Newsthen Special
-
കോടതി വളപ്പിലെ പെരുമാറ്റച്ചട്ടം: പോലീസിനെ പിന്തുണയ്ക്കാന് അഭിഭാഷകര്ക്കു കഴിയണം; ഒരു കേസിലെ മുന്കൂര് ജാമ്യം മറ്റൊരു കേസിലെ അറസ്റ്റ് തടയുന്നില്ല
സി.ആര്. ബിജു തിരുവനന്തപുരത്തെ സീനിയര് അഭിഭാഷകന് ജൂനിയര് അഭിഭാഷകയെ അനാവശ്യമായി മര്ദിച്ച വിഷയം ചര്ച്ചയായി. അഭിഭാഷകയുടെ മൊഴിയില് പോലീസ് കേസെടുത്തു നടപടി തുടങ്ങി. ബാര് അസോസിയേഷന് സീനിയര് അഭിഭാഷകനെ സസ്പെന്ഡ് ചെയ്തു. ബാര് കൗണ്സില് പ്രാക്ടീസ് വിലക്കി. മാതൃകാപരമായ നടപടികളാണ് ഉണ്ടായിട്ടുള്ളത്. മനുഷ്യരാകുമ്പോള് തെറ്റുകള് സ്വാഭാവികമാണ്. ആ തെറ്റ് തെറ്റെന്നുതന്നെ പറഞ്ഞു തിരുത്തല് വേണം. കൂടെ ഉള്ളവരാണ് തെറ്റ് ചെയ്യുന്നതെങ്കില് അതിനെ ന്യായീകരിച്ച് സംരക്ഷണ കവചം തീര്ക്കുന്ന പല കാഴ്ചകളും കണ്ടു വരുമ്പോള്, തെറ്റിനെ തെറ്റ് എന്ന് വിളിച്ച് പറയുന്ന ഈ ആര്ജവം അഭിനന്ദനീയമാണ്. ഈ വിഷയത്തില് ഇരുവരും അഭിഭാഷകരാണ്. ഏത് വിഭാഗത്തിലും ബഹുഭൂരിപക്ഷം വരുന്ന നല്ലവരെക്കൂടി വേദനിപ്പിക്കാന് അപൂര്വം ചിലരുണ്ടാകും. അവരെ തള്ളിപ്പറയേണ്ടിവന്നാല് അതിനു തയാറാകണം. ഔദ്യോഗിക കൃത്യ നിര്വഹണത്തിനിടയില് നിരവധി ആക്രമണങ്ങള് ഏല്ക്കേണ്ടി വരുന്ന വിഭാഗമാണ് പോലീസ്. അതു കൂടെയുള്ളവരില് നിന്നല്ല എന്ന വ്യതാസം മാത്രം. സമീപ ദിവസം കോട്ടയത്ത് പിടിച്ചുപറിക്കേസിലെ പ്രതിയെ പിടിക്കാന് പോയ പോലീസിനെ…
Read More » -
ഓപ്പറേഷന് സിന്ദൂറിലെ ഒറ്റയാള് പോരാളി; പാകിസ്താന്റെ കപട വാര്ത്തകള് അപ്പപ്പോള് തകര്ത്ത് ഡാമിയന് സൈമണ്; ഉപയോഗിച്ചത് ചൈനയുടെയും ഇന്ത്യയുടെയും ഉപഗ്രഹ ചിത്രങ്ങള്; ഇന്റല് ജീവനക്കാരന് സോഷ്യല് മീഡിയയില് കൈയടി
ന്യൂഡല്ഹി: പഹല്ഗാമിലെ മാരകമായ ഭീകരാക്രമണത്തിന് പ്രതികാരമായി ഇന്ത്യ ഓപ്പറേഷന് സിന്ദൂര് ആരംഭിച്ചതിനു ശേഷം കഴിഞ്ഞയാഴ്ച നിയന്ത്രണ രേഖയിലും (എല്ഒസി) അന്താരാഷ്ട്ര അതിര്ത്തിയിലും സായുധ പോരാട്ടം പൊട്ടിപ്പുറപ്പെട്ടപ്പോള്, ഡ്രോണുകള്, ജെറ്റുകള്, പീരങ്കികള് എന്നിവ ഉപയോഗിച്ച് മാത്രമല്ല യുദ്ധം നടന്നത്. മറ്റൊരു മുന്നണി ഉടന് തന്നെ ഉയര്ന്നുവന്നു: ഡിജിറ്റല് യുദ്ധക്കളം. പാകിസ്ഥാന്റെ ചുമതല വഹിച്ചത് സൈനിക മാധ്യമ വിഭാഗമായ ഇന്റര്-സര്വീസസ് പബ്ലിക് റിലേഷന്സ് (ഐഎസ്പിആര്) ആയിരുന്നു, അവര് സോഷ്യല് മീഡിയയില് നാടകീയമായ അവകാശവാദങ്ങളുടെയും ഇന്ത്യന് വ്യോമതാവളങ്ങളില് വരുത്തിയ നാശനഷ്ടങ്ങളുടെ ദൃശ്യ ‘തെളിവും’ കൊണ്ട് നിറഞ്ഞു. എന്നാല് ഡിജിറ്റല് കുഴപ്പങ്ങള്ക്കിടയില്, ഐഎസ്പിആറിന്റെ തെറ്റായ വിവരങ്ങളുടെ പ്രവാഹത്തെ ജാഗ്രതയോടെ എതിര്ത്ത് ഒരു വ്യക്തി വേറിട്ടു നിന്നു: എക്സില് ആയിരക്കണക്കിന് അനുയായികളുള്ള ഡാമിയന് സൈമണ്. എഐ വിശകലന സ്ഥാപനമായ ദി ഇന്റല് ലാബിലെ ജിയോ-ഇന്റലിജന്സ് ഗവേഷകനായ സൈമണ് ഉപഗ്രഹ ഡാറ്റകള് ഉപയോഗിച്ചു യുദ്ധത്തിന്റെ മൂടല്മഞ്ഞ് മുറിച്ചുകടക്കാനും സംഘര്ഷ മേഖലകളെക്കുറിച്ച് ഉന്നയിക്കുന്ന അവകാശവാദങ്ങള് സ്ഥിരീകരിക്കാനോ പൊളിച്ചെഴുതാനോ വര്ഷങ്ങളായി രംഗത്തുണ്ട്. Imagery…
Read More » -
തലശേരിയില് തുടക്കം; പാകിസ്താനില് ഏഴുവര്ഷം ചാരന്; ഇന്ത്യയുടെ പ്രതിരോധ തന്ത്രങ്ങളുടെ ദ്രോണാചാര്യന്; ഭരണസിരാ കേന്ദ്രങ്ങളില് വിളിപ്പേര് ജയിംസ് ബോണ്ട്; ഓപ്പറേഷന് സിന്ദൂറില് വിജയിച്ചത് അജിത് ഡോവലിന്റെ കൂര്മബുദ്ധി; കരിയറിലെ അതിസാഹസികന്
ന്യൂഡല്ഹി: ഇന്ത്യയുടെ ഭരണസിരാകേന്ദ്രത്തില് അജിത് ഡോവലിന് ഒരു വിളിപ്പേരുണ്ട്- ജെയിംസ് ബോണ്ട്! എന്തുകൊണ്ട് അങ്ങനെയൊരു പേരു കിട്ടിയതെന്ന് അറിയണമെങ്കില് ഡോവലിന്റെ പഴയകാലം വെറുതേയൊന്നു നോക്കിയാല് മതി. ചാരനായി തുടങ്ങി എതിരാളികളുടെ മര്മം നോക്കി പ്രഹരിക്കാന് കഴിയുന്ന ബുദ്ധിരാക്ഷസനായി വളരുന്നതില് അജിത്തിന്റെ കഠിനാധ്വാനവും ജാഗ്രതയുമുണ്ട്. പാകിസ്താന് എക്കാലത്തും തലവേദനയാണ് അജിത്ത് ഡോവല്. ഡോവല് കളത്തിലുണ്ടെന്ന് അറിഞ്ഞാല് പിന്നെ പ്രതീക്ഷിക്കാവുന്നത് അപ്രതീക്ഷിത നീക്കങ്ങള്. ഇന്ത്യയില് ഭീകരാക്രമണം കഴിഞ്ഞശേഷം ജനറല് മുനീര് പ്രതീക്ഷിച്ചത് അതിര്ത്തിയില് പീരങ്കികള് നിരത്തിവച്ചു വെടിവയ്ക്കുമെന്നാണ്. എന്നാല്, സൈനിക ജനറലിന്റെ കണക്കുകൂട്ടലുകള് പോലും തെറ്റിച്ചാണ് 35 തീവ്രവാദി ക്യാമ്പുകളില്നിന്ന് ഏറ്റവും പ്രധാനപ്പെട്ട ഒമ്പതെണ്ണം തെരഞ്ഞെടുത്ത് തിരിച്ചടിച്ചത്. നൂറുകണക്കിനു പാക് ഭീകരരെ കൊന്നതിനൊപ്പം അടുത്തകാലത്തേക്ക് അതിര്ത്തി കടന്നുള്ള ആക്രമണത്തിനു വിലങ്ങിടാനും ഇന്ത്യക്കായി. അതും ആര്ക്കും ഒരു പിഴവുപോലും ആരോപിക്കാനില്ലാതെ. ഒപ്പം പാകിസ്താന് ഭീകരവാദികളുടെ കേന്ദ്രമെന്ന് ലോകത്തിനു മുന്നില് അടിവരയിടീക്കാനും ഇന്ത്യക്കു കഴിഞ്ഞു. ഇത്രയൊക്കെ മുന്കൂട്ടി കാണണമെങ്കില് അതിന്റെ പേരാണ് അജിത്ത് ഡോവല് എന്നത്. ഇന്ത്യ…
Read More » -
എങ്ങനെയാണു പാക് സൈനിക ജനറലിന്റെ ജമ്മു-കശ്മീര് പദ്ധതി ഇന്ത്യന് സൈനികര് തകര്ത്തത്? മുനീറിന്റെ ഉറക്കം കളഞ്ഞത് കശ്മീരിന്റെ ശാന്തത; ഭീകരര്ക്ക് ആഹ്വാനം നല്കിയത് വഖഫ് ഭേദഗതി സമയത്ത്; തിരിച്ചടിക്കാനുള്ള പട്ടികയില് 35 ഭീകരക്യാമ്പുകള്; പാക് എയര്ബേസുകളില് ഇന്ത്യവരുത്തിയത് ഭീമമായ നഷ്ടം
ന്യൂഡല്ഹി: ഓപ്പറേഷന് സിന്ദൂറിലൂടെ ഇന്ത്യ തകര്ത്തത് കശ്മീരിനെ അശാന്തമാക്കി നിര്ത്താനുള്ള പാക് സൈനിക മേധാവി ജനറല് അസിം മുനീറിന്റെ പദ്ധതി. ഏപ്രില് 16ന് വിദേശികളായ പാകിസ്താന് പൗരന്മാരോടെന്ന പേരില് മുനീര് നടത്തിയ പ്രസംഗം ലഷ്കറെയുടെ റസിസ്റ്റന്റ് ഫ്രണ്ടിനുള്ള കൃത്യമായ നിര്ദേശമായിരുന്നു. മുനീറിനെ സംബന്ധിച്ചു കശ്മീരിന്റെ സമാധാനം ഉറക്കം കെടുത്തുന്നതാണ്. പാക് വിഭജനത്തിനുശേഷം കശ്മീരിന്റെ പ്രത്യേക പദവി എടുത്തുകളഞ്ഞതിനു പിന്നാലെ ശാന്തതയിലേക്കു മെല്ലെ മടങ്ങുന്നതിനിടെയായിരുന്നു തീവ്രവാദികളുടെ ആക്രമണം. കശ്മീര് സാധാരണ നിലയിലേക്കു മടങ്ങിയെന്ന മോദി സര്ക്കാരിന്റെ വാദത്തെ തകര്ക്കുക, വിനോദ സഞ്ചാരികളുടെ ഒഴുക്കു തടയുക, കശ്മീരികളെ സാമ്പത്തികമായി പിന്നാക്കം നില്ക്കുന്നവരും അസംതൃപ്തരും നിരാശരുമാക്കി നിലനിര്ത്തുക എന്നിവയായിരുന്നു ജനറല് മുനീറിന്റെ പദ്ധതി. ഭീകരര്ക്കു പാക് അധീന കാശ്മീരിലേക്കു കടക്കാന് കഴിയുമെന്ന് ഉറപ്പാക്കി. രഹസ്യാന്വേഷണത്തിലൊടുവില് കൂട്ടക്കൊലയും നടപ്പാക്കി. എന്നാല്, പാക് സൈന്യം അറിയാതെ പാക് അധീന കാശ്മീരില് ഭീകരര് എങ്ങനെയെത്തിയെന്നത് റാവല്പിണ്ടിയിലെ അധികാരികള്ക്കു വിശദീകരിക്കാന് കഴിയാതെപോയി. ഇന്ത്യന് പാര്ലമെന്റ് വഖഫ് നിയമം പാസാക്കിയ സമയംനോക്കി വിഭജനം…
