TRENDING
-
ഇന്ത്യന് സിനിമയുടെ ആഗോള വഴിത്തിരിവ്; സിഖ്യ എന്റര്ടൈന്മെന്റിന്റെ ഭൂരിഭാഗം ഓഹരികളും സ്വന്തമാക്കി ജിയോ സ്റ്റുഡിയോസ് റിലയന്സ് ഇന്ഡസ്ട്രീസ് ലിമിറ്റഡിന്റെ പൂര്ണ്ണ ഉടമസ്ഥതയിലുള്ള സബ്സിഡിയറിയായ റിലയന്സ് സ്ട്രാറ്റജിക് ബിസിനസ് വെഞ്ചേഴ്സ് ലിമിറ്റഡ്, ഗുനീത് മോംഗയുടെയും അച്ചിന് ജെയിന്റെയും ഉടമസ്ഥതയിലുള്ള സിഖ്യ എന്റര്ടൈന്മെന്റിന്റെ 50.1% ഓഹരികളാണ് ഏറ്റെടുത്തിരിക്കുന്നത് ഇന്ത്യന് സിനിമയുടെ ആഗോള കുതിപ്പിന് പുതിയ വഴിത്തിരിവാകുന്നതാണ് ഏറ്റെടു
കൊച്ചി/മുംബൈ: റിലയന്സ് ഇന്ഡസ്ട്രീസിന്റെ ഭാഗമായ ജിയോ സ്റ്റുഡിയോസും ഓസ്കാര് ജേതാക്കളായ സിഖ്യ എന്റര്ടൈന്മെന്റും പങ്കാളിത്തത്തിലേക്ക്. ഇന്ത്യന് സിനിമയുടെ ആഗോള കുതിപ്പിലെ സുപ്രധാന നാഴികക്കല്ലാണിത്. കോര്പ്പറേറ്റ് കരുത്തും സ്വതന്ത്ര സിനിമയുടെ സര്ഗ്ഗാത്മക മികവും കൈകോര്ക്കുന്നത് ഇന്ത്യന് സിനിമകളെ അന്താരാഷ്ട്ര വേദിയില് കൂടുതല് ശക്തമായി പ്രതിഷ്ഠിക്കാന് സഹായിക്കും. അക്കാഡമി അവാര്ഡിനര്ഹമായ പീരിയഡ് എന്ഡ് ഓഫ് സെന്റന്സ്, ദ എലിഫന്റ് വിസ്പറേഴ്സ് തുടങ്ങിയ ചിത്രങ്ങളുടെ നിര്മാതാക്കളാണ് സിഖ്യ. റിലയന്സ് ഇന്ഡസ്ട്രീസ് ലിമിറ്റഡിന്റെ പൂര്ണ്ണ ഉടമസ്ഥതയിലുള്ള സബ്സിഡിയറിയായ റിലയന്സ് സ്ട്രാറ്റജിക് ബിസിനസ് വെഞ്ചേഴ്സ് ലിമിറ്റഡ്, ഗുനീത് മോംഗയുടെയും അച്ചിന് ജെയിന്റെയും ഉടമസ്ഥതയിലുള്ള സിഖ്യ എന്റര്ടൈന്മെന്റിന്റെ 50.1% ഓഹരികളാണ് ഏറ്റെടുത്തിരിക്കുന്നത്. പുതിയ ഓഹരി പങ്കാളിത്തത്തിലൂടെ ഇന്ത്യന് സിനിമയിലെ ഒരു പുതിയ അധ്യായത്തിനാണ് ജിയോ സ്റ്റുഡിയോസ് തുടക്കമിടുന്നത്. സിഖ്യയുടെ സര്ഗ്ഗാത്മകമായ അടിത്തറയെ ജിയോയുടെ വമ്പന് വിതരണ ശൃംഖലയുമായി സമന്വയിപ്പിക്കാന് അവസരമൊരുക്കുന്നതാണ് പുതിയ പങ്കാളിത്തം. ഇന്ത്യയിലെയും ലോകമെമ്പാടുമുള്ള പ്രേക്ഷകര്ക്കുമായി സിനിമകളും വെബ് സീരീസുകളും സംയുക്തമായി നിര്മ്മിക്കുകയാണ് പുതിയ സഖ്യത്തിന്റെ പ്രധാന ലക്ഷ്യങ്ങളിലൊന്ന്.…
