Kerala
-
പലവിധ കമ്പനികള് വഴി നിക്ഷേപം സ്വീകരിച്ച് പ്രവര്ത്തകരെ വഞ്ചിക്കുന്നു; ഫിറോസിന്റെ രണ്ട് കമ്പനികളെക്കുറിച്ചുള്ള വിവരങ്ങള് കൂടി ലഭിച്ചു; ഉടന് പുറത്തുവിടുമെന്ന് ജലീല്
മലപ്പുറം: യൂത്ത് ലീഗ് നേതാവ് പി കെ ഫിറോസിനെതിരായ ആരോപണങ്ങള് തുടര്ന്ന് കെ ടി ജലീല് എംഎല്എ.ഫിറോസിന്റെ രണ്ട് കമ്പനികളെക്കുറിച്ചുള്ള വിവരങ്ങള് കൂടി ലഭിച്ചിട്ടുണ്ടെന്നും അടുത്തദിവസം വിവരങ്ങള് പുറത്തുവിടുമെന്നുമായിരുന്നു അദ്ദേഹത്തിന്റെ പ്രതികരണം. സിപിഐഎം മലപ്പുറത്ത് നടത്തിയ സീതാറാം യെച്ചൂരി അനുസ്മരണത്തില് സംസാരിക്കുകയായിരുന്നു ജലീല്. കടലാസ് കമ്പനികള് രൂപവത്കരിച്ച് ഹവാലയും റിവേഴ്സ് ഹവാലയുമാണ് നടത്തുന്നതെന്ന സംശയം ബലപ്പെടുകയാണ്. സാമ്പത്തികത്തട്ടിപ്പ് നടത്തുന്നതിനെതിരെയാണ് മതസംഘടനകള് ലീഗിനെ ഉപദേശിക്കേണ്ടതെന്നും ജലീല് പറഞ്ഞു. മുസ്ലിം ലീഗ് നേതാക്കള് സ്വന്തം പ്രവര്ത്തകര്ക്കിടയിലാണ് സാമ്പത്തികത്തട്ടിപ്പ് നടത്തുന്നത്. പലവിധ കമ്പനികള് രൂപവത്കരിച്ച് നിക്ഷേപം സ്വീകരിച്ചാണ് പ്രവര്ത്തകരെ വഞ്ചിക്കുന്നതെന്നും കെ ടി ജലീല് ആരോപിച്ചു. പരാതിയുമായെത്തുന്ന പ്രവര്ത്തകരെ ഭീഷണിപ്പെടുത്തി തിരിച്ചയക്കുകയാണ്. പാണക്കാട് കുടുംബത്തെ ഉപയോഗിച്ചാണ് ഒരു വിഭാഗം നേതാക്കള് പണമുണ്ടാക്കുന്നത്. ഇത്തരം കറക്കു കമ്പനികളുടെ ചെയര്മാന് സ്ഥാനത്തുനിന്ന് പാണക്കാട് കുടുംബാംഗങ്ങള് രാജിവെക്കണമെന്നും അദ്ദേഹം പറഞ്ഞു. കഴിഞ്ഞ കുറച്ച് ദിവസങ്ങളായി കെ ടി ജലീലും പികെ ഫിറോസും തമ്മിലുള്ള പരസ്യപ്പോര് മുറുകുകയാണ്. പി കെ ഫിറോസ്…
Read More » -
രാഹുലിന്റെ സസ്പെന്ഷന്: സ്പീക്കര്ക്ക് സതീശന്റെ കത്ത്; സഭയില് എത്തിയാല് പ്രത്യേക ബ്ലോക്കായി ഇരിക്കേണ്ടി വരും
