Newsthen Special
-
പ്രതീക്ഷയോടെ വിദേശത്തേക്ക്; ഏജന്സിയുടെ ചതിയില് ജയിലില്; മലയാളി അസോസിയേഷന്റെ ഇടപെടലില് മോചനം; നാട്ടിലേക്ക് എത്താനിരിക്കേ മകന്റെ അപ്രതീക്ഷിത മരണം; ഷാനറ്റിന്റെ മാതാവ് ജിനു ഇന്നു നാട്ടിലെത്തും
ഇടുക്കി അണക്കരയിൽ വാഹനാപകടത്തിൽ മരിച്ച ഷാനറ്റിന്റെ മാതാവ് ജിനു ഇന്ന് നാട്ടിലെത്തും. മകന്റെ മരണവാര്ത്തയറിഞ്ഞിട്ടും നാട്ടിലെത്താന് കഴിയാതെ കുവൈറ്റില് കുടുങ്ങിയ അമ്മയുടെ വാര്ത്ത നാടിന് വേദനയായിരുന്നു. ജനപ്രതിനിധികളുടെ സമയോചിതമായ ഇടപെടല് അവസാനമായി ആ അമ്മയ്ക്ക് മകനെ ഒന്ന് കാണാന് വഴിയൊരുക്കി. ഇന്നുരാവിലെ 11.15-ന് ജിനു നെടുമ്പാശേരി വിമാനത്താവളത്തിലെത്തും. കട്ടപ്പനയിലെ സ്വകാര്യ ആശുപത്രിയിലെ മോര്ച്ചറിയിലാണ് ഷാനറ്റിന്റെ മൃതദേഹം സൂക്ഷിച്ചിരിക്കുന്നത്. 11 മണിയോടെ മൃതദേഹം വീട്ടിൽ കൊണ്ടുവരുമെന്നാണ് വിവരം. സുഹൃത്തിനൊപ്പം ബൈക്കില് സഞ്ചരിക്കവേ തമിഴ്നാട്ടില് നിന്ന് ഏലത്തോട്ടത്തിലേക്ക് തൊഴിലാളികളുമായി വരുന്ന വാഹനമിടിച്ചാണ് ഷാനറ്റ് മരിച്ചത്. കൂടെയുണ്ടായിരുന്ന സുഹൃത്ത് അലനും അപകടത്തില് മരണപ്പെട്ടിരുന്നു. അലന്റെ അമ്മയും വിദേശത്തായിരുന്നു. അവര് നാട്ടിലെത്തിയ പിന്നാലെ അലന്റെ സംസ്കാരം നടത്തി. എന്നാല് ഷാനറ്റിന്റെ അമ്മ കുവൈറ്റില് കുടുങ്ങി. രണ്ടരമാസം മുമ്പാണ് ജിനു കുവൈറ്റിലെ ഒരു വീട്ടിൽ കുട്ടിയെ നോക്കാനുള്ള ജോലിക്ക് പോയത്. എന്നാൽ ജോലി ഭാരവും ആരോഗ്യ പ്രശ്നങ്ങളും മൂലം അവിടെ തുടരാൻ പറ്റാത്ത സ്ഥിതിയായി. വാഗ്ദാനം ചെയ്ത ശമ്പളവും…
Read More » -
അമേരിക്കന് ആക്രമണം: ഫോര്ദോ ആണവ നിലയത്തില് ആറു വന് ഗര്ത്തങ്ങളെന്ന് ഉപഗ്രഹ ചിത്രങ്ങള്; നീക്കം മുന്നില്കണ്ട് വെള്ളിയാഴ്ചയോടെ മുഴുവന് യുറേനിയവും ഇറാന് മാറ്റിയെന്നും സൂചന; രണ്ടു ദിവസങ്ങളില് അസാധാരണ വാഹന പ്രവാഹം; ഒരുമുഴം മുമ്പേ നീങ്ങിയെന്ന് സൂചന നല്കി ഇറാനിയന് വിദഗ്ധരും
വാഷിംഗ്ടണ്: അമേരിക്കന് ആക്രമണത്തില് ഇറാനിലെ ഫോര്ദോ ന്യൂക്ലിയര് പ്ലാന്റില് വന് നാശമെന്നു സൂചന നല്കുന്ന സാറ്റലൈറ്റ് ചിത്രങ്ങള് പുറത്ത്. ഗുരുതരമായ നാശമോ പൂര്ണനാശമോ ഉണ്ടാകാനുള്ള സാധ്യതയുണ്ടെന്നാണ് ഉപഗ്രഹ ചിത്രങ്ങള് വിശകലനം ചെയ്യുന്നതില് വിദഗ്ധരായവര് ചൂണ്ടിക്കാട്ടുന്നത്. എന്നാല്, ഇക്കാര്യത്തില് ഔദ്യോഗിക സ്ഥിരീകരണമില്ലെന്നും ഇവര് വ്യക്തമാക്കുന്നു. അമേരിക്ക അവകാശപ്പെടുന്നതുപോലെയൊരു ആക്രമണം നടന്നിട്ടുണ്ടെങ്കില് നിലയത്തിന്റെ പ്രവര്ത്തനം താറുമാറാകാന് സാധ്യതയുണ്ടെന്നു മുന് യുഎന് ന്യൂക്ലിയര് ഇന്സ്പെക്ടറും ഇന്സ്റ്റിറ്റ്യൂട്ട് ഓഫ് സയന്സ് ആന്ഡ് ഇന്റേണല് സെക്യൂരിറ്റി മേധാവിയുമായ ഡേവിഡ് ആല്ബ്രൈറ്റ് പറഞ്ഞു. മാസീവ് ഓര്ഡന്സ് പെനിട്രേറ്റര് (എംഒപി) ബങ്കര് ബസ്റ്റര് ബോംബുകളാണ് ഇവിടെ ഇട്ടത്. എന്നാല് എത്രത്തോളം ആഴത്തില് സ്ഫോടനങ്ങള് സംഭവിച്ചെന്നു വ്യക്തമാകണമെങ്കില് ഇനിയും കാത്തിരിക്കണമെന്നു സാറ്റലൈറ്റ് ചിത്രങ്ങള് വിശകലനം ചെയ്യുന്നതില് വിദഗ്ധനും സിഎന്എ കോര്പറേഷനില് അസോസിയേറ്റ് ഗവേഷകനുമായ ഡെക്കര് എവലത്ത് പറഞ്ഞു. ALSO READ കണ്ടതൊന്നുമല്ല ‘മിഡ്നൈറ്റ് ഹാമറി’ല് സംഭവിച്ചത്; ഓപ്പറേഷനില് പങ്കെടുത്തത് ആരുമറിയാതെ 18 മണിക്കൂര് പറന്ന ഏഴ് ബി-2 സ്റ്റെല്ത്ത് അടക്കം 125 വിമാനങ്ങള്;…
Read More » -
ഗള്ഫ് രാജ്യങ്ങള് അതീവ ജാഗ്രതയില്; ബഹ്റൈനില് കടുത്ത നിയന്ത്രണങ്ങള്; പ്രധാന റോഡുകള് ഉപയോഗിക്കുന്നില് വിലക്ക്; കെട്ടിടങ്ങളില് ഷെല്ട്ടര്; വര്ക്ക് ഫ്രം ഹോം; സൗദിയിലും ജാഗ്രത
ബഹ്റൈന്: ഇറാനിലെ അമേരിക്കന് ആക്രമണത്തോടെ ഗള്ഫ് രാജ്യങ്ങള് അതീവജാഗ്രതയില്. ബഹ്റൈനില് ആളുകള് പ്രധാന റോഡുകള് ഉപയോഗിക്കുന്നതിന് നിയന്ത്രണമേര്പ്പെടുത്തി. കെട്ടിടങ്ങളില് ഷെല്ട്ടര് ഒരുക്കാന് കുവൈത്ത് സര്ക്കാര് നിര്ദേശം നല്കി. ഗള്ഫ് രാജ്യങ്ങളിലെ അമേരിക്കന് സൈനികതാവളങ്ങളാണ് ആശങ്കയ്ക്ക് മുഖ്യ അടിസ്ഥാനം. ഇറാന് പ്രത്യാക്രമണം യു.എസ് സൈനിക താവളങ്ങള്ക്കുനേരെയുണ്ടാകുമെന്ന കണക്കുകൂട്ടലിലാണ് ജാഗ്രതാനിര്ദേശം പുറപ്പെടുവിച്ചത്. ജനങ്ങള് രാജ്യത്തെ പ്രധാനറോഡുകള് ഉപയോഗിക്കുന്നതിന് ബഹ്റൈന് നിയന്ത്രണമേര്പ്പെടുത്തി. സര്ക്കാര് ജീവനക്കാരില് എഴുപതുശതമാനത്തിന് വര്ക്ക് ഫ്രം ഹോം സംവിധാനം ഏര്പെടുത്തി. രാജ്യത്തെ പ്രധാന കെട്ടിടങ്ങളില് ഷെല്ട്ടര് ഒരുക്കാന് കുവൈത്ത് സര്ക്കാര് നിര്ദേശം നല്കി. സൗദി അറേബ്യയും ജാഗ്രതാനിര്ദേശം നല്കിയെന്നാണ് റിപ്പോര്ട്ടുകള്. അമേരിക്കന് ആക്രമണത്തോടെ ഉണ്ടായ സാഹചര്യം ആശങ്കാജനകമെന്ന് യു.