Lead News
-
എസ്പ്രസ് വേയിലെ കുരുക്ക്; ഭക്ഷണവും വെള്ളവും ലഭിക്കാതെ വലഞ്ഞത് 33 മണിക്കൂര്; ഒരു ലക്ഷത്തില് അധികം വാഹന യാത്രക്കാരില് നിന്ന് പിരിച്ച 5.16 കോടിയുടെ ടോള് തിരികെ നല്കും
മുംബൈ: മുംബൈ-പുണെ എക്സ്പ്രസ് വേയില് ഗ്യാസ് ടാങ്കര് അപകടത്തെത്തുടര്ന്നുണ്ടായ വന് ഗതാഗതക്കുരുക്കില്പ്പെട്ട ഒരു ലക്ഷത്തിലധികം വാഹനയാത്രക്കാര്ക്ക് ടോള് തുക തിരികെ നല്കാന് തീരുമാനം. ഏകദേശം 5.16 കോടി രൂപയാണ് റീഫണ്ട് ആയി നല്കുന്നതെന്ന് മഹാരാഷ്ട്ര സ്റ്റേറ്റ് റോഡ് ഡെവലപ്മെന്റ് കോര്പ്പറേഷന് (MSRDC) ഉദ്യോഗസ്ഥര് അറിയിച്ചു. ഫെബ്രുവരി 3-ന് എക്സ്പ്രസ് വേയിലെ ഖോപ്പോളി ഭാഗത്ത് ഗ്യാസ് ടാങ്കര് മറിഞ്ഞതിനെത്തുടര്ന്ന് 33 മണിക്കൂറോളമാണ് ഗതാഗതം തടസ്സപ്പെട്ടത്. കിലോമീറ്ററുകളോളം നീണ്ട ഗതാഗതക്കുരുക്കില് കുടുങ്ങിയ യാത്രക്കാര് ഭക്ഷണവും വെള്ളവും ഉള്പ്പെടെയുള്ള അടിസ്ഥാന സൗകര്യങ്ങളില്ലാതെ വലഞ്ഞിരുന്നു. അപകടത്തെത്തുടര്ന്ന് ടോള് പിരിവ് ഉടന് നിര്ത്തിവെക്കാന് ഭരണകൂടം ഉത്തരവിട്ടിരുന്നു. എന്നാല് ഉത്തരവ് വരുന്നതിന് മുന്പേ തന്നെ പല വാഹനയാത്രക്കാരുടെയും ഫാസ്ടാഗ് (FASTag) അക്കൗണ്ടുകളില് നിന്ന് ടോള് തുക ഈടാക്കിയിരുന്നു. ‘ടോള് പിരിവ് നിര്ത്താന് ഉത്തരവിട്ട ശേഷവും വാഹന ഉടമകളില് നിന്ന് ഈടാക്കിയ മുഴുവന് തുകയും തിരികെ നല്കാന് തീരുമാനിച്ചു. 5.16 കോടി രൂപ MSRDC റീഫണ്ട് ചെയ്യും. അടുത്ത കുറച്ച് ദിവസങ്ങള്ക്കുള്ളില്…
Read More » -
മാറ്റിനിർത്തിയിരുന്ന ടെമ്പോ ട്രാവലർ ബസുകളിലേക്ക് ഇടിച്ചുകയറ്റിയ നിലയിൽ!! ചേങ്കോട്ടുകോണം സ്കൂളിലെ തീപിടിത്തത്തിൽ ദുരൂഹത, ബസുകൾക്ക് ആരോ തീയിട്ടതാണെന്ന് സ്കൂൾ അധികൃതർ, തീപിടിത്തമുണ്ടായത് പുലർച്ചെ 2.45-ഓടെ
