LIFE
-
ഡോളറിനെതിരേ റെക്കോഡ് തകര്ച്ചയില് രൂപ; ഇടപെടാതെ റിസര്വ് ബാങ്ക്; 90 മറികടക്കുന്നത് ചരിത്രത്തില് ആദ്യം; ഈ വര്ഷം 5.30 ശതമാനം ഇടിവ്; ഏഷ്യയില് ഏറ്റവും മോശം പ്രകടനം കാഴ്ചവയ്ക്കുന്ന കറന്സിയായി; വ്യാപാര കമ്മിയും പ്രതിസന്ധി രൂക്ഷമാക്കുന്നു
ന്യൂഡല്ഹി: ഡോളറുമായുള്ള വിനിമയത്തില് ഇന്ത്യന് രൂപയ്ക്ക് ചരിത്രത്തിലെ ഏറ്റവും വലിയ തകര്ച്ച. തുടര്ച്ചയായ ആറാം ദിവസവും ഇടിവ് രേഖപ്പെടുത്തിയ രൂപയുടെ മൂല്യം ഒരു ഡോളറിന് 90.21 എന്ന റെക്കോര്ഡില് വ്യാപാരം അവസാനിപ്പിച്ചു. ഇതാദ്യമായാണ് ഡോളറിനതിരെ 90 രൂപയെന്ന നിര്ണായക നില മറികടന്നത്. റിസര്വ് ബാങ്കിന്റെ കാര്യമായ ഇടപെടല് ഇല്ലാത്തതും തകര്ച്ചയ്ക്ക് ആക്കം കൂട്ടി. ഈ വര്ഷം ഇതുവരെ 5.3% ഇടിവ് നേരിട്ട രൂപ, ഏഷ്യയിലെ ഏറ്റവും മോശം പ്രകടനം കാഴ്ചവയ്ക്കുന്ന കറന്സിയായി മാറി. വര്ധിച്ചുവരുന്ന വ്യാപാരക്കമ്മിയും പ്രതിസന്ധി രൂക്ഷമാക്കി. അമേരിക്കയുമായുള്ള വ്യാപാരക്കരാറില് തീരുമാനമാകാത്തതും സ്ഥിതി വഷളാക്കുന്നു ഡോളറിനെതിരേ രൂപയുടെ മൂല്യം തുടര്ച്ചയായി ഇടിയുന്നത് വിദേശ വിദ്യാഭ്യാസത്തിനും ഇറക്കുമതിക്കും വിദേശയാത്രകള് നടത്തുന്നവര്ക്കും തിരിച്ചടിയാകും. യു.എസ്. ഉള്പ്പെടെയുള്ള രാജ്യങ്ങളിലെ സര്വകലാശാലകളില് ഡോളറില് ഫീസടയ്ക്കുന്നവര്ക്കാണ് വലിയ പ്രതിസന്ധിയുണ്ടാവുക. അതേസമയം, നാട്ടിലേക്കു പണമയക്കുന്ന വിദേശ ഇന്ത്യക്കാര്ക്ക് രൂപയുടെ വിലയിടിയുന്നത് നേട്ടമാണ്. ഡോളറിനെതിരേ രൂപയുടെ മൂല്യം കുറയുന്നത് വിദേശ പഠനത്തിനു പോകുന്നവര്ക്ക് ട്യൂഷന് ഫീസിനത്തിലും ജീവിതച്ചെലവിനത്തിലും കൂടുതല് പണം…
Read More » -
രാഹുലിന്റെ മുന്കൂര് ജാമ്യാപേക്ഷയില് വിധി നാളെ; വാദം കേള്ക്കല് തുടരും; രാഹുലിന്റെ അറസ്്റ്റിന് വിലക്കില്ല; ഡിജിറ്റല് തെളിവുകള് വിശദമായി പരിശോധിക്കും
രാഹുലിന്റെ മുന്കൂര് ജാമ്യാപേക്ഷയില് വിധി നാളെ; വാദം കേള്ക്കല് തുടരും; രാഹുലിന്റെ അറസ്്റ്റിന് വിലക്കില്ല; ഡിജിറ്റല് തെളിവുകള് വിശദമായി പരിശോധിക്കും തിരുവനന്തപുരം : ബലാത്സംഗക്കേസില് പാലക്കാട് എംഎല്എ രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷയില് കോടതി നാളെ വിധി പറയും. തിരുവനന്തപുരം സെഷന്സ് കോടതിയാണ് വിധി പറയുക. വാദം കേള്ക്കല് നാളെയും തുടരും. ഡിജിറ്റല് തെളിവുകള് വിശദമായി