തിരുവനന്തപുരം: രാഹുല് മാങ്കൂട്ടത്തില് എംഎല്എയെ പാര്ട്ടിയില് നിന്നും പാര്ലമെന്ററി പാര്ട്ടിയില് നിന്നും സസ്പെന്ഡ് ചെയ്തെന്ന് കോണ്ഗ്രസ് നിയമസഭാ കക്ഷി നേതാവ് കൂടിയായ പ്രതിപക്ഷ നേതാവ് വിഡി സതീശന് സ്പീക്കറെ രേഖാമൂലം അറിയിച്ചു. തിങ്കളാഴ്ച ആരംഭിക്കുന്ന നിയമസഭാ സമ്മേളനത്തിന് മുന്നോടിയായാണ് കത്ത് നല്കിയത്. ഇതോടെ രാഹുല് സഭയിലെത്തിയാല് പ്രത്യേക ബ്ലോക്കായി ഇരിക്കേണ്ടി വരും. എന്നാല്, നിയമസഭാ സമ്മേളനത്തില് രാഹുല് മാങ്കൂട്ടത്തില് പങ്കെടുക്കുന്നതു സംബന്ധിച്ച കോണ്ഗ്രസ് തീരുമാനം സഭ ചേരുന്നതിന് തലേന്ന് മാത്രമേ ഉണ്ടാകാനിടയുള്ളൂ. അദ്ദേഹം മാറി നില്ക്കുകയാണ് പ്രതിപക്ഷത്തിന് നല്ലതെന്ന വാദത്തിനാണ് കോണ്ഗ്രസിന് മുന്തൂക്കം. രാഹുലിന്റെ നിലപാടും ഇക്കാര്യത്തില് പരിഗണിക്കും. 15ന് കെപിസിസി നേതൃയോഗം വിളിക്കാന് തീരുമാനിച്ചിട്ടുണ്ട്. എംഎല്എയായി തെരഞ്ഞെടുക്കപ്പെട്ട ആര്ക്കും നിയമസഭാ സമ്മേളനത്തില് പങ്കെടുക്കാമെന്നും അത് അവരുടെ ഭരണഘടനാപരമായ ഉത്തരവാദിത്വമാണെന്നും യുഡിഎഫ് കണ്വീനര് അടൂര് പ്രകാശ് പറഞ്ഞു.
Read More » -
ലോകത്തെ ഏറ്റവും വലിയ ട്രേഡ് സെന്ററുകളിലൊന്ന് കോഴിക്കോട്; 680 ദശലക്ഷം ഡോളര് നിഷേപം; കോഴിക്കോടിന്റെ വളര്ച്ച റോക്കറ്റ് വേഗത്തിലാക്കും; എത്താന് പോകുന്നത് മള്ട്ടി നാഷണല് കമ്പനികള്
കോഴിക്കോട്: ദക്ഷിണേന്ത്യയുടെ വിശ്വസ്ത നിർമ്മാണ കമ്പനിയായ ഹൈലൈറ്റ് ഗ്രൂപ്പ് തങ്ങളുടെ പുതിയ പദ്ധതിയായ വേൾഡ് ട്രേഡ് സെന്ററിന്റെ പ്രഖ്യാപനം ഔദ്യോഗികമായി നടത്തി. ലോകത്തിലെ തന്നെ ഏറ്റവും വലിയ ട്രേഡ് സെന്ററുകളിലൊന്നാവാൻ ഒരുങ്ങുന്ന പദ്ധതി കോഴിക്കോട് ഹൈലൈറ്റ് സിറ്റിയിലാണ് ആരംഭിക്കുന്നത്. ഏകദേശം 680 മില്ല്യൺ ഡോളർ നിക്ഷേപത്തിൽ 12.5 മില്ല്യൺ സ്ക്വയർ ഫീറ്റിലാണ് പദ്ധതി ഒരുങ്ങുന്നത്. വേൾഡ് ട്രേഡ് സെന്റർ അസോസിയേഷൻ (WTCA) ലൈസൻസുള്ളതിനാല് മൾട്ടി നാഷനൽ കമ്പനികളുടെയും ഇന്റർനാഷനൽ വിദ്യാഭ്യാസ സ്ഥാപനങ്ങളുടെയും ശ്രദ്ധയാകർഷിച്ച് വേഗതയേറിയ സാമ്പത്തിക വളർച്ചയും