തിരുവനന്തപുരം: ചേങ്കോട്ടുകോണം തുണ്ടത്തിൽ ട്രിവാൻഡ്രം സ്കോട്ടിഷ് സ്കൂളിലുണ്ടായ തീപ്പിടിത്തത്തിൽ ദുരൂഹതയെന്ന് പരാതി. സ്കൂൾഗ്രൗണ്ടിൽ നിർത്തിയിട്ടിരുന്ന ബസുകൾക്ക് ആരോ തീയിട്ടതാണെന്നാണ് സ്കൂൾ അധികൃതർ പറയുന്നത്. സംഭവത്തിൽ കഴക്കൂട്ടം പോലീസ് അന്വേഷണം ആരംഭിച്ചു. തിങ്കളാഴ്ച പുലർച്ചെ 2.45-ഓടെയാണ് സ്കൂൾവളപ്പിൽ വൻ തീപ്പിടിത്തമുണ്ടായത്. ഗ്രൗണ്ടിൽ നിർത്തിയിട്ടിരുന്ന സ്കൂൾബസുകൾക്കു തീ പിടിക്കുകയായിന്നു. മൂന്ന് ബസുകൾ പൂർണമായും ഒരുബസ് ഭാഗികമായും കത്തിനശിച്ചു. സംഭവസമയത്ത് ഒരു സെക്യൂരിറ്റി ജീവനക്കാരൻ മാത്രമാണ് സ്കൂളിലുണ്ടായിരുന്നത്. തീ ആളിക്കത്തുന്നത് കണ്ട സമീപവാസികളാണ് അഗ്നിരക്ഷാസേനയെ വിവരമറിയിച്ചത്. തുടർന്ന് കഴക്കൂട്ടം, ചാക്ക എന്നിവിടങ്ങളിൽനിന്ന് അഗ്നിരക്ഷാസേന യൂണിറ്റുകളെത്തി തീയണയ്ക്കുകയായിരുന്നു. ഉടൻതന്നെ തീയണയ്ക്കാനായതിനാൽ അപകടം ഒഴിവായി. അതേസമയം, വലിയ ബസുകളെല്ലാം ഒരുമിച്ചാണ് നിർത്തിയിട്ടിരുന്നത്. ഒരു ടെമ്പോ ട്രാവലർ മറ്റൊരു സ്ഥലത്തും പാർക്ക് ചെയ്തിരുന്നു. എന്നാൽ, ടെമ്പോ ട്രാവലർ ബസുകളിലേക്ക് ഇടിച്ചുകയറ്റിയശേഷം തീയിട്ട നിലയിലാണ്. സംഭവത്തിൽ സിസിടിവി ദൃശ്യങ്ങളടക്കം പരിശോധിച്ചാൽ മാത്രമേ കൂടുതൽ വ്യക്തതവരികയുള്ളൂവെന്ന് പോലീസ് പറഞ്ഞു. കഴക്കൂട്ടം പോലീസ് അന്വേഷണം ആരംഭിച്ചു. ബസുകൾ ആരോ കത്തിച്ചതാണെന്നാണ് സ്കൂൾ അധികൃതരുടെ പരാതി.…
Read More » -
ദയനീയ തോല്വി സെമി ഫൈനല് സ്വപ്നങ്ങള്ക്കും തിരിച്ചടി; ഇനിയുള്ള മത്സരങ്ങള് ജയിച്ചാല് മാത്രം പോര; സാധ്യതകള് ഇങ്ങനെ
ബംഗളുരു: ഗ്രൂപ്പ് ഘട്ടത്തിലുടനീളം ആധികാരികമായ പ്രകടനം കാഴ്ചവെച്ച ഇന്ത്യയുടെ കുതിപ്പിന് അഹമ്മദാബാദിലെ നരേന്ദ്ര മോദി സ്റ്റേഡിയത്തിലേറ്റ അപ്രതീക്ഷിത തിരിച്ചടി സെമി ഫൈനല് സ്വപ്നങ്ങളെ സമ്മര്ദത്തിലാക്കും. സൂപ്പര് 8-ലെ ആദ്യ മത്സരത്തില് ദക്ഷിണാഫ്രിക്കയോട് 76 റണ്സിനാണ് പരാജയപ്പെട്ടത്. ആദ്യം ബാറ്റ് ചെയ്ത ദക്ഷിണാഫ്രിക്കയെ ജസ്പ്രീത് ബുംറയുടെ തകര്പ്പന് സ്പെല് വിറപ്പിച്ചു. 