പരിശോധിക്കും. അതേസമയം രാഹുലിന്റെ അറസ്റ്റിന് കോടതിയുടെ വിലക്കില്ല. അടച്ചിട്ട കോടതിമുറിയിലായിരുന്നു വാദം. അടച്ചിട്ട മുറിയില് വാദം കേള്ക്കണമെന്നാണ് പ്രോസിക്യൂഷനും രാഹുല് മാങ്കൂട്ടത്തിലും ആവശ്യപ്പെട്ടിരുന്നത്. ഇതിന്റെ അടിസ്ഥാനത്തിലാണ് കോടതി അടച്ചിട്ട മുറിയില് വാദം കേള്ക്കാന് അനുവദിച്ചത്. മറ്റു കേസുകള് പരിഗണിച്ചശേഷം 11.30ഓടെയാണ് രാഹുല് മാങ്കൂട്ടത്തിലിന്റെ മുന്കൂര് ജാമ്യ ഹര്ജിയില് നടപടികളാരംഭിച്ചത്. നേരത്തെ അവസാനമായിരിക്കും കേസ് പരിഗണിക്കുകയെന്നാണ് അറിയിച്ചിരുന്നതെങ്കിലും മറ്റു കേസുകള് പരിഗണിച്ച് മാറ്റിവെച്ചശേഷം രാഹുലിന്റെ മുന്കൂര് ജാമ്യ ഹര്ജി പരിഗണിക്കുകയായിരുന്നു. കേസിന്റെ വിചാരണയുമായി ബന്ധപ്പെട്ട വിശദാംശങ്ങള് പുറത്തെത്തിയാല് അത് ഏത് വിധത്തില് പ്രചരിപ്പിക്കപ്പെടുമെന്ന് പറയാനാകില്ലെന്നായിരുന്നു പ്രോസിക്യൂഷന്റേയും…
Read More » -
എന്.വാസു ജയിലില് തുടരട്ടെ; ശബരിമല സ്വര്ണക്കൊള്ള; എന് വാസുവിന് ജാമ്യമില്ല
കൊല്ലം; ശബരിമല സ്വര്ണക്കൊള്ള കേസില് ദേവസ്വം മുന് കമ്മീഷണറും പ്രസിഡന്റുമായ എന്.വാസു ജയിലില് തുടരും. വാസുവിന്റെ ജാമ്യാപേക്ഷ കോടതി തള്ളി. കൊല്ലം വിജിലന്സ് കോടതിയുടേതാണ് ഉത്തരവ്. പരാതിയ്ക്ക് ജാമ്യം നല്കിയാല് അത് കേസിന്റെ നിലനില്പ്പിനെ തന്നെ ബാധിക്കുമെന്ന് കണക്കിലെടുത്താണ് ഉത്തരവ്. കേസ് പരിഗണിച്ച ഉടന് തന്നെ ജാമ്യം നല്കാനാകില്ല. ശബരിമല സ്വര്ണപ്പാളി കേസില് എന്. വാസു മൂന്നാം പ്രതിയാണ്. 2019ല് ദേവസ്വം കമ്മീഷണറായിരുന്ന വാസുവിന്റെ ശുപാര്ശയിലാണ് കട്ടിളപ്പാളിയിലെ സ്വര്ണം ചെമ്പെന്ന് രേഖപ്പെടുത്തിയതെന്നാണ് എസ്ഐടിയുടെ കണ്ടെത്തല്. എന്നാല്, വാസു വിരമിച്ചതിനുശേഷമാണ് പാളികള് ഉണ്ണികൃഷ്ണന് പോറ്റിക്ക് കൈമാറിയതെന്ന് പ്രതിഭാഗം കോടതിയില് വാദിച്ചിരുന്നു. സമൂഹത്തില് സ്വാധീനമുള്ള പ്രതികള്ക്ക് ജാമ്യം നല്കിയാല് അത് കൂടുതല് സഹായകരമാകും എന്നായിരുന്നു പ്രോസിക്യുഷന്റെ വാദം. മുരാരി ബാബു നല്കിയ കത്ത് ഉചിതമായ തീരുമാനമെടുക്കുന്നതിന് ബോര്ഡിന് കൈമാറുക മാത്രമാണ് ചെയ്തത്. അതിനെ ശിപാര്ശയെന്ന് പറയാനാകില്ലെന്നാണ് എന് വാസുവിന്റെ വാദം. പ്രായവും ആരോഗ്യസ്ഥിതിയും പരിഗണിച്ചും ജാമ്യം അനുവദിക്കണമെന്ന് പ്രതിഭാഗം ആവശ്യപ്പെട്ടിരുന്നു.