അടിസ്ഥാനസൗകര്യ വികസനവും സാധ്യമാക്കി കോഴിക്കോട് നഗരത്തിന്റെ വളർച്ചയെ ത്വരിതപ്പെടുത്തുന്ന ഒന്നായി പദ്ധതിക്ക് മാറാനാകും. അനേകം ടവറുകളായാണ് ട്രേഡ് സെന്റർ സമുച്ചയം ഉയരുന്നത്. ഈയടുത്ത് ശിലാസ്ഥാപന ചടങ്ങ് പൂർത്തിയാക്കിയ വേൾഡ് ട്രേഡ് സെന്റർ ലേണിംഗ് പാർക്കാണ് ഇതില് ആദ്യത്തേത്. 100 ഏക്കർ വിസ്തൃതിയുള്ള ഹൈലൈറ്റ് സിറ്റിക്കുള്ളിലായി ഒരുങ്ങുന്ന വേൾഡ് ട്രേഡ് സെന്റർ പദ്ധതി ഇന്റർനാഷനൽ ബിസിനസ് സാധ്യതകളെയും വൻകിട കമ്പനികളുടെ പരസ്പര സഹകരണത്തെയും ശക്തിപ്പെടുത്തും.…
Read More » -
‘ആരും തന്നെ അച്ചടക്കം പഠിപ്പിക്കേണ്ട’; നടപടി നേരിടുമ്പോഴും സിപിഐ സമ്മേളനത്തിന്റെ സമാപന വേദിയില് പുതിയ പോര്മുഖം തുറന്ന് കെ.ഇ. ഇസ്മയില്; വെട്ടിനിരത്തലിന് എതിരേ ബിനോയ് വിശ്വത്തിന് അംഗങ്ങളുടെ രൂക്ഷ വിമര്ശനം; ആക്ഷേപിച്ചവര് ഒടുവില് അകത്ത്
ആലപ്പുഴ: അച്ചടക്ക നടപടി നേരിടുമ്പോഴും, സിപിഐ സംസ്ഥാന സമ്മേളനത്തിന്റെ സമാപന വേദിയില് പുതിയ പോര്മുഖം തുറന്ന് മുതിര്ന്ന നേതാവ് കെ.ഇ. ഇസ്മയില്. കെ. ഇ. ഇസ്മയിലിന് അച്ചടക്കമില്ലെന്ന പാര്ട്ടി സംസ്ഥാന സെക്രട്ടറിയുടെ ആക്ഷേപത്തിന്, തന്നെ ആരും അച്ചടക്കം പഠിപ്പിക്കേണ്ടന്ന് താക്കീതുകലര്ന്ന മറുപടിയും നല്കി. കെ.കെ. ശിവരാമന്, ഇ.എസ്. ബിജിമോള് എന്നിവരെയടക്കം വെട്ടിനിരത്തിയ സമ്മേളനത്തില്, ബിനോയ് വിശ്വത്തെ പരിഹസിച്ച കമലാ സദാനന്ദനും, കെ.എം. ദിനകരനും സ്ഥാനം നിലനിര്ത്തി. സമവായ പാതയില് സംസ്ഥാന സമ്മേളനത്തിന് തയാറെടുത്തത് കൊണ്ട് മത്സരം ഒഴിവാക്കാന് നേതൃത്വത്തിനായി. പക്ഷേ സംസ്ഥാന സെക്രട്ടറിയുടെ നേര്ക്കടക്കം ഉയര്ന്ന അതിരുവിട്ട വിമര്ശനങ്ങള്ക്ക് തടയിടാന് ആയില്ല. സമ്മേളനത്തിന് തന്നെ ക്ഷണിക്കാത്തതിലും, ഉയര്ന്ന വിമര്ശനങ്ങളിലുമുള്ള അതൃപ്തി സമാപന സമ്മേളന വേദിയില് വാക്കുകളിലൂടെ പ്രകടമാക്കി. ഇടുക്കിയിലെ സംഘടന