15 റണ്സ് മാത്രം വഴങ്ങി 3 വിക്കറ്റ് വീഴ്ത്തിയ ബുംറ, ടി20 ലോകകപ്പില് ഇന്ത്യക്കായി ഏറ്റവും കൂടുതല് വിക്കറ്റ് നേടുന്ന താരമായി മാറി. ദക്ഷിണാഫ്രിക്കയെ ഒരു ഘട്ടത്തില് 20 റണ്സിന് 3 വിക്കറ്റ് എന്ന നിലയിലേക്ക് ഇന്ത്യ തളച്ചിരുന്നു. എന്നാല് 35 പന്തില് 63 റണ്സെടുത്ത ഡേവിഡ് മില്ലറുടെ പ്രകടനം ദക്ഷിണാഫ്രിക്കയെ 187/7 എന്ന ശക്തമായ നിലയിലെത്തിച്ചു. മറുപടി ബാറ്റിംഗിനിറങ്ങിയ ഇന്ത്യക്ക് തുടക്കം മുതലേ പിഴച്ചു. പത്താം ഓവറില് 51 റണ്സിന് 5 വിക്കറ്റ് എന്ന നിലയിലേക്ക് ഇന്ത്യ തകര്ന്നു. 15-ാം ഓവറില് കേശവ് മഹാരാജ് മൂന്ന് വിക്കറ്റുകള് കൂടി വീഴ്ത്തിയതോടെ…
Read More » -
ലോകം തെരയുന്ന ഡ്രഗ് കാര്ട്ടല് തലവന് എല് മെന്ചോ കൊല്ലപ്പെട്ടു; ട്രംപ് ഭരണകൂടം ഭീകര സംഘടനയായി പ്രഖ്യാപിച്ച സിജെഎന്ജെ; അത്യാധുനിക ആയുധങ്ങള്, സൈനിക ശൈലിയില് വാഹന വ്യൂഹം; മെക്സിക്കോയില് വ്യാപക അക്രമം
ന്യൂയോര്ക്ക്: മെക്സിക്കോയിലെ സൈനിക നടപടിക്കിടെ പരിക്കേറ്റതിനെത്തുടര്ന്ന് ലോകം തിരയുന്ന കൊടുംകുറ്റവാളിയും ഡ്രഗ് കാര്ട്ടല് തലവനുമായ എല് മെന്ചോ കൊല്ലപ്പെട്ടതായി ഞായറാഴ്ചമെക്സിക്കന് പ്രതിരോധ മന്ത്രാലയം അറിയിച്ചു. നെമെസിയോ റൂബന് ഒസെഗ്വേര സെര്വാന്റസ് (Nemesio Ruben Oseguera Cervantes) എന്നും അറിയപ്പെടുന്ന എല് മെന്ചോയുടെ മരണത്തിനു പിന്നാലെ വന് അക്രമങ്ങളും പൊട്ടിപ്പുറപ്പെട്ടു. ജാലിസ്കോ (Jalisco) ഉള്പ്പെടെ മെക്സിക്കോയിലെ അര ഡസനോളം സംസ്ഥാനങ്ങളില് അക്രമികള് വാഹനങ്ങള് കത്തിക്കുകയും ഹൈവേകള് ഉപരോധിക്കുകയും ചെയ്തു. പടിഞ്ഞാറന് സംസ്ഥാനമായ ജാലിസ്കോയില് നടന്ന സൈനിക റെയ്ഡിനിടെയാണ് എല് മെന്ചോയ്ക്ക് മാരകമായി പരിക്കേറ്റത്. മെക്സിക്കോ സിറ്റിയിലേക്ക് വിമാനമാര്ഗ്ഗം മാറ്റുന്നതിനിടെ അദ്ദേഹം മരണത്തിന് കീഴടങ്ങിയതായി പ്രതിരോധ മന്ത്രാലയം വ്യക്തമാക്കി. കഴിഞ്ഞ ദശകത്തില് മെക്സിക്കോയിലെ ഏറ്റവും ശക്തമായ കുറ്റവാളി സംഘമായി വളര്ന്ന ജാലിസ്കോ ന്യൂ ജനറേഷന് കാര്ട്ടലിന്റെ (CJNG) തലവനായിരുന്നു ഇയാള്. അമേരിക്കയിലേക്കുള്ള മയക്കുമരുന്ന് കടത്തിലെ പ്രധാന കണ്ണികൂടിയായിരുന്നു ഈ സംഘം. മെക്സിക്കോയില് വ്യാപക അക്രമം എല് മെന്ചോയുടെ മരണത്തിന് പിന്നാലെ മെക്സിക്കോയിലുടനീളം വന്തോതിലുള്ള അക്രമസംഭവങ്ങള്…
Read More » -
നിങ്ങള് എന്തിനാണു കോണ്ഗ്രസിനെ സംരക്ഷിക്കുന്നത്? മാധ്യമങ്ങള്ക്കെതിരേ ആഞ്ഞടിച്ച് മോദി; ‘പ്രതിപക്ഷമെന്ന് പറയാതെ കോണ്ഗ്രസ് എന്നുതന്നെ പറയൂ; ടിഎംസിയും ഡിഎംകെയും ബി.എസ്.പിയും കോണ്ഗ്രസിനെ തള്ളിക്കളഞ്ഞു; ‘സത്യത്തിനൊപ്പം നിന്നതിന് മറ്റു പാര്ട്ടികള്ക്ക് നന്ദി’
ന്യൂഡല്ഹി: എഐ ഇംപാക്ട് സമ്മിറ്റിനിടെ (AI Impact Summit) യൂത്ത് കോണ്ഗ്രസ് നടത്തിയ പ്രതിഷേധങ്ങള്ക്കും പാര്ലമെന്റിലെ സ്തംഭനാവസ്ഥയ്ക്കും എതിരെ കോണ്ഗ്രസിനുമേല് കടുത്ത ആക്രമണം അഴിച്ചുവിട്ട് പ്രധാനമന്ത്രി നരേന്ദ്ര മോദി. മീററ്റില് നടന്ന ഒരു ചടങ്ങില് സംസാരിക്കവെയാണ് പ്രധാനമന്ത്രി കോണ്ഗ്രസിന്റെ രാഷ്ട്രീയ സംസ്കാരത്തെ വിമര്ശിക്കുകയും അവരുടെ രീതികളെ ചോദ്യം ചെയ്യുകയും ചെയ്തത്. ഡല്ഹിയിലെ പ്രശസ്തമായ എഐ സമ്മിറ്റിന് പുറത്ത് യൂത്ത് കോണ്ഗ്രസ് പ്രവര്ത്തകര് നടത്തിയ അര്ദ്ധനഗ്ന പ്രതിഷേധത്തെ പരാമര്ശിച്ച പ്രധാനമന്ത്രി, ‘ജനാധിപത്യത്തിന്റെ നഗ്നത’യെന്നാണു വിശേഷിപ്പിച്ചത്. ഇന്ത്യ തങ്ങളുടെ സാങ്കേതിക കരുത്ത് ലോകത്തിന് മുന്നില് പ്രകടിപ്പിക്കുമ്പോള്, ‘അച്ചടക്കമില്ലാത്ത’ കോണ്ഗ്രസ് നേതാക്കള് രാജ്യത്തിന്റെ പ്രതിച്ഛായ തകര്ക്കാന് ശ്രമിച്ചുവെന്ന് അദ്ദേഹം പറഞ്ഞു. ഈ സംഭവത്തിന്റെ ഏറ്റവും പ്രധാനപ്പെട്ട വശം പ്രതിപക്ഷ സഖ്യത്തിലെ മറ്റ് പ്രധാന കക്ഷികളാണെന്നും, മറ്റ് പ്രതിപക്ഷ പാര്ട്ടികള് ഈ പ്രകടനത്തില് നിന്ന് പൂര്ണ്ണമായും അകലം പാലിച്ചുവെന്നും അദ്ദേഹം അവകാശപ്പെട്ടു. ‘ഡല്ഹിയിലെ ലജ്ജാകരമായ സംഭവത്തിന് ശേഷം കോണ്ഗ്രസിനെ പരസ്യമായി വിമര്ശിക്കാന് ധൈര്യം കാണിച്ച മറ്റ് പ്രതിപക്ഷ…