Read More » -
ദുൽഖർ സൽമാൻ ചിത്രം ‘ഐ ആം ഗെയിം’ സെക്കന്റ് ലുക്ക് പുറത്ത്; ചിത്രം 2026 ഓണം റിലീസ്
ദുൽഖർ സൽമാൻ നായകനാവുന്ന “ഐ ആം ഗെയിം” സെക്കന്റ് ലുക്ക് പോസ്റ്റർ പുറത്ത്. ദുൽഖർ സൽമാൻ സിനിമയിൽ അരങ്ങേറ്റം കുറിച്ച് 14 വർഷങ്ങൾ തികയുന്ന ദിവസം പ്രമാണിച്ചാണ് ചിത്രത്തിന്റെ പുതിയ പോസ്റ്റർ റിലീസ് ചെയ്തത്. നഹാസ് ഹിദായത്ത് സംവിധാനം ചെയ്യുന്ന ചിത്രം, വേഫെറർ ഫിലിംസിന്റെ ബാനറിൽ ദുൽഖർ സൽമാൻ, ജോം വർഗീസ് എന്നിവർ ചേർന്നാണ് നിർമ്മിക്കുന്നത്. സജീർ ബാബ, ഇസ്മായിൽ അബൂബക്കർ, ബിലാൽ മൊയ്തു എന്നിവർ തിരക്കഥ രചിച്ച ചിത്രത്തിൻ്റെ സംഭാഷണങ്ങൾ ഒരുക്കിയത് ആദർശ് സുകുമാരനും ഷഹബാസ് റഷീദുമാണ്. ചിത്രം 2026 ഓണം റിലീസായി ആഗോള തലത്തിൽ തീയേറ്ററുകളിൽ എത്തുമെന്നും പോസ്റ്റർ സൂചിപ്പിക്കുന്നു. മാസ്സ് അവതാരത്തിലാണ് ദുൽഖർ സൽമാനെ പോസ്റ്ററിൽ അവതരിപ്പിച്ചിരിക്കുന്നത്. ചോര പുരണ്ട മുഖവും കൈകളുമായി, തോക്ക് ഏന്തിയ കൈകൾ കൊണ്ട് പാതി മുഖം മറച്ചു നിൽക്കുന്ന ദുൽഖർ സൽമാനെയാണ് പോസ്റ്ററിൽ കാണാൻ സാധിക്കുന്നത്. നേരത്തെ പുറത്ത് വന്ന, ചിത്രത്തിലെ ദുൽഖർ സൽമാൻ്റെ ഫസ്റ്റ് ലുക്ക് പോസ്റ്ററും വമ്പൻ ശ്രദ്ധ…
Read More » -
‘ഇന്റര്വ്യൂ നല്കിയത് ചാനലിനു പണം നല്കി; അതുപോലെ എന്റെ മുന്നില് ഇരിക്കാന് ധൈര്യമുണ്ടോ? കോഴിത്തരം എന്നോടും കാണിച്ചിട്ടുണ്ട്’; രാഹുല് മാങ്കൂട്ടത്തെ വെല്ലുവിളിച്ച് കോണ്ഗ്രസ് വനിതാ നേതാവ്; പണം വാങ്ങിയെന്നത് നിഷേധിക്കാതെ ചാനല്
കോഴിക്കോട്: ബലാത്സംഗക്കേസില് ജാമ്യം കിട്ടി പുറത്തിറങ്ങിയ രാഹുല് മാങ്കൂട്ടത്തിലിനെതിരെ രൂക്ഷമായി പ്രതികരിച്ച് കോണ്ഗ്രസ് വനിതാ നേതാവ് എം.എ. ഷഹനാസ്. രാഹുല് മാങ്കൂട്ടം എന്ന വ്യക്തി ഒരു കോഴി ആണെന്ന് പണ്ടേ അറിയാം. രാഹുല് ആരോപിച്ച വിഷയങ്ങളില് അഴിഞ്ഞു വീഴാനുള്ള ഒന്നും തനിക്കില്ല. രാഹുലിന്റെ മുഖത്ത് നോക്കി സംസാരിക്കാനുള്ള ആര്ജവം തനിക്കുണ്ടെന്നും പരസ്യ സംവാദത്തിന് വെല്ലുവിളിക്കുകയാണെന്ന് എം.