Pravasi
-
യുഎഇയില്‍ കനത്ത മഴ; ബസുകള്‍ റദ്ദാക്കി, വിമാന സര്‍വീസിനെയും ബാധിച്ചു
ദുബായ്: ദുബായില്‍ നിന്ന് ഷാര്‍ജ, അജ്മാന്‍ എന്നിവിടങ്ങളിലേക്കുള്ള ബസ് സര്‍വീസുകള്‍ ഇനി ഒരറിയിപ്പ് ഉണ്ടാകുന്നതുവരെ റദ്ദാക്കിയതായി ആര്‍ടിഎ അറിയിച്ചു. മോശം കാലാവസ്ഥയും ഗതാഗതതടസ്സവുമാണ് ബസുകള്‍ റദ്ദാക്കാന്‍ കാരണം. പൊതുഗതാഗത സൗകര്യം പ്രയോജനപ്പെടുത്തുന്നവര്‍ യാത്രയ്കിറങ്ങും മുന്‍പ് ആര്‍ടിഎ അറിയിപ്പുകള്‍ ശ്രദ്ധിക്കണമെന്ന് അധികൃതര്‍ അറിയിച്ചു. ദുബായ് രാജ്യാന്തര വിമാനത്താവളത്തിലേക്കുള്ള 20 വിമാന സര്‍വീസുകളെ മോശം കാലാവസ്ഥ ബാധിച്ചു. 13 വിമാനങ്ങള്‍ വഴിതിരിച്ചുവിട്ടു. 6 വിമാനങ്ങള്‍ റദ്ദാക്കേണ്ടി വന്നു. വിമാനത്താവളത്തിലേക്കു പോകുന്നവര്‍ യാത്ര മെട്രോയില്‍ ആക്കണമെന്നും എയര്‍പോര്‍ട്ട് അധികൃതര്‍ അറിയിച്ചു. റോഡില്‍ ഗതാഗതക്കുരുക്ക് രൂക്ഷമായതിനാല്‍ സമയത്ത് വിമാനത്താവളത്തില്‍ എത്താന്‍ മെട്രോ യാത്രയാണ് ഉചിതമെന്നും അധികൃതര്‍ അറിയിച്ചു. അതേസമയം, ദുബായ് എയര്‍ ഷോയുടെ സമാപന ദിവസത്തെ പരിപാടികളെ മോശം കാലാവസ്ഥ ബാധിച്ചില്ല. കനത്ത മഴയില്‍ വാഹനം ഒഴുകിപോയി, ആളപായം ഉണ്ടായി എന്ന തരത്തില്‍ പ്രചരിക്കുന്ന വീഡിയോയിലെ വിവരങ്ങള്‍ ഫുജൈറ പൊലീസ് നിഷേധിച്ചു. അപകടത്തില്‍ ആര്‍ക്കും പരുക്കില്ല. അപകടകരമായ സാഹചര്യത്തിലേക്കു വാഹനവുമായി പോയതിനു ഡ്രൈവര്‍ക്കെതിരെ നിയമനടപടിയെടുക്കുമെന്നും പൊലീസ് അറിയിച്ചു.…
Read More » -
യുഎഇയിൽ കനത്ത മഴ; റോഡുകളില്‍ വെള്ളം കയറി ഗതാഗതം തടസ്സപ്പെട്ടു; പ്രതികൂല കാലാവസ്ഥ വിമാന സര്‍വീസുകളെയും ബാധിച്ചു
ദുബൈ: യുഎഇയുടെ പല ഭാഗങ്ങളിലും കനത്ത മഴ. ദുബൈയിലും ഷാര്‍ജയിലും ശക്തമായ മഴയാണ് പെയ്തത്. മഴക്കൊപ്പം ശക്തമായ ഇടിമിന്നലുമുണ്ടായിരുന്നു. വെള്ളിയാഴ്ച പുലര്‍ച്ചെ തുടങ്ങിയ മഴ മണിക്കൂറുകളോളം നീണ്ടുനിന്നു. റോഡുകളില്‍ വെള്ളം കയറിയതോടെ വാഹന ഗതാഗതം പല