India
-
‘അറപ്പുളവാക്കുന്നതും മനുഷ്യത്വമില്ലാത്തതുമായ പ്രവൃത്തി’: വീഡിയോ പുറത്തുവിട്ട ലളിത് മോദിക്കെതിരേ ശ്രീശാന്തിന്റെ ഭാര്യ ഭുവനേശ്വരി; ഓസ്ട്രേലിയന് ബാറ്റ്സ്മാന് മൈക്കല് ക്ലാര്ക്കിനും വിമര്ശനം
കൊച്ചി: സ്ലാം ഗേറ്റ് വിഡിയോ പുറത്തുവിട്ട സംഭവത്തില് ലളിത് മോദിക്കും മൈക്കല് ക്ലാര്ക്കിനും എതിരെ ആഞ്ഞടിച്ച് ശ്രീശാന്തിന്റെ ഭാര്യ ഭുവനേശ്വരി. മുന് ഇന്ത്യന് സ്പിന്നര് ഹര്ഭജന് സിങ്ങും ശ്രീശാന്തും തമ്മിലുണ്ടായ ‘സ്ലാംഗേറ്റ്’ സംഭവത്തിന്റെ ഇതുവരെ പുറത്തുവരാത്ത ദൃശ്യങ്ങള് പ്രചരിപ്പിച്ചതിനാണ് വിമര്ശനം. മുന് ഇന്ത്യന് പ്രീമിയര് ലീഗ് (ഐപിഎല്) കമ്മീഷണര് ലളിത് മോദിക്കും മുന് ഓസ്ട്രേലിയന് ബാറ്റ്സ്മാന് മൈക്കല് ക്ലാര്ക്കിനുമെതിരെ രൂക്ഷ ഭാഷയിലാണ് ഭുവനേശ്വരി പ്രതികരിച്ചത്. 2008-ലെ ഐപിഎല് സീസണില് മുംബൈ ഇന്ത്യന്സും പഞ്ചാബ് കിങ്സും തമ്മിലുള്ള മത്സരത്തിന് ശേഷമുണ്ടായ ‘സ്ലാംഗേറ്റ്’ സംഭവത്തിന്റെ അതുവരെ കാണാത്ത ദൃശ്യങ്ങള് ഓസ്ട്രേലിയന് താരത്തിന്റെ ‘ബിയോണ്ട്23 പോഡ്കാസ്റ്റിന്റെ’ ഏറ്റവും പുതിയ എപ്പിസോഡിലാണ് മോദിയും ക്ലാര്ക്കും വെളിപ്പെടുത്തിയത്. പുറത്തുവിട്ട ദൃശ്യങ്ങളില്, മത്സരം കഴിഞ്ഞുള്ള ഹസ്തദാനത്തിനിടെ ഹര്ഭജന് തന്റെ കൈപ്പത്തിയുടെ പുറംകൊണ്ട് ശ്രാശാന്തിനെ അടിക്കുന്നത് കാണാം. ഹര്ഭജന് മുംബൈ ഇന്ത്യന്സിന്റെ ക്യാപ്റ്റനായിരുന്നു, ഹര്ഭജന്റെ ടീം പഞ്ചാബിനോട് 66 റണ്സിന് പരാജയപ്പെട്ടിരുന്നു. ഈ സംഭവത്തിന് ശേഷം ശ്രീശാന്ത് കരയുന്ന ദൃശ്യങ്ങളും പുറത്തുവന്നിരുന്നു,…
Read More » -
‘ഇസ്രയേലിന്റെ മരണം’ മുദ്രാവാക്യമാക്കിയ ഹൂതികളുടെ തലയെടുത്ത് ഇസ്രായേല്; പ്രധാനമന്ത്രിയും സൈനിക നേതാക്കളും കൊല്ലപ്പെട്ടെന്ന് വിവരം; മുതിര്ന്ന ഹൂതി നേതാക്കളെ ഇല്ലാതാക്കുമെന്ന് ഇന്റലിജന്സ്; പ്രാഥമിക ലക്ഷ്യം പത്തുപേര്