എ.ഇ. സംഘര്ഷം മൂര്ച്ഛിക്കുന്നത് മേഖലയെ അസ്ഥിരതയ്ക്ക് വഴിയൊരുക്കുമെന്ന് യു.എ.ഇ ചൂണ്ടിക്കാട്ടി. ഇറാന് ആക്രമണസാധ്യതയ്്ക്ക് പുറമെ ഇറാനില് ആണവച്ചോര്ച്ചയ്ക്കുള്ള സാധ്യതയും ഗള്ഫ് രാജ്യങ്ങളുടെ ആശങ്കയ്ക്ക് കാരണമാണ്. യു.എസ്. ആക്രമണത്തിന് പിന്നാലെപശ്ചിമേഷ്യയില് സംഘര്ഷാവസ്ഥ രൂക്ഷമായി. ഇത് രാജ്യാന്തര നിയമങ്ങളുടെ ലംഘനമാണെന്നും പ്രത്യാഘാതങ്ങളുടെ പൂര്ണ്ണ ഉത്തരവാദിത്തം യു.എസിനാണെന്നും ഇറാന്.…
Read More » -
ലാദനെ വധിക്കുന്നത് ഒബാമ തത്സമയം വീക്ഷിച്ച അതേ മുറിയില് ട്രംപ്; വൈറ്റ് ഹൗസിലെ സിറ്റുവേഷന് റൂം ലോകത്തേക്കു തുറന്നുവച്ച കണ്ണ്; അത്യാധുനിക ആശയ വിനിമയ സംവിധാനങ്ങള്; എല്ലാ സൈനിക കേന്ദ്രങ്ങളിലെയും വിവരങ്ങള് തത്സമയം സ്ക്രീനില്; അഞ്ചു മണിക്കൂര് ചര്ച്ചയില് നെതന്യാഹു
ന്യൂയോര്ക്ക്: ഇറാനിലെ ആണവ കേന്ദ്രങ്ങളിലേക്ക് യുഎസ് നടത്തിയ സൈനിക നടപടി തല്സമയം വീക്ഷിച്ച് യുഎസ് പ്രസിഡന്റ് ഡൊണള്ഡ് ട്രംപ്. വൈറ്റ് ഹൗസിലെ സിറ്റുവേഷന് റൂമില് മുതിര്ന്ന ഉദ്യോഗസ്ഥര്ക്കൊപ്പമാണ് ട്രംപ് സൈനിക നടപടി വീക്ഷിച്ചത്. ‘മേക്ക് അമേരിക്ക ഗ്രേറ്റ് എഗേയിന്’ എന്ന തൊപ്പി ധരിച്ചുള്ള ട്രംപിന്റെ വിവിധ ഫോട്ടോകള് വൈറ്റ്ഹൗസ് പുറത്തുവിട്ടു. വൈസ് പ്രസിഡന്റ് ജെഡി വാന്സ്, സ്റ്റേറ്റ് സെക്രട്ടറി മാര്കോ റൂബിയോ, ഡിഫന്സ് സെക്രട്ടറി പീറ്റ് ഹെഗ്സെത്ത് എന്നിവരും ചിത്രത്തിലുണ്ട്. ജോയിന്റ് ചീഫ് ഓഫ് സ്റ്റാഫ് ചെയര്മാന് ഡാന് കെയ്ന്, വൈറ്റ് ഹൗസ് ചീഫ് ഓഫ് സ്റ്റാഫ് സൂസി വൈല്സ്, സിഐഎ ഡയറക്ടര് ജോണ് റാറ്റ്ക്ലിഫ് എന്നിരാണ് ഇതേസമയം സിറ്റുവേഷന് റൂമിലുണ്ടായിരുന്നത്. ആക്രമണ വിവരം സ്വന്തം സമൂഹമാധ്യമ പ്ലാറ്റ്ഫോമായ ട്രൂത്ത് വഴിയാണ് ട്രംപ് പുറത്തുവിട്ടത്. 1979 ന് ശേഷം ആദ്യമായാണ് യുഎസ് ഇറാന് നേരെ ആക്രമണം നടത്തുന്നത്. സൈനിക സാഹചര്യങ്ങള് നിരീക്ഷിക്കാനും നടപടികള് നിര്ദേശിക്കാനും ഒത്തുകൂടുന്ന വൈറ്റ് ഹൗസിലെ മുറിയാണ് സിറ്റുവേഷന്…
