LIFE
-
കാർത്തിക നക്ഷത്രക്കാരുടെ പൊതു സ്വഭാവവും ശ്രദ്ധ പുലർത്തേണ്ട കാര്യങ്ങളും
കാർത്തിക നക്ഷത്രക്കാർ കർമ്മ കുശലരായിരിക്കും. മാത്രമല്ല കുടുംബത്തിൽ പ്രധാനിയുമായിരിക്കും ഇവർ സുന്ദരന്മാരും സത്യവാന്മാരും സദ്ഗുണ സമ്പന്നരും ആയിരിക്കും. ക്ഷിപ്ര കോപം ഉണ്ടെങ്കിലും അസാമാന്യ ബുദ്ധിസാമർത്ഥ്യത്താൽ പെട്ടെന്ന് ഇവർ തീരുമാനങ്ങളെടുക്കും. ഈശ്വരവിശ്വാസികളായ ഇവർ ഹാനികരമായ കൂട്ടുകെട്ടുകളിൽ നിന്ന് അകൽച്ച പാലിക്കും. അന്യരിൽ നിന്നുള്ള മോശം അനുഭവങ്ങൾ ഇവർ കാര്യമാക്കുകയില്ല. ജനിച്ച നാടുവിട്ട് അന്യദേശങ്ങളിൽ എത്തി അവിടെ പേരും പ്രശസ്തിയും നേടും. ദാമ്പത്യജീവിതം പൊതുവേ സംതൃപ്തമായിരിക്കുമെങ്കിലും ഭാര്യയുടെ ആരോഗ്യക്കുറവ് ചിലരുടെ ജീവിത സുഖത്തിന് ഹാനി വരുത്തും. പൊതുവേ സൽക്കാരപ്രിയരും മറ്റുള്ളവരുടെ ശ്രദ്ധ നേടാൻ പരിശ്രമിക്കുന്നവരുമാണ് കാർത്തിക നക്ഷത്രക്കാർ. ഓർമശക്തിയും സംഭാഷണ പ്രിയവുമാണ് ഈ നക്ഷത്രത്തിന്റെ സ്വഭാവമുദ്ര. ഈ നക്ഷത്രക്കാർ കല, രാഷ്ട്രീയം എന്നീ രംഗങ്ങളിൽ പ്രശസ്തി നേടും. പിതൃസ്വത്തിൽ അർഹമായ ഗുണഫലങ്ങൾ ലഭിക്കാൻ സാദ്ധ്യതയില്ല. ഏറ്റെടുക്കുന്ന ജോലി ഇഷ്ടത്തോടെ ചെയ്യും. നിർബന്ധ ബുദ്ധിക്കാരായ ഇവർ സ്വപ്രയത്നം കൊണ്ട് ഉയർച്ചയിലെത്തും. മാതൃസ്നേഹം ഇവർക്ക് കൂടുതലായി ഉണ്ട്. പിതൃഗുണം കുറവായിരിക്കും. ഭക്ഷണകാര്യത്തിൽ എരിവും പുളിയും ഏറെ ഇഷ്ടമായിരിക്കും.…
Read More » -
രക്തസമ്മർദ്ദം കുറഞ്ഞാൽ പെട്ടന്ന് ആശ്വാസമേകാൻ ഈ പാനീയങ്ങൾ കുടിക്കാം
രക്ത സമ്മർദ്ദം കൂടിയാലും സാധാരണയിലും താഴ്ന്നാലും പ്രശ്നമാണ്. രണ്ടായാലും ശരീരത്തിന് ദോഷകരമാണ്. കൃത്യമായി വൈദ്യസഹായം തേടുകയും ആവശ്യമെങ്കിൽ ഡോക്ടറുടെ നിർദേശപ്രകാരം മരുന്നുകൾ കഴിക്കുകയും വേണം. ഇന്ന് വ്യാപകമായി കാണാറുള്ള ഒരു പ്രശ്നമാണ് ലോ ബിപി (Hypotension). ക്ഷീണം, തലകറക്കം എന്നിവ ഇതിൻറെ പ്രധാന ലക്ഷണങ്ങളാണ്. പല കാരണങ്ങൾ കൊണ്ടും ലോ ബിപി ഉണ്ടാകാറുണ്ട്. നിര്ജ്ജലീകരണം