World
-
‘ട്രംപ് മരിച്ചു’ എന്ന ഹാഷ്ടാഗ് എക്സില് ട്രെന്ഡിംഗ് ; സോഷ്യല്മീഡിയയില് അമേരിക്കന് പ്രസിഡന്റിലെ എല്ലാവരും ചേര്ന്ന് വീണ്ടും കൊന്നു ; വൈറലായ ആ പോസ്റ്റുകള് വന്നത് ഈ വഴിയേ
ന്യൂഡല്ഹി: കഴിഞ്ഞ കുറച്ച് ദിവസങ്ങളായി യുഎസ് പ്രസിഡന്റ് ഡൊണാള്ഡ് ട്രംപ് എക്സില് ട്രെന്ഡിങ്ങാണ്. പക്ഷേ, അദ്ദേഹത്തിന്റെ പതിവ് രാഷ്ട്രീയ നീക്കങ്ങളോ, താരിഫ് പ്രഖ്യാപനങ്ങളോ, അപ്രതീക്ഷിത പ്രസ്താവനകളോ കാരണമല്ല. ‘ട്രംപ് മരിച്ചു’ എന്ന വാക്യം ഉള്ക്കൊള്ളുന്ന പോസ്റ്റുകള് പ്ലാറ്റ്ഫോമില് നിറഞ്ഞു, എന്തുകൊണ്ടാണ് ഇത് വൈറലായതെന്ന് ഡിജിറ്റല് ലോകം സ്ഥിരീകരണത്തിനായി തിരഞ്ഞു. ഇത് അദ്ദേഹത്തിന്റെ ആരോഗ്യത്തെക്കുറിച്ചുള്ള ആശങ്കകളാണോ, അതോ വൈസ് പ്രസിഡന്റ് ജെ.ഡി. വാന്സിന്റെയും ‘ദി സിംപ്സണ്സ്’ എന്ന കാര്ട്ടൂണ് സീരീസിന്റെ നിര്മ്മാതാവ് മാറ്റ് ഗ്രോയിങ്ങിന്റെയും സമീപകാല പരാമര്ശങ്ങളുമായി ബന്ധപ്പെട്ടായിരുന്നു. ഓഗസ്റ്റ് 27-ന് ‘യുഎസ്എ ടുഡേ’ക്ക് നല്കിയ പ്രത്യേക അഭിമുഖത്തില്, ‘ഭയങ്കരമായ ഒരു ദുരന്തം’ സംഭവിച്ചാല് പ്രസിഡന്റ് സ്ഥാനം ഏറ്റെടുക്കാന് തയ്യാറാണോ എന്ന് വാന്സിനോട് ചോദിച്ചു. 79 വയസ്സുള്ള ട്രംപ് ആരോഗ്യവാനും ഊര്ജ്ജസ്വലനുമാണെന്ന് ഊന്നിപ്പറഞ്ഞു കൊണ്ട്, അപ്രതീക്ഷിത സംഭവങ്ങള് തള്ളിക്കളയാനാവില്ലെന്ന് വാന്സ് പറഞ്ഞു. ‘രാത്രിയില് അവസാനമായി ഫോണ് വിളിക്കുന്നത് അദ്ദേഹമാണ്. രാവിലെ ഏറ്റവും ആദ്യം എഴുന്നേല്ക്കുന്നതും ഫോണ് വിളിക്കുന്നതും അദ്ദേഹമാണ്.’ വാന്സ് ‘യുഎസ്എ ടുഡേ’യോട്…
Read More » -
പ്രധാനമന്ത്രി നരേന്ദ്ര മോദി ജപ്പാന് പിന്നാലെ ടിയാന്ജിനില് ; ചൈനീസ് പ്രസിഡന്റ് ഷീ ജിന്പിങുമായി കൂടിക്കാഴ്ച നടത്തും ; മോദി ചൈന സന്ദര്ശിക്കുന്നത് ഏഴു വര്ഷത്തിന് ശേഷം, അതീവപ്രധാന്യം
