ഫ്രൂട്ട് സാലഡ്
പഴങ്ങൾ എപ്പോഴും സൂപ്പർഫുഡ് ആയാണ് കണക്കാക്കപ്പെടുന്നത്. ശരീരത്തിലെ ജലാംശം നിലനിർത്തുന്നതിനും വിഷവസ്തുക്കളെ പുറന്തള്ളുന്നതിനും സെഹ്‌രി പ്ലേറ്റിൽ പഴങ്ങൾ തീർച്ചയായും ഉൾപ്പെടുത്തണം. ഇവ തയ്യാറാക്കാൻ എളുപ്പമാണ് എന്നത് മാത്രമല്ല, നിരവധി ആരോഗ്യ ഗുണങ്ങളും ഇവയ്ക്കുണ്ട്.
ഓട്സും തൈരും
ഓട്സ് നാരുകളുടെയും പ്രോട്ടീനുകളുടെയും നിരവധി അവശ്യ പോഷകങ്ങളുടെയും കലവറയാണെന്നാണ് അറിയപ്പെടുന്നത്. തൈര് നമ്മുടെ കുടലിന്റെ ആരോഗ്യത്തെ നിലനിർത്താൻ സഹായിക്കുന്ന ഒരു മികച്ച പ്രോബയോട്ടിക് ആയും പ്രവർത്തിക്കുന്നു. ഓട്സും തൈരും കലർത്തി തയ്യാറാക്കുന്ന വിഭവം ആരോഗ്യത്തിന് വളരെ ഗുണകരമാണ്.
ഓട്സ് ഖീർ
ഓട്സ്, ഈന്തപ്പഴം, ബദാം, ഉണക്കമുന്തിരി, ഏത്തപ്പഴം എന്നിവ ചേർത്ത് തയ്യാറാക്കുന്ന ആരോഗ്യകരമായ ഒരു ഭക്ഷണമാണ് ഓട്സ് ഖീർ. ഇതും ദിവസം മുഴുവൻ ആവശ്യമായ ഊർജം നൽകാൻ സഹായിക്കും.
നട്ട്‌സും ഡ്രൈ ഫ്രൂട്ട്‌സും
നട്ട്‌സും ഡ്രൈ ഫ്രൂട്ട്‌സും സെഹ്‌രി പ്ലേറ്റിലെ സ്ഥിര സാന്നിധ്യമാണ്. കുറച്ച് സൂപ്പർ സീഡുകൾ കൂടു ചേർത്ത് സെഹ്‌രിക്ക് ഒരു മിക്‌സഡ് ഡ്രൈ ഫ്രൂട്ട് വിഭവം തയ്യാറാക്കാവുന്നതാണ്.
സീഡ്സ്, ഡ്രൈ ഫ്രൂട്ട്‌സ്, നട്‌സ് എന്നിവയിൽ നമ്മുടെ ശരീരത്തിന് ആവശ്യമായ എല്ലാ പോഷകങ്ങളും അടങ്ങിയിട്ടുണ്ട്. ഇത് ദിവസം മുഴുവൻ ആരോഗ്യവും ശരീരത്തിന് ആവശ്യമായ പോഷകങ്ങളും നിലനിർത്തുന്നു.
കരിക്കിൻ വെള്ളം
റമദാൻ മാസത്തിൽ നിങ്ങളുടെ ആരോഗ്യം നിലനിർത്തുന്നതിന് ശരീരത്തിലെ ജലാംശം നിലനിർത്തുന്നത് വളരെ പ്രധാനമാണ്. ശരീരത്തിൽ ഇലക്‌ട്രോലൈറ്റുകൾ നിറയ്ക്കാൻ സഹായിക്കുന്നതും ഉയർന്ന അളവിൽ വിറ്റാമിനുകളും ധാതുക്കളും അടങ്ങിയതുമായ കരിക്കിൻ വെള്ളം തീർച്ചയായും ഭക്ഷണത്തിൽ ഉൾപ്പെടുത്താൻ ശ്രമിക്കുക.