Read More » -
ഇനി തിരിച്ചടിക്കുള്ള സമയം; ബഹ്റൈനിലേക്ക് മിസൈല് ആക്രമണം നടത്തുമെന്ന് ഇറാന്; അമേരിക്കയുടെയും യൂറോപ്യന് രാജ്യങ്ങളുടെയും കപ്പലുകളെയും വെറുതേവിടില്ല; ഫോര്ദോയെ കാക്കുന്നത് റഷ്യന് പ്രതിരോധം; തകര്ക്കാന് കഴിഞ്ഞില്ലെന്നും ഇറാന് മാധ്യമങ്ങള്; ആക്രമിച്ചാല് ഇറാന് കത്തിക്കുമെന്ന് ട്രംപ്
ടെഹ്റാന്: ഫോര്ദോ ഉള്പ്പെടെ മൂന്ന് ആണവ കേന്ദ്രങ്ങള്ക്കുനേരെ യുഎസ് ആക്രമണം ഉണ്ടായതായി സ്ഥിരീകരിച്ച് ഇറാന്. അന്യായമായ ആക്രമണത്തിന് തിരിച്ചടിക്കാനുള്ള ഇറാന്റെ സമയമാണ് ഇനിയെന്നും ഖമേനി മുന്നറിയിപ്പ് നല്കി. അമേരിക്ക ഇന്നുവരെ കണ്ടിട്ടില്ലാത്തത്ര വലിയ നാശം വിതയ്ക്കുമെന്നും ഖമേനി പറഞ്ഞു. കാലതാമസമില്ലാതെ അമേരിക്കയ്ക്ക് മറുപടി നല്കാനുള്ള സമയമാണിതെന്നായിരുന്നു ഖമേനിയുടെ പ്രതിനിധി ഹുസൈന് ഷര്യത്മദരിയുടെ പ്രതികരണം. ആദ്യഘട്ടമെന്ന നിലയില് ബഹ്റൈനിലെ യുഎസ് നാവികസേനയ്ക്ക് നേരെ മിസൈല് ആക്രമണം നടത്തുമെന്നും അമേരിക്ക, ബ്രിട്ടിഷ്, ജര്മന്, ഫ്രഞ്ച് കപ്പലുകള് ഹോര്മൂസിലൂടെ കടത്തിവിടില്ലെന്നും ഷര്യത്മദരി പ്രഖ്യാപിച്ചു. യുഎസ് ആക്രമണത്തില് ഇറാനിലെ ജനങ്ങള്ക്ക് ഒരു അപകടവും സംഭവിച്ചിട്ടില്ലെന്നും ഫോര്ദോ ഉള്പ്പടെ സുരക്ഷിതമാണെന്നും ഇറാന് വ്യക്തമാക്കി. അമേരിക്കന് ആക്രമണത്തെ വകവയ്ക്കുന്നില്ലെന്നും ആണവ പദ്ധതികളുമായി ഇറാന് മുന്നോട്ട് പോകുമെന്നും ഇറാന്റെ ആണവോര്ജ ഏജന്സി പ്രഖ്യാപിച്ചു. ‘ശത്രുക്കളുടെ ആക്രമണത്തിന് മുന്നില് പതറി, വികസന പ്രവര്ത്തനങ്ങള് പാതിവഴിയില് ഉപേക്ഷിക്കാന് ഇറാന്റെ അറ്റോമിക് എനര്ജി ഓര്ഗനൈസേഷന് ഉദ്ദേശിക്കുന്നില്ല. ധീര രക്തസാക്ഷികളുടെ ചോരയില് പടുത്തുയര്ത്തിയതാണ് ആണവ പദ്ധതിയെന്നും അത്…
Read More » -
ഖമേനിയുടെ ഒളിയിടം വെളിപ്പെടുത്തി ഇറാനിയന് വിമത മാധ്യമം; കുടുംബത്തിനൊപ്പം വടക്കുകിഴക്കന് ടെഹ്റാനിലെ ലാവിസാനിലെ ബങ്കറില് അഭയംതേടി; ഇലക്ട്രോണിക് ഉപകരണങ്ങളെല്ലാം വിലക്കി; സൈനിക നേതൃത്വവുമായി ബന്ധപ്പെടുന്നത് ദൂതര് മുഖാന്തിരം