എ. ഷഹനാസ് വാര്ത്താ സമ്മേളനത്തില് പറഞ്ഞു. ‘ചാനലിന് പണം നല്കിയാണ് രാഹുല് ഇന്റര്വ്യൂ നല്കിയത്. ഇന്റര്വ്യൂവില് അവതാരകന് വിവരങ്ങള് പുറത്ത് കൊണ്ട് വരാന് ശ്രമിച്ചില്ല. രാഹുലിനെ വെളുപ്പിച്ച് എടുക്കാന് ശ്രമിക്കുന്നത്. ഒരു സ്ത്രീ പീഡകനെയാണ് ഇന്നലെ കേട്ടത്. കുറെ സമയം എടുത്ത് ഉണ്ടാക്കിയ ചോദ്യങ്ങളാണ് രാഹുല് ഇന്നലെ ചോദിച്ചത്. രാഹുലിന് ധൈര്യം ഉണ്ടോ എന്റെ മുന്നില് ഇരുന്ന് സംസാരിക്കാന്? രാഹുലിന്റെ വീട്ടില് വന്ന് സംസാരിക്കാന് ഞാന് തയാറാണ്. രാഹുലിനോട് മാനനഷ്ടത്തിന് കേസ് കൊടുക്കണം എന്ന് ഞാന് പറഞ്ഞിട്ടില്ല. തെറ്റ് ചെയ്തിട്ടില്ലെങ്കില് എന്തിന് നിയമ നടപടിയെ ഭയക്കണം…
Read More » -
‘നീ വല്ലാത്ത സാധനമാണല്ലോ കൊച്ചേ’; രാഹുലിന്റെ ചാറ്റ് പുറത്തുവിട്ട് ജസ്ല മാടശേരി; ‘രാഹുല് വെറും കോഴിയല്ല, കുരുപ്പു പിടിച്ച കോഴി, മാന്യന്മാരുടെ മഹാ സംഗമം കണ്ട് ഓക്കാനം വരുന്നു’
രാഹുൽ മാങ്കൂട്ടത്തിൽ എംഎൽഎ നടത്തിയ ചാറ്റ് പുറത്ത് വിട്ട് ആക്ടിവിസ്റ്റ് ജസ്ല മാടശേരി. രാഹുൽ വെറും കോഴിയല്ല. കുരുപ്പ് പിടിച്ച കോഴിയാണെന്നും മാന്യന്മാരുടെ മഹാസംഗമം കണ്ടു ഓക്കാനം വരുന്നുവെന്നും. വേണ്ടാ വേണ്ടാന്നു വെച്ചിരിക്കുമ്പോ അവന്റെ ഒരു പീഡന ന്യായീകരണ ഇന്റർവ്യൂ എന്ന് പറഞ്ഞാണ് ജസ്ല മാടശേരി രാഹുൽ ഫെയ്സ്ബുക്കിൽ അയച്ച മെസേജ് അടക്കം പങ്കുവച്ച് കുറിപ്പിട്ടിരിക്കുന്നത്. നേരത്തെ രാഹുൽ മാങ്കൂട്ടത്തിൽ എംഎൽഎയ്ക്കെതിരെ ഗുരുതര ആരോപണവുമായി കോൺഗ്രസ് സഹയാത്രിക എം.എ. ഷഹനാസ് രംഗത്ത് എത്തിയിരുന്നു. രാഹുൽ മാങ്കൂട്ടത്തിൽ കോഴിയാണെന്ന് പണ്ടേ അറിയാം. കോൺഗ്രസിനകത്ത് ഒരു കമ്മിറ്റി വെച്ചാൽ ഇക്കാര്യം വ്യക്തമാകും. ഓരോ സ്ത്രീയെയും എങ്ങിനെ മാനിപുലേറ്റ് ചെയ്യണമെന്ന് ഇയാൾക്കറിയാം. രാഹുലിനെ ആദ്യമേ മനസ്സിലാക്കിയതുകൊണ്ട് നിർത്തേണ്ടിടത്ത് നിർത്തിയെന്നും ഷഹനാസ് മാധ്യമങ്ങളോട് പറഞ്ഞു. ജസ്ലയുടെ കുറിപ്പ് ദീർഘവീക്ഷണം. .. ഒരാളുടെ പോക്ക് കണ്ടാൽ ഏതറ്റം വരെ എത്തും എന്ന് തിരിച്ചറിയാനുള്ള കഴിവ്. .കോഴികളെ കിലോമീറ്ററുകൾ അപ്പുറത്തൂന്ന് മണക്കും. ..ഇതൊക്കെ എനിക്ക് അല്പം കൂടുതലുണ്ട് എന്ന…