Read More » -
ഇനി കേരളരാഷ്ട്രീയം രാഹുല് മാങ്കൂട്ടത്തില് മുക്തം; കോണ്ഗ്രസ് പുറത്താക്കല് ഉടന്; ഇനിയൊരു രാഷ്ട്രീയ പാര്ട്ടിയും രാഹുലിനെ എടുക്കില്ല
പാലക്കാട്: കേരള രാഷ്ട്രീയം ഇനി രാഹുല് മാങ്കൂട്ടത്തില് മുക്തം. രാഹുലിന്റെ രാഷ്ട്രീയഭാവിയ്ക്കാണ് പീഡനക്കേസോടെ തിരശീല വീണിരിക്കുന്നത്. കേരളത്തില് ഒരു രാഷ്ട്രീയ പാര്ട്ടിയും കോണ്ഗ്രസ് തറവാട്ടില് നിന്നിറക്കി വിട്ട രാഹുലിനെ കൂടെ ചേര്ക്കില്ലെന്നുറപ്പാണ്. അതുകൊണ്ടുതന്നെ ഇനി രാഷ്ട്രീയമെന്നത് രാഹുലിന് സ്വപ്നം മാത്രമാകും. കോണ്ഗ്രസ് പുറത്താക്കുമെന്ന് ഉറപ്പായിട്ടുണ്ട്. കൂടെ നിന്നവര് പോലും ഇന്ന് രാഹുലിനെതിരെ പരോക്ഷമായിട്ടെങ്കിലും സംസാരിച്ചത് അതിന്റെ തെളിവാണ്. രാഹുലിന്റെ ഏറ്റവുമടുത്ത കൂട്ടുകാരനായ ഷാഫി പറമ്പില് എംപിക്ക് പോലും ഇന്ന് രാഹുലിനെ പിന്തുണച്ചൊരു വാക്ക് മിണ്ടാനായില്ല. സതീശനും മുരളിയുമൊക്കെ പതിവിലും ഉശിരോടെ രാഹുലിനെതിരെ ആഞ്ഞടിക്കുകയും ചെയ്തു. ഇതോടെ രാഹുല് കോണ്ഗ്രസില് നിന്ന് ഔട്ട് എന്ന് ഉറപ്പായി. രാഹുലിന്റെ മുന്കൂര് ജാമ്യാപേക്ഷയില് കോടതി തീരുമാനം വന്നശേഷമായിരിക്കും രാഹുലിനെതിരെയുള്ള നടപടിയുണ്ടാകുകയെന്നാണ് വിവരം. രാഹുലിനെ പുറത്താക്കണമെന്നാവശ്യപ്പെട്ട് നേതാക്കളായ കെ മുരളീധരന്, അജയ് തറയില്, വനിതാ നേതാക്കളായ ജെബി മേത്തര്, ഷാനിമോള് ഉസ്മാന്, ബിന്ദു കൃഷ്ണണ, അഡ്വഇഇ. ദീപ്തി മേരി വര്ഗീസ് തുടങ്ങിയവരടക്കം രാഹുലിനെതിരെ കടുത്ത നടപടിവേണമെന്ന്…