ടെഹ്റാന്: പിന്ഗാമികളായി മകനുള്പ്പെടെ മൂന്ന് ഇസ്ലാമിക് നേതാക്കളെ പിന്ഗാമികളായി പ്രഖ്യാപിച്ച ഖമേനിയുടെ ഒളിയിടത്തെക്കുറിച്ചു സൂചന നല്കി ഇറാനിയന് വിമത മാധ്യമമായ ഇറാന് ഇന്റര്നാഷണല്. വെള്ളിയാഴ്ച ഇസ്രയേല് ആക്രമണം ആരംഭിച്ചു മണിക്കൂറുകള്ക്കുള്ളില് പരമോന്നത നേതാവ് വടക്കുകിഴക്കന് ടെഹ്ാനിലെ ലാവിസാനിലുള്ള ബങ്കറിലേക്കു മകനും കുടുംബത്തിനുമൊപ്പം മാറിയെന്നാണു റിപ്പോര്ട്ട്. ഖമേനിയുടെ നീക്കങ്ങള് നിരീക്ഷിക്കുന്ന ഉദ്യോഗസ്ഥരെ ഉദ്ധരിച്ചാണു റിപ്പോര്ട്ട് ചെയ്യുന്നതെന്നും ഇറാന് ഇന്റര്നാഷണല് അവകാശപ്പെട്ടു. ഖമേനിയുടെ മകന് മൊജ്തബ ഉള്പ്പെടെ കുടുംബത്തിലെ എല്ലാ അംഗങ്ങളും അദ്ദേഹത്തോടൊപ്പമുണ്ടെന്ന് വൃത്തങ്ങള് പറഞ്ഞു. BREAKING NEWS വധിക്കപ്പെടുമെന്ന് ഉറപ്പിച്ചു; മരണ ഭീതിയെത്തുടര്ന്ന് ബങ്കറില് കഴിയുന്ന അയൊത്തൊള്ള ഖമേനി അടിയന്തരമായി മൂന്നു പിന്ഗാമികളെ പ്രഖ്യാപിച്ചെന്നു ന്യൂയോര്ക്ക് ടൈംസ്; ഒരാള് മകന്; മറ്റു രണ്ടുപേരുടെ വിവരങ്ങള് അജ്ഞാതം; തീരുമാനം എടുത്തത് രണ്ടു വിശ്വസ്തര് കൂടി വീണതോടെ ഇതിനുമുമ്പ് ഇസ്രയേലിനെതിരേ ‘ഓപ്പറേഷന് ട്രൂ പ്രോമിസ്-1’, ‘ട്രൂ പ്രോമിസ്- 2’ എന്നീ ഓപ്പറേഷനുകള് നടത്തിയപ്പോഴും ഖമേനി ബങ്കറിലേക്കു മാറിയിരുന്നു. ഈ സമയം മൊജ്തബ അദ്ദേഹത്തിനൊപ്പം ഉണ്ടായിരുന്നെങ്കിലും മറ്റു…
Read More » -
ഫോര്ദോ ആണവ കേന്ദ്രം നശിപ്പിക്കാന് അമേരിക്കയുടെ സഹായം തേടി ഇസ്രയേല്; യുഎസിന്റെ ബി-2 ബോംബര് വിമാനങ്ങള് വൈറ്റ്മാന് എയര്ഫോഴ്സ് ബേസില്നിന്ന് പുറപ്പെട്ടെന്ന് റിപ്പോര്ട്ട്; മിന്നല് വേഗം; ബങ്കറുകള് തകര്ക്കാന് ശേഷി
വാഷിങ്ടൺ: ഇറാൻ- ഇസ്രായേൽ സംഘർഷം രൂക്ഷമാകുന്നതിനിടെ ബി-2 ബോംബർ വിമാനങ്ങൾ പുറപ്പെട്ടതായി യുഎസ് സ്ഥിരീകരണം. ബങ്കർ ബസ്റ്റർ ബോംബുകൾ വഹിക്കാൻ ശേഷിയുള്ള വിമാനങ്ങളാണ് ഇത്. പസഫിക് സമുദ്രത്തിലെ താവളത്തിൽ ഇവ എത്തിക്കുമെന്ന് പെന്റഗൺ അറിയിച്ചു. ഇറാനിലെ ഫോർദോ ആണവ കേന്ദ്രം നശിപ്പിക്കാൻ ഇറാൻ യുഎസ് സഹായം