പ്രശ്നങ്ങളാണ് ശിവരാമന്റെയും, ബിജിമോളുടെയും സ്ഥാനനഷ്ടത്തിന് കാരണം. ലഘുലേഖ വിവാദത്തിലുള്പ്പെട്ടതിലൂടെ തിരുവനന്തപുരത്തുനിന്നുള്ള മീനാങ്കല് കുമാറിനും സംസ്ഥാന കൗണ്സില് അംഗത്വം ഇല്ലാതായി. കൃത്യമായ മുന്ധാരണയിലാണ്, കഴിഞ്ഞ സമ്മേളനത്തില് മത്സരിച്ച കെ.എന്. സുഗതന് ഇത്തവണ…
Read More » -
‘കള്ളന്മാര് വെള്ളയും വെള്ളയും ഇട്ടു നടക്കുകയാണ്; കോണ്ഗ്രസിലുള്ള വിശ്വാസം പോയി; ടി. സിദ്ദിഖും കോണ്ഗ്രസും ഞങ്ങളെ പറ്റിച്ചു’; കരാര് പോലും എംഎല്എയുടെ പിഎ വാങ്ങിക്കൊണ്ടുപോയി: ആത്മഹത്യ ചെയ്ത ഡിസിസി പ്രസിഡന്റിന്റെ മരുമകള് പത്മജ
കല്പ്പറ്റ: കോണ്ഗ്രസിനെതിരെ ആത്മഹത്യ ചെയ്ത വയനാട് ഡിസിസി ട്രഷറർ എൻ എം വിജയന്റെ കുടുംബം. കല്പ്പറ്റ എം.എല്.എ ടി.സിദ്ദിഖും കോണ്ഗ്രസും തങ്ങളെ പറ്റിച്ചെന്നും പറഞ്ഞ പണം തന്നില്ലെന്നുമാണ് എൻ എം വിജയന്റെ മരുമകള് പത്മജയുടെ ആരോപണം. തന്റെ ഭര്ത്താവ് ആശുപത്രിയില് ആയിരുന്നപ്പോള് ബില് അടക്കാമെന്ന് ടി.സിദ്ദിഖ് പറഞ്ഞിരുന്നെന്നും എന്നാല് പണം തന്നില്ലെന്നും ഫോണ് വിളിച്ചപ്പോള് എടുത്തില്ലെന്നും പത്മജ പറയുന്നു. ജൂണ് 30നുള്ളില് പാര്ട്ടി വാഗ്ദാനം ചെയ്ത തുക നല്കുമെന്ന് എഗ്രിമെന്റ് ഉണ്ടാക്കിയിരുന്നെന്നും എന്നാല് ആ എഗ്രിമെന്റ് എഴുതിച്ച അടുത്ത ദിവസം തന്നെ തങ്ങളറിയാതെ എം.എല്.എയുടെ പി.എ അത് വാങ്ങിക്കൊണ്ടു പോയെന്നും പത്മജ ആരോപിച്ചു. സണ്ണി ജോസഫിന് പഠിക്കാനാണ് എഗ്രിമെന്റ് കൊണ്ടുപോയതെന്നാണ് എം.എല്.എ പറഞ്ഞത്. കള്ളന്മാര് വെള്ളയും വെള്ളയുമിട്ട് നടക്കുന്നുവെന്നും കോണ്ഗ്രസ് എന്ന പാര്ട്ടിയെ വിശ്വസിക്കുന്നവര് മരിക്കുന്നുവെന്നും പത്മജ കൂട്ടിച്ചേര്ത്തു. പത്മജയുടെ വാക്കുകള് ജൂണ് 30ന് എല്ലാ പ്രശ്നങ്ങളും തീര്ത്തു തരാമെന്ന് പറഞ്ഞ് കല്പ്പറ്റ എം.എല്.എ ടി.സിദ്ദിഖും ഞങ്ങളും കൂടി ഒരു കരാര്…
Read More » -