Read More » -
പിടിച്ചുനില്ക്കാനാകില്ല രാഹുലിന്; അടിതെറ്റിച്ചത് പോലീസ് റിപ്പോര്ട്ട്; അക്കമിട്ട് തെളിവുകളും പരാമര്ശങ്ങളും നിരത്തി അന്വേഷണസംഘം
പാലക്കാട്; രാഹുലിന് പിടിച്ചുനില്ക്കാന് കഴിയാതെ പോയത് പോലീസ് റിപ്പോര്ട്ട് കാരണമാണ്. ഒരുതരത്തിലും രാഹുല് മാങ്കൂട്ടത്തിലിന് സഹായമാകുന്നതായിരുന്നില്ല പോലീസ് അക്കമിട്ടു നിരത്തിയ പരാമര്ശങ്ങള്. പോലീസ് റിപ്പോര്ട്ടിലെ പല കാര്യങ്ങളും രാഹുലിന്റെ ഭാവിജീവിതം തന്നെ തടവറയ്ക്കുള്ളിലായിരിക്കുമെന്ന് വ്യക്തമാക്കുന്നതാണ്. പരാതിക്കാരിയുമായി രാഹുല് മാങ്കൂട്ടത്തില് അടുപ്പം സ്ഥാപിച്ചത് വ്യക്തിപരമായ പ്രശ്നപരിഹാരം വഴിയാണെന്ന് പോലീസ് റിപ്പോര്ട്ടില് പറയുന്നു. അതിജീവിതയുടെ പാലക്കാടുള്ള വ്യക്തിപരമായ വിഷയത്തില് രാഹുല് മാങ്കൂട്ടത്തില് ഇടപെട്ടു. ഇത് പരിഹരിക്കാന് രാഹുല് മുന്കൈയെടുത്തതോടെയാണ് ഇരുവരും അടുക്കുന്നത്. ഈ അടുപ്പം രാഹുല് മുതലെടുത്തുവെന്ന് റിപ്പോര്ട്ടില് പോലീസ് പറയുന്നു. രാഹുല് യുവതിയെ പലതവണ ലൈംഗികമായി ഉപദ്രവിച്ചു. പാലക്കാട്ടേക്ക് അതിജീവിതയെ നിര്ബന്ധിച്ച് കൊണ്ടുപോയി. ഗര്ഭിണിയായിരിക്കെ ഉപദ്രവിച്ചതിന് തെളിവുണ്ട്. സുഹൃത്തുക്കളുടെയും ബന്ധുക്കളുടെയും മൊഴി ഇത് സാധൂകരിക്കുന്നതാണെന്നും റിപ്പോര്ട്ടിലുണ്ട്. കഠിനമായ ദേഹോപദ്രവം ഏല്പ്പിച്ചതിനും നഗ്നചിത്രം എടുത്ത് ഭീഷണിപ്പെടുത്തിയതിനും ബലാത്സംഗം നടന്നുവെന്നതിനും ശക്തമായ തെളിവുണ്ടെന്ന് അന്വേഷണ റിപ്പോര്ട്ടില് പറയുന്നുണ്ട്.
