Month: January 2022
-
India
അഫ്ഗാനിലുള്ള ആയിഷയെ തിരികെ ഇന്ത്യയിലെത്തിക്കണം: തീരുമാനമെടുക്കാന് കേന്ദ്ര സര്ക്കാരിനോട് സുപ്രീം കോടതി
ന്യൂഡല്ഹി: ഐഎസില് ചേര്ന്നതിനു ശേഷം കീഴടങ്ങി അഫ്ഗാനിസ്ഥാനില് കഴിയുന്ന മലയാളി യുവതി ആയിഷ എന്ന സോണിയ സെബാസ്റ്റ്യനെയും മകളെയും ഇന്ത്യയിലെത്തിക്കുന്നതില് തീരുമാനമെടുക്കാന് കേന്ദ്ര സര്ക്കാരിനോട് സുപ്രീം കോടതി നിര്ദേശം. എട്ടാഴ്ചയ്ക്കുള്ളില് തീരുമാനം അറിയിക്കണമെന്ന് സുപ്രീം കോടതി നിര്ദേശം നല്കി. ജസ്റ്റിസ് എല്.നാഗേശ്വര റാവുവും ജസ്റ്റിസ് ബി.ആര്.ഗവായ്യുടെയും അധ്യക്ഷതയിലുള്ള ബെഞ്ചിന്റേതാണ് ഉത്തരവ്. ആയിഷയുടെ പിതാവ് വി.ജെ.സെബാസ്റ്റ്യന് 2021 ജൂലൈയില് ഫയല് ചെയ്ത ഹര്ജിയിലാണ് കോടതി നിര്ദേശം നല്കിയത്. താലിബാന് അഫ്ഗാന് ഭരണം ഏറ്റെടുത്തതിനു പിന്നാലെ ആയിഷയേയും മകളെയും പാര്പ്പിച്ചിരുന്ന ജയില് താലിബാന് തകര്ത്തതായാണ് വിവരമെന്ന് ആയിഷയുടെ പിതാവിനു വേണ്ടി ഹാജരായ അഡ്വ. രഞ്ജിത് മാരാര് കോടതിയില് അറിയിച്ചു. ജയില് താലിബാന് തകര്ത്തതിനാല് ഇവര് ഇപ്പോള് അതിര്ത്തി പ്രദേശത്താണെന്നാണ് റിപ്പോര്ട്ടെന്നും കോടതിയെ അറിയിച്ചു. 2016 മേയിലാണ് കാസര്കോട് തൃക്കരിപ്പൂര് സ്വദേശിയായ റാഷിദും ഭാര്യ ആയിഷയും ഐഎസില് ചേരാന് വീടു വിട്ടിറങ്ങിയത്. രണ്ടര വയസ്സുള്ള മകള് സാറയും ഇവര്ക്കൊപ്പമുണ്ടായിരുന്നു. യുഎഇയിലെത്തി അവിടുന്ന് ഇറാനിലും പിന്നീട് അഫ്ഗാനിസ്ഥാനിലുമെത്തി.…
Read More » -
India
തമിഴ്നാട്ടിൽ ജല്ലിക്കട്ട് പരിശീലനത്തിനിടെ കാളകൾ വിരണ്ടോടി; 50 ഓളം പേർക്ക് പരിക്ക്, സംഘാടകർക്കെതിരെ കേസ്
ചെന്നൈ: തമിഴ്നാട്ടിൽ ജല്ലിക്കട്ടിന് മുന്നോടിയായി നടത്തുന്ന ഊർ തിരുവിഴക്കിടെ കാളകൾ വിരണ്ടോടി അൻപതോളം പേർക്ക് പരിക്കേറ്റു. അനുമതി നിഷേധിച്ച് ചടങ്ങ് നടത്തിയതിന് അഞ്ച് സംഘാടകർക്കെതിരെ തിരുവണ്ണാമലൈ പൊലീസ് കേസെടുത്തു. തിരുവണ്ണാമലൈ, ആറണി, കണ്ടമംഗലത്താണ് നിയമം ലംഘിച്ച് ചടങ്ങ് നടന്നത്. തിരുവണ്ണാമലൈ, കാഞ്ചീപുരം, റാണിപേട്ട്, കൃഷ്ണഗിരി ജില്ലകളിൽ നിന്നായി അഞ്ഞൂറിലേറെ കാളകളും ആയിരത്തിലേറെ ആളുകളും ചടങ്ങിൽ പങ്കെടുത്തു. കൊവിഡ് നിയന്ത്രണങ്ങളുടെ ഭാഗമായി തമിഴ്നാട്ടിൽ പൊതുചടങ്ങുകൾക്ക് നിയന്ത്രണമുണ്ട്. അതുകൊണ്ട് ഊർ തിരുവിഴ നടത്താൻ സംഘാടകർ അനുമതി തേടിയിരുന്നെങ്കിലും പൊലീസ് നൽകിയിരുന്നില്ല. വേണ്ടത്ര സുരക്ഷാ തയ്യാറെടുപ്പുകളും ഉണ്ടായിരുന്നില്ല. ഇതിനിടെയാണ് കാളകൾ വിരണ്ടോടിയത്. പരിക്കേറ്റവരെ വിവിധ ആശുപത്രികളിലായി പ്രവേശിപ്പിച്ചു. മാർകഴി മാസത്തിലെ അമാവാസിയുമായി ബന്ധപ്പെട്ടാണ് ഊര് തിരുവിഴൈ ചടങ്ങ് സംഘടിപ്പിച്ചത്. മാടുകളെ ജല്ലിക്കട്ടിനൊരുക്കാൻ ആചാരപരമായി നടത്തുന്ന പരിശീലനമാണിത്.
Read More » -
Kerala
സാറാ ജോസഫിന് ഓടക്കുഴല് അവാര്ഡ്
കൊച്ചി: 2021 ലെ ഓടക്കുഴല് അവാര്ഡ് സാറാ ജോസഫിന്. ‘ബുധിനി’ എന്ന നോവലിനാണ് 51–ാമത് ഓടക്കുഴല് അവാര്ഡ്. 30,000 രൂപയും പ്രശസ്തി പത്രവും ഫലകവും അടങ്ങുന്നതാണ് അവാര്ഡ്. മഹാകവി ജി.ശങ്കരക്കുറുപ്പിന്റെ 44–ാമത് ചരമ വാര്ഷിക ദിനമായ ഫെബ്രുവരി 2ന് ഡോ. എം.ലീലാവതി അവാര്ഡ് സമര്പ്പിക്കും. ജി.ശങ്കരക്കുറുപ്പ് സ്ഥാപിച്ച ഗുരുവായൂരപ്പന് ട്രസ്റ്റ് ആണ് അവാര്ഡ് നല്കുന്നത്.
Read More » -
Kerala
മന്ത്രി വി.എൻ.വാസവന്റെ കാർ അപകടത്തിൽപ്പെട്ടു; ഗൺമാന് പരിക്ക്
കോട്ടയം: മന്ത്രി വി.എൻ.വാസവന്റെ കാർ അപകടത്തിൽപ്പെട്ടു. പാമ്പാടി വട്ടമലപ്പടിയിൽ ഉച്ചയ്ക്കാണ് സംഭവം. കാർ ലോറിയുമായി കൂട്ടിയിടിക്കുകയായിരുന്നു. മന്ത്രിയുടെ ഗൺമാന് പരിക്കേറ്റു. മന്ത്രിക്ക് കാര്യമായ പരുക്കില്ലെന്ന് വിവരം.