മുതല് ശാരീരിക മാറ്റങ്ങള് വരെ രക്തസമ്മര്ദ്ദം കുറയാന് കാരണമാകാറുണ്ട്. ഇത് ശ്രദ്ധിച്ചില്ലെങ്കില് മരണം വരെ സംഭവിക്കാന് സാധ്യതയുണ്ട്. ബിപി പെട്ടെന്ന് കുറഞ്ഞ് പോയാൽ കഴിക്കാവുന്ന ചില പാനീയങ്ങളെ കുറിച്ചാണ് വിശദമാക്കുന്നത്. പല ആയുര്വേദ ഗുണങ്ങളും അടങ്ങിയതാണ് തുളസി. ഇത് പല ആരോഗ്യ പ്രശ്നങ്ങള്ക്കും പരിഹാരം നല്കുന്നു. രക്തസമ്മര്ദ്ദം ഉയര്ത്താന് തുളസി വളരെയധികം സഹായിക്കും. രക്തസമ്മര്ദ്ദം കുറയുമ്പോള് തുളസിയിട്ട ചായ കുടിക്കുന്നത് ഗുണം ചെയ്യും. അര ടീസ്പൂണ് കല്ല് ഉപ്പ് (2.4 ഗ്രാം) ഒരു ഗ്ലാസ് വെള്ളത്തില് ഇട്ട് കുടിക്കുന്നത് താഴ്ന്ന രക്തസമ്മര്ദ്ദം സാധാരണ നിലയിലാക്കാന് സഹായിക്കും.…
Read More » -
‘ആട് ജീവിതം’ ആദായകരമാക്കാം; വളർത്താം അജഗണത്തിലെ വമ്പൻ ബീറ്റൽ
പാലിനു വേണ്ടി പശുവിന് ഒപ്പം തന്നെ പ്രാധാന്യത്തോടെ ആടിനെയും വളർത്തുന്നവരാണ് മലയാളികൾ. നാടൻ ഇനങ്ങളിൽ പെട്ട ആടുകളെ ആയിരുന്നു കൂടുതലും വളർത്തിയിരുന്നതെങ്കിലും രാജ്യത്തിന്റെ വിവിധ മേഖലകളിൽ ഉള്ള ആടുകളെയും വിദേശ ഇനങ്ങളിൽ പെട്ട ആടുകളെയും നമ്മുടെ നാട്ടിൽ ധാരാളമായി വളർത്തുന്നുണ്ട്. അത്തരത്തിൽ മികച്ച വരുമാനം നൽകുന്ന ഇനം ആടുകളാണ് ബീറ്റൽ. ഉയര്ന്ന പാല് ഉല്പാദനത്തിനും മാംസോല്പാദനമികവിനും പ്രത്യുല്പാദനക്ഷമതക്കുമെല്ലാം ഒരുപോലെ പേരുകേട്ടവയാണ് ബീറ്റല് ആടുകള്. പഞ്ചാബിലെ ഗുര്ദാസ്പൂര്, അമൃത്സര് എന്നീ രണ്ട് ജില്ലകളാണ് ബീറ്റല് ആടുകളുടെ വംശഭൂമിക. ഗുര്ദാസ്പൂരിലെ ബട്ടാല എന്ന നഗരത്തിന്റെ പേരില് നിന്നാണ് ഈ ആടുകള്ക്ക് ബീറ്റല് എന്ന പേരു ലഭിച്ചത്. ആകാരത്തിന്റെയും ശരീരതൂക്കത്തിന്റെയും പാലുല്പാദനത്തിന്റെയും കാര്യത്തില് ജമുനാപാരി ആടുകള്ക്ക് പിന്നിലാണെങ്കിലും പ്രത്യുല്പാദനക്ഷമതയിലും വൈവിധ്യമാര്ന്ന കാലാവസ്ഥകളോടുള്ള ഇണക്കത്തിലും ജമുനാപാരിയേക്കാള് മികവ് ബീറ്റല് ആടുകള്ക്കാണ്. എണ്ണക്കറുപ്പിന്റെ അഴക് എണ്ണക്കറുപ്പിന്റെ ഏഴഴകാണ് പഞ്ചാബി ബീറ്റല് ആടുകളുടെ മേനിക്കുള്ളത്. തിളക്കമുള്ള തവിട്ടുകലര്ന്ന കറുപ്പ് നിറത്തിലും തവിട്ടിലും കറുപ്പിലും പടര്ന്ന വെളുത്ത പാടുകളോടെയും ബീറ്റല് ആടുകളെ…