Read More » -
പത്മജയെ ആക്ഷേപിച്ച രാഹുലിന് മുരളി തിരിച്ചുകൊടുത്തു; മതിലുചാടാനല്ല ജനങ്ങള്ക്കു വേണ്ടി പ്രവര്ത്തിക്കുകയാണ് വേണ്ടത്; പൊളിറ്റിക്കലി തന്തയില്ലാത്തവള് എന്ന മാങ്കൂട്ടത്തിലിന്റെ ആക്ഷേപത്തിന് കരുണാകരപുത്രന്റെ സൂപ്പര് കൗണ്ടര് ഡയലോഗ്; രാഹുല് ഒരു രംഗത്ത് പ്രവര്ത്തിക്കാനും യോഗ്യനല്ല; ബ്രഹ്മാസ്ത്രം പ്രയോഗിക്കേണ്ട സമയമായി; പുകഞ്ഞ കൊള്ളി പുറത്ത്; പുകഞ്ഞ കൊള്ളിയെ സ്നേഹിക്കുന്നവര്ക്കും പുറത്തുപോകാം
തിരുവനന്തപുരം: പൊളിറ്റിക്കലി തന്തയില്ലാത്തവള് എന്ന് പത്മജ വേണുഗോപാലിനെ അധിക്ഷേപിച്ച രാഹുല് മാങ്കൂട്ടത്തിലിന് പത്മജയുടെ മുരളിയേട്ടന്റെ വക കിടിലന് കൗണ്ടര് ഡയലോഗ്. മതിലു ചാടാനല്ല ജനങ്ങള്ക്കു വേണ്ടി പ്രവര്ത്തിക്കാനാണ് പാര്ട്ടി സ്ഥാനാര്ത്ഥിയും ജനപ്രതിനിധിയുമാക്കിയതെന്ന് രാഹുല് മാങ്കൂട്ടത്തിലിനോട് കെ.മുരളീധരന്. രാഹുല് മാങ്കൂട്ടത്തില് പൊതുരംഗത്ത്് മാത്രമല്ല ഒരു രംഗത്തും പ്രവര്ത്തിക്കാന് യോഗ്യനല്ലെന്നും മുരളി ആഞ്ഞടിച്ചു. ബ്രഹ്മാസ്ത്രം പ്രയോഗിക്കേണ്ട് സമയമായെന്നും ഏതു ചില നേതാക്കള് പിന്തുണച്ചാലും പുകഞ്ഞ കൊള്ളി പുറത്തെന്നും ആ പുകഞ്ഞ കൊള്ളിയെ സ്നേഹിക്കുന്നവര്ക്കും പുറത്തുപോകാമെന്നും മുരളീധരന് പരസ്യമായി തുറന്നടിച്ചു. ഇതോടെ രാഹുല് മാങ്കൂട്ടത്തിലിന് കോണ്ഗ്രസ് തറവാട്ടില് നിന്ന് എന്നന്നേക്കുമായി പുറത്തേക്കുള്ള വാതില് തുറന്നു കഴിഞ്ഞെന്ന് വ്യക്തമായി. തിരുവനന്തപുരത്ത് മാധ്യമപ്രവര്ത്തകരോടും സംസാരിക്കുമ്പോഴാണ് രാഹുലിനെതിരെ മുരളി പരസ്യമായി ആഞ്ഞടിച്ചത്. രാഹുലിനെ പിന്തുണയ്ക്കുന്ന കെ.സുധാകരനടക്കമുള്ളവര്ക്കെതിരെയുള്ള താക്കീത് കൂടിയായി അത് മാറി. സസ്പെന്ഷന് എന്നത് തെറ്റു തിരുത്തി തിരിച്ചുവരാനുള്ള മാര്ഗമായാണ് കോണ്ഗ്രസ് അനുവര്ത്തിച്ചു വരുന്നതെങ്കിലും രാഹുലിന്റെ കാര്യത്തില് അതിനൊരു സ്കോപ്പ് ഇല്ലാത്ത സാഹചര്യത്തില് ഉചിതമായ ശക്തമായ നടപടി പാര്ട്ടിയില്…
Read More » -
കോണ്ഗ്രസിനെ ചാമ്പലാക്കുന്ന ഭസ്മാസുരന് വരം കൊടുത്തത് ആരൊക്കെ? നിലപാടുകളുടെ രാജകുമാരന്മാര് അന്ന് എവിടെയായിരുന്നു എന്ന് അണികള്; രാഹുലിനെ യൂത്തിന്റെ അധ്യക്ഷനാക്കിയതും പാലക്കാട്ടേക്ക് കെട്ടിയിറക്കിയതും മുരളീധരനെ ആട്ടിയകറ്റിയതും ഇതേ സംഘം; മിണ്ടിയാല് പല രഹസ്യങ്ങളും പുറത്താകുമെന്ന ഭീതിയോ നേതാക്കള്ക്ക്?