സനാ: ഇസ്രയേല് വ്യോമാക്രമണത്തില് ഹൂതി പ്രധാനമന്ത്രി അഹമ്മദ് അല് റഹാവി കൊല്ലപ്പെട്ടതായി റിപ്പോര്ട്ട്. കഴിഞ്ഞ ദിവസം ഇസ്രയേല് നടത്തിയ വ്യോമാക്രണത്തില് അഹമ്മദ് അല് റഹാവിയും ഒപ്പമുണ്ടായിരുന്നവരും കൊല്ലപ്പെട്ടു എന്നാണ് യെമനി മാധ്യമങ്ങള് റിപ്പോര്ട്ട് ചെയ്യുന്നത്. വ്യാഴാഴ്ച യെമന് തലസ്ഥാനമായ സനായിലേക്ക് നടത്തിയ വ്യോമാക്രമണത്തിലാണ് ഹൂതി നേതൃത്വത്തെ ഇസ്രയേല് ലക്ഷ്യമിട്ടത്. സനായ്ക്ക് പുറത്ത് ഹൂതി നേതാവ് അബ്ദുള് മാലിക് അല്-ഹൂതിയുടെ പ്രസംഗം കേള്ക്കാന് ഒത്തുകൂടിയ മുതിര്ന്ന ഹൂതി മന്ത്രിമാരെ ലക്ഷ്യമിട്ടായിരുന്നു ആക്രമണം. ഒരാഴ്ചയ്ക്കിടെ സനായിലേക്ക് ഇസ്രയേല് നടത്തുന്ന രണ്ടാമത്തെ ആക്രമണമായിരുന്നു ഇത്. ഹൂതികളുടെ രാഷ്ട്രീയ, സൈനിക നേതൃത്വത്തെയാണ് വ്യാഴാഴ്ചത്തെ അക്രമത്തില് ലക്ഷ്യമിട്ടതെന്ന് ഇസ്രയേല് മാധ്യമങ്ങള് റിപ്പോര്ട്ട് ചെയ്തു. ഹൂതി പ്രധാനമന്ത്രി അല്-റഹാവിയും അദ്ദേഹത്തിന്റെ കൂട്ടാളികളും കൊല്ലപ്പെട്ടതായാണ് യെമന് മാധ്യമങ്ങളുടെ റിപ്പോര്ട്ട്. എന്നാല് ഇക്കാര്യത്തില് ഔദ്യോഗിക സ്ഥിരീകരണമില്ല. സനായിലെ അപ്പാര്ട്ട്മെന്റില് ഇരിക്കെയാണ് പ്രധാനമന്ത്രി കൊല്ലപ്പെട്ടതെന്ന് യെമനിലെ അല്-ജുംഹുരിയ ചാനല് റിപ്പോര്ട്ട് ചെയ്തു. അല്-റഹാവിക്കൊപ്പം അദ്ദേഹത്തിന്റെ കൂട്ടാളികളും കൊല്ലപ്പെട്ടതായി ആദന് അല്-ഗാദ് പത്രവും റിപ്പോര്ട്ട് ചെയ്തു.…
Read More » -
ആണവ സമ്പുഷ്ടീകരണം: വഴങ്ങിയില്ലെങ്കില് ഇറാനെ കാത്തിരിക്കുന്നത് കടുത്ത ഉപരോധം; ഐക്യരാഷ്ട്ര സഭയില് നീക്കം ആരംഭിച്ച് ബ്രിട്ടനും ഫ്രാന്സും ജര്മനിയും; പിന്തുണച്ച് അമേരിക്കയും ഇസ്രയേലും; സ്നാപ് ബാക്ക് നടപടിക്കു കത്തുനല്കി; ഇറാന്റെ സാമ്പത്തിക, വ്യാപാര മേഖകള്ക്കെല്ലാം വന് തിരിച്ചടിയാകും
ഐക്യരാഷ്ട്രസഭ: ആണവ പദ്ധതിയുമായി ബന്ധപ്പെട്ട് ഇറാനെതിരേ വീണ്ടും ഉപരോധത്തിനു നീക്കമാരംഭിച്ച് യൂറോപ്യന് രാജ്യങ്ങള്. ബ്രിട്ടന്, ഫ്രാന്സ്, ജര്മനി എന്നീ മൂന്നു രാജ്യങ്ങളാണു 30 ദിവസത്തെ നടപടി ക്രമങ്ങള്ക്കായി ഐക്യരാഷ്ട്ര സഭയ്ക്കു കത്തയച്ചത്. ഇതു സംബന്ധിച്ച