Read More » -
വടക്കാഞ്ചേരി ലൈഫ് മിഷന് ഫ്ളാറ്റ് നിര്മാണം: അനില് അക്കര പറയുന്നത് അര്ധസത്യം; വാദങ്ങളും ഓരോന്നായി പൊളിയുന്നു; നിലവിലെ കരാറുകള് റദ്ദാക്കാതെ സര്ക്കാരിന് ഏറ്റെടുക്കാനാകില്ല; സുപ്രീം കോടതിയില് അടക്കം കേസുകള്; ഹൈക്കോടതിയിലെ സത്യവാങ്മൂലത്തിന്റെ പൂര്ണരൂപം പുറത്ത്
തൃശൂര്: വടക്കാഞ്ചേരി ലൈഫ് മിഷന് ഫ്ളാറ്റ് നിര്മാണം സര്ക്കാര് മനപ്പൂര്വം വൈകിക്കുകയാണെന്ന കോണ്ഗ്രസ് നേതാവ് അനില് അക്കരയുടെ വാദം പൊളിച്ച് സര്ക്കാര് കോടതിയില് നല്കിയ അഫിഡാവിറ്റ്. എന്നാല്, ഇതില് പറയുന്ന കാര്യങ്ങള് വസ്തുതാ വിരുദ്ധമെന്ന് ആവര്ത്തിക്കുകയാണ് അനില് അക്കര. സര്ക്കാരിനുവേണ്ടി തദ്ദേശ സ്വയംഭരണ വകുപ്പ് പ്രിന്സിപ്പല് സെക്രട്ട ടിങ്കു ബിസ്വാള് ഐഎഎസ് ആണ് സത്യവാങ്മൂലം നല്കിയിട്ടുള്ളത്. യുഎഇയിലെ റെഡ് ക്രസന്റ് അതോറിറ്റിയുമായും മറ്റു കരാറുകാരുമായിട്ടാണു കരാറുള്ളതെന്നും ഇവര് സുപ്രീം കോടതിയില് അടക്കം നല്കിയ ഹര്ജികള് നിലനില്ക്കുമ്പോള് സര്ക്കാരിന് ഏകപക്ഷീയമായി പദ്ധതി ഏറ്റെടുക്കാന് കഴിയില്ലെന്നും നിലവിലെ കരാറുകള് റദ്ദാക്കിയാല് സര്ക്കാര് ഏറ്റെടുക്കാന് ഒരുക്കമാണെന്നുമാണ് സര്ക്കാര് സത്യവാങ്മൂലം. കെട്ടിടത്തിന് ഉറപ്പുണ്ടെന്ന് എഐടി കാലിക്കറ്റ് റിപ്പോര്ട്ട് നല്കിയാലും ആവശ്യമായ ടെസ്റ്റുകള് നടത്തേണ്ടതുണ്ട്. കെട്ടിടത്തിനു ബലമുണ്ടായിട്ടും സര്ക്കാര് നടപടി വൈകിക്കുന്നു എന്നാണ് അനില് പറയുന്നത്. എന്നാല്, കെട്ടിടമല്ല, നിലവിലെ കരാറുകളാണ് പ്രതിസന്ധിയെന്നാണു സര്ക്കാര് വാദം. വടക്കാഞ്ചേരിയില് 2.17 ഏക്കര് സ്ഥലത്ത് 500 ചതുരശ്രയടി വീതമുള്ള 140 ഫ്ളാറ്റുകള്…
Read More » -