തിരുവനന്തപുരം: പാലക്കാട് സീറ്റ് കണ്ട് ആരും പനിക്കേണ്ടെന്നു പറഞ്ഞ സണ്ണി ജോസഫിനെതിരേ അതിജീവിതയുടെ പരാതി മുക്കിയെന്ന ആരോപണം നിലനില്ക്കുമ്പോഴും രാഹുലിന്റെ കൊള്ളരുതായ്മകള് അറിഞ്ഞിട്ടും മറച്ചുവച്ചവര്ക്കെതിരേ വിരല് ചൂണ്ടി കോണ്ഗ്രസ് അണികള്. ലൈംഗിക പീഡന പരമ്പരകള് ഇനിയും രാഹുലിനെതിരേ ഉയര്ന്നുവരുമെന്ന മുന്നറിയിപ്പും അണികള് നല്കുന്നു. കോണ്ഗ്രസിലേക്കുള്ള രാഹുല് മാങ്കൂട്ടത്തിലിന്റെ വരവ് വെറുതേയായിരുന്നില്ല. ചാനല് ചര്ച്ചകളില് അക്രമാത്മകമായി സംസാരിച്ച് അണികളെയെങ്കിലും കൈയയിലെടുക്കാന് അവസരം നല്കിയത്, അവധാനതയോടെ സംസാരിച്ചിരുന്നവരെ വെട്ടിയൊതുക്കിയിട്ടാണ്. രാഹുല് നേതൃനിരയിലേക്ക് ഉയര്ന്നു വരുമ്പോള് സ്വഭാവ ദൂഷ്യത്തെക്കുറിച്ചു വ്യക്തമായ ധാരണയുണ്ടായിരുന്നവരായിരുന്നു കോണ്ഗ്രസ് നേതാക്കള്. അതിന്റെ ആഴം എത്രയെന്നു ബോധ്യമില്ലായിരുന്നെങ്കിലും അന്നേ നടപടിയെടുത്തിരുന്നെങ്കില് കൂടുതല് ഇരകളെയെങ്കിലും അതില്നിന്നു രക്ഷിച്ചെടുക്കാമായിരുന്നു. ‘പിതാവിനെപ്പോലെ ആ വിഷയം കൈകാര്യം ചെയ്തു’ എന്നു പറഞ്ഞത് വി.ഡി. സതീശനാണ്. ഇങ്ങനെയൊരു സ്വഭാവം രാഹുലിന് ഉണ്ടെന്ന് അറിഞ്ഞിട്ടും പാലക്കാട് സീറ്റിലേക്ക് പരിഗണിച്ചപ്പോള് ശക്തമായി അനുകൂലിച്ചു രംഗത്തുവരികയാണ് വി.ഡി. സതീശന് ചെയ്തത്. വടക എംപിയായി ഷാഫി പറമ്പില് പോകുമ്പോള് അവിടേക്കു മുരളീധരനെ മത്സരിപ്പിക്കാനായിരുന്നു ആദ്യഘട്ട നീക്കം.…
Read More » -
കഴിഞ്ഞ സീസണില് ശോഭിച്ചില്ല; ഇക്കുറി ഐപിഎല് ലേലത്തിനില്ലെന്ന് ഒസീസ് ഓള്റൗണ്ടര് ഗ്ലെന് മാക്സ്വെല്; 293 വിദേശതാരങ്ങള്; 45 കളിക്കാര്ക്ക് രണ്ടുകോടി അടിസ്ഥാന വില; പാക് സൂപ്പര് ലീഗിലേക്ക് പോകുന്നെന്ന് ഫാഫ് ഡുപ്ലെസിസ്
ബംഗളുരു: ഐപിഎലിന് ഇക്കുറി ഇല്ലെന്ന് പ്രഖ്യാപിച്ച് ഓസീസ് ഓള്റൗണ്ടര് ഗ്ലെന് മാക്സ്വെല്. ലേലത്തില് നിന്ന് തന്റെ പേര് ഒഴിവാക്കണമെന്ന് ആവശ്യപ്പെട്ടതായി താരം തന്നെയാണ് വെളിപ്പെടുത്തിയത്. 