ന്യൂഡല്ഹി: ജപ്പാനില് സന്ദര്ശനം നടത്തിയതിന് പിന്നാലെ പ്രധാനമന്ത്രി നരേന്ദ്ര മോദി വാര്ഷിക ഷാങ്ഹായ് കോര്പ്പറേഷന് ഓര്ഗനൈസേഷന് ഉച്ചകോടിയില് പങ്കെടുക്കാന് ശനിയാഴ്ച ചൈനയിലെ ടിയാന്ജിനില് എത്തി. ഏഴ് വര്ഷത്തിന് ശേഷമാണ് മോദി ചൈന സന്ദര്ശിക്കാന് എത്തുന്നത്. ചൈനയുടെ വ്യവസായ, വിവരസാങ്കേതിക മന്ത്രി ലീ ലെഷെങ്, ടിയാന്ജിന് ഗവണ്മെന്റ് ഡയറക്ടര് യു യുന്ലിന്, ചൈനീസ് അംബാസഡര് ഷു ഫെയ്ഹോങ് എന്നിവര് ചേര്ന്ന് പ്രധാനമന്ത്രിയെ സ്വീകരിച്ചു. ആഗസ്റ്റ് 31-നും സെപ്റ്റംബര് 1-നുമാണ് ഉച്ചകോടി. ചൈനീസ് പ്രസിഡന്റ് ഷി ജിന്പിങ്ങിന്റെ ക്ഷണപ്രകാരമാണ് മോദി ഉച്ചകോടിയില് പങ്കെടുക്കാന് എത്തിയത്. സന്ദര്ശന വേളയില്, ഉച്ചകോടിയുടെ ഭാഗമായി അദ്ദേഹം പ്രസിഡന്റ് ഷി ജിന്പിങ്, റഷ്യന് പ്രസിഡന്റ് പുടിന് എന്നിവരുമായും മറ്റ് നേതാക്കളുമായും കൂടിക്കാഴ്ച നടത്തും. വാഷിംഗ്ടണ് ഇന്ത്യന് ഉത്പന്നങ്ങള്ക്ക് 50 ശതമാനം താരിഫ് ചുമത്തിയതിനെ തുടര്ന്ന് ഇന്ത്യ-യുഎസ് ബന്ധത്തില് അടുത്തിടെയുണ്ടായ അസ്വാരസ്യങ്ങളുടെ പശ്ചാത്തലത്തില് ഈ ഉച്ചകോടിക്ക് കൂടുതല് പ്രാധാന്യമുണ്ട്. അമേരിക്കന് പ്രസിഡന്റ് ഡൊണാള്ഡ് ട്രംപ് എല്ലാ രാജ്യങ്ങള്ക്കും മേല് ചുമത്തിയ താരിഫുകള്…
Read More » -
അന്താരാഷ്ട്ര വേദിയില് സ്ഥിരം ശത്രുക്കളോ മിത്രങ്ങളോ ഇല്ല ; പ്രധാനമന്ത്രിയുടെ ജപ്പാന് ചൈന സന്ദര്ശനത്തില് രാജ്നാഥ് സിംഗ്
ന്യൂഡല്ഹി: അന്താരാഷ്ട്ര രാഷ്ട്രീയത്തില് സ്ഥിരമായ ശത്രുക്കളോ സുഹൃത്തക്കളോ ഇല്ലെന്ന് പ്രതിരോധമന്ത്രി രാജ്നാഥ്സിംഗ്. അമേരിക്കയുമായുള്ള താരിഫ് തര്ക്കങ്ങളും ഇന്ത്യ-ചൈന ബന്ധത്തില് അടുത്തിടെയുണ്ടായ അയവും നിലനില്ക്കെ പുതിയ രാഷ്ട്രീയ സംഭവവികാസങ്ങളുടെ പശ്ചാത്തലത്തിലാണ് ഇന്ത്യന് പ്രതിരോധമന്ത്രിയുടെ പ്രസ്താവന. റഷ്യന് ക്രൂഡ് ഓയില് ഇന്ത്യ വാങ്ങിയതിന് 25 ശതമാനം അധിക തീരുവ ചുമത്തിക്കൊണ്ട് ഇന്ത്യന് ഉല്പ്പന്നങ്ങളുടെ താരിഫ് അമേരിക്കന് പ്രസിഡന്റ് ഡൊണാള്ഡ് ട്രംപ് 50 ശതമാ നമായി ഉയര്ത്തിയതിന് ശേഷം ന്യൂഡല്ഹിയും വാഷിംഗ്ടണും തമ്മിലുള്ള ബന്ധം വഷളാ യിരുന്നു. ഇന്ത്യയുടെ പ്രതിരോധ മേഖല അപ്രതീക്ഷിതമായ ‘വിദേശ ഇടപെടലുകളെ’ ആശ്രയിക്കരുതെന്നും പകരം രാജ്യത്തിന്റെ സ്വന്തം കഴിവുകളില് അധിഷ്ഠിതമായിരിക്കണമെന്നും അദ്ദേഹം ഊന്നിപ്പറഞ്ഞു. മാറിക്കൊണ്ടിരിക്കുന്ന ഭൗമരാഷ്ട്രീയം പ്രതിരോധ മേഖലയിലെ ബാഹ്യ ആശ്രയം ഇനി ഒരു സാധ്യതയല്ലെന്ന് വ്യക്തമാക്കിയതായും രാജ്നാഥ് സിംഗ് പറഞ്ഞു. ‘നിലവിലെ സാഹചര്യത്തി ല്, നമ്മുടെ സമ്പദ്വ്യവസ്ഥയ്ക്കും സുരക്ഷയ്ക്കും സ്വയംപര്യാപ്തത അത്യാവശ്യമാണ്,’ അദ്ദേ ഹം പറഞ്ഞു. രാജ്യത്തുടനീളമുള്ള എല്ലാ നിര്ണായക കേന്ദ്രങ്ങള്ക്കും സമഗ്രമായ വ്യോമ സുരക്ഷ നല്കുന്നതിനായി അടുത്ത ദശാബ്ദത്തിനുള്ളില്…
Read More » -
ട്രംപ് എവിടെ? ആരോഗ്യനില എങ്ങനെ? ചര്ച്ച സജീവം; ‘വല്ലതും’ സംഭവിച്ചാല് താനേറ്റെന്ന് വാന്സ്
വാഷിങ്ടണ്: ഡൊണാള്ഡ് ട്രംപ് ആരോഗ്യവാനാണോ? അദ്ദേഹത്തിന്റെ ആരോഗ്യനിലയില് എന്തെങ്കിലും പ്രശ്നമുണ്ടോ? 79-കാരനായ അമേരിക്കന് പ്രസിഡന്റിന്റെ ആരോഗ്യനിലയെക്കുറിച്ച് സാമൂഹികമാധ്യമങ്ങളില് നടക്കുന്നത് വലിയ ചര്ച്ചകളാണ്. കുറച്ചുദിവസങ്ങളായി ട്രംപിനെ പൊതുവേദികളില് കാണാനില്ലെന്നാണ് സാമൂഹികമാധ്യമമായ എക്സിലെ ചില കുറിപ്പുകള് പറയുന്നത്. ഓഗസ്റ്റ് 30, 31 തീയതികളില് ട്രംപിന് പൊതുപരിപാടികളൊന്നും നിശ്ചയിക്കപ്പെട്ടിട്ടില്ലെന്നും ഇക്കൂട്ടര് ചൂണ്ടിക്കാണിക്കുന്നു. ട്രംപിന്റെ കൈപ്പത്തിയുടെ പുറംഭാഗത്ത് ചതവുപോലെ കാണപ്പെടുന്ന ഫോട്ടോകള് പുറത്തെത്തിയത് ഇത്തരം നിഗമനങ്ങളുടെ ആക്കംകൂട്ടിയിട്ടുണ്ട്. അതേസമയം, ട്രംപിന്റെ ആരോഗ്യനിലയെക്കുറിച്ചുള്ളത് ഊഹാപോഹങ്ങള് മാത്രമാണെന്നാണ് മറ്റൊരു കൂട്ടരുടെ വാദം. ഇക്കഴിഞ്ഞ ദിവസം പൊതുവേദിയില് പ്രത്യക്ഷപ്പെട്ടിരുന്നില്ലെങ്കിലും ട്രംപ്, തന്റെ സ്വന്തം സാമൂഹികമാധ്യമമായ ട്രൂത്ത് സോഷ്യലില് സജീവമാണെന്നും മാത്രമല്ല, അമേരിക്ക ലേബര് ദിന വാരാന്ത്യത്തിലേക്ക് കടക്കുന്നതിനാലാകാം ട്രംപിന് പൊതുപരിപാടികളില്ലാത്തതെന്നും ഇവര് പറയുന്നു. ഓഗസ്റ്റ്മാസം അവസാനത്തെ രണ്ടാഴ്ച ന്യൂജേഴ്സിയിലെ ബെഡ്മിനിസ്റ്ററിലെ റിസോര്ട്ടില് ചെലവഴിക്കുമെന്നായിരുന്നു നേരത്തെയുണ്ടായിരുന്ന റിപ്പോര്ട്ടുകള്. എന്നാല്, അദ്ദേഹം ആ പദ്ധതി ഉപേക്ഷിക്കുകയും വൈറ്റ് ഹൗസില്ത്തന്നെ തുടരാന് തീരുമാനിക്കുകയുമായിരുന്നു. അതേസമയം, ട്രംപിന്റെ ആരോഗ്യം മികച്ചനിലയിലാണെന്ന് വൈസ് പ്രസിഡന്റ് ജെ.ഡി. വാന്സ് കഴിഞ്ഞദിവസം…
Read More » -
വിമാനയാത്രയ്ക്കിടെ നഗ്നനായി ഫ്ലൈറ്റ് അറ്റന്ഡന്റ്; ജോലിയില് നിന്ന് പിരിച്ചുവിട്ട് ബ്രിട്ടീഷ് എയര്വേയ്സ്, ഒടുവില് കുറ്റസമ്മതം
ലണ്ടന്: വിമാനയാത്രയ്ക്കിടെ നഗ്നനായി ഫ്ലൈറ്റ് അറ്റന്ഡന്റ്. ബ്രിട്ടിഷ് എയര്വേയ്സ് ഫ്ലൈറ്റ് അറ്റന്ഡന്റായ ഹേഡന് പെന്തക്കോസ്റ്റിനെ(41) ആണ് കലിഫോര്ണിയയില് നിന്ന് ലണ്ടനിലേക്കുള്ള യാത്രയ്ക്കിടെ വിമാനത്തിലെ ശുചിമുറിയില് നഗ്നനായി കണ്ടെത്തിയത്. വയറുവേദനയാണെന്ന് പറഞ്ഞ് വിമാനത്തിലെ ടോയ്ലറ്റില് കയറിയ ഇയാള് ഏറെ നേരം പുറത്തുവന്നില്ല. ഒടുവില് സഹപ്രവര്ത്തകര് വാതില് തുറന്നപ്പോള് നഗ്നനായി കാണപ്പെടുകയായിരുന്നു. ഉക്സ്ബ്രിഡ്ജ് മജിസ്ട്രേറ്റ് കോടതിയില് ഹേഡന് കുറ്റസമ്മതം നടത്തി. ടോയ്ലറ്റിനുള്ളില് നഗ്നനായി കണ്ടെത്തിയ ഹേഡനെ മറ്റൊരു ഫ്ലൈറ്റ് അറ്റന്ഡന്റ് സ്ത്രം ധരിപ്പിക്കുകയും വിമാനത്തിലെ ഒഴിഞ്ഞ സീറ്റിലേക്ക് മാറ്റുകയും ചെയ്തു. വിമാനം ഹീത്രോയില് എത്തുന്നതുവരെ ജീവനക്കാര് ഓരോ 20 മിനിറ്റിലും ഇയാളുടെ ആരോഗ്യനില പരിശോധിച്ചു. ഹീത്രോയിലെത്തിയ ഉടന് തന്നെ പാരാമെഡിക്കല് ടീം ഇയാളെ ആശുപത്രിയിലേക്ക് മാറ്റി. രക്തപരിശോധനയില് ഇയാളുടെ ശരീരത്തില് മെത്താംഫെറ്റാമൈന്, ആംഫെറ്റാമൈന് എന്നീ ലഹരിമരുന്നുകളുടെ സാന്നിധ്യം കണ്ടെത്തി. ലഹരിമരുന്ന് ഉപയോഗിച്ച് വ്യോമയാന നിയമങ്ങള് ലംഘിച്ചതിന് ബ്രിട്ടിഷ് എയര്വേയ്സ് ഇയാളെ ജോലിയില് നിന്ന് പിരിച്ചുവിട്ടു. തുടര്ന്ന് നടന്ന നിയമനടപടികളില് ഹേഡന് കുറ്റം സമ്മതിക്കുകയായിരുന്നു. അതേസമയം…
Read More » -
പ്രധാനമന്ത്രിക്കും രക്ഷയില്ല; മെലോണിയുടെയും പ്രതിപക്ഷനേതാവിന്റെയും മോര്ഫ് ചിത്രങ്ങള് പോണ്സൈറ്റില്; ഇറ്റലിയില് വിവാദം
റോം: പ്രധാനമന്ത്രി ജോര്ജിയ മെലോണി, പ്രതിപക്ഷ നേതാവ് എല്ലി ഷ്ലൈന് എന്നിവരുള്പ്പെടെയുള്ള ഇറ്റലിയിലെ പ്രമുഖരായ വനിതകളുടെ മോര്ഫ് ചെയ്ത ചിത്രങ്ങള് പ്രസിദ്ധപ്പെടുത്തി പോണ് വെബ്സൈറ്റ്. ഏഴുലക്ഷത്തോളം വരിക്കാരുള്ള, ഇറ്റാലിയന് പ്ലാറ്റ്ഫോമിലാണ് ചിത്രങ്ങള് പ്രസിദ്ധീകരിച്ചത്. ഇത് രാജ്യത്ത് വലിയ വിവാദങ്ങള്ക്ക് വഴിവെച്ചു. മോര്ഫ് ചെയ്ത ചിത്രങ്ങളാണ് പ്രചരിപ്പിക്കുന്നത്. റാലികളിലും ടിവി പരിപാടികളിലും പങ്കെടുക്കുന്നതും ബിക്കിനി ധരിച്ച് അവധിക്കാലം ആഘോഷിക്കുന്നതുമായ വനിതാ രാഷ്ട്രീയക്കാരുടെ ചിത്രങ്ങളും വെബ്സൈറ്റില് പ്രസിദ്ധപ്പെടുത്തിയിട്ടുണ്ട്. ഡെമോക്രാറ്റിക് പാര്ട്ടി നേതാക്കളായ വലേറിയ കാമ്പാന്യ, അലീസിയ മെറാനി, അലസാന്ദ്ര മൊറേറ്റി, ലിയ ക്വാര്ട്ടപെല്ലെ തുടങ്ങി നടിമാരുടേത് ഉള്പ്പെടെയുള്ള ചിത്രങ്ങള് മോശം രീതിയില് വെബ്സൈറ്റില് പ്രചരിപ്പിച്ചിട്ടുണ്ട്. തന്റെ നീന്തല് വേഷത്തിലുള്ള ചിത്രങ്ങളും പൊതു-സ്വകാര്യ ജീവിതത്തിലെ ചിത്രങ്ങളും അതിലുണ്ടെന്ന് വലേറിയ പ്രതികരിച്ചു. ചിത്രങ്ങള്ക്ക് വളരെ മോശം കമന്റുകളാണ് വരുന്നത്. ഇത്തരം സൈറ്റുകള് അടച്ചുപൂട്ടുകയും നിരോധിക്കുകയും വേണമെന്ന് അലീസിയ മെറാനി പ്രതികരിച്ചു. സംഭവത്തെക്കുറിച്ച് മാധ്യമപ്രവര്ത്തകര് ചോദിച്ചപ്പോള് മെലോണി പ്രതികരിച്ചില്ലെന്ന് ഇറ്റാലിയന് പത്രമായ കൊറിയേര ഡെല്ല സെറ റിപ്പോര്ട്ട് ചെയ്തു.…
Read More » -
‘ഇസ്രയേലിന്റെ മരണം’ മുദ്രാവാക്യമാക്കിയ ഹൂതികളുടെ തലയെടുത്ത് ഇസ്രായേല്; പ്രധാനമന്ത്രിയും സൈനിക നേതാക്കളും കൊല്ലപ്പെട്ടെന്ന് വിവരം; മുതിര്ന്ന ഹൂതി നേതാക്കളെ ഇല്ലാതാക്കുമെന്ന് ഇന്റലിജന്സ്; പ്രാഥമിക ലക്ഷ്യം പത്തുപേര്