തേടിയിരുന്നു. ഇതിന് പിന്നാലെയാണ് ബി-2 ബോംബർ വിമാനങ്ങൾ പുറപ്പെട്ടത്. ഇറാൻ- ഇസ്രായേൽ സംഘർഷത്തിൽ യുഎസ് നേരിട്ട് ഇടപെടുന്നതിന്റെ ഭാഗമായാണ് വിമാനങ്ങൾ എത്തുന്നത് എന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. ഫോർദോ ആണവ കേന്ദ്രം നശിപ്പിക്കാൻ 30,000 പൗണ്ട് ബോംബുകൾ ആവശ്യമാണ്. ഇതിനായാണ് അത്യാധുനിക ബോംബർ വിമാനങ്ങൾ എത്തിക്കുന്നത് എന്നാണ് റിപ്പോർട്ട്. ഇന്ധനം നിറക്കാനുള്ള ടാങ്കറുകളും ഗുവാമിലെ സൈനിക താവളത്തിൽ എത്തിക്കുമെന്നാണ് റിപ്പോർട്ട്. മിസോറിയിലെ വൈറ്റ്മാൻ എയർഫോഴ്സ് ബേസിൽ നിന്ന് ഒന്നിലധികം ബി-2 വിമാനങ്ങൾ പറന്നുയർന്നതായും ഇവ പസഫിക് സമുദ്രത്തിന് കുറുകെ സഞ്ചരിക്കുന്നതായും ന്യൂയോർക്ക് ടൈംസ് റിപ്പോർട്ട് ചെയ്തു. ഇതോടൊപ്പം ആകാശത്ത് ഇന്ധം നിറയ്ക്കാന് സഹായിക്കുന്ന നാലു…
Read More » -
വധിക്കപ്പെടുമെന്ന് ഉറപ്പിച്ചു; മരണ ഭീതിയെത്തുടര്ന്ന് ബങ്കറില് കഴിയുന്ന അയൊത്തൊള്ള ഖമേനി അടിയന്തരമായി മൂന്നു പിന്ഗാമികളെ പ്രഖ്യാപിച്ചെന്നു ന്യൂയോര്ക്ക് ടൈംസ്; ഒരാള് മകന്; മറ്റു രണ്ടുപേരുടെ വിവരങ്ങള് അജ്ഞാതം; തീരുമാനം എടുത്തത് രണ്ടു വിശ്വസ്തര് കൂടി വീണതോടെ
ടെല്അവീവ്: കൊല്ലപ്പെട്ടേക്കാമെന്ന ഭീതിയില് മൂന്നു പിന്ഗാമികളെ പ്രഖ്യാപിച്ച് ഇറാന്റെ പരമോന്നത നേതാവ് അയൊത്തൊള്ള ഖമേനി. ഇസ്രയേല് ഏറ്റവും ആദ്യം വധിക്കാന് പദ്ധതിയിട്ടിരുന്നത് ഖമേനിയെയായിരുന്നു. എന്നാല്, അമേരിക്കയുടെ ഇടപെടലിനെത്തുടര്ന്ന് ഈ നീക്കം വേണ്ടെന്നു വയ്്ക്കുകയായിരുന്നു. 86 വയസുള്ള ഖമേനി വസതിയില്നിന്ന് മാറി രഹസ്യമായി ബങ്കറിലാണു കഴിയുന്നതെങ്കിലും ഇസ്രയേല് ചാരസംഘടയായ മൊസാദിനു കണ്ടെത്താന് ബുദ്ധിമുട്ടില്ലെന്നാണു കരുതുന്നതെന്നും ന്യൂയോര്ക്ക് ടൈംസ് റിപ്പോര്ട്ട് ചെയ്യുന്നു. ഖമേനി തന്റെ മരണത്തെ രക്തസാക്ഷിത്വമായിട്ടാണു കാണുന്നത്. യുദ്ധമാരംഭിച്ച് ആദ്യ ദിനത്തില്തന്നെ ഇറാന് ഭൂഗര്ഭ കമാന്ഡ് സെന്ററില് യോഗത്തിനിടെ ഇസ്രയേല് നടത്തിയ ആക്രമണത്തിലാണു ഐആര്ജിസിയുടെ വ്യോമസേനാ കമാന്ഡര് അമീര് അലി ഹാജിസാദെയും മറ്റ് മുതിര്ന്ന