2019ന് ശേഷം ഇതാദ്യമായാണ് മാക്സ്വെല് ഐപിഎലില് നിന്ന് വിട്ടുനില്ക്കുന്നത്. മിനി ലേലത്തിനുള്ളവരുടെ പട്ടികയില് നിന്ന് മാക്സ്വെലിന്റെ പേര് കാണാതായപ്പോഴേ ആരാധകര് സമൂഹമാധ്യമങ്ങളില് സംശയം പ്രകടിപ്പിച്ചിരുന്നു. കഴിഞ്ഞ സീസണില് താരത്തിന് ശോഭിക്കാനായിരുന്നില്ല. സീസണിടെ പരുക്കേറ്റ് താരം പുറത്താകുകയും ചെയ്തിരുന്നു. 13 സീസണുകളില് നിന്നായി 2819 റണ്സാണ് മാക്സ്വെല് നേടിയിട്ടുള്ളത്. 2014ല് പഞ്ചാബിനായി 552 റണ്സാണ് മാക്സ്വെല് അടിച്ചുകൂട്ടിയത്. പക്ഷേ കഴിഞ്ഞ സീസണുകളില് തീര്ത്തും നിരാശാജനകമായിരുന്നു പ്രകടനം. ഒടുവിലത്തെ 16 ഇന്നിങ്സുകളിലായി ആകെ 100 റണ്സ് മാത്രമാണ് താരത്തിന് നേടാനായത്.ഐപിഎലിനുണ്ടാകില്ലെന്നും പകരം പാക് സൂപ്പര് ലീഗിലേക്ക് പോവുകയാണെന്ന് ഫാഫ് ഡു പ്ലെസിസും വ്യക്തമാക്കിയിരുന്നു. അതേസമയം, ഡിസംബര് 16ന് അബുദാബിയില് നടക്കുന്ന മിനി ലേലത്തില് പങ്കെടുക്കുന്നതിനായി 1355 താരങ്ങളാണ് റജിസ്റ്റര് ചെയ്തിട്ടുള്ളതെന്ന് ക്രിക്ബസ് റിപ്പോര്ട്ട് ചെയ്യുന്നു. ഇതില്…
Read More » -
എസ്ഐആറിന്റെ പേരിലും സൈബര് തട്ടിപ്പ്; എന്യുമറേഷന് ഫോമിന്റെ വ്യാജ ലിങ്കുകള് പ്രചരിക്കുന്നു; സോഷ്യല് മീഡിയ അക്കൗണ്ടിലൂടെയും എസ്എംഎസിലൂടെയും ഉള്ള ലിങ്കുകളില് ക്ലിക്ക് ചെയ്യരുത്; മുന്നറിയിപ്പുമായി പോലീസ്
ന്യൂഡല്ഹി: രാജ്യത്ത് തീവ്ര വോട്ടര്പട്ടിക പരിഷ്കരണം (എസ്ഐആര്) തുടരുന്നതിനിടെ പട്ടികയില് പേര് ചേര്ക്കാനെന്ന വ്യാജേന ലിങ്കുകള് അയച്ച് സൈബര് തട്ടിപ്പ്. സോഷ്യല് മീഡിയ അക്കൗണ്ടുകള് വഴിയും ടെക്സ്റ്റ് മെസേജുകളിലൂടെയുമാണ് എസ്ഐആര് പ്രക്രിയയുടെ ഭാഗമെന്ന രീതിയില് സന്ദേശങ്ങള് പ്രചരിക്കുന്നത്. എന്യൂമെറേഷന് ഫോമിന്റെ ലിങ്ക് എന്ന പേരിലാണ് മെസേജുകള് എത്തുന്നതെന്ന് രാജസ്ഥാന് സൈബര് ക്രൈം ഡിജിപി സഞ്ജയ് അഗര്വാള് പറഞ്ഞു. ഫോം പൂരിപ്പിച്ചില്ലെങ്കില് വോട്ടര് പട്ടികയില് നിന്ന് പേരുവെട്ടുമെന്നാണ് വ്യാജ സന്ദേശങ്ങളില് പറയുന്നത്. ഇതിനൊപ്പമുള്ള ലിങ്കില് ക്ലിക്ക് ചെയ്താല് ഒടിപി അല്ലെങ്കില് പ്രോസസിംഗ് ഫീസ് ആവശ്യപ്പെടും. ഈ രീതിയാണ് കുറ്റവാളികള് പിന്തുടരുന്നതെന്നും, രഹസ്യ വിവരങ്ങളും പണവും മോഷ്ടിക്കാന് ഉദ്ദേശിച്ചുള്ളതാണ് ഇതെന്നും അഗര്വാള് മുന്നറിയിപ്പ് നല്കി. എസ്ഐആര് പ്രക്രിയയുടെ ഭാഗമാകാന് വോട്ടര്മാര് ബൂത്ത് ലെവല് ഓഫീസറെ നേരില് കാണണമെന്നും എസ്ഐആര് അല്ലെങ്കില് വോട്ടര് കാര്ഡുമായി ബന്ധപ്പെട്ട അപ്ഡേറ്റുകള്ക്കായി ഔദ്യോഗിക വെബ്സൈറ്റുകളെ മാത്രം ആശ്രയിക്കണമെന്നും മുന്നറിയിപ്പില് പറയുന്നു. എസ്ഐആര് പ്രക്രിയ സൗജന്യമാണെന്നും തിരഞ്ഞെടുപ്പ് കമ്മീഷന് കോളുകളിലൂടെയോ സന്ദേശങ്ങളിലൂടെയോ…
Read More » -
‘നിങ്ങള് ആര്ക്കിട്ട്, എവിടെയാണ് കുത്തുന്നത് എന്ന് ഓര്ത്തുവച്ചോ?’; ‘നീയൊക്കെക്കൂടി ആരെയാടാ തോല്പ്പിക്കാന് നില്ക്കുന്നത്’? രാഹുലിനെതിരേ പോസ്റ്റിട്ട കോണ്ഗ്രസ് നേതാവ് രാജു പി. നായര്ക്കും സൈബര് അണികളുടെ പൊങ്കാല; വ്യത്യസ്തനാകാന് നോക്കിയാലും ഉളുപ്പു വേണമെന്നും കമന്റ്
തിരുവനന്തപുരം: രാഹുല് മാങ്കൂട്ടത്തില് പ്രതിയായ ലൈംഗിക പീഡന പരാതിയിലെ ഇരയുടെ വ്യക്തിത്വം വെളിപ്പെടുത്തുന്ന തരത്തില് സമൂഹ മാധ്യമങ്ങളില് പ്രതികരിച്ച രാഹുല് ഈശ്വറിനെ കഴിഞ്ഞ ദിവസമാണ് പൊലീസ് അറസ്റ്റ് ചെയ്തത്. ഇതിന് പിന്നാലെ രാഹുലിനെ വിമര്ശിച്ച് കോണ്ഗ്രസ് നേതാവ് രാജു പി നായര് ഫെയ്സ്ബുക്കില് പോസ്റ്റിട്ടിരുന്നു. ഈ പോസ്റ്റില് രാജു പി. നായരെ എതിര്ത്ത് കമന്റിടുകയാണ് കോണ്ഗ്രസ് പ്രവര്ത്തകര്. ‘ജാമ്യം കിട്ടിയാലും ഇല്ലെങ്കിലും, ആ അശ്ലീലം ഇനി കേള്ക്കേണ്ടി വരില്ല എന്ന് ഒരു ഗുണമുണ്ട്! ഈശ്വരാ…’ എന്നായിരുന്നു രാജു പി. നായരുടെ പോസ്റ്റ്. ഇതിനാണ് കമന്റ്് ബോക്സില് വിമര്ശനം. രാജു പി. നായരില് നിന്നും ഇതുപോലൊരു പ്രതികരണം പ്രതീക്ഷിച്ചില്ലെന്നാണ് പലരും കമന്റിടുന്നത്. ‘നിങ്ങള്ക്ക് യാഥാര്ഥ്യങ്ങള് അശ്ലീലം ആകുന്നുവെങ്കില്, കണ്ണട മാറ്റേണ്ട സമയം കഴിഞ്ഞു. അയാള് വിളിച്ചുപറഞ്ഞ ഫാക്ട്സ് ഇല്ലായിരുന്നുവെങ്കില്, രാഹുല് എല്ലാവര്ക്കും വെറുക്കപ്പെട്ടവനായേനെ. വഞ്ചകികള് ഇരകളും” എന്നാണ് ഒരു കമന്റ്. ‘ഈ പോസ്റ്റ് രാജു പി. നായരുടെ തന്നാണോ? പ്രതീക്ഷിച്ചില്ല ഇത്തരം ഒരു…
Read More »