Read More » -
‘പേഴ്സണലൈസ്ഡ് ഇന്വെസ്റ്റ്മെന്റ് അഡൈ്വസ്’ സേവനം അവതരിപ്പിച്ച് ജിയോബ്ലാക്ക്റോക്ക്… ഇന്ത്യക്കാരുടെ വെല്ത്ത് മാനേജ്മെന്റില് വിപ്ലവം തീര്ക്കുകയാണ് സേവനത്തിലൂടെ ലക്ഷ്യമിടുന്നത് സമ്പാദ്യക്കാരില് നിന്ന് അറിവുള്ള നിക്ഷേപകരായി ഇന്ത്യക്കാരെ മാറ്റുന്ന സവിശേഷ പദ്ധതിയാണിത്
കൊച്ചി/മുംബൈ: സമ്പാദ്യക്കാരെ നിക്ഷേപകരാക്കുന്ന നൂതന ഡിജിറ്റല് പ്ലാറ്റ്ഫോമായ ‘പേഴ്സണലൈസ്ഡ് ഇന്വെസ്റ്റ്മെന്റ് അഡൈ്വസ്’ (Personalised Investment Advice) സേവനം ഔദ്യോഗികമായി പുറത്തിറക്കി ജിയോ ബ്ലാക്ക്റോക്ക് ഇന്വെസ്റ്റ്മെന്റ് അഡൈ്വസേഴ്സ് പ്രൈവറ്റ് ലിമിറ്റഡ്. ജിയോ ഫിനാന്ഷ്യല് സര്വീസസ് ലിമിറ്റഡും യുഎസ് കമ്പനിയായ ബ്ലാക്ക്റോക്ക് ഇന്കും തുല്യപങ്കാളിത്തം കൈയാളുന്ന സംയുക്ത സംരംഭമാണ് ജിയോബ്ലാക്ക്റോക്ക് ഇന്വെസ്റ്റ്മെന്റ് അഡൈ്വസേഴ്സ് പ്രൈവറ്റ് ലിമിറ്റഡ്. ലോകോത്തരമായ സാമ്പത്തിക ഉപദേശങ്ങള് ഓരോ ഇന്ത്യക്കാരന്റെയും കൈവെള്ളയില് എത്തിക്കുക എന്നതാണ് പുതുപദ്ധതിയുടെ ലക്ഷ്യം. കേവലം ഒരു നിക്ഷേപ പദ്ധതിയെന്നതിലുപരി, ഇന്ത്യക്കാരെ വെറും സമ്പാദ്യക്കാരില് നിന്ന് വിപണിയെക്കുറിച്ച് ബോധവാന്മാരായ നിക്ഷേപകരിലേക്ക് (Informed Investors) പരിവര്ത്തനം ചെയ്യാനുള്ള ഒരു തന്ത്രപരമായ ചുവടുവെപ്പാണിത്. ഇന്ത്യന് വെല്ത്ത് മാനേജ്മെന്റ് രംഗത്തെ പരമ്പരാഗത രീതികളെ വെല്ലുവിളിക്കുന്നതാണ് ഈ പുതിയ പ്ലാറ്റ്ഫോം. ഇതുവരെ, ലോകോത്തര നിക്ഷേപ ഉപദേശങ്ങളും പോര്ട്ട്ഫോളിയോ മാനേജ്മെന്റ് സേവനങ്ങളും പ്രധാനമായും ഉയര്ന്ന ആസ്തിയുള്ള വ്യക്തികള്ക്ക മാത്രമാണ് ലഭ്യമായിരുന്നത്. ലോകമെമ്പാടുമുള്ള വന്കിട സ്ഥാപനങ്ങളും നിക്ഷേപകരും ആശ്രയിക്കുന്ന ബ്ലാക്ക്റോക്കിന്റെ വിശ്വസ്തമായ അലാദിന് സാങ്കേതികവിദ്യയാണ് ഈ പ്ലാറ്റ്ഫോമിന്റെ…