സ്ഥലങ്ങളിലും തടസ്സപ്പെട്ടു. ദുബൈയിലെ കരാമ, സിലിക്കണ്‍ ഒയാസിസ്, മുഹൈസിന, ഷാര്‍ജയിലെ അല്‍ നഹ്ദ എന്നിവിടങ്ങളില്‍ റോഡുകളില്‍ വെള്ളം കയറിയിട്ടുണ്ട്. പ്രതികൂല കാലാവസ്ഥ വിമാന സര്‍വീസുകളെയും ബാധിച്ചു. ദുബൈ അന്താരാഷ്ട്ര വിമാനത്താവളത്തില്‍ നിന്ന് പുറപ്പെടേണ്ടതും ഇവിടേക്ക് എത്തേണ്ടതുമായ ഇരുപതോളം വിമാന സര്‍വീസുകളെ കാലാവസ്ഥ ബാധിച്ചതായി അധികൃതര്‍ അറിയിച്ചു. കനത്ത മഴയെ തുടര്‍ന്ന് ദേശീയ കാലാവസ്ഥ കേന്ദ്രം യെല്ലോ അലര്‍ട്ട് പുറപ്പെടുവിച്ചു. വാഹനമോടിക്കുന്നവര്‍ ജാഗ്രത പുലര്‍ത്തണമെന്ന് അധികൃതര്‍ അറിയിച്ചു. വെള്ളിയാഴ്ച യുഎഇയുടെ വിവിധ ഭാഗങ്ങളില്‍ കനത്ത മഴ പെയ്യുമെന്ന് ദേശീയ കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കിയിരുന്നു. അജ്മാന്‍, റാസല്‍ഖൈമ, ഉമ്മുല്‍ഖുവൈന്‍ എന്നിവിടങ്ങളില്‍ വിദൂര പഠനത്തിന് നിര്‍ദ്ദേശം നല്‍കിയിരുന്നു. പ്രതികൂല കാലവസ്ഥ കണക്കിലെടുത്ത് സ്വകാര്യ മേഖല ജീവനക്കാര്‍…
Read More » -
കുവൈത്ത് മെട്രോ റാപ്പിഡ് ട്രാൻസ്പോർട്ട് സിസ്റ്റംസ് പ്രോജക്റ്റ് റദ്ദാക്കി
കുവൈത്ത് സിറ്റി: കുവൈത്ത് മെട്രോ റാപ്പിഡ് ട്രാൻസ്പോർട്ട് സിസ്റ്റംസ് പ്രോജക്റ്റ് റദ്ദാക്കിയതായി പൊതു-സ്വകാര്യ പങ്കാളിത്ത പദ്ധതികള്‍ക്കുള്ള അതോറിറ്റിയുടെ സുപ്രീം കമ്മിറ്റി. പൊതു ഫണ്ടുകളില്‍ 2.152 മില്യണ ദിനാറിന്‍റെ ബാധ്യത വരുത്തിയ സാഹചര്യത്തിലാണ് നടപടിയെന്ന് അതോറിറ്റി ഡയറക്ടര്‍ ബോര്‍ഡ് വ്യക്തമാക്കി. ഇത്രയും വലിയ നഷ്ടം സംഭവിച്ചതായി ഓഡിറ്റ് ബ്യൂറോയാണ് കണ്ടെത്തിയത്. പ്രോജക്റ്റ് നടപ്പിലാക്കുന്നതുമായി ബന്ധപ്പെട്ട നടപടിക്രമങ്ങൾക്ക് ഏകദേശം 10 വർഷത്തെ നീണ്ട കാലയളവാണ് എടുത്തത്. സാധ്യതാ പഠനങ്ങളുടെ ഫലങ്ങൾ പഠിക്കാനും ചർച്ച ചെയ്യാനും രൂപീകരിച്ച നിരവധി കമ്മിറ്റികൾ സമർപ്പിച്ച ശുപാർശകളുടെ അടിസ്ഥാനത്തിലാണ് റദ്ദാക്കൽ തീരുമാനമെന്ന് അതോറിറ്റി അറിയിച്ചു.