സനാ: ഇസ്രയേല് വ്യോമാക്രമണത്തില് ഹൂതി പ്രധാനമന്ത്രി അഹമ്മദ് അല് റഹാവി കൊല്ലപ്പെട്ടതായി റിപ്പോര്ട്ട്. കഴിഞ്ഞ ദിവസം ഇസ്രയേല് നടത്തിയ വ്യോമാക്രണത്തില് അഹമ്മദ് അല് റഹാവിയും ഒപ്പമുണ്ടായിരുന്നവരും കൊല്ലപ്പെട്ടു എന്നാണ് യെമനി മാധ്യമങ്ങള് റിപ്പോര്ട്ട് ചെയ്യുന്നത്. വ്യാഴാഴ്ച യെമന് തലസ്ഥാനമായ സനായിലേക്ക് നടത്തിയ വ്യോമാക്രമണത്തിലാണ് ഹൂതി നേതൃത്വത്തെ ഇസ്രയേല് ലക്ഷ്യമിട്ടത്. സനായ്ക്ക് പുറത്ത് ഹൂതി നേതാവ് അബ്ദുള് മാലിക് അല്-ഹൂതിയുടെ പ്രസംഗം കേള്ക്കാന് ഒത്തുകൂടിയ മുതിര്ന്ന ഹൂതി മന്ത്രിമാരെ ലക്ഷ്യമിട്ടായിരുന്നു ആക്രമണം. ഒരാഴ്ചയ്ക്കിടെ സനായിലേക്ക് ഇസ്രയേല് നടത്തുന്ന രണ്ടാമത്തെ ആക്രമണമായിരുന്നു ഇത്. ഹൂതികളുടെ രാഷ്ട്രീയ, സൈനിക നേതൃത്വത്തെയാണ് വ്യാഴാഴ്ചത്തെ അക്രമത്തില് ലക്ഷ്യമിട്ടതെന്ന് ഇസ്രയേല് മാധ്യമങ്ങള് റിപ്പോര്ട്ട് ചെയ്തു. ഹൂതി പ്രധാനമന്ത്രി അല്-റഹാവിയും അദ്ദേഹത്തിന്റെ കൂട്ടാളികളും കൊല്ലപ്പെട്ടതായാണ് യെമന് മാധ്യമങ്ങളുടെ റിപ്പോര്ട്ട്. എന്നാല് ഇക്കാര്യത്തില് ഔദ്യോഗിക സ്ഥിരീകരണമില്ല. സനായിലെ അപ്പാര്ട്ട്മെന്റില് ഇരിക്കെയാണ് പ്രധാനമന്ത്രി കൊല്ലപ്പെട്ടതെന്ന് യെമനിലെ അല്-ജുംഹുരിയ ചാനല് റിപ്പോര്ട്ട് ചെയ്തു. അല്-റഹാവിക്കൊപ്പം അദ്ദേഹത്തിന്റെ കൂട്ടാളികളും കൊല്ലപ്പെട്ടതായി ആദന് അല്-ഗാദ് പത്രവും റിപ്പോര്ട്ട് ചെയ്തു.…
Read More » -
ആണവ സമ്പുഷ്ടീകരണം: വഴങ്ങിയില്ലെങ്കില് ഇറാനെ കാത്തിരിക്കുന്നത് കടുത്ത ഉപരോധം; ഐക്യരാഷ്ട്ര സഭയില് നീക്കം ആരംഭിച്ച് ബ്രിട്ടനും ഫ്രാന്സും ജര്മനിയും; പിന്തുണച്ച് അമേരിക്കയും ഇസ്രയേലും; സ്നാപ് ബാക്ക് നടപടിക്കു കത്തുനല്കി; ഇറാന്റെ സാമ്പത്തിക, വ്യാപാര മേഖകള്ക്കെല്ലാം വന് തിരിച്ചടിയാകും
ഐക്യരാഷ്ട്രസഭ: ആണവ പദ്ധതിയുമായി ബന്ധപ്പെട്ട് ഇറാനെതിരേ വീണ്ടും ഉപരോധത്തിനു നീക്കമാരംഭിച്ച് യൂറോപ്യന് രാജ്യങ്ങള്. ബ്രിട്ടന്, ഫ്രാന്സ്, ജര്മനി എന്നീ മൂന്നു രാജ്യങ്ങളാണു 30 ദിവസത്തെ നടപടി ക്രമങ്ങള്ക്കായി ഐക്യരാഷ്ട്ര സഭയ്ക്കു കത്തയച്ചത്. ഇതു സംബന്ധിച്ച വിവരങ്ങള് പരിശോധിച്ച രാജ്യാന്തര വാര്ത്താ ഏജന്സി