Read More » -
‘ജനിച്ചുപോയതില് ഖേദിക്കാന് ഇടയുള്ള സ്ഥലം’: യുക്രൈന് യുദ്ധത്തിന്റെ മറവില് റഷ്യയുടെ രഹസ്യ കൊലമുറികള്; തടവുകാരെ പീഡിപ്പിക്കാന് പ്രത്യേകം സെല്ലുകള്; കടിച്ചുകീറാന് നായ്ക്കള്; ടാഗര്റോഗ് എന്ന ‘ഗ്വാണ്ടനാമോ’; വിക്ടോറിയ പ്രോജക്ട് പുറത്തെത്തിച്ചത് ഞെട്ടിക്കുന്ന വിവരങ്ങള്
മോസ്കോ: കിഴക്കന് ഉക്രെയ്നിലെ ഡോണ്ബാസ് മേഖലയിലെ ലുഹാന്സ്ക് എന്ന നഗരത്തില് അധ്യാപികയും അടുത്തിടെ വിരമിച്ച ഉക്രേനിയന് സര്വീസ് അംഗവുമായ യെലിസവേറ്റ ഷൈലിക്കിനെ റഷ്യന് സൈനികര് കസ്റ്റഡിയിലെടുത്ത് ചോദ്യം ചെയ്തിരുന്നു. ‘റഷ്യന് ജയില് ക്യാമ്പിലേക്ക് അയയ്ക്കു’മെന്നായിരുന്നു ചോദ്യം ചെയ്യലിനിടെ ഉദ്യോഗസ്ഥര് ഇടയ്ക്കിടെ ആവര്ത്തിച്ചത്. റഷ്യന് നഗരമായ റോസ്തോവിനടുത്തുള്ള തടങ്കല് കേന്ദ്രമായ ‘ടാഗര്റോഗ്’ എന്ന ജയിലിലേക്ക് അയയ്ക്കുമെന്നായിരുന്നു ഭീഷണി. അതില്തന്നെ സിസോ-2 എന്ന സെല്ലുകള് ഏറെ കുപ്രസിദ്ധമാണ്. ‘ചോദ്യം ചെയ്യലില് പരാജയപ്പെട്ടാല് ജനിച്ചുപോയതിന്റെ പേരില് ഖേദിക്കാന് ഇടയുള്ള സ്ഥലത്തേക്ക് അയയ്ക്കുമെന്ന്’ അവര് പറഞ്ഞതിന്റെ അര്ഥം മനസിലാക്കാന് അവിടെയെത്തേണ്ടിവന്നു ഷൈലിക്കിന്. ടാഗന്റോഗില്നിന്ന് മോചിപ്പിക്കപ്പെട്ട ഒരു ഡസനോളം തടവുകാരില് ഒരാളാണ് ഷൈലിക്. വിക്ടോറിയ പ്രോജക്ട് എന്ന പേരില് രാജ്യാന്തര മാധ്യമപ്രവര്ത്തകര് നടത്തിയ അന്വേഷണത്തിലാണു റഷ്യന് സൈനിക തടവിലെ ക്രൂരതകള് പുറംലോകം അറിഞ്ഞത്. ഇതേക്കുറിച്ച് അന്വേഷിക്കാന് ഇറങ്ങി പുറപ്പെട്ട ഉക്രേനിയന് മാധ്യമപ്രവര്ത്തകയായ വിക്ടോറിയ റോഷ്ചിന 2024 സെപ്റ്റംബറില് മരിക്കുന്നതിനു മുമ്പ് ‘റഷ്യയുടെ ഗ്വാണ്ടനാമോ’ എന്നറിയപ്പെടുന്ന ഈ ജയിലില്…
Read More » -
ബാഗി ബ്ലൂവിലെ 14 വര്ഷങ്ങള്; നന്ദി പ്രിയപ്പെട്ട കോലി; മാസ്മരികമായൊരു ക്രിക്കറ്റ് കാലത്തിന്; ചെറു പുഞ്ചിരിയില്ലാതെ ടെസ്റ്റ് ക്രിക്കറ്റ് കാലം ഓര്ക്കാനാകില്ലെന്ന് വികാര നിര്ഭരമായ കുറിപ്പ്; അച്ഛന്റെ മരണക്കിടക്കയില് തുടങ്ങിയ കഠനാധ്വാനം; മടങ്ങുന്നത് സുവര്ണ നേട്ടത്തിനരികെ