Read More » -
പച്ചമുളക് ചെടിയുടെ ഇല ചുരുണ്ട് നശിക്കുന്നോ? പേടിക്കേണ്ട പരിഹാരമാർഗ്ഗങ്ങളുണ്ട്
ദൈനംദിന ജീവിതത്തിൽ ഏറ്റവും പച്ചക്കറി ഒന്നാണ് പച്ചമുളക്. മിക്ക വീടുകളിലും പച്ചക്കറി കൃഷിക്കൊപ്പം പച്ചമുളക് കാന്താരി മുളകും കൃഷി ചെയ്യാറുണ്ട്. മറ്റു പച്ചക്കറികളിലെ എന്നപോലെ കീടങ്ങളുടെ ആക്രമണം മുളക് ചെടിയിലും രൂക്ഷമാണ്. മുളകിന്റെ ഇലകള് ചുരുണ്ട് നശിക്കുന്നതും ചെടിയുടെ വളര്ച്ച മുരടിക്കുന്നതും പ്രധാന പ്രശ്നമാണ്. ഇവയ്ക്ക് ജൈവ രീതിയിലുള്ള ചില പരിഹാരമാര്ഗങ്ങള് പരിശോധിക്കാം. 1. വെര്ട്ടിസീലിയം ലായനി ഇലയുടെ അടിഭാഗത്തായി തളിക്കുക. 20 ഗ്രാം വെര്ട്ടിസീലിയം ഒരു ലിറ്റര് വെള്ളത്തിലെന്ന തോതില് കലക്കി മുളക് ചെടിയുടെ ഇലകളുടെ താഴ്ഭാഗത്തായി തളിക്കുക. 2. മോരും സോപ്പുവെള്ളവുമാണ് മറ്റൊരു പ്രതിവിധി. ഒരു ലിറ്റര് പുളിച്ച മോരും ഒരു ലിറ്റര് സോപ്പുവെള്ളവും ചേര്ത്ത് തളിക്കുന്നതും ഫലം ചെയ്യും. 3. കിരിയാത്ത് ഇലയും നല്ലൊരു കീടനാശിനിയാണ്. കിരിയാത്തിന്റെ ഇല ചതച്ചു പിഴിഞ്ഞ് നീരെടുക്കുക. ഇതില് കുറച്ച് സോപ്പുവെള്ളം ചേര്ത്ത് മുളക് ചെടികള്ക്ക് സ്േ്രപ ചെയ്തു നല്കാം. 4. ഗോമൂത്രം നേര്പ്പിച്ചു തളിക്കുന്നതും നല്ലതാണ്. നാടന് പശുവിന്റെ മൂത്രമാണെങ്കില്…
Read More » -
വിനോദസഞ്ചാരമേഖലയിൽ പുതിയ ദൗത്യം; ഉത്തരവാദിത്ത ടൂറിസം മിഷന് ഇനി മുതല് സൊസൈറ്റി, നിയമാവലിക്ക് അംഗീകാരം
തിരുവനന്തപുരം: സംസ്ഥാന ടൂറിസം വകുപ്പിന്റെ കീഴിലുള്ള ഉത്തരവാദിത്ത ടൂറിസം മിഷനെ സൊസൈറ്റി രൂപത്തിലേക്ക് മാറ്റാന് മന്ത്രിസഭായോഗം തീരുമാനിച്ചു. ഇതിനുള്ള കരട് മെമ്മോറാണ്ടം ഓഫ് അസോസിയേഷനും റൂള്സ് ആന്ഡ് റെഗുലേഷന്സും മന്ത്രിസഭ അംഗീകരിച്ചു. ഉത്തരവാദിത്ത ടൂറിസം മിഷനെ പ്രാദേശിക ജനവിഭാഗങ്ങള്ക്ക് ടൂറിസം മേഖലയില് വിവിധ സംരംഭങ്ങള് ആരംഭിക്കുന്നതിന് പരിശീലനം, മാര്ക്കറ്റിംഗ്, മറ്റ് പിന്തുണാ സംവിധാനങ്ങള് തുടങ്ങിയവ ഉറപ്പുനല്കുന്ന സര്ക്കാര് ഉടമസ്ഥതയിലുള്ള ആദ്യ സൊസൈറ്റിയായി മാറ്റുന്നതിനായാണ് ഈ തീരുമാനം. ടൂറിസം മന്ത്രി ചെയര്മാനും ടൂറിസം സെക്രട്ടറി വൈസ് ചെയര്മാനും നിലവിലെ സംസ്ഥാന ഉത്തരവാദിത്ത മിഷന് കോര്ഡിനേറ്റര് സി.ഇ.ഒയുമായി പ്രവര്ത്തിക്കുന്ന രൂപത്തിലായിരിക്കും സൊസൈറ്റിയുടെ ഘടന. സൊസൈറ്റിയാകുന്നതോടെ തദ്ദേശ സ്വയംഭരണ സ്ഥാപനങ്ങളില്നിന്നും മറ്റ് ഏജന്സികളില് നിന്നും ഫണ്ട് കൈപ്പറ്റാന് ഉത്തരവാദിത്ത ടൂറിസത്തിന് തടസ്സമുണ്ടാകില്ല. യു.എന്.ഡി.പി നല്കിവരുന്ന കോ- ഫണ്ടിംഗ് രീതി സൊസൈറ്റി അല്ലാത്തതിനാല് അവസാനിപ്പിച്ചിരുന്നു. ഇതിനും മാറ്റം വരും. സ്വതന്ത്ര സ്വഭാവത്തില് പ്രവര്ത്തിക്കാന് കഴിയുന്നതിലൂടെ ഭാവിയില് പദ്ധതിവിഹിത വിനിയോഗം കുറച്ചു കൊണ്ടുവരാനും സാധിക്കും. 2017 ല് മിഷന്…
Read More » -
രുചിയിലും ആരോഗ്യ കാര്യങ്ങളിലും ബിരിയാണി ഒന്നാം സ്ഥാനത്ത്, അറിയുക ബിരിയാണിയിൽ അടങ്ങിയിട്ടുള്ള സവിശേഷ ഗുണങ്ങൾ
ചിക്കൻ അധിഷ്ഠിത വിഭവങ്ങളാണ് അല്ഫാം, ഷവര്മ, കുഴിമന്തി, ബാര്ബിക്യൂ, ഷവായി, ഗ്രില്ഡ് ചിക്കന്, ബിരിയാണി എന്നിവ. പല രീതിയിലും ഇവയൊക്കെ ആരോഗ്യത്തിന് ഹാനികരമെന്നാണ് വ്യാപക പ്രചരണം. പക്ഷേ ബിരിയാണിക്ക് ആരോഗ്യഗുണങ്ങള് ഏറെയുണ്ടെന്നാണ് പുതിയ പഠനങ്ങൾ പറയുന്നത്. ആഫ്രിക്കന് ജേണല് ഓഫ് ഫുഡ് സയന്സ് ആന്ഡ് ടെക്നോളജി പ്രസിദ്ധീകരിച്ച പഠനത്തിൽ ഇക്കാര്യങ്ങൾ അക്കമിട്ടു പറയുന്നു. ലോകത്തില് തന്നെ പ്രശസ്തിയാര്ജ്ജിച്ച ഹൈദരാബാദ് ബിരിയാണിയാണ് പഠനത്തിനായി ഉപയോഗിച്ചത്. ഇതില് നിന്ന് ലഭിക്കുന്ന ഗുണങ്ങളെക്കുറിച്ചാണ് പഠനം വിശദീകരിക്കുന്നത്. മഞ്ഞള്, ജീരകം, കുരുമുളക്, ഇഞ്ചി, വെളുത്തുള്ളി, കുങ്കുമപ്പൂവ് തുടങ്ങി നിരവധി സുഗന്ധവ്യഞ്ജനങ്ങള് ബിരിയാണിയിലുണ്ട്. ഇവ ഓരോന്നും ആന്റിഓക്സിഡന്റുകളാല് നിറഞ്ഞതാണ്. ഇത് നമ്മുടെ ആന്തരിക അവയവങ്ങള്ക്ക് ഗുണകരമാണ്. ബിരിയാണിയുടെ ചേരുവകളായ മഞ്ഞളും കുരുമുളകും ദഹനത്തെ പ്രോത്സാഹിപ്പിക്കുകയും ശരീരഭാരം കൂടുന്നത് തടയുകയും ചെയ്യുന്നു. ഇഞ്ചിയും ജീരകവും ശരീരത്തിലെ വിഷാംശം ഇല്ലാതാക്കുന്ന പ്രകൃതിദത്ത ആന്റിഓക്സിഡന്റുകളായി പ്രവര്ത്തിക്കുകയും ദഹന എന്സൈമുകളുടെ പ്രവര്ത്തനങ്ങളെ വേഗത്തിലാക്കുകയും ചെയ്യും. ജീരകം, കുര്ക്കുമിന് എന്നിവയില് ആന്റി ബാക്ടീരിയല്, ആന്റി ഇന്ഫ്ലമേറ്ററി,…
Read More » -
പഴനി തീർത്ഥാടകരുടെ ശ്രദ്ധക്ക്… കുംഭാഭിഷേകം നടക്കുന്നതിനാൽ ഈ മാസം 23 മുതൽ 27 വരെ ദർശനത്തിനു നിയന്ത്രണം
പൊള്ളാച്ചി: കുംഭാഭിഷേകം നടക്കുന്നതിനാൽ പഴനി ക്ഷേത്രത്തിൽ ഈ മാസം 23 മുതൽ 27 വരെ ദർശനത്തിനു നിയന്ത്രണം. ജനുവരി 27നു കുംഭാഭിഷേകം നടക്കാനിരിക്കെയാണ് 23-27വരെ ദർശനം നടത്താൻ കഴിയില്ലെന്ന് ക്ഷേത്ര ഭാരവാഹികൾ അറിയിച്ചത്. കുംഭാഭിഷേകത്തോടനുബന്ധിച്ച് മുരുക ഭഗവാന്റെ നവപാഷാണ വിഗ്രഹം ശുദ്ധികലശം ചെയ്യുന്നതിനാലാണു ദർശനം അനുവദിക്കാത്തത്. ഈ ദിവസങ്ങളിൽ ആവാഹനം നടത്തിയ വിഗ്രഹം ദർശിക്കാമെന്നും അറിയിച്ചു. 27നു നടക്കുന്ന കുംഭാഭിഷേകത്തിൽ ആറായിരം ഭക്തർക്കേ പ്രവേശനമുള്ളു. ഓൺലൈൻ വഴി അപേക്ഷ നൽകിയവരിൽ നറുക്കെടുപ്പിലൂടെ തെരഞ്ഞെടുക്കുന്ന 3000ഭക്തർക്കേ കുംഭാഭിഷേകത്തിൽ പങ്കെടുക്കാനാകൂ. ആഘോഷത്തിന് മുന്നോടിയായി ചേർന്ന ആലോചനായോഗത്തിലാണ് തീരുമാനം. ഫെബ്രുവരി നാലിന് തൈപ്പൂയ്യ ഉത്സവവും നടക്കും. ചടങ്ങ് നടക്കുന്ന ദിവസം ബലൂണിൽ ഘടിപ്പിച്ച ക്യാമറമുഖേന പോലീസ് നിരീക്ഷണം നടത്തും. കുംഭാഭിഷേകത്തിന്റെ ഭാഗമായി പഴനിമല ക്ഷേത്രത്തിൽ നടക്കുന്ന അന്നദാനം, ജനുവരി 23 മുതൽ പഴനി അടിവാരം വടക്കു ഗിരിവീഥിയിലെ കുടമുഴക്ക് നിനവരങ്ങിൽ നടക്കും. ഭക്തരുടെ സൗകര്യത്തിനായി മലയടിവാരം മുതൽ ബസ് സ്റ്റാൻഡ് വരെ എൽ.ഇ.ഡി. ടി.വി.കൾ (സ്ക്രീനുകൾ)…
Read More » -
സൂക്ഷിച്ചാൽ ദുഃഖിക്കണ്ട…! കേരളത്തിൽ 30 പിന്നിട്ട 25 ശതമാനം ആളുകൾക്കും ജീവിതശൈലീരോഗങ്ങൾ