റോയിട്ടേഴ്സ് ആണ് ഇക്കാര്യം റിപ്പോര്ട്ട് ചെയ്തത്. ആണവായുധങ്ങള് നിര്മിക്കുന്നതു തടയാന് ലക്ഷ്യമിട്ടു 2015ല് കൊണ്ടുവന്ന കരാര് പാലിക്കുന്നതില് ഇറാന് പരാജയപ്പെട്ടെന്നു ചൂണ്ടിക്കാട്ടിയാണു ഇ-3 എന്നറിയപ്പെടുന്ന രാജ്യങ്ങള് നടപടി ആരംഭിച്ചത്. ഒക്ടോബര് പകുതിയോടെ നിയന്ത്രണങ്ങള് കൊണ്ടുവരുന്നതിന് ഇപ്പോള് നീക്കമാരംഭിച്ചില്ലെങ്കില് പരാജയപ്പെട്ടേക്കുമെന്നും മൂന്നു രാജ്യങ്ങളും ആശങ്ക പ്രകടിപ്പിച്ചു. നയതന്ത്ര നീക്കങ്ങളുടെ അന്ത്യമല്ലിതെന്നും ചര്ച്ചകള് തുടരുമെന്നും ഫ്രഞ്ച് വിദേശകാര്യ മന്ത്രി ജീന് നോയല് ബാരറ്റ് പറഞ്ഞു. യുഎന് ആണവോര്ജ ഏജന്സിയുമായി ഇറാന് പൂര്ണമായി സഹകരിക്കണമെന്നും അമേരിക്കയുമായുള്ള ചര്ച്ചകള് പുനരാരംഭിക്കണമെന്നും ജര്മന് വിദേശകാര്യ മന്ത്രി ജോഹാന് വെയ്ഡേഫോള് പറഞ്ഞു. സ്നാപ് ബാക്ക് മെക്കാനിസം എന്നറിയപ്പെടുന്ന നടപടി ക്രമങ്ങളുടെ പേരില് ഇറാനുമേല് സമ്മര്ദം ചെലുത്താനാണു നീക്കമെന്നും…
Read More » -
സിഖുകാരുടെ പരമ്പരാഗത ആയോധന കല ലോസ് ഏഞ്ചല്സില് റോഡിലിറങ്ങി കാണിച്ചു; ‘ഗഠ്ക പ്രകടനം നടത്തിയ 36-കാരനായ സിഖ് യുവാവിനെ പോലീസ് വെടിവെച്ചുകൊന്നു ; ദൃശ്യങ്ങള് പുറത്തുവിട്ടു
ലോസ് ഏഞ്ചല്സ്: വാള്പയറ്റ് വരുന്ന സിഖുകാരുടെ പരമ്പരാഗത ആയോധനകലയായ ‘ഗഠ്ക’ തെരുവില് അവതരിപ്പിച്ച സിഖുകാരനെ നടുറോഡില് അമേരിക്കന്പോലീസ് വെടിവെച്ചു കൊലപ്പെടുത്തി. 36 വയസ്സുള്ള സിഖ് യുവാവായ ഗുര്പ്രീത് സിംഗിനെയാണ് ലോസ് ഏഞ്ചല്സ് പോലീസ് വെടിവെച്ചു കൊലപ്പെടുത്തിയത്. ദൃശ്യങ്ങള് ലോസ് ഏഞ്ചല്സ് പോലീസ് ഡിപ്പാര്ട്ട്മെന്റ് പുറത്തുവിട്ടു. ലോസ് ഏഞ്ചല്സ് നഗരത്തിലെ ക്രിപ്റ്റോ ഡോട്ട് കോം അരീനയ്ക്ക് സമീപം ഇയാള് കൃപാണ് വീശിക്കൊണ്ടായിരുന്നു ‘ഗഠ്ക’ അവതരിപ്പിച്ചത്. എന്നാല് പോലീസിന്റെ നിര്ദേശങ്ങള് അനുസരിക്കാന് വിസമ്മതിച്ചതോടെയാണ് ഇയാള്ക്ക് വെടിയേറ്റത്. ഇയാള് വീശിയ കത്തി ഇന്ത്യന് ആയോധനകലയില് ഉപയോഗിക്കുന്ന ‘ഖണ്ഡ’ എന്ന ഇരുവശവും മൂര്ച്ചയുള്ള