ന്യൂഡല്ഹി: ‘ഇന്ത്യന് ക്രിക്കറ്റിന്റെ അഭിമാനമായ ‘ബാഗി ബ്ലൂ’ ധരിച്ച് കളിച്ച 14 വര്ഷങ്ങള്. ഒരിക്കല്പോലും പ്രതീക്ഷിക്കാത്ത തലത്തിലേക്കു കൈപിടിച്ചുയര്ത്തിയ അഞ്ചു ദിവസത്തെ ഫോര്മാറ്റ് ഇടയ്ക്കിടെ പരീക്ഷിച്ചു. അതിലേറെ മികവിലേക്ക് ഉയറത്തി. ജീവതത്തില് ഉടനീളം ഉപകരിച്ച പാഠങ്ങളായിരുന്നു ടെസ്റ്റ് എന്നെ പഠിപ്പിച്ചത്. ദിവസങ്ങള് നീണ്ടുനില്ക്കുന്ന അധ്വാനം, സമര്പ്പണം, മറ്റാര്ക്കും കാണാന് സാധിക്കാത്തതും എന്നാല് എന്നില് എന്നന്നേക്കുമായി നിറഞ്ഞു നില്ക്കുന്നതുമായ ചെറിയ നിമിഷങ്ങള്’. ‘എനിക്ക് സാധ്യമായതൊക്കെയും ക്രിക്കറ്റിന് നല്കുകയും ഞാന് പ്രതീക്ഷിച്ചതിലേറെ തിരിച്ചു നല്കുകയും ചെയ്ത ടെസ്റ്റ് ക്രിക്കറ്റില് നിന്നും വിടചൊല്ലുകയെന്നത് എളുപ്പമുള്ള തീരുമാനമായിരുന്നില്ല, ഇതാണ് ഉചിതമായ സമയമെന്ന് ഞാന് കരുതുന്നു. ക്രിക്കറ്റ് ഫീല്ഡ് പങ്കിട്ട സഹതാരങ്ങളേയും എന്റെ വഴി അനായാസമാക്കിയ ഓരോരുത്തരെയും നന്മ കാംഷിച്ച സകലരെയും നന്ദിയോടെ സ്മരിക്കുന്നു. ഞാന് വിട വാങ്ങുന്നു; ഒരു ചെറുപുഞ്ചിരിയോടെയല്ലാതെ എന്റെ ടെസ്റ്റ് ക്രിക്കറ്റ് കരിയറിനെ സ്മരിക്കാന് എനിക്കാവില്ല..നന്ദി..!” ടെസ്റ്റ് ക്രിക്കറ്റിനു വിടചൊല്ലി വിരാട് കോലിയെന്ന വണ്ടര്മാന് ബാക്കിയാക്കുന്നതു ചിരകാല അഭിലാംകൂടിയാണ്. എന്നാല്, അതും വിട്ടുകളായന് കോലിക്കു…
Read More » -
ഇന്ത്യ- പാക് യുദ്ധം ‘അപൂര്വ’ അവസരം; കണ്ണിമ ചിമ്മാതെ നിരീക്ഷിച്ച് പാശ്ചാത്യ പ്രതിരോധ വിദഗ്ധര്; വിലയിരുത്തിയത് ചൈനീസ് പോര് വിമാനങ്ങളുടെയും മിസൈലുകളുടെയും പ്രകടനം; ഇന്ത്യയുടെ ‘മേക്ക് ഇന് ഇന്ത്യ’ വെടിക്കോപ്പുകള് കൃത്യത പുലര്ത്തി; ലക്ഷ്യം കാണാതെ പാക് മിസൈലുകള്