വ്യോമസേനാ നേതാക്കളും കൊല്ലപ്പെട്ടത്. ഇതിനു സമാനമായ ആക്രമണമാണ് ഖമേനിയും പ്രതീക്ഷിക്കുന്നത്. ഈ ആഴ്ച ആദ്യം ഇസ്രായേലിലെ ഒരു ആശുപത്രിയിലും റെസിഡന്ഷ്യല് കെട്ടിടങ്ങളിലും ഇറാന് നടത്തിയ ആക്രമണത്തിന് ശേഷം ഖമേനിയുടെ നിലനില്പ്പിനെ ഭീഷണിപ്പെടുത്തി ഇസ്രായേല് പ്രതിരോധ മന്ത്രി ഇസ്രായേല് കാറ്റ്സ് പ്രസ്താവന ഇറക്കിയിരുന്നു. ഖമേനിയുടെ വ്യക്തിപരമായ ഉത്തരവില്ലാതെ ആക്രമണങ്ങള്…
Read More » -
ഇറാനു ചുറ്റും സൈനിക വല നെയ്ത് അമേരിക്ക; ഗള്ഫ് രാജ്യങ്ങളിലെ വ്യോമ താവളങ്ങളില് ഒരുക്കം തകൃതി; രണ്ടു യുദ്ധക്കപ്പലുകള് തീരത്ത്; ബി-52 ബോംബറുകളുടെ ഉപഗ്രഹ ചിത്രങ്ങള് പുറത്ത്; ബങ്കര് ബസ്റ്ററുകളുമായി ബി-2 സ്റ്റെല്ത്ത് വിമാനങ്ങള്; ഇസ്രയേല് ആണവായുധം ഉപയോഗിക്കുമെന്നും അഭ്യൂഹം
ന്യൂയോര്ക്ക്: ഒരാഴ്ചയായി തുടരുന്ന ഇസ്രയേല്- ഇറാന് യുദ്ധം പശ്ചിമേഷ്യയെ ആകെ കൊടിയ സംഘര്ഷത്തിലേക്കു തള്ളി വിട്ടിരിക്കുകയാണ്. അറബ് രാജ്യങ്ങളിലെല്ലാം നേവല് ബേസകളുള്ള അമേരിക്കയും ഇപ്പോള് യുദ്ധത്തില് ഇടപെടുമെന്ന് അറിയിച്ചിട്ടുണ്ട്. രണ്ടാഴ്ചയ്ക്കുള്ളില് ഇക്കാര്യത്തില് തീരുമാനമെടുക്കുമെന്നു വ്യക്തമാക്കിയതോടെ ആണവ വിഷയത്തില് ചര്ച്ചയ്ക്കില്ലെന്ന് ഇറാനും വ്യക്തമാക്കി. ഇറാന്റെ ആകാശമാകെ നൂറുകണക്കിന് ഇസ്രയേല് പോര് വിമാനങ്ങള്കൊണ്ടു നിറഞ്ഞിരിക്കുകയാണ്. ഇറാന്റെ നീക്കങ്ങള് തത്സമയം വീക്ഷിക്കാന് ഉപഗ്രഹങ്ങളടക്കമുള്ള സംവിധാനങ്ങള് ഉപയോഗിച്ചാണ് ഇസ്രയേലിന്റെ നീക്കം. ഓരോവട്ടവും ബാലിസ്റ്റിക് ലോഞ്ചറുകള് പുറം ലോകത്തെത്തുമ്പോള് ഒന്നൊന്നായി തകര്ക്കാനും ഇസ്രയേലിനെ സഹായിക്കുന്നത് ഉപഗ്രഹങ്ങളില്നിന്നുള്ള തത്സമയ മിഴിവാര്ന്ന ദൃശ്യങ്ങളാണ്. ഇവ തകര്ക്കുന്നതിന്റെ വീഡിയോകളും ഇസ്രയേല് പുറത്തുവിട്ടിട്ടുണ്ട്. എങ്കിലും ഇറാനില്നിന്നുള്ള മിസൈല് പ്രവാഹത്തിനു കുറവുണ്ടാകാത്ത സാഹചര്യത്തില് അമേരിക്കയുടെ ഇടപെടല് ഉണ്ടാകുമെന്ന് ഏറെക്കുറെ വ്യക്തമാണ്. ആണവ സമ്പുഷ്ടീകരണം ആയുധനിര്മാണത്തിന് ഉപയോഗിക്കില്ലെന്ന് ഇറാനെകൊണ്ട് ഉറപ്പുവാങ്ങുന്നതിന് ഒമാനില് നടത്തിയ ചര്ച്ചകളെല്ലാം പരാജയപ്പെട്ടു. അമേരിക്കയുടെ ആവശ്യങ്ങള്ക്ക് ഇറാന് വഴങ്ങുന്നില്ലെന്ന യുഎസ് പ്രത്യേക പ്രതിനിധി സ്റ്റീവ് വിറ്റ്കോഫിന്റെ വാക്കുകള് പ്രസിഡന്റ് ഡോണള്ഡ് ട്രംപ് വിശ്വാസത്തിലെടുത്തു. കരാറിലെത്തിച്ചേരാന്…
