുതരാവസ്ഥ തരണം ചെയ്തെങ്കിലും ചികിത്സയില് തുടരുകയാണ്. സുഹൃത്തിന്റെ വീട്ടില് പെരുനാള് ആഘോഷത്തിനെത്തിയ കൂട്ടുകാരികള് ഇന്നലെയാണ് ഡാം റിസര്വോയറില് അകടപ്പെട്ടത്. ഇന്നലെ വൈകിട്ടായിരുന്നു പെരുന്നാള് സന്തോഷത്തിലായിരുന്ന ഒരു നാടിനെ മുഴുവന് സങ്കടത്തിലാഴ്ത്തിയ സംഭവം നടന്നത്. പീച്ചി ഡാം റിസര്വോയറില് വീണ നാല് പെണ്കുട്ടികളെയും നാട്ടുകാര് പെട്ടന്ന് തന്നെ പുറത്തെടുത്ത് ആശുപത്രിയിലെത്തിച്ചു. ഗുരുതരാവസ്ഥയില് കഴിഞ്ഞിരുന്ന തൃശൂര് പട്ടിക്കാട് സ്വദേശി അലീന പുലര്ച്ചെയോടെ മരിച്ചു. ചികിത്സയിലുള്ള രണ്ട് കുട്ടികളെ രക്ഷിക്കാനുള്ള എല്ലാ…
Read More »