ഇത്രയായിട്ടും ഇറാന് കുലുങ്ങാത്തത് എന്ത്? വന് സന്നാഹങ്ങള് ഒരുക്കിയിട്ടും അനുരഞ്ജനത്തിന് തയാറാകാത്തതില് ട്രംപിന് അത്ഭുതമെന്ന് പ്രത്യേക പ്രതിനിധി സ്റ്റീവ് വിറ്റ്കോഫ്; ആണവ സമ്പുഷ്ടീകരണം 60 ശതമാനത്തില് എത്തിയെന്ന് സംശയം
ന്യൂയോര്ക്ക്: പശ്ചിമേഷ്യയില് വന് സൈനിക സന്നാഹങ്ങളൊരുക്കുമ്പോഴും ഇറാന് ആണവ പദ്ധതികളില്നിന്നടക്കം പിന്നോട്ടു പോകാത്തതില് അമ്പരന്ന് ട്രംപ്. ഇറാന് കീഴടങ്ങാന് തയാറാകാത്തതില് ട്രംപ് അത്ഭുതപ്പെടുന്നെന്ന് പ്രസിഡന്റിന്റെ പ്രത്യേക പ്രതിനിധി സ്റ്റീവ് വിറ്റ്കോഫ്. ‘നിരാശ എന്ന വാക്ക് ഉപയോഗിക്കാന് താല്പര്യമില്ല, കാരണം തനിക്ക് മുന്നില് ധാരാളം ബദല് മാര്ഗങ്ങളുണ്ടെന്ന് അദ്ദേഹത്തിന് അറിയാം. എന്നാല് അവര് എന്തുകൊണ്ടാണ് ഇതുവരെ ‘കീഴടങ്ങി’ എന്ന് പറയാന് ഞാന് ആഗ്രഹിക്കുന്നില്ല, എങ്കിലും അവര് എന്തുകൊണ്ടാണ് വഴങ്ങാത്തത് എന്ന് അദ്ദേഹം കൗതുകത്തോടെ നോക്കുന്നു’- എ്ന്നായിരുന്നു വിറ്റ്കോഫിന്റെ വാക്കുകള്. പ്രസിഡന്റിന്റെ മരുമകള് ലാറ ട്രംപ് അവതരിപ്പിക്കുന്ന ഫോക്സ് ന്യൂസിന്റെ ‘മൈ വ്യൂ വിത്ത് ലാറ ട്രംപ്’ എന്ന പരിപാടിയിലാണ് വിറ്റ്കോഫിന്റെ പ്രതികരണം. ‘ഇത്രയധികം സമ്മര്ദ്ദങ്ങള്ക്കിടയിലും, അവിടെയുള്ള നാവിക-സൈനിക ശക്തിയുടെ സാന്നിധ്യത്തിലും, അവര് എന്തുകൊണ്ടാണ് ഞങ്ങളുടെ അടുത്ത് വന്ന് ‘ഞങ്ങള്ക്ക് ആയുധം വേണ്ടെന്നു വയ്ക്കാന് കഴിയുമെന്നും ഉറപ്പു നല്കുന്നെന്നും പറയാത്തത്’ പറയാത്തത്? അവരെ ആ നിലപാടിലേക്ക് എത്തിക്കുന്നത് പ്രയാസകരമാണെന്നാണു കരുതുന്നതെ’ന്നും അദ്ദേഹം പറഞ്ഞു. മിഡില്…
Read More » -
ഇന്ത്യൻ മണ്ണിലെത്തി ഇന്ത്യക്കിട്ടുതന്നെ ഇരുട്ടടി കൊടുത്ത് ദക്ഷിണാഫ്രിക്ക!! സൂപ്പർ എട്ടിൽ 76 റൺസിന്റെ ദയനീയ തോൽവി, ഇന്ത്യൻ ഇന്നിങ്സ് 100 കടത്തിയത് ദുബെയുടെ (42) ഒറ്റയാൾ പോരാട്ടം…