വിവരങ്ങള് പരിശോധിച്ച രാജ്യാന്തര വാര്ത്താ ഏജന്സി റോയിട്ടേഴ്സ് ആണ് ഇക്കാര്യം റിപ്പോര്ട്ട് ചെയ്തത്. ആണവായുധങ്ങള് നിര്മിക്കുന്നതു തടയാന് ലക്ഷ്യമിട്ടു 2015ല് കൊണ്ടുവന്ന കരാര് പാലിക്കുന്നതില് ഇറാന് പരാജയപ്പെട്ടെന്നു ചൂണ്ടിക്കാട്ടിയാണു ഇ-3 എന്നറിയപ്പെടുന്ന രാജ്യങ്ങള് നടപടി ആരംഭിച്ചത്. ഒക്ടോബര് പകുതിയോടെ നിയന്ത്രണങ്ങള് കൊണ്ടുവരുന്നതിന് ഇപ്പോള് നീക്കമാരംഭിച്ചില്ലെങ്കില് പരാജയപ്പെട്ടേക്കുമെന്നും മൂന്നു രാജ്യങ്ങളും ആശങ്ക പ്രകടിപ്പിച്ചു. നയതന്ത്ര നീക്കങ്ങളുടെ അന്ത്യമല്ലിതെന്നും ചര്ച്ചകള് തുടരുമെന്നും ഫ്രഞ്ച് വിദേശകാര്യ മന്ത്രി ജീന് നോയല് ബാരറ്റ് പറഞ്ഞു. യുഎന് ആണവോര്ജ ഏജന്സിയുമായി ഇറാന് പൂര്ണമായി സഹകരിക്കണമെന്നും അമേരിക്കയുമായുള്ള ചര്ച്ചകള് പുനരാരംഭിക്കണമെന്നും ജര്മന് വിദേശകാര്യ മന്ത്രി ജോഹാന് വെയ്ഡേഫോള് പറഞ്ഞു. സ്നാപ് ബാക്ക് മെക്കാനിസം എന്നറിയപ്പെടുന്ന നടപടി ക്രമങ്ങളുടെ പേരില് ഇറാനുമേല് സമ്മര്ദം ചെലുത്താനാണു നീക്കമെന്നും…
Read More » -
മനുഷ്യരുടെ നിത്യജീവിതത്തില് ഇടപെടാന് അയാളാരാണ്? ആര്എസ്എസ് നേതാവിന്റെ മൂന്ന് കുട്ടികള് പ്രസ്താവനയില് ഒവൈസി ; നിങ്ങള് ചെയ്യാത്ത കാര്യങ്ങളെക്കുറിച്ച് എന്തിനാണ് അഭിപ്രായം പറയുന്നത്?
ഓരോ ഇന്ത്യന് ദമ്പതികള്ക്കും മൂന്ന് കുട്ടികള് വേണമെന്ന ആര്എസ്എസ് മേധാവി മോഹന് ഭാഗവതിന്റെ പ്രസ്താവനയ്ക്കെതിരെ എഐഎംഐഎം പ്രസിഡന്റും എംപിയുമായ അസദുദ്ദീന് ഒവൈസി രംഗത്തെത്തി. ആളുകളുടെ വ്യക്തിപരമായ കാര്യങ്ങളില് ഇത്തരത്തിലുള്ള ഇടപെടല് നടത്താന് അദ്ദേഹം ആരാണെന്നും അതു പാടില്ലെന്നും അദ്ദേഹം പറഞ്ഞു. എന്ഡിറ്റിവിയ്ക്ക് നല്കിയ അഭിമുഖത്തിലാണ് ഒവൈസി ഈ പ്രസ്താവന നടത്തിയത്. മൂന്ന് കുട്ടികള് വേണമെന്ന മോഹന് ഭാഗവതിന്റെ പ്രസ്താവനയെക്കുറിച്ച് ചോദിച്ചപ്പോള്, ഇന്ത്യയുടെ ജനസംഖ്യാപരമായ സാധ്യതകള് ‘പൂര്ണ്ണമായും പാഴാക്കിയതുകൊണ്ടാണ്’ അദ്ദേഹം അങ്ങനെ പറഞ്ഞതെന്ന് ഒവൈസി പറഞ്ഞു. 