Read More » -
Kerala
മാവേലി എക്സ്പ്രസിലെ പൊലീസ് മർദ്ദനം; കടുത്ത നടപടിക്ക് ശുപാർശ ചെയ്യുമെന്ന് കമ്മീഷണർ, സ്വമേധാ കേസെടുത്ത് മനുഷ്യാവകാശ കമ്മീഷൻ
കണ്ണൂർ: മാവേലി എക്സ്പ്രസിൽ വച്ച് പൊലീസുകാരൻ യാത്രക്കാരനെ മർദ്ദിച്ച സംഭവത്തിൽ കടുത്ത നടപടിക്ക് ശുപാർശ ചെയ്യുമെന്ന് കമ്മീഷണർ ആർ ഇളങ്കൊ . പൊലീസുകാരന്റെ ആദ്യത്തെ ഇടപടെലിൽ തെറ്റില്ലെന്ന് പറഞ്ഞ സിറ്റി പൊലീസ് കമ്മീഷണർ യാത്രക്കാരനെ ചവിട്ടിയത് തെറ്റ് തന്നെയാണെന്ന് വ്യക്തമാക്കി. മനുഷ്യാവകാശ ലംഘനം നടന്നതായാണ് സിറ്റി പൊലീസ് കമ്മീഷണറുടെ പ്രാഥമിക കണ്ടെത്തൽ. യാത്രക്കാരൻ മദ്യപിച്ചിരുന്നോ എന്നും മറ്റ് നിയമ നടപടികൾ പൂർത്തിയാക്കിയോ എന്നും പരിശോധിക്കും.അന്വേഷണ റിപ്പോർട്ട് വൈകുന്നേരത്തിനകം ലഭിക്കുമെന്നാണ് ആർ ഇളങ്കൊ അറിയിക്കുന്നത്. സംഭവത്തിൽ കടുത്ത നടപടി തന്നെ ശുപാർശ ചെയ്യുമെന്ന് സിറ്റി പൊലീസ് കമ്മീഷണർ പറയുമ്പോഴും യാത്രക്കാരനെക്കുറിച്ച് ഇത് വരെയും വിവരങ്ങളൊന്നും ലഭിച്ചിട്ടില്ല. അതേസമയം, സംഭവത്തിൽ സംസ്ഥാന മനുഷ്യാവകാശ കമ്മീഷൻ സ്വമേധയാ കേസെടുത്ത് അന്വേഷണത്തിന് ഉത്തരവിട്ടു. കണ്ണൂർ സിറ്റി പൊലീസ് കമ്മീഷണർ അന്വേഷണം നടത്തി ഒരാഴ്ചക്കകം റിപ്പോർട്ട് സമർപ്പിക്കണമെന്ന് കമ്മീഷൻ ജുഡീഷ്യൽ അംഗം കെ.ബൈജു നാഥ് ആവശ്യപ്പെട്ടു. ഇന്നലെ രാത്രി കണ്ണൂരിൽ മാവേലി എക്സ്പ്രസിൽ വെച്ചാണ് പൊലീസിന്റെ ക്രൂരത അരങ്ങേറിയത്.…
Read More » -
Kerala
തിരുവനന്തപുരം പിആർഎസ് ആശുപത്രിക്ക് സമീപം വൻ തീപിടിത്തം; രക്ഷാപ്രവര്ത്തനം തുടരുന്നു
തിരുവനന്തപുരം: തിരുവനന്തപുരം പിആർഎസ് ആശുപത്രിക്ക് സമീപം വൻ തീപിടിത്തം. ആക്രിക്കടയുടെ ഗോഡൗണിനാണ് തീപിടിച്ചത്. ചെറിയ പുകയായി തുടങ്ങിയ ശേഷം പെട്ടെന്ന് വലിയ തീഗോളമായി മാറുകയായിരുന്നുവെന്ന് സ്ഥലത്തുള്ളവർ പറയുന്നു. ഇവിടെ ആരെങ്കിലും ഉണ്ടായിരുന്നോയെന്ന് വ്യക്തമല്ല. ഇതിനോട് ചേർന്ന് അഞ്ചോളം കടകളും തീപിടിച്ചതിന് തൊട്ടുപുറകിൽ ഒരു വീടുമുണ്ട്. വീട്ടിലുള്ളവരെ നാട്ടുകാർ മാറ്റിയെന്നാണ് സ്ഥിരീകരിക്കാത്ത വിവരം. മൂന്ന് യൂണിറ്റ് ഫയർ ഫോഴ്സ് സ്ഥലത്തെത്തിയിട്ടുണ്ട്. രണ്ട് വശങ്ങളിൽ നിന്ന് വെള്ളം ചീറ്റി തീയണക്കാനാണ് ശ്രമിക്കുന്നത്.