ന്യൂഡല്ഹി: ഇന്ത്യയും പാകിസ്താനും തമ്മിലുണ്ടായ ഏറ്റുമുട്ടല് ഏറ്റവും കൂടുതല് നിരീക്ഷിച്ചത് പാശ്ചാത്യ പ്രതിരോധ വിദഗ്ധര്. ഓരോ രാജ്യത്തിന്റെയും വിദേശ പ്രതിരോധ ഉപകരണങ്ങളും വിമാനങ്ങളും നിരീക്ഷിക്കാനുള്ള ‘അപൂര്വ’ അവസരമായിട്ടാണ് ഏറ്റുമുട്ടലിനെ കണ്ടത്. ഇന്ത്യ ഉപയോഗിക്കുന്നതു ഫ്രഞ്ച് നിര്മിത റഫാല് വിമാനങ്ങളും പാകിസ്താന് ചൈനീസ് നിര്മിത പോര് വിമാനങ്ങളുമാണ് അളന്നുതൂക്കിയുള്ള ആക്രമണങ്ങള്ക്ക് ആശ്രയിച്ചത്. ഭാവിയില് യുദ്ധമുണ്ടായാല് ഓരോ രാജ്യങ്ങളുടെയും ആയുധ ശക്തിയുടെ കാര്യത്തില് ധാരണയുണ്ടാക്കാനാണു സര്വ സന്നാഹങ്ങളും ഉപയോഗിച്ച് അമേരിക്കയടക്കമുള്ളവര് യുദ്ധത്തെ ഉപയോഗിച്ചത്. ചൈനീസ് നിര്മിത ഫൈറ്റര് ജെറ്റുകള് രണ്ട് ഇന്ത്യ ജെറ്റുകളെയെങ്കിലും വെടിവച്ചിട്ടെന്നു യുഎസ് ഇന്റലിജന്സ് ഉദ്യോഗസ്ഥരില്നിന്നുള്ള വിവരങ്ങളെന്ന പേരില് റോയിട്ടേഴ്സ് റിപ്പോര്ട്ട് ചെയ്തിരുന്നു. പൈലറ്റുകളുടെ പ്രകടനം, ഫൈറ്റര് ജറ്റുകള്, എയര്-ടു എയര് മിസൈലുകളുടെ സൂഷ്മത എന്നിവ നോക്കിയശേഷം തങ്ങളുടെ സൈന്യത്തെ കൂടുതല് സജ്ജമാക്കുകയെന്നതായിരുന്നു ആകാശ യുദ്ധം നിരീക്ഷിക്കുന്നതിന്റെ ലക്ഷ്യം. ഇന്തോ പസഫിക് റീജണിലും തായ്വാന്റെ പേരിലും ചൈനയും പാകിസ്താനും നേരിട്ടുള്ള തര്ക്കങ്ങളിലാണ്. അതുകൊണ്ടുതന്നെ ഏറ്റവും ആധുനികമായ ഉപകരണങ്ങള് ആരൊക്കെ ഉപയോഗിക്കുന്നുവോ അവരെയെല്ലാം…
Read More » -
അതിര്ത്തി കാക്കാന് ഇന്ത്യയുടെ ചാരക്കണ്ണുകള്; തലയ്ക്കു മുകളില് വട്ടമിടുന്നത് 10 ഉപഗ്രഹങ്ങള്; 52 എണ്ണംകൂടി ഭ്രമണപഥത്തില് എത്തും; വെടി നിര്ത്തലിനു പിന്നാലെ ഇന്ത്യയുടെ സൈനിക പദ്ധതികളുടെ രഹസ്യം വെളിപ്പെടുത്തി ഐഎസ്ആര്ഒ ചെയര്മാന്
ന്യൂഡല്ഹി: ഇന്ത്യ-പാക് സംഘര്ഷങ്ങള്ക്കിടയില്, രാജ്യത്തെ പൗരന്മാരുടെ സുരക്ഷ ഉറപ്പാക്കുന്നതിനായി 10 ഉപഗ്രഹങ്ങള് തുടര്ച്ചയായി പ്രവര്ത്തിക്കുന്നുണ്ടെന്ന് ഐഎസ്ആര്ഒ ചെയര്മാന് വി. നാരായണന്. അഗര്ത്തലയില് നടന്ന സെന്ട്രല് അഗ്രികള്ച്ചറല് യൂണിവേഴ്സിറ്റിയുടെ (സിഎയു) അഞ്ചാമത് ബിരുദദാന ചടങ്ങിനെ അഭിസംബോധന ചെയ്തു പ്രസംഗിക്കുകയായിരുന്നു അദ്ദേഹം. ‘നമ്മുടെ രാജ്യത്തിന്റെ സുരക്ഷ ഉറപ്പാക്കണമെങ്കില്, നമ്മുടെ ഉപഗ്രഹങ്ങള് വഴി സേവനം നല്കണം. നമ്മുടെ 7,000 കിലോമീറ്റര് കടല്ത്തീര പ്രദേശങ്ങള് നാം നിരീക്ഷിക്കണം. ഉപഗ്രഹ, ഡ്രോണ് സാങ്കേതികവിദ്യ ഇല്ലാതെ, നമുക്ക് പലതും നേടാന് കഴിയില്ല.’