അഹമ്മദാബാദ്: ട്വന്റി20 ലോകകപ്പിലെ സൂപ്പർ എ റൗണ്ടിൽ ആദ്യ മത്സരത്തിൽ തന്നെ ദക്ഷിണാഫ്രിക്കയ്ക്കുമുന്നിൽ തകർന്നടിഞ്ഞ് ടീം ഇന്ത്യ.188 റൺസ് വിജയലക്ഷ്യം പിന്തുടർന്ന ഇന്ത്യ 18.5 ഓവറിൽ 111 റൺസെടുത്തു എല്ലാവരും പുറത്തായി. ഇതോടെ 76 റൺസിന്റെ തോൽവിയാണ് ഇന്ത്യ വഴങ്ങിയത്. 37 പന്തിൽ 42 റൺസടിച്ച ശിവം ദുബെ മാത്രമാണ് ഇന്ത്യൻ നിരയിൽ തിളങ്ങിയത്. ബാക്കി സ്കോറുകൾ ഇങ്ങനെ- നാല് ഡക്ക്, രണ്ട്- 1, ബാക്കി 11,15, 18… മുൻ താരങ്ങൾ പ്രവചിച്ച പോലെ തന്നെയായിരുന്നു ദക്ഷിണാഫ്രിക്ക ഇന്നു കളത്തിലിറങ്ങിയത്. ഇന്ത്യൻ ടോപ് ഓർഡറിനെ ലക്ഷ്യമിട്ട് സ്പിന്നർ എയ്ഡൻ മാർക്രമാണ് ദക്ഷിണാഫ്രിക്കയുടെ ആദ്യ ഓവർ എറിഞ്ഞത്. മാർക്രം ഒരുക്കിയ കുരുക്കിൽ നാലാം പന്തിൽ റൺസൊന്നുമെടുക്കാതെ ഇഷാൻ കിഷൻ വീണു. ഒരു റൺസെടുത്ത് തിലക് വർമയും വന്നപോലെ മടങ്ങി. ലോകകപ്പിലെ ആദ്യ റൺ സ്കോർ ചെയ്യാനായെങ്കിലും പതിവു വമ്പനടി അഭിഷേകിനു സാധിച്ചില്ല. ഒരു സിക്സും രണ്ട് ഫോറുകളും ബൗണ്ടറി കടത്തിയെങ്കിലും മാർകോ യാൻസന്റെ…
Read More » -
പേടിക്കേണ്ട അഭിഷേകേ ഇനിയും അവസരമുണ്ട്, നീ കളിക്കുന്നപോലെതന്നെ മുന്നോട്ടും കളിച്ചാൽ മതി, ക്യാപ്റ്റനും മാനേജ്മെന്റും ഫുൾ സപ്പോർട്ടായി പിന്നാലെയുണ്ട്- 15 റൺസുമായി അഭിഷേക് പുറത്ത്: ഇന്ത്യ- 42-3
അഹമ്മദാബാദ്: ടി20 ലോകകപ്പ് സൂപ്പർ എട്ടിൽ ദക്ഷിണാഫ്രിക്കയ്ക്കെതിരെ 188 റൺസ് വിജയലക്ഷ്യം പിൻതുടർന്ന ഇന്ത്യയ്ക്ക് തുടരെത്തുടരെ മൂന്ന് വിക്കറ്റുകൾ നഷ്ടമായി. നാലു ബോളുകൾ നേരിട്ടെങ്കിലും റൺസൊന്നുമെടുക്കാതെ ഇഷാൻ കിഷനും, ഒരു റൺസുമായി തിലക് വർമയുമാണ് പുറത്തായത്. അതേസമയം മൂന്നുകളികളിൽ ഡക്കേൽ പുറത്തായ അഭിഷേക് രണ്ട് ഫോറുൾപെടെ 15 റൺസെടുത്ത് പുറത്തായി. അഹമ്മദാബാദ്, നരേന്ദ്ര മോദി സ്റ്റേഡിയത്തിൽ ടോസ് നേടി ബാറ്റിംഗിനെത്തിയ ദക്ഷിണാഫ്രിക്കയെ ഡേവിഡ് മില്ലർ (35 പന്തിൽ 63, ഡിവാൾഡ് ബ്രേവിസ് (29 പന്തിൽ 45), ട്രിസ്റ്റൺ സ്റ്റബ്സ് (24 പന്തിൽ പുറത്താവാതെ 44) എന്നിവരുടെ ഇന്നിംഗ്സുകളാണ് മികച്ച സ്കോറിലേക്ക് നയിച്ചത്. ഇന്ത്യക്ക് വേണ്ടി