2019-ലെ സ്വാതന്ത്ര്യദിന പ്രസംഗത്തില് ജനസംഖ്യാ നിയന്ത്രണം വേണമെന്ന് പ്രധാനമന്ത്രി പറഞ്ഞത് നമ്മള് മറക്കരുത്. 2024-ലെ ലോക്സഭ തിരഞ്ഞെടുപ്പില് രാജസ്ഥാനില് വെച്ച് മുസ്ലിങ്ങള് കൂടുതല് കുട്ടികള്ക്ക് ജന്മം നല്കുന്നുവെന്ന് അദ്ദേഹം പറഞ്ഞതും നമ്മള് മറക്കരുത്. ഇപ്പോള് പെട്ടെന്ന് മോഹന് ഭാഗവത് കൂടുതല് കുട്ടികള് വേണമെന്ന് പറയുന്നു,’ ഒവൈസി പറഞ്ഞു. ഇന്ത്യയിലെ 65% ആളുകളും 35 വയസ്സില് താഴെയുള്ളവരാണ്. എന്നാല് ഇവര്ക്ക് തൊഴിലോ, വിദ്യാഭ്യാസ പരിശീലനമോ നല്കുന്നതില് പ്രധാനമന്ത്രി…
Read More » -
അയോദ്ധ്യയ്ക്ക് പിന്നാലെ കാശിയിലും മഥുരയിലും അവകാശവാദം ഉന്നയിച്ച് മോഹന് ഭാഗവത് ; വാരണാസിയിലെ ഗ്യാന്വാപി മസ്ജിദിന്റെയും മഥുരയിലെ ഈദ്ഗാഹിന്റെയും സ്ഥലങ്ങള് വിട്ടുതരണമെന്ന് ആവശ്യം
ന്യൂഡല്ഹി: അയോദ്ധ്യയ്ക്ക് പിന്നാലെ വാരണാസിയിലെ ഗ്യാന്വ്യാപി മസ്ജിദിന്റെയും മഥുരയിലെ ഈദ്ഗാഹിന്റെയും സ്ഥലങ്ങള് കൂടി ഹിന്ദുക്കള്ക്ക് വിട്ടുകൊടുക്കണമെന്ന് ആര്എസ്എസ് തലവന് മോഹന് ഭഗവത്. ഈ രണ്ട് ആവശ്യത്തെയും സംഘം പിന്തുണയ്ക്കുന്നതായി ആര്എസ്എസ് സര്സംഘചാലക് സൂചിപിച്ചു. ആര്എസ്എസിന്റെ നൂറാം വര്ഷത്തിന്റെ ഭാഗമായി നടന്ന മൂന്ന് ദിവസത്തെ പ്രഭാഷണ പരമ്പരയുടെ മൂന്നാമത്തെയും അവസാനത്തെയും ദിവസം നടത്തിയ പ്രഭാഷണത്തിലാണ് ഈ ആവശ്യം ഉന്നയിച്ചത്. വാരണാസിയിലെ ഗ്യാന്വാപി മസ്ജിദിന്റെയും മഥുരയിലെ ഈദ്ഗാഹിന്റെയും സ്ഥലങ്ങള് ഹിന്ദുക്കള്ക്ക് വിട്ടുകൊടുക്കണമെന്ന ആവശ്യത്തെ സംഘം പിന്തുണയ്ക്കുന്നതായി ആര്എസ്എസ് സര്സംഘചാലക് മോഹന് ഭാഗവത് സൂചിപ്പിച്ചു. ഈ സ്ഥലങ്ങള്ക്കുവേണ്ടിയുള്ള ഏതൊരു പ്രസ്ഥാനവുമായും ബന്ധപ്പെടാന് സംഘ് സ്വയംസേവകര്ക്ക് സ്വാതന്ത്ര്യമുണ്ട്. വെറും മൂന്ന് സ്ഥലങ്ങളുടെ കാര്യമായതിനാല് അവകാശവാദം ഉപേക്ഷിച്ചുകൊണ്ട് മറുഭാഗത്തിന് ഇതിനോട് പ്രതികരിക്കാമെന്നും ഭാഗവത് പറഞ്ഞു. മുസ്ലിങ്ങള് സ്വമേധയാ ഈ സ്ഥലങ്ങള് കൈമാറണമെന്ന് ഭാഗവത് നിര്ദ്ദേശിച്ചു. ഹിന്ദു സംഘടനയുടെ നേതാവായ എന്നോട് സ്വയംസേവകര് പോലും ചോദ്യങ്ങള് ചോദിക്കാറുണ്ട്. ഇത് സാഹോദര്യത്തിലേക്കുള്ള വലിയൊരു ചുവടുവെപ്പായിരിക്കും ഈ മൂന്ന് സ്ഥലങ്ങളും എടുത്തോളൂ എന്ന്…