-അദ്ദേഹം പറഞ്ഞു. ഇപ്പോള്, സ്വകാര്യ ഓപ്പറേറ്റര്മാരില് നിന്നും അക്കാദമിക് സ്ഥാപനങ്ങളില് നിന്നുമുള്ളവ ഉള്പ്പെടെ, ഇസ്രോ ആകെ 127 ഇന്ത്യന് ഉപഗ്രഹങ്ങള് വിക്ഷേപിച്ചു. ഇതില് 22 എണ്ണം ലോ എര്ത്ത് ഭ്രമണപഥത്തിലാണ്. 29 എണ്ണം കേന്ദ്ര സര്ക്കാരിന്റെ ഉടമസ്ഥതയിലുള്ള ജിയോ-സിന്ക്രണസ് എര്ത്ത് ഭ്രമണപഥത്തിലാണ്. ഇന്ത്യയില് ഒരു ഡസനോളം സ്പൈ അല്ലെങ്കില് സര്വൈലന്സ് ഉപഗ്രഹങ്ങളുണ്ട്. അവയില് കാര്ട്ടോസാറ്റ്, റിസാറ്റ് പരമ്പരകളും പ്രത്യേക നിരീക്ഷണ ജോലികള്ക്കായി രൂപകല്പ്പന ചെയ്തിട്ടുള്ള എമിസാറ്റ്, മൈക്രോസാറ്റ് പരമ്പരകളും…
Read More » -
കടത്തിനു മുകളില് കടവുമായി ജീവിച്ചിട്ടും ആയുധപ്പുരകള് നിറയ്ക്കുന്ന പാകിസ്താന്!; രാജ്യം തകര്ന്നിട്ടും തകരാത്ത സൈന്യം; യുദ്ധ വിമാനങ്ങള്മുതല് അന്തര്വാഹിനി വരെ; കൃഷിമുതല് ഭവന പദ്ധതികളില്വരെ നിയന്ത്രണം; 80 ശതമാനം ആയുധനം നല്കുന്ന ചൈന വാങ്ങാനുള്ള പണവും നല്കും! ഒപ്പം ‘അങ്കിള് സാമി’ന്റെ കൈനീട്ടവും
ന്യൂഡല്ഹി: രാജ്യാന്തര നാണയ നിധിയുടെ സഹായമില്ലെങ്കില് ഇന്ന് പാകിസ്താന് ഒരിഞ്ച് മുന്നോട്ടു നീങ്ങില്ല. പിന്നെയെങ്ങനെ ആയുധങ്ങള് വാങ്ങിക്കൂട്ടുന്നു? ഒറ്റ ഉത്തരമേ ഇതിനുള്ളൂ. രണ്ടു വര്ഷം മുമ്പ് ഹഖാനി പറഞ്ഞതുപോലെ ‘അങ്കിള് ബില്ലുകള് അടയ്ക്കുന്നു’! പാകിസ്താന് തകര്ന്നു. പക്ഷേ, സൈന്യം തകര്ന്നിട്ടില്ല. യുദ്ധവിമാനങ്ങള്, ഡ്രോണുകള്, അന്തര്വാഹിനികള്, യുദ്ധക്കപ്പലുകള്: ഇസ്ലാമാബാദ് അവയെല്ലാം ശേഖരിക്കുന്നതു തുടരുന്നു. ഒരു സാമ്പത്തിക രക്ഷാ പദ്ധതിയില്നിന്ന് അടുത്തതിലേക്കു കടക്കുമ്പോള് കടം കുമിഞ്ഞു കൂടുന്നു. ഈ വര്ഷം മാത്രം ജിഡിപി 236 ബില്യണ് ഡോളറിലേക്കു ചുരുങ്ങുമ്പോഴും ഏഴു ബില്യണ് ഡോളര് പ്രതിരോധത്തിനായി നീക്കിവയ്ക്കുന്നു. രാജ്യത്തിന്റെ വഷളാകുന്ന സാമ്പത്തിക തകര്ച്ച പാകിസ്ഥാന്റെ സൈനിക ശക്തിയെ തൊട്ടിട്ടില്ല. എങ്ങനെ? മുഖ്യ ആയുധവ്യാപാരിതന്നെ അവയ്ക്കുള്ള പണം നല്കിയാല് എങ്ങനെയുണ്ടാകും? ഒരാള്തന്നെ വില്പനക്കാരനും ബാങ്കറുമാകുന്നു. പാക് സൈനിക ഇറക്കുമതിയുടെ 80 ശതമാനവും ചൈനയില്നിന്നാണ്. യുദ്ധസാമഗ്രികള് നല്കുക മാത്രമല്ല അതിനുള്ള പണവും നല്കും! കുറഞ്ഞ പലിശ നല്കിയാല് മതി. കുറഞ്ഞ പലിശ, വഴക്കമുള്ള നിബന്ധനകള്, നീണ്ട ഗ്രേസ് പിരീഡുകള്…