ജസ്പ്രിത് ബുമ്ര മൂന്നും അർഷ്ദീപ് സിംഗ് രണ്ടും വിക്കറ്റ് വീഴ്ത്തി. വരുണും ദുബെയും ഓരോ വിക്കറ്റുകൾ വീതവും വീഴ്ത്തി. ഗ്രൂപ്പ് ഘട്ടത്തിൽ നെതർലൻഡ്സിനെതിരെ അവസാനം കളിച്ച ടീമിൽ മാറ്റം വരുത്താതെയാണ് ഇന്ത്യ ഇറങ്ങിയത്. വാഷിംഗ്ടൺ സുന്ദർ സ്ഥാനം നിലനിർത്തി. അക്സർ പട്ടേലിന് അവസരം ലഭിച്ചില്ല. സഞ്ജുവിനും…
Read More » -
ട്രംപിന്റെ വസതിയിൽ അതിക്രമിച്ച് കയറാൻ ശ്രമം, കൈയിൽ ഷോട്ട്ഗണ്ണും ഇന്ധനം നിറച്ച കാൻഡും!! യുവാവിനെ വെടിവെച്ച് കൊലപ്പെടുത്തി യുഎസ് രഹസ്യാന്വേഷണ വിഭാഗം ഉദ്യോഗസ്ഥർ
വാഷിങ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ വസതിയിലേക്ക് അതിക്രമിച്ച് കയറാൻ ശ്രമിച്ച ആയുധധാരിയായ യുവാവിനെ യുഎസ് രഹസ്യാന്വേഷണ വിഭാഗം ഉദ്യോഗസ്ഥർ വെടിവെച്ച് കൊലപ്പെടുത്തി. ട്രംപിന്റെ ഫ്ളോറിഡയിലെ മാർ എ ലാഗോ എസ്റ്റേറ്റിലെ വസതിയിലേക്കാണ് തോക്കുധാരിയായ യുവാവ് അതിക്രമിച്ച് കയറിയത്. ഇയാളുടെ കൈയിൽനിന്നും ഷോട്ട്ഗണ്ണും ഇന്ധനം നിറച്ച കാൻഡും കണ്ടെത്തിയതായി റിപ്പോർട്ടുകളുണ്ട്. യുഎസ് സീക്രട്ട് സർവീസ് വക്താവ് ആന്റണി ഗുഗ്ലിഎൽമി എക്സ് പ്ലാറ്റ്ഫോമിൽ പങ്കുവെച്ച പോസ്റ്റിലൂടെയാണ് സംഭവം സ്ഥിരീകരിച്ചത്. ‘ഇന്ന് (ഞായർ) പുലർച്ചെ മാർ എ ലാഗോയുടെ സുരക്ഷിതമായ അതിർത്തിയിലേക്ക് നിയമവിരുദ്ധമായി കടന്നുകയറിയ ഒരു തോക്കുധാരിയെ യുഎസ് രസീക്രട്ട് സർവീസ് ഉദ്യോഗസ്ഥർ വെടിവെച്ച് കൊലപ്പെടുത്തി.’ എന്നായിരുന്നു അദ്ദേഹത്തിന്റെ പോസ്റ്റ്. ഇന്നു പുലർച്ചെ 1.30-ഓടെയാണ് സംഭവം നടന്നതെന്നും, മരിച്ചയാൾക്ക് 20 വയസിന് മുകളിൽ പ്രായം വരുമെന്നും സുരക്ഷാ ഏജൻസി പുറത്തുവിട്ട പ്രസ്താവനയിൽ പറയുന്നു. അനുമതിയില്ലാതെയാണ് യുവാവ് ഇവിടേക്ക് കയന്നുകയറിയത്. സംഭവം നടന്ന സമയത്ത് ട്രംപ് അവിടെയുണ്ടായിരുന്നില്ല. സീക്രട്ട് സർവീസ് ഉദ്യോഗസ്ഥരും പാം ബീച്ച് കൗണ്ടി…
Read More »