ജപ്പാൻ മേള: മൂന്നാം പതിപ്പ് കൊച്ചി റമദ റിസോർട്ടിൽ ഒക്ടോബർ 16 മുതൽ 18 വരെ, മേളയിൽ വിദഗ്ദ്ധർ നയിക്കുന്ന സെമിനാറുകളും പാനൽ ചർച്ചകളും
കൊച്ചി: ജപ്പാനും കേരളവും തമ്മിലുള്ള സാമ്പത്തിക, സാംസ്കാരിക ബന്ധം കൂടുതൽ ശക്തിപ്പെടുത്തുന്നതിനായി ഇൻഡോ- ജപ്പാൻ ചേംബർ ഓഫ് കോമേഴ്സ് (INJACK) സംഘടിപ്പിക്കുന്ന ജപ്പാൻ മേളയുടെ മൂന്നാം പതിപ്പ് കൊച്ചി റമദ റിസോർട്ടിൽ വെച്ച് ഒക്ടോബർ 16 മുതൽ 18 വരെ നടക്കും. ജപ്പാനിലെയും കേരളത്തിലെയും വ്യവസായ സംരംഭകർ, സ്ഥാപനങ്ങൾ, സാംസ്കാരിക മേഖലയിലെ പ്രമുഖർ തുടങ്ങിയവർ മേളയിൽ പങ്കെടുക്കും. ജപ്പാൻ മേളയുടെ പ്രഖ്യാപനത്തിനായി കൊച്ചിയിൽ നടത്തിയ പത്രസമ്മേളനത്തിൽ ഇൻജാക് (INJACK) പ്രസിഡന്റും സിന്തൈറ്റ് ഇൻഡസ്ട്രീസ് എക്സിക്യൂട്ടീവ് ചെയർമാനുമായ ഡോ. വിജു ജേക്കബ്, ഇൻജാക് വൈസ് പ്രസിഡന്റും ജപ്പാൻ മേള ജനറൽ കൺവീനറുമായ ഡോ.കെ. ഇളംങ്കോവാൻ എന്നിവർ സംസാരിച്ചു. 2013-ൽ സ്ഥാപിതമായതു മുതൽ ഇൻജാക് ഇരു രാജ്യങ്ങളും തമ്മിലുള്ള ബന്ധം മെച്ചപ്പെടുത്തുന്നതിൽ വലിയ പങ്ക് വഹിക്കുന്നുണ്ടെന്ന് ഡോ. വിജു ജേക്കബ് പറഞ്ഞു. സാങ്കേതികവിദ്യ, നൂതനാശയങ്ങൾ, സംസ്കാരം എന്നിവയിൽ ജപ്പാനുള്ള മികവ് പ്രദർശിപ്പിക്കാനും നിക്ഷേപ സാധ്യതകൾ തുറക്കാനും ജപ്പാൻ മേള അവസരമൊരുക്കുമെന്നും ഡോ.കെ. ഇളംങ്കോവാൻ അഭിപ്രായപ്പെട്ടു.…
Read More » -
ഡിവൈഎഫ്ഐ നേതാവിന്റെ ന്യായീകരണത്തിന്റെ മുനയൊടിച്ച് പുറത്താക്കപ്പെട്ട മുന് സിപിഐഎം പ്രവര്ത്തകന് ; ശബ്ദരേഖ താനും ശരത്പ്രസാദും നടത്തിയത് തന്നെയെന്ന് നിബിന് ശ്രീനിവാസന്
തൃശ്ശൂര്: ശബ്ദം എഡിറ്റ് ചെയ്തിരിക്കാമെന്ന ഡിവൈഎഫ്ഐ നേതാവിന്റെ ന്യായീകരണ ത്തിനിടയില് ജില്ലാനേതാക്കള്ക്കെതിരേ രൂക്ഷമായത ആരോപണം വരുന്ന തൃശൂരിലെ പാര്ട്ടി നേതാവിന്റെ ശബ്ദരേഖ ശരിവെച്ച് മുന് പാര്ട്ടിക്കാരന്. തൃശൂരിലെ സിപിഐഎം നേതാക്കളുടെ അഴിമതി ആരോപണവുമായി ബന്ധപ്പെട്ട് പുറത്തുവന്ന ശബ്ദരേഖ ഡിവൈഎ ഫ്ഐ ജില്ലാ സെക്രട്ടറി ശരത് പ്രസാദ് തന്നോട് സംസാരിക്കുന്ന സംഭാഷണമാ ണെന്ന് അവകാശപ്പെട്ട് രംഗത്ത് വന്നത് മുന് പാര്ട്ടിക്കാരന് നിബിന് ശ്രീനിവാസനാണ്. ശരത് പ്രസാദ് തന്നോട് സംസാരിക്കുന്ന സംഭാഷണമാണ് പുറത്തുവന്നതെന്നും നേതാക്കള് ക്കെതിരെ ഗുരുതര ആരോപണം ഉന്നയിച്ച ശരത് പ്രസാദിനെതിരെ പാര്ട്ടി എന്ത് നടപടി സ്വീകരിക്കുമെന്ന് നിബിന് ചോദിച്ചു. മാധ്യമങ്ങളിലൂടെ പാര്ട്ടിയെ അപകീര്ത്തിപ്പെടുത്തി എന്നാരോപിച്ചാണ് നേരത്തേ നിബിനെ സിപിഐഎമ്മില് നിന്ന് പുറത്താക്കിയതെന്നും അവകാശപ്പെട്ടു. അഴിമതി ആരോപണം ഉന്നയിച്ചതിന് പിന്നാലെയാണ് തന്നെ പുറത്താക്കി യതെന്ന് നിബിന് ശ്രീനിവാസന് പറഞ്ഞു. തന്നോട് വിശദീകരണം പോലും ചോദിക്കാതെയാണ് സംഘടന നടപടിയെടുത്തത്. അഴിമതി ക്കെതിരെ തന്റെ പോരാട്ടം തുടരും. അഴിമതി സംബന്ധിച്ച് സിപിഐഎം സംസ്ഥാന സെക്രട്ട റി…
Read More » -
മണ്ഡലം പ്രസിഡന്റുമാര് മെഷീനുകളല്ല ; രാജീവ് ചന്ദ്രശേഖര് നടത്തുന്നത് ബിജെപി കമ്പനി ; കോര്പ്പറേറ്റ് ഓഫീസ് പോലെ ടാര്ഗറ്റ് വെച്ച് പണിയെടുപ്പിക്കുന്നു ; സംസ്ഥാന പ്രസിഡന്റിന് രൂക്ഷ വിമര്ശനം
തിരുവനന്തപുരം : ബിജെപിയെ പുതിയ സംസ്ഥാന അദ്ധ്യക്ഷന് രാജീവ് ചന്ദ്രശേഖര് കാണുന്നത് ഒരു കമ്പനി പോലെയാണെന്നും പാര്ട്ടിപ്രവര്ത്തകര്ക്ക് വിശ്രമം നല്കാതെ പണിയെടുപ്പിക്കുന്നെന്നും പാര്ട്ടിക്കുള്ളില് ആക്ഷേപം. പ്രവര്ത്തകര്ക്ക് ടാര്ഗറ്റ് കൊടുക്കുന്ന രാജീവ് ചന്ദ്രശേഖരന് ശൈലിക്കെതിരെ ഓണ്ലൈനില് ചേര്ന്ന ബിജെപി സംസ്ഥാന നേതൃ യോഗത്തില് വിമര്ശനം ഉയര്ന്നു. രാജീവ് ചന്ദ്രശേഖറിന്റെ കോര്പ്പറേറ്റ് ശൈലി അമിത ജോലിഭാരം ഉണ്ടാക്കുന്നെന്നും കമ്പനിപോലെ പാര്ട്ടിയെ പ്രവര്ത്തിപ്പിക്കുന്നതില് മണ്ഡലം പ്രസിഡന്റുമാര് മടുത്തു തുടങ്ങിയതായും റിപ്പോര്ട്ടുകളുണ്ട്. ടാര്ഗറ്റ് പൂര്ത്തിയാക്കാത്ത മണ്ഡലം പ്രസിഡന്റു