വാളാണെന്ന് തിരിച്ചറിഞ്ഞു. ഫിഗ്വേറോ സ്ട്രീറ്റും ഒളിമ്പിക് ബൊളിവാര്ഡും ചേരുന്ന തിരക്കേറിയ കവലയില് ഒരാള് വലിയ വാളുപയോഗിച്ച് വഴിയാത്രക്കാരെ ഭീഷണിപ്പെടുത്തുന്നുണ്ടെന്ന് നിരവധി കോളുകള് പോലീസിന് ലഭിച്ചതിനെത്തുടര്ന്നാണ് സംഭവം. സിംഗ് തന്റെ വാഹനം റോഡിന്റെ നടുവില് ഉപേക്ഷിക്കുകയും ഒരു ഘട്ടത്തില് സ്വന്തം നാവ് മുറിക്കാന് ശ്രമിച്ചതായും പോലീസ് പറഞ്ഞു. ആയുധം താഴെയിടാന് ഉദ്യോഗസ്ഥര് സിംഗിന് നിരവധി…
Read More » -
ഏഴ് വര്ഷത്തിന് ശേഷം നരേന്ദ്ര മോഡി ജപ്പാനില്: പ്രധാനമന്ത്രി ഇഷിബയുമായി കൂടിക്കാഴ്ച
ടോക്യോ: അമേരിക്കയുടെ അധിക തീരുവ ഭീഷണിക്കിടെ പ്രധാനമന്ത്രി നരേന്ദ്ര മോഡി ജപ്പാനിലെത്തി. 15-ാമത് ഇന്ത്യ-ജപ്പാന് വാര്ഷിക ഉച്ചകോടിയില് പങ്കെടുക്കുന്നതിനായിട്ടാണ് മോഡി ടോക്യോയിലെത്തിയത്. ജപ്പാന് പ്രധാനമന്ത്രി ഷിഗേരു ഇഷിബയുടെ ക്ഷണപ്രകാരമാണ് പ്രധാനമന്ത്രിയുടെ രണ്ട് ദിവസത്തെ സന്ദര്ശനം. പ്രധാനമന്ത്രി ഇഷിബയുമായി മോഡി നടത്തുന്ന ചര്ച്ചകളില് വ്യാപാര രംഗത്തെ സഹകരണം വര്ധിപ്പിക്കുന്നത് വിഷയമാകും. ജപ്പാനിലേക്കുള്ള കയറ്റുമതി കൂട്ടുന്നതും ചര്ച്ചയാവും. ഏഴ് വര്ഷത്തിന് ശേഷമാണ് മോഡി ജപ്പാനില് എത്തുന്നത്. പ്രധാനമന്ത്രി ഇഷിബയുമായുള്ള മോഡിയുടെ ആദ്യ ഉച്ചകോടിയാണിത്. 2018 ലെ ഇന്ത്യ-ജപ്പാന് ഉച്ചകോടിയിലാണ് മുമ്പ് പങ്കെടുത്തത്. അതേസമയം പ്രധാനമന്ത്രിയായി ചുമതലയേറ്റെടുത്ത ശേഷം നരേന്ദ്ര മോഡിയുടെ എട്ടാമത് ഔദ്യോഗിക ജപ്പാന് സന്ദര്ശനം കൂടിയാണിത്. അമേരിക്കന് പ്രസിഡന്റ് ഡൊണാള്ഡ് ട്രംപ് ഇന്ത്യ അടക്കമുള്ള രാജ്യങ്ങള്ക്കെതിരെ അധിക തീരുവ ചുമത്തിയ സാഹചര്യത്തില് ഇന്ത്യ-ജപ്പാന് ഉച്ചകോടിക്ക് പ്രാധാന്യം വര്ധിക്കുന്നു. ജാപ്പനീസ് സന്ദര്ശനം ഇരു രാജ്യങ്ങള് തമ്മിലുള്ള ബന്ധം ദൃഢമാക്കുമെന്ന് മോഡി വ്യക്തമാക്കി. ജപ്പാന് സന്ദര്ശനം പൂര്ത്തിയാക്കി പ്രധാനമന്ത്രി നരേന്ദ്ര മോഡി ഷാങ്ഹായി സഹകരണ ഉച്ചകോടിക്കായി…
Read More »