Read More » -
മൂഡ് ഓഫ് ദി നേഷന്സിന്റെ സര്വേ: സര്ക്കാരിന്റെ പ്രകടനം കഴിഞ്ഞ ആറ് മാസത്തിനിടെ അത്ര മെച്ചമല്ലെന്ന് ഇന്ത്യയിലെ ജനങ്ങള് ; പ്രധാനമന്ത്രി നരേന്ദ്ര മോദിയുടെ ജനപ്രീതി കുറഞ്ഞു
ന്യൂഡല്ഹി: ഇപ്പോഴും ലോകത്തെ ഏറ്റവും ജനപ്രിയ നേതാവായി പ്രധാനമന്ത്രി നരേന്ദ്ര മോദിയെ വിലയിരുത്തുമ്പോഴും അദ്ദേഹത്തിന്റെ സര്ക്കാരിന്റെ പ്രകടനം കഴിഞ്ഞ ആറ് മാസത്തിനിടെ അത്ര മെച്ചമല്ലെന്ന് ഇന്ത്യയിലെ ജനങ്ങള്. ഓഗസ്റ്റ് 2025-ലെ ‘മൂഡ് ഓഫ് ദ നേഷന്’ സര്വേ പ്രകാരം, പ്രധാനമന്ത്രി നരേന്ദ്ര മോദി ഏറ്റവും ജനപ്രിയനായ നേതാവാണെങ്കിലും ജനപ്രീതിയില് 10 ശതമാനം ഇടിവ് രേഖപ്പെടുത്തി. ഫെബ്രുവരി 2025-ല് നടന്ന സര്വേയില് അദ്ദേഹത്തിന്റെ പ്രവര്ത്തനത്തെ 62% പേര് ‘നല്ലത്’ എന്ന് വിലയിരുത്തിയിരുന്ന സ്ഥാനത്ത്, ഇപ്പോഴത് 58% ആയി കുറഞ്ഞു. ഈ ചെറിയ കുറവുണ്ടായിട്ടും, 11 വര്ഷത്തെ ഭരണത്തിന് ശേഷവും പ്രധാനമന്ത്രി മോദിക്ക് പൊതുജനങ്ങളുടെ ഇടയില് ഇപ്പോഴും ശക്തമായ പിന്തുണയുണ്ടെന്ന് ഇത് സൂചിപ്പിക്കുന്നു. മോദിയുടെ മൂന്നാം ടേമിലെ ഇതുവരെയുള്ള പ്രകടനം ‘മികച്ചതാണെന്ന്’ 34.2% പേരും, ‘നല്ലതാണെന്ന്’ 23.8% പേരും അഭിപ്രായപ്പെട്ടു. എന്നാല്, ഫെബ്രുവരിയിലെ മുന് സര്വേയില് ഇത് 36.1% ആയിരുന്നു, ഇത് അദ്ദേഹത്തിന്റെ ജനപ്രീതിയില് ഒരു കുറവ് വന്നിട്ടുണ്ട് എന്ന് സൂചിപ്പിക്കുന്നു. 12.7% പേര്…
Read More » -
സിഖുകാരുടെ പരമ്പരാഗത ആയോധന കല ലോസ് ഏഞ്ചല്സില് റോഡിലിറങ്ങി കാണിച്ചു; ‘ഗഠ്ക പ്രകടനം നടത്തിയ 36-കാരനായ സിഖ് യുവാവിനെ പോലീസ് വെടിവെച്ചുകൊന്നു ; ദൃശ്യങ്ങള് പുറത്തുവിട്ടു
ലോസ് ഏഞ്ചല്സ്: വാള്പയറ്റ് വരുന്ന സിഖുകാരുടെ പരമ്പരാഗത ആയോധനകലയായ ‘ഗഠ്ക’ തെരുവില് അവതരിപ്പിച്ച സിഖുകാരനെ നടുറോഡില് അമേരിക്കന്പോലീസ് വെടിവെച്ചു കൊലപ്പെടുത്തി. 36 വയസ്സുള്ള സിഖ് യുവാവായ ഗുര്പ്രീത് സിംഗിനെയാണ് ലോസ് ഏഞ്ചല്സ് പോലീസ് വെടിവെച്ചു കൊലപ്പെടുത്തിയത്. ദൃശ്യങ്ങള് ലോസ് ഏഞ്ചല്സ് പോലീസ് ഡിപ്പാര്ട്ട്മെന്റ് പുറത്തുവിട്ടു. ലോസ് ഏഞ്ചല്സ് നഗരത്തിലെ ക്രിപ്റ്റോ ഡോട്ട് കോം അരീനയ്ക്ക് സമീപം ഇയാള് കൃപാണ് വീശിക്കൊണ്ടായിരുന്നു ‘ഗഠ്ക’ അവതരിപ്പിച്ചത്. എന്നാല് പോലീസിന്റെ നിര്ദേശങ്ങള് അനുസരിക്കാന് വിസമ്മതിച്ചതോടെയാണ് ഇയാള്ക്ക് വെടിയേറ്റത്. ഇയാള് വീശിയ കത്തി ഇന്ത്യന് ആയോധനകലയില് ഉപയോഗിക്കുന്ന ‘ഖണ്ഡ’ എന്ന ഇരുവശവും മൂര്ച്ചയുള്ള വാളാണെന്ന് തിരിച്ചറിഞ്ഞു. ഫിഗ്വേറോ സ്ട്രീറ്റും ഒളിമ്പിക് ബൊളിവാര്ഡും ചേരുന്ന തിരക്കേറിയ കവലയില് ഒരാള് വലിയ വാളുപയോഗിച്ച് വഴിയാത്രക്കാരെ ഭീഷണിപ്പെടുത്തുന്നുണ്ടെന്ന് നിരവധി കോളുകള് പോലീസിന് ലഭിച്ചതിനെത്തുടര്ന്നാണ് സംഭവം. സിംഗ് തന്റെ വാഹനം റോഡിന്റെ നടുവില് ഉപേക്ഷിക്കുകയും ഒരു ഘട്ടത്തില് സ്വന്തം നാവ് മുറിക്കാന് ശ്രമിച്ചതായും പോലീസ് പറഞ്ഞു. ആയുധം താഴെയിടാന് ഉദ്യോഗസ്ഥര് സിംഗിന് നിരവധി…
Read More » -
947 വോട്ടര്മാര് ഒരു വീട്ടില്…! ; ബീഹാറിലെ വോട്ടര്പട്ടികയില് ക്രമക്കേട് ആരോപിച്ച് രാഹുല്ഗാന്ധി വീണ്ടും ; വീട്ടുനമ്പര് സാങ്കല്പ്പികം, വീടുകള്ക്ക് യഥാര്ത്ഥ നമ്പറുകളില്ലെന്ന് തെരഞ്ഞെടുപ്പ് അധികൃതര്
ബോധ്ഗയ: ബീഹാറിലെ വോട്ടര്പട്ടികയുമായി ബന്ധപ്പെട്ട് ഗുരുതരമായ ആരോപണവുമായി രാഹുല്ഗാന്ധി വീണ്ടുമെത്തുന്നു. ബീഹാറിലെ ബോധ് ഗയയിലെ നിദാനി ഗ്രാമത്തില് ഒരു വീട്ടുനമ്പറില് 947 വോട്ടര്മാരെ ചേര്ത്തെന്നാണ് ആരോപണം. വീട്ടുനമ്പര് സാങ്കല്പ്പികമാണെന്നും വീടുകള്ക്ക് യഥാര്ത്ഥ നമ്പറുകളില്ലെന്നുമാണ് ഇതിന് പ്രാദേശിക അധികാരികളും മുഖ്യ തിരഞ്ഞെടുപ്പ് ഓഫീസും നല്കുന്ന വിശദീകരണം. ‘ഔദ്യോഗിക വോട്ടര്പട്ടികയില് – 947 വോട്ടര്മാര് ഒരു