മാര്ക്കെതിരെ നടപടിയെടുക്കുമെന്നു പറഞ്ഞ എംടി രമേശ്, എസ് സുരേഷ് എന്നിവര് ക്കെതിരെയും വിമര്ശനം ഉയര്ന്നിട്ടുണ്ട്. പാര്ട്ടിയുടെ നേതാക്കളുടെ ഓണ്ലൈന് യോഗത്തിലായിരുന്നു വിമര്ശനം. പാര്ട്ടി പ്രവര്ത്തകര് മെഷീനല്ലെന്നും മനുഷ്യരാണെന്നും പ്രതിഫലം കൊടുക്കാതെയാണ് അവരെ കൊണ്ടു ജോലി ചെയ്യിക്കുന്നത്. അവര്ക്കും കുടുംബമുണ്ടെന്നു പാര്ട്ടി മറക്കരുത്. പല മണ്ഡലം പ്രസിഡന്റ്റുമാരും രാജി സന്നദ്ധത അറിയിച്ചതായും സംസ്ഥാന സെക്രട്ടറി എംവി ഗോപകുമാര് പറഞ്ഞു. മണ്ഡലം പ്രസിഡന്റുമാര്ക്ക് താങ്ങാവുന്നതിലും അപ്പുറം പണിയാണ് നല്കുന്നതെന്നും വിമര്ശിച്ചു. ശില്പശാല,…
Read More » -
ഗള്ഫില് പോയി വന്നപ്പോള് കാമുകി ഒഴിവാക്കാന് ശ്രമിച്ചെന്ന് ആരോപണം ; വിവാഹാഭ്യര്ത്ഥന നിരസിച്ചതിന് യുവാവ് യുവതിയെയും അച്ഛനെയും വീട്ടില് കയറി വെട്ടിക്കൊല്ലാന് ശ്രമം
പാലക്കാട്: വിവാഹാഭ്യര്ത്ഥന നിരസിച്ചതിന് യുവതിയെയും അച്ഛനെയും വീട്ടില് കയറി വെട്ടിയ യുവാവ് അറസ്റ്റില്. പാലക്കാട് നെന്മാറയില് നടന്ന സംഭവത്തില് മേലാര്കോട് സ്വദേശി ഗിരീഷിനെ പൊലീസ് അറസ്റ്റ് ചെയ്തു. ഗിരീഷിന്റെ വിവാഹാഭ്യര്ത്ഥന യുവതിയുടെ കുടുംബം നിരസിച്ചതില് പ്രകോപിതനായാണ് അക്രമം എന്നാണ് വിവരം. ഗിരീഷും യുവതിയും നേരത്തെ പ്രണയത്തിലായിരുന്നു എന്നും ഇയാള് പറയുന്നു. എന്നാല് വിദേശത്ത് ജോലിക്ക് പോയി വന്നതിനു യുവതി ഗിരീഷിനെ ഒഴിവാക്കാന് നോക്കുന്നെന്നും പറയുന്നു. വിദേശത്ത് നിന്നും വന്ന ശേഷം നാട്ടില് ബസ് ഡ്രൈവര് ആയ ഗിരീഷിനെ യുവതി ഒഴിവാക്കാന് ശ്രമിച്ചെന്ന് ആരോപിച്ചായിരുന്നു ആക്രമണം. ഇന്നലെ വൈകിട്ട് മദ്യലഹരിയില് എത്തിയ ഗിരീഷ് യുവതിയെയും അച്ഛനെയും വെട്ടുകത്തി കൊണ്ട് വെട്ടുകയായിരുന്നു. ഇരുവരും നെന്മാറ സ്വകാര്യ ആശുപത്രിയില് ചികിത്സയില് കഴിയുകയാണ്. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.