Read More » -
സില്വര് ലൈന്; മുഖ്യമന്ത്രിയുടെ നേതൃത്വത്തില് ജനുവരി 4ന് തിരുവനന്തപുരത്ത് വിശദീകരണ യോഗം
കേരളത്തിന്റെ അഭിമാന പദ്ധതിയായ സില്വര് ലൈന് അര്ധ അതിവേഗ റെയിലിന്റെ നിര്മാണവുമായി ബന്ധപ്പെട്ടു മുഖ്യമന്ത്രി പിണറായി വിജയന്റെ നേതൃത്വത്തില് തിരുവനന്തപുരം ജനുവരി 4ന് വിശദീകരണ യോഗം ചേരും. രാവിലെ 11നു ജിമ്മി ജോര്ജ് ഇന്ഡോര് സ്റ്റേഡിയത്തിലാണു പരിപാടി. മന്ത്രിമാര് ഉള്പ്പെടെ വിവിധ മേഖലകളില്പ്പെട്ട പ്രമുഖര് പരിപാടിയില് പങ്കെടുക്കും. പദ്ധതിയുമായി ബന്ധപ്പെട്ട് എം.പിമാര്, എം.എല്.എമാര് ഉള്പ്പെടെയുള്ള ജനപ്രതിനിധികള്, രാഷ്ട്രീയ പാര്ട്ടി പ്രതിനിധികള്, മാധ്യമ മേധാവികള് തുടങ്ങിയവരുമായി വരും ദിവസങ്ങളില് പ്രത്യേകം കൂടിക്കാഴ്ച നടത്താനും ആലോചിച്ചിട്ടുണ്ട്. കാസര്കോഡ് നിന്നു തിരുവനന്തപുരത്തേക്ക് നാലു മണിക്കൂര് കൊണ്ടു യാത്രചെയ്യാന് കഴിയുന്ന അര്ധ അതിവേഗ റെയില് പദ്ധതിയാണു സില്വര് ലൈനിലൂടെ സംസ്ഥാന സര്ക്കാര് വിഭാവനം ചെയ്യുന്നത്. സംസ്ഥാന സര്ക്കാരും കേന്ദ്ര റെയില്വേ മന്ത്രാലയവും സംയുക്തമായി രൂപീകരിച്ച കേരള റെയില് ഡെവലപ്മന്റ് കോര്പ്പറേഷന് ലിമിറ്റഡ്(കെ-റെയില്) എന്ന കമ്പനിയാണു പദ്ധതിയുടെ നിര്മാണം നടത്തുക. നിര്മാണത്തിനുള്ള പ്രാരംഭ നടപടികള് സര്ക്കാര് ആരംഭിച്ചുകഴിഞ്ഞു. നിര്മാണവുമായി ബന്ധപ്പെട്ടു എല്ലാ കാര്യങ്ങളും വിശദീകരിക്കാനും വിവിധ വിഭാഗങ്ങളിലുള്ളവരുടെ അഭിപ്രായങ്ങള്…
Read More » -
Kerala
മമ്മൂട്ടി ആരാധകരുടെ ‘കേക്ക് ചലഞ്ച്’ ഉദ്ഘാടനം ചെയ്ത് ജഗതി ശ്രീകുമാര്
മമ്മൂട്ടി ഫാന്സ് ആന്റ് വെല്ഫെയര് അസോസിയേഷന് ഇന്റര്നാഷണലിന്റെ പ്രവര്ത്തനം തുടങ്ങിയിട്ട് 32 വര്ഷങ്ങളാകുന്നു. 1989 ഏപ്രില് 14 നാണ് ഈ ഫാന്സ് ക്ലബ്ബ് പിറവി കൊള്ളുന്നത്. കൃത്യമായി പറഞ്ഞാല് മമ്മൂട്ടി നായകനായി അഭിനയിച്ച ഒരു വടക്കന് വീരഗാഥ റിലീസ് ആയതിന് തൊട്ടു പിന്നാലെ. അന്നുതൊട്ട് ഇന്നോളം വിവിധ ക്ഷേമ പ്രവര്ത്തനങ്ങളാണ് ഈ സംഘടനയ്ക്ക് കീഴില് നടന്നുവരുന്നത്. സംഘടനയുടെ തിരുവനന്തപുരം യൂണിറ്റ് അവരുടെ 32-ാം ജന്മദിനം ആഘോഷിച്ചത് കേക്ക് ചലഞ്ച് നടത്തിക്കൊണ്ടായിരുന്നു. ഇതിന്റെ ഔദ്യോഗിക ഉദ്ഘാടനം നടന് ജഗതി ശ്രീകുമാര് നിര്വ്വഹിച്ചു. ജഗതിശ്രീകുമാറിന്റെ മകന് രാജ് കുമാര്, മമ്മൂട്ടി ഫാന്സ് ആന്റ് വെല്ഫെയര് അസോസിയേഷന് സംസ്ഥാന പ്രസിഡന്റ് അരുണ്, രക്ഷാധികാരി അശോകന്, ജില്ലാ സെക്രട്ടറി റഫീഖ് കരകുളം, ജോയിന്റ് സെക്രട്ടറി ബൈജു തുടങ്ങിയവരും ചടങ്ങില് പങ്കെടുത്തു. ‘150 കിലോ കേക്കാണ് കേക്ക് ചലഞ്ചിലൂടെ വിറ്റുപോയത്. ഇതിലൂടെ കിട്ടിയ മുഴുവന് തുകയും ജീവകാരുണ്യ പ്രവര്ത്തനങ്ങള്ക്കായി ഉപയോഗിക്കും.’ സംഘടനയുടെ മുഖ്യ രക്ഷാധികാരി ബി. ഭാസ്കര് പറഞ്ഞു.
Read More » -
സംസ്ഥാനത്ത് സ്വർണ വില കുറഞ്ഞു; പവന് 36,200 രൂപ
സംസ്ഥാനത്ത് സ്വർണ വില കുറഞ്ഞു. തിങ്കളാഴ്ച ഗ്രാമിന് 20 രൂപയും പവന് 160 രൂപയും കുറഞ്ഞ് ഗ്രാമിന് 4525 രൂപയും പവന് 36,200 രൂപയുമാണ് നിരക്ക്. ഗ്രാമിന് 4,545 രൂപയിലും പവന് 36,360 രൂപയിലുമാണ് രണ്ട് ദിവസമായി വ്യാപാരം നടന്നത്. രാജ്യാന്തര വിപണിയിൽ ഒമിക്രോണും ഉക്രൈയിനെ കുറിച്ച് റഷ്യയുടെ നിലപാടും സ്വർണത്തിന് അനുകൂല സാഹചര്യമാണൊരുക്കുന്നത്. യുദ്ധ സമാനസാഹചര്യങ്ങൾ സ്വർണത്തിലേക്ക് കൂടുതൽ പണമെത്തിച്ചേക്കാമെന്ന് കരുതുന്നതായി വിദഗ്ദർ പറഞ്ഞു.
Read More » -
India
ശബരിമല തീർത്ഥാടകർ സഞ്ചരിച്ച വാഹനം അപകടത്തില്പ്പെട്ട് 12 പേർക്ക് പരിക്ക്
കൊച്ചി: ശബരിമല തീർത്ഥാടകരുടെ വാഹനം ഇടപ്പള്ളിയിൽ കെഎസ്ആർടിസി ബസുമായി കൂട്ടിയിടിച്ച് 12 പേർക്ക് പരിക്ക്. ബംഗളൂരുവിലെ കമ്മനഹള്ളിയിൽ നിന്ന് ശബരിമല ദർശനത്തിന് എത്തിയവരാണ് രാവിലെ എട്ട് മണിയോടെ അപകടത്തിൽപ്പെട്ടത്. ഡ്രൈവർ അടക്കം 12 പേരായിരുന്നു വാഹനത്തിൽ ഉണ്ടായിരുന്നത്. ഗുരുവായൂർ ക്ഷേത്ര ദർശനത്തിന് ശേഷം ശബരിമല ദർശനത്തിനായി പോകുകയായിരുന്ന ഇവരുടെ വാഹനത്തിന് പിന്നിൽ കൊച്ചി ഇടപ്പള്ളി ജങ്ഷനടുത്ത് വെച്ച് നിയന്ത്രണം വിട്ട കെഎസ്ആർടിസി ബസ് ഇടിക്കുകയായിരുന്നു.
Read More »