വീട്ടിലാണ് താമസിക്കുന്നത്. വീട്ടുനമ്പര് 6 യാഥാര്ത്ഥ്യമാണോ എന്ന് രാഹുല് ചോദിച്ചു. നിദാനിയില് നൂറുകണക്കിന് വീടുകളും കുടുംബങ്ങളുമുണ്ട്. ഒരു സാങ്കല്പ്പിക വീട്ടിലേക്ക് ഗ്രാമത്തെ മുഴുവന് പേരുകളും വോട്ടര്പട്ടികയില് ചേര്ത്തെന്ന് രാഹുല് ആരോപിച്ചു. ബൂത്ത് ലെവല് ഓഫീസറുടെ വീടുതോറുമുള്ള പരിശോധനയെ ചോദ്യം ചെയ്ത പാര്ട്ടി, യഥാര്ത്ഥ വീട്ടുനമ്പറുകള് എന്തുകൊണ്ടാണ് വോട്ടര്പട്ടികയില് നിന്ന് ഒഴിവാക്കിയതെന്നും ഇതില് നിന്ന് ആര്ക്കാണ് പ്രയോജനമെന്നും ചോദിച്ചു. ”ഇതൊരു സാധാരണ തെറ്റല്ല, സുതാര്യതയുടെ പേരില് നടത്തിയ ഒരു പരിഹാസമാണ്. വീട്ടുനമ്പറുകള് മായ്ച്ചുകളയുമ്പോള് വ്യാജ വോട്ടര്മാരെയും, ഇരട്ടപ്പേരുകളെയും, അദൃശ്യ വ്യക്തികളെയും മറച്ചുവെക്കാന് എളുപ്പമാകും,” കോണ്ഗ്രസ് ആരോപിച്ചു. ”ഒരു ചെറിയ…
Read More » -
വോട്ടു മോഷണം കയ്യോടെ പിടിച്ചതിനാല് പ്രധാനമന്ത്രിക്ക് ഇപ്പോള് മൊത്തത്തില് പേടി ; ബീഹാറിലെ ജനങ്ങള് മോദിയുടെ ആത്മവിശ്വാസം ഇളക്കിമറിച്ചു; പ്രതികരിക്കാന് പോലും കൂട്ടാക്കുന്നില്ലെന്ന് രാഹുല്
മോത്തിഹാരി: വോട്ടു മോഷണം പുറത്തുവന്നതോടെ പ്രധാനമന്ത്രി നരേന്ദ്ര മോദി ആകെ ഭയപ്പെട്ടിരിക്കുകയാണെന്ന് ലോക്സഭയിലെ പ്രതിപക്ഷ നേതാവ് രാഹുല് ഗാന്ധി. എന്തുകൊണ്ടാണ് പ്രധാനമന്ത്രി ഈ ആരോപണങ്ങളോട് പ്രതികരിക്കാത്തതെന്നും അദ്ദേഹം ചോദിച്ചു. ബീഹാറിലെ ജനങ്ങള് മോദിയുടെ ആത്മവിശ്വാസം ഇളക്കിമറിച്ചുവെന്നും പറഞ്ഞു. വോട്ടു മോഷണം ഭരണഘടനയ്ക്കെതിരെയുള്ള ആക്രമണമാണെന്ന് വിശേഷിപ്പിച്ച രാഹുല്, ഇത് നടക്കാന് അനുവദിക്കില്ലെന്ന് പ്രതിജ്ഞയെടുത്തു. വോട്ടു മോഷണം പിടിക്കപ്പെട്ടെന്നും ഇനി രക്ഷപ്പെടാന് കഴിയില്ലെന്നും മോദിക്ക് അറിയാവുന്നതുകൊണ്ടാണ് അദ്ദേഹം ഭയപ്പെട്ടിരിക്കുന്നതെന്നും ചമ്പാരന് ജില്ലാ ആസ്ഥാനത്ത് വെച്ച് രാഹുല്ഗാന്ധി വ്യക്തമാക്കി. ഓരോ വിഷയവും ഞാന് ആഴത്തില് പഠിക്കാറുണ്ട്. കഴിഞ്ഞ പൊതു തിരഞ്ഞെടുപ്പില് ബാംഗ്ലൂര് സെന്ട്രല് ലോക്സഭാ മണ്ഡലത്തിന്റെ ഭാഗമായ മഹാദേവപുര നിയമസഭാ മണ്ഡലത്തില് മാത്രമല്ല, മഹാരാഷ്ട്ര, ഹരിയാന, മധ്യപ്രദേശ് എന്നിവിടങ്ങളിലെ നിയമസഭാ തിരഞ്ഞെടുപ്പുകളിലും വോട്ടു മോഷണം നടന്നിട്ടുണ്ട്. ഇപ്പോള് ബീഹാറിലും ഇത് ചെയ്യാന് ശ്രമിക്കുകയാണെന്നും രാഹുല് പറഞ്ഞു. സിതാമര്ഹിയില്, വോട്ടര് പട്ടികയുടെ പ്രത്യേക തീവ്ര പുനരവലോകന സമയത്ത് 6.5 ദശലക്ഷം വോട്ടര്മാരുടെ പേരുകള് ഇല്ലാതാക്കിയതിന് ബിജെപിക്കെതിരെ രാഹുല്…
Read More » -
മറ്റൊരാളെ പ്രണയിച്ചു; പെങ്ങളെ കത്തിമുനയില് നിര്ത്തി ബലാത്സംഗം ചെയ്ത് യുവാവ്; തുടയില് ബീഡി കുത്തിയിറക്കി; ഞെട്ടിക്കുന്ന സംഭവം പുറത്തുവന്നത് പോലീസില് പരാതി നല്കിയതോടെ
ഭാവ് നഗര്: മറ്റൊരാളെ പ്രണയിച്ചതിന്റെ പേരില് സ്വന്തം സഹോദരിയെ കത്തിമുനയില് നിര്ത്തി യുവാവ് ബലാല്സംഗം ചെയ്തെന്ന് പരാതി. ഗുജറാത്തിലെ ഭാവ്നഗറിലാണ് സംഭവം. യുവതിയുടെ പരാതിയില്പൊലീസ് കേസെടുത്തു. ആറാഴ്ചയ്ക്കിടയില് രണ്ടുവട്ടമാണ് യുവാവ് തന്റെ സഹോദരിയെ ബലാല്സംഗം ചെയ്തതെന്ന് പൊലീസ് പറയുന്നു. വീട്ടില് ഭാര്യയില്ലാതിരുന്ന സമയം നോക്കിയാണ് സഹോദരിയെ ക്രൂരമായി പീഡിപ്പിച്ചത്. ജൂലൈ പതിമൂന്നിനും ഓഗസ്റ്റ് 22നുമാണ് ലൈംഗികാതിക്രമം ഉണ്ടായത്. വീട്ടില് മറ്റാരുമില്ലാതിരുന്ന സമയം നോക്കി എത്തിയ യുവാവ് കത്തി ചൂണ്ടിക്കാട്ടി സഹോദരിയെ ബലാല്സംഗം ചെയ്തു. തുടര്ന്ന് ബീഡി കത്തിച്ച് യുവതിയുടെ വലത്തേ തുടയില് പൊള്ളലേല്പ്പിക്കുകയും ചെയ്തു. മൂന്ന് വര്ഷമായി യുവതിയും ഗ്രാമത്തിലെ മറ്റൊരു യുവാവുമായി പ്രണയത്തിലാണ്. ഇക്കാര്യം പറഞ്ഞ് ഭീഷണിപ്പെടുത്തിയാണ് ആദ്യം ബലാല്സംഗം ചെയ്തത്. ഓഗസ്റ്റ് 22ന് വീണ്ടും യുവാവ് എത്തി ബലാല്സംഗം ചെയ്തു. ഇതോടെ യുവതി പൊലീസില് വിളിച്ച് വിവരം അറിയിച്ചു. വിവാഹിതനും ഒരു കുട്ടിയുടെ പിതാവുമാണ് പ്രതി. ഡ്രൈവറായാണ് ജോലി ചെയ്തുവരുന്നത്. അവിവാഹിതയായ യുവതി മാതാപിതാക്കള്ക്കൊപ്പമാണ് കഴിയുന്നത്. സംഭവത്തില് അന്വേഷണം…
Read More »