Read More » -
യുഎഇയില്‍ ഇലക്ട്രീഷൻ, മെക്കാനിക് ;അവസാന തീയതി: നവംബര്‍ 18
യുഎഇയിലേക്ക് പ്ലാന്‍റ് ഇലക്ട്രീഷൻ, പ്ലാന്‍റ് മെക്കാനിക് ഒഴിവിലേക്ക് അവസരം. ഒഡെപെക് വഴിയാണ് റിക്രൂട്ട്മെന്റ് യോഗ്യത: ബന്ധപ്പെട്ട വിഷയത്തില്‍ ഡിഗ്രി/ഡിപ്ലോമ, കുറഞ്ഞത് മൂന്നു വര്‍ഷം പരിചയം. പ്രായപരിധി: 35. അവസാന തീയതി: നവംബര്‍ 18. ഇ-മെയില്‍: [email protected]. ഫോണ്‍ : 0471-2329440/41/42/45, 7736496574 (www.odepc.kerala.gov.in).
Read More » -
മകനെ കാണാന്‍ വിസിറ്റ് വിസയിൽ സൗദിയിലെത്തിയ മലയാളി മരിച്ചു
റിയാദ്: വിസിറ്റ് വിസയിലെത്തിയ മലയാളി റിയാദിലെ താമസസ്ഥലത്ത് നിര്യാതനായി. മലപ്പുറം തെച്ചിങ്ങനാടം ഒറുവംബുറം അതിരകുളങ്ങര വീട്ടില്‍ ജോസഫ് (72) ആണ് മരിച്ചത്. റിയാദിലുള്ള മകന്റെ അടുത്ത് സന്ദര്‍ശന വിസയില്‍ എത്തിയതായിരുന്നു ഇദ്ദേഹം. മൃതദേഹം നാട്ടില്‍ കൊണ്ടുപോകുന്നതിനുള്ള നിയമനടപടികള്‍ പൂര്‍ത്തിയാക്കിക്കൊണ്ടിരിക്കുന്നു.
Read More » -
ഭക്ഷ്യ വിഷബാധ ; മലയാളി ഒമാനില്‍ മരിച്ചു
മസ്കറ്റ്:ഒമാനില്‍ ഭക്ഷ്യവിഷബാധയേറ്റ് മലയാളി യുവാവ് മരിച്ചു.ആമയിട പുണര്‍തം ചോളംതറയില്‍ വാസുദേവന്‍പിള്ളയുടേയും ഇന്ദിരാദേവിയുടേയും മകന്‍ വി ശ്രീകുമാര്‍ (44) ആണ് മരിച്ചത്. ഒരാഴ്ചയായി ചികിത്സയിലായിരുന്ന ഇദ്ദേഹം ഞായറാഴ്ചയാണ് മരിച്ചത്. ഭാര്യ പ്രിയ കുമാര്‍. മകന്‍ ഋഷികേശ്
Read More » -
പ്രവാസികളുടെ മക്കൾക്ക് സ്കോളർഷിപ്പ്; വിശദവിവരങ്ങൾ
തിരുവനന്തപുരം: പ്രവാസി മലയാളികളുടെ മക്കളുടെ ഉന്നതവിദ്യാഭ്യാസത്തിനായുളള സ്കോളര്ഷിപ്പിന് നോര്‍ക്ക-റൂട്ട്സ് അപേക്ഷ ക്ഷണിച്ചു. സാമ്ബത്തികമായി പിന്നാക്കമുളള പ്രവാസി കേരളീയരുടെയും തിരികെയെത്തിയ പ്രവാസികളുടെയും മക്കള്‍ക്ക് ഉന്നത വിദ്യാഭ്യാസത്തിന് ധനസഹായം നല്‍കുന്നതാണ് പദ്ധതി. ബിരുദാനന്തര ബിരുദ കോഴ്‌സുകള്‍ക്കും, പ്രൊഫഷണല്‍ ഡിഗ്രി കോഴ്‌സുകള്‍ക്കും 2023-24 അധ്യായന വര്‍ഷം ചേര്‍ന്ന വിദ്യാര്‍ത്ഥികള്‍ക്കാണ് സ്കോളര്‍ഷിപ്പ് ലഭിക്കുക. പഠിക്കുന്ന കോഴ്‌സിനുവേണ്ട യോഗ്യത പരീക്ഷയില്‍ കുറഞ്ഞത് 60 ശതമാനം മാര്‍ക്ക് കരസ്ഥമാക്കിയവര്‍ക്കായിരിക്കും സ്കോളര്ഷിപ്പിന് അപേക്ഷിക്കുന്നതിനുള്ള അര്‍ഹത. 2023 ഡിസംബര്‍ 7 വരെ അപേക്ഷകള്‍ സ്വീകരിക്കുന്നതാണെന്ന് നോര്‍ക്ക റൂട്സ് ചീഫ് എക്സിക്യൂട്ടീവ് ഓഫീസര്‍ കെ. ഹരികൃഷ്ണന്‍ നമ്ബൂതിരി അറിയിച്ചു. അപേക്ഷ സമര്‍പ്പിക്കുന്നതിനായി നോര്‍ക്ക റൂട്ട്സിന്റെ www.scholarship.norkaroots.org എന്ന വെബ്സൈറ്റ് സന്ദര്‍ശിക്കുക. കൂടാതെ വിശദവിവരങ്ങള്‍ 0471-2770528/2770543/2770500 എന്നീ നമ്ബറുകളിലും നോര്‍ക്ക ഗ്ലോബല്‍ കോണ്‍ടാക്‌ട് സെന്ററിന്റെ ടോള്‍ ഫ്രീ നമ്ബറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്) നിന്നും ലഭിക്കും.
Read More » -
കുവൈത്തില്‍ താഴ്ന്ന വരുമാനക്കാരായ പ്രവാസികള്‍ക്ക് തിരിച്ചടിയായി വാടക വര്‍ധന; ചെലവുചുരുക്കാൻ പല സ്ഥലങ്ങളിലും അഞ്ചുപേർ വരെ ഒരു മുറി പങ്കിടുന്നു
കുവൈത്ത് സിറ്റി: കുവൈത്തില്‍ താഴ്ന്ന വരുമാനക്കാരായ പ്രവാസികള്‍ക്ക് തിരിച്ചടിയായി വാടക വര്‍ധന. പ്രവാസികളുടെ ആകെ വരുമാനത്തിന്‍റെ ശരാശരി 30 ശതമാനം വീട്ടുവാടക ഇനത്തിൽ ചെലവ് വരുന്നതായാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. രാജ്യത്തെ 62 ശതമാനം പ്രവാസി തൊഴിലാളികളും പ്രതിമാസം 125 കുവൈത്ത് ദിനാറിന് താഴെയാണ് ശമ്പളം വാങ്ങുന്നത്. 33 ശതമാനം പേർക്ക് 325 മുതൽ ദിനാർ 400വരെ ശമ്പളം ലഭിക്കുന്നതായും ഔദ്യോഗിക കണക്കുകൾ ഉദ്ധരിച്ച് അൽ അൻബ ദിനപ്പത്രം റിപ്പോർട്ട് ചെയ്തു. വാടക വർധന മൂലം അഞ്ചുപേർ വരെ മുറി പങ്കിടുന്ന രീതിയും പല സ്ഥലങ്ങളിലുമുണ്ട്. വാടക കുറഞ്ഞ ചെറിയ സൗകര്യങ്ങളുള്ള താമസസ്ഥലങ്ങൾ കണ്ടെത്തി പലരും ഇവിടങ്ങളിൽ താമസമാക്കുന്നുമുണ്ട്. രാജ്യത്തെ വിവിധ സ്ഥലങ്ങളിലുള്ള അപ്പാർട്ടമെന്റുകളിൽ മുറികളും ഹാളുകളും വാടകയ്ക്ക് നൽകുന്ന രീതിയുമുണ്ട്. രണ്ടോ മൂന്നോ മുറികളും ഹാളും ഉൾപ്പെടുന്ന അപ്പാർട്ട്മെന്റുകൾ പാർട്ടീഷനിങ് സമ്പ്രദായത്തിൽ വാടകയ്ക്ക് നൽകുന്നു. ഇതിലൂടെ വാടകക്കാർക്ക് ഉയർന്ന വരുമാനവും താഴ്ന്ന വരുമാനമുള്ള പ്രവാസികൾക്ക് ചെലവു കുറഞ്ഞ താമസസൗകര്യവും…
Read More » -
മലയാളി യുവാവ് ബഹ്റൈനിൽ കുഴഞ്ഞുവീണുമരിച്ചു
മനാമ: മലയാളി യുവാവ് ബഹ്റൈനിൽ കുഴഞ്ഞുവീണുമരിച്ചു. തൃശൂര്‍ ഗുരുവായൂര്‍ സ്വദേശി ഷാജിയാണ് മരിച്ചത്.ബഹ്റൈനിലെ ദേവ്ജി ഗോള്‍ഡ് ഗ്രൂപ്പിലെ ജീവനക്കാരനാണ്. സല്‍മാനിയ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നാട്ടിലേക്ക് അയക്കുന്നതിന്റെ നടപടികൾ പുരോഗമിക്കുന്നു. ഭാര്യ: സിംജ. മക്കള്‍: അദ്വൈത, ദത്താത്രേയ.