Read More » -
‘ഐസിസി ഇന്ത്യയുടെ ബന്ദി, ഇന്ത്യയുടെ ഇംഗിതത്തിന് വഴങ്ങുന്ന ഐസിസിയെ വിശ്വസിക്കാനാവില്ല; ക്രിക്കറ്റ് എന്ന മാന്യൻമാരുടെ കളിയുടെ അന്തസ്സ് നിലനിർത്താൻ പുതിയൊരു ക്രിക്കറ്റ് സംഘടന വരണം’ രൂക്ഷ വിമർശനമുയർത്തി പാക് പ്രതിരോധ മന്ത്രി
ഇസ്ലാമാബാദ്: ടി20 ലോകകപ്പിൽ ഇന്ത്യക്കെതിരായ മത്സരം ബഹിഷ്കരിക്കുമെന്ന് പ്രഖ്യാപിച്ചതിന് പിന്നാലെ അന്താരാഷ്ട്ര ക്രിക്കറ്റ് ഭരണസിലിനെതിരെ(ഐസിസി) ആഞ്ഞടിച്ച് പാകിസ്ഥാൻ പ്രതിരോധ മന്ത്രി ഖ്വാജ ആസിഫ്. ഐസിസി പൂർണ്ണമായും ഇന്ത്യയുടെ രാഷ്ട്രീയ താൽപ്പര്യങ്ങൾക്ക് വഴങ്ങണമെന്ന്, ഐസിസിയെ വിശ്വസിക്കാൻ കഴിയില്ലെന്നും ഖ്വാജ ആസിഫ് ആരോപിച്ചു. എക്സിലൂടെയാണ് അദ്ദേഹം ഐസിസിക്കെതിരെ ഇത്തരം ആരോപണങ്ങളുയർത്തിയത്. ‘ഐസിസി ദക്ഷിണേഷ്യയിൽ ഇപ്പോൾ ഇന്ത്യയുടെ രാഷ്ട്രീയ താൽപ്പര്യങ്ങളുടെ ബന്ദിയായി മാറിയിരിക്കുകയാണ്. ക്രിക്കറ്റ് എന്ന മാന്യൻമാരുടെ കളിയുടെ അന്തസ്സ് നിലനിർത്താൻ ഐസിസിക്ക് പകരം പുതിയൊരു ആഗോള സംഘടന അനിവാര്യമാണ്. ബംഗ്ലാദേശിനെ ലോകകപ്പിൽ നിന്ന് ഒഴിവാക്കി പകരം സ്കോട്ട്ലൻഡിനെ ഉൾപ്പെടുത്തിയ ഐസിസി നടപടി പക്ഷപാതപരമാണ്’ ഖ്വാജ ആസിഫ് കുറ്റപ്പെടുത്തി. സുരക്ഷാ കാരണങ്ങൾ ചൂണ്ടിക്കാട്ടി ഇന്ത്യയിൽ കളിക്കാൻ ബംഗ്ലാദേശ് വിസമ്മതിച്ചിരുന്നു. മത്സരങ്ങൾ ഇന്ത്യക്ക് പുറത്തേക്ക് മാറ്റണമെന്ന ബംഗ്ലാദേശിൻ്റെ ആവശ്യം ഐസിസി തള്ളുകയും അവരെ ടൂർണമെൻ്റിൽ നിന്ന് നീക്കം ചെയ്യുകയും പകരം സ്കോട്ട്ലൻഡിനെ ഉൾപ്പെടുത്തുകയും ചെയ്തു. ഇതിൽ പ്രതിഷേധിച്ചും ബംഗ്ലാദേശിനോടുള്ള ഐക്യദാർഢ്യം പ്രഖ്യാപിക്കാനുമായിട്ടാണ് പാകിസ്ഥാൻ ടി20 ലോകകപ്പ് ഈ…
Read More » -
തമിഴ് സിനിമയിൽ ആദ്യമായി വമ്പൻ ഡ്രോൺ ഷോയുമായി അബിഷൻ ജീവിന്ത് – അനശ്വര രാജൻ ചിത്രം “വിത്ത് ലവ്” ; ചിത്രത്തിൻ്റെ ആഗോള റിലീസ് 2026 ഫെബ്രുവരി 6 ന്