Read More » -
സേനയില് പെര്മനന്റ് കമ്മീഷന് ആവശ്യപ്പെട്ടു ഹര്ജി നല്കിയവരെ പറഞ്ഞയ്ക്കരുതെന്ന് സുപ്രീം കോടതി; ‘അവര് മികച്ച പ്രകടനം കാഴ്ചവയ്ക്കുന്നു, അവരുടെ മനോവീര്യം ഉയര്ന്ന് നില്ക്കേണ്ടത് അത്യാവശ്യം’; സ്ത്രീകള് അനുയോജ്യരല്ലെന്ന നിലപാട് തെറ്റാണെന്ന് നിലവിലെ സാഹചര്യം തെളിയിക്കുന്നെന്നും കേണല് സോഫിയ ഖുറേഷിയെ ചൂണ്ടി ജസ്റ്റിസ് സൂര്യകാന്ത്
ന്യൂഡല്ഹി: ഇന്ത്യന് സൈന്യത്തില് പെര്മനന്റ് കമ്മീഷന് (പിസി) ആവശ്യപ്പെട്ടു ഹര്ജി നല്കിയവരെ വിട്ടയയ്ക്കരുതെന്നു സുപ്രീം കോടതിയുടെ നിര്ണായക നിര്ദേശം. സൈനിക പദവികളില് സ്ത്രീകള് സുപ്രധാന ജോലികള് നിര്വഹിക്കുന്ന സമയത്ത് അവരുടെ മനോവീര്യം ഉയര്ന്ന നിലയില്തന്നെ നിലനിര്ത്തേണ്ടതുണ്ടെന്നും ജസ്റ്റിസ് സൂര്യകാന്ത് പറഞ്ഞു. ‘അവര്ക്കു മികച്ച പ്രകടനം കാഴ്ചവയ്ക്കുന്നതിന് ഇപ്പോള് ഇടമുണ്ട്. നിലവില്, അവരുടെ മനോവീര്യം ഉയര്ന്ന നിലയില് നിലനിര്ത്തണമെന്ന് ഞങ്ങള് ആഗ്രഹിക്കുന്നു. അവരുടെ സേവനങ്ങള് പ്രയോജനപ്പെടുണ’മെന്നും കോടതി നിര്ദേശിച്ചു. ഇപ്പോഴത്തെ സുരക്ഷാ അന്തരീക്ഷത്തിന്റെ പശ്ചാത്തലത്തില്, അവര് അനുയോജ്യരല്ലാത്ത ഉദ്യോഗസ്ഥരാണെന്ന നിങ്ങളുടെ നിലപാടില് തെറ്റുണ്ടെന്നും ഓഗസ്റ്റില് കേസ് വീണ്ടും കേള്ക്കുന്നതുവരെ ആവശ്യമായ ക്രമീകരണങ്ങള് നടത്തണമെന്നും കോടതി നിര്ദേശിച്ചു. ഓപ്പറേഷന് സിന്ദൂറിനെക്കുറിച്ചുള്ള നിര്ണായക വിശദീകരണം നല്കാന് സൈന്യം ചുമതലപ്പെടുത്തിയത് കേണല് സോഫിയ ഖുറേഷി, വിംഗ് കമാന്ഡര് വ്യേമിക സിംഗ് എന്നിവരെയാണ്. കേണല് സോഫിയ സുപ്രീം കോടതി ഉത്തരവിനെത്തുടര്ന്നു പെര്മനന്റ് കമ്മീഷന് ലഭിച്ച ഉദ്യോഗസ്ഥയാണ്. ഈ പശ്ചാത്തലത്തില്കൂടിയാണ് കോടതി ഇത്തരമൊരു നിര്ദേശം നല്കിയത്. 2020 ഫെബ്രുവരി 17-ന് സുപ്രീം…
Read More »