Read More » -
നറുക്കെടുപ്പുകള്‍ ഭാഗ്യപരീക്ഷണങ്ങളാണ്; പ്രവാസി ഇന്ത്യക്കാരനായ മനോജിന്റെ ജീവിതം മാറ്റി മറിച്ചത്, ഇങ്ങനെ തെരഞ്ഞെടുത്ത നമ്പറുകള്‍ !
ദുബൈ: നറുക്കെടുപ്പുകള്‍ ഭാഗ്യപരീക്ഷണങ്ങളാണ്. ചിലര്‍ ലക്കി നമ്പറുകളോ ജീവിതത്തിലെ നല്ല കാര്യങ്ങളുമായി ബന്ധപ്പെട്ട നമ്പറുകളോ ആണ് ലോട്ടറികള്‍ വാങ്ങുമ്പോഴും നറുക്കെടുപ്പില്‍ പങ്കെടുക്കുമ്പോഴും തെരഞ്ഞെടുക്കുക. എന്നാല്‍ ഒന്ന് നോക്കുക പോലും ചെയ്യാതെ തെരഞ്ഞെടുത്ത നമ്പറുകള്‍ ‘ലക്കി’ ആയാലോ. അത്തരത്തിലൊരു മാജിക് ആണ് പ്രവാസി ഇന്ത്യക്കാരനായ മനോജ് ഭാവ്സറിന്‍റെ ജീവിതത്തില്‍ സംഭവിച്ചത്. എമിറേറ്റ്സ് ഡ്രോയുടെ ഏറ്റവും പുതിയ ഫാസ്റ്റ്5 നറുക്കെടുപ്പിലാണ് മനോജിനെ തേടി ഭാഗ്യമെത്തിയത്. 42കാരനായ മനോജ് ഇലക്ട്രോണിക്സ് ടെക്നീഷ്യനാണ്. 16 വര്‍ഷമായി അബുദാബിയില്‍ താമസിച്ച് വരികയാണ് ഈ മുംബൈ സ്വദേശി. നിരവധി സാമ്പത്തിക പ്രതിസന്ധികളിലൂടെ കടന്നു പോയ മനോജിന് പല രാത്രികളിലും ഉറക്കം പോലം നഷ്ടപ്പെട്ടു. 2023 തുടക്കത്തില്‍ സുഹൃത്തുക്കള്‍ വഴി എമിറേറ്റ്സ് ഡ്രോയെ കുറിച്ച് അറിയുകയും നറുക്കെടുപ്പില്‍ എല്ലാ ആഴ്ചകളിലും പങ്കെടുത്ത് തുടങ്ങുകയുമായിരുന്നു. എല്ലാ സമയത്തും നമ്പറുകള്‍ തെരഞ്ഞെടുക്കുമ്പോള്‍ കണ്ണുകളടക്കുന്നത് മനോജിന്റെ രീതിയാണ്. ഇത്തവണയും പതിവ് പോലെ കണ്ണടച്ച് ക്രമരഹിതമായി തെരഞ്ഞെടുത്ത നമ്പറുകള്‍ മനോജിന്റെ ജീവിതം മാറ്റി മറിച്ചു. 75,000 ദിര്‍ഹമാണ്…
Read More »