സൗന്ദര്യ രജനീകാന്തിന്റെ നേതൃത്വത്തിലുള്ള സിയോൺ ഫിലിംസ്, എംആർപി എന്റർടെയ്ൻമെന്റുമായി സഹകരിച്ച് നിർമ്മിക്കുന്ന “വിത്ത് ലവ്” എന്ന ചിത്രത്തിൻ്റെ പ്രചാരണാർഥം സംഘടിപ്പിച്ച ഡ്രോൺ ഷോ തമിഴ് സിനിമയിൽ പുതിയ ചരിത്രം കുറിച്ചു. അബിഷൻ ജീവിന്ത്, അനശ്വര രാജൻ എന്നിവരെ പ്രധാന കഥാപാത്രങ്ങളാക്കി ഒരുക്കിയ “വിത്ത് ലവ്” 2026, ഫെബ്രുവരി 6 ന് ആഗോള റിലീസായെത്തും. 250 ഡ്രോണുകൾ ഉൾപ്പെട്ട ഡ്രോൺ ഷോ അരങ്ങേറിയത് ചെന്നൈ ബസന്ത് നഗർ ബീച്ചിൽ വെച്ചാണ്. വമ്പൻ പ്രേക്ഷക പങ്കാളിത്തത്തോടെ നടന്ന ഈ ഗംഭീര ഷോയിൽ, ആകാശത്ത് തിളങ്ങിയ ഡ്രോണുകൾ കൊണ്ട് ചിത്രത്തിൻ്റെ പേര്, അഭിനേതാക്കളുടെയും അണിയറപ്രവർത്തകരുടെയും പേരുകൾ എന്നിവയും പ്രദർശിപ്പിച്ചു. ഷോയിൽ നിന്നുള്ള ദൃശ്യങ്ങൾ ഇപ്പൊൾ സമൂഹ മാധ്യമങ്ങളിൽ വൈറലാണ്. എംആർപി എന്റർടൈൻമെൻ്റ് ബാനറിൽ പാസിലിയൻ നസറെത്തും മഗേഷ് രാജ് പാസിലിയനും ചേർന്നാണ് സൗന്ദര്യ രജനികാന്തിനൊപ്പം ഈ ചിത്രം നിർമ്മിക്കുന്നത്. നവാഗതനായ മദൻ ആണ് ചിത്രം രചിച്ചു സംവിധാനം ചെയ്യുന്നത്. ഒരു ഫീൽ ഗുഡ് റൊമാൻ്റിക് എൻ്റർടെയ്നർ…
Read More » -
ദേശീയ തലത്തിൽ തിളങ്ങി ഗ്ലോബൽ പബ്ലിക് സ്കൂൾ; തുടർച്ചയായ നാലാം വർഷവും ‘ഗ്രീൻ’ റേറ്റിംഗ്
കൊച്ചി: പരിസ്ഥിതി സൗഹൃദ പ്രവർത്തനങ്ങളിൽ ദേശീയതലത്തിൽ മാതൃകയായി കൊച്ചി ഗ്ലോബൽ പബ്ലിക് സ്കൂൾ (ജി.പി.എസ്.). സെന്റർ ഫോർ സയൻസ് ആൻഡ് എൻവയോൺമെന്റ് (സി.എസ്.ഇ.) നൽകുന്ന പ്രശസ്തമായ ‘ഗ്രീൻ സ്കൂൾ അവാർഡ് 2025-26’ ജി.പി.എസ്. സ്വന്തമാക്കി. രാജ്യത്തെ 28 സംസ്ഥാനങ്ങളിൽനിന്നും കേന്ദ്രഭരണ പ്രദേശങ്ങളിൽ നിന്നുമായി പങ്കെടുത്ത 7,407 സ്കൂളുകളിൽനിന്ന് ഏറ്റവും ഉയർന്ന ‘ഗ്രീൻ’ റേറ്റിംഗ് ലഭിച്ച ആറ് ശതമാനം സ്കൂളുകളിൽ ഒന്നാകാൻ ഗ്ലോബൽ പബ്ലിക് സ്കൂളിന് സാധിച്ചു. ഇത് തുടർച്ചയായ നാലാം വർഷമാണ് സ്കൂളിനെ തേടി ഈ അംഗീകാരമെത്തുന്നത്. സ്കൂളിലെ വിദ്യാർഥികൾ തന്നെ നേരിട്ട് നടത്തുന്ന ‘ഗ്രീൻ സ്കൂൾ പ്രോഗ്രാം’ (ജി.എസ്.പി.) ഓഡിറ്റിന്റെ അടിസ്ഥാനത്തിലാണ് അവാർഡ് നിശ്ചയിച്ചത്. വായു, ഊർജ്ജം, ഭക്ഷണം, ഭൂമി, ജലം, മാലിന്യം എന്നിങ്ങനെ ആറ് മേഖലകളിലെ സ്കൂളിന്റെ പ്രവർത്തനങ്ങളാണ് ഓഡിറ്റിന് വിധേയമാക്കിയത്. സ്കൂളിലെ സോളാർ പവർ പ്ലാന്റ്, ബയോഗ്യാസ് (B80) പ്ലാന്റ്, മാലിന്യങ്ങൾ തരംതിരിച്ചുള്ള സംസ്കരണം, പുനരുപയോഗ സംവിധാനങ്ങൾ എന്നിവയെ സി.എസ്.ഇ. ജൂറി പ്രത്യേകം പ്രശംസിച്ചു. പാഠപുസ്തകങ്ങളിൽ ഒതുങ്ങാതെ…
Read More » -
‘പാകിസ്ഥാനെ എങ്ങനെ വിലക്കും? ഇരട്ടത്താപ്പ് നടക്കില്ലെന്ന് മുന് ഐസിസി ചെയര്മാന്; ഇന്ത്യ മാറിനിന്നപ്പോള് വിലക്കിയില്ല, ഐസിസി പക്ഷം പിടിക്കുന്നെന്നും ഇഹ്സാന് മാനി
ഇസ്ലാമാബാദ്: ഐസിസി ട്വന്റി 20 ലോകകപ്പില് ഇന്ത്യയ്ക്കെതിരായ മല്സരങ്ങള് ഉപേക്ഷിക്കുന്നതിന്റെ പേരില് പാക്കിസ്ഥാനെ വിലക്കാന് ഐസിസിക്ക് കഴിയില്ലെന്ന് ഐസിസി മുന് ചെയര്മാന് ഇഹ്സാന് മാനി. മുന് പിസിബി ചെയര്മാന് കൂടിയാണ് അദ്ദേഹം. ക്രിക്കറ്റ് ലോകത്തെ ഞെട്ടിച്ചാണ് ഇന്ത്യയ്ക്കെതിരെ ലോകകപ്പില് പാക്കിസ്ഥാന് കളിക്കില്ല എന്ന് പാക് സര്ക്കാര് പ്രഖ്യാപിച്ചത്. സുരക്ഷാ കാരണങ്ങളാല് ഇന്ത്യയിലേക്ക് കളിക്കാന് വരില്ലെന്ന് പാക്കിസ്ഥാന് പറഞ്ഞതോടെയാണ് പാക്കിസ്ഥാന്റെ മല്സരങ്ങള് ശ്രീലങ്കയിലേക്ക് നേരത്തെ ഐസിസി മാറ്റിയിരുന്നത്. ഈ മാസം 15ന് കൊളംബോയില് വച്ചാണ് ഇന്ത്യപാക് മല്സരം നിശ്ചയിച്ചിരുന്നത്. പാക്കിസ്ഥാനെതിരായ വിലക്ക് പ്രായോഗികമല്ലെന്നാണ് മാനി വ്യക്തമാക്കുന്നത്. തീരുമാനം പാക്കിസ്ഥാന് സര്ക്കാരിന്റേതാണെന്നും പിസിബിക്ക് അതില് പങ്കില്ലെന്നതുമാണ് ഇതിന് കാരണമായി മാനി പറയുന്നത്. മാത്രവുമല്ല, ചാംപ്യന്സ് ട്രോഫി കളിക്കായി പാക്കിസ്ഥാനിലേക്ക് ഇല്ലെന്ന് ഇന്ത്യ നേരത്തെ പ്രഖ്യാപിച്ചപ്പോള് ഇന്ത്യയെ ആരും വിലക്കിയിരുന്നില്ലെന്നും മാനി ചൂണ്ടിക്കാട്ടുന്നു. ഇരട്ടത്താപ്പ് പറ്റില്ലെന്നും നിലവില് പ്രശ്നം പരിഹരിക്കാന് ശ്രമിക്കുന്നതിന് പകരം ഐസിസി പക്ഷം പിടിക്കുന്നുവെന്നും അദ്ദേഹം ആരോപിച്ചതായി സ്പോര്ട്സ് സ്റ്റാര് റിപ്പോര്ട്ട് ചെയ്യുന്നു.…
Read More »