സംസ്ഥാനത്ത് 30 വയസിന് മുകളിലുള്ള 25 ശതമാനം പേരും ജീവിതശൈലീ രോഗങ്ങൾ ബാധിച്ചവർ എന്ന് പഠനറിപ്പോർട്ട്. അഞ്ചിൽ ഒരാൾക്ക് രോഗം വരാനുള്ള സാധ്യതയുമുണ്ട്. തെറ്റായ ജീവിത ശൈലികളുടെ ഫലമായി ഉണ്ടാവുന്ന രോഗങ്ങളാണ് ഇവ.. ഇതിൽ പലതും മാരക രോഗങ്ങളാണ്. ആരോഗ്യവകുപ്പ് നടത്തിയ ജീവിതശൈലീ രോഗനിര്ണയപരിശോധന 46.25 ലക്ഷം ആളുകളില് പൂർത്തിയാക്കിയപ്പോഴാണ് അമ്പരപ്പിക്കുന്ന ഈ വിവരങ്ങൾ പുറത്ത് വന്നത്. സംസ്ഥാനത്ത് 1.69 കോടി ജനങ്ങളാണ് 30 വയസ്സ് കഴിഞ്ഞവർ. 140 പഞ്ചായത്തുകളിൽ പ്രാഥമിക പഠനമായി ആരംഭിച്ച പദ്ധതി ഇപ്പോൾ 540 പഞ്ചായത്തുകളിലേക്ക് വ്യാപിപ്പിച്ചു. സർവേയിൽ പങ്കെടുത്തവരിൽ 26 ശതമാനം പേർക്ക് അമിത ബിപി, പ്രമേഹം എന്നീ രോഗങ്ങൾ ഉണ്ടെന്ന് കണ്ടെത്തുകയോ ചികിത്സിക്കുകയോ ചെയ്യുന്നു. ജീവിത ശൈലീരോഗങ്ങൾ പലപ്പോഴും ചെറുപ്പത്തിൽ തന്നെ ബാധിക്കുന്നു. പ്രമേഹം, കൊളസ്ട്രോൾ, രക്തസമ്മർദം, അമിതഭാരം, കാൻസർ, ഹൃദ്രോഗം, പക്ഷാഘാതം, വൃക്കരോഗം, അൽഷിമേഴ്സ്, പിസിഓഡി, സിഓപിഡി, കരൾ രോഗങ്ങൾ, വിഷാദരോഗം തുടങ്ങിയവയാണിത്. ചിലപ്പോൾ വന്ധ്യത മുതൽ ഉദ്ധാരണക്കുറവ് പോലെയുള്ള ലൈംഗിക ശേഷിക്കുറവ്…
Read More » -
വെണ്ടയ്ക്ക ഇട്ടുവെച്ച വെള്ളം പതിവായി കുടിക്കൂ, അത്ഭുതം അനുഭവിച്ചറിയൂ
ആഹാരമാണ് ഔഷധം എന്നത് പരമമായ സത്യമാണ്. പച്ചക്കറികളും കലർപ്പില്ലാത്ത കറിക്കൂട്ടുകളുമൊക്കെ മാരകമായ പല രോഗങ്ങളെയും പ്രതിരോധിക്കുന്നു. വെണ്ടയ്ക്കയുടെ നിരവധി ഗുണങ്ങളെക്കുറിച്ചുള്ള ഗവേഷണ ഫലങ്ങൾ അടുത്ത സമയത്താണ് പുറത്തു വന്നത്. വണ്ണം കുറയ്ക്കാനും പ്രമേഹം തടയാനും കരളിനെ സംരക്ഷിക്കാനുമൊക്കെയുള്ള അത്ഭുത സിദ്ധിയുണ്ട് വെണ്ടയ്ക്ക്. വെണ്ടയ്ക്ക ഇട്ടുവെച്ച വെള്ളം പതിവായി കുടിക്കുന്നത് ആരോഗ്യത്തിന് ഏറെ ഗുണം ചെയ്യും. നാലോ അഞ്ചോ ചെറിയ വെണ്ടയ്ക്ക കീറി രണ്ടു ഗ്ളാസ് വെള്ളത്തില് രാത്രി മുഴുവന് കുതിര്ത്ത് വെക്കുകയാണ് വേണ്ടത്. ശേഷം രാവിലെ ഈ വെണ്ടയ്ക്ക നന്നായി ഞരടി ഇതിലെ കൊഴുപ്പ് വെള്ളത്തിലേക്ക് പകര്ത്തിയെടുത്ത് ഈ വെള്ളമാണ് കുടിക്കേണ്ടത്. ഇത് പതിവായി കുടിക്കുന്നത് കൊണ്ട് ധാരാളം ഗുണങ്ങളുണ്ട്. വണ്ണം കുറയ്ക്കാന് ശ്രമിക്കുന്നവര്ക്ക് അവരുടെ ഡയറ്റില് ഉള്പ്പെടുത്താവുന്ന മികച്ച ഒരു പാനീയമാണിത്. ഇതില് അടങ്ങിയിരിക്കുന്ന വിറ്റാമിന് ബി, സി, ഫോളിക് ആസിഡ്, ഫൈബര് എന്നിവയെ വിശപ്പിനെ അടക്കാനും, ദഹനം മെച്ചപ്പെടുത്താനുമെല്ലാം സഹായിക്കുന്നു. ഇതിലൂടെയാണ് വണ്ണം കുറയ്ക്കാനുള്ള ശ്രമങ്ങളെ ഈ പാനീയം…
Read More » -
കുമരകവും മൺട്രോതുരുത്തും വൈക്കവും ലോകത്ത് നിര്ബന്ധമായും കണ്ടിരിക്കേണ്ട സ്ഥലങ്ങൾ, ന്യൂയോര്ക്ക് ടൈംസ് പട്ടികയില് ഇടം പിടിച്ച് കേരളവും
ന്യൂയോര്ക്ക് ടൈംസ് പുറത്തിറക്കിയ ലോകത്ത് നിര്ബന്ധമായും കണ്ടിരിക്കേണ്ട സ്ഥലങ്ങളുടെ പട്ടികയിൽ ഇടം പിടിച്ച് കേരളവും. 2023ല് കണ്ടിരിക്കേണ്ട 52 ടൂറിസം കേന്ദ്രങ്ങളുടെ പട്ടികയിലാണ് കേരളവും ഉള്പ്പെട്ടിരിക്കുന്നത്. ഇന്ത്യയില് നിന്ന് കേരളം മാത്രമാണ് പട്ടികയില് ഉള്ളത്. ന്യൂയോര്ക്ക് ടൈംസിന്റെ ടൂറിസം കേന്ദ്രങ്ങളുടെ പട്ടികയാണ് പുറത്തുവന്നിരിക്കുന്നത്. കുമരകം, മൺട്രോതുരുത്ത്, വൈക്കം എന്നീ ടൂറിസം കേന്ദ്രങ്ങളെ കുറിച്ച് പ്രത്യേക പരാമര്ശവുമുണ്ട്. അനുഭവേദ്യ ടൂറിസവും കേരളത്തിലെ ഉത്സവങ്ങളും ആഘോഷങ്ങളും മികവുറ്റതെന്നും വിലയിരുത്തലുണ്ട്. കേരളത്തിന്റെ ഉത്തരവാദിത്ത ടൂറിസം മിഷന് പ്രവര്ത്തനങ്ങള്ക്കും അംഗീകാരം ലഭിച്ചു. കൊവിഡാനന്തര ടൂറിസത്തിന് അന്താരാഷ്ട്രാ തലത്തിലുള്ള അംഗീകാരമാണ് ന്യൂയോര്ക്ക് ടൈംസിന്റെ തെരഞ്ഞെടുപ്പെന്ന് ടൂറിസം മന്ത്രി പി എ മുഹമ്മദ് റിയാസ് പറഞ്ഞു. അതിമനോഹരമായ കടല്ത്തീരങ്ങളാലും കായലുകളാലും രുചികരമായ ഭക്ഷണങ്ങളാലും സാംസ്കാരിക തനിമയാലും പ്രശസ്തമാണ് കേരളമെന്ന് ന്യൂയോര്ക്ക് ടൈംസ് റിപ്പോര്ട്ട് പറയുന്നു. ഇത് അഭിമാനകരമായ നേട്ടമാണെന്നും കേരള സര്ക്കാരിന്റെ ജനകീയ ടൂറിസം നയത്തിന് ജനങ്ങള് നല്കി വരുന്ന പിന്തുണ തുടര്ന്നും പ്രതീക്ഷിക്കുന്നുവെന്നും മന്ത്രി മുഹമ്മദ് റിയാസ്…
Read More »