തലയോലപ്പറമ്പ്: മിഠായിക്കുന്നം ഭാഗത്ത് പരുത്തിക്കാട്ടുപടിയിൽ വീട്ടിൽ സുരേഷ് മകൻ രാഹുൽ എസ്(27) എന്നയാളെയാണ് കാപ്പാ നിയമപ്രകാരം കോട്ടയം ജില്ലയിൽ നിന്നും ആറു മാസക്കാലത്തേക്ക് നാടുകടത്തിയത്. ജില്ലാ പോലീസ് മേധാവി കെ.കാർത്തിക്കിന്റെ റിപ്പോർട്ടിന്റെ അടിസ്ഥാനത്തിലാണ് നടപടി. ഇയാള്ക്കെതിരെ കടുത്തുരുത്തി പോലീസ് സ്റ്റേഷൻ, കടുത്തുരുത്തി എക്സൈസ്, തലയോലപ്പറമ്പ് പോലീസ് സ്റ്റേഷൻ എന്നിവിടങ്ങളില് അടിപിടി, കഞ്ചാവ് കടത്ത്, മോഷണം തുടങ്ങിയ കേസുകള് നിലവിലുണ്ട്. ജനങ്ങളുടെ സ്വൈര്യ ജീവതത്തിന് തടസ്സം സൃഷ്ടിക്കുന്ന കുറ്റവാളികൾക്കെതിരെ ശക്തമായ നിയമനടപടിയാണ് ജില്ലാ പോലീസ് സ്വീകരിച്ചുവരുന്നത്. തുടർന്നും ഇത്തരക്കാർക്കെതിരെ കാപ്പാ പോലുള്ള ശക്തമായ നിയമനടപടി സ്വീകരിക്കുമെന്നും ജില്ലാ പോലീസ് മേധാവി പറഞ്ഞു.
Related Articles
Check Also
Close