Read More » -
ട്രംപും അസിം മുനീറും കൈകൊടുക്കുമ്പോള് ഇന്ത്യക്ക് ആശങ്കപ്പെടാന് എന്തുണ്ട്? അമേരിക്ക ലക്ഷ്യമിടുന്നത് ഇറാന് യുദ്ധത്തിനായി സൈനിക താവളം; പകരം വന് ഓഫറുകള്; പാകിസ്താന് 5 അറബ് രാജ്യങ്ങളുടെ കവാടം; അഫ്ഗാന് യുദ്ധത്തിനായും മണ്ണു വിട്ടുകൊടുത്തു; വരും ദിവസങ്ങളില് നിര്ണായക നീക്കങ്ങളെന്ന് വിദഗ്ധര്
ന്യൂയോര്ക്ക്: ജി7 ഉച്ചകോടിയില്നിന്ന് അപ്രതീക്ഷിതമായി മടങ്ങിയ പാകിസ്താന് സൈനിക ജനറല് അസിം മുനീറുമായുള്ള ട്രംപിന്റെ കൂടിക്കാഴ്ച ഇറാനെതിരായ നീക്കത്തിന്റെ ഭാഗമെന്നു വിദഗ്ധര്. ബുധനാഴ്ച നടത്തിയ ഉച്ച വിരുന്നിനിടെയാണ് ഇരുവരും കൂടിക്കാഴ്ച നടത്തിയത്. ഇറാനുമായി യുദ്ധത്തിലേക്കു കടക്കുകയാണെങ്കില് പാകിസ്താന് ഒപ്പമുണ്ടാകണമെന്ന നിര്ബന്ധമാണ് ട്രംപിനെന്നു അമേരിക്കയില്നിന്നുള്ള ഉന്നത നയതന്ത്ര വിദഗ്ധന് പറഞ്ഞു. സൈനിക താവളങ്ങള്, ചരക്കു കൈമാറ്റത്തിന് പാകിസ്താന് അതിര്ത്തി തുറക്കല്, കടല് മാര്ഗമുള്ള തടസം നീക്കല് എന്നിവയാണു ചര്ച്ചയായത്. വരും ദിവസങ്ങളില് പാകിസ്താന് അമേരിക്കയെ സംബന്ധിച്ചിടത്തോളം തന്ത്രപരമായ മേഖലയായിട്ടാണു കണക്കാക്കുന്നത്. ഒപ്പം ചൈനയുമായുള്ള കൂട്ടുകെട്ടിനു തടയിടുകയെന്ന ലക്ഷ്യവുമുണ്ട്. പാകിസ്താനിലെ സൈനിക താവളങ്ങളിലും തുറമുഖങ്ങളിലും അമേരിക്ക പ്രവേശനം നേടിയെടുത്തതായാണ് സൂചന. അത്യാധുനിക സൈനിക സാങ്കേതികവിദ്യയ്ക്ക് പകരമായിട്ടായിരിക്കും യുഎസ് സൈന്യത്തിന് പാകിസ്താനില് നേരിട്ട് പ്രവേശനം ലഭിക്കുക. ദക്ഷിണേഷ്യയിലും പശ്ചിമേഷ്യയിലും തങ്ങളുടെ സ്വാധീനം വര്ദ്ധിപ്പിക്കുന്നതിന്, അഞ്ചാം തലമുറ യുദ്ധവിമാനങ്ങളും അത്യാധുനിക മിസൈലുകളും വാഗ്ദാനം ചെയ്താണ് ട്രംപ് ഈ നീക്കം നടത്തിയതെന്നും റിപ്പോര്ട്ടുകളുണ്ട്. ചൈനയുമായും റഷ്യയുമായുമുള്ള ഇടപാടുകള് പാകിസ്താന്…
Read More »