Read More » -
ആര്എസ്എസ് പരിപാടിയില് പങ്കെടുത്ത് ഭാരതാംബയ്ക്ക് മുന്നില് വിളക്ക് കൊളുത്തി; പഞ്ചായത്ത് പ്രസിഡന്റിനെ സിപിഐഎം ഏരിയാകമ്മറ്റിയില് നിന്നും ബ്രാഞ്ച് കമ്മറ്റിയിലേക്ക് തരംതാഴ്ത്തി
കോഴിക്കോട്: ആര്എസ്എസ് പരിപാടിയില് പങ്കെടുത്ത് ഭാരതാംബയ്ക്ക് മുന്നില് വിളക്ക് കൊളുത്തിയ പഞ്ചായത്ത് പ്രസിഡന്റിനെ ബ്രാഞ്ച് കമ്മറ്റിയിലേക്ക്് തരംതാഴ്ത്തി സിപിഐഎം. കോഴിക്കോട് തലക്കുളത്തൂര് പഞ്ചായത്ത് പ്രസിഡന്റ് കെ ടി പ്രമീളയ്ക്കെതിരെയാണ് നടപടി. ഏരിയ കമ്മിറ്റി അംഗമായ പ്രമീളയെ ബ്രാഞ്ചിലേക്ക് തരംതാഴ്ത്തുകയായിരുന്നു. സുരേഷ് ഗോപി എംപിയുടെ സഹായത്താല് നിര്മ്മിച്ചു നല്കിയ വീടിന്റെ താക്കോല് ദാന പരിപാടിയിലാണ് പ്രമീള പങ്കെടുത്തത്. തലക്കുളത്തൂര് സേവാഭാരതിയുടെ നേതൃത്വത്തില് സെപ്തംബര് മൂന്നിനായിരുന്നു പരിപാടി. രാജ്യസഭാ എംപി സി സദാനന്ദന് അടക്കമുള്ളവര് ഈ പരിപാടിയില് പങ്കെടുത്തിരുന്നു. നേരത്തേ ഭാരതാംബയുടെ ചിത്രവുമായി ബന്ധപ്പെട്ട കേസില് ഗവര്ണര് ആര്ലേക്കറുമായി സംസ്ഥാന സര്ക്കാര് നടത്തിയ പോര് വലിയ വിവാദമായിരുന്നു. രാജ്ഭവനില് നടന്ന കാര്ഷികദിന പരിപാടിയില് ഭാരതാംബയുടെ ചിത്രത്തിന് മുന്നില് വിളക്ക് കൊളുത്തിയതിനെതിരേ കൃഷിമന്ത്രി പി. പ്രസാദ് പ്രതിഷേധിച്ചിരുന്നു. പിന്നാലെ രാജ്ഭവനില് നടന്ന വിദ്യാഭ്യാസ പരിപാടിയില് ഭാരതാംബയുടെ ചിത്രം വെയ്ക്കുകയും വിളക്ക് കൊളുത്തുകയും ചെയ്തതിന്റെ പേരില് വിദ്യാഭ്യാസമന്ത്രി വി. ശിവന്കുട്ടിയും ശക്തമായി പ്രതിഷേധിച്ചിരുന്നു. ഇതിന് പിന്നാലെ